Bharata Viragatha

भारतवीरगाथा

गेहे गेहे रे! गीयतां गेहे रे! गीयताम् । महावीर-नरगाथा ॥ इह देशे बभूव धनुर्धारी - आर्य देशे बभूव धनुर्धारी, दृश्यते च वैभवं - यस्य संयुगे कथम् । रामचन्द्रो दशाननहन्ता रे ! ॥ १॥ गेहे गेहे रे! गीयताम् ॥ मम देशे बभूव गदाधारी - आर्यदेशे बभूव गदाधारी, दुष्ट-शत्रुनाशनं - येन सर्वदा कृतम् । भीमसेनः सुयोधनहन्ता रे! ॥ २॥ गेहे गेहे रे! गीयताम् ॥ इह देशे त्यागिनो राजानो मम देशे त्यागिनो राजानः, स्वाभिमान रक्षणं - येन सर्वदा कृतम् । प्रणवीरः प्रतापी राणा रे! ॥ ३॥ गेहे गेहे रे! गीयताम् ॥ मम देशे धर्मरक्षा विहिता - आर्य देशे वेदसंस्कृतिरुच्चा, यावनोन्मूलको - वेदधर्मरक्षिता । छत्रपोऽयं शिवाजी राजा रे ! ॥ ४॥ गेहे गेहे रे! गीयताम् ॥ --- प्रशस्यमित्रशास्त्री