% Text title            : venkaTeshakShamAtrayastriMshachChlokI
% File name             : venkaTeshakShamAtrayastriMshachChlokI.itx
% Category              : vishhnu, venkateshwara, stotra, Ananda-tIrtha, vishnu
% Location              : doc\_vishhnu
% Author                : madanantAchArya
% Transliterated by     : Malleswara Rao Yellapragada malleswararaoy at yahoo.com
% Proofread by          : Malleswara Rao Yellapragada malleswararaoy at yahoo.com
% Description-comments  : Brihatstotraratnavali
% Latest update         : July 21, 2012
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrI ve~NkaTesha kShamAtrayastriMshachChlokI ..}##
\itxtitle{.. shrIve~NkaTesha kShamAtrayastriMshachChlokI ..}##\endtitles ##

shrImadve~NkaTashailavaryashikhare ratnapradIpo mahAM
     trailokyAndhatamisra chUShaNakR^ite yo jAjvalIti sphuTam |
kalyANavrajarodhyanAdisu dR^iDhAghadhvAnta vidhvaMsanaM
     kurvanma~NgalamAtanotu nitarAmAtmAnurUpaM sa naH || 1||
mahAmohamayyAM bhavAbdhyantarIpe
     mahAdhanvamahyAM madIyaM charantam |
mR^igaM svAntanAmAnamArte parItaM
     mahAMhomR^igendrai rameshAshu rakSha  || 2||
prabho ve~NkaTesha prabhA bhUyamI te
     tamaH sa~nChinartti pradeshe hyasheShe |
aho me hR^idadrerguhAgUDhamandhan
     tamo naiti nAshaM kimetannidAnam || 3||
athAvaimi vaitannidAnaM hR^idAhaM
     sahA tvatsaparyAviparyAsahetau |
kumArge mahAmohamArge saniShThaH
     suniShThAtR^ibhAvaM prabho yadvahAmi  || 4||
janaM tAvakInaM kimenaM sudInaM
     vR^ithAjAtamevaM vR^ithopekShase tvam |
rameshaivamevaM vR^ithopekShase chet
     kShamAyAH prakAsho madanyena kena  || 5||
madanyaH kva vipreShu vaishyeShu\-
     rAjasvatho shUdrajAtiShvatho sa~NkareShu |
nikR^iShTaH kva dR^iShTaH kva vA te kShamAyAH
     prakAsho rameSha dhruvaM syAtprahINaH || 6||
ramA sA kva yAtA kShamodvodhinI te
     mamAtulyamAtA tavorasthalasthA |
mamAbhAgyajAtAttavAbhogyabhUtA
     ramApi prabho kiM pramodAvahA te || 7||
kShamA yAtu guptA ramAyA vidheyaM
     kva vAtsalyabhUmA yato doShivR^indam |
mahAnandameti hyaho matpravarje
     pravR^ittiH kimasya prabho ve~NkaTesha || 8||
dayA sA kva yAtA yayA duHkhibandho
     pareShAM viShAdo vR^iShAdrIsha nAshyaH |
mamAmandaduHkhapraNAshe prakAshaM
     na sA yAtumarhA kimasyAvrataM kim || 9||
parityajya bhogaM paravyomanisvaM
     mahAnandadhAmanyapIhAhi shaile |
yadarthe samAyAstadarthe vichintya
     prabho ve~NkaTesha drutaM mAM surakSha || 10||
purA kasya chidro mahApApadAhAt
     abhUtte bhidA shrIgire ve~NkaTeti |
mamA tulyapApa pradAhAttavAdya
     abhidhA syAnnavInA rameshAkhileDyA || 11||
mamAmanda pApapravR^itternivR^ittiM
     yadIkSheta bho bho bhavAn rakShituM mAm |
tadAmandakallolajAlAkulebdhau
     bhavAn snAtumichChedvirAmaM nirIkShya || 12||
kva ta~nchakramAste nikR^ittArichakraM
     bhavadbhaktachakre shubhaM yena chakre |
hare chakrametattavaitajjanasya
     prabhUMtAghachakraM na kim ChettumIShTe || 13||
niyujya svachakraM mamAghaughachakraM
na chechChetsyasi tvaM nadA kasya hAniH
tavaiveti satyaM yadetajjagatyA
     vashaM ko.api yAyAdinIkShA kR^iteyam || 14||
nikR^iShTottamaM mA vikrudvaM vivAyAnu
     kampAM vidadhyA yadi tvaM ramesha |
tadaitatsamIkShyeha vashyA bhaveyu
     stavAnekalokA nikR^iShTAshcha shiShTA || 15||
mamottu~NgachetasturaMgodhiroho
