% Text title : nRisiMhasahasranAmastotra % File name : nRisiMhasahasranAmastotra.itx % Category : sahasranAma, vishhnu, dashAvatAra, stotra, vishnu % Location : doc\_vishhnu % Proofread by : Sunder Hattangadi % Description-comments : Stotra Ratnakara Vol1 1927, PDF page 429, print page 418 with little variation. % Latest update : August 28, 2021 % Send corrections to : Sanskrit@cheerful.com % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. nRisiMhasahasranAmastotram ..}## \itxtitle{.. lakShmInR^isiMhasahasranAmastotram ..}##\endtitles ## divyalakShmInR^isiMhasahasranAmastotram || stotrasya pUrvapIThikA || OM mArkaNDeya uvAcha \- evaM yuddhamabhUdghoraM raudraM daityabalaiH saha | nR^isiMhasyA~NgasambhUtairnArasiMhairanekashaH || 1|| daityakoTihatAstatra kechidbhItAH palAyitAH | taM dR^iShTvAtIva sa~Nkruddho hiraNyakashipuH svayam || 2|| bhUtapUrvairamR^ityurme iti brahmavaroddhataH | vavarSha sharavarSheNa nArasiMho bhR^ishaM balI || 3|| dvandvayuddhamabhUdugraM divyavarShasahasrakam | daityendrasAhasaM dR^iShTvA devAshchendrapurogamAH || 4|| shreyaH kasya bhavedatra iti chintAparAbhavan | tadA kruddho nR^isiMhastu daityendraprahitAnyapi || 5|| viShNuchakraM mahAchakraM kAlachakraM tu vaiShNavam | raudraM pAshupataM brAhmaM kauberaM kulishAsanam || 6|| AgneyaM vAruNaM saumyaM mohanaM saurapArvatam | bhArgavAdibahUnyastrANyabhakShayata kopanaH || 7|| sandhyAkAle sabhAdvAre svA~Nke nikShipyabhairavaH | tataH khaTgadharaM daityaM jagrAha narakesarI || 8|| hiraNyakashiporvakSho vidAryAtIva roShitaH | uddhR^itya chAntramAlAni nakhairvajrasamaprabhaiH || 9|| mene kR^itArthamAtmAnaM sarvataH paryavaikShata | harShitA devatAH sarvAH puShpavR^iShTimavAkiran || 10|| devadundubhayo nedurvimalAshcha disho.abhavan | narasiMha matIvograM vikIrNavadanaM bhR^isham || 11|| lelihAnaM cha garjantaM kAlAnalasamaprabham | atiraudraM mahAkAyaM mahAdaMShTraM mahArutam || 12|| mahAsiMhaM mahArUpaM dR^iShTvA sa~NkShubhitaM jagat | sarvadevagaNaiH sArthaM tatrAgatya pitAmahaH || 13|| AgantukairbhUtapUrvairvartamAnairanuttamaiH | guNairnAmasahasreNa tuShTAva shrutisammataiH || 14|| \medskip\hrule\medskip || atha shrInR^isiMhasahasranAmastotram || OM namaH shrImaddivyalakShmInR^isiMhasahasranAmastotramahAmantrasya brahmA R^iShiH shrIlakShmInR^isiMhodevatA . anuShTupChandaH shrInR^isiMhaHparamAtmA bIjaM lakShmIrmAyAshaktiH jIvobIjaM buddhiH shaktiH udAnavAyuH bIjaM sarasvatI shaktiH vya~njanAni bIjAni svarAH shaktayaH OM kShrauM hrIM iti bIjAni OM shrIM aM AM iti shaktayaH vikIrNanakhadaMShTrAyudhAyeti kIlakaM akArAditi bodhakaM shrIlakShmInR^isiMhaprasAdasiddhyarthe shrIlakShmInR^isiMhasahasranAmastotramantrajape viniyogaH \- brahmovAcha \- OM shrIlakShmInR^isiMhAya namaH | a~NguShThAbhyAM namaH OM vajranakhAya namaH | tarjanIbhyAM namaH OM mahArudrAya namaH | madhyamAbhyAM namaH OM sarvatomukhAya namaH | anAmikAbhyAM namaH OM vikaTAsyAya namaH | kaniShThikAbhyAM namaH OM vIrAya namaH | karatalakarapR^iShThAbhyAM namaH evaM hR^idayAdinyAsaH \- iti digbandhaH OM aindrIM dishaM sudarshanena badhnAmi namashchakrAya svAhA | OM AgneyIM dishaM sudarshanena badhnAmi namashchakrAya svAhA | OM yAmyAM dishaM sudarshanena badhnAmi namashchakrAya svAhA | OM nairR^itiM dishaM sudarshanena badhnAmi namashchakrAya svAhA | OM vAruNIM dishaM sudarshanena