% Text title            : Shri Krishna Ashtakam
% File name             : shrIkRRiShNAShTakamshrIdharasvAmI2.itx
% Category              : vishhnu, shrIdharasvAmI, aShTaka, krishna, stotra
% Location              : doc\_vishhnu
% Author                : Shridharasvami
% Description/comments  : shrIdharasvAmI stotraratnAkara
% Acknowledge-Permission: Upendra Shripad Dasare, https://shridharamrut.com
% Latest update         : November 8, 2022
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Krishna Ashtakam ..}##
\itxtitle{.. shrIkR^iShNAShTakam ..}##\endtitles ##
yadbrahmanirguNamiti shrutayo vadanti
      yaddivyabhaktivashagaH sthirasaukhyameti |
yasmin sthite tu bhavameti punarna kashchit
      tatkR^iShNadivyapadapa~NkajamAshrayeham || 1||
yasminna jIvajagadAdikabandhajAlaM
      brahmaiva yatsvamahasaiva sadA chakAsti |
yasmin pare sukhaghane na vibhinnamIShat
      tatkR^iShNadivyapadapa~NkajamAshrayeham || 2||
kAryaM na kAraNamapIti na yasya ki~nichat
      svAnandamAtramiha yatparipUrNamekam |
mAyA na tatsakalakAryamudeti yasmin
      tatkR^iShNAdivyapadapa~NkajamAshrayeham || 3||
yanneti neti vachanairnigamA avochuH
      nashyenna yatkvachidihAsya vinAshakatvAt |
yachChAshvataM vitatamadvayachitsvarUpaM
      tatkR^iShNadivyapadapa~NkajamAshrayeham || 4||
yasminna kilviShamidaM kila dehajAtaM
      yasmiMstathA na khalu bhAti manaHkR^itaM yat |
yasminna janmaguNakarmajapAshabandhaH
      tatkR^iShNadivyapadapa~NkajamAshrayeham || 5||
brahmANDamIdR^igathavA na tathaiva piNDaM
      puMstrI tathA cha purUShaH prakR^itirna yatra |
sarvaj~na Isha iti yatra cha naiva jIvaH
      tatkR^iShNadivyapadapa~NkajamAshrayeham || 6||
yanma~NgalaM paramahokhilama~NgalAnAM
      satyasyasatyamiti yatprathitaM cha vedaiH |
yatsaukhyaleshata ime tridashAshcha dhanyAH
      tatkR^iShNadivyapadapa~NkajamAshrayeham || 7||
yatsarvachetanamaho.api na yatra sarvaM
      svenaiva sarvahR^idayehamiti sphuTaM yat |
j~nAtvA svasaukhyamiti yanmunayo vimuktAH
      tatkR^iShNadivyapadapa~NkajamAshrayeham | 8||
trailokyapAvanI puNyA muktidA kR^iShNasaMstutiH |
bhadraM tanotu lokeShu ga~Ngeva kila sarvadA || 9||

iti shrImat paramahaMsaparivrAjakAchArya sadgurU bhagavAna
shrIdharasvAmImahArAjavirachitaM shrIkR^iShNAShTakaM sampUrNam |

rachanAkALaH shrIkR^iShNajanmAShTamI, saMvatsara\- 1943
rachanAsthaLaH kA.cphI udyAna, chikkamagaLUru
##

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}