% Text title            : viShNumahimnaH stotram 1
% File name             : vishhnumahimna.itx
% Category              : vishhnu, stotra, brahmAnanda, vishnu
% Location              : doc\_vishhnu
% Author                : brahmAnanda
% Proofread by          : Ravin Bhalekar ravibhalekar at hotmail.com
% Latest update         : December 30, 2004
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Vishnu MahimnaH Stotram ..}##
\itxtitle{.. shrIviShNumahimnastotram ..}##\endtitles ##
shrI gaNeshAya namaH |
mahimnaste pAraM vidhiharaphaNIndraprabhR^itayo
      vidurnAdyapyaj~nashchalamatiraho nAtha nu katham |
vijAnIyAmaddhA nalinanayanAtmIyavachaso
      vishuddhyai vakShyAmIShadapi tu tathApi svamatitaH || 1||
yadAhurbrahmaike puruShamitare karma cha
      pare.apare buddhaM chAnye shivamapi cha dhAtAramapare |
tathA shaktiM kechidgaNapatimutArkaM cha
      sudhiyo matInAM vai bhedAttvamasi tadasheShaM mama matiH || 2||
shivaH pAdAmbhaste shirasi dhR^itavAnAdarayutaM
      tathA shaktishchAsau tava tanujatejomayatanuH |
dineshaM chaivAmuM tava nayanamUchustu niyamAstvadanyaH
      ko dhyeyo jagati kila devo vada vibho || 3||
kvachinmatsyaH kUrmaH kvachidapi varAho narahariH
      kvachitkharvo rAmo dasharathasuto nandatanayaH |
kvachidbuddhaH kalkirviharasi kubhArApahR^itaye
      svatantro.ajo nityo vibhurapi tavAkrIDanamidam || 4||
hR^itAmnAyenoktaM stavanavaramAkarNya vidhinA
      drutaM mAtsyaM dhR^itvA vapurajarasha~NkhAsuramatho |
kShayaM nItvA mR^ityornigamagaNamuddhR^itya jaladherasheShaM
      sa~NguptaM jagadapi cha vedaikasharaNam || 5||
nimajjantaM vArdhau nagavaramupAlokya
      sahasA hitArthaM devAnAM kamaThavapuShA.a.avishya gahanam |
payorAshiM pR^iShThe tamajita salIlaM ghR^itavato
      jagaddhAtuste.abhUtkimu sulabhabhArAya girikaH || 6||
hiraNyAkShaH kShoNImavishadasuro nakranilayaM
      samAdAyAmartyaiH kamalajumukhairambaragataiH |
stutenAnantAtmannachiramavabhAti sma
      vighR^itA tvayA da.nShTrAgre.asAvavanirakhilA kanduka iva || 7||
hariH kvAstItyukte danujapatinA.a.apUrya
      nikhilaM jagannAdaiH stambhAnnaraharisharIreNa karajaiH |
samutpatyAshUrAvasuravaramAdAritavatastavAkhyAtA
      bhUmankimu jagati no sarvagatatA || 8||
vilokyAjaM dvArgaM kapaTalaghukAyaM suraripurniShiddho.api
      prAdAdasuraguruNAtmIyamakhilam |
prasannastadbhaktyA tyajasi kila nAdyApi
      bhavanaM balerbhaktAdhInyaM tava viditamevAmarapate || 9||
samAdhAvAsaktaM nR^ipatitanayairvIkShya pitaraM hataM
      bANai roShAdgurutaramupAdAya parashum |
vinA kShatraM viShNo kShititalamasheShaM kR^itavaso.asakR^itkiM
      bhUbhAroddharaNapaTutA te na viditA || 10||
samArAdhyomeshaM tribhuvanamidaM vAsavamukhaM vashe
      chakre chakrinnagaNayadanishaM jagadidam |
gato.asau la~Nkeshastvachiramatha te bANaviShayaM
      na kenAptaM tvattaH phalamavinayasyAsuraripo || 11||
kvachiddivyaM shauryaM kvachidapi raNe kApuruShatA
      kvachidgItAj~nAnaM kvachidapi parastrIviharaNam |
kvachinmR^itsnAshitvaM kvachidapi cha vaikuNThavibhavashcharitraM
      te nUnaM sharaNada vimohAya kudhiyAm || 12||
na hi.nsyAdityedghruvamavitathaM vAkyamabudhairathAgnIShomIyaM
      pashumiti tu viprairnigaditam |
tavaitannAsthAne.asuragaNavimohAya gadataH samR^iddhirnIchAnAM
      nayakara hi duHkhAya jagataH || 13||
vibhAge varNAnAM nigamanichaye chAvanitale
      vilupte sa~njAto dvijavaragR^ihe shambhalapure |
samAruhyAshvaM svaM lasadasikaro
      mle~nchChanikarAnnihantA.asyunmattAnkila kaliyugAnte yugapate || 14||
gabhIre kAsAre jalacharavarAkR^iShTacharaNo raNe.ashakto
      majjannabhayada jale.achintayadasau |
yadA nAgendrastvAM sapadi padapAshAdapagato gataH
      svargaM sthAnaM bhavati vipadAM te kimu janaH || 15||
sutaiH pR^iShTo vedhAH prativachanadAne.aprabhurasAvathAtmanyAtmAnaM
      sharaNamagamattvAM trijagatAm |
tataste.astAta~NkA yayuratha mudaM ha.nsavapuShA
      tvayA te sArvaj~naM prathitamamaresheha kimu no || 16||
samAviddho mAturvachanavishikhairAshu vipinaM tapashchakre