badhnAmi namashchakrAya svAhA | OM vAyavIM dishaM sudarshanena badhnAmi namashchakrAya svAhA | OM kauberIM dishaM sudarshanena badhnAmi namashchakrAya svAhA | OM IshAnIM dishaM sudarshanena badhnAmi namashchakrAya svAhA | OM UrdhvAM dishaM sudarshanena badhnAmi namashchakrAya svAhA | OM adhastAddishaM dishaM sudarshanena badhnAmi namashchakrAya svAhA | OM antarikShAM dishaM sudarshanena badhnAmi namashchakrAya svAhA | atha dhyAnam \- satyaj~nAnasukhasvarUpamamalaM kShIrAbdhimadhye sthitaM yogArUDhamatiprasannavadanaM bhUShAsahasrojvalam | tryakShaM chakrapinAkasnAbhayakarAnbibhrANamarkachChaviM ChatrIbhUtaphaNIndramindudhavalaM lakShmInR^isiMhaM bhaje || 1|| upAsmahe nR^isiMhAkhyaM brahma vedAntagocharam | bhUyolAlitasaMsArachChedahetuM jagadgurum || 2|| brahmovAcha \- OM hrIM shrIM aiM kShrauM brahmovAcha \- OM namo nArasiMhAya vajradaMShTrAya vajriNe | vajradehAya vajrAya namo vajranakhAya cha || 1|| vAsudevAya vandyAya varadAya varAtmane | varadAbhayahastAya varAya vararUpiNe || 2|| vareNyAya variShThAya shrIvarAya namo namaH | prahlAdavaradAyaiva pratyakShavaradAya cha || 3|| parAtparapareshAya pavitrAya pinAkine | pAvanAya prasannAya pAshine pApahAriNe || 4|| puruShTutAya puNyAya puruhUtAya te namaH | tatpuruShAya tathyAya purANapuruShAya cha || 5|| purodhase pUrvajAya puShkarAkShAya te namaH | puShpahAsAya hAsAya mahAhAsAya shAr~NgiNe || 6|| siMhAya siMharAjAya jagadvashyAya te namaH | aTTahAsAya roShAya jalavAsAya te namaH || 7|| bhUtAvAsAya bhAsAya shrInivAsAya khaDgine | khaDgajihvAya siMhAya khaDgavAsAya te namaH || 8|| namo mUlAdhivAsAya dharmavAsAya dhanvine | dhana~njayAya dhanyAya namo mR^ityu~njayAya cha || 9|| shubha~njayAya sUtrAya namaH shatru~njayAya cha | nira~njanAya nIrAya nirguNAya guNAya cha || 10|| niShprapa~nchAya nirvANapradAya nibiDAya cha | nirAlambAya nIlAya niShkalAya kalAya cha || 11|| nimeShAya nibandhAya nimeShagamanAya cha | nirdvandvAya nirAshAya nishchayAya nirAya cha || 12|| nirmalAya nibandhAya nirmohAya nirAkR^ite | namo nityAya satyAya satkarmaniratAya cha || 13|| satyadhvajAya mu~njAya mu~njakeshAya keshine | harIshAya cha sheShAya guDAkeshAya vai namaH || 14|| sukeshAyordhvakeshAya keshisaMhArakAya cha | jaleshAya sthaleshAya padmeshAyograrUpiNe || 15|| kusheshayAya kUlAya keshavAya namo namaH | sUktikarNAya sUktAya raktajihvAya rAgiNe || 16|| dIptarUpAya dIptAya pradIptAya pralobhine | prachChinnAya prabodhAya prabhave vibhave namaH || 17|| prabha~njanAya pAnthAya pramAyApramitAya cha | prakAshAya pratApAya prajvalAyojvalAya cha || 18|| jvAlAmAlAsvarUpAya jvalajjihvAya jvAline | mahojjvalAya kAlAya kAlamUrtidharAya cha || 19|| kAlAntakAya kalpAya kalanAya kR^ite namaH | kAlachakrAya shakrAya vaShaTchakrAya chakriNe || 20|| akrUrAya kR^itAntAya vikramAya kramAya cha | kR^ittine kR^ittivAsAya kR^itaghnAya kR^itAtmane || 21|| sa~NkramAya cha kruddhAya krAntalokatrayAya cha | arUpAya svarUpAya haraye paramAtmane || 22|| ajayAyAdidevAya akShayAya kShayAya cha | aghorAya sughorAya ghorAghoratarAya cha || 23|| namo.astvaghoravIryAya lasadghorAya te namaH | ghorAdhyakShAya dakShAya dakShiNAryAya shambhave || 24|| amoghAya guNaughAya anaghAyAghahAriNe | meghanAdAya nAdAya tubhyaM meghAtmane namaH || 25|| meghavAhanarUpAya meghashyAmAya mAline | vyAlayaj~nopavItAya vyAghradehAya vai