% Text title            : Vasukritam Vishnu Stotram
% File name             : viShNustotraMvasukRRitam.itx
% Category              : vishhnu, stotra
% Location              : doc\_vishhnu
% Proofread by          : PSA Easwaran
% Description/comments  : from Vishnudharma Upapurana. Adhyaya 72
% Latest update         : December 25, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Vasukritam Vishnu Stotram ..}##
\itxtitle{.. vasukR^itam viShNustotram ..}##\endtitles ##

vasuruvAcha \-
staumi devamajaM nityaM pariNAmavivarjitam |
avR^iddhikShayamIshAnamachyutaM parataH param || 51||
kalpanAkR^itanAmAnamanirdeshyamajaM vibhum |
mUlahetumahetuM tvAM vAsudevaM namAmyaham || 52||
paramArthaparairIshashchintyate yaH prajAkaraiH |
taM vAsudevamIsheshaM namAmyadya guNaM param || 53||
yasmAdidaM yatra chedamidaM yo vishvamavyayam |
taM vAsudevamamalaM namAmi parameshvaram || 54||
j~neyaM j~nAtAramajaraM bhoktAraM prakR^iteH prabhum |
puruShasvarUpiNaM devaM nato.asmi puruShaM param || 55||
pradhAnAdivisheShAntasvarUpamajamavyayam |
sthUlasUkShmamayaM sarvavyApinaM taM namAmyaham || 56||
sraShTA pAlayitA chAnte yashcha saMhArakArakaH |
trayImayaM taM triguNaM nato.asmi puruShottamam || 57||
AbrahmasthAvarAnte cha yo jagatyatra saMsthitaH |
vyaktarUpI cha taM devaM nato.ahaM viShNumavyayam || 58||
namo namo.astu te deva jagatAmIshvareshvara |
paramArtha parAchintya vidhAtaH parameshvara || 59||
tvamAdiranto madhyaM cha jagato.asya jagatpate |
jagattvayi jagachcha tvaM jagattvatto jaganmaya || 60||
tavAgnirAsaM vasudhA~NghriyugmaM nabhaH shirashchandraravI cha netre |
samastalokA jaTharaM bhujAshcha dishashchatasro bhagavannamaste || 61||
yadbhUgataM yadgaganAntarAle yadvA nabhasyakhilalokagaM cha |
yatsthUlaM sUkShmaM paratastato.api yadasti yannAsti cha tattvamIsha || 62||
vedAshcha vedyaM cha bhagavAnananto vedAntavedyashcha samastaheto |
vadanti tattvA munayaH pareshaM tvayi prasanne paramArthadR^ishye || 63||
namo hR^iShIkesha tavAprameya namashcha tubhyaM paramArthasAra |
viShNo namaste.astu parAparesha kR^iShNAchyutAnanta jagannivAsa || 64||
namo.astu tubhyaM parameshvarAya namastathAntaHkAraNasthitAya |
pradhAnabhUtAya namashcha tubhyaM vyaktasvarUpeNa cha saMsthitAya || 65||
saMhR^itya vishvaM jalashAyine namo namashcha te kaiTabhasUdanAya |
svanAbhipadmodarashAyine cha brahmasvarUpopanatAya chaiva || 66||
sraShTre namaH pAlayitre sthitau cha sarvesha tubhyaM puruShottamAya |
rudrAya chAnte kShayahetave te nato.asmi saMhArakarAya viShNo || 67||
jaya prapannArtiharAprameya jayAgnivasvashvimaya prajesha |
rudrendrachandrastuta devadeva jayAmarANAmarishAtanAya || 68||
jitaM tvayA sarvaga sarvasAraM sarvAtmabhUtAkhila vedavedya |
jitaM jitAkShAmalachittadR^ishya charAcharAdhAra dharAdhareDya || 69||
yaj~nAshrayo yaj~napumAnasheSha devesha martyAsurayaj~nabhoktaH |
tvamIDyamAno.abhimataM dadAsi dharAdhareshAchyuta vAsudeva || 70||
namaste devadeva tvaM yathA pAsyakhilaM jagat |
sthitau tathA samastebhyo doShebhyo mAM samuddhara || 71||
kR^iShNAchyuta hR^iShIkesha sarvabhUtesha keshava |
mahAtmaMstrAhi mAM bhaktaM vAsudeva prasIda me || 72||

iti viShNudharmeShu dvisaptatitamo.adhyAyAntargataM vasukR^itaM
                          viShNustotraM sampUrNam |

##
Proofread by PSA Easwaran 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}