\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=0pt                
\let\usedvng=\normaldvng      
\pagenumbering{itrans} 
\def\twocol{\begin{multicols}{2}}
\def\engtitle#1{\hrule\medskip\centerline{\large #1}}
\def\itxtitle#1{\medskip\centerline{\hugedvng #1}\medskip\hrule}
\def\endtitles{\medskip\twocol\obeyspaceslines}
\newfont{\csroman}{putr8i at 9pt}
\newfont{\csromani}{putri8i at 9pt}
#romanifm=romancsx.ifm
#romanfont=\csroman
%%
\begin{document}\engtitle{.. naaraayaNa kavachaM ..}##
\itxtitle{.. naaraayaNa kavachaM ..}##\endtitles##
raajovaacha .
yayaa guptaH sahasraakshhaH savaahaanripusainikaan.h .
kriiDanniva vinirjitya trilokyaa bubhuje shriyam.h .. 1..

bhagava.nstanmamaakhyaahi varma naaraayaNaatmakam.h . 
yathaa.a.atataayinaH shatruun.h yena gupto.ajayanmR^idhe .. 2..   

shriishuka uvaacha .
vR^itaH purohitastvaashhTro mahendraayaanupR^ichchhate .
naaraayaNaakhyaM varmaaha tadihaikamanaaH shR^iNu .. 3.. 

vishvaruupa uvaacha .
dhautaaN^ghripaaNiraachamya sapavitra udaN^mukhaH .
kR^itasvaaN^gakaranyaaso mantraabhyaaM vaagyataH shuchiH .. 4..                                         

naaraayaNamayaM varma sannahyedbhaya aagate .
paadayorjaanunoruurvorudare hR^idyathorasi .. 5..

mukhe shirasyaanupuurvyaado.nkaaraadiini vinyaset.h . 
OM namo naaraayaNaayeti viparyayamathaapi vaa .. 6.. 
 
karanyaasa.n tataH kuryaaddvaadashaakshharavidyayaa . 
praNavaadiyakaaraantamaN^gulyaN^gushhThaparvasu .. 7.. 
 
nyaseddhR^idaya OMkaara.n vikaaramanu muurdhani . 
shhakaara.n tu bhruvormadhye NakaaraM shikhayaa dishet.h .. 8.. 

vekaaraM netrayoryuJNjyaannakaara.n sarvasandhishhu . 
makaaramastramuddishya mantramuurtirbhavedbudhaH .. 9.. 

savisargaM phaDantaM tat sarvadikshhu vinirdishet.h .
OM vishhNave nama iti .. 10..

aatmaanaM paramaM dhyaayeddhyeyaM shhaTshaktibhiryutam . 
vidyaatejastapomuurtimimaM mantramudaaharet .. 11.. 

OM harirvidadhyaanmama sarvarakshhaaM 
        nyastaaN^ghripadmaH patagendrapR^ishhThe . 
daraaricharmaasigadeshhuchaapa##-##
        paashaandadhaano.ashhTaguNo.ashhTabaahuH .. 12.. 
 
jaleshhu maaM rakshhatu matsyamuurti##-## 
         ryaadogaNebhyo varuNasya paashaat.h . 
sthaleshhu maayaavaTuvaamano.avyaat 
        trivikramaH khe.avatu vishvaruupaH .. 13.. 
 
durgeshhvaTavyaajimukhaadishhu prabhuH 
        paayaannR^isi.nho.asurayuuthapaariH .
vimuJNchato yasya mahaaTTahaasaM 
        disho vinedurnyapataMshcha garbhaaH .. 14..
 
rakshhatvasau maadhvani yaGYakalpaH 
           svadaMshhTrayonniitadharo varaahaH .
raamo.adrikuuTeshhvatha vipravaase 
            salakshhmaNo.avyaadbharataagrajo.asmaan .. 15.. 

maamugradharmaadakhilaatpramaadaa##-## 
           nnaaraayaNaH paatu narashcha haasaat.h . 
dattastvayogaadatha yoganaathaH 
           paayaadguNeshaH kapilaH karmabandhaat.h .. 16.. 
 
sanatkumaaro.avatu kaamadevaa##-## 
          ddhayashiirshhaa maaM pathi devahelanaat.h . 
devarshhivaryaH purushhaarchanaantaraat 
          kuurmo harirmaaM nirayaadasheshhaat .. 17..
 
dhanvantarirbhagavaanpaatvapathyaa##-## 
         ddvandvaadbhayaadR^ishhabho nirjitaatmaa .
yaGYashcha lokaadavataaJNjanaantaa##-## 
         dbalo gaNaatkrodhavashaadahiindraH .. 18.. 
 
dvaipaayano bhagavaanaprabodhaa##-## 
         dbuddhastu paakhaNDagaNapramaadaat.h . 
kalkiH kaleH kaalamalaatprapaatu 
         dharmaavanaayorukR^itaavataaraH .. 19.. 
 
maaM keshavo gadayaa praataravyaa##-## 
         dgovinda aasaN^gavamaattaveNuH .
naaraayaNaH praahNa udaattashakti##-##
         rmadhyandine vishhNurariindrapaaNiH .. 20.. 
 
