% Text title : Bhuvana Kosha Dvipa Varnanam % File name : bhuvanakoshadvIpavarNanam.itx % Category : misc % Location : doc\_z\_misc\_general % Transliterated by : Ruma Dewan % Proofread by : Ruma Dewan % Latest update : November 12, 2023 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Bhuvanakoshadvipavarnanam in Brahmapurana ..}## \itxtitle{.. brahmapurANAntargate bhuvanakoshadvIpavarNanaM ..}##\endtitles ## munaya UchuH \- aho sumahadAkhyAnaM bhavatA parikIrtitam | bhAratAnAM cha sarveShAM pArthivAnAM tathaiva cha || 1|| devAnAM dAnavAnAM cha gandharvoragarakShasAm | daityAnAmatha siddhAnAM guhyakAnAM tathaiva cha || 2|| atyadbhutAni karmANi vikramA dharmanishchayAH | vividhAshcha kathA divyA janma chAgryamanuttamam || 3|| sR^iShTiH prajApateH samyaktvayA proktA mahAmate | prajApatInAM sarveShAM guhyakApsarasAM tathA || 4|| sthAvaraM ja.DamaM sarva mutpannaM vividhaM jagat | tvayA proktaM mahAbhAga shrutaM chaitanmanoharam || 5|| kathitaM puNyaphaladaM purANaMshlakShNayA girA | manaHkarNasukhaM samyakprINAtya mR^itasammitam || 6|| idAnIM shrotumichChAmaH sakala maNDala bhuvaH | vaktumarhasi sarvaj~na paraM kautUhalaM mahat || 7|| yAvantaH sAgarA dvIpAstathA varShANi parvatAH | vanAni saritaH puNyadevAdInAM mahAmate || 8|| yatpramANamidaM sarvaM yadAdhAraM yadAtmakam | saMsthAnamasya jagato yathAvadvaktumaM rhasi || 9|| lomaharShaNa uvAcha \- munayaH shrUyatAmetatsa~NkShepAdvadato mama | nAsya varShashatenApi vaktuM shakyo.ativistaraH || 10|| jambUplakShAhvayau dvIpau shAlmalashchAparo dvijAH | kushaH krau~nchastathA shAkaH puShkarashchaiva saptamaH || 11|| ete dvIpAH samudraistu sapta saptabhirAvR^itAH | lavaNekShusurAsarpirdadhidugdhajalaiH samam || 12|| jambUdvIpaH samastAnAmeteShAM madhyasaMsthitaH | tasyApi madhye viprendrA meruH kanakaparvataH || 13|| chaturashItisAha srairyojanaistasya chochChrayaH | praviShTaH ShoDashAdhastAddvAtriMshanmUrdhni vistR^itaH || 14|| mUle ShoDashasAhasrairvistArastasya sarvataH | bhUpadmasyAsya shailo.asau karNikAkArasaMsthitaH || 15|| himavAnhemakUTashcha niShadhastasya dakShiNe | nIlaH shvetashcha shR^i~NgI cha uttare varShaparvatAH || 16|| lakShapramANau dvau madhye dasha hInAstathA.apare | sahasradvitayochChrAyAstAvAdvastAriNashcha te || 17|| bhArataM prathamaM varShaM tataH kimpuruShaM smR^itam | harivarShaM tathaivAnyanmerordakShiNato dvijAH || 18|| ramyakaM chottaraM varShaM tasyaivAnu hiraNmayam | uttarAH kuravashchaiva yathA vai bhArataM tathA || 19|| navasAhasramekaikameteShAM dvija sattamAH | ilAvR^itaM cha tanmadhye sauvarNo meruruchChritaH || 20|| meroshchaturdishaM tatra navasAhasravistR^itam | ilAvR^itaM mahAbhAgAshchatvArashchAtra parvatAH || 21|| viShkambhA vitatA