% Text title            : balarAmadAsaH
% File name             : balarAmadAsaH.itx
% Category              : misc, article, pradIptakumArananda
% Location              : doc\_z\_misc\_general
% Author                : (Copyright) Pradipta Kumar Nanda, Kendrapara, Orissa pknanda65 at gmail.com
% Transliterated by     : Pradipta Kumar Nanda
% Proofread by          : Pradipta Kumar Nanda
% Acknowledge-Permission: (Copyright) Pradipta Kumar Nanda
% Latest update         : August 4, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shUdramuniH balarAmadAsaH ..}##
\itxtitle{.. shUdramuniH balarAmadAsaH ..}##\endtitles ##
lekhakaH \- nandapradIptakumAraH

madhyayugIya oDiA sAhityasya prakhyAta sAhityikaH pa~nchasakhiShu jyeShTho balarAmadAsaH anyatamaH vilakShaNapratibhAsa.npannashcha babhUva | asau mahAtmA na kevalaM j~nAnibhakteShu sammAnita apitu mahAtmanA chaitanyenApi abhinanditaH iti chaitanyabhAgavate chaitanyacharitAmR^ite cha prAmANika\-viShayaH | shrIjagannAthasya ananyabhakteShu balarAmaH shreShThatamaH j~nAnInAmagragaNya AsIt |

yadyapi asya mahAnubhAvasya janmaviShaye va.nshAnucharita\-viShaye cha kimapi visheShatathyaM na samupalabhyate tathApi asau mahApuruShaH 1472 1484 vA khriShTAbda\-madhye (koNArka) gopa antargata \ldq{}eraba.nga\rdq{} nAmake sthAne ekasmin shudraparivAre utkalarAjye janimalabhata | tatra adyApi tasya smR^itayaH milanti | yathA balarAmasya mandiraM vidyate | eraba.ngasya anatidUre \ldq{}beguniA\rdq{} iti sthAne tasya samAdhipITho vartate | kaviH vaiShNava AsIt mAtra na sannyAsI, vastutaH Adarsho gR^ihI eva | jagamohana rAmAyaNasya antime kANDe kavinA proktam\-
\ldq{}bhAvagrAhI prabhu mote dayA kale |
hR^idayare vasi mote rAmAyaNe kahile ||
se prabhu kavitva aTai ethira |
lobhe mohara nAma bhaNAili granthara ||
paNDita jana shuNi na dhara mo doSha |
samudra pa.nharibAku kala.ni sAhasa ||
nArAyeNa prasAde bhavasindhu tari |
ehA jANiNa sharadhA hoilA mohori ||
janmeNa shUdra mu.nhi alapa vayesa |
grantha karivA kAle vayasa vatisha ||
dArA suta dhana sukha bhoga shirI |
arogI dAtApaNa deiChanti hari ||
e marttyaloke muM jagannAtha sevivi |
iChA hoile puNa vaikuNThaku yivi || \rdq{} iti | \rdq{}

IshvaradAsasya chaitanyabhAgavate saH yAjapura pradeshe chandrapure ajAyata iti likhitamasti | kintu dArDhyatAbhakti rasAmR^ita\-pustake saH saparivAraM puryAM avasat iti j~nAyate |  asya pitA somanAtha mahApAtraH mAtA cha yamunAdevI AstAm | tasya pitA pratAparudra devasya karmachArI AsIt | ante so.api pratAparudra devasya rAjabhavane rAjasevAM kR^itavAn | chaitanyadevasya sammelanena tena rAjasevAM vihAya vaiShNavadharmaM  gR^ihItavAn | ekadA saH jagannAthamandirasthita muktimaNDapasabhAyAM vedAntashAstre paNDitagoShThIShu bhAgaM gR^ihItavAn | kintu tadAnIntana paNDitAH taM shUdra iti manyamAnAH anAdaraM kR^itavantaH | atyadhika bhAvapravaNatA sakAshAt kechana taM matta balarAma iti kathayanti | tatprokta bhagavadgItAyAM tena svaparichayaH idR^ishaH pradattaH\-
mahApAtra somanAtha tanaye |
balarAmadAsa gItAre kahe || api cha rAmAyaNsya AdikANDe tena bhaNitam |
\ldq{}somanAtha mahApAtra kole hoili sambhUta |
ehuM pitA mora viShNure bhakata ||
teNu jagannAtha mote dayA kale |
rAmAyaNa grantha mo mukhe vakhANile ||
mahAmantrIvara somanAtha mahApAtra |
balarAma dAsa muM ye tAhA.nkara putra || \rdq{} iti |