namaH || 26|| vyAghrapAdAya cha vyAghrakarmiNe vyApakAya cha | vikaTAsyAya vIrAya viShTarashravase namaH || 27|| vikIrNanakhadaMShTrAya nakhadaMShTrAyudhAya cha | vishvaksenAya senAya vihvalAya balAya cha || 28|| virUpAkShAya vIrAya visheShAkShAya sAkShiNe | vItashokAya vistIrNavadanAya namo namaH || 29|| vidhAnAya vidheyAya vijayAya jayAya cha | vibudhAya vibhAvAya namo vishvambharAya cha || 30|| vItarAgAya viprAya viTa~NkanayanAya cha | vipulAya vinItAya vishvayone namo namaH || 31|| viDambanAya vittAya vishrutAya viyonaye | vihvalAya vivAdAya namo vyAhR^itaye namaH || 32|| vilAsAya vikalpAya mahAkalpAya te namaH | bahukalpAya kalpAya kalpAtItAya shilpine || 33| kalpanAya svarUpAya phaNitalpAya vai namaH | taDitprabhAya tAryAya taruNAya tarasvine || 34|| tapanAya tarakShAya tApatrayaharAya cha | tArakAya tamoghnAya tattvAya cha tapasvine || 35|| takShakAya tanutrAya taTine taralAya cha | shatarUpAya shAntAya shatadhArAya te namaH || 36|| shatapatrAya tArkShyAya sthitaye shatamUrtaye | shatakratusvarUpAya shAshvatAya shatAtmane || 37|| namaH sahasrashirase sahasravadanAya cha | sahasrAkShAya devAya dishashrotrAya te namaH || 38|| namaH sahasrajihvAya mahAjihvAya te namaH | sahasranAmadheyAya sahasrAkShidharAya cha || 39|| sahasrabAhave tubhyaM sahasracharaNAya cha | sahasrArkaprakAshAya sahasrAyudhadhAriNe || 40|| namaH sthUlAya sUkShmAya susUkShmAya namo namaH | sukShuNyAya subhikShAya surAdhyakShAya shauriNe || 41|| dharmAdhyakShAya dharmAya lokAdhyakShAya vai namaH | prajAdhyakShAya shikShAya vipakShakShayamUrtaye || 42|| kalAdhyakShAya tIkShNAya mUlAdhyakShAya te namaH | adhokShajAya mitrAya sumitravaruNAya cha || 43|| shatrughnAya avighnAya vighnakoTiharAya cha | rakShoghnAya tamoghnAya bhUtaghnAya namo namaH || 44|| bhUtapAlAya bhUtAya bhUtavAsAya bhUtine | bhUtabetAlaghAtAya bhUtAdhipataye namaH || 45|| bhUtagrahavinAshAya bhUtasaMyamate namaH | mahAbhUtAya bhR^igave sarvabhUtAtmane namaH || 46|| sarvAriShTavinAshAya sarvasampatkarAya cha | sarvAdhArAya sarvAya sarvArtiharaye namaH || 47|| sarvaduHkhaprashAntAya sarvasaubhAgyadAyine | sarvaj~nAyApyanantAya sarvashaktidharAya cha || 48|| sarvaishvaryapradAtre cha sarvakAryavidhAyine | sarvajvaravinAshAya sarvarogApahAriNe || 49|| sarvAbhichArahantre cha sarvaishvaryavidhAyine | pi~NgAkShAyaikashR^i~NgAya dvishR^i~NgAya marIchaye || 50|| bahushR^i~NgAya li~NgAya mahAshR^i~NgAya te namaH | mA~NgalyAya manoj~nAya mantavyAya mahAtmane || 51|| mahAdevAya devAya mAtuli~NgadharAya cha | mahAmAyAprasUtAya prastutAya cha mAyine || 52|| anantAnantarUpAya mAyine jalashAyine | mahodarAya mandAya madadAya madAya cha || 53|| madhukaiTabhahantre cha mAdhavAya murAraye | mahAvIryAya dhairyAya chitravAryAya te namaH || 54|| chitrakUrmAya chitrAya namaste chitrabhAnave | mAyAtItAya mAyAya mahAvIrAya te namaH || 55|| mahAtejAya bIjAya tejodhAmne cha bIjine | tejomaya nR^isiMhAya namaste chitrabhAnave || 56|| mahAdaMShTrAya tuShTAya namaH puShTikarAya cha | shipiviShTAya hR^iShTAya puShTAya parameShThine || 57|| vishiShTAya cha shiShTAya gariShThAyeShTadAyine | namo jyeShThAya shreShThAya tuShTAyAmitatejase || 58|| aShTA~NganyastarUpAya sarvaduShTAntakAya cha | vaikuNThAya vikuNThAya keshikaNThAya te namaH || 59|| kaNThIravAya luNThAya niHshaThAya haThAya cha | sattvodriktAya rudrAya