% Text title            : Kaushikabrahmanena Rakshasaya Proktam Sarasvata Stotram
% File name             : sArasvatastotraMkaushikabrAhmaNenarAkShasAyaproktam.itx
% Category              : vishhnu, stotra
% Location              : doc\_vishhnu
% Proofread by          : PSA Easwaran
% Description/comments  : from Vishnudharma Upapurana. Adhyaya 70
% Latest update         : December 25, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Kaushikabrahmanena Rakshasaya Proktam Sarasvata Stotram ..}##
\itxtitle{.. kaushikabrAhmaNena rAkShasAya proktaM sArasvatastotram ..}##\endtitles ##
shrUyatAM tava yachChreyastathAnyeShAM cha pApinAm |
samastapApashud.hdhyarthaM puNyopachayadaM cha yat || 41||
prAtarutthAya satataM madhyAhne.ahnaHkShaye.api vA |
ayaM shastaH sadA jApaH sarvapApopashAntidaH || 42||
hariM kR^iShNaM hR^iShIkeshaM vAsudevaM janArdanam |
praNato.asmi jagannAthaM sa me pApaM vyapohatu || 43||
vishveshvaramajaM viShNumaprameyaparAkramam |
praNato.asmi prajApAlaM sa me pApaM vyapohatu || 44||
viShNumachyutamIshAnamanantamaparAjitam |
praNato.asmi mahAtmAnaM sa me pApaM vyapohatu || 45||
charAcharaguruM nAthaM govindaM sheShashAyinam |
praNato.asmi paraM devaM sa me pApaM vyapohatu || 46||
govardhanadharaM dhIraM gobrAhmaNahite sthitam |
praNato.asmi gadApANiM sa me pApaM vyapohatu || 47||
sha~NkhinaM chakriNaM shAntaM shAr~NgiNaM sragdharaM param |
praNato.asmi patiM lakShmyAH sa me pApaM vyapohatu || 48||
dAmodaramudArAkShaM puNDarIkAkShamavyayam |
praNato.asmi stutaM stutyaiH sa me pApaM vyapohatu || 49||
nArAyaNaM naraM shauriM mAdhavaM madhusUdanam |
praNato.asmi dharAdhAraM sa me pApaM vyapohatu || 50||
keshavaM keshihantAraM kaMsAriShTanisUdanam |
praNato.asmi chaturbAhuM sa me pApaM vyapohatu || 51||
shrIvatsavakShasaM shrIshaM shrIdharaM shrIniketanam |
praNato.asmi shriyaH kAntaM sa me pApaM vyapohatu || 52||
yamIshaM sarvabhUtAnAM dhyAyanti yatayo.akSharam |
vAsudevamanirdeshyaM tamasmi sharaNaM gataH || 53||
samastAlambanebhyo.ayaM saMhR^itya manaso gatim |
dhyAyanti vAsudevAkhyaM tamasmi sharaNaM gataH || 54||
sarvagaM sarvabhUtaM cha sarvasyAdhAramIshvaram |
vAsudevaM paraM brahma tamasmi sharaNaM gataH || 55||
paramAtmAnamavyaktaM yaM prayAnti sumedhasaH |
karmakShaye.akShayaM devaM tamasmi sharaNaM gataH || 56||
puNyapApavinirmuktA yaM pravishya punarbhavam |
na yoginaH prApnuvanti tamasmi sharaNaM gataH || 57||
brahmA bhUtvA jagatsarvaM sadevAsuramAnuSham |
yaH sR^ijatyachyuto devastamasmi sharaNaM gataH || 58||
brahmatve yasya vaktrebhyashchaturvedamayaM vapuH |
sUtaM prabho purA jaj~ne tamasmi sharaNaM gataH || 59||
brahmarUpadharaM devaM jagadyoniM janArdanam |
sraShTR^itve saMsthitaM sR^iShTau praNato.asmi sanAtanam || 60||
yaH pAti sR^iShTaM cha vibhuH sthitAvasurasUdanaH |
tamAdipuruShaM viShNuM praNato.asmi sanAtanam || 61||
dhR^itA mahI hatA daityAH paritrAtAstathAmarAH |
yena taM viShNumAdyeshaM praNato.asmi sanAtanam || 62||
yaj~nairyajanti yaM viprA yaj~neshaM yaj~nabhAvanam |
taM yaj~napuruShaM viShNuM praNato.asmi sanAtanam || 63||
varNAshramAnsthitAvAdyo yaH sthApayati vartmani |
