% Text title : Bharatavarshanukirtanam in Brahmapurana % File name : bhAratavarShAnukIrtanambrahmapurANa.itx % Category : misc % Location : doc\_z\_misc\_general % Transliterated by : Ruma Dewan % Proofread by : Ruma Dewan % Description/comments : brahmapurANam . svayambhvRRiShisaMvAde % Latest update : November 19, 2023 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Bharatavarshanukirtanam in Brahmapurana ..}## \itxtitle{.. brahmapurANAntargate bhAratavarShAnukIrtanam ..}##\endtitles ## brahmovAcha \- shR^iNudhvaM munayaH sarve yadvo vakShyAmi sAmpratam | purANaM vedasambaddhaM bhuktimuktipradaM shubham || 1|| pR^ithivyAM bhArataM varShaM karmabhUmirudAhR^itA | karmaNaH phalabhUmishcha svargaM cha narakaM tathA || 2|| tasminvarShe naraH pApaM kR^itvA dharmaM cha bho dvijAH | avashyaM phalamApnoti ashubhasya shubhasya cha || 3|| brAhmaNAdyAH svakaM karma kR^itvA samyaksusaMyatAH | prApnuvanti parAM siddhiM tasminvarShe na saMshayaH || 4|| dharmaM chArthaM cha kAmaM cha mokShaM cha dvijasattamAH || prApnoti puruShaH savai tasminvarShe tu saMyataH || 5|| indrAdyAshcha surAH sarve tasminvarShe dvijottamAH | kR^itvA sushobhanaM karma devatvaM pratipedire || 6|| anye.api lebhire mokShaM puruShAH saMyatendriyAH | tasminvarShe budhAH shAntA vItarAgA vimatsarAH || 7|| ye chApi svarge tiShThanti vimAnena gata jvarAH | te.api kR^itvA shubhaM karma tasminvarShe divaM gatAH || 8|| nivAsaM bhArate varSha AkA~NkShanti sadA surAH | svargApavargaphalade tatpashyAmaH kadA vayam || 9|| munaya UchuH \- yadetadbhavatA proktaM karma nAnyatra puNyadam | pApAya vA surashreShTha varjayitvA cha bhAratam || 10|| tataH svargashcha mokShashcha madhyamaM tachcha gamyate | na vAnyatra cha martyAnAM bhUmau karma vidhIyate || 11|| tasmAdvistarato brahmannasmAkaM bhArataM vada | yadi tehi dayA.asmAsu yathAvasthitireva cha || 12|| tasmAdvarShamidaM nAtha ye vA.asminvarShaparvatAH | bhedAshcha tasya varShasya brUhi sarvAnasheShataH || 13|| brahmovAcha \- shR^iNudhvaM bhArataM varShaM navabhedena bho dvijAH | samudrAntaritA j~neyAste samAshcha parasparam || 14|| indradvIpaH kasherushcha tAmravarNo gabhastimAn | nAga dvIpastathA saumyo gAndharvo vAruNastathA || 15|| ayaM tu navamasteShAM dvIpaH sAgarasaMvR^itaH | yojanAnA~ncha sAhasraM dvIpo.ayaM dakShiNottaraH || 16|| pUrve kirAtA yasyA.a.asanpashchime yavanAstathA | brAhmaNAH kShatriyA vaishyAH shuddhAshchAtra sthitA dvijAH || 17|| ijyAyuddhavaNijyAdyaiH karmabhiH kR^itapA vanAH | teShAM sadvyavahArashcha ebhiH karmabhiriShyate || 18|| svargApavargahetushcha puNyaM pApaM cha vai tathA | mahendro malayaH sahyaH shuktimAnR^ikShaparvataH || 19|| vindhyashcha pAriyAtrashcha saptaivAtra kulAchalAH | teShAM sahasrashashchAnye bhUdharA ye samIpagAH || 20|| vistArochChrayiNo ramyA vipulAshchitrasAnavaH | kolAhalaH sa vaibhrAjo mandaro dardalAchalaH || 21|| vAtAdhvago daivatashcha mainAkaH surasastatho | tu~Ngaprastho nAgagirirgodhanaH pANDurAchalaH || 22|| puShpagirirvaijayanto raivato.arbuda eva cha | R^iShyamUkastu gomanthaH kR^itashailaH kR^itAchalaH || 23|| shrIparvatashchakorashcha shatasho.anye cha parvatAH || tairvimishrA janapadA mlechChAdyAshchaiva bhAgashaH || 24|| taiH pIyante sarichChreShThAstA budhyadhvaM dvijottamAH | ga~NgA sarasvatI sindhushchandrabhAgA tathA.aparA || 25|| yamunA shatadrurvipAshA vitastairAvatI kuhUH | gomatI dhUtapApA cha bAhudA cha dR^iShadvatI || 26|| vipAshA devikA chakShurniShThIvA gaNDakI tathA | kaushikI chA.a.apagA chaiva