% Text title            : vaTapatyaShTakam
% File name             : vaTapatyaShTakam.itx
% Category              : vishhnu, aShTaka
% Location              : doc\_vishhnu
% Transliterated by     : Gopal
% Proofread by          : NA
% Latest update         : September 26, 2016
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Vatapatyashtakam ..}##
\itxtitle{.. shrIvaTapatyaShTakam ..}##\endtitles ##

bhavaM sR^iShTvA devaH svayamiha niviShTo bhavamukhe
sahasrAsyo bhUtvA phalamanubhava~nChAstyavikR^itaH |
paraM devaiH sevyaM rasamupaniShadvedyamamitaM
namAmi shrInAthaM bhavabhayaharaM shrIvaTapatim || 1||

chidAnandaM satyaM jagadudayarakShAlayakaraM
yadaj~nAnAchChuktau rajatamiva vishvaM vilasitam |
punaryadvij~nAnaM bhramaharamabhedaM tamanaghaM
namAmi shrInAthaM bhavabhayaharaM shrIvaTapatim || 2||

purANo yo devo nivasati vaTeshastanubhR^itAM
hR^idambhoje draShTA viditamahimA saukhyasadanam |
tamArAdhyaM siddhaiH suramanujasaMsevitapadaM
namAmi shrInAthaM bhavabhayaharaM shrIvaTapatim || 3||

mahAmohAgAre.ativipadi bhavAbdhau nipatito
na pashyAmi tvatto.anyadiha sharaNaM me sukhakaram |
dayAsindho mAmuddhara sapadi tasmAchCharaNadaM
namAmi shrInAthaM bhavabhayaharaM shrIvaTapatim || 4||

asAre saMsAre vikR^itinilaye kleshabahule
ruchiM badhnantyaj~nAH sukhamadhulavAyAntavirase |
tvamevAsminsAro jagati tamahaM tvA rasaghanaM
namAmi shrInAthaM bhavabhayaharaM shrIvaTapatim || 5||

kadA.ahaM mokShye.asmAnnibiDatamaso bandhanagR^ihAt
prabho saMsArAttvachChravaNamananadhyAnarahitaH |
na yogaM sA~NkhyaM vA kamapi sadupAyaM cha kalaye
namAmi shrInAthaM bhavabhayaharaM shrIvaTapatim || 6||

nirAkAraM svAmi~njayatu tava rUpaM shrutinuta\-
mahaM tu tvAM manye karacharaNayuktaM guNanidhim |
shiveshaH shrIsho vA bhavatu na bhidA yatra tamahaM
namAmi shrInAthaM bhavabhayaharaM shrIvaTapatim || 7||

jaDe dR^ishye duHkhe nipuNamatiheye cha jagati
mR^iShArUpe puMsAM saditi sukhamAdeyamiti dhIH |
yadastitvAnandapratiphalanamUlA tamamR^itaM
namAmi shrInAthaM bhavabhayaharaM shrIvaTapatim || 8||

vibhAtu tannAtha madIyamAnase
tvadIyarUpaM sumanoharaM vibho |
ajAdidevairapi yasya chintanaM
svachittashuddhyai satataM vidhIyate || 9||

mAyArAmaproktametatsuramyaM
shrIshastotraM shrIvaTeshAShTakAkhyam |
astu shrIshastena tuShTaH stuvabhdyo
dishyAchChreyaH shAshvataM svAshritebhyaH || 10||

tattvaj~nAnapradaM bhaktivairAgyaparivardhanam |
paThitavyamidaM nityaM stotraM shrIpatituShTidam || 11||

vyAdhikAle cha mohAndhye vipattau shraddhayA paThet |
ya idaM sa bhayAnmuktaH sukhamakShayyamashnute || 12||

iti vedAntatIrthapaNDitashrImAyArAmakR^itaM vaTapatyaShTakaM samAptam |

##
Gopal, NA

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}