% Text title            : Shaunakaproktam Vishnu Stotram
% File name             : viShNustotramshaunakaproktam.itx
% Category              : vishhnu, stotra
% Location              : doc\_vishhnu
% Proofread by          : PSA Easwaran
% Description/comments  : from Vishnudharma Upapurana. Adhyaya 93
% Latest update         : December 25, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shaunakaproktam Vishnu Stotram ..}##
\itxtitle{.. shaunakaproktaM viShNustotram ..}##\endtitles ##
viShNave viShNave nityaM viShNave viShNave namaH |
jiShNave jiShNave sarvaM jiShNave jiShNave namaH || 3||
namAmi viShNuM buddhisthamaha~NkAragataM hariM
chittasthamIshamavyaktamanantamaparAjitam |
viShNumIDyamasheSheshamanAdinidhanaM vibhum || 4||
viShNushchittagato yanme viShNurbuddhigatashcha yat |
yachchAha~NkArago viShNuryadviShNurmayi saMsthitaH || 5||
karoti kartR^ibhUto.asau sthAvarasya charasya cha |
tatpApaM nAshamAyAtu tasminneva vichintite || 6||
dhyAto harati yaH pApaM svapne dR^iShTaH shubhAvahaH |
tamupendramahaM viShNuM nato.asmyArtiharaM harim || 7||
jagatyasminnirAdhAre majjamAne tamasyadhaH |
hastAvalambadaM viShNuM praNato.asmi parAtparam || 8||
sarveshvareshvara vibho paramAtmannadhokShaja |
hR^iShIkesha hR^iShIkesha hR^iShIkesha namo.astu te || 9||
nR^isiMhAnanta govinda bhUtabhAvana keshava |
duruktaM duShkR^itaM dhyAtaM prashamAgrya namo.astu te || 10||
yanmayA chintitaM duShTaM svachittvavashavartinA |
narakAvahamatyugraM tachChamaM naya keshava || 11||
brahmaNyadeva govinda paramArthaparAyaNa |
jagannAtha jagaddhAtaH pApaM prashamayAchyuta || 12||
yachchAparAhne pUrvAhne madhyAhne cha tathA nishi |
kAyena manasA vAchA kR^itaM pApamajAnatA || 13||
jAnatA vA hR^iShIkesha puNDarIkAkSha mAdhava |
nAmatrayochchAraNatastatprayAtu mama kShayam || 14||
shArIraM me hR^iShIkesha puNDarIkAkSha mAnasam |
pApaM prashamayAdya tvaM vAkkR^itaM mama mAdhava || 15||
yadvrajanyatsvapanbhu~njanyaduttiShThanyadAsthitaH |
kR^itavAMshchApi yachchAhaM kAyena manasA girA || 16||
mahatsvalpamatisthUlaM kuyoninarakAvaham |
yAtu prashamanaM sarvaM vAsudevasya kIrtanAt || 17||
paraM brahma paraM dhAma pavitraM paramaM cha yat |
tasminsa~NkIrtite viShNoH pAde pApaM praNashyatu || 18||
sUrayo yatpravekShyanti hyapunarbhavakA~NkShiNaH |
mamAkhilaM daha tvaM hi tadviShNoH paramaM padam || 19||
yatprApya na ninvartante gandhasparshAdivarjitam |
pApaM praNAshayatvadya tadviShNoH paramaM padam || 20||
sadasadyattathA vyaktAvyaktarUpamajAjaram?
praNamAmi jagaddhAma tadviShNoH paramaM padam || 21||
shArIre mAnase chaiva pApe vAgje cha pArthiva
kR^ite samya~Nnaro bhaktyA paThechChraddhAsamanvitaH |
muchyate sarvapApebhyaH kR^iShNanAmaprakIrtanAt || 22||
uchchAryamAne chaitasmindevadevasya saMstave |
vilayaM pApamAyAti bhANDamAmamivAmbhasi || 23||
tasmAtsa~nchintite pApe samanantarameva te |
japtavyametatpApasya prashamAya mahIpate || 24||

iti viShNudharmeShu trinavatitamo.adhyAyAntargataM shaunakaproktaM
                             viShNustotraM sampUrNam |

##
Proofread by PSA Easwaran 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}