% Text title            : Bhagavata Naradaya Proktam Vishnu Stotram
% File name             : viShNustotraMbhagavatAnAradAyaproktam.itx
% Category              : vishhnu, stotra, vishnu
% Location              : doc\_vishhnu
% Proofread by          : PSA Easwaran
% Description/comments  : from Vishnudharma Upapurana. Adhyaya 68
% Latest update         : December 25, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Bhagavata Naradaya Proktam Vishnu Stotram ..}##
\itxtitle{.. bhagavatA nAradAya proktam viShNustotram ..}##\endtitles ##
(anusmR^itistotram)
shrutvA tasya tu devarShervAkyaM vAkyavishAradaH |
provAcha bhagavAnviShNurnAradaM jagato gatiH || 6||
bhagavAnuvAcha \-
hanta te kathayiShyAmi mune divyAmanusmR^itim |
maraNe yAmanusmR^itya prApnoti paramAM gatim || 7||
o~NkAramAditaH kR^itvA mAmanusmR^itya manmanAH |
ekAgraprayato bhUtvA idaM mantramudIrayet || 8||
avyaktaM shAshvataM devamanantaM puruShottamam |
prapadye prA~njalirviShNumachyutaM parameshvaram || 9||
purANaM paramaM viShNumadbhutaM lokabhAvanam |
prapadye puNDarIkAkShamIshaM bhaktAnukampinam || 10||
lokanAthaM prapanno.asmi akSharaM paramaM padam |
bhagavantaM prapanno.asmi bhUtabhavyabhavatprabhum || 11||
sraShTAraM sarvabhUtAnAmanantabalapauruSham |
padmanAbhaM hR^iShIkeshaM papadye satyamavyayam || 12||
hiraNyagarbhaM bhUgarbhamamR^itaM vishvatomukham |
AbhAsvaramanAdyantaM prapadye bhAskaradyutim || 13||
sahasrashirasaM devaM vaikuNThaM tArkShyavAhanam |
prapadye sUkShmamachalaM vareNyamabhayapradam || 14||
nArAyaNaM naraM haMsaM yogAtmAnaM sanAtanam |
sharaNyaM sarvalokAnAM prapadye dhruvamIshvaram || 15||
yaH prabhuH sarvalokAnAM yena sarvamidaM tatam |
charAcharagururdevaH sa no viShNuH prasIdatu || 16||
yasmAjjAtaH purA brahmA padmayoniH pitAmahaH |
prasIdatu sa no viShNuH pitA mAtA pitAmahaH || 17||
yaH purA pralaye prApte naShTe loke charAchare |
ekastiShThati yogAtmA sa no viShNuH prasIdatu || 18||
chaturbhishcha chaturbhishcha dvAbhyAM pa~nchabhireva cha
hUyate cha punardvAbhyAM sa no viShNuH prasIdatu
parjanyaH pR^ithivI sasyaM kAlo dharmaH kriyA phalam |
guNAkaraH sa no babhrurvAsudevaH prasIdatu || 19||
yogAvAsa namastubhyaM sarvAvAsa varaprada |
yaj~nagarbha mahAbhAga pa~nchayaj~na namo.astu te || 20||
chaturmUrte jagaddhAma lakShmyAvAsa varaprada |
sarvAvAsa namaste.astu sAkShibhUta jagatpate || 21||
ajeya khaNDaparasho vishvamUrte vR^iShAkape |
trigarte pa~nchakAlaj~na namaste j~nAnasAgara || 22||
avyaktAdaNDamutpannamavyaktAdyaH paraH prabhuH |
yasmAtparataraM nAsti tamasmi sharaNaM gataH || 23||
chintayanto hi yaM nityaM brahmeshA AdayaH prabhum |
nishchayaM nAdhigachChanti tamasmi sharaNaM gataH || 24||
jitendriyA mahAtmAno j~nAnadhyAnaparAyaNAH |
yaM prApya na nivartante tamasmi sharaNaM gataH || 25||
ekAMshena jagatsarvaM yo.avaShTabhya vibhuH sthitaH |
agrAhyo nirguNaH shAstA tamasmi sharaNaM gataH || 26||
divAkarasya saumyaM hi madhye jyotiravasthitam |