R^igyajussAmagAya cha || 60|| R^itudhvajAya vajrAya mantrarAjAya mantriNe | trinetrAya trivargAya tridhAmne cha trishUline || 61|| trikAlaj~nAnarUpAya tridehAya tridhAtmane | namastrimUrtividyAya tritattvaj~nAnine namaH || 62|| akShobhyAyAniruddhAya aprameyAya bhAnave | amR^itAya anantAya amitAyAmitaujase || 63|| apamR^ityuvinAshAya apasmAravighAtine | annadAyAnnarUpAya annAyAnnabhuje namaH || 64|| nAdyAya niravadyAya vidyAyAdbhutakarmaNe | sadyojAtAya sa~NghAya vaidyutAya namo namaH || 65|| adhvAtItAya sattvAya vAgatItAya vAgmine | vAgIshvarAya gopAya gohitAya gavAmpate || 66|| gandharvAya gabhIrAya garjitAyorjitAya cha | parjanyAya prabuddhAya pradhAnapuruShAya cha || 67|| padmAbhAya sunAbhAya padmanAbhAya mAnine | padmanetrAya padmAya padmAyAH pataye namaH || 68|| padmodarAya pUtAya padmakalpodbhavAya cha | namo hR^itpadmavAsAya bhUpadmoddharaNAya cha || 69|| shabdabrahmasvarUpAya brahmarUpadharAya cha | brahmaNe brahmarUpAya padmanetrAya te namaH || 70|| brahmadAya brAhmaNAya brahmabrahmAtmane namaH | subrahmaNyAya devAya brahmaNyAya trivedine || 71|| parabrahmasvarUpAya pa~nchabrahmAtmane namaH | namaste brahmashirase tadA.ashvashirase namaH || 72|| atharvashirase nityamashanipramitAya cha | namaste tIkShNadaMShTrAya lolAya lalitAya cha || 73|| lAvaNyAya lavitrAya namaste bhAsakAya cha | lakShaNaj~nAya lakShAya lakShaNAya namo namaH || 74|| lasaddIptAya liptAya viShNave prabhaviShNave | vR^iShNimUlAya kR^iShNAya shrImahAviShNave namaH || 75|| pashyAmi tvAM mahAsiMhaM hAriNaM vanamAlinam | kirITinaM kuNDalinaM sarvA~NgaM sarvatomukham || 76|| sarvataH pANipAdoraM sarvato.akShi shiromukham | sarveshvaraM sadAtuShTaM samarthaM samarapriyam || 77|| bahuyojanavistIrNaM bahuyojanamAyatam | bahuyojanahastA~NghriM bahuyojananAsikam || 78|| mahArUpaM mahAvaktraM mahAdaMShTraM mahAbhujam | mahAnAdaM mahAraudraM mahAkAyaM mahAbalam || 79|| AnAbherbrahmaNo rUpamAgalAdvaiShNavaM tathA | AshIrShAdrandhramIshAnaM tadagre sarvataH shivam || 80|| namo.astu nArAyaNa nArasiMha namo.astu nArAyaNa vIrasiMha | namo.astu nArAyaNa krUrasiMha namo.astu nArAyaNa divyasiMha || 81|| namo.astu nArAyaNa vyAghrasiMha namo.astu nArAyaNa puchChasiMha | namo.astu nArAyaNa pUrNasiMha namo.astu nArAyaNa raudrasiMha || 82|| namo namo bhIShaNabhadrasiMha namo namo vihvalanetrasiMha | namo namo bR^iMhitabhUtasiMha namo namo nirmalachitrasiMha || 83|| namo namo nirjitakAlasiMha namo namaH kalpitakalpasiMha | namo namo kAmadakAmasiMha namo namaste bhuvanaikasiMha || 84|| dyAvApR^ithivyoridamantaraM hi vyAptaM tvayaikena dishashcha sarvAH | dR^iShTvAdbhutaM rUpamugraM tavedaM lokatrayaM pravyathitaM mahAtman || 85|| amI hitvA surasa~NghA vishanti kechidbhItAH prA~njalayo gR^iNanti | svastItyuktvA munayaH siddhasa~NghAH stuvanti tvAM stutibhiH puShkalAbhiH || 86|| rudrAdityAvasavo ye cha sAdhyA vishvedevA marutashchoShmapAshcha | gandharvayakShAsurasiddhasa~NghA vIkShanti tvAM vismitAshchaiva sarve || 87|| lelihyase grasamAnaH samantAllokAnsamagrAnvadanairjvaladbhiH | tejobhirApUrya jagatsamagraM bhAsastavogrAH pratapanti viShNo || 88|| bhaviShNustvaM sahiShNustvaM bhrajiShNurjiShNureva cha | pR^ithivImantarIkShaM tvaM parvatAraNyameva cha || 89|| kalAkAShThA viliptastvaM muhUrtapraharAdikam | ahorAtraM trisandhyA cha pakShamAsartuvatsarAH || 