% Text title            : Bhaje Bharatam
% File name             : bhajebhAratamdivyadesham.itx
% Category              : misc, sanskritgeet
% Location              : doc\_z\_misc\_general
% Author                : Dr. Ramakant Shukla
% Proofread by          : Mandar Kulkarni
% Acknowledge-Permission: Dr. Ramakant Shukla, Devavani Parishad, Delhi
% Latest update         : May 10, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Bhaje Bharatam ..}##
\itxtitle{.. bhaje bhAratam ..}##\endtitles ##
sadAj~nAnavidhvaMsakArI manoj~naH
samAlokyate yatra vANI\-vihAraH |
vidhatte svamitraM cha yaH prANimAtraM
bhaje.ahaM mudA bhArataM taM svadesham |
bhaje taM mudA bhArataM divyadesham || 1||
kuTumbaM dharitrI dayA yasya mitraM
manuShyatvasevA yadIyo.asti dharmaH |
asatyaM cha shatruH samaste.api loke
bhaje.ahaM mudA bhArataM taM svadesham |
bhaje taM mudA bhArataM divyadesham || 2||
prajAtantrarakShA yadIyaM hi lakShyaM
titikShA yadIyAsti saMsAragItA |
tathaivArjavaM yasya vittaM vareNyaM
bhaje.ahaM mudA bhArataM taM svadesham |
bhaje taM mudA bhArataM divyadesham || 3||
svakIyAM bubhukShAM pipAsAM niyamya
sadA rakShitA yena bhItAH prapannAH |
yamAhurvidagdhAstathA shAntidUtaM
bhaje.ahaM mudA bhArataM taM svadesham |
bhaje taM sudA bhArataM divyadesham || 4||
na mamlau yadIyaM mukhaM niHsvatAyAM
vimUDhaM chittaM cha vittopalAbhe |
sadA dAnashIlashcha yo yAchakebhyo
bhaje.ahaM mudA bhArataM taM svadesham |
bhaje taM mudA bhArataM divyadesham || 5||
sphuradratnasa~NkAshavidvadvareNyaiH
samArAdhisAneka shAstraishcha shiShyaiH |
gabhIraishcha chittaiH sadAla~NkR^ito yo |
bhaje.ahaM mudA bhArataM taM svadesham |
bhaje taM mudA bhArataM divyadesham || 6||
kvachijjAhnavI tu~NgavIchiH prasannA
kvachidbhAnu jAgomatIvyAsashiprAH |
kvachinnarmadAyauvanashrIH yadanto
bhaje.ahaM mudA bhArataM taM svadesham |
bhaje taM mudA bhArataM divyadesham || 7||
kvachidvIrapu~njaH samutsAhadhIraH
kvachinnetR^ivargaH prajod bodharaktaH |
kvachichChIlavAn yatra sa~Ngho munInAM
bhaje.ahaM mudA bhArataM taM svadesham |
bhaje taM mudA bhArataM divyadesham || 8||
kvachidvij~nagoShThI kvachichChAstracharchA
kvachitkAvyasandhyA kvachinnATyavelA |
kvachidgItigAnaM cha yasya svabhAvo
bhaje.ahaM mudA bhArataM taM svadesham |
bhaje taM mudA bhArataM divyadesham || 9||
kalA kAlidAsasya bANasya vANI
ravIndrasya gItirvivekasya vANI |
latA\-tAnasena\-svarA yatra mugdhAH
bhaje.ahaM mudA bhArataM taM svadesham |
bhaje taM mudA bhArataM divyadesham || 10||
nivAsaH satAmAshrayaH sadguNAnAM
jarAmR^ityuhInaH prakR^ityA vilAsaH |
tathA sachchidAnandasevAparo yo
bhaje.ahaM mudA bhArataM taM svadesham |
bhaje taM mudA bhArataM divyadesham || 11||
dhanaM vidyate.adhyAtmyasa.nj~naM yadIyaM
jagadduHkhasa~NghAtavidhvaMsadakSham |
kalA yasya chetoharA bhAnti loke
bhaje.ahaM mudA bhArataM taM svadesham |
bhaje taM mudA bhArataM divyadesham || 12||
kalAj~nAnavij~nAnavANijyashodhai\-
stathA kalpanAbhAvanAtarkabodhaiH |
trilokyAM trikAle prabhAbhAsuro yo
bhaje.ahaM mudA bhArataM taM svadesham |
bhaje taM mudA bhArataM divyadesham || 13||
atItaM bhaviShyattathA vartamAnaM
jagatpreraNAdAyakaM vai yadIyam |
chaturvargasiddhiM dishan yaH prasiddho
