% Text title            : narasiMha stotra 1
% File name             : narasimha.itx
% Category              : vishhnu, dashAvatAra, stotra, vishnu
% Location              : doc\_vishhnu
% Transliterated by     : H. P. Raghunandan, Shrisha Rao, first March 18, 1996
% Proofread by          : H. P. Raghunandan, Shrisha Rao
% Description-comments  : It is unclear if likuchatilakasUnuH in the end refers to trivikramAchArya or his son nArAyaNa paNDita
% Latest update         : January 22, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Narasimha Stotra ..}##
\itxtitle{.. narasiMhastotra athavA narasiMhastutiH ..}##\endtitles ##
udayaravi sahasradyotitaM rUkShavIkShaM
      praLaya jaladhinAdaM kalpakR^idvahni vaktram |
surapatiripu vakShashCheda raktokShitA~NgaM
      praNatabhayaharaM taM nArasiMhaM namAmi ||
praLayaravi karALAkAra rukchakravAlaM
      viraLaya dururochI rochitAshAntarAla |
pratibhayatama kopAttyutkaTochchATTahAsin
      daha daha narasiMhAsahyavIryAhita.nme || 1||
sarasa rabhasapAdA pAtabhArAbhirAva
      prachakitachala saptadvandva lokastutasttvam |
ripurudhira niShekeNaiva shoNA~NghrishAlin
      daha daha narasiMhAsahyavIryAhita.nme || 2||
tava ghanaghanaghoSho ghoramAghrAya ja~NghA
      parigha malaghu mUru vyAjatejo giri~ncha |
ghanavighaTatamAgAddaitya ja~NghAlasa~Ngho
      daha daha narasiMhAsahyavIryAhita.nme || 3||
kaTaki kaTakarAjaddhATTa kAgryasthalAbhA
      prakaTa paTa taTitte satkaTisthAtipaTvI |
kaTuka kaTuka duShTATopa dR^iShTipramuShTau
      daha daha narasiMhAsahyavIryAhita.nme || 4||
prakhara nakhara vajrotkhAta rokShArivakShaH
      shikhari shikhara raktyarAktasa.ndoha deha |
suvalibha shubha kukShe bhadra gambhIranAbhe
      daha daha narasiMhAsahyavIryAhita.nme || 5||
sphurayati tava sAkShAtsaiva nakShatramAlA
      kShapita ditija vakSho vyAptanakShatramArgam |
aridaradhara jAnvAsakta hastadvayAho
      daha daha narasiMhAsahyavIryAhita.nme || 6||
kaTuvikaTa saTaughodghaTTanAdbhraShTabhUyo
      ghanapaTala vishAlAkAsha labdhAvakAsham |
karaparigha vimarda prodyamaM dhyAyataste
      daha daha narasiMhAsahyavIryAhita.nme || 7||
haThaluTha dala ghiShTotkaNThadaShToShTha vidyut
      saTashaTha kaThinoraH pIThabhitsuShThuniShThAm |
paThatinutava kaNThAdhiShTha ghorAntramAlA
      daha daha narasiMhAsahyavIryAhita.nme || 8||
hR^ita bahumihi rAbhAsahyasaMhAraraMho
      hutavaha bahuheti hrepikAnanta heti |
ahita vihita mohaM saMvahan saiMhamAsyaM
      daha daha narasiMhAsahyavIryAhita.nme || 9||
gurugurugirirAjatkandarAntargateva
      dinamaNi maNishR^i~Nge vantavahnipradIpte |
dadhadati kaTudaMShpre bhIShaNojjihva vaktre
      daha daha narasiMhAsahyavIryAhita.nme || 10||
adharita vibudhAbdhi dhyAnadhairyaM vidIdhya
      dvividha vibudhadhI shraddhApitendrArinAsham |
vidadhadati kaTAhodghaTTaneddhATTahAsaM
      daha daha narasiMhAsahyavIryAhita.nme || 11||
tribhuvana tR^iNamAtra trANa tR^iShNantu netra\-
      trayamati laghitArchirviShTa pAviShTapAdam |
navatara ravi tAmraM dhArayan rUkShavIkShaM
      daha daha narasiMhAsahyavIryAhita.nme || 12||
bhramada bhibhava bhUbhR^idbhUribhUbhArasadbhid\-
      bhidanabhinava vidabhrU vibhra mAdabhra shubhra |
R^ibhubhava bhaya bhettarbhAsi bho bho vibho.abhi\-
      rdaha daha narasiMhAsahyavIryAhita.nme || 13||
shravaNa khachita cha~nchatkuNDa lochchaNDagaNDa
      bhrukuTi kaTulalATa shreShThanAsAruNoShTha |
varada surada rAjatkesarotsAri tAre
      daha daha narasiMhAsahyavIryAhita.nme || 14||
pravikacha kacharAjadratna koTIrashAlin
      galagata galadusrodAra ratnA~NgadADh.hya |
kanaka kaTaka kA~nchI shi~njinI mudrikAvan
      daha daha narasiMhAsahyavIryAhita.nme || 15||
aridaramasi kheTau bANachApe gadAM san\-
      musalamapi dadhAnaH pAshavaryA~Nkushau cha |
karayugala dhR^itAntrasragvibhinnArivakSho
      daha daha narasiMhAsahyavIryAhita.nme || 16||
chaTa chaTa chaTa dUraM mohaya bhrAmayArin
      kaDi kaDi kaDi kAyaM jvAraya sphoTayasva |
jahi jahi jahi vegaM shAtravaM sAnubandhaM
      daha daha narasiMhAsahyavIryAhita.nme || 17||
vidhibhava vibudhesha bhrAmakAgni sphuli~Nga
      prasavi vikaTa daMShprojjihvavaktra trinetra |
kala kala kalakAmaM pAhimAM te subhaktaM
      daha daha narasiMhAsahyavIryAhita.nme || 18||
kuru kuru karuNAM tAM sA~NkurAM daityapote
      disha disha vishadA.nme shAshvatIM devadR^iShTim |
jaya jaya jaya murte.anArta jetavya pakShaM
      daha daha narasiMhAsahyavIryAhita.nme || 19||
stutirihamahitaghnI sevitAnArasiMhI
      tanurivaparishAntA mAlinI sA.abhito.alam |
tadakhila gurumAgrya shrIdharUpAlasadbhiH
      suniya manaya kR^ityaiH sadguNairnityayuktAH || 20||
likuchatilakasUnussaddhitArthAnusArI
      narahari nutimetAM shatrusaMhAra hetum |
akR^ita sakala pApadhva.nsinIM yaH paThettAM
      vrajati nR^iharilokaM kAmalobhAdyasaktaH || 21||

iti kavikulatilakatrivikramapaNDitAchAryavirachitA shrInarasiMhastutiH samAptA |
athavA
iti kavikulatilaka shrI trivikramapaNDitAchAryasuta
nArAyaNapaNDitAchArya virachitam shrInarasiMhastotraM sampUrNam |

|| bhAratIramaNamukhyaprANAntargata shrIkR^iShNArpaNamastu ||

##
There has been a conflict in interpreting
the likuchatilakasUnuH statement
about the authorship of the stuti.
Some consider it is by trivikramAchArya
as a son in the lineage of likucha, some
consider it as son of trivikramAchArya,
that is nArAyaNapaNDitAchArya.  It seems
Narayanapandita also wrote another narasimha
stuti which has 39 verses.  (The stotra
mahodadhi, 1926 (Belgaum) Collection of
Madhva stotras, pp. 125-126, where it is to
be found is not available.)

Encoded and proofread by H. P. Raghunandan. Shrisha Rao

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}