% Text title            : Bhavya Bhuvanam Bharatam (Matrigitika)
% File name             : bhavyabhuvanaMbhAratam.itx
% Category              : misc, sanskritgeet, hkmeher
% Location              : doc\_z\_misc\_general
% Author                : Harekrishna Meher meher.hk at gmail.com
% Transliterated by     : Harekrishna Meher
% Proofread by          : Harekrishna Meher
% Description/comments  : Matrigitikanjali
% Acknowledge-Permission: Dr. Harekrishna Meher
% Latest update         : October 22, 2023
% Send corrections to   : sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Bhavya-Bhuvanam Bharatam ..}##
\itxtitle{.. bhavya\-bhuvanaM bhAratam (mAtR^igItikA) ..}##\endtitles ##
jayatu jananI janma\-bhUmI
       bhavya\-bhuvanaM bhAratam,
vijayatAM no vandanIyaM
       sundaraM dhAmAmR^itam,
       bhavya\-bhuvanaM bhAratam || (dhruvam)||
       dharitrIyaM shyAmalA,
       kAmadhenuH komalA |
       ratna\-garbhA shAshvatI,
       kalpa\-vallI bhAsvatI |
vindhya\-bhUShA sindhu\-rashanA himagiri\-shikhA sharmadA,
ramya\-ga~NgA\-sa~Nga\-yamunA mahAnadIha narmadA |
karma\-tapasAM sArtha\-tIrthaM prakR^iti\-vibhavAla~NkR^itam,
vijayatAM no vandanIyaM sundaraM dhAmAmR^itam |
bhavya\-bhuvanaM bhAratam || 1||
       bibhartti bhUti\-sampadam,
       rAShTramidaM hi shaM\-padam |
       vairi\-lochana\-bAShpadam,
       satkalAyA Aspadam |
sAMskR^itikyA ekatAyAH pu~njitA sa~njIvanI,
ma~NgalamayI ra~Nga\-lalitA nikhila\-sukhadA lekhanI |
prema\-jagatAM jaitra\-gItaM vibudha\-hR^idaye jha~NkR^itam,
vijayatAM no vandanIyaM sundaraM dhAmAmR^itam |
bhavya\-bhuvanaM bhAratam || 2||
       sAbhyudayatA\-dyotinI,
       sadAchAra\-vivarddhinI |
       labhyate sA sabhyatA,
       bhAti divyA navyatA |
chaturvargada\-shAstra\-mArgA yatra vidyA vidyate,
vishva\-madhye yadadhyAtmaM tattva\-sAraM kIrttyate |
bhAratIye mUla\-mantre jayati satyaM nAnR^itam,
vijayatAM no vandanIyaM sundaraM dhAmAmR^itam |
bhavya\-bhuvanaM bhAratam || 3||
       bhUmiriyaM sucharchitA,
       dhIra\-vIrairarchitA |
       prAchya\-parichaya\-gauravA,
       shubhA pratibhA\-vaibhavA |
yatra bhAShA\-veSha\-bhUShA\-rIti\-chalanai\-rvividhatA,
tathApyekA dIpyamAnA rAjate jAtIyatA |
eka\-mAtuH sutAH sarve bhrAtR^i\-sAmyaM satkR^itam,
vijayatAM no vandanIyaM sundaraM dhAmAmR^itam |
bhavya\-bhuvanaM bhAratam || 4||
       svArjitairUrjasvalam,
       j~nAna\-dIpairujjvalam |
       shAntyahiMsA\-sadbalam,
       tyAga\-sevA\-puShkalam |
yat trira~NgaM dhvajaM vidadhad varShamArShaM pUjyate,
lokatantraM sArvabhaumaM svIya\-bhUmnA mAnyate |
aikya\-maitrI\-bhAva\-sUtraM paramparayA sambhR^itam,
vijayatAM no vandanIyaM sundaraM dhAmAmR^itam |
bhavya\-bhuvanaM bhAratam || 5||
       yad \ldq{}vasudhA kuTumbakam\rdq{},
       nigaditaM digdarshakam |
       ambara\-chumbi\-chumbakam,
       sakala\-mAnasa\-karShakam |
mAnavikatA\-mAnayitrI yatra vAgavinashvarA,
svarNa\-varNA prIti\-pUrNA mahAmahimA susvarA |
vishva\-bandho\-rmadhura\-gandhaM yasho yasmin vistR^itam,
vijayatAM no vandanIyaM sundaraM dhAmAmR^itam |
bhavya\-bhuvanaM bhAratam |
bhAratam, bhAratam, bhAratam || 6||

             \-\- gIti\-rachanA\: DA.c harekR^iShNa\-meheraH
                  (mAtR^igItikA~njaliH\-kAvyataH)
##
(Composed in self-innovated original new lyrical 
maatraa-metre, which has been named `BhavyA')

Copyright Dr.Harekrishna Meher

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}