balarAmadAsa ekAdhAreNa kaviH sAdhakaH bhaktashcha | pratyekakShetre sa ananyaguNasa.npanna AsIt | bhaktisAhityapara.nparAsu j~nAna\-yoga\-bhaktInAmekIkaraNaM  tasya anavadya\-kR^itisu anyatamam | utkalIya vaiShNava dharmasya pa~nchasAdhakAH \ldq{}pa~nchasakhA\rdq{} iti utkalabhAShayA parichitAH santi | balarAma\-jagannAtha\-achyutAnanda\- yashovanta\-anantadAsAH pa~nchasakhAyaH bhavanti | achyutAnandasya \ldq{}shUnyasa.nhitA\rdq{} yAM yashovantasya \ldq{}chaurAshI\-Aj~nA\rdq{} yAM cha pa~nchasakhInAM samyak sUchanA milati | kintu chaitanya charitAmR^ite chaitanya bhAgavate cha eteShAM viShaye na kimapi tathyaM samupalabhyate | divAkaradAsasya jagannAtha charitAmR^ite balarAmadAsa viShaye likhitamAste | 15/09/1510 khrIShTAbde chaitanyena saha balarAmasya sa.nyogo vihitaH | chaitanyadevaH balarAmasya pratibhayA vimugdho.abhUditi katipayeShu grantheShu upalabhyate | kathyate balarAmo veshyAsakta AsIt | yamunAnAmnI kAmapi veshyAlayaM saH pratyahaM gachChati sma | ekadA rathayAtrAkAle sahasA veshyAgR^ihAdAgatya saH rathamupari AgatavAn | sevakAH balarAmaM vAritavantaH | tadA balarAmaH samudratIraM gatvA tatra sikatAbhiH rathaM nirmAya rathayAtrAM kR^itavAn | atra baDadANDe rathaH na chalitaH | pashchAt jagannAthasya svapnAdeshena rAjA balarAmaM kShamAM yAchitvA sasammAnaM taM punaH rathaM prati AnItavAn | vastutaH yamunA na veshyA.a.asIt | jagannAthasya paramA sAdhikA AsIt | jagannAthasya nirdeshena hi balarAmaH pratyahaM yamunAgR^ihaM gachChti sma |

balarAmadAsaH siddhasAdhakasthathA prakhyAto haThayogI AsIt | piNDa\-brahmANDatattveShu tasya sAdhanA balIyasI AsIt | prabuddha\-balarAmasya jagannAthe AsIt akhaNDa vishvAsaH | tanmatAnusAraM jagannAthaH svayaM vaikuNThavAsI |  purI eva nityadhAma | kAyAsAdhanayA hi mokShaprAptiH charamalakShyam | etad balarAmadAsasya mukhya\-darshanam | j~nAna\-yoga\-bhaktInAM samIkaraNArthaM hi balarAmasya prayAso.atra siddhaH |  |

balarAmadAsa AsIt jAtismaraH | sAralAdAsaH gorakShanAtha iva tatpUrvajanmavR^itAntaH tena bahuShu grantheShu samullikhitaH | tathAhi rAmAyaNasya la.nkAkANDe\-
\ldq{}muM balarAmadAsa rAmAyaNa abatAre thili |
dihuDi dhariNa mu samasta dekhili ||
mate Aj~nA dele marttya puraku yibu |
kaliyuge shUdramuni hoiNa janamibu ||
janmahuM varNakathA sumaribu tuhi |
shrIjagannAtha prabhu ye mohara gosA.ni\rdq{} || iti | yadi vA balarAmaH shUdra AsIt kintu na adhamaH nApi patitaH nApi aj~nAnI eva | kaveH vinamratA hi tasya svabhAvaM pramANayati | taduktiH ayodhyA kANDe\-
\ldq{}mu.nhi pAmara ye visheShe shUdrayoni |
suj~na jane kopa na karibe ehA shuNi ||
nIlagiri jagannAtha kiChu dayA kalA |
teNu se granthamo hR^idaru sphurilA ||
balarAma dAsa muM shrIhari sebaka |
shuNi upahAsa na kara duShTa loka \rdq{} ||

