% Text title : rAsakrIDA 1 from Gargasamhita % File name : rAsakrIDA1gargasamhitA.itx % Category : vishhnu, krishna, stotra % Location : doc\_vishhnu % Transliterated by : Vishwas Bhide vrbhide at rediffmail.com % Proofread by : Vishwas Bhide, PSA Easwaran psaeaswaran at gmail.com % Description-comments : gargasamhitA % Acknowledge-Permission: Vishwas Bhide http://satsangdhara.net/ % Latest update : February 3, 2016 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. rAsakrIDA 1 ..}## \itxtitle{.. rAsakrIDA 1 ..}##\endtitles ## shrIgarga uvAcha \- hemante mAsi pUrvasmin rAkAyAM rAdhikeshvaraH | vaMshIM vashakarIM daghmau yathA vR^indAvane purA || 1|| dhvanirbabhUva tasyAshcha sarveShAmAharanmanaH | nishamya gopyaH sa~NkhinnAH kAmakhedena tatrasuH || 2|| rundhannambubhR^itashchamatkR^itiparaM kurvanmuhustvambaraM dhyAnAddhanta nayansanandanamukhAnvismerayanvedhasam | autsukyAdbalibhirbaliM chaTulayanbhogendramAghUrNayan bhindannaNDakaTAhabhittimabhito babhrAma vaMshIdhvaniH || 3|| athodagAchchandramAstu charShaNInAM shucho mR^ijan | yathA priyAyA rAjendra videshAdAgataH priyaH || 4|| tadaiva yamunA rAjaMstanuM divyaM dadhAra ha | vR^indAvanaM girIndra~ncha vrajabhUmi~ncha mAnada || 5|| kR^iShNA nadI jayati yatra maNIndramuktA\- mANikyashubhraharitA karatolikAbhiH | vaidUryanIlakahariddharivajrapIta\- sopAnamaNDapayutAbhiratisphurantI || 6|| svachChandasUtpatitamatsyagaNairvahantI sachChyAmalena vapuShAghagaNaM harantI | uttu~NgalolalaharI kamalairlasantI kR^iShNA nadI jayati kR^iShNagR^ihe luThantI || 7|| govardhanaM bhaja girIM shatachandrayuktaM mandArachandanalatAvR^itakalpavR^ikSham | shrIrAsamaNDalayutaM maNimaNDapADhyaM koTIrama~njulaniku~njakuTIrakoTim || 8|| vR^indAvanaM cha yamunAtaTanIratIra\- sampR^iktamandagamanairatigandhavAtaiH | tatkampitaM cha surabhIkR^itasarvadeshaM shrIkhaNDaku~NkumamR^idAgurucharchitaM tam || 9|| juShTaM vasantanavapallavapuShpara~Ngai\- rmandArachandanasuchampakanIpanimbaiH | AmrAtakAmrapanasAgurunAgara~NgaiH shrItAlapippalavaTairnavanArikelaiH || 10|| kharjUrashrIphalalava~NgavirAjamAna\- ma~njIrashAlakatamAlakadambayuktam | santAnakundabadarIkadalIsitADhyaM shrIshAlmalIbakulaketakisachChirISham || 11|| sanmodinIjalajavR^indamanoharAbhaM vR^indArakaM varavanaM tulasIlatADhyam | shrImallikAmR^italatAmadhumAdhavIbhiH saMrAjitaM smara nR^ipendra vrajasya madhye || 12|| vaMshIvaTaM cha kalakaNThavihaM~Ngamaishcha kR^iShNAtaTe cha pulinaM kila bAlukADhyam | shrIpATalairmadhukakiMshukasatpriyAlai\- raudumbaraiH kramukadrAkShakapitthayuktam || 13|| shrIkovidArapichumandalatArjunaishcha plakShairashokasaralaiH suradArubhishcha | jambUsuvetranalakubjakasvarNayUthI\- punnAganAgakuTajaiH kurabairvR^itaM cha || 14|| chakrAhvasArasashukaiH sitarAjahaMsaiH | kAraNDavaishcha jalakukkuTakUjitaM cha || 15|| dAtyUhakokilakapotakanIlakaNThai\- | rnR^ityanmayUrakalarAvavR^itaM smara tvam || 16|| shyAmAchakorakalakha~njanasArikAbhiH pArAvatairbhramaratittiratittirIbhiH | shrIkA~nchanImadhulatAmadhuyUthikAbhiH saMveShTitaM hariNamarkaTamarkaTIbhiH || 17|| shrIpadmarAgashikharaM cha niku~njagehaM shrIkaustubhendramaNirAjivirAjamAnam | koTIndumaNDalavitAnagaNaishcha haimaiH shrIpaTTasUtrarachitairmaNitoraNADhyam || 18|| muktAvR^itaiH kanakapItapatatpatAkaiH pArAvataiH sitapatatribhirAvR^ita~ncha | mandArakundakaravIrakayUthikAnAM mAlAvichitrarachitaM navachampakAnAm || 19|| nAgeshapadmaharichandanapallavAnAM shrImAlatIkurabakA~nchanayUthikAnAm | mAlAbhirAvR^itamana~NgaharaM gR^ihaM ta\- tsadratnadarpaNavR^itaM sitachAmaraishcha || 20|| siMhAsanaishcha navapallavapuShpayuktaiH shayyAsanaiH kanakavidrumapAdavR^indaiH | shrIchandanAgurujalairmakarandasa~NghaiH kastUrikAmuditaku~NkumacharchitaM tat || 21|| ejadvasantatarupallavameva vAtaiH shItairgajendragamanaiH surabhIkR^itA~Ngam | etAdR^ishaM hariniku~njagR^ihaM smara tvaM sannamrashAkhataruyuktamatIva puShpaiH || 22|| shrIveNugItaM bahukAmavarddhanaM nishamya sarvA vrajayoShito nR^ipa | shrIkR^iShNakAntena gR^ihItamAnasA visR^ijya karmANi samAyayurvane || 23|| ruddhA yAH patibhI rAjankR^iShNena hR^itamAnasAH | sthUlaM sharIraM tAstyaktvA tvaraM kR^iShNAntikaM yayuH || 24|| siMhAsane hemadukUlasaMyute madhye sthitaM sundaranandanandanam | shrIsundarI rAdhikayA samaM paraM gale dadhAnaM madhumAlatIsrajam || 25|| shyAmaM prabhAtArkakirITinaM hariM sphuratprabhaM shrImuralImanoharam | pItAmbaraM manmatharAshimohanaM vrajastriyastaM dadR^ishuH samAgatAH || 26|| dR^iShTvA priyAH priyatamaM matsyakuNDalinaM harim | gopyo mUrchChAM gatAH sadyo bhUpa chAlakShitodyamAH || 27|| sAntvayAmAsa tAH kR^iShNo miShTavAkyaiH sudhAsamaiH | tadA gopyo vanoddeshe sarvAshchaitanyatAM gatAH || 28|| kR^iShNaM gadgadayA vAchA stutvA bhItAH striyo varAH | tyaktvA virahajaM duHkhaM govindaM dadR^ishuH priyam || 29|| vR^indAvane bhrAjamAne mAlatIvanasa~Nkule | divyadrumalatAjAle madhupadhvaninAdite || 30|| vichachAra hariH sAkShAddevo madanamohanaH | padmAbhaM padmahastena gR^ihItvA rAdhikAkaram || 31|| prahasanbhagavAnsAkShAdAyayau yamunAtaTam | kR^iShNAtIre niku~nje vai shrIkR^iShNo niShasAda ha || 32|| tasmingR^ihe madhupateH shR^iNu gopikAnAM shrIkR^iShNachandracharaNasmaraNAvR^itAnAm | jha~NkAranUpurajhaNatkaraka~NkaNAnAM ma~njIraratnavichalatkaTiki~NkiNInAm || 33|| smeradyutisphuTachamatkR^itagaNDadeshaiH shrIdantapa~NktivilasattaDitAlileshaiH | koTIrahAraharitA~NgadabhUShitAnAM bAlArkamaNDalavikuNDalamaNDitAnAm || 34|| tAsAM tu kApi yuvatI kathitA cha mugdhA madhyApi kApi taruNI ruchirA pragalbhA | kAchittaruM vinayatI madhuraM hasantI kAchitsakhI madayutA suvane vrajantI || 35|| santADya tAmapi kareNa tu kApyadhAva\- tsa~NgR^ihya kApi bhuvane kamalairjaghAna | kAchichChlathatkanakahAramupAjahAra kAchitpramuktakabarI tu vihAramattA || 36|| shrIjAhnavI cha yamunA madhu mAdhavI cha shIlA ramA shashimukhI virajA sushIlA | chandrAnanA cha lalitA tvachalA vishAkhA mAyAlpa eva kathitA bhavane tvasa~NkhyAH || 37|| lIlAtapatramatimauktikadAmajAlaM nItvA chalanti maNibhUmiShu tatra kAshchit | shrIchAmaravyajanadaNDadharA vayasyAH kAshchidvrajanti dhR^itapItapatatpatAkAH || 38|| nR^ityanti tatra hariveShadharAstu kAshchi\- dvINAkarA madhuratAlamR^ida~NgahastAH | vaMshIdharAshcha vR^iShabhAnusutAH suveShAH keyurakuNDalayutA maNivetrahastAH || 39|| saddhAvabhAvarasatAlayutasmitAktai\- rjha~NkAranUpurayutairvishadaiH kaTAkShaiH | sa~NgItanR^ityaviditairbhrukuTIvibha~Ngai rAdhAM hariM cha satataM paritoShayantyaH || 40|| tasminniku~njabhavane yamunAtaTe.api vaMshIvaTe vanadharAnikaTe hariM tam | shrIrAdhayA cha girirAjataTaM vrajantaM nandAtmajaM cha naTaveShadharaM smara tvam || 