% Text title            : Mahabalikritam Sudarshana Stotram
% File name             : sudarshanastotraMmahAbalikRRitam.itx
% Category              : vishhnu, stotra
% Location              : doc\_vishhnu
% Proofread by          : PSA Easwaran
% Description/comments  : from Vishnudharma Upapurana. Adhyaya 78
% Latest update         : December 25, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Mahabalikritam Sudarshana Stotram ..}##
\itxtitle{.. mahAbalikR^itaM sudarshanastotram ..}##\endtitles ##

baliruvAcha \-
anantasyAprameyasya vishvamUrtermahAtmanaH |
namAmi chakriNashchakraM karasa~Ngi sudarshanam || 50||
sahasramiva sUryANAM sa~NghAtaM vidyutAmiva |
kAlAgnimiva yachchakraM tadviShNoH praNamAmyaham || 51||
duShTarAhugalachChedashoNitAruNatArakam |
tannamAmi hareshchakraM shatanemi sudarshanam || 52||
yasyArakeShu shakrAdyA lokapAlA vyavasthitAH |
tadantarvasavo rudrAstathaiva marutAM gaNAH || 53||
dhArAyAM dvAdashAdityAH samastAshcha hutAshanAH |
dhArAjAle.abdhayaH sarve nAbhimadhye prajApatiH || 54||
samastanemiShvakhilA yasya vidyAH pratiShThitAH |
yasya rUpamanirdeshyamapi yogibhiruttamaiH || 55||
yadbhramatsurasa~NghAnAM tejasaH paribR^iMhaNaM
daityaujasAM cha nAshAya tannamAmi sudarshanaM
bhramanmatamahAvegavibhrAntAkhilakhecharaM
tannamAmi hareshchakramanantAraM sudarshanaM
nakShatravadvahnikaNavyAptaM kR^itsnaM nabhastalaM
tannamAmi hareshchakraM karasa~Ngi sudarshanaM
svabhAvatejasA yuktaM yadarkAgnimayaM mahat |
visheShato harergatvA sarvadevamayaM karam || 57||
durvR^ittadaityamathanaM jagataH paripAlakam |
tannamAmi hareshchakraM daityachakraharaM param || 58||
karotu me sadA sharma dharmatAM cha prayAtu me |
prasAdasumukhe kR^iShNe tasya chakraM sudarshanam || 59||
svabhAvatejasA yuktaM madhyAhnArkasamaprabhaM
prasIda saMyuge.arINAM sudarshanasudarshanam |
vidyujjvAlAmahAkakShaM dahAntarmama yattamaH || 60||
jahi no viShayagrAhi mano grahavicheShTitam |
visphoTayAkhilAM mAyAM kuruShva vimalAM matim || 61||
evaM saMsthUyamAnaM tadvahnipiNDopamaM mahat |
babhUva prakaTaM chakraM daityachakrapatestadA || 62||
dadarsha sa mahAbAhuH prabhAmaNDaladurdR^isham |
agnijvAlAgataM tAmraM taptachakramivAparam || 63||
bhramatastasya chakrasya nAbhimadhye mahIpate |
trailokyamakhilaM daityo dR^iShTavAnbhUrbhuvAdikam || 64||
mervAdInakhilA~nChailAnga~NgAdyAH saritastathA |
kShIrAbdhipramukhAMshchAbdhIndvIpA~njambvAdisa.nj~nitAn || 65||
vaimAnikAnsagandharvAnsUryAdIMshcha tathA grahAn |
nakShatratArakAkAshaM shakrAdIMshcha divaukasaH || 66||
rudrAdityAMshcha marutAM sAdhyAnAM cha mahIpate |
sannidhAnaM nirIkShyAsau daityAnAM vismito.abhavat || 67||
tataH praNamyArtiharaM surANAmapArasAraM paramAyudhaM hareH |
namo namaste.astviti daityarAjaH provAcha bhUyo.api namo namaste || 68||
yanno.ashubhaM chetasi vAyuvega yanno.ashubhaM vAchi hutAshanottha |
yachchAshubhaM kAyakR^itaM harestadvarAyudhaM tvaM prashamaM nayAshu || 69||
prasIda satkArakR^itaM mamAghaM prayAtu te nAshamanantavIrya |
satAM cha sanmArgavatAM manAMsi sthirIbhavantvachyutapAdayugme || 70||

iti viShNudharmeShu aShTasaptatitamo.adhyAyAntargataM mahAbalikR^itaM sudarshanastotram |

##
Proofread by PSA Easwaran 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}