bhaje.ahaM mudA bhArataM taM svadesham |
bhaje taM mudA bhArataM divyadesham || 14||
pavitrairvratairutsavaistIrthasa~Nghai\-
stathA darshanaj~nAnachAritryapu~njaiH |
navAbhiH kathAbhissamR^iddhashcha yo.asti
bhaje.ahaM mudA bhArataM taM svadesham |
bhaje taM mudA bhArataM divyadesham || 15||
kShipannaipalaM bhAskaraM chAryabhaTTaM
hasan\-bhAkha.DAbhA\-naraurA\-miSheNa |
bhilAI\-bukArosvanairyashcha garjan
bhaje.ahaM mudA bhArataM taM svadesham |
bhaje taM mudA bhArataM divyadesham || 16||
883
kvachichcha~nchalAyAH navInairvilAsaiH
kvachichChAradAyAstathA shuklahAsaiH |
sadA nUtano modate rAjate yo |
bhaje.ahaM mudA bhArataM taM svadesham |
bhaje taM mudA bhArataM divyadesham || 17||
kvachidrAjanI tervitAnaiH prapUrNaH |
kvachidgR^idhragomAyu saMvAdapUrNaH
kvachidyashcha sAhitya sa~NgIta pUrNaH
bhaje.ahaM mudA bhArataM taM svadesham |
bhaje taM mudA bhArataM divyadesham || 18||
kvachichchATukAraiH kvachinmAnavittaiH
kvachinmitraghAtaiH kvachidbhIta chittaiH |
kvachitsiMhanAdaishcha yashchitravarNo
bhaje.ahaM mudA bhArataM taM svadesham |
bhaje taM mudA bhArataM divyadesham || 19||
nitAntaM vihInaH kadAchittu yaH syAd
gR^ihasphoTakairdasyubhiH ShiDgasa~NghaiH |
tathA va~nchakaistaska rairbhraShTakR^ityaiH
bhaje.ahaM mudA bhArataM taM svadesham |
bhaje taM mudA bhArataM divyadesham || 20||
balAtkArahatyApahAraprahArAH
ashikShAvadhUdAhabhikShAprachArAH
kadAchittu luptAH bhaviShyanti yasmAt
(avashyaM viluptA bhaviShyantiM yasmAt)|
bhaje.ahaM mudA bhArataM taM svadesham |
bhaje taM mudA bhArataM divyadesham || 21||
\ldq{}madIyaH svadeshaH\rdq{} , \ldq{}priyaM bhArataM me\rdq{}
\ldq{}madIyA priyA mAtR^ibhUmiH pavitrA\rdq{} |
itItthaM trili~NgyAM janairgIyate yo
bhaje.ahaM mudA bhArataM taM svadesham |
bhaje taM mudA bhArataM divyadesham || 22||
na yatrA~NkushaH kasyachidvAchi shakyo
na vA kAryajAte, na vA chittavR^ittau |
vinIto.api yaH svAbhimAnavrato.asti
bhaje.ahaM mudA bhArataM taM svadesham |
bhaje taM mudA bhArataM divyadesham || 23||
madIyA parichChinnavANI yadIyAn
asheShAn visheShAn yathArthaM pragAtum |
ashaktAstyashaktAstyashaktAsti nUnaM
bhaje.ahaM mudA bhArataM taM svadesham |
bhaje taM mudA bhArataM divyadesham || 24||
aho yasya lokottaraiH stotrapu~njaiH
ramAkAntashuklo.api dhanyo.adya jAtaH |
vidagdhAshiShAM rAshibhirlAlyate cha
bhaje.ahaM mudA bhArataM taM svadesham |
bhaje taM mudA bhArataM divyadesham || 25||
na yatrAstu kashchidbubhukShAparo nA
na vA vAsahIno na vAsovihInaH |
na vA shoShitaH kvApi kenApi ko.api
bhaje.ahaM mudA bhArataM taM svadesham |
bhaje taM mudA bhArataM divyadesham || 26||
praNamyaH praNamyo mayA yaH svadeshaH
sadA kIrtanIyaH sadA vandanIyaH |
sadA vardhatAM modatAM rAjatAM yo
bhaje.ahaM mudA bhArataM taM svadesham |
bhaje taM mudA bhArataM divyadesham || 27||
upekShyeta no yatra vaiduShyapu~njo
na vai vardhatAM yatra dAridryapu~njaH |
tathA durbalAghAta AstAM na yatra
bhaje.ahaM mudA bhArataM taM svadesham |
bhaje taM mudA bhArataM divyadesham || 28||

    jaya bhAratabhUme !  (saMskR^itakAvyam)
    rachanA \- DA.c\. ramAkAnta shuklaH
##
Proofread by Mandar Kulkarni

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}