% Text title : Shri Purnatrayisha Stotram 05 17 % File name : pUrNatrayIshastotram.itx % Category : vishhnu, krishna, stotra % Location : doc\_vishhnu % Proofread by : Rajesh Thyagarajan % Description/comments : From stotrArNavaH 05-17 % Latest update : October 9, 2021 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Purnatrayisha Stotram ..}## \itxtitle{.. shrIpUrNatrayIshastotram ..}##\endtitles ## pUrNatrayyAkhyapuryAM haribhavananibhe svAlaye sanniShaNNaH pIThe haime sa kR^iShNaH phaNivaralasito hArakoTIradhArI | keyUraiH kuNDalaistairmaNivarakaTakairbhUShaNairbhAsurA~Ngo mATashrIrAmabhUpaM kaThinakavachadhR^ik pAtu pUrNatrayIshaH || 1|| pUrvaM yaH kaMsahetornijapitR^ijananIbhyAM stuto bAlakR^iShNo jAtaH pitrA nishAyAM vrajapatiramaNIsUtikAgehamadhyam | sannItaH svIyatAte vrajapatitanayAM samprayAte gR^ihItvA mATashrIrAmabhUpaM mR^iduhasanaparaH pAtu pUrNatrayIshaH || 2|| bAlaghnI pUtanA sA shishuhananakR^ite preShitA nandagehaM kaMsena krUrabud.hdhyA yadupatitanayaM sha~NkamAnena kR^iShNam | samprApya stanyadugdhaM nijamukhakamale dAtukAmAM sajIvaM stanyaM pItvAhanattAM nR^ipakulatilakaM pAtu pUrNatrayIshaH || 3|| hemADhye talpavarye vrajapatisudR^ishA shAyito jAtanidraH tatkAle chAgataM taM shakaTaditisutaM yogadR^iShTayA nishAmya | stanyArthI rudyamAno nijacharaNayugenokShipan daityaheyaM (daityadehaM) chChinnAbhinnA~NgasandhiM tvatanuta sa nR^ipaM pAtu pUrNatrayIshaH || 4|| kaMsena preShitaM taM nijahananavidhau chakravAtasvarUpA\- dAtmAnaM sa~NgR^ihItvA gatamapi cha tR^iNAvarta nAmAnamAshu | kaNThe niShpIDya kopAdvigalitarasanaM shIrNanetraM vyadhAdyaH so.ayaM taM rAmabhUpaM guNanidhimanishaM pAtu pUrNatrayIshaH || 5|| kasmin kAle tu gopairyadupatitanayo rAmakR^iShNau cha pAMsu\- krIDAM sa~nchakratuste mR^idumiti bubhuje chIchire nandapatnyai | dR^iShTvA putrasya vaktraM tribhuvanasahitaM nandapatnI subhItA tAM pashyana mandahAsaM bahutaramatanot pAtu pUrNatrayIshaH || 6|| bAlo.asau gopagehe vrajakularamaNIShvanyarohaM gatAsu pIThe pIThaM vinikShipya cha shishumaparaM pR^iShThabhAge.asya tiShThan | bhittvA shikyasthabhANDaM tvamR^itarasasamaM pItavAnAshu dugdhaM mATashrIrAmabhUpaM shashinibhavadanaM pAtu pUrNatrayIshaH || 7|| a~Nka tvAruhya mAturdrutataramathanaM chAvarudhya pravR^ittaM stanyaM pAtuM nijA~NkAt .. jananIM sthApayitvA cha chullyAm | kShiptaM dugdhaM grahItuM tvagamadatha dR^iShadbhinnapAtraH prayAto hR^itvA haiya~NgavInaM nR^ipagaNimapi yaH pAtu pUrNatrayIshaH || 8|| samprApyolUkhalAgraM nibhR^itapadamadaM taM cha haiya~NgavInaM markebhyaH sampradAya drutataranayanaM vIkShya tiShThantamArAt | bhinnaM dadhno.api bhANDaM nijakaramatha sa~NgR^ihya baddhastu dAmnA gopastrIbhiH sa kR^iShNo nR^ipamamaladhiyaM pAtu pUrNatrayIshaH || 9|| AkR^iShyolUkhalaM yaH karacharaNayugaishcha~Nkrman bAlakR^iShNaH sandR^iShTvA shApahetordhanapatitanayau bhUruhatvaM prapannau | bhitvA cholUkhalAttau dhR^itanijavapuShau preShya pashchAt svalokaM vR^ikShastho mandahAsaM bahutaramatanot pAtu pUrNatrayIshaH || 10|| gopyastA nandapatnIM nijagaduratha te putra Agatya gehaM vatsAn baddhAna vimu~nchatyatha pibati payastakrabhANDaM bhinatti | pashchAddhaiya~NgavInaM harati parihasan bAlamunmardya yAtI\- tyevaM chAkrushya yAtA hasati sa cha vadhUH pAtu pUrNatrayIshaH || 11|| vIthyAM krIDan sa rAmo nijapitR^ijananIbhyAM mudAla~NkR^itA~NgaH krINIdhvaM satphalAnItyatha vachanamaho krINayitryA nishamya | dhAnyAnyAdAya dattvA tvavadadatha sa tAM mAnaya tvaM phalAni dhAnyAnItthaM gR^ihItvA phalamatha bubhuje pAtu pUrNatrayIshaH || 12|| dR^iShTvA hyutpAtasa~NghAn vrajapatirabhito tatra vastuM hi nAlaM nishchityaivaM sa gopairvrajakularamaNIbhishcha gobhiH sametaH | vR^indAraNyaM prapede tvatha harirabhajat gopavatsairghanAnte tiShThan gachChan hasan yo mudamimamala pAtu pUrNatrayIshaH || 13|| vR^indAkAntAramadhye pashugaNamabhitashchArayan rAmayukto dR^iShTvA daityaM bakaM svagrasanaparamatho hAsayitvAtmadeham | dagdhvA gatvA tattAlumUlaM tadanu ditisutaM ChidyamAnastamenaM dvedhA kR^itvA satuNDAt mudamagamaduM pAtu pUrNatrayoshaH || 24|| kasmin kAle du gopA vanabhuvamagaman chArayanto.atha vatsAn lIlArthaM bhUShayantaH stabakaphalasumaiH kAchagu~njAphalaiH svAn | dadhmuH shR^i~NgANi veNUn pikarutamapare chakrire kIshacheShTAM gAyantastAMshcha pashyan mudamagamadasau pAtu pUrNatrayIshaH || 15|| tasmin vR^indAvanAnte vrajakulatilako.aghAsura bhogirUpaM tadvat krAntaH praviShTAn brajashishupashukAn vIkShya chAntaH pravishya | vR^iddhiM gatvA tadAsye tadudaravasataH prANavAtAnnirasyA\- rakShattAn gopavatsAnamR^itamayadR^ishA pAtu pUrNatrayIshaH || 16|| gAstAstA vatsayuktA vanabhuvamabhitashchArayan gopabAlai\- rveNuM shR^i~NgaM cha kUjan shramamagamadine madhyakAlaM prapanne | baddhvA tadbhAnuputrItaTabhuvi puline chAdhinikShipya gopaiH bhu~njana nR^ityan hasan yo mudamagamadamuM pAtu pUrNatrayIshaH || 17|| tatkAle lokakartA pashukulamanayachchAnyadeshaM tadAnIM yAte kR^iShNe vichetuM tvanayadapi shishUn gAshcha gopAMshcha dR^iShTA | kR^itvAtmAna dvidhA yaH pashushishuvapuShaM gotravarNasvarUpaM tattadgehaM praviShTaH smitamukhakamalaH pAtu pUrNatrayIshaH || 18|| mu~nja \.