अरुणाचलपिनाकिनीस्तुतिश्च
%९१
काश्यां मुक्तिर्मरणादरुणाख्यस्याचलस्य तु स्मरणात् ।
अरुणाचलेशसंज्ञं तेजोलिङ्गं स्मरेत्तदामरणात् ॥ १॥
पिनाकिनीस्तुतिः
द्विधेह सम्भूय धुनी पिनाकिनी द्विधेव रौद्री हि तनुः पिनाकिनी ।
द्विधा तनोरुत्तरतोऽपि चैको यस्याः प्रवाहः प्रववाह लोकः ॥ २॥
प्रावोत्तरा तत्र पिनाकिनी या स्वतीरगान् संवसथान्पुनानी ।
अस्याः परो दक्षिणतः प्रवाहो नानानदीयुक् प्रववाह सेयम् ॥ ३॥
लोकस्तुता याम्यपिनाकिनीति स्वयं हि या सागरमाविवेश ।
मनाक् साधनार्तिं विना पापहन्त्री पुनानापि नानाजनाद्याधिहन्त्री ।
अनायासतो या पिनाक्याप्तिदात्री पुनात्वहंसो नः पिनाकिन्यवित्री ॥ ४॥
अरुणाचलतः काञ्च्या अपि दक्षिणदिक्स्थिता ।
चिदम्बरस्य कावेर्या अप्युदग्या पुनातु माम् ॥ ५॥
याधिमासवशाच्चैत्र्यां कृतक्षौरस्य मेऽल्पका ।
स्नापनाय क्षणाद्वृद्धा साद्धासेव्या पिनाकिनी ॥ ६॥
इति श्रीवासुदेवानन्दसरस्वतीविरचिता अरुणाचलपिनाकिनीस्तुतिश्च समाप्ता ।