himavatpAdaniHsR^itAH || 27|| devasmR^itirdevavatI vAtaghnI sindhureva cha | veNyA tu chandanA chaiva sadAnIrA mahI tathA || 28|| charmaNvatI vR^iShI chaiva vidishA vetravatyapi | shiprA dravantI cha tathA pAriyAtrAnugAH smR^itAH || 29|| shoNA mahAnadI chaiva narmadA surathA kriyA | mandAkinI dashArNA cha chitrakUTA tathA.aparA || 30|| chitrotpalA vetravatI karamodA pishAchikA | tathA.anyA.atilaghushroNI vipAshA shaivalA nadI || 31|| samerujA shaktimatI shakunI tridivA kramuH | R^itapAdaprasUtA vai tathA.anyA vegavAhinI || 32|| shiprA payoShNI nirvindhyA tApI chaitra saridvarA | veNA vaitaraNI chaitra sinIvAlI kumudratI || 33|| toyA chaiva mahAgaurI durgA chAntaHshilA tathA | vindhyapAda prasUtAstA nadyaH puNyajalAH shubhAH || 34|| godAvarI bhImarathI kR^iShNaveNA tathA.a.apagA | tu~NgabhadrA suprayogA tathA.anyA pApanAshinI || 35|| sahyapAda viniShkrAntA ityetAH saritAM varAH | kR^itamAlA tAmraparNI puShpavatyupalAvatI || 36|| malayAdisamudbhUtAH puNyAH shItajalAstvimAH | pitR^isomarShi kulyA cha va~njulA tridivA cha yA || 37|| lA~NgalinI vaMshakarA mahendraprabhavAH smR^itAH | suvikAlA kumArI cha manugA mandagAminI || 38|| kShayA palAshinI chaiva shuktimatprabhavAH smR^itAH | sarvAH puNyAH sarasvatyaH sarvA ga~NgAH samudgAH || 39|| vishvasya mAtaraH sarvAH sarvAH pApaharAH smR^itAH | anyAH sahasrashaH santi kShudranadyo dvijottamAH || 40|| prAvR^iTkAlavahAH santi sadA kAlavahAshcha yAH | matsyAH kumudamAlyAshcha R^itulAH kAshikoshalAH || 41|| (matsyA mukuTakulyAshcha kuntalA kAshikoshalAH) || 41|| andhakAshcha kali~NgAshcha mashakAshcha vR^ikaiH saha | madhyadeshA janapadAH prAyasho.amI prakIrtitAH || 42|| sahyasya chottare yastu yatra godAvarI nadI | pR^ithivyAmapi kR^itsnAyAM sa pradesho manoramaH || 43|| govardhanapuraM ramyaM bhArgavasya mahAtmanaH | vAhIkarATadhAnAshcha sutIrAH kAlatoyadAH || 44|| aparAntAshcha shUdrAshcha bAhikAshcha sakeralAH | gAndhArA yavanAshchaiva sindhusauvIramadrakAH || 45|| shataguhAH kali~NgAshcha pAradA haribhUShikAH | mATharAshchaiva kanakAH kaikeyA dambhamAlikAH || 46|| kShattriyopade shAshcha vaishyashUdrakulAni cha | kAmbojAshchaiva viprendrA barbarAcha salaukikAH || 47| vIrAshchaiva tuShArAshcha pahlavAdhAyatA narAH | AtreyAshcha bharadvAjAH puShkalAshcha dasherakAH || 48|| lampakAH shunashokAshcha kulikA jA~NgalaiH saha | auShadhyashchalachandrAshcha kirAtAnAM cha jAtayaH || 49|| tomarA haMsamArgAshcha kAshmIrAH karuNAstathA | shUlikAH kuhakAshchaiva mAgadhAshcha tathaiva cha || 50|| ete deshA udIchyAstu prAchyAndeshAnnibodhata || andhA vAma~NkurAkAshcha vallakAshcha makhAntakAH || 51|| tathA.apare.a~NgA va~NgAshcha maladA mAlavartikAH | bhadratu~NgAH pratijayA bhAryA~NgAshchApamardakAH || 52|| prAgjyotiShAshcha madrAshcha videhAstAmraliptakAH | mallA magadhakA nandAH prAchyA janapadAstathA || 53|| athApare janapadA dakShiNApathavAsinaH || pUrNAshcha kevalAshchaiva golA~NgUlAstathaiva cha || 54|| R^iShikA muShikAshchaiva kumArA rAmaThAH shakAH | mahArAShTrA mAhiShakAH kali~NgAshchaiva sarvashaH || 55|| AbhIrAH saha vaishikyA aTavyAH saravAshcha ye | pulindAshchaiva mauleyA vaidarbhA daNDakaiH saha || 56|| paulikA maulikAshchaitra ashmakA bhojavardhanAH | kaulikAH kuntalAshchaiva dambhakA nIlakAlakAH || 57|| dAkShiNAtyAstvamI deshA hyaparAntAnnibodhata | shUrpArakAH kAlidhanA lolAstAlakaTaiH saha || 58|| ityete hyaparAntAshcha shR^iNudhvaM vindhyavAsinaH | malajAH karkashAshchaiva melakAshchokaiH saha || 59|| uttamArNA dashArNAshcha bhojAH kiShkindhakaiH