\.\. nnR^iNa parIto gokulai gopasa~NghA gAvastAste na dR^iShTvA yadukulapataye prochurArAdbhramantaH | tachChrutvAhUyamAnA yadukulatilakenAyayustAH svanAmnA dR^iShTvA yaH prApa modaM naravaramanaghaM pAtu pUrNatrayIshaH || 26|| mu~njAraNye samantAdvipinamukhabhako dhUmaketurdavAgniH sarvAn vR^ikShAna parItya drutataramudabhUjjihvayA lelihAnaH | dR^iShTvA gA vatrAyuktA vrajakulatanayAshchukrushuH kR^iShNarAmau taddR^iShTiM mIlayitvA svayamapibadamuM pAtu pUrNatrayIshaH || 27|| kR^iShNAyAH kUladeshe nishi pashupasutA bhUri sambhUya kR^iShNaM gAyantyaH prArthayAnAH patimiti nitarAM kAmataptA jagustAH | tvannAthAstvAM bhajAmaH kR^iNu padamayi naH kAmataptastaneShu chetyevaM prArthitastAstvabhajata kR^ipayA pAtu pUrNatrayIshaH || 28|| chApasthe.arke.arkaputryAstaTabhuvi vasanAnyAshu sa~NkShipya nIraM saMyAtA gopikAstA drutataramapahR^ityAMshukAnyApa vR^ikSham | gR^ihNIdhvaM chetyanuktvA (chainamaddhA) vasanagaNamathetyuktavantaM samIkShya mugdhAstA bhUrilajjAstvapagatamatayo namramulyo babhUvuH || 29|| bhUyastAstvetya shIghraM karatalabasanairyo nimAchChAdya nemuH nAlaM kR^iShNena choktAH praNamanamiti tAH snigdhamukhyastadAnIm | sA~njalyastaM praNemurvikasitavadano vastrapUgaM dadau yaH svIkR^ityaitaddadhustAH smitamukhakamalAH pAtu pUrNatrayIshaH || 30|| govR^indairgopavR^indairvanabhuvamagamattatra vR^ikShAn sa dR^iShTA prAhetthaM gopavatsAnamR^itanibhaphalaiH puShpavR^indairlatAbhiH | suchChAyAbhirnitAntaM pathikajanakR^ite chopakurvanti vR^ikShAH prekShavvaM puNyavR^ikShAniti yadutanayaH pAtu pUrNatrayIshaH || 31|| vR^indAraNye.atha gAstAstR^iNagaNamashitaM bhakShituM chArayanto gopAlAH kShutpipAsAshramamuShitadhiyastatra tatra sthitAste | tAn dR^iShTvA gopavaryaH shramajalamalinAn gopavatsAnnitAntaM teShAM rakShAvidhau yo matimamumatanot pAtu pUrNatrayIshaH || 32|| gopAnAM bhojanArthaM makhayajanaparAn brAhmaNAn pR^iShTavanto bhikShAM dehIti gopA na tu daduratha te kR^iShNavAkyAchcha patnIH | tA dattvA pUrNamannaM yadukulapataye modamApustadannaiH yo.arakShadgopavatsAnamumapi kR^ipayA pAtu pUrNatrayIshaH || 33|| yAgAn sandhAtukAmaM brajapatimavadaddevanAthena kiM na stvasmadgorakShakAya tvagakulapataye yAgavaryAH kriyantAm | ityuktvA chAdye tAn vrajakulapatinA kArayitvA mudA tAn nandAdIn prAha tuShTastvahamiti sa nR^ipaM pAtu pUrNatrayIshaH || 34|| gopendrAt svIyayAgapratihatikupitenAshu devAdhipena sandiShTairmeghavR^indairvrajabhuvi nitarAM varShavatyAM kR^itAyAm | gopAlaiH prArthito yaH sarabhasamachalaM ChatravadvAmahastAt dhatte govardhanAkhyaM nR^ipavaramanaghaM pAtu pUrNatrayIshaH || 35|| gopAste nandamUchustava shishuriti kaH pUtanAjIvahantA dhUnvAno.ahan svapAdaM shakaTamapi tR^iNAvartamAli~Ngya kaNTham | hR^itvA haiya~NgavInaM vrajapatiramaNIbandhitolUkhale.antaH gachChantau vR^ikShabhUtau dhanapatitanayau bhUtale.apAtayachcha || 36|| AtmAnaM hantukAmaM bakamapi mukhato pATayaddaityaheyaM nAgeshaH sUryaputryAH padakamalayugonmandhyanIto.anyadesham | shR^iNvan gopAlavAkyAnyavadatha hasan gargavAkyAni nanda\- stvitthaM chAshraryakArI vrajapatitanayaH pAtu pUrNatrayIshaH || 37|| AsArAdakShitAyAM vrajabhuvi surarAT kAmadhenvA sameta\- stvAgatyArAt subhItyA padayugamanamat kShAmyatAmityamuShya | stutvAtho bhaktipUrvaM surasurabhiyutaH prAviShiyyAvadattaM govindeti prasiddho.abhavadamumapi yaH pAtu pUrNatrayIshaH || 38|| ekAdashyAM sa nandastvanashanavashatastaddine madhyarAtre kAlindyAM snAtumArAdagamadapaharatpAshidUto.asuro.amum | shrutvA chAtaH sa kR^iShNo jalapatibhavanaM pUjitastena bhaktyA tAtaM svIkR^itya tuShTo vrajamagamadamuM pAtu pUrNatrayIshaH || 39|| nando gopAnavochat prahasitavadanaH pAshiloke.asya pUjAM shrutvA bhaktyA praNemustadanu muraripuH svIyabhaktyA prahR^iShTaH | vaikuNThaM tvAnayitvA nijapitR^isavidhe darshayitvA cha tebhyaH (tAMshcha nItvA) svaM rUpaM nItavAn yaH svabhuvanamapi taM pAtu pUrNatrayIshaH || 40|| kasmiMshchidrAtrikAle sharadi vanabhuvaM sa~NgataH keliheto\- stasmin kAle sudhAMshurdivamagamadatho veNugAnaM sa chakre | tachChrutvA gopikAstA drutataramagaman yatra kR^iShNo.avatasthe hitvA kAryANyahetornijabhavanabhavAnyAshu kAmAbhitaptAH || 41|| kAshchiddhitvAtha vatsAn ghaTamatha payasaH sthApitaM chullikAyAM hitvA dohaM duhentyastvashanamatha parAH pAyayantyaH shishUMshcha | shushrUShantyo.atha bhartR^Ina sumagaNamaparA dhArayantyo.a~NgarAgam | tva~njantyassvakShiyugmaM vilulitachikurA lolavastrA~NgabhUShAH || 42|| bhartrA pitrA cha mAtrA svasR^itasakhibhirbhrAtR^ibhirvR^indhuvargaiH sampretyAvAryamANA harihR^itamatayaH prApurArAddhAriM tAH | kR^iShNo dR^iTvAvadattAH kuhananaravapuH bhartR^iputrAH shvasakhyaH kupyanti bhrAtaraste nijabhavanamato gamyatAM mA chiraM vaH || 43|| ityuktAH shuShkakaNThAstvatha harimavadan mandamandasvarAstAH pR^iShTA dharmastvidAnIM na cha pitR^isahanA mAtaraH kopamIyuH | tvannAthAstvAM bhajantIrbhuja madanahatAstvevamukto.abhajadyaH (bhajantIstvayi) tAM rAtriM krIDamAno mudabhagamadamuM pAtu pUrNatrayIshaH || 44|| ityevaM krIDamAno vrajakularamaNIbhiH satoShaM tadAnIM dR^iShTvA garvaM sa tAsAM naravarasadR^ishashshIghramantardhimApa | kR^iShNaM nAlokamAnA drutataramabalAstatra tatra prachelu\- stvandeShantyo nitAntaM vanabhuvamabhitaH kliShTabud.hdhyA prataptAH || 45|| vR^ikShAn dR^iShTvAlapantyaH kimu yadutanayaM dR^iShTavAMshchUta vR^ikSha (nAlI)\- kera tvaM vA kapitthAnasa panasavarAshvattha nIpArjuna tvam | siMha tvaM puNDarIka tvamapi karivara tvaM hi pakShipravIra haMsa tvaM chakravAka tvamapi cha kR^ipayA nandasUnuM vadeti || 46|| gachChantyo.anyatra deshe padayugayugalaM vIkShya kAchittu gopI nAthenAnyatra nItA shubhaguNasahitetyUchire tAM cha dR^iShTvA | pR^ichChantyo gopavaryaM punarapi pulinaM prApya sarvAshcha gopya\- stiShThantyashvAlapantyo harimatha nitarAM muktalajjAH pralepuH || 47|| vallavyaH prochuranyAH smaramuShitadhiyo bhAti te janmanAmA nityaM nR^ittaM karoti vrajabhuvi nitarAM vardhate gokulaM naH | pAhi tvaM kAmataptA drutataramadhunAli~Ngya modaM kuruShve\- tyevaM samprArthito yaH pashupavarasutaH pAtu pUrNatrayIshaH || 48|| prochuratA gopadArAH pulinatalagatAH pUrNachandrAnanaM taM hitvAsmAn kutra yAto manasijanibha he naH purastAt tvamehi | dhammille.asmAn gR^ihItvA vigalitavasanAstvAshu chumbasva gaNDe vakShojau mardaya tvaM kanakaghaTanibhau nAtha kiM vAdya kurmaH || 49|| dhenusvAminna yAhi drutataramadhunA kAmataptastanInAM tvasmAkaM bimbatulyaM tvamR^itarasayutaM chAdharoShThaM piba tvam | ityevaM prArthito yo vrajakularamaNIbhistadA prAdurAsIt tAsAM prItiM cha kurvan smitakamalamukhaH pAtu pUrNatrayIshaH || 50|| kR^iShNaM dR^iShTvA tu gopyaH smitamukhakamalAH shIghramAshliShya satyaH rAsakrIDAM prachakrustvatha harisahitA gAnapUrvaM sanR^ittam | kR^iShNo gopI cha kR^iShNastvatha pashupasutetyevamAvR^itya hastAn AshliShya premayuktAH sa tu mudamagamat pAtu pUrNatrayIshaH || 51|| kR^iShNo nandAdigopA vanamukhamagaman sevituM chAmbikAM tAM snAtvA sArasvate.asho.ambuni munikusumairarchayantaH shivau tau | govastrAdIn dvijebhyo dadurudakamatho prAshya bhaktyA nitAntaM devau samprArthya bhUyastvabhimatamapi te bhaktabhaktau vijahruH || 52|| tasyAM rAtryAM tu nandaM tvajagarajaraThastvagrahIdbhakShaNArthaM chukrosha trAhi kR^iShNetyajagaramukhato nandavAkyaM nishamya | gatvA pAdena hitvoragaparibR^iDhakaM ko bhavAnityapR^ichChat shrutvA kR^iShNasya vAkyaM dratataramavadadbhaktipUrva vinamraH || 53|| svAmin me shrUyatAM bho jagati mama gatistva~NgirobrAhmaNendraM vidyAddhruk prAhasaM satvavadaditi ruShA choragatvaM prayAhi | tvatpAdasparshamukto.abhavamanujAnIhi gantuM sudarshaM tvityukto.ayaM hi choktvA mudamagamadamuM pAtu pUrNatrayIshaH || 54|| kasyAM rAtryAM sa rAmo vanamagamadasau gopanArIjanaughai\- rgAyaMshchikrIDa tasyAM nidhipasahacharaH sha~NkhachUDo.abhyupetya | tannAthaM strIsamUhaM bhayarahitamanAH prairayaddishyudIchyAM kroshantaM kR^iShNa rAmetyatha nijasuhR^idA gAyamAnau vanAnte || 55|| (kAlyamAnau) tachChrutvA rodanaM tau jagadaturabhayaM sAlahastau prayAtau tau dR^iShTvA vidrato.asau yuvatijanamavan sIrapANirvyatiShThan | kR^iShNo hatvA cha hR^itvA tamapi maNivaraM dattavAnagrajAya prItAstA gopavadhvaH sa cha mudamagamat pAtu pUrNatrayIshaH || 56|| gopyaH kR^iShNaM hyadR^iShTvA nijagaduratha tAH kAryamanyadvihAya chAnyonyaM vedayuktA nijahanumamalAM vAmabhAgAMsadeshe | kShiptvA veNuM sarandhraM tvadharaparisare chA~NgulIbhiH pidhAya sabhrUbha~NgaM tvapohya tvamR^itarasasamaM yatra gAnaM karoti || 57|| he gopyo nandasUnurnijacharaNagatAn gopanArIjanaughA\- nasmAn hitvA prayAtaH kva nu bhuvanatale veNugAnaM prakurvan | shrutvA yadveNugAnaM gaganamanugatAH siddhapatnyo.atha siddhAn hitvA tAntA abhUvana smaramuShitadhiyo mUrChitA muktalajjAH || 58|| he gopyo hanta hanta svakarajalabhavenAtha sa~NgR^ihya shR^i~NgaM kachChe dhR^itvA cha veNuM hyurasi maNiyutAM hAravallIM pradhArya | dhmAnaM kurvan prayAtaH suravarasudR^isho yasya nAdaM nishamya devAn hitvA smarArtA mumuhuratha muhuH snigdhamukhyo nitAntam || 59|| he gopyo nandapatnI vadanavanabhuvonmeShakArI dineshaH sAlirbarhAvataMsaH smiAkamalamukhaH puNDarIkAyatAkShaH | veNuM gAyan kva yAto vR^iShamR^igapashavo veNunAdaM yadIyaM shrutvA taddattakarNA vigalitakabalAshchitrabhUtA