% Text title            : Pitha Stotram
% File name             : pIThastotram2.itx
% Category              : vishhnu, stotra
% Location              : doc\_vishhnu
% Proofread by          : Manish Gavkar
% Latest update         : September 24, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Pitha Stotram ..}##
\itxtitle{.. pIThastotram ..}##\endtitles ##
devA deveshvarAdyAshcha R^iShayo R^iShisattamAH |
pR^ithagevopadeShTArasteShAM pIThaM pR^ithak pR^ithak || 1||
manuShyeshvarAvatArA ye AchAryA muravairiNaH |
pAramparyAgataM teShAM pIThamekaM vishiShyate || 2||
yathA mahIbhR^itAM pIThaM jagatAM pAlanAya vai |
tathaivAdeshikAnAM cha pIThaM dharmapravR^ittaye || 3||
pIThastha eva bhUpAlo yathA nyAyapravartakaH |
tathA pIThasthitAchAryo yogyo dharmapravR^ittaye || 4||
pIThasthito yathA rAjA mAnyo devairnarairapi |
tathA pIThasthitAchAryaH pUjyaH syAnna vinA cha tam || 5||
yadA vilupyate pIThaM pAramparyakramAgatam |
deshakAlapramAdAdyaistadA nUtnaM vidhIyate || 6||
devarShINAM cha pUrveShAM mantraM vA nAmamantrakam |
saMyojya pIThamantreNa pIThaM saMsthApayetsudhIH || 7||
rAjapIThA~NgavadrAjapIThA~NgaiH pIThamarchayet |
athavA bhAvanAmAtraiH pUrvoktaM vA yathepsitam || 8||
athavA saptadashabhiryantrairmantrairnirUpitam |
saMrADAchAryapIThaM syAtsamarchyaM nityameva tat || 9||
tasya dakShiNapArshve tu kuryAdyantrachatuShTayam |
tattvatattvesharShidevairupadevaistadiShyate || 10||
vAme pArshve chaturyantrI kuryAtsAdhakasattamaH |
svarairvarNairmantrabIjaiH padairmAnasya sambhavAt || 11||
purataH padake tatra punaryantrachatuShTayam |
gAyatryA nigamAnAM cha tathA vai shAstramantrayoH || 12||
madhye siddhinidhIyantramAsanaM tatra kalpayet |
gopAlayantrarAjaM cha pR^iShThe tasyAgrato bhavet || 13||
sa~NkhyAyantraM chA~NkayantraM pR^iShThe pIThasya pR^iShThataH |
adharmachakraM chakrasyAdhasthaM mUrdhni gururvishet || 14||
gopAlopAsakAnAM cha etatsiMhAsanaM matam |
sauvarNaM rAjataM tAmraM kAShThamAshmaM cha mR^inmayam || 15||
asambhave bhAvanaiva mantrAdInAM vidhIyate |
utsedhaH pariNAhashcha shAstrato vApyabhIpsitaH || 16||
AchAryakulasambhUta AchAryaguNasaMshrayaH |
sthitvaiva tattvamAchAryA yogyo vyAkhyopadeshayoH || 17||
samR^iddhayo.asya varddhante pratApo.asya yato mahAn |
AchAryato harerbhaktirviraktirapi jAyate || 18||
etatsiMhAsanaM divyaM rAj~nA shiShyaishcha sammataiH |
pUjitaM mananIyaM syAdAchAryaH sAmpradAyikaH || 19||
vyAsasiMhAsanaM chAnyaddIyate R^iShibhirdvijaiH |
romaharShaNaye yadvachChAstravyAkhyAkR^ite.arpitam || 20||
saMshrayed brAhmaNo vidvAnsUto naiva vilomajaH |
mantrayoH prAtilomyena makheM jAtastathochyate || 21||
vinandannijakANDArthaM pA~ncharAtraM sadAgamam |
vadan svasaMhitAM garvAjjaj~ne sa~NkarShaNashcha tam || 22||
AchAryaM mAnayeddhImAnmanasA karmaNA girA |
pa~nchAkSharI mahAmantrayantraM sthitvA svayaM hariH || 23||
itthaM pIThasya mAhAtmyaM j~nAtvA pIThaM samAshritam |
rAdhikAyai dadau pUrvaM lalitAyai cha sA dadau || 24||
sA mahyamadadAd devI vAgIshAya sadaspatiH |
sa~Nkalpamasya sa~Nkalpya charitaM cha mahAtmanAm || 25||
pa~nchAkSharaM chAShTavarNaM tathaivAShTAdashAkSharam |
nArAyaNAya sheShAya sa dadau tripurAraye || 26||
dashArNena cha saMyuktAnso.adAnmantrAnsurarShaye |
dvAdashArNena saMyuktAntAn vyAsAya dadAvasau || 27||
namaH pIThAya mahate AchAryAya namo namaH |
upadeshAya mantrebhyaH shiShyebhyashcha namo namaH || 28||
ChatrAyAmR^itavarShAya vAraNAyAtapasya cha |
namashchAmarayugmAya sha~NkhayugmAya vai namaH || 29||
vAditrebhyo namastasya darAribhyAM namo namaH |
jyotiryugmAyAndhakAramardanAya namo namaH || 30||
mAyUrahastakadvandvasvarNavetrayugaM namaH |
rUpyaM vetrayugaM bhavyaM harivaktrachatuShTayam || 31||
AryasiMhAsanaM vande ketudhvajavirAjitam |
nIrAjamAnaM yaH pashyetpraNametsa hariM vrajet || 32||
(56\-87)

iti shrIshANDilyasaMhitAyAM pa~nchame bhaktikhaNDe turIyAMshe
sAmpradAyikastotranirUpaNaM nAmaikAdasho.adhyAye pIThastotraM sampUrNam |
##
Proofread by Manish Gavkar

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}