% Text title            : Panduranga Stotram 5
% File name             : pANDurangastotram5.itx
% Category              : vishhnu, vishnu, moropanta, stotra
% Location              : doc\_vishhnu
% Author                : Mayurakavi or Moropanta
% Proofread by          : Rajesh Thyagarajan
% Description/comments  : Stotras composed by Moropanta mayUrakavi
% Latest update         : December 23, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Panduranga Stotram 5 ..}##
\itxtitle{.. pANDura~Ngastotram 5 ..}##\endtitles ##
(pa~nchamam)
(sragviNIvR^ittam)
sakhyamApuryayA bAlagopA vane bhImarathyAstaTe satyataH(1) pAvane |
sAdhitA puNDarIkeNa yA sAdhunA siddhirAli~Ngyate(2) sajjanaiH sA.adhunA || 1||
kvApi(3) kasmAdapIShannadAsAdaraM yAntviti tyaktanidraM sadAsAdaraM |
tiShThate yA kalau sAnukampA.avanau shyAmalAhaM tada~NghI bhaje pAvanau || 2||
viThThalAkhyA bhavAbdhau tariH(4) pAradA yAM shritA (5)vajravedendubhR^innAradAH |
sthApayAmAsa saddhArmikaH ko.api tAM chetasaivAshraye sAdhubhirgopitAm || 3||
pANipadmadvayanyAsarAjatkaTiM shyAmalAM komalAM pItavidyutpaTIM |
sAdhubhirnR^ityamAnAmudArAM naTIM sampibAmodbhutA~NgIM sudhAyA ghaTIm || 4||
gADhamAli~Ngyate yA sadA pApibhI ramyarUpA yayA nekShyate kApi bhIH |
svairguNairmugdhagItaiH sadA mohitAM tAM visha~NkaM svamAturvadAmo hitAm || 5||
mayyapatye svakarmAlase.alaM krudhA chintayA sAdhubhistAmyate kIM mudhA |
bhImarathyAstaTe (6)svargyalabhyA budhA bho mayA pIyate sAdhulabdhA sudhA || 6||
tApapApauShadhaM sAdhu yannAma yA sanmukhAchcha shrutA suprasannAbhayA(7)
ballavInAM sakhIM devatAdevatAM chintaye (8)chittametyussavAdeva tAm || 7||
tyaktasiMhAsanAH sAdhavaH kevalaM prAptukAmA hi yatpAdapAMsuM darIM |
IyurevotsukAH ko na to chintayennirjitasvargasatpAdapAM sundarIm || 8||
ko na tAM chintayechChuddhikAmaH kalau (9)yatpadAmbhojanirNejanApAM tatiH |
sAdhunIrAjitA (10)sAdhunIrA.ajitA sA dhunI rAjitA shambhumaulAvapi || 9||
siddhiratyuttamA yogyalabhyA.asatastrAsadevAvarAnnityamabhyAsataH |
puNDarIkeNa yA sAdhunIrA.ajitA(11) bhaktavR^indaiH kalau sAdhunAraM jitA || 10||
jIvanenApyahodhIShTakaM(12) tarpito bhImarathyAstaTe puNDarIkeNa yaH |
shyAmalaH ko.api dIpaH pata~NgapriyaH(13) shliShyatAM tApahA nirmalaH snehakR^it || 11||

iti shrIrAmanandanamayUreshvarakR^itaM pANDura~NgastotraM sampUrNam |

TippaNi
\* asya kavilikhitA mAtR^ikopalabhyate | kintu tasyAM samAptidyotako lekho na dR^ishyate na vAtraivetatsamAptamiti parij~nAtuM pAryate | idaM tu nAmadheyamasmAbhiH prakaraNArthamanusR^ityaiva vihitamityavadheyaM sahR^idayaiH |
1| satyataH satyalokAdapi |
2| siddhiH shrIviThThalarUpA |
3| IShadapi dAsAd araM drutaM kvachidapi mA yAtvitIva yA.avanau tiShThate tada~NghI ahaM bhaje ityanvayaH | \ldq{}yAntviti\rdq{} iti tu bahuvachana prAmAdikam | \ldq{}tiShThate\rdq{} ityAmanepadamapANinIyam |
4| tarirnauH |
5| vajrabhR^idindraH, vedabhR^ida brahmA, indubhR^it sha~NkaraH |
6| svargiNo devAsteShAmalabhyA |
7| avidyamAnaM bhayaM yasyAH sA abhayA |
8| chittaM tAmutsavAdevaiti ityanvayaH |
9. yasya padAmbhojayorniNejanaM kShAlanaM tadarthamupayuktAnAmapAM tatiH sAdhubhinIrAjitA stutA |
10| sAdhunIrA ajitA sA dhunI bhImarathI shambhumaulAvapi rAjitA ityanvayaH |
11| AdarAnnityamabhyAsataH satatamupasevanayA asato bhAvayatIti tAdR^ishIti katha~nchidyojanIyam |
12| adhIShTakamiShTakAyAm |
13| pata~Ngasya vainateyasya priyaH |
##
Proofread by Rajesh Thyagarajan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}