% Text title            : Anekavishaya Muktaka Shlokah
% File name             : anekaviShayamuktakashlokAH.itx
% Category              : misc
% Location              : doc\_z\_misc\_general
% Proofread by          : Aruna Narayanan narayanan.aruna at gmail.com
% Description/comments  : Ramanuja Stotramala
% Latest update         : November 23, 2019, July 5, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Anekavishayamuktakashlokah ..}##
\itxtitle{.. anekaviShayamuktakashlokAH ..}##\endtitles ## 
anekapUrvAchAryairanugR^ihItAH
shrIrastu |
shrImate hayagrIvAya namaH |
shrImate rAmAnujAya namaH ||

yasya prasAdakalayA badhiraH shR^iNoti
     pa~NguH pradhAvati javena cha vakti mUkaH |
andhaH prapashyati sutaM labhate cha vandhyA
     taM devameva varadaM sharaNaM gato.asmi || 1||
AshailAdadrikanyAcharaNakisalayanyAsadhanyopakaNThAt
     ArakShonItasItAmukhakamalasamullAsahetoshcha setoH |
A cha prAchyapratIchyakShitidharayugalAchchandrasUryAvataMsAt
     mImAMsAshAstrayugmashramavimalamanA mR^igyatAM mAdR^isho.anyaH || 2||
na vayaM kavayastu kevalaM na vayaM kevalatantrapAragAH |
api tu prativAdivAraNaprakaTATopavipATanakShamAH || 3||
vande govindatAtau munimatha manavai lakShmaNAryaM mahAntaM
     dhyAyeyaM yAmunAryaM mama hR^idi tanavai  rAmamevAbhiyAyAm |
padmAkShaM prekShiShIya prathamamapi muniM nAthamIDe shaThAriM
     staumi prekSheya lakShmIM sharaNamasharaNaH shrIdharaM saMshrayeyam || 4||
svaM me.ahaM me kutastat tadapi kuta idaM vedamUlapramANAt
     etachchAnAdisiddhAdanubhavavibhavAt so.api sAkrosha eva |
kvAkroshaH kasya gItAdiShu mama viditaH ko.atra sAkShI sudhIH syAt
     hanta tvatpakShapAtI sa iti nR^ikalahe mR^igyamadhyasthavat tvam || 5||
avidyAto deve parivR^iDhatayA vA viditayA
     svabhakterbhUmnA vA jagati gatimanyAmaviduShAm |
gatirgamyashchAsau haririti jitantAhvayamanoH
     rahasyaM vyAjahre sa khalu bhagavAn shaunakamuniH ||
purA sUtrairvyAsaH shrutishatashirorthaM grathitavAn
     vivavre taM shrAvyaM vakuladharatAmetyaM sa punaH |
ubhAvetau granthau ghaTayitumalaM yuktibhirasau
     punarjaj~ne rAmAvaraja iti sa brahmamukuraH || 7||
arvA~ncho yatpadasarasijadvandvamAshritya pUrve
     mUrdhnA yasyAnvayamupagatA deshikA muktimApuH |
so.ayaM rAmAnujamunirapi svIyamuktiM karasthAM
     yatsambandhAdamanuta kathaM varNyate kUranAthaH || 8||
devAdhIshanR^isiMhapANDavamahAdUtapravAlaprabhAn
     shrIvaikuNThapatiM trivikramahariM nIreshamegheshvarau |
nIlavyomavibhuM mahoragahariM jyotsnenduvaktraM hariM
     choreshaM kR^itachintabhaktahR^idayAvAsaM mukundAhvayam ||
kAmAvAsapatiM nR^ikesarivaraM dIpaprakAshaprabhuM
     shrIyuktAShTabhujAspadeshamanaghaM shrImadyathoktakriyam |
ityaShTAdashadivyama~NgalavapurdevAn saroyoginA sAkaM
     nistulakA~nchyabhikhyanagarInAthAn namAmassadA ||
shrImad dvAravaraM mahaddhi balipIThAgryaM phaNIndrahR^idaM
     gopInAM ramaNaM varAhavapuShaM shrIbhaTTanAthaM munim |
shrImantaM shaThavairiNaM kaliripuM shrIbhaktisAraM muniM
     pUrNaM lakShmaNayoginaM munIvarAnAdyAnatha dvArapau ||
shrImanmajjanamaNDapaM sarasijAM hetIshabhogIshvarau
     rAmaM nIlamaNiM mahAnasavaraM tArkShyaM nR^isiMhaM prabhum |
senAnyaM karibhUdharaM tadupari shrIpuNyakoTyAM hariM
     tanmadhye varadaM ramAsahacharaM vande tadIyairvR^itam ||
kAShAyashobhi kamanIyashikhAniveshaM
     daNDatrayojjvalakaraM vimalopavItam |
udyaddineshanibhamullasadUrdhvapuNDraM
     rUpaM tavAstu yatirAja ! dR^ishormamAgre || 11||
namaH praNavashobhitaM navakaShAyakhaNDAmbaraM
     tridaNDaparimaNDitaM trividhatattvanirvAhakam |
dayA~nchitadR^iga~nchalaM dalitavAdivAgvaibhavaM
     shamAdiguNasAgaraM sharaNamemi rAmAnujam || 12||
etAni tAni bhuvanatrayapAvanAni
     saMsArarogashakalIkaraNauShadhAni |
jihvAtale mama likhAni yathA shilAyAM
     rAmAnujeti chaturANyamR^itAkSharANi || 13||

iti anekaviShayamuktakashlokAH samAptA |

##
Proofread by Aruna Narayanan narayanan.aruna at gmail.com 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}