tanmatAnusAraM manuShyaH brAhmaNagR^ihe jAte sati na brAhmaNo bhavituM pArayati, karma manuShyaM brAhmaNaM karoti shUdraM vA karoti | tasmAt karma pradhAnamatra |  purANAlochana\-shAstrAlochana\-sabhAyAM tasya sadaiva yogadAnamAsIt |  balarAmadAsasya pratibhAM sandarshya tadAnIM brAhmaNAnAM irShA sImA la.nghitA  | ekadA muktimaNDape bhagavadgItA\-AlochanA prasa.nge shUdro balarAmaH upasthita AsIt | paNDita\-brAhmANAstaM tatra dR^iShTvA bharsitavantaH | taM vitADayituM rAjAnaM pratAparudradevaM anurodhitavantaH | kintu ekena shUdramukhena vedochchArayituM  balarAmaH brAhmaNAnAM  sammukhe pratij~nAM kR^itavAn | tadA paNDitAH janaikaM muka\-vadhira\-bhikShuka\-haridAsaM  muktimaNDapaM prati AnItavantaH | yadA balarAmaH haridAsasya mastakasparshaM kR^itavAn  tadA sa nirargalatayA vedapAThaM chakAra | etaddR^iShTvA paNDitAH AshcharyachakitAH babhUvuH | rAjA balarAmasya alaukIkatAM sannirIkShya prasanno.abhUt | sasammAnaM balarAmaM praNAmaM chakAra | shrUyate jagamohana\-rAmAyaNa\-rachanAvasare balarAmadAsaH prabhu\-jagannAthena saha la.nkAM gatavAn | tasminneva kAle jagannAthaH balarAmAya kimapi suvarNahAraM rakShaNAya pradattaH | prAtaH shrImandire sevakaiH jagannAtha samIpe hAro na dR^iShTaH | atra balarAmaH jagannAthasya hAraM sva samIpe dR^iShTvA tasmai pratyAvarttayituM   shrImandiramAgatavAn | sarve balarAmaM chaura iti kathitavantaH | kArAgAre.api  nipatitaH saH | rAtrau svapne balarAmasya svarUpaM  mahAprabhoH j~nAtvA kShamAM yayAcha kArAmuktaM cha chakAra rAjA | jagannAthaH sadaiva siddha\-yoginibhiH prapUjitaH iti balarAma abhANi |

balarAmadAsaH rAmatArakamantrasya siddhasAdhaka AsIt | samagra\-madhyayugIya\-sAhityeShu balarAmasya katipayAni sAhityAni kusa.nskArAdi kShetreShu samAjaviplavasya vahniM prajvAlayanti | sammAja sa.nskArakAryeShu sahAyakAH bhavanti |   balarAmasya bahavo rachanAvalyaH dR^iShTigocharA bhavanti | teShu jagamohana rAmAyaNa(dANDi rAmAyaNa)\- brahmapurANa\-mahAbhArata\- chaNDIpurANa\- lakShmIpurANa\- kurAlapurANa\- nAmaratnagItA\-mR^iguNIstuti\- durgAstuti\- kAntakoili\- kamalalochana chautiShA\-vAramAsI\- bhAvasamudra\- vaTa avakAsha\-bhakti rasAmR^ita sindhu\- sabhAvinoda\- rAmavibhA\-kR^iShNalIlA\-rasakeli\- brahmANDabhugola\- sharIrabhugola\- beDhA parikramA\-arjunagItA\- gajanistAraNa gItA\- bhagavadgItA\- amarakoshagItA\- guptagItA\- Chatisha guptagItA\- garuDa gItA\-virATagItA\- gaNesha vibhUti gItA\- gItAsAra\-nIlasundara gItA\- kalibhArata\- baulA adhyAya\- paNasa chorI ityAdi granthAH vaishiShTyamAvahanti | eShu grantheShu jagamohana rAmAyaNaM sAhityadR^iShTyA atyunnatam | dANDi rAmAyaNaM saptakANDa vishiShTam | mUla\-sa.nskR^ita\-rAmAyaNasya svAdhInAnuvAdaH | brahmANDa bhugolaH tattvamUlakaH | atra piNDa\-brahmANDavivaraNI samupalabhyate |  guptagItA vA brahmagItA gadyapadyayoH sa.ngaThanam, AdhyAtmikI pravR^ittiH | amarakoShagItA virATagItayoH brahmaj~nAnaM prachuram | j~nAnachUDAmaNiH gadyaH yaugikaH  | shrImadbhagavadgItA mUlagItAyAH sahaja lokaprasiddhaH padyAnuvAdaH | lakShmIpurANaM kShudrakAvyam | nArIsashaktIkaraNa\-vishuddha\-bhakteshcha pratipAdanamatra |  anye granthAH AdhyAtmikachetanAShu paripUrNAH |  jagamohana rAmAyaNaM dANDivR^ittena (viShamAkShara) likhitamasti | svakIya maulikapratibhayA tena rAmAyaNasya virachanaM kR^itam nAnuvAdena | tAtkAlika samAjasya jAtibhedaprathAM  vilokya satshikShAyai tena lakShmIpurANaM sa.npAditam | yattu sarveShAmutkalIyAnAM gR^ihe gR^ihe parichitam |  madhyayugIya siddhasAhitya para.nparAyAM tasya sthAnaM mahatvapUrNaM bhajate | sAhitya mAdhyamena saH AdhyAtmikaviplavaM sR^iShTikartuM samartho.abhUt | oDiAjAteH sashchiro namasyaH |

                                       \-\-\- lekhakaH \- nandapradIptakumAraH
##
Written by Dr. Pradipta Kumar Nanda, Kendrapara, Orisa pknanda65 at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}