41|| shrIpadmarAganakhadIptipadAravindaM jha~NkAranUpuradharaM sphurada~Ngadesham | kurvantameva tu padAruNabhUmideshaM shrImatparAgasuruchAlamitastatastu || 42|| lakShmIkarAbjaparilAlitajAnudeshaM rambhoru pItavasanaM tu kR^ishodarAbham | romAvalibhramaranAbhisarastrirekhaM kA~nchIdharaM bhR^igupadaM maNIkaustubhADhyam || 43|| shrIvatsahAraruchiraM navameghanIlaM pItAmbaraM karikarasphuTabAhudaNDam | ratnA~NgadaM cha maNika~NkaNapadmahastaM shrIrAjahaMsavarakandharashobhamAnam || 44|| shrIkambukaNThalalitaM vilasatkapolaM madhyaM tu nimnachibukaM kila kundadantam | bimbAdharaM smitalasachChukacha~nchunAsaM pIyUShakalpavachanaM prachalatkaTAkSham || 45|| shrIpuNDarIkadalanetramana~NgalIlaM bhrUmaNDalasmitaguNAvR^itakAmachApam | vidyuchChaTochChalitaratnakirITakoTiM mArtaNDamaNDalavikuNDalamaNDitAbham || 46|| vaMshIdharaM tvahivilolaguDAlakADhyaM rAdhApatiM sajalapadmamukhaM chalantam | kandarpakoTighanamAnaharaM kR^ishA~NgaM vaMshIvaTe naTavaraM bhaja sarvathA tvam || 47|| AraktaraktanakhachandrapadAbjashobhAM ma~njIranUpuraraNatkaTiki~NkiNIkAm | shrIghaNTikAkanakaka~NkaNashabdamuktAM rAdhAM dadhAmi tarupu~njaniku~njamadhye || 48|| nIlAmbaraiH kanakarashmitaTasphuradbhiH shrIbhAnujAtaTamarudgaticha~nchalA~NgaiH | sUkShmasvarUpalalitairatigauravarNAM rAseshvarIM bhaja manoharamandahAsAm || 49|| bAlArkamaNDalamahA~NgadaratnahArAM tATa~NkatoraNamaNIndramanoharAbhAm | shrIkaNThabhAlasumanonavapa~nchadAmnIM ratnA~NgulIyalalitAM vrajarAjapatnIm || 50|| chUDAmaNidyutilasatsphuradarddhachandrAM graiveyakAlapanapatravichitrarUpAm | shrIpaTTasUtramaNIpaTTachalad.hvidAmnIM sphUrjjatsahasradalapadmadharAM bhajasva || 51|| shrIbAhuka~NkaNalasatkucharatnadIptiM shrInAsikAbharaNabhUShitagaNDadeshAm | sadyauvanAlasagatiM kalasarpaveNIM madhyendukoTivadanAM sphuTachampakAbhAm || 52|| saddhAvabhAvasahitAM navapadmanetrAM sphUrjjatsmitadyutikalAM prachalatkaTAkShAm | kR^iShNapriyAM lalitakuntalapu~njalAbhAM mandArahAramadhurabhramarIravADhyAm || 53|| shrIkhaNDaku~NkumamR^idAguruvArisiktAM shrIbindukIruchirapatravichitrachitrAm | santAnapatraruchirAmalama~njanAbhAM rAseshvarIM gajagatiM bhaja padminIM tAm || 54|| etAdR^ishIM rativarAM tu sametya kR^iShNo gachChanniku~njavanajAlavilokAnAya | dhAvanti tatra maNiChatradharAshcha gopyo nItvA tathA chamarachArupatatpatAkAH || 55|| ShaDrAgameva varadhaivatamadhyamAdyai\- rgAyantamAdipuruShaM bhaja nandaputram | ShaTtriMshatastadanuvarttitarAgiNInAM vaMshIvareNa lalitena varaM vrajantam || 56|| shR^i~NgAravIrakaruNAdbhutahAsyaraudra\- bIbhatsashAntakabhayAnakanityayuktam | bhaktapriyaM vrajavadhUmukhapadmabhR^i~NgaM yogIndrahR^itkamalavisphurada~Nghriyugmam || 57|| kShetraj~namAdipuruShaM svadhiyaj~narUpaM sarveshvaraM sakalakAraNakAraNesham | kR^iShNaM hariM prakR^itipUraShayoH pumAMsaM sarvaM nirastakapaTaM nijatejaseha || 58|| yaM vai stuvanti shivadharmasureshasheSha\- lokeshasiddhidagaNeshasurAdayo.api | rAdhAramAprakR^itibhUvirajAsvarAdyA vedA bhajanti satataM tamahaM bhajAmi || 59|| iti gargasaMhitAyAM ashvamedhakhaNDe dvichatvArisho.adhyAyaH rAsakrIDA samAptA | ## Garga Samhita, Ashvamedhakhanda, Adhaya 42 Encoded by Vishwas Bhide vrbhide at rediffmail.com http://satsangdhara.net/ Proofread by PSA Easwaran psaeaswaran at gmail.com \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}