90|| yugAdiryugabhedastvaM saMyugo yugasandhayaH | nityaM naimittikaM dainaM mahApralayameva cha || 91|| karaNaM kAraNaM kartA bhartA hartA tvamIshvaraH | satkartA satkR^itirgoptA sachchidAnandavigrahaH || 92|| prANastvaM prANinAM pratyagAtmA tvaM sarvadehinAm | sujyotistvaM para~njyotirAtmajyotiH sanAtanaH || 93|| jyotirlokasvarUpastvaM tvaM jyotirjyotiShAM patiH | svAhAkAraH svadhAkAro vaShaTkAraH kR^ipAkaraH || 94|| hantakAro nirAkAro vegakArashcha sha~NkaraH | akArAdihakArAnta o~NkAro lokakArakaH || 95|| ekAtmA tvamanekAtmA chaturAtmA chaturbhujaH | chaturmUrtishchaturdaMShTrashchaturvedamayottamaH || 96|| lokapriyo lokagururlokesho lokanAyakaH | lokasAkShI lokapatirlokAtmA lokalochanaH || 97|| lokAdhAro bR^ihalloko lokAlokamayo vibhuH | lokakartA vishvakartA kR^itAvartaH kR^itAgamaH || 98|| anAdistvamanantastvamabhUtobhUtavigrahaH | stutiH stutyaH stavaprItaH stotA netA niyAmakaH || 99|| tvaM gatistvaM matirmahyaM pitA mAtA guruH sakhA | suhR^idashchAtmarUpastvaM tvAM vinA nAsti me gatiH || 100|| namaste mantrarUpAya astrarUpAya te namaH | bahurUpAya rUpAya pa~ncharUpadharAya cha || 101|| bhadrarUpAya rUDhAya yogarUpAya yogine | samarUpAya yogAya yogapIThasthitAya cha || 102|| yogagamyAya saumyAya dhyAnagamyAya dhyAyine | dhyeyagamyAya dhAmne cha dhAmAdhipataye namaH || 103|| dharAdharAya dharmAya dhAraNAbhiratAya cha | namo dhAtre cha sandhAtre vidhAtre cha dharAya cha || 104|| dAmodarAya dAntAya dAnavAntakarAya cha | namaH saMsAravaidyAya bheShajAya namo namaH || 105|| sIradhvajAya shItAya vAtAyApramitAya cha | sArasvatAya saMsAranAshanAyAkSha mAline || 106|| asidharmadharAyaiva ShaTkarmaniratAya cha | vikarmAya sukarmAya parakarmavidhAyine || 107|| susharmaNe manmathAya namo varmAya varmiNe | karicharmavasAnAya karAlavadanAya cha || 108|| kavaye padmagarbhAya bhUtagarbhaghR^iNAnidhe | brahmagarbhAya garbhAya bR^ihadgarbhAya dhUrjaTe || 109|| namaste vishvagarbhAya shrIgarbhAya jitAraye | namo hiraNyagarbhAya hiraNyakavachAya cha || 110|| hiraNyavarNadehAya hiraNyAkShavinAshine | hiraNyakashiporhantre hiraNyanayanAya cha || 111|| hiraNyaretase tubhyaM hiraNyavadanAya cha | namo hiraNyashR^i~NgAya niHshR^i~NgAya shR^i~NgiNe || 112|| bhairavAya sukeshAya bhIShaNAyAntrimAline | chaNDAya ruNDamAlAya namo daNDadharAya cha || 113|| akhaNDatattvarUpAya kamaNDaludharAya cha | namaste khaNDasiMhAya satyasiMhAya te namaH || 114|| namaste shvetasiMhAya pItasiMhAya te namaH | nIlasiMhAya nIlAya raktasiMhAya te namaH || 115|| namo hAridrasiMhAya dhUmrasiMhAya te namaH | mUlasiMhAya mUlAya bR^ihatsiMhAya te namaH || 116|| pAtAlasthitasiMhAya namaH parvatavAsine | namo jalasthasiMhAya antarikShasthitAya cha || 117|| kAlAgnirudrasiMhAya chaNDasiMhAya te namaH | anantasiMhasiMhAya anantagataye namaH || 118|| namo vichitrasiMhAya bahusiMhasvarUpiNe | abhaya~NkarasiMhAya narasiMhAya te namaH || 119|| namo.astu siMharAjAya nArasiMhAya te namaH | saptAbdhimekhalAyaiva satyasatyasvarUpiNe || 120|| saptalokAntarasthAya saptasvaramayAya cha | saptArchIrUpadaMShTrAya saptAshvaratharUpiNe || 121|| saptavAyusvarUpAya saptachChandomayAya cha | svachChAya svachCharUpAya svachChandAya cha te namaH || 122|| shrIvatsAya suvedhAya shrutaye shrutimUrtaye | shuchishravAya shUrAya suprabhAya sudhanvine || 123|| shubhrAya suranAthAya suprabhAya shubhAya