     chitastedhirUDho manojAdhirAjA |
nirasyAshu taM bhoH sabhAroha taM kiM
     vR^ithopekShase tvaM tvaM tvadIyaM tura~Ngam || 16||
madIye tvadIyAlayenAdisiddhe
     hvadIsha tvadanye parIvArayuktAH |
kadAchitsamAgatya tiShThanti tAnno
     nirasyeryadi syAttadIyaM gR^ihaM tat || 17||
mahAduShTakAma prabhR^ityantyavarNo
     ShitesvAntasadmanyashuddhe madIye |
nirasyAshu taM te padAmbhojayugma
     praveshe na shuddhaM gR^ihaM tadvidhehi || 18||
bhavaddivyadeha prabhAdIpajAla
     prabhAbhirvidhunvan prakR^iShTaM tamisram |
tvadIyaiH saha tvaM kuTumbai ramesha
     vasAsmin gR^ihe me sukhI svAntanAmni || 19||
avidyArkavR^ikShaM hR^idAvAlarUDha
     mamAnAdimUlaM vibhindan vimUlam |
samAvApya bIjaM tvadIyAMghribhakti
     prakR^iShTAmrabIjam ramesheha rakSha || 20||
tvadAj~nAvashenAdadhAno.api ki~nchit
     svatantro.ahamevaM karomI tyahaMyuH |
sudhA bhAvamenaM vR^ithA bhAvaya tvaM
     tvadAdhInyabhAvaM sadA bhAvayesha || 21||
bahirbhAvayAmi svavAchAkhilAni
     tvadIyAnyamUnIti bho ve~NkaTesha |
hR^idi tvadhyavasye mamaivopabhogya
     anyamUnIti nityaM jahIdaM ramesha || 22||
parasvaspR^ihA me sadA vobhavIti
     prathIyasyamuShyAshubhenaimi modam |
parasyAsu nAshe tadIyaM madIyaM
     bhavedivyahome durAshAM jahIsha || 23||
parAlAbhalabdhapraNAshAvavekShya
     prapadye mahAlAbhayugmapramodam |
dhanAptau parasya svIkIyasya nAshaM
     bhajAmItyasUyAM jahi shrInivAsa || 24||
parasvApahAre mama svApahAraH
     parAnarthadR^iShTau mamAnarthalAbhaH |
parAnandalAbhe mamAnandalAbho
     mahAnityamUM me manIShAM vidhatsva || 25||
mahAkaNTakAriM mahAsa~NkaTaM
     bhostvaMghripraphullAravindArpaNena |
imaM deshamAdhA mudaM saMdadhAnaM
     bhavadbhaktasaMghaM mahAntaM ramesha || 26||
akalyANametaM sakalyANamAdhAH
     kimatrAdimUlaM na jAne ramesha |
athAvaimi hetuM tavAdhyAjabhUyaH
     kR^ipApArisindho prarIrAhameva || 27||
sakR^ite padAbjaprachAreNa nAlaM
     vivA yAnyadeshe nivAse nikAmam |
ihaivAsa tvaM mamatvaM vaha tvaM
     kimarthe tavArthe tvadanyaH prapashye || 28||
athaiko.api ko vA tvadarthe tvadanyaH
     samAlakShituM vA samArakShituM vA |
samartho.asti lakShmIpate ve~NkaTAdreH
     pate tatra kim vAdhikaM neha kiM vA || 29||
yadrapyasti tatra tvadAvAsabhUmnA
     tadatrApi ca syattvadIyAgamashchet |
mamAmanda pApapravR^ittiM nirIkShya
     agamashchenna te syAdattA kasya hAniH || 30||
athAlpasya hetorvihAtuM bahu syAt
     tavedaM na yuktaM prabho ve~NkaTesha |
athAnalpa pApapravR^ittirmadIyA
     nivartyA na kiM te.akhilAghaughanAshin || 31||
mR^igapatipadaM shvArUDhashvennibaddhasaTAjaTIma\-
     pyanalamibharATkuMbhAbhediprabhUtarave yayA |
prathamagurubhirgItaM nechye viDambayatA mayA
     shunayasadR^ishaM hAsyaM prAptaM tathA niyataM tvidam || 32||
itthaM shrI ve~NkaTAdriprabhupadayugalI
bhaktavaryasya ga~NgAviShNoryA~nchAvisheShAd
     vyarachi kR^itiriyaM ve~NkaTeshakShamAyaH |
shrIshailAnantavaryAnvayasamudayinA
ve~NkaTAryeNa bhaktyA nikShiptA tatpadAbje
     mudamatitanutAM tanvatAM svAntadeshe || 33||

|| iti shrImadanantAchAryavirachitaM shrI ve~NkaTesha
kShamAtrayastriMshachChlokIstotraM sampUrNam  ||

##

Encoded and proofread by YV Malleswara Rao malleswararaoy@yahoo.com
Brihatstotraratnavali

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}