% Text title            : vAyu stuti
% File name             : vAyu\_stuti.itx
% Category              : vishhnu, vishnu\_misc, stotra, vishnu
% Location              : doc\_vishhnu
% Author                : Trivikrama PaNDita
% Transliterated by     : H. P. Raghunandan, Shrisha Rao shrao at dvaita.org
% Proofread by          : H. P. Raghunandan, Shrisha Rao shrao at dvaita.org
% Latest update         : May 28, 2021
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. vAyu stuti, praising hari (trivikrama paNDita) ..}##
\itxtitle{.. vAyustutiH athavA khilavAyustutiH ..}##\endtitles ##
 .. shrIharivAyustutiH ..
 .. atha shrInakhastutiH ..
pAntvasmAn puruhUtavairi balavanmAta~Nga mAdyadghaTA
     kumbhochchAdri vipATanAdhikapaTu pratyeka vajrAyitAH .
shrImatkaNThIravAsya pratata sunakharA dAritArAtidUra
     prad.hdhvastadhvAnta shAnta pravitata manasA bhAvitAnAkivR^indaiH .. 1.. bhAvitA bhUribhAgaiH

lakShmIkAnta samantato.apikalayan naiveshituste samaM
     pashyAmyuttama vastu dUrataratopAstaM rasoyo.aShTamaH .
yadroshotkara dakSha netra kuTila prAntotthitAgni sphurat
     khadyotopama visphuli~NgabhasitA brahmeshashakrotkarAH .. 2..
          iti shrImadAnandatIrthabhagavatpAdAchAryavirachitA
          shrInR^isiMhanakhastutiH sampurNA .
 .. atha shrIharivAyustutiH ..
shrImad.hviShNva~Nghri niShThA atiguNagurutama shrImadAnandatIrtha
     trailokyAchArya pAdojjvala jalajalasat pAMsavo.asmAnpunantu .
vAchA.nyatrapraNetrItribhuvanamahitA shAradA shAradenduH
     jyotsnAbhadrasmita shrIdhavaLitakakubhApremabhArambabhAra .. 1..
utkaNThAkuNThakolAhalajavaviditAjasrasevAnuvR^iddha
     prAj~nAtmaj~nAna dhUtAndhatamasasumano mauliratnAvaLInAm .
bhaktyudrekAvagADha praghaTanasaghaTAtkAra sa~NghR^iShyamANa
     prAntaprAgryA~Nghri pIThotthita kanakarajaH pi~njarAra~njitAshAH .. 2..
janmAdhivyAdhyupAdhipratihativirahaprApakANAM guNAnAm
     agryANAM arpakANAM chiramuditachidAnanda sandohadAnAm .
eteShAmeshadoSha pramuShitamanasAM dveShiNAM dUShakANAm
     daityAnAmArthimandhe tamasi vidadhatAM saMstavenAsmi shaktaH .. 3..
asyAviShkartukAmaM kalimalakaluShe.asminjanej~nAnamArgam
     vandyaM chandrendrarudra dyumaNiphaNivayoH nAyakadyairihAdya .
madhvAkhyaM mantrasiddhaM kimutakR^itavato mArutasyAvatAram
     pAtAraM pArameShTyaM padamapavipadaH prApturApanna puMsAm .. 4..
udyadvidyutprachaNDAM nijaruchi nikaravyApta lokAvakAsho
     bibhradbhImo bhujeyo.abhyudita dinakarAbhA~NgadADh.hya prakANDe .
vIryoddhAryAM gadAgryAmayamiha sumati.nvAyudevovidadhyAt
     adhyAtmaj~nAnanetA yativaramahito bhUmibhUShAmarNime .. 5..
saMsArottApanityopashamada sadaya snehahAsAmbupUra
     prodyadvidyAvanadya dyutimaNikiraNa shreNisampUritAshaH .
shrIvatsA~NkAdhi vAsochita tarasaralashrImadAnandatIrtha
     xIrAmbhodhirvibhindyAdbhavadanabhimatambhUrimebhUti hetuH .. 6..
mUrdhanyeSho.anjalirme dR^iDhataramihate badhyate bandhapAsha
     xetredhAtre sukhAnAM bhajati bhuvi bhaviShyadvidhAtre dyubhartre .
atyantaM santataM tvaM pradisha padayuge hanta santApa bhAjAm
     asmAkaM bhaktimekAM bhagavata utate mAdhavasyAtha vAyoH .. 7..
sAbhroShNAbhIshu shubhraprabhamabhayanabho bhUribhUbhR^idvibhUtiH
     bhrAjiShNurbhUrR^ibhUNAM bhavanamapi vibho.abhedibabhrebabhUve .
yenabhrovibhramaste bhramayatusubhR^ishaM babhruvaddurbhR^itAshAn
     bhrAntirbhedAva bhAsastvitibhayamabhi bhorbhUxyatomAyibhixUn .. 8..
ye.amumbhAvambhajante suramukhasujanArAdhitaM te tR^itIyam
     bhAsante bhAsuraiste sahacharachalitaishchAmaraishchAruveshAH .
vaikuNThe kaNThalagna sthirashuchi vilasatkAnti tAruNyalIlA
     lAvaNyA pUrNakAntA kuchabharasulabhAshleShasammodasAndrAH .. 9..
AnandAnmandamandA dadati hi marutaH kundamandAranandyAvartA
     .amodAn dadhAnAM mR^idupada muditodgItakaiH sundarINAm .
vR^indairAvandya muktendvahimagu madanAhIndra devendrasevye
     maukunde mandare.asminnaviratamudayanmodinAM deva deva .. 10..
uttaptAtyutkaTatviT prakaTakaTakaTa dhvAnasa~NghaTTanodyad
     vidyudvyUDhasphuli~Nga prakara vikiraNotkvAthite bAdhitA~NgAn .
udgADhampAtyamAnA tamasi tata itaH ki~NkaraiH pa~Nkilete
     pa~NktirgrAvNAM garimNAM glapayati hi bhavadveShiNo vidvadAdya .. 11..
asminnasmadgurUNAM haricharaNa chiradhyAna sanma~NgalAnAm
     yuShmAkaM  pArShvabhUmiM dhR^itaraNaraNikaH svargisevyAMprapannaH .
yastUdAste sa Aste.adhibhavamasulabha klesha nirmUkamasta
     prAyAnandaM kathaM chinnavasati satataM pa~nchakaShTe.atikaShTe .. 12..
xut xAmAn rUxaraxo radakharanakhara xuNNavixobhitAxAn
     AmagnAnAndhakUpe xuramukhamukharaiH paxibhirvixatA~NgAn .
pUyAsR^inmUtra viShThA krimikulakaliletatxaNaxipta shaktyAdyastra
     vrAtArditAn stvadviSha upajihate vajrakalpA jalUkAH .. 13..
mAtarmemAtarishvan pitaratulaguro bhrAtariShTAptabandho
     svAminsarvAntarAtmannajarajarayitaH janmamR^ityAmayAnAm .
govinde dehibhaktiM bhavaticha bhagavannUrjitAM nirnimittAm
     nirvyAjAM nishchalAM sadguNagaNa bR^ihatIM shAshvatImAshudeva .. 14..
viShNorattyuttamatvAdakhilaguNagaNaistatra bhakti~NgariShThAm
     saMshliShTe shrIdharAbhyAmamumatha parivArAtmanA sevakeShu .
yaH sandhatte viri~nchi shvasana vihagapAnanta rudrendra pUrve
     ShvAdhyAyaMstAratamyaM sphuTamavati sadA vAyurasmadgurustam .. 15..
tattvaj~nAn muktibhAjaH sukhayisi hi guro yogyatAtAratamyAt
     Adhatse mishrabuddhiM stridivanirayabhUgocharAnnityabaddhAn .
tAmisrAndhAdikAkhye  tamasisubahulaM duHkhayasyanyathAj~nAn
     viShNorAj~nAbhiritthaM shR^iti shatamitihAsAdi chAkarNayAmaH .. 16..
vande.ahaM taM hanUmAniti mahitamahApauruSho bAhushAli
     khyAtaste.agryo.avatAraH sahita iha bahubrahmacharyAdi dharmaiH .
sasnehAnAM sahasvAnaharaharahitaM nirdahan dehabhAjAm
     aMhomohApaho yaH spR^ihayati mahatIM bhaktimadyApi rAme .. 17..
prAkpa~nchAshatsahasrairvyavahitamahitaM yojanaiH parvataM tvam
     yAvatsa~njIvanAdyauShadha nidhimadhikaprANala~NkAmanaiShiH .
adrAxIdutpatantaM tata uta girimutpATayantaM gR^ihItvA
     yAntaM khe rAghavA~Nghrau praNatamapi tadaikaxaNe tvAMhilokaH .. 18..
xiptaH pashchAtsatsalIlaM shatamatulamate yojanAnAM sa
     uchchastAvadvistAra vaMshchyApi upalalavaiva vyagrabuddhyA tvayAtaH .
svasvasthAnasthitAti sthirashakala shilAjAla saMshleSha naShTa
     ChedA~NkaH prAgivAbhUt kapivaravapuShaste namaH kaushalAya .. 19..
dR^iShTvA dR^iShTAdhiporaH sphuTitakanaka sadvarma ghR^iShTAsthikUTam
     niShpiShTaM hATakAdri prakaTa taTa taTAkAti sha~Nko jano.abhUt .
yenAjau rAvaNAripriyanaTanapaTurmuShTiriShTaM pradeShTum
     ki.nneShTe me sa te.aShTApadakaTa kataTitkoTi bhAmR^iShTa kAShThaH .. 20..
devyAdesha praNIti dR^ihiNa haravarAvadya raxo vighAtA
     .adyAsevodyaddayArdraH sahabhujamakarodrAmanAmA mukundaH .
duShprApe pArameShTh.hye karatalamatulaM mUrdhivinyasya dhanyam
     tanvanbhUyaH prabhUta praNaya vikasitAbjexaNastvexamANaH .. 21..
jaghnenighnenavighno  bahulabalabakadhvaMsa nAdyenashochat
     viprAnukrosha pAshairasu vidhR^iti sukhasyaikachakrAjanAnAm .
tasmaitedeva kurmaH kurukulapataye karmaNAchapraNAmAn
     kirmIraM durmatInAM prathamaM atha cha yo narmaNA nirmamAtha .. 22..
nirmR^idnannatya yatnaM vijaravara jarAsandha kAyAsthisandhIn
     yuddhe tvaM svadhvare vApashumivadamayan viShNu paxadviDIsham .
yAvatpratyaxa bhUtaM nikhilamakhabhujaM tarpayAmAsithAsau
     tAvatyAyoji tR^iptyAkimuvada bhaghavan rAjasUyAshvamedhe .. 23..
xvelAxINATTahAsahaM tavaraNamarihannudgadoddAmabAhoH
     bahvaxauhiNya nIkaxapaNa sunipuNaM yasya sarvottamasya .
shuShrUshArthaM chakartha svayamayamatha sa.nvaktumAnandatIrtha
     shrImannAmansamarthastvamapi hi yuvayoH pAdapadmaM prapadye .. 24..
dR^ihyantIMhR^idR^ihaM mAM dR^itamanila balAdrAvayantImavidyA
     nidrA.nvidrAvya sadyo rachanapaTumathApAdyavidyAsamudra .
vAgdevI sA suvidyA draviNada viditA draupadI rudrapatnyAt
     udriktAdrAgabhadrA drahayatu dayitA pUrvabhImAj~nayAte .. 25..
yAbhyAM shushrUShurAsIH  kurukula janane xatraviproditAbhyAm
     brahmabhyAM bR^iMhitAbhyAM chitasukha vapuShA kR^iShNanAmAspadAbhyAm .
nirbhedAbhyAM visheShAdvivachana vishayAbhyAmubhAbhyAmamUbhyAm
     tubhyaM cha xemadebhyaH sarisijavilasallochanebhyo namo.astu .. 26..
gachChan saugandhikArthaM pathi sa hanumataH puchChamachChasya
     bhImaH proddhartuM nAshakatsa tvamumuruvapuShA bhIShayAmAsa cheti .
pUrNaj~nAnaujasoste gurutamavapuShoH shrImadAnandatIrtha
     krIDAmAtraM tadetat pramadada sudhiyAM mohaka dveShabhAjAm .. 27..
bahvIH koTIraTIkaH kuTalakaTumatInutkaTATopa kopAn
     drAkchatvaM satvaratvAchcharaNada gadayA pothayAmAsithArIn .
unmathyA tatthya mithyAtva vachana vachanAn utpathasthAMstathA.ayAn
     prAyachChaH svapriyAyai priyatama kusumaM prANa tasmai namaste .. 28..
dehAdutkrAmitAnAmadhipati rasatAmakramAdvakrabuddhiH
     kruddhaH krodhaikavashyaH krimiriva maNimAn duShkR^itI niShkriyArtham .
chakre bhUchakrametya krakachamiva satAM chetasaH kaShTashAstraM
     dustarkaM chakrapANerguNagaNa virahaM jIvatAM chAdhikR^itya .. 29..
taddutprexAnusArAtkatipaya kunarairAdR^ito.anyairvisR^iShTo
     brahmAhaM nirguNo.ahaM vitathamidamiti hyeShapAshaNDavAdaH .
tadyuktyAbhAsa jAla prasara viShatarUddAhadaxapramANa
     jvAlAmAlAdharo.agniH pavana vijayate te.avatArastR^itIyaH .. 30..
AkroshantonirAshA bhayabhara vivashasvAshayAchChinnadarpA
     vAshanto deshanAshasviti bata kudhiyAM nAshamAshAdashA.ashu .
dhAvanto.ashlIlashIlA vitatha shapatha shApA shivAH shAnta shauryAH
     tvadvyAkhyA siMhanAde sapadi dadR^ishire mAyi gomAyavaste .. 31..
triShvapyevAvatAreShvaribhirapaghR^iNaM hiMsitonirvikAraH
     sarvaj~naH sarvashaktiH sakalaguNagaNApUrNa rUpapragalbhaH .
svachChaH svachChanda mR^ityuH sukhayasi sujanaM devakiM chitramatra
     trAtA yasya tridhAmA jagadutavashagaM ki~NkarAH sha~NkarAdyAH .. 32..
udyanmandasmita shrIrmR^idu madhumadhurAlApa pIyUShadhArA
     pUrAsekopashAntA sukhasujana manolochanA pIyamAnaM .
sandraxyesundaraM sanduhadiha mahadAnandaM AnandatIrtha
     shrImadvaktendru bimbaM duratanududitaM nityadAhaM kadAnu .. 33..
prAchInAchIrNa puNyochchaya chaturatarAchAratashchAruchittAn
     atyuchchAM rochayantIM shR^itichita vachanAMshrAva kAMshchodyachu~nchUn .
vyAkhyAmutkhAta duHkhAM chiramuchita mahAchArya chintAratAMste
     chitrAM sachChAstrakartAshcharaNa paricharAM ChrAvayAsmAMshchaki~nchit .. 34..
pITheratnokapaklR^ipte ruchiraruchimaNi jyotiShA sanniShaNNam
     brahmANaM bhAvinaM tvAM jvalati nijapade vaidikAdyA hi vidyAH .
sevante mUrtimatyaH sucharitacharitaM bhAti gandharva gItaM
     pratyekaM devasaMsatsvapi tava bhaghavannartitaddyovadhUShu .. 35..
sAnukroShairajasraM janimR^iti nirayAdyUrmimAlAvile.asmin
     saMsArAbdhaunimagnAMsharaNamasharaNAnichChato vIxyajantUn .
yuShmAbhiH prrAthitaH san jalanidhishayanaH satyavatyAM maharSheH
     vyaktashchinmAtra mUrtinakhalu bhagavataH prAkR^ito jAtu dehaH .. 36..
astavyastaM samastashR^iti gatamadhamaiH ratnapUgaM yathAndhaiH
     arthaM lokopakR^ityaiH guNagaNanilayaH sUtrayAmAsa kR^itsnam .
yo.asau vyAsAbhidhAnastamahamaharahaH bhaktitastvatprasAdAt
     sadyo vidyopalabdhyai gurutamamaguruM devadevaM namAmi .. 37..
Aj~nAmanyairadhAryAM shirasi parisaradrashmi koTIrakoTau
     kR^iShNasyAkliShTa karmAdadhadanu sarANAdarthito devasa~NghaiH .
bhUmAvAgatya bhUmannasukaramakarorbrahmasUtrasya bhAShyam
     durbhAShyaM vyAsyadasyormaNimata uditaM vedasadyuktibhistvam .. 38..
bhUtvAxetre vishuddhe dvijagaNanilaye raupyapIThAbhidhAne
     tatrApi brahmajAtistribhuvana  vishade madhyagehAkhya gehe .
pArivrAjyAdhi rAjaH punarapi badarIM prApya kR^iShNaM cha natvA
     kR^itvA bhAShyANi samyak vyatanuta cha bhavAn bharatArthaprakAsham .. 39..
vande taM tvAM supUrNa pramatimanudinA sevitaM devavR^indaiH
     vande vandArumIshe shriya uta niyataM shrImadAnandatIrtham .
vande mandAkinI satsaridamala jalAseka sAdhikya sa~Ngam
     vande.ahaM deva bhaktyA bhava bhaya dahanaM sajjanAnmodayantam .. 40..
subrahmaNyAkhya sUreH suta iti subhR^ishaM keshavAnandatIrtha
     shrImatpAdAbja bhaktaH stutimakR^ita harervAyudevasya chAsya .
tvatpAdArchAdareNa grathita padala sanmAlayA tvetayAye
     saMrAdhyAmUnamanti pratatamatiguNA muktimete vrajanti .. 41..
          iti shrItrivikramapaNDitAchArya virachitaM
          shrIharivAyustutiH sampUrNam .
 .. atha shrI nakhastutiH ..
pAntvasmAn puruhUtavairi balavanmAta~Nga mAdyadghaTA
     kumbhochchAdri vipATanAdhikapaTu pratyeka vajrAyitAH .
shrImatkaNThIravAsya pratata sunakharA dAritArAtidUra
     prad.hdhvastadhvAnta shAnta pravitata manasA bhAvitAnAkivR^indaiH .. 1..
lakShmIkAnta samantato.apikalayan naiveshituste samam
     pashyAmyuttama vastu dUrataratopAstaM rasoyo.aShTamaH .
yadroshotkara dakSha netra kuTilaH prAntotthitAgni sphurat
     khadyotopama visphuli~NgabhasitA brahmeshashakrotkarAH .. 2..

iti shrImadAnandatIrthabhagavatpAdAchAryavirachitaM
          shrInR^isiMhanakhastutiH sampurNam .

 .. bhAratIramaNamukhyaprANAntargata shrIkR^iShNArpaNamastu ..

vAyurbhImo bhImanAdo mahUjAH sarveshAM cha prANinAM prANabhUtaH .
anAvR^ittirdehinAM dehapAte tasmAdvAyurdevadevo vishiShTaH ..  ..
j~nAne virAge haribhaktibhAve dhR^itisthitiprANabaleShi yoge .
buddhau cha nAnyo hanumatsamAnaH pumAn kadAchit kvachakashcha naiva ..  ..
vAtena kuntyAM balavAn sa jAtaH shUrastapasvI dviShatAM nihantA .
satye cha dharme cha rataH sadaiva parAkrame shatrubhirapradhR^iShyaH ..  ..
yo vipralambhaviparItamatiprabhUtAn vAdAnnirasta kR^itavAnbhuvi tattvavAdam .
sarveshvaro haririti pratipAdayantamAnandatIrtha munivaryamahaM namAmi ..  ..
yasya trINyuditAni vedavachane rUpANi divyAnyalam .
baT taddarshanamitthameva nihitaM devasya bhargo mahat .
vAyo rAmavachonayaM prathamakaM pR^ixo dvitIyaM vapuH .
madhvo yattu tR^itIyametadamunA granthaH kR^itaH keshave ..  ..
mahAvyAkaraNAmbhodhi manthamAnasamandaram .
kavayantaM rAmakIrtyA hanUmantamupAsmahe ..  ..
brahmAntA guravaH sAkShAdiShTaM daivaM shriyaH patiH .
AchAryAH shrImadAchAryAH santu me janma janmani ..  ..
prathamo hanumAnnAmA dvitIyo bhIma eva cha .
pUrNapraj~na tR^itIyastu bhagavatkAryasAdhakaH ..  ..
mukhyaprANAya bhImAya namo yasya bhujAntaram .
nAnA vIrasuvarNAnAM nikaShAshmAyitaM babhau ..  ..
svAntasthAnantashaiyAya pUrNaj~nAnarasArNase .
uttu~NgavAktara~NgAya madhvadugdhAbdhaye namaH ..  ..
yenAhaM iha durmArgAt uddhR^ityAdi niveshitaH .
samyak shrIvaiShNave mArge pUrNapraj~naM namAmi tam ..  ..
hanUmAna~njanAsUnuH vAyuputro mahAbalaH .
rAmeShTaH phalguNasakhaH pi~NgAkSho.amitavikramaH ..  ..
udadhikramaNashchaiva sItAsandeshahArakaH .
lakShmaNaprANadAtA cha dashagrIvasya darpahA ..  ..
mArutiH pANDavo bhImo gadApANirvR^ikodaraH .
kaunteyaH kR^iShNadUtashcha bhImaseno mahAbalaH ..  ..
jarAsandhAntako vIro duHshAsana vinAshanaH .
pUrNapraj~no j~nAnadAtA madhvo dhvasta durAgamaH ..  ..
tattvaj~no vaiShNavAchAryo vyAsashiShyo yatIshvaraH .. ..
shubhatIrthAbhidhAnashcha jitAmitro jitendriyaH .
shrImadAnanda sannAmnAmeva dvAdashakaM japet .
labhate vaiShNavIM bhaktiM gurubhakti samanvitam ..  ..
manojavaM mArutatulyavegaM jitendriyaM buddhimatAM variShTham .
vAtAtmajaM vAnarayUthamukhyaM shrIrAmadUtaM shirasA namAmi ..  ..
buddhirbalaM yasho dhairyaM nirbhayattvaM arogatA .
ajAD.hyaM vAkpaTuttvaM cha hanUmatsmaraNadbhavet ..  ..
na mAdhavasamo devo na cha madhva samo guruH .
na tadvAkyasamaM shAstraM na cha tasya samaH pumAn ..  ..
bhImasena samo nAsti senayorubhayorapi .
pANDityecha paTutve cha shUratve cha balepi cha ..  ..
AchAryaH pavano.asmAkaM AchAryANI cha bhAratI .
devo nArAyaNaH shrIshaH devI ma~NgaLa devatA ..  ..

iti trivikramapaNDitAchAryavirachitA vAyustutiH samAptA |
##

Encoded and proofread by H. P. Raghunandan, Shrisha Rao shrao at dvaita.org

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}