kShetraj~namiti yaM prAhuH sa mahAtmA prasIdatu || 27||
avyaktamanavasthAno durvij~neyaH sanAtanaH |
AsthitaH prakR^itiM bhu~Nkte sa mahAtmA prasIdatu || 28||
kShetraj~naH pa~nchadhA bhu~Nkte prakR^itiM bahubhirguNaiH |
manoguNAMshcha yo bhu~Nkte sa mahAtmA prasIdatu || 29||
sA~NkhyA yogAshcha ye chAnye siddhAshchaiva maharShayaH |
yaM viditvA vimuchyante sa mahAtmA prasIdatu || 30||
namaste sarvatobhadra  sarvato.akShishiromukha
nirvikAra namaste.astu sAkShibhUta hR^idi sthita |
atIndriya namastubhyaM li~NgebhyastvaM pramIyase || 31||
ye tu tvAM nAbhijAnanti saMsAre saMsaranti te
rAgadveShavinirmuktaM lobhamohavivarjitam |
asharIraM sharIrasthaM samaM sarveShu dehiShu || 32||
avyaktaM bud.hdhyaha~NkArau mahAbhUtendriyANi cha |
tvayi tAni na teShu tvaM teShu tvaM tAni na tvayi || 33||
sraShTA bhoktAsi kUTastho guNAnAM prabhurIshvaraH |
akartA heturahitaH prabhuH svAtmanyavasthitaH || 34||
namaste puNDarIkAkSha punareva namo.astu te
Ishvaro.asi jagannAtha kimataH paramuchyate |
bhaktAnAM yaddhitaM deva tad.hdhyAya tridasheshvara || 35||
mA me bhUteShu saMyogaH punarbhavatu janmani |
aha~NkAreNa bud.hdhyA vA tathA sattvAdibhirguNaiH || 36||
mA me dharmo hyadharmo vA punarbhavatu janmani |
viShayairindriyairvApi mA me bhUyAtsamAgamaH || 37||
pR^ithivIM yAtu me ghrANaM yAtu me rasanA jalam |
chakShurhutAshanaM yAtu sparsho me yAtu mArutam || 38||
shabdo hyAkAshamabhyetu mano vaikArikaM tathA |
aha~NkArashcha me buddhiM tvayi buddhiH sametu cha || 39||
viyogaH sarvakaraNairguNairbhUtaishcha me bhavet |
sattvaM rajastamashchaiva prakR^itiM pravishantu me || 40||
niShkevalaM padaM chaiva prayAmi paramaM tava |
ekIbhAvastvayaivAstu mA me janma bhavetpunaH || 41||
namo bhagavate tasmai viShNave prabhaviShNave
tvanmanastvadgataprANastvadbhaktastvatparAyaNaH |
tvAmevAnusmare deva maraNe pratyupasthite || 42||
pUrvadehakR^itA ye me vyAdhayaste vishantu mAm |
Ardayantu cha duHkhAni pravimu~nchAmi yadR^iNam || 43||
upatiShThantu me rogA ye mayA pUvasa~nchitAH |
anR^iNo gantumichChAmi tadviShNoH paramaM padam || 44||
ahaM bhagavatastasya mama chAsau sureshvaraH |
tasyAhaM na praNashyAmi sa cha me na praNashyati || 45||
namo bhagavate tasmai yena sarvamidaM tatam |
tameva cha prapanno.asmi mama yo yasya chApyaham || 46||
imAmanusmR^itiM nityaM vaiShNavIM pApanAshanIm |
svapa~njAgratpaThedyastu trisandhyaM vApi yaH smaret || 47||
maraNe chApyanuprApte yastvimAM samanusmaret |
api pApasamAchAraH so.api yAti parAM gatim || 48||
archayannapi yo devaM gR^ihe vApi baliM dadet |
juhvadagniM smaredvApi labhate sa parAM gatim || 49||
paurNamAsyAmamAvAsyAM dvAdashyAM cha visheShataH |
shrAvayechChraddadhAnAstu ye chAnye mAmupAshritAH || 50||
nama ityeva yo brUyAnmadbhaktaH shraddhayAnvitaH |
tasya syurakShayA lokAH shvapAkasyApi nArada || 51||

iti viShNudharmeShu aShTaShaShTitamo.adhyAyAntargataM
bhagavatA nAradAya proktaM viShNustotraM sampUrNam |

(anusmR^itistotram)
##
Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}