Brahmacharyam

 ब्रह्मचर्यम् 
यस्मिन् प्रदीपे शलभन्ति दोषाः
      यस्मिन् सुधांशौ परितापशान्तिः ।
यस्मिन् समुद्रे गुणरत्नभूति-
      स्तद् ब्रह्म को न स्पृहयेत् सचेताः ॥ १॥

यस्मिन् दिनेशे परितप्यमान-
      उपद्रवध्वान्तमुपैति नाशम् ।
इष्टार्थसम्पादनकल्पवृक्षेऽ-
      स्मिन् ब्रह्मचर्ये सुधियो यतेरन् ॥ २॥

सिंहासने चोपविशन् सुरेन्द्रः
      प्रवन्दते यान् शुचिभक्तिनम्रः ।
ते ब्रह्मचर्यव्रतबद्धचित्ता
      मनस्विनो मर्त्त्यभुवां जयन्ति ॥ ३॥

फलन्ति मन्त्रा वहते च कीर्त्ति-
      रध्यासते सन्निधिमप्यमर्त्याः ।
यस्मिन् सति प्रस्फुरितप्रभावे
      तद् ब्रह्मचर्य सुविचारलभ्यम् ॥ ४॥

अस्थ्नां प्रभूतं बलमपर्यन्तं
      रक्तप्रवाहं प्रविकासयन्तम् ।
मुखे प्रतापारुणतां दधानं
      न कः सुधीर्ब्रह्मयमं सुरक्षेव् ॥ ५॥

न तं शरत्पर्वहिमांशुरोचिः
      प्रह्लादमुत्पादयितुं क्षमेत ।
न तं रसं दिव्यफलानि चापि
      ह्लादं रसं ब्रह्म यमातनोति ॥ ६॥

इति मुनि न्यायविजयो न्यायतीर्थः विरचितः 
         ब्रह्मचर्योपदेशः सम्पूर्णः ।


Proofread by Varun P.