meroryajanAyutavistR^itAH | pUrveNa mandaro nAma dakShiNe gandhamAdanaH || 22|| vipulaH pashchime pArshve supArshvashchottare sthitaH | kadambasteShu jambUshcha pippalo vaTa eva cha || 23|| ekAdashashatAyAmAH pAdapA giriketavaH | jambUdvIpasya sA jambUrnAmaheturdvijottamAH || 24|| mahAgajapramANAni jambbAstasyAH phalAni vai | patanti bhUbhR^itaH pR^iShThe shIryamANAni sarvataH || 25|| rasena tena vikhyAtA tatra jambUnadIti vai | saritpravartate sA cha pIyate tannivAsibhiH || 26|| na svedo na cha daurgandhyaM na jarA nendriyakShayaH | tatpAnasvasthamanasAM janAnAM tatra jAyate || 27|| tIramR^ittadrasaM prApya sukhavAyuvishoShitA | jAmbUnadAkhyaM bhavati suvarNaM siddhabhUShaNam || 28|| bhadrAshvaM pUrvato meroH ketumAlaM cha pashchime | varShe dve tu munishreShThAstayormadhye tvilAvR^itam || 29|| vanaM chaitrarathaM pUrve dakShiNe gandhamAdanam | vaibhrAjaM pashchime tadvaduttare nandanaM smR^itam || 30|| aruNodaM mahAbhadramasitodaM samAnasam || sarAMsyetAni chatvAri devabhogyAni sarvadA || 31|| shAntavAMshchakrakumbhashcha kurarI mAlyavAMstathA | vaika~NkapramukhA meroH pUrvataH kesarAchalAH || 32|| trikUTaH shishirashchaiva pata~Ngo ruchakastathA | niShadhAdayo dakShiNatastasya kesaraparvatAH || 33|| shikhivAsaH savaidUryaH kApilo gandhamAdanaH | jAnudhipramukhAstadvatpashchime kesarAchalAH || 34|| meroranantarAste cha jaTharAdiShvavasthitAH | sha~NkhakUTo.atha R^iShabho haMso nAgastathA.apareH || 35|| kAlA~njarAdyAshcha tathA uttare kesarAchalAH | chaturdasha sahasrANi yojanAnAM mahApurI || 36|| merorupari viprendrA brahmaNaH kathitA divi || tasyAM samantatashchAShTau dishAsu vidishAsu cha || 37|| indrAdilokapAlAnAM prakhyAtAH pravarAH puraH | viShNupAdaviniShkAntA plAvayantIndumaNDalam || 38|| samantAdbrahmaNaH puryAM ga~NgA patati vai divaH | sA tatra patitA dikShu chaturdhA pratpadyata || 39|| sItA chAlakanandA cha chakShurbhadrA cha vai kramAt | pUrveNa sItA shailAchcha shailaM yAntyantarikShagA || 40|| tatashcha pUrvavarSheNa bhadrAshvenaiti sA.arNavam | tathaivAlakanandA cha dakShiNenaitya bhAratam || 41|| prayAti sAgaraM bhUtvA saptabhedA dvijottamAH | chakShushcha pashchimagirInatItya sakalAMstataH || 42|| pashchimaM ketumAlAkhyaM varShamanveti sA.arNavam | bhadrA tathottaragirInuttarAMshcha tathA kurUn || 43|| atItyottaramambhodhiM samabhyeti dvijottamAH | AnIlaniShadhAyAmau mAlyavadgandhamAdanau || 44|| tayormadhyagato meruH karNikAkArasaMsthitaH | bhAratAH ketumAlAshcha bhadrAshvAH kuravastathA || 45|| patrANi lokashailasya maryAdAshailabAhyataH | jaTharo devakUTashcha maryAdAparvatAvubhau || 46|| tau dakShiNottarAyAmAvAnIlaniShadhAyatau | gandhamAdanakailAsau pUrvapashchAttu tAvubhau || 47|| ashItiyojanAyAmA varNavAntarvyavasthitau | niShadhaH pAriyAtrashcha maryAdAparvatAvubhau || 48|| tau dakShiNottarAyAmAvAnIlaniShadhAyatau || meroH pashchimadigbhAge yathA pUrvau tathA sthitau || 49|| trishR^i~Ngo jArudhishchaiva uttarau varShaparvatau | pUrvapashchAyatAvetAvarNavAntarvyavasthitau || 50|| ityete hi mayA proktA maryAdAparvatA dvijAH | jaTharAvasthitA meroryeShAM dvau dvau chaturdisham || 51|| meroshchaturdishaM ye tu proktAH kesaraparvatAH || shItAntAdyA dvijAsteShAmatIva hi manoharAH || 52|| shailAnAmantaradroNyaH siddhachAraNasevitAH | suramyANi tathA tAsu kAnanAni purANi cha || 53|| lakShmIviShNvagnisUryendradevAnAM munisattamAH | tAsvAyatanavaryANi juShTAni narakinnaraiH || 54|| gandharvayakSharakShAMsi tathA daiteyadAnavAH | krIDanti tAsu ramyAsu shailadroNIShvaharnisham || 55|| bhaumA hyete smR^itAH svargA dharmiNAmAlayA dvijAH | naiteShu pApakartAro yAnti janmashatairapi || 56|| bhadrAshve bhagavAnviShNurAste hayashirA dvijAH | vArAhaH ketumAle tu bhArate kUrmarUpadhR^ik || 57|| matsyarUpashcha govindaH kuruShvAste sanAtanaH | vishvarUpeNa sarvatra sarvaH sarveshvaro hariH || 58|| sarvasyA.a.adhArabhUto.asau dvijA Aste.akhilAtmakaH | yAni kimpuruShAdyAni varShANyaShTau dvijottamAH || 59|| na teShu shoko nA.a.ayAso nodvegaH kShudbhayAdikam | svasthAH prajA nirAta~NkAH sarvaduHkhavivarjitAH || 60|| dasha dvAdashavarShANAM sahasrANi sthirAyuShaH | naiteShu bhaumAnyanyAni kShutpipAsAdi no dvijAH || 61|| kR^itatretAdikA naiva teShu sthAneShu kalpanA | sarveShveteShu varSheShu sapta sapta kulAchalAH | nadyashcha shatashastebhyaH prasR^itA yA dvijottamAH || 62|| || iti brahmapurANe bhuvanakoshadvIpavarNanam || || brahmapurANam | bhuvanakoshadvIpavarNanam || (bhUgolavarNanaM , saptadvIpavarNanaM , jambUdvIpavarNanaM , meruvarNanaM , bhAratAdinavavarShavarNanaM , maryAdaparvatavarNana~ncha) ## Notes: brahmapurANam bhuvanakoshadvIpavarNanam Chapter 16 Brahma Purāṇa ##brahmapurANa##; in this chapter has the description about Bhāratavarṣa ##bhAratavarSha ## as one of it’s subcontinent that is constituted of Nine Parts viz. Indradvīpa ##indradvIpa##, Kaśerumān ##kasherumAn##, Tāmraparṇa ##tAmraparNa##, Gabhasti ##gabhasti##, Saumya ##saumya##, Gāndharva ##gAndharva##, Varuṇa ##varuNa##, Nāga ##nAga##, and Bhārata ##bhArata##. Seven Principal Mountain Ranges, i.e. Kulaparvata ##kulaparvata ## include: Mahendra ##mahendra##, Malaya ##malaya##, Sahya ##sahya##, Śuktimata ##shuktimata##, Ṛkṣa ##RRikSha##, Vindhya ##vindhya##, Pāriyātra ##pAriyAtra##. Several regions, climes, rivers and their tributaries are outlined. The chapter numbering in the referenced publications varies. Encoded and proofread by Ruma Dewan \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}