tamAdipuruShaM viShNuM praNato.asmi sanAtanam || 64||
kalpAnte rudrarUpo yaH saMharatyakhilaM jagat |
tamAdipuruShaM viShNuM praNato.asmi janArdanam || 65||
pAtAlavIthIbhUrAdIMstathA lokAnbibharti yaH |
tamantapuruShaM viShNuM praNato.asmi janArdanam || 66||
sambhakShayitvA sakalaM yathA sR^iShTamidaM jagat |
yo nR^ityatyatiraudrAtmA praNato.asmi janArdanam || 67||
surAsurAH pitR^igaNA yakShagandharvarAkShasAH |
yasyAMshabhUtA devasya sarvagaM taM namAmyaham || 68||
samastadevAH sakalA mAnuShANAM cha jAtayaH |
yasyAMshabhUtA devasya sarvagaM taM namAmyaham || 69||
vR^ikShagulmAdayo yasya tathA pashumR^igAdayaH |
ekAMshabhUtA devasya sarvagaM taM namAmyaham || 70||
yasmAnnAnyatparaM ki~nchidyasminsarvaM mahAtmani |
yaH sarvamavyayo.anantaH sarvagaM taM namAmyaham || 71||
yathA sarveShu bhUteShu sthAvareShu chareShu cha |
viShNureva tathA pApaM mamAsheShaM praNashyatu || 72||
yathA viShNumayaM sarvaM yatsarvendriyagocharam |
yachcha j~nAnaparichChedyaM pApaM nashyatu me tathA || 73||
pravR^ittaM cha nivR^ittaM cha karma viShNumayaM yathA |
anekajanmakarmotthaM pApaM nashyatu me tathA || 74||
yannishAyAM tathA prAtaryachcha madhyAparAhNayoH |
sandhyayoshcha kR^itaM pApaM karmaNA manasA girA || 75||
tiShThatA vrajatA yachcha shayyAsanagatena cha |
kR^itaM yadashubhaM karma kAyena manasA girA || 76||
aj~nAnato j~nAnato vA vAsudevasya kIrtanAt |
tatsarvaM vilayaM yAtu toyasthaM lavaNaM yathA || 77||
paradAraparadravyavA~nChAdrohodbhavaM cha yat |
paripIDodbhavaM nindAM kurvato yanmahAtmanAm || 78||
yachcha bhojye tathA peye yachcha kaNDUyanAdiShu |
tadyAtu vilayaM toye yathA lavaNabhAjanam || 79||
yadbAlye yachcha kaumAre yatpApaM yauvane mama |
vayaHpariNatau yachcha yachcha janmAntareShu me || 80||
tannArAyaNagovindaharikR^iShNeshakIrtanAt |
prayAtu vilayaM toye yathA lavaNabhAjanam || 81||
viShNave vAsudevAya haraye keshavAya cha |
janArdanAya kR^iShNAya namo bhUyo namo namaH || 82||
idaM sArasvataM stotramasheShAghavinAshanam |
paThatAM shR^iNvatAM chaiva sarvapApavinAshanam || 83||
idaM yaH prAtarutthAya praNipatya janArdanam |
japatyekamanAH pApaM samastaM sa vyapohati || 84||
yastu saMvatsaraM pUrNaM sAyaM prAtaH samAhitaH |
japatyetannaraH puNyaM kR^itvA manasi keshavam || 85||
shArIraM mAnasaM vAgjaM j~nAnato.aj~nAnato.api vA |
kR^itaM tena tu yatpApaM saptajanmAntarANi vai || 86||
mahApAtakamalpaM vA tathA yachchopapAtakam |
sakalaM nAshayatyetattathAnyatpuNyamR^ichChati || 87||
viprAya suvishiShTAya tilapAtrANi ShoDasha |
ahanyahani yo dadyAtpaThatyetachcha tatsamam || 88||
aviplutamatishchAnte samprApya smaraNaM hareH |
viShNulokamavApnoti satyametanmayoditam || 89||
yathainaM paThati nityaM stavaM sArasvataM pumAn
api pApasamAyukto mokShaM prApnotyasAvapi
yathaitatsatyamuktaM me nAtrAlpamapi vai mR^iShA |
rAkShasagrastasarvA~NgaM tathA mAmeSha mu~nchatu || 90||

iti viShNudharmeShu saptatitamo.adhyAyAntargataM kaushikabrAhmaNena rAkShasAya
                                   proktaM sArasvatastotraM sampUrNam |

##
Proofread by PSA Easwaran 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}