      gatvA tava paramatoShAya paramam |
dhruvo lebhe divyaM padamachalamalpe.api vayasi
      kimastyasmi.Nlloke tvayi varada tuShTe duradhigam || 17||
vR^ikAdbhItastUrNaM svajanabhayabhittvAM
      pashupatirbhrama.NllokAnsarvAn sharaNabhupayAto.atha danujaH |
svayaM bhasmIbhUtastava vachanabha~NgodgatamatI
      rameshAho mAyA tava duranumeyA.akhilajanaiH |18||
hR^itaM daityairddaShTvA.anR^itaghaTamajayyaistu nayataH kaTAkShaiH
      saMmohaM yuvativaraveSheNa ditijAn |
samagraM pIyUShaM subhaga surapUgAya dadataH samasyApi
      prAyastava khalu hi bhR^ityeShvabhiratiH || 19||
samAkR^iShTA duShTairdupadatanayA.alabdhasharaNA sabhAyAM
      sarvAtma.nstava sharaNamuchchairupagatA |
samakShaM sarveShAmabhavadachiraM chIranichayaH smR^iteste
      sAphalyaM nayanaviShayaM no kimu satAm || 20||
vadantyeke sthAnaM tava varada vaikuNThamapare
      gavA.n lokaM lokaM phaNinilayapAtAlamitare |
tathAnye kShIrodaM hR^idayanalinaM chApi tu satAM na manye
      tatsthAnaM tvahamiha cha yatrAsi na vibho || 21||
shivo.ahaM rudrANAmahamamararAjo diviShadAM munInAM
      vyAso.ahaM suravara samudro.asmi sarasAm |
kubero yakShANAmiti tava vacho mandamataye na
      jAne tajjAtaM jagati nanu yannAsi bhagavan || 22||
shiro nAko netre shashidinakarAvambaramuro dishaH
      shrote vANI nigamanikaraste kaTirilA |
akUpAro bastishcharaNamapi pAtAlamiti
      vai svarUpaM te.aj~nAtvA nR^itanumavajAnanti kudhiyaH || 23||
sharIraM vaikuNThaM hR^idayanalinaM vAsasadanaM manovR^ittistArkShyo
      matiriyamatho sAgarasutA |
vihAraste.avasthAtritayamasavaH pArShadagaNo na pashyatyaj~nA
      tvAmiha bahiraho yAti janatA || 24||
sughoraM kAntAraM vishati cha taDAgaM sugahanaM
      tathottu~NgaM shR^i~NgaM sapadi cha samArohati gireH |
prasUnArthaM chetombujamamalamekaM tvayi vibho
      samarpyAj~nastUrNaM vata na cha sukhaM vindati janaH || 25||
kR^itaikAntAvAsA vigatanikhilAshAH shamaparA
      jitashvAsochChvAsAstruTitabhavapAshAH suyaminaH |
paraM jyotiH pashyantyanagha yadi pashyantu mama tu
      shriyAshliShTaM bhUyAnnayanaviShayaM te kila vapuH || 26||
kadA ga~Ngottu~NgAmalataratara~NgAchChapuline
      vasannAshApAshAdakhilakhaladAshAd apagataH |
aye lakShmIkAntAmbujanayana tAtAmarapate
      prasIdetyAjalpannamaravara neShyAmi samayam || 27||
kadA shR^i~NgaiH sphIte munigaNaparIte himanage drumAvIte
      shIte suramadhuragIte prativasan |
kvachiddhyAnAsakto viShayasuvirakto bhavaharaM
      smara.Nste pAdAbjaM janihara sameShyAmi vilayam || 28||
sudhApAnaM j~nAnaM na cha vipuladAnaM na nigamo
      na yAgo no yogo na cha nikhilabhogoparamaNam |
japo no no tIrthaM vratamiha na chograM tvayi
      tapo vinA bhaktiM te.alaM bhavabhayavinAshAya madhuhan || 29||
namaH sarveShTAya shrutishikharadR^iShTAya cha namo
      namo.asa.nshliShTAya tribhuvananiviShTAya cha namaH |
namovispaShTAya praNavaparimR^iShTAya cha namo
      namaste sarvAtmanpunarapi punaste mama namaH || 30||
kaNAnkashchidvR^iShTergaNananipuNastUrNamavanestathA\-
      sheShAnpA.nsUnamita kalayechchApi tu janaH |
nabhaH piNDIkuryAdashiramapi chechcharmavadidaM
      tathApIshAsau te kalayitumalaM nAkhilaguNAn || 31||
kva mAhAtmyaM sImojjhitamaviShayaM vedavachasAM vibho
      te me chetaH kva cha vividhatApAhatamidam |
mayedaM yatki~nchidgaditamatha bAlyena tu guro
      gR^ihANaitachChuddhArpitamiha na heyaM hi mahatAm || 32||
iti haristavanaM sumanoharaM paramaha.nsajanena samIritam |
      sugamasundarasArapadAspadaM tadidamastu hareranishaM mude || 33||
gadArathA~NgAmbujakambudhAriNo ramAsamAshliShTatanostanotu naH |
bileshayAdhIshasharIrashAyinaH shivaM stavo.asramayaM paraM hareH || 34||
paThedimaM yastu naraH paraM stavaM samAhitoghaughaghanaprabha~njanam |
sa vindate.atrAkhilabhogasampado mahIyate viShNupade tato dhruvam || 35||

iti shrImatparamahaMsasvAmibrahmAnandavirachitaM
shrIviShNumahimnaH stotraM sampUrNam |
##
Proofread by Ravin Bhalekar ravibhalekarhotmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}