% Text title            : samastapApanAshana viShNustotra puShkarikta agnipurANe
% File name             : samastapApanAshanaviShNustotrapuShkara.itx
% Category              : vishhnu, stotra, vishnu
% Location              : doc\_vishhnu
% Description-comments  : Agni Purana adhyAya 172 1-22
% Latest update         : February 18, 2013
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrI samastapApanAshana shrIviShNustotra ..}##
\itxtitle{.. shrIsamastapApanAshana shrIviShNustotra ..}##\endtitles ##
puShkara uvAcha 
paradAraparadravyajIvahi.nsAdike yadA |
pravartate nR^iNAM chittaM prAyashchittaM stutistadA || 1||
viShNave viShNave nityaM viShNave viShNave namaH |
namAmi viShNuM chittasthamaha~NkAragatiM harim || 2||
chittasthamIshamavyaktamanantamaparAjitam |
viShNumIDyamasheSheNa anAdinidhanaM vibhum || 3||
viShNushchittagato yanmeviShNurbuddhigatashcha yat |
yachchAha~NkArago viShNuryavdiShNurmayisaMsthitaH || 4||
karoti karmabhUto.asau sthAvarasya charasya cha |
tat pApannAshamAyAtu tasminneva hi chintite || 5||
dhyAto harati yat pApaM svapne dR^iShTastu bhAvanAt |
tamupendramahaM viShNuM praNatArttiharaM harim || 6|| ##var ## praNatArtiharaM
jagatyasminnirAdhAre majjamAne tamasyadhaH |
hastAvalambanaM viShNuM praNamAmi parAtparam || 7||
sarveshvareshvara vibho paramAtmannadhokShaja |
hR^iShIkesha hR^iShIkesha hR^iShIkesha namo.astute || 8||
nR^isiMhAnanta govinda bhUtabhAvana keshava |
duruktaM duShkR^itaM dhyAtaM shamayAghannamo.astute || 9||
yanmayA chintitaM duShTaM svachittavashavarttinA |
akAryamahadatyugrantachChamannaya keshava || 10||
brahmaNyadeva govinda paramArthaparAyaNa |
jagannAtha jagaddhyAtaH pApaM prashamayAchyuta || 11||
yathAparAhne sAyAhne madhyAhne cha tathA nishi |
kAyena manasA vAchA kR^itaM pApamajAnatA || 12||
jAnatA cha hR^iShIkesha puNDarIkAkSha mAdhava |
nAmatrayochchAraNataH svapne yAtu mama kShayam || 13|| ## var## pApaM yAtu
sharIraM me hR^iShIkesha puNDarIkAkSha mAdhava |
pApaM prashamayAdyatvaM vAkkR^itaM mama mAdhava || 14||
yadbhu~njanyatsvapaMstiShThan gachChan jAgrad yadAsthitaH |
kR^itavAn pApamadyAhaM kAyena manasAgirA || 15||
yat svalpamapi yat sthUlaM kuyoninarakAvaham |
tadyAtu prashamaMsarva vAsudevAnukIrtanAt || 16||
paraM brahma paraM dhAma pavitraM parama~ncha yat |
tasmin prakIrtite viShNau yat pApaM tat praNashyatu || 17||
yat prApya na nivartante gandhasparshAdi varjitam |
sUrayastat padaM viShNostat sarvaM shamayatvadham || 18||

mAhAtmyaM 
pApapraNAshanaM stotraM yaH paThechChR^iNuyAdapi |
shArIrairmAnasairvAgjaiH kR^itaiH pApaiH pramuchyate || 19||
sarvapApagrahAdibhyo yAtiviShNoH paraM padam |
tasmAtpApe kR^ite japyaMstotraMsarvAghamardanam || 20||
prAyashchittamaghaughAnAM stotraM vratakR^ite varam |
prAyashchittaiH stotrajapairvratairnashyati pAtakam || 21||
tataH kAryANi sa.nsiddhyai tAni vai bhuktimuktaye || 22||

ityAgneye mahApurANe sarvapApaprAyashchitta pApanAshanastotraM
nAma dvisaptatyadhikashatatamo.adhyAyaH ||
##
Agni Purana adhyAya 172
Proofread NA

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}