% Text title            : BhAratam Atmanirbharam
% File name             : bhAratamAtmanirbharam.itx
% Category              : misc, sanskritgeet, hkmeher
% Location              : doc\_z\_misc\_general
% Author                : Harekrishna Meher meher.hk at gmail.com
% Transliterated by     : Harekrishna Meher
% Proofread by          : Harekrishna Meher
% Description/comments  : Svasti-Kavitanjalih (Sanskrit Gitikavya)
% Acknowledge-Permission: Dr. Harekrishna Meher
% Latest update         : December 17, 2023
% Send corrections to   : sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Bharatam Atmanirbharam ..}##
\itxtitle{.. bhAratamAtmanirbharam ..}##\endtitles ##
asmAkametasya pavitra\-dhAmno
vikhyAta\-nAmnaH priya\-bhAratasya |
shrutaM chiraM sAMskR^itikaM mahattvaM
vyaktaM hi deshAtmabalaM jagatyAm || 1||
AsmAkInaM bhArataM janmabhUmiH
pUjyaM sarvaiH bhArataM karmabhUmiH |
tasyAmevaM svAvalambo vidheyaH
svIyodyogaiH saukhyarAshiH pradeyaH || 2||
artho.asti mUlaM khalu jIvikAyA
dhyAnaM pradeyaM sutarAM tadartham |
nArthaM vinA jIvanamasti sArthaM
mUlyaM yato.arthasya mahat prashasyam || 3||
gR^ihe kuTumba\-pratipoShaNArthaM
santyarthalAbhAya janAH kR^itodyamAH |
kR^itvA nishAhaM nitarAM parishramaM
vittaM svayogyaM samupArjituM kShamAH || 4||
shramasya mUlyaM bhavatIha nAlpaM
jAnAti karmI nija\-marmagAthAm |
kShetreShvanekeShu janaH shramasya vai
samyak prakuryAd viniyogamevam || 5||
na sarvadA.anyopari nirbharatvaM
kAmyaM hi loke vividhe prasa~Nge |
svAtmAvalambI labhate svabud.hdhyA
modaM pratoShaM draviNaM cha gauravam || 6||
yAch~nA pareShAM purato na shobhanA
hasta\-prasArastanute svadInatAm |
tadAtmanaivAtmana iShTa\-sAdhanaM
kuryAd yathAshakti jano vivekavAn || 7||
dharmo hi karmAcharaNaM svakIyaM
tatraiva chittaM suniveshayen naraH |
svakarma\-saktiH khalu gauravAvahA
svakarmayogaH satataM shubhAspadam || 8||
j~nAna\-karma\-bhaktimArga\-mAdhyamena nishchitaM
svAvalambashIlatA hi bhArate virAjatAm |
hArdikI sahAyatA sugIyatAM parasparaM
nUtanaM chirantanaM svabhArataM virAjatAm || 9||
svanirbharatve nija\-desha\-mudrAH
sthAsyanti nUnaM nija\-deshamadhye |
svadeshi\-vastu prati loka\-chittaM
bhavet samAkarShitameva nityam || 10||
vaideshikaM vastu vihAya kAryaH
svadeshi\-vastu\-vyavahAra evam |
arthavyavasthA sudR^iDhA tato bhavet
svanirbharatve sati bhArate naH || 11||
udyoga\-saMsthA bR^ihatI bhaven navA
kShudrApi deshe vividhA bhaviShyati |
janA niyuktiM sutarAM labheran
svalpe cha shilpe.apyathavA vishAle || 12||
AvashyakIM chArtha\-sahAyatAM vai
karttuM sayatnAH priya\-sarvakArAH |
svechChAnusAraM hyanukUlamiShTaM
cheShyanti kAryaM nija\-deshavAsinaH || 13||
deshe svake nAgarikA hi bhArate
prApsyanti sAmarthyamupArjanArtham |
anena vR^iddhiM nija\-karmadakShatA
yAtA svakAryeShu janasya kurvataH || 14||
tyaktvA svarAjyaM samupArjanArthaM
gantavyamanyatra na bhAvi jIvitum |
sthitvA svarAjye pratibhAM vikAshayan
jano bhaved vai gR^ihe chAtmanirbharaH || 15||
bhavet sameShAM sahabhAgitA mithaH
parasparaM sambhavitA sahAyatA |
kendrasya rAjyasya cha sarvakArAH
sarve sahAyA bhavitAra evam || 16||
janAH prakAmaM svayameva kaushalaM
kArye svadeshe vividhe labheran |
abhIShTa\-karmAdiShu sanniyuktAH
svIyAvalambaM gamitAro nanditAH || 17||

\-\- rachayitA \: DA.c harekR^iShNa\-meheraH
##
Copyright Dr.Harekrishna Meher

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}