saha | toShalAH koshalAshchaiva traipurA vaidishAstathA || 60|| tumburAstu charAshchaiva yavanAH pavanaiH saha | abhayA ruNDikerAshcha charcharA hotradhartayaH || 61|| ete janapadAH sarve tatra vindhyanivAsinaH | ato deshAnpravakShyAmi parvatAshrayiNashcha ye || 62|| nIhArAstuShamArgAshcha kuravastu~NgaNAH khasAH | karNaprAvaraNAshchaiva UrjA darghAH saku~nchakAH || 63|| chitramArgA mAlavAshcha kirAtAstomaraiH saha | kR^itatretA dikashchAtra chaturyugakR^ito vidhiH || 64|| evaM tu bhArataM varSha navasaMsthAnasaMsthitam | dakShiNe parato yasya pUrve chaiva mahodadhiH || 65|| himavAnuttareNAsya kArmukasya yathA guNaH | tadetadbhArataM varSha sarvabIjaM dvijottamAH || 66|| brahmatvamamareshatvaM devatvaM marutAM tathA | mR^igayakShApsaroyAniM tadvatsarpa sarIsR^ipAH || 67|| sthAvaraNAM cha sarveShAmito viprAH shubhAshubhaiH | prayAnti karmabhUrviprA nAnyA lokeShu vidyate || 68|| devAnAmapi bho viprAH sadaivaiSha manorathaH | bhArataM bhavamApsyAmo devatvAtprachyutAH kShitau || 69|| mAnuShyaM kurute yattu tanna shakyaM surAsuraiH | tatkarma nirataistaistu tatkarmakShapaNonmukhaiH || 70|| na bhAratasamaM varShaM pR^ithivyAmasti bho dvijAH | yatra viprAdayo varNAH prApnuvantyAbhivA~nChitam || 71|| dhanyAste bhArate varShe jAyante ye narottamAH | dharmArthakAmamokShANAM prApnuvanti mahAphalam || 72|| prApyate yatra tapasaH phalaM paramadurlabham | sarvadAnaphalaM chaiva sarva yaj~naphalaM tathA || 73|| tIrthayAtrAphalaM samyak gurusevAphalaM tathA | devatArAdhanaphalaM gArhasthye chaiva yatphalam || 74|| yatra devAH sadA hR^iShTA janma vA~nChanti shobhanam | nAnAvataphalaM chaiva nAnAshAstraphalaM tathA || 75|| ahiMsAdiphalaM samyakphalaM sarvAbhivA~nChitam | brahmacharyaphalaM chaiva svAdhyAyena cha yatphalam || 76|| yatphalaM vanavAsena sa.nnyAsena cha yatphalam | iShTApUrtaphalaM chaiva tathA.anyachChubhakarmaNAm || 77|| prApyate bhArate varShe na chAnyatra dvijottamAH | kaH shaknoti guNAnvaktuM bhAratasyAkhilAndvijAH || 78|| evaM samya~NmayA proktaM bhArataM varShamuttamam | sarvapApaharaM puNyaM dhanyaM buddhivivardhanam || 79|| ya idaM shR^iNuyAnnityaM japedvA niyatendriyaH | sarvapApairvinirmukto viShNulokaM sa gachChati || 80|| || iti brahmapurANe bhAratavarShAnukIrtanam || || brahmapurANam | svayambhvR^iShisaMvAde bhAratavarShAnukIrtanam || (bhAratakhaNDaprAshastyarNanam, tatsthagirinadInAM varNanam, tadantargatAnAnAvidhadeshavarNanam, tanmAhAtmyaphalakathana~ncha) ## .. brahmapurANam . svayambhvRRiShisaMvAde bhAratavarShAnukIrtanam .. (bhAratakhaNDaprAshastyarNanam, tatsthagirinadInAM varNanam, tadantargatAnAnAvidhadeshavarNanam, tanmAhAtmyaphalakathanancha) Notes: Brahma Purāṇa ##brahma purANa##; in this chapter has the description about Bhāratavarṣa ##bhAratavarSha ## as one of it’s subcontinent that is constituted of Nine Parts viz. Indradvīpa ##indradvIpa##, Kaśerumān ##kasherumAn##, Tāmraparṇa ##tAmraparNa##, Gabhasti ##gabhasti##, Saumya ##saumya##, Gāndharva ##gAndharva##, Varuṇa ##varuNa##, Nāga ##nAga##, and Bhārata ##bhArata##. Seven Principal Mountain Ranges, i.e. Kulaparvata ##kulaparvata ## include: Mahendra ##mahendra##, Malaya ##malaya##, Sahya ##sahya##, Śuktimata ##shuktimata##, Ṛkṣa ##R^ikSha##, Vindhya ##vindhya##, Pāriyātra ##pAriyAtra##. Several regions, climes, rivers and their tributaries are outlined. The chapter numbering in the referenced publications varies. Encoded and proofread by Ruma Dewan \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}