% Text title            : Aravindadarshanam ChaityapurushaH
% File name             : aravindadarshanam.itx
% Category              : misc, sahitya, article, pradIptakumArananda
% Location              : doc\_z\_misc\_general
% Author                : (Copyright) Pradipta Kumar Nanda, Kendrapara, Orissa pknanda65 at gmail.com
% Transliterated by     : Pradipta Kumar Nanda
% Proofread by          : Pradipta Kumar Nanda
% Acknowledge-Permission: (Copyright) Pradipta Kumar Nanda
% Latest update         : May 13, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Aravindadarshanam ChaityapurushaH ..}##
\itxtitle{.. aravindadarshanam chaityapuruShaH ..}##\endtitles ##
lekhakaH \- nandapradIptakumAraH

asmAkaM bhAratavarShe ye ye mahAtmAno dharAtalaM pavitrIkR^itavantasteShu mahAtmana aravindasya nAma sarvotkarSheNa shrUyate | tatra dvisaptatyadhike.aShTAdashashatake agaShTamAsasya pa~nadashadinA.nke.ayaM (18/08/1872) mahAtmA kalikatA mahAnagaryAmekasmin kuline va.ngIya\-brAhmaNa\-parivAre janimalabhata | asya piturnAma kR^iShNadhana ghoSho mAtushcha nAma svarNalatA  AsIt | mR^iNAlinI devI asya dharmapatnI AsIt | uchchashikShito.ayaM mahAtmA ekAdhAreNa prakhyAta\-svAdhInatA sa.ngrAmI, dArshanikaH, kaviH, AdhyAtmikaguruH, yogI cha AsIt |

bhAratIyadarshanakShetre tatproktaM aravindadarshanaM   svakIyaM mahatvapUrNaM sthAnaM bhajate | darshanashAstrANAM  pu.nkhAnupu.nkhachintanaM samIkShaNaM visheShato vedAntadarshanasya yogadarshanasya cha sUkShmavivechanaM varIvarti aravindadarshane |  tena katipayAni svatantra matAni cha pradarshitAni | teShu chaityapuruShatattvamanyatamam | sa.nprati di~NmAtraM vivakShyate.atra | aravindanaye antarAtmA chaityapuruShasa.nj~nako jIvasya pratinidhisvarUpaH, Atmano bhinnaH | samaShTirUpa AtmA vishvAtIto vishvamaya apariNAmI dhruvashcha | manuShyasharIrAdhiShThAtA chaityapuruShaH vyaShTirUpo deha\-prANa\-manasAM bhartA, netA avinashvaraH | ayaM hR^idayapradeshe bhAvAvegasya kendrapradeshe sthitvA dehayantraM niyantrayati | bhagavantaM prAptuM prachChannena prakAshyena jIvaM prachodayati |

AtmAnaM shishuH bhagavataH santAnarUpo bhaktarUpo vA svIkaraNaM chaityapuruShasya mukhyasvabhAvaH | yadyapi chaityapuruShasya bhagavatA saha bhedo nAsti tathApi abhivyaktau ko.api bhedaH svIkriyate | jIvAtmA vishvamaya\-vishvAtItabhagavati ekatrito bhavitumarhati kintu chaityapuruShaH vyaShTibhUtvApi jIvasya pratinidhirUpeNa kAryaM kartuM shaknoti |

puruShAparaparyAyo jIvAtmA kAraNakoShAntargato vishvAtIto brAhmIshaktiyuktaH | kAraNakoShasya dvau puruSharUpau prasiddhau | UrdhvarUpo jIvAtmA asmadAdisa.nj~nAyuktaH | adhorUpa antarAtmA chaityapuruShaH pariNAmI, jIvasya sachetanakartA | jIvAtmA para.nbrahmaNa a.nshavisheShaH apariNAmI | asmAkaM prakR^itasattA janmamR^ityurahito nityaH shuddhabuddhamuktasvarUpaH | svabhAvata asya vivartanaM nAsti, sachchidAnandasya ekatve.asya samAvesho bhavati | sharIre jIvasya pratinidhiH annamayapuruShaH | prANeShu cha prANamayapuruShaH manasi cha manomayapuruShanAmnA.abhihito vartate | hR^idayAntarvarti\-pariNAmashIlasattArUpeNa chaityapuruSho vartate, yaH khalu amR^itasya pratinidhirupa uktaH |

manuShyasharIre chaityapuruShasya kramapariNAmaH sambhavati | mUlataH sa apUrNaH | jIvasya sArUpa\-sAyujyena cha tasya paripUrNatA jAyate | bIjarUpasya chaityapuruShasya prakR^ityAH kAmanAyAH sakAshAt a.nkurodgamo bhavati | janmajanmAntariNakarmaNA hi tasmin shAkhA\-prashAkhAH jAyante | pallava\-puShpa\-phalAni shobhante |  yathA vR^ikShasya vR^iddhyarthaM jala\-vAyu\-AlokAdInAM prayojanaM bhavati tathaiva chaityabIjasya | saH pArthivajanmana abhij~natAM smarati | yadA chaityapuruShe kartR^itva\-niyantR^itvAdi sa.nkalpA jAyante, deha\-manaH\-prANAH tasmin sahayuktAH bhavanti, tadA prAkR^itajIvanasya ayamArambho bhavati |

chaityapuruShaj~nAtA na jIvAtmaparamAtmano vAstavatAM j~nAtuM shaknoti | vivartanadR^ishA chaityapuruSho yadyapi mUlasattA tathApi sa bhagavataH sanAtanA.nshaH |  jIvAtmA vivartanavAdena na pariNamate | chaityapuruShasya chetanA yadA pUrNatAmApnoti  tasminneva samaye chaityapuruSha\-jIvayoH sa.nyogaH kathayituM shakyate nAnyathA |

asmAkaM deho yadA pa~nchabhUte vilIno bhavati tadA kutra chaityapuruShashcheduchyate | prANatattvaM prANabhUmau kiyatkAlaM tiShThati, ante prANamayakoShe vilIno bhavati | manastattvaM manomayabhUmimatikramya manomayakoShe evaM chAnte chaityapuruShaH chaityalokaM pravishya tatra vishrAmyati | paravartikAle chaityadhAma parityajya manobhUmiM pratyAvartya manopAdAnaM sa.ngR^ihya prANamayaM gatvA prANopAdAnaM gR^ihItvA annamayabhUmiM punarAgachChati | annamayadehadhAraNakartuM janaka.n\-jananIM cha svIkaroti | itthaM chaityapuruShasya janma\-maraNachakraM jAyate | yadA jaDAdhAradehaH pUrNatayA chinmayabhUto bhAgavatItanuM  vidhAsyati tadA na tatra punarAgamanaM chintyate |

                                       \-\-\- lekhakaH \- nandapradIptakumAraH
##
Written by Dr. Pradipta Kumar Nanda, Kendrapara, Orissa pknanda65 at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}