devo.aparaahNe madhuhogradhanvaa 
         saayaM tridhaamaavatu maadhavo maam.h .
doshhe hR^ishhiikesha utaardharaatre 
         nishiitha eko.avatu padmanaabhaH .. 21..
 
shriivatsadhaamaapararaatra iishaH 
         pratyushha iisho.asidharo janaardanaH .
daamodaro.avyaadanusandhyaM prabhaate 
         vishveshvaro bhagavaan kaalamuurtiH .. 22.. 
 
chakra.n yugaantaanalatigmanemi 
         bhramatsamantaadbhagavatprayuktam.h . 
dandagdhi dandagdhyarisainyamaashu 
         kakshhaM yathaa vaatasakho hutaashaH .. 23.. 
 
gade.ashanisparshanavisphuliN^ge 
         nishhpiNDhi nishhpiNDhyajitapriyaasi . 
kuushhmaaNDavainaayakayakshharakshho##-## 
         bhuutagrahaa.nshchuurNaya chuurNayaariin.h .. 24.. 
 
tvaM yaatudhaanapramathapretamaatR^i##-##
         pishaachavipragrahaghoradR^ishhTiin.h . 
darendra vidraavaya kR^ishhNapuurito 
         bhiimasvano.arehR^i.rdayaani kampayan.h .. 25..
 
tvaM tigmadhaaraasivaraarisainya##-##
         miishaprayukto mama chhindhi chhindhi .
chakshhuu.nshhi charmaJNchhatachandra chhaadaya 
         dvishhaamaghonaa.n hara paapachakshhushhaam.h .. 26.. 
 
yanno bhaya.n grahebhyo.abhuutketubhyo nR^ibhya eva cha .
sariisR^ipebhyo daMshhTribhyo bhuutebhyoM.ahobhya vaa .. 27 .. 

sarvaaNyetaani bhagavannaamaruupaastrakiirtanaat.h . 
prayaantu sa.nkshhaya.n sadyo ye naH shreyaHpratiipakaaH .. 28.. 
 
garuDo bhagavaan stotrastobhashchhandomayaH prabhuH .
rakshhatvasheshhakR^ichchhrebhyo vishhvaksenaH svanaamabhiH .. 29 .. 
 
sarvaapadbhyo harernaamaruupayaanaayudhaani naH .
buddhiindriyamanaHpraaNaanpaantu paarshhadabhuushhaNaaH .. 30.. 
 
yathaa hi bhagavaaneva vastutaH sadasachcha yat.h . 
satyenaanena naH sarve yaantu naashamupadravaaH .. 31..
 
yathaikaatmyaanubhaavaanaaM vikalparahitaH svayam.h . 
bhuushhaNaayudhaliN^gaakhyaa dhatte shaktiiH svamaayayaa .. 32.. 

tenaiva satyamaanena sarvaGYo bhagavaan.h hariH .
paatu sarvaiH svaruupairnaH sadaa sarvatra sarvagaH .. 33.. 
 
vidikshhu dikshhuurdhvamadhaH samantaa##-## 
             dantarbahirbhagavaannaarasi.nhaH .
prahaapaya.n.clokabhayaM svanena 
             svatejasaa grastasamastatejaaH .. 34..
 
maghavannidamaakhyaata.n varma naaraayaNaatmakam.h . 
vijeshhyasyaJNjasaa yena daMshito.asurayuuthapaan.h .. 35.. 
  
etaddhaarayamaaNastu yaM yaM pashyati chakshhushhaa .
padaa vaa saMspR^ishetsadyaH saadhvasaatsa vimuchyate .. 36.. 
 
na kutashchidbhaya.n tasya vidyaa.n dhaarayato bhavet.h . 
raajadasyugrahaadibhyo vyaaghraadibhyashcha karhichit.h .. 37.. 
 
imaa.n vidyaaM puraa kashchitkaushiko dhaarayan dvijaH .
yogadhaaraNayaa svaaN^ga.n jahau sa marudhanvani .. 38.. 
 
tasyopari vimaanena gandharvapatirekadaa .
yayau chitrarathaH striibhirvR^ito yatra dvijakshhayaH || 39 || 
 
gaganaannyapatatsadyaH savimaano hyavaakshiraaH .
sa vaalakhilyavachanaadasthiinyaadaaya vismitaH .
praasya praachiisarasvatyaa.n snaatvaa dhaama svamanvagaat.h .. 40.. 
 
shriishuka uvaacha .
ya idaM shR^iNuyaatkaale yo dhaarayati chaadR^itaH .
ta.n namasyanti bhuutaani muchyate sarvato bhayaat.h .. 41.. 
 
etaa.n vidyaamadhigato vishvaruupaachchhatakratuH .
trailokyalakshhmiiM bubhuje vinirjitya mR^idhe.asuraan ..  42.. 

.. iti shriimadbhaagavatamahaapuraaNe paaramaha.nsyaa.n sa.nhitaayaa.n
shhashhThaskandhe naaraayaNavarmakathana.n naamaashhTamo.adhyaayaH ..
##\end{multicols}\medskip\hrule\obeylines
{\rm Please send corrections to sanskrit@cheerful.com}
{\rm Last updated \today}
\end{document}