% Text title            : Adhyatma Tirthatanam
% File name             : adhyAtmatIrthATanam.itx
% Category              : misc, vAsudevanElayath
% Location              : doc\_z\_misc\_general
% Description/comments  : From Bhaktitarangini by Prof. P.C. Vasudevan Elayath
% Latest update         : December 25, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Adhyatma Tirthatanam ..}##
\itxtitle{.. adhyAtmatIrthATanam ..}##\endtitles ##
dharmakShetramupAgato.adya bhagavAn shrIsatyasAyIshvaraH
      ki~nchAtraiva dinadvayaM nivasati prAjyAnukampArdradhIH |
kalyANe.avatarannimAmashR^iNavaM vArtA praharShAdbhuto\-
      tkaNThAsa~NkulamAnasaH punaragAM vAsAya putrAlayam || 1||
sAyAhNe duhiturgR^ihaM gatavatA ChedAnagaryo mudA,
      shvobhAvyutkaTapuNyalabhyabhagavatsandarshanAkA~NkShiNA |
smAraM smAramudArasAyicharitaM bhaktArtividhvaMsanaM
      harShonmAdamupeyuShA cha gamitA rAtriH kathA~nchinmayA || 2||
pratyUShe guruvAyumandirapatiM ChedAnagaryo nave
      kShetre bhAntamamandadivyakaruNAniShyandamandasmitam |
shAstAraM sharaNaM samastajagatAM durgA~ncha vighneshvaraM
      skandaM chApyupanamya samyagabhavaM shAntaprasannAntaraH || 3||
\ldq{}andherI\rdq{} magamaM prashAntasubhage tasmiMshcha sAyantane
      jAmAtrA sutayA tathA dayitayA sAkaM sadauhitrakaH |
adrAkShaM suchirAddidR^ikShitamahaM shrI sAyikR^iShNasya ta\-
      \ldq{}ddharmakShetra\rdq{}manalpashilpasubhagaM vistIrNapadmAkR^itiH || 4||
tatrAraktamanoj~nakAntivikasanmArtaNDabimbAnanAM
      shAntAM shoNamanoharAmbaradharAM mugdhaprakAshasmitAm |
puNyakShetramidaM svakIyamahasA vidyotayantIM shivAM
      sandhyAM partimaheshamUrtimaparAM sAnandadR^iShTyA.apibam || 5||
dharmakShetramahA~NkaNaM janasahasrAkIrNamekAntava\-
      nnishshabdaM sphuTabhaktibhAvavimalaM sa.nprAvishaM sAdaram |
shrIsAyIshapadAmbujapraNihitasvAntaH prashAntAkhila\-
      kleshaH samyagupAvisha~ncha kuhachit harShonmiShachchetanaH || 6||
dR^iShTaM tatra cha maNDape vinihitaM sAyishAsiMhAsanaM
      shraddhAbhaktisametashiShyanivahaiH sajjIkR^itaM pAvanam |
yattAvat bhagavatsamAgamamahAnandapratIkShAmR^itA\-
      svAde magnamiva sthitaM suvimalaM bhaktAntara~NgaM yathA || 7||
yAtAH kAlakalAH katha~nchana samutkaNThAkulAshchAyatA\-
      stAvat bhaktasahasranetranalinairArAdhite maNDape |
jyetiH ki~nchana sAndhyakAntisubhagaM prAdurbabhUva kramA\-
      ttanmadhye sphuTamAbabhau cha bhagavadrUpaM jaganma~Ngalam || 8||
bhAvagrAhi vishuddhamugdhakaruNAniShyandi netrA~nchalaM
      premArdrAdbhutabhavyashAntimadhurasmeraM tadAsyAmbujam |
taddivyAbhayahastamadbhutamahAbhUtipradaM tAdR^ishaM
      rUpaM sAyihareH madIyahR^idaye bhaktyA dR^iDhaM mudritam || 9||
addhA maNDapato.avaruhra bhagavAn bhaktAvalImadhyagaH
      susmerAkShikalAvalokanamahAnandaM prasAdaM dishan |
mandaM tatra chachAra puNyanimiShAn kAMshchit pratIkShAkulaM
      chakShushchAkSha mApapAta bhagavanmUrtai sameShAM nR^iNAm || 10||
mandaM mandamupAsasAda bhaghavAMstasthAvivAlpaM mamA\-
      dUre; mayyakirat prashAntamadhurasmerArdradR^iShTyAmR^itam |
bhaktyA mIlitalochanaH natashirasyAbaddhamugdhA~njaliH
      prApaM chAstasamastaduHkhanivahAM divyAnubhUtiM navAm || 11||
asmArvaM cha purAprashAntinilaye patnyAsametasya me
      labdhaM sAyimitho.avalokanamidaM sambhAShaNa~nchAvayoH |
kiM te vA~nChita miShyate bhagavati premaiva, bhakto.asi, ta
      nmAbhaiShIrvipada, stvayA saha sadA varte hi bhaktapriyaH || 12||
cheto kShaNamAtatAna nipuNaM siMhAvalokaM svayaM
      sa~NkIrNe mama jIvitAdhvani dadarshAnvaryatAM tadgiraH |
shrIsAyishvarakR^iShNapAdanalinadvandvenanAmAkhilaM
      bhaktyA chArpayadAtmanirvR^itibhavApAnanyalabhyAM parAm || 13||
ki~nchaitat smR^itimaNDale sphuTataraM nirbhAtamAsInmama
      preyasyai samadAttadAdbhuvamahAsidindha vibhUtiM svayam |
bhasmAliptakarA~NgulImR^idutamasparshena chakre navaM
      puNDraM me tanayasya chApi niTile shrIsAyinAtho hariH || 14||
dharmakShetra idaM guro! bhagavatA dattaM punadrdarshanaM
      tvanmAhAtmapadR^iDhAvabodhakamahaM manye.anugItAsamam |
adyApAstasamastasha~NkamavagachChAmi prabho, jIvite
      lakShyaM mArgamapi tvayA nigaditaM satyaM shivaM sundaram || 15||
kintu shrIbhagavan bibhemi chapalAnmachchetasastvatkR^ipA\-
      baddhaM nishchalamastvidaM cha vimale tvatpAdapAthoruhe |
saMsArArNavatAraNe mama gurustvaM karNadhAraH svayaM
      nirbhIkaM kuru mAM dayasva bhagavaddAsAnudAse mayi || 16||
dharmakShetravishuddhadhAmni yadaho! labdhaM paraM durlabhaM
      sAyIshasya jagadgurorbhagavato yAdR^ichChikaM darshanam |
tanmanye mama dUradeshagamanaM kAryAntarArthaM svayaM
      sampannaM bhagavatkR^ipAlavabalAdadhyAtmatIrthATanam || 17||

iti shrIvAsudevan elayathena virachitaM adhyAtmatIrthATanaM sampUrNam |
##

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}