bhavanti || 60|| vallavyo gopachoro drutataramapahR^ityAtha yAtaH kva vAsau\- yAsmAkaM chittaratnaM hR^idayapiTharagaM veNugAnaM prakurvan | gandharvyo yasya gAnaM svaravarasahitaM prItipUrvaM gR^iNantyo nindantyaH svIyagAnaM sumR^idukalagiraH kAmataptAstvabhUvan || 61|| he gopyo gopaveSho nijakarakamale dhArayan yaShTimekAM saMyukto gopavatsairvanabhuvi raNayan veNunAdaM kva yAtaH | vyatyastA ~NghriryadIyaM mR^idutaraninadaM sarpavaryAstu pItvA saMshlAghante shirobhirmaNivarasahitairdIrghajihve prasArya || 62|| itthaM gopIjanairyo nijavirahavashAddUyamAnAntara~NgaiH bhUyaH prasvinnagAtrairvigalitavasanairbhUyasAkrushyamAnaH | vatsAn sampreryamANaH pashupasutagaNairgIyamAnAtmakIrtiH taM kurvan veNunAdaM vrajakulamagamat pAtu pUrNatrayIshaH || 63|| goShThaM prAptastvariShTaH kharataramatulaM rambhamANaH sushR^i~NgaH taM dR^iShTvA kR^iShNa kR^iShNetyava tava suhR^idaH shR^i~NgiNo bhItabhItAn | ityevaM chukrushustaM vR^iShamavanitale shR^i~NgayoH sampragR^ihNan niShpiShyArAdarakShaddhariratha suhR^idaH pAtu pUrNatrayIshaH || 64|| keshI kaMsasya mitraM vrajamagamadasau vAjirUpo.atikAyo dhUnvan babhrUH saTAH svAH khuradalitamahIreNubhishChannagAtraH | padbhyAM hatvA hariM taM vyanadadatha ruShA kampayan gopasa~NghAn dhUnvAnaH svIyapuchChaM tvatikupitamanAshchaNDavego.a~njanAbhaH || 65|| tatkShepaM va~nchayitvA hariratha jagR^ihe pAdayorbhrAmayitvA chikShapa kroshamAtraM punarApa sa ruShA labdhasaj~nastamApa | tasyAsye svIyabAhuprasaraNamatanottena dagdho.apatat saH gopAste modamApuH svayamapi nR^ivaraM pAtu pUrNatrayIshaH || 66|| lIlAM nIlAyanAkhyAM pashupasutavarAshchakruranyonyametya kechit pAlAstu chorAstvajakulamiti tAn yo.aharachchorarUpI | vyomo nItvAdriku~nja punarapi haraNe chodyataM vIkShya vakSho\- deshaM bhittvA varakShat pashupashishugaNAn pAtu pUrNatrayIshaH || 67|| akrUraH kaMsavAchA vrajamagamadatho rAmakR^iShNau nanAma tAbhyAM sampUjya pashchAnnijapitR^icharitaM kaMsavAkyaM nishamya | nandenAlochya rAj~ne karamapi cha ghR^itaM kShIramAdAya gopaiH nandAdyau rAmakR^iShNau yayaturatha rathapR^iShThamAruhya shIghram || 68|| tatkAle gopakanyA nijaguNamanusR^ityAdarAdduHkhitAstAH vAchA sa premaShTyAmR^itakaranibhayA prerayannApa kR^iShNAm | tasyAM snAtuM praviShTo yaduvaratanayau vIkShya chonmajjya yAne dR^iShTvA krUraH sa kR^iShNaM phaNivarashayitaM prApa modaM nitAntam || 69|| natvA stutvA jalaughe phaNivarashayanaM kR^iShNamunmajjya yAnaM samprAptaH kR^iShNarAmau nijanutimuditau nandagopAdyanekaiH | nItvA kaMsapurIM nitAntamadhurAmAvedya kaMsAya tau prAptau svIyagR^ihaM jagAma sa hare rAj~nAM pragR^ihyAnaman || 70|| draShTuM tAM madhurAM yayau balamuto gopairvR^itaH sarvato hR^itvA vastrANi puShpANyapi bahuruchiraM ku~NkumaM chandanaM cha | kubjAM tAmatanonnitAntaramaNIM tadyAchitaH prAha yaH kR^itvA kAryaM vraje te sadanamiti mudA pAtu pUrNatrayIshaH || 71|| pR^iShdA shAlAM prayAtaM vandhimapi gajaM vIkShya mArge sthitaM taM mArgAdAnAt sa kR^iShNo gajamatha tarasonmathya chotpATya dantam | ambaShThaM chApi hR^itvA karivararadanAt yuddhara~NgaM prayAtau dR^iShTvA chANUra Uche smitamuShitamanA muShTikashchAbjanAbhau || 72|| mallonmallau yuvAM tau nR^ipasada idamapyatra yuddhaM cha kurmaH chANUro muShTiko.asau nijakarayugamAraphAlya chorupradesham | baddhvA chAnyonyahastAn drutapadayugalaM chikShipurdUradUraM vakShobhirmuShTibhistetyuyudhuratha punarjAnubhishchottamA~NgaiH || 73|| chANUraM sampragR^ihNan yudhi yadutilako bhrAmayitvA kupR^iShThe chAsphAlyApeShayantaM drutamatha sa balo muShTikaM muShTihatyA | kUTaM chApeShayattaM shalamatha kupitastosalaM gopavaryo mallAstvanye.atha ra~NgAddrutataramagaman bhItabhItAH samantAt || 74|| dR^iShTvAtho rAmakR^iShNAvatikupitamanAH prAha niHsArya tAntA\- vityukte mAtule sve drutamagapadasau ma~nchavaryaM sabhAyAm | roShAt keshAn pragR^ihya svakarakamalato.apAtayadyuddhara~Nge tasmin kaMse patitvAkhyanumatanuta yaH pAtu pUrNatrayIshaH || 75|| hatvA yuddhe cha kaMsaM tvatha balasahito mochayitvA sa bandhA\- dambAM tAtaM cha natvA savinayamanaghau tasthatuH sA~njalI tau | tAvAshliShya svaputrau pramudamagamatAmugrasenAya rAjyaM dattvA yaH prApa modaM nR^ipamamaladhiyaM pAtu pUrNatrayIshaH || 76|| nandaM pratyarchya gopAn dhanavasanavaraiH preShayitvA vrajaM tAn samprAptau brahmacharyaM svakulagurumukhAdgargasa.nj~nAM shrutiM tau | kAshyAM sAndIpineshcha prathitaguruvarAlabdhavidyau prabhAsa\- kShetre naShTaM samudre svatanayamavR^iNot niShkriyArthaM gurustau || 77|| tau gatvA yAmyagehaM gurusutamadhunA chAnayetyuktamAtrau netAraM cha janaM tatonbudhijale hatvA tada~Ngodbhavam | sha~NkhaM hR^itvAtha gatvA yamapurishayanAt prApya putraM gurostau dattvA deshikapu~NgavAya tadanuj~nAtau purIM jagmatuH || 78|| kR^iShNo.ayaM choddhavaM taM nijasakhamavadadgachCha shIghraM vrajaM taM tAtaM nandaM yashodAM vrajakularamaNIH sAntvasandeshato me | AyAhi (hIti) prayukto vrajamagamadatho syandanena prapUjya nando.ayaM yasya lIlAshravaNalasitadhIH pAtu pUrNatrayIshaH || 79|| gopyo dR^iShTvoddhavaM taM bhramara iti dhiyA chAbruvan va~nchakasya bandhustvaM mA spR^ishAghriM tvitarayuvatibhirdattamAlyA~NgarAgaH | bimbAbhaM chAdharoShThaM sakR^idapi hR^idayaM vallavInAM vanAnte krUreNAkrUranAmnA puramanugamitastasya dUto hi tasmAt || 80|| bhR^i~NgAsmatsannidhau taM yadupatimaguNaM gAyasi tvaM kimarthaM strINAM vakShojayugmagrahaNapaTutaraM dhUrtalokAgragaNyam | tAsAM strINAM purastAdvijayasakhamamuM gIyatAM tAstadAnIM iShTaM te kalpayanti vrajapatishishunA bhujyamAnAstrayo yAH || 81|| UchurgopyaH ShaDa~NghriM kapaTayadupaterbhUtale vA rasAyAM svarloke vA durApAH kimiti yuvatayo hAsashR^i~NgArabhUmnaH | hitvA bandhUna patIn tAn yamanishamagamAmAsya vAkyAdvayaM naH kuryAt kiM premadR^iShTiM bahutaramalapaMshchoddhavAgre hi kR^iShNam || 82|| shrutvA gopIvilApaM yaduvarasachivaH prAha gopIrathAyaM proShTho yuShmatkR^ite mAM vrajakulamadhunA prAhiNot sAntvayeti | atrAgatyAtha shIghraM bhajati cha bhavatIritthamuktvA prayAto shrutvA sarvaM cha sakhyurmudamagAdasau pAtu pUrNatrayIshaH || 83|| sairandhayA mandiraM tat prayayaturanaghashchoddhavashchakrapANiH tatpUjAM prApya pashchAchChayanavaranatho prAptavAn kAmataptAm | Ali~NgyAho striyaM tAmabhajata vimalAM bhUyasAmantrya yAto mATashrIrAmabhUpaM svabhavanamatha yaH pAtu pUrNatrayIshaH || 84|| kR^iShNo rAmoddhavAbhyAM drutamagamadathAkrUragehaM variShThaM dR^iShTvA tau rAmakR^iShNau praNamanamakarodbhaktipUrvaM sa tAbhyAm | pUjAbhiH pUjayitvA padayugamanayorabhyaShi~nchat sa toyaiH pItvA pUto.abhavattanmR^iduhasanaparo.akrUramUche tadAnIm || 85|| dAshArhAkrUra gatvA puravaramadhunA hastinAkhyaM tu kuntIM tatputrAMstAtahInAn kuru narapatinA pattanaM sampraNItAn | dR^iShTvA vR^ittAntameShAM kuru nagarapaterandhanetrasya bhUyo j~nAtvA chAyAhi shIghraM tviti yadupatinA preShitastatra yAtaH || 86|| gatvA kuntIM saputrAM tvanunayavachasA sAntvayitvAndhanetraM dR^iShTvAnyAn droNabhIShmaprabhR^itikuruvarAn pANDuputrAstvadIyAH | poShyAste tAtahInAstava padasharaNA yAmi rAShTraM tvidAnI\- mityuktvAgatya yasmAdavadadamumasau pAtu pUrNatrayIshaH || 87|| shrutvA kaMsaM hataM taM rathakariharibhiH pattisa~NghairjarAyA atrAyaM mAgadhAkhyo yadupuramagamat kaMsahantrA niyoddhum | kR^itvA yuddhaM sa rAmAnnihatanijabalo bandhitaH kR^iShNamukto duHkhArto.agAttadAnIM suragaNanuditaH pAtu pUrNatrayIshaH || 88|| itthaM tvakShohiNIbhirdasha cha punarasau saptavAraM cha yuddhvA bhagno bhUtvAtha yAtastadanu yavanapaH svIyasainyairniruddhaH | tatkAle dvArakAyAM nijajanamanayadyogamAyAprabhAvAt tadrakShAyai balaM chAgamayadatha hariH pAtu pUrNatrayIshaH || 89|| puryA niShkrAntamenaM sa tu yavanavaraH prAdravannidritaM taM adrerantarguhAyA nR^ipatimatha padAhatya taddR^iShTidagdhaH | bhasmIbhUtastadAnIM yadupatiragamattatpurastAt sa dR^iShTvA natvA samprApya cheShTaM tapasi kR^itamanAH prApayAdriM nR^ipendraH || 90|| pratyAvR^ityAtha rAjyaM yavanagaNavR^itaM saMharan mlechChasa~NghAn hR^itvA dravyaM prayAtau yaduvaratanayo mArgamadhye sa dR^iShTvA | akShohiNyA vR^itastau drutataramagamachchelaturdUradUraM pAdAbhyAM parvatAgraM harivarasadR^ishau prApatU rAmakR^iShNau || 91|| so.apyAvR^itya svasainyai rgirivaramabhitastAvadR^iShTvA kR^ishAnuM dattvA sadyo girIndraM tvadahadatha javAdrAmakR^iShNau girIndrAt | tasmAchchAdho nipatya svapuramagamatAM siMhashArdUlavegau niryAto mAgadho.asau nijapuramatha tau yAdavendrAvadR^iShTvA || 12|| Anarto raivatAkhyo nijavaratanayAM revatIM dattavAMstAM rAmAyAtho sa kR^iShNo dvijavaravachanAt kunDinaM prApa sadyaH | hR^itvAsau rukmiNIM tAM yaduvaratanayashchaidyarAjAya klR^iptAM bhUpAnAM pashyatAM tadrathavaramagamat pAtu pUrNatrayIshaH || 93|| rAjAnaH krodhayuktA drutataramagaman yoddhumAvR^itya sainyaiH vIrAH samprApurete yadubalapatayaH samprachukrurmR^ighaM taiH | kR^iShNashchApaM vidhUnvaMstvariShu bahusharAn prairayatte.api bhagnAH yAtAshchaidyaM nimagnaM vyasanajalanidhau sAntvayAmAsurenam || 94|| rukmI kopAdrathastho harimavadadasau chora kiM yAsi hR^itvA kanyAmenAM visR^ijya vraja yadi tu na chettvAM nihanyAM sharaughaiH | ityuktvA bhallabANAnamuchadatha harirbANavarShai rathaM taM ChittvA keshAMshcha chApaM vyasR^ijadamumasau munDayan rAmavAkyAt || 95|| vAdyAnudghuShya chArAt puramagamadasau brAhmaNairbandhuvargaiH mAtrA pitrA cha rAj~nA nijasahajavareNAshu sa~Ngamya puryAm | rukmiNyAH pANipadmaM pariNayavidhinA tadgR^ihItvA hasan yo bheje modaM nitAntaM smitavadana imaM pAtu pUrNatrayIshaH || 96|| pradyumnaM chAmbudhau taM vyasR^ijadatha ruShA shambarastvagrasIttaM matsyaH kaivartasa~NghA daduratha jhaShamasmai punaH so.api tasyai | mAyAvatyai tadantaHsthitamamumatha sArakShadArabdhakAmA j~nAtArthaM yauvane taM yaduvaratanayaM chAkarot kAmapatnI || 97|| shrutvA panyAH sakAshAnnijaripumasuraM shambaraM yudhyamAnaM khaDgenApAharattadgalamatha nijayA bhAryayA nIyamAnaH | gatvA svIyagR^ihaM nitAntamahitaM mAtrA cha pitrA svakaiH devakyAnakadundubhiprabhR^itibhiH saMlAlyamAno.avasat || 98|| satrAjittvekakAle maNivaramanujo dhArayan kAnanAntaM yAto jagrAha ratnaM tvavadaditi haristachChrutaM shauriNAtha | tanmArShTuM svIyasa~Nghairvanamavishadasau siMhashagnaM prasenaM siMhaM charkSheNa bhagnaM bilamavishadavasthApya bandhUna nishAmya || 99|| taM dR^iShTvA bhallarAjastvagamadavinayAdyoddhumAsIchcha yuddhaM tvaShTAviMshaddinAntaM tvanavaratamatho tannishAmya svanAtham | dattvAsau svIyakanyAM maNivaramapi tau jAmbavAn preShya pashchAt modaM bheje haristau yuvatimaNivarau pAtu pUrNatrayIshaH || 100|| labdhvA strIratnavaryaM maNivaramapi samprApya rAj~naH sabhAM tAM nItvA satrAjitaM taM sa maNivaramadAn pashyatAM chAdavAnAm | satrAjit svIyakanyAM maNivaramapi tadroShashAntyai dadau tat ratnaM no satyabhAmAmabhajata sa hariH pAtu pUrNatrayIshaH || 101|| shrIkR^iShNe hastinAkhyaM gatavati cha puraM prApya sambhAjitaM taM hatvA sa~NgR^ihma ratnaM shatadhanuragamattatsutA satyabhAmA | dR^iShTvA vR^ittaM svatAtaM kurupuramagamat svIyanAthAya choche shrutvA tadrAmakR^iShNau nijapuramanusamprApatuH syandanena || 102|| j~nAtvAyAntaM cha kR^iShNaM tadanu sakR^itavarmAnvitAkrUrametya drAkr.N sAhAyye nirAshaH shatadhanuratha tadratnamakrUrasa.nj~ne | nikShipyAgAdudUchIM harivaramadhiruhyAtha rAmeNa kR^iShNo gatvA taM dUradUraM hariramumakarot kR^ittakaNThaM svachakrAt || 103|| kR^iShNo ratnaM vimR^ishyAlabhata na tu yadAgAt purIM dvArakAkhyAM uktvA bhAryAsuhR^idbhiH saha nijagurave chordhvakR^ityaM vidhAya | AnAyyAkrUrasa.nj~naM maNimatha suhR^idAM darshayitvA nivR^itya svasmiMllokoktidoShaM mudamagamadamuM pAtu pUrNatrayIshaH || 104|| indraprasthaM sa gatvA vijayasakhayutaH sUryaputrItaTAnte kAlindIM tatra dR^iShTvA rathavaramadhiropyAyayau dvArakAM tAm | tAmudvAhyAtha tAta svasR^ivaratanayAM mitravindAmavantI\- nAthasyAthopayeme nR^ipamatulayashAH pAtu pUrNatrayoshaH || 105|| satyAM kausalyaputrIM girivarasadR^ishAn sapta tAn govR^iShAn saH jitvA chodvAhya pashchAt pariNayamakarot kekayAsyAtmajAyAH | bhadrAyAmAdraputrIM guNagaNasahitAM lakShmaNAM chopayeme chAShTau tAH paTTanArIrudavahadapi yaH pAtu pUrNatrayIshaH || 106|| gatvA prAgjyotiShAkhyaM puramatha sa harirbhedayitvA cha durgA\- NyAyAntaM pa~nchashIrShaM muramatinigadan yudhyamAnaM svachakrAt | hR^itvA tatkaNThasa~NghaM narakamapi tadA shUrashUraM shatena yuktaM nArIjanAShTadvitayadashashataM nItavAn dvArakAM tAm || 107|| gatvA svarlokamindraM suragaNasahitaM yudhyamAnaM nitAntaM jitvA tatkalpavR^ikShaM hariratha garaDenohya nItaM gR^ihAnte | satrAjitkanyakAyA vikasitavadanAyAstu shR^i~NgArabhUmau nikShipyAsAM gR^ihastho madana iva babhau pAtu pUrNatrayIshaH || 108|| tAsAM strINAM gR^ihasthaH sa sukhamanubhavan modamAno.atha dharmAn gArhasthyAn samprakurvan tvatha vararamaNIM rukmiNIM narmavAkyaiH | prItyA saMlAlayan tAM bahutanayavarAn tAbhya utpAdya kR^iShNaH pradyumnAdIMshcha pautrAnapi mudamagamat pAtu pUrNatrayIshaH || 109|| pradyumno rukmiputrIM pariNayavidhinA chopayeme.aniruddho rukmIpautryA vivAhaM svayamapi kR^itavAn rochanAyA ramaNyAH | dyUte rAmo.ajayattaM sa cha kapaTayutastvaM jito nAhamUche shrutvA shaktyAhanattaM nijapuramagamadrukmiNaM putrapautraiH || 110|| svaprAptaM bANaputrI harisutatanayaM chitralekhAkhyasakhyA chAnItaM saudhamadhye tvaramata satataM garbhavatyA sayoShA | shrutvA roShAt sa bANo yaduvaratanayaM svIyapAshairbavandha yoddhAraM svIyasa~NghAn parighavarakara kopasaMraktanetram || 111|| j~nAtvA taM nAradoktyA yaduvaratanayA rAmakR^iShNAvavApya rAjyaM bANasya yuddhaM dratataramabhavat kR^iShNarudrAstarANAm | shAntaM kR^itvA jvaraM taM karagaNamabhinaddrudravAkyAchchaturbhiH hastaiH saMsthApya bANaM puramagamadasau pautrataddArayuktaH || 112|| pradyumnAdyA vanAntaM yayuratha tR^iShitAH shvabhramantastu jantuM dR^iShTvA choddhartumete tvatha na paribR^iDhAH prApya kR^iShNAya chochuH | kR^iShNastUddhR^itya hastAdamumavadadato muktajantusvarUpaM kopAt tvaM cheti pR^iShTastvavadadamumasau devarUpI sa rAjA || 113|| aikShvAko.ahaM nR^igAkhyo pashunivahamadAM tatra kAchiddvijAteH | tatsvAmI gAM cha dR^iShTvA dvijamapi cha gR^ihItvochaturmAM dvijendrau | tau natvA sAntvavAdairavadamanunayan naichChatAM gAM vimoktuM tachChApAt prAptametat tadapi tava karasparshanAdAshu muktam || 114|| ityuktvA taM cha natvA divamanugatavAn prAptadevasvarUpo rAjA kR^iShNastvavAdIchChrutamidamadhunA rAjavAkyaM hi putrAH | brahmasvaM yo haredvo mama ripuntha matsannidhau naiva tiShTet ityuktvA putrapautraiH puramagamadamuM pAtu pUrNatrayIshaH || 115|| rAmo.agAdgovrajaM taM yadugaNasahitastatra nandaM yashodAM natvA tallAlitaH san dinakaratanayAtIrakAntAramadhye | gopIbhiH krIDamAno jalapatitanayAM vAruNIM chApi pItvA kR^iShNAmAkR^iShya kopAnnijahalamukhato vanditashchotsasarja || 116|| tatkAle pauNDrako.ayaM yadukulapataye prAhiNoddUtamuktvA bAlaiH sa~Nkathyase tvaM gatanijamatibhirvAsudevo.ahamasmi | tachChrutvA dUtavAkyaM yadugaNasahItaH prApya kAshI tu pauNDraM hatvA taM svIyaveShaM hariratha nagarIM prApa pUrNenduvaktraH || 117|| kAshInAthaM cha hatvA yaduvaratanayo mitrabhUtaM durIhaM tatputrasyAbhichArodbhavamanalamatho svIyarAjyaM dahantam | dR^iShTvA taM chukrushuste yadupatitanayaM kR^iShNa rakSheti tuShTo hatvA chakreNa kAshIpatisutamapi yaH pAtu pUrNatrayIshaH || 118|| rAmo.asau raivatAkhyaM girimagamadataH svIyanArIjanoghaiH pItvAtho vAruNIM tAmaramata halinaM helayan prApa kIshaH | taM dR^iShTA yuddhamAsIddvidamusalino vR^ikShapUgairanekaiH anyonyaM taM cha hatvA puravaramamalaH prApa nArIjanaudhaiH || 119|| sAmbo duryodhanasya tvaharadatha sutAM lakShaNAM tAM gR^ihItvA karNAdyAstaM babandhuH suramunivachanAdyAdavAn krodhayuktAn | shAntAn kR^itvA balo.agAt kurupuramanu te droNabhIShmapramukhyAH satkAraiH pUjayitvAtulamudamagaman soddhavaM sIrapANim || 120|| sAmbo.ayaM bandhamApa shrutamayamadhunA nIyatAM matpurastAt ityuktAH krodhayuktA balamanu nitarAM helayanto.atha jagmuH | rAmaH kSheptuM purIM tAM nijahalamukhatashchodyato gA~Ngatoye bhItAH sAmbaM sadAraM daduratha nagaraM prApa rAmaH saputraH || 121|| devarShirnArado.asau harigR^ihamagamat tatra bhaiShmIsametaH parya~Nke tiShThatIshaH punarapi cha gR^ihaM snAti bhuktiM karoti | akShairdIvyatyathAyaM dvijagaNasahitaH kutrachichChAstrasa~NghAn shR^iNvannAste sa dR^iShTvA muniragamadaho modamanyairalabhyam || 122|| kR^itvA gArhasthyadharmAn yuvatigamayutaM modamAnaM nishAnte tiShThantaM rAjadUto hyavadaditi jarAputraraddhA nR^ipaughaiH | pArthenAhUyamAno makhamanu halinA choddhavena svayambhU\- putreNAlochya kR^iShNaH parijanasahitaH pArtharAjyaM prapede || 123|| kR^iShNNAbhImena yuktau magadhamanugatau vyAjabhUdevarUpaM kR^itvochurmAgadhaM taM yadi paTuradhunA dvandvayuddhaM pradehi | shrutvA bhImena yuddhaM bahutaramakaronmuShTiyaShTiprahAraiH pAdenAkramya bhImastamatha sa gudataH pATayAmAsa shUraH || 124|| bhUpAn durgeShu ruddhAn hariratha kR^ipayA mochayitvA samastAn susnAtAn bhojayitvA nijapuramanu tAn preShya tasyaiva putram | tatpuryAmabhyaShi~nchannR^ipamatha sahadevAkhyamAshu prayAtaH shakraprasthaM suhR^idbhyAM suragaNasahitaH pAtu pUrNatrayIshaH || 125|| yaj~nArthaM bhUsurAdyA munigaNasahitA bhUpasa~NghAstvavAptAH chakruryAgaM sumR^iShTaM tadanu nR^ipavarastvagrapUjAM sa chakre | kR^iShNAyAtaH sa chaidyaH sadasi harimadhikShiptavAn nindyavAkyaiH ChittvA chakreNa kaNThaM mudamagamadasau pAtu pUrNatrayIshaH || 126|| tatkAle sAlvabhUpaH shivabhajanavashAt prApya saubhAlyayAnaM gatvAtho dvArakAM tAM sa yadubalavarairyuddhamArAt sa chakre | pradyumnapreShitAstraprahatanijabalaM vIkShya mantrI dyumAstaM yaShTyA gurvyA prajaghne tamatha nihatavAn kArShNirstraiH svakIyaiH || 127|| indraprasthAt sa kR^iShNo nijapuramagamadvIkShya sAlvaM prakopAt astraiH shastraiH prajaghne karamatha sa hareH shAr~NgayuktaM nyakR^intat | pashyan mAyAhataM taM nijapitaramatho saubhamunmardya shaktyA tatkaNThaM chApi chakrAnmudamagamadamuM pAtu pUrNatrayIshaH || 128|| yuddhArthaM dantavakrastvagamadatha ruShA yaShTimudyamya padbhyAM kR^iShNo yaShTIdharastvagAt sa samitiM tau chakraturbhIShaNAm | kaumodakyAhanattaM vyasurapatadatho bhrAtaraM tasya chakrAt prakhyAtaM cha viDUrathaM hR^itagalaM chakre sa gopAlakaH || 129|| rAmo.asau naimishAkhyaM vanamagamadatho brAhmaNAH satrayAge stutvA sampUjya nemurhalinamatha sa taM sUtamAlokya pIThe | tiShThantaM prAharattaiH kimiti kR^itamidaM choktamAtrastadAnIM chonmathyAtho kare taM punarapi janayAmAsa yogAdhinAthaH || 130|| tadyAge vighnakArI baTugajabalavAnilvalasyAtmajo.ayaM parvaNyAgatya bhUyastvashuchimanudinaM bilvalAkhyaH karoti | sIreNAkR^iShya janne shirasi cha musalenApatat so.api bhUmyAM snAtvA tIrtheShu pashchAt puramagamadasau modamAnaH prakAmam || 131|| kR^iShNaM dR^iShTuM kuchelaH pR^ithukamapi gR^ihItvAptavAstasya gehaM dR^iShTvA kR^iShNaH pramodAt praNamanayutamAshliShya parya~Nkamadhye | saMsthApyAdAdgR^ihItvA pR^ithukamapi mudA tasya dattvA dhanAni svechChaM samprerayadyo gR^ihamagasadasau pAtu pUrNatrayoshaH || 132|| bhUlokasthAstu bhUpA grahaNamanu raveH kR^iShNarAmAdayaste chAjagmurvR^iShNayaste kurupadasahitaM kShetramanyonyamatra | dR^iShTvA tuShTAH kathAstA jagaduratha mudA nandamanyAMshcha gopAn gopIrAshliShya modAt kushalamanuvadan pAtu pUrNatrayIshaH || 133|| draupadyA kR^iShNapatnyaH tvamupayamavidhi pR^iShTavatyastadAnIM vistArya prochuretA nijapariNayamAshrAvya modaM gatA sA | tattre kR^iShNatAto makhamApi kR^itavAn brAhmaNAn bhUpasa~NghAn nandaM chApR^ichChya gopAn nijapuramagaman rAmakR^iShNAdayaste || 134|| mAtrA pitrAnunItau yaduvaratanayau hiMsitA bhojapatyA chAnetavyAH svaputrAstviti tu haribalau prApatustau rasAntAm | pAtAlAt putraShaTkaM dadaturatha sutA devakI stanyapAnAt shuddhA natvA cha kR^iShNaM balamapi pitarau bhejire svargalokam || 135|| bIbhatsuH snAnahetoragamadatha purIM dvArakAM maskarI san kR^iShNaH snAnAya sindhuM yadugaNasahitaH prAptajitvApurarasthAn | hR^itvAgAchChArikanyAM tadanu haribalau tAtavAchAtha dattvA dampatyoH pAribarhaM svapuramagamatAM modayitvA svasAram || 136|| kR^iShNo yAtvA purIM tAM janakanarapatestena sampUjyamAna\- shchoktvA tAstAH kathAstaM munigaNasahitaH proktavAnindravaktraH | loke.asmiMstvatsamAno nahi mama bhajane maithila j~nAnadR^iShTe pUjyA bhUdevamukhyA nR^ipavara bhavatA nityamasmatsvarUpAH || 137|| tasyAM puryAM sa kR^iShNo dhiShaNamunivaraM nAradaM kaNvamatriM vedavyAsaM pravR^iddhaM shukamunimatha taM vR^iddhashAtAtapaM cha | dR^iShTvA prItyA nitAntaM praNamanamakarot sA~njalistAMstathA taiH bhaktyA natvA stuto.asau munivaravinataH pAtu pUrNatrayIshaH || 138|| prApyAyaM shrutadevabhaktasadanaM sampUjyamAno.amunA bhaktyA prItiyuto nitAntamahitaH provAcha kR^iShNastu tam | bhakta tvaM shrutadeva bhU suravarAn sampUjayan mAM hariM vartasveti vadan yayau puravaraM saMstUyamAnaH suraiH || 139|| vedA ye vedamUrtiM dashashatashirasaM tAvatAkShNAbhiyuktaM padbhiH sAhasrasa~NkhyairvarakarakamalairvyApya bhUmiM samantAt | tiShThantaM stotravaryaiH stutapadakamalaM bhaktipUrvaM praNemuH so.ayaM vedAntavedyo nR^ipavaramanishaM pAtu pUrNatragoshaH || 140|| daiteyaH pApabuddhiH pathi cha suramuniM chAshutoShaM tvapR^ichChat prAhetthaM shAkuneyaM vR^ikamatha sa muniH shanbhumanvehi daitya | shrutvAtho nAradoktiM shivamanu tapa AtiShThadasmai dadau saH pR^iShTo.ayaM mUrdhni hastaH patati mama punarbhasma bhUyAt sa cheti || 141|| ityevaM dhUrjaTestadvaramapi sa punaH prApya tanmUrdhni hastaM kSheptuM dR^iShTvA.agataM taM drutataramagamat so.api pashchAdadhAvat | viShNustvAgatya vAkyaishirasi karamataH pAtayitvA vR^ikaM taM kR^itvA bhasma tvarakShachChivamapi sa hariH pAtu pUrNatrayIshaH || 142|| tIre sArasvatIye bhR^igumatha R^iShayaH preShayAmAsureShA mutkarShaM j~nAtukAmAratadanu vidhimagAnnatyabhAvAt sa ruShTaH | rudrastvAli~NganechChustvagamadatha ruShA garvito.asIti choktaH kruddho hantuM pravR^ittastadanu girijayA prArthito.agAdgirIndram || 243|| viShNuM gatvA jaghAna dratamatha sa padA vIkShya chotthAya shIghraM lakShmya~NkAt sA~njalistaM praNamanamakarodbrAhmaNaM prArthayAnaH dR^iShTvA tUShNIM sa gatvA munigaNamavadat sarvameteShu te taM viShNuM shreShThaM nitAntaM tvamanuta sa hariH pAtu pUrNatrayIshaH || 144|| bhUdevaH kashchidevaM tvavadadanugato dvAradeshaM nR^ipasya doShAnnaShTAH sutA me sa tu kurutanayaH phAlgunastannishAmya | gatvA bhUdevagehaM nijasharanivahaiH sUtikAgehamadhye kR^itvAtho pa~njaraM tachChishumapi sa dadarshA~NganaShTaM na tatra || 145|| pArtho.adhikShiptamAno dvijavaramukhataH sarvalokAn parItya naShTaM (putraM) tvadR^iShTvA.analamanunivishan kR^iShNaruddhastvavApa | viShNorlokaM gR^ihItvA mararipukR^ipayAgatya bAlAna dvijAya datvAbhUtprItiyukto nijasakhasahitaH pAtu pUrNatrayIshaH || 146|| shrIkR^iShNo dvArakAyAM suragaNasadR^ishairvR^iShNisa~NghairyutAyAM prAkArATTAlasaudhottamagR^ihavipaNIpa~NktisadhairyutAyAm | muktAvaidUryanIlapravaramaratakaprauDhagomedhavajraiH mANikyairbhAsurAyAM nijavAyuvatIM krIDayan prApa modam || 147|| gehodyAne sa kR^iShNaH sarasi maNijale padmakalhArayukte gomedhaiH puShyarAgaiH vikR^itataTavare ratnasopAnayukte | kAdambaishchakravAkaiH pikashukavihagaiH sArasaiH shobhamAne hAsyan krIDan vadhUbhirmudamagamadamuM pAtu pUrNatrayIshaH || 148|| udyAne maNDale.asminnamR^itakarashilAnirmitaiH svarNakumbhaiH yukte muktAvitAnairgaruDamaNichayastambhasa~Nghaprayukte | nArIbhishchottamAbhirvaravasanamaNIn dhAraNIbhiH samantAt AkrIDan bhAsamAno nR^ipamadanamamuM pAtu pUrNatrayIshaH || 149|| pUrNatrayyAkhyapuryAM virachitavihR^itirdevagandharvayakShaiH siddhaiH sAdhyairmunIndrairdigadhipativaraiH sevyamAnA~NghriyugmaH | bhaktAbhIShTapradAtA vikasitavadanAmbhoruhaH shrIniketaH mATa shrIrAmabhUpaM varaguNaruchiraM pAtu pUrNatrayIshaH || 150|| pUrNatrayIshacharitaM yadunAthabhaktAH shR^iNvanti ye tvanudinaM cha paThanti ye vai | satkIrtipuNyadhanadhAnyamahIsutAMshcha dIrghAyuranyavibhavAn samavApnuyuste || 151|| iti shrIpUrNatrayIshastotraM sampUrNam | ## Proofread by Rajesh Thyagarajan \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}