cha | sudarshanAya sUkShmAya niruktAya namo namaH || 124|| suprabhAya svabhAvAya bhavAya vibhavAya cha | sushAkhAya vishAkhAya sumukhAya mukhAya cha || 125|| sunakhAya sudaMShTrAya surathAya sudhAya cha | sA~NkhyAya suramukhyAya prakhyAtAya prabhAya cha || 126|| namaH khaTvA~NgahastAya kheTamudgarapANaye | khagendrAya mR^igendrAya nAgendrAya dR^iDhAya cha || 127|| nAgakeyUrahArAya nAgendrAyAghamardine | nadIvAsAya nagnAya nAnArUpadharAya cha || 128|| nAgeshvarAya nAgAya namitAya narAya cha | nAgAntakarathAyaiva naranArAyaNAya cha || 129|| namo matsyasvarUpAya kachChapAya namo namaH | namo yaj~navarAhAya narasiMhAya namo namaH || 130|| vikramAkrAntalokAya vAmanAya mahaujase | namo bhArgavarAmAya rAvaNAntakarAya cha || 131|| namaste balarAmAya kaMsapradhvaMsakAriNe | buddhAya buddharUpAya tIkShNarUpAya kalkine || 132|| AtreyAyAgninetrAya kapilAya dvijAya cha | kShetrAya pashupAlAya pashuvaktrAya te namaH || 133|| gR^ihasthAya vanasthAya yataye brahmachAriNe | svargApavargadAtre cha tadbhoktre cha mumukShave || 134|| shAlagrAmanivAsAya kShIrAbdhishayanAya cha | shrIshailAdrinivAsAya shilAvAsAya te namaH || 135|| yogihR^itpadmavAsAya mahAhAsAya te namaH | guhAvAsAya guhyAya guptAya gurave namaH || 136|| namo mUlAdhivAsAya nIlavastradharAya cha | pItavastrAya shastrAya raktavastradharAya cha || 137|| raktamAlAvibhUShAya raktagandhAnulepine | dhurandharAya dhUrtAya durdharAya dharAya cha || 138|| durmadAya durantAya durdharAya namo namaH | durnirIkShyAya niShThAya durdarshAya drumAya cha || 139|| durbhedAya durAshAya durlabhAya namo namaH | dR^iptAya dR^iptavaktrAya adR^iptanayanAya cha || 140|| unmattAya pramattAya namo daityAraye namaH | rasaj~nAya raseshAya araktarasanAya cha || 141|| pathyAya paritoShAya rathyAya rasikAya cha | UrdhvakeshordhvarUpAya namaste chordhvaretase || 142|| UrdhvasiMhAya siMhAya namaste chordhvabAhave | parapradhvaMsakAyaiva sha~NkhachakradharAya cha || 143|| gadApadmadharAyaiva pa~nchabANadharAya cha | kAmeshvarAya kAmAya kAmapAlAya kAmine || 144|| namaH kAmavihArAya kAmarUpadharAya cha | somasUryAgninetrAya somapAya namo namaH || 145|| namaH somAya vAmAya vAmadevAya te namaH | sAmasvanAya saumyAya bhaktigamyAya vai namaH || 146|| kUShmANDagaNanAthAya sarvashreyaskarAya cha | bhIShmAya bhIShadAyaiva bhImavikramaNAya cha || 147|| mR^igagrIvAya jIvAya jitAyAjitakAriNe | jaTine jAmadagnAya namaste jAtavedase || 148|| japAkusumavarNAya japyAya japitAya cha | jarAyujAyANDajAya svedajAyodbhijAya cha || 149|| janArdanAya rAmAya jAhnavIjanakAya cha | jarAjanmAdidUrAya pradyumnAya pramodine || 150|| jihvAraudrAya rudrAya vIrabhadrAya te namaH | chidrUpAya samudrAya kadrudrAya prachetase || 151|| indriyAyendriyaj~nAya namo.astvindrAnujAya cha | atIndriyAya sArAya indirApataye namaH || 152|| IshAnAya cha IDyAya IshitAya inAya cha | vyomAtmane cha vyomne cha namaste vyomakeshine || 153|| vyomAdhArAya cha vyomavaktrAyAsuraghAtine | namaste vyomadaMShTrAya vyomavAsAya te namaH || 154|| sukumArAya rAmAya shishuchArAya te namaH | vishvAya vishvarUpAya namo vishvAtmakAya cha || 155|| j~nAnAtmakAya j~nAnAya vishveshAya parAtmane | ekAtmane namastubhyaM namaste dvAdashAtmane || 156|| chaturviMshatirUpAya pa~nchaviMshatimUrtaye | ShaDviMshakAtmane nityaM saptaviMshatikAtmane || 157|| dharmArthakAmamokShAya viraktAya namo namaH | bhAvashuddhAya siddhAya sAdhyAya sharabhAya cha || 158|| prabodhAya subodhAya namo budhipriyAya cha | snigdhAya cha vidagdhAya mugdhAya munaye namaH || 159|| priyaMvadAya shravyAya sruksruvAya shritAya cha | gR^iheshAya maheshAya brahmeshAya namo namaH || 160|| shrIdharAya sutIrthAya hayagrIvAya te namaH | ugrAya ugravegAya ugrakarmaratAya cha || 161|| ugranetrAya vyagrAya samagraguNashAline | bAlagrahavinAshAya pishAchagrahaghAtine || 162|| duShTagrahanihantre cha nigrahAnugrahAya cha | vR^iShadhvajAya vR^iShNyAya vR^iShAya vR^iShabhAya cha || 163|| ugrashravAya shAntAya namaH shrutidharAya cha | namaste devadevesha namaste madhusUdana || 164|| namaste puNDarIkAkSha namaste duritakShaya | namaste karuNAsindho namaste samiti~njaya || 165|| namaste narasiMhAya namaste garuDadhvaja | yaj~nanetra namaste.astu kAladhvaja jayadhvaja || 166|| agninetra namaste.astu namaste hyamarapriya | mahAnetra namaste.astu namaste bhaktavatsala || 167|| dharmanetra namaste.astu namaste karuNAkara | puNyanetra namaste.astu namaste.abhIShTadAyaka || 168|| namo namaste dayAsiMharUpa namo namaste narasiMharUpa | namo namaste raNasiMharUpa namo namaste narasiMharUpa || 169|| \medskip\hrule\medskip uddhR^itya garvitaM daityaM nihatyAjau suradviSham | devakAryaM mahatkR^itvA garjase svAtmatejasA || 170|| atirudramidaM rUpaM dussahaM duratikramam | dR^iShTvA tu sha~NkitAH sarvAdevatAstvAmupAgatAH || 171|| etAnpashya maheshAnaM vrahmANaM mAM shachIpatim | dikpAlAn dvAdashAdityAn rudrAnuragarAkShasAn || 172|| sarvAn R^iShigaNAnsaptamAtR^igaurIM sarasvatIm | lakShmIM nadIshcha tIrthAni ratiM bhUtagANAnyapi || 173|| prasIda tvaM mahAsiMha ugrabhAvamimaM tyaja | prakR^itistho bhava tvaM hi shAntibhAvaM cha dhAraya || 174|| ityuktvA daNDavadbhUmau papAta sa pitAmahaH | prasIda tvaM prasIda tvaM prasIdeti punaH punaH || 175|| mArkaNDeya uvAcha\- dR^iShTvA tu devatAH sarvAH shrutvA tAM brahmaNo giram | stotreNApi cha saMhR^iShTaH saumyabhAvamadhArayat || 176|| abravInnArasiMhastu vIkShya sarvAnsurottamAn | saMtrastAn bhayasaMvignAn sharaNaM samupAgatAn || 177|| shrInR^isiMha uvAcha\- bho bho devavarAH sarve pitAmahapurogamAH | shR^iNudhvaM mama vAkyaM cha bhavaMtu vigatajvarAH || 178|| yaddhitaM bhavatAM nUnaM tatkariShyAmi sAMpratam | evaM nAmasahasraM me trisandhyaM yaH paThet shuchiH || 179|| shR^iNoti vA shrAvayati pUjAM te bhaktisaMyutaH | sarvAnkAmAnavApnoti jIvechcha sharadAM shatam || 180|| yo nAmabhirnR^isiMhAdyairarchayetkramasho mama | sarvatIrtheShu yatpuNyaM sarvatIrtheShu yatphalam || 181||| sarva pUjAsu yatproktaM tatsarvaM labhate bhR^isham | jAtismaratvaM labhate brahmaj~nAnaM sanAtanam || 182|| sarvapApavinirmuktaH tadviShNoH paramaM padam | mannAmakavachaM badhvA vicharedvigatajvaraH || 183|| bhUtabhetAlakUShmANDa pishAchavrahmarAkShasAH | shAkinIDAkinIjyeShThA nIlI bAlagrahAdikAH || 184|| duShTagrahAshcha nashyanti yakSharAkShasapannagAH | ye cha sandhyAgrahAH sarve chANDAlagrahasaMj~nikAH || 185|| nishAcharagrahAH sarve praNashyanti cha dUrataH | kukShirogaM cha hR^idrogaM shUlApasmArameva cha || 186|| aikAhikaM dvyAhikaM chAturdhikamadhajvaram | Adhaye vyAdhayaH sarve rogA rogAdhidevatAH || 187|| shIghraM nashyanti te sarve nR^isiMhasmaraNAtsurAH | rAjAno dAsatAM yAnti shatravo yAnti mitratAm || 188|| jalAni sthalatAM yAnti vahnayo yAnti shItatAm | viShANyapyamR^itA yAnti nR^isiMhasmaraNAtsurAH || 189|| rAjyakAmo labhedrAjyaM dhanakAmo labheddhanam | vidyAkAmo labhedvidyAM baddho muchyeta bandhanAt || 190|| vyAlavyAghrabhayaM nAsti chorasarpAdikaM tathA | anukUlA bhavedbhAryA lokaishcha pratipUjyate || 191|| suputraM dhanadhAnyaM cha bhavanti vigatajvarAH | etatsarvaM samApnoti nR^isiMhasya prasAdataH || 192|| jalasantaraNe chaiva parvatAraNyameva cha | vane.api vichiranmartyo durgame viShame pathi || 193|| kalipraveshane chApi nArasiMhaM na vismaret | brahmaghnashcha pashughnashcha bhrUNahA gurutalpagaH || 194|| muchyate sarvapApebhyaH kR^itaghna strIvighAtakaH | vedAnAM dUShakashchApi mAtApitR^i vinindakaH || 195|| asatyastu tethA yaj~na nindako lokanindakaH | smR^itvA sakR^innR^isiMha tu muchyate sarvakilbaShaiH || 196|| bahunAtra kimuktena smR^itvA mAM shuddhamAnasaH | yatra yatra charenmartyo nR^isiMhastatra rakShati || 197|| gachChan tiShThan shvapanbhu~njan jAgrannapi hasannapi | nR^isiMheti nR^isiMheti nR^isiMheti sadA smaran || 198|| pumAnnalipyate pApairbhuktiM muktiM cha vindati | nArI subhagatAmeti saubhAgyaM cha svarUpatAm || 199|| bhartuH priyatvaM labhate na vaidhavyaM cha vindati | na sapatnIM cha janmAnte samyak j~nAnI bhavedvijaH || 200|| bhUmipradakShiNAnmartyo yatphalaM labhate chirAt | tatphalaM labhate nArasiMhamUrtipradakShiNAt || 201|| mArkaNDeya uvAcha \- ityuktvA devadevesho lakShmImAli~Nggya lIlayA | prahlAdasyAbhiShekaM tu brahmaNe chopadiShTavAn || 202|| shrIshailasya pradAse tu lokAnAM cha hitAya vai | svarUpaM sthApayAmAsa prakR^itistho.abhavattadA || 203|| brahmApi daityarAjAnaM prahlAdamabhyaShechayat | daivataiH saha suprIto hyAtmalolaM yayau svayam || 204|| hiraNyakashiporbhItyA prapalAya shachIpatiH | svargarAjyaparibhraShTo yugAnAmekaviMshatiH || 205|| nR^isiMhena hate daitye svargalokamavApa saH | dikpAlashcha susaMprAptaH svasvasthAnamanuttamam || 206|| dharme matiH samastAnAM prajAnAmabhavattadA | evaM nAmasahasraM me brahmaNA nirmitaM purA || 207|| putrAnadhyApayAmAsa sanakAdInmahAmatiH | Uchuste cha tataH sarvalokAnAM hitakAmyayA || 208|| devatA R^iShayaH siddhA yakShavidyAdharoragAH | gandharvAshcha manuShyAshcha ihAmutraphalaiShiNaH || 209|| yasya stotrasya pAThAddhi vishuddhamanaso.abhavan | sanatkumAraH samprAptau bhAradvAjA mahAmatiH || 210|| tasmAdA~NgirasaH prAptastasmAtprApto mahAkratuH | jagrAha bhArgavastasmAt agnimitrAya so.abravIt || 211| jaigIShavyAya saprAha so.abravIchChyavanAya cha | tasmAduvAcha shANDilyo gargAya prAha vai muniH || 212|| kratu~njayAya sa prAha jatukarNyAya saMyamI | viShNuvR^iddhAya so.apyAha so.api bodhAyanAya cha || 213|| kramAtsa viShNave prAha sa prAhoddhAmakukShaye | siMha tejAshcha tasmAchcha shrIpriyAya dadau cha naH || 214|| upadiShTo.asmi tenAhamidaM nAmasahasrakam | tatprasAdAdamR^ityurme yasmAtkasmAdbhayaM na hi || 215|| mayA cha kathitaM nArasiMhastotramidaM tava | tvaM hi nityaM shuchirbhUtvA tamArAdhaya shAshvatam || 216|| sarvabhUtAshrayaM devaM nR^isiMhaM bhaktavatsalam | pUjayitvA stavaM japtvA hutvA nishchalamAnasaH || 217|| prApyase mahatIM siddhiM sarvAnkAmAnvarottamAn | ayameva parodharmastvidameva paraM tapaH || 218|| idameva paraM j~nAnamidameva mahadvratam | ayameva sadAchArastvayameva sadA makhaH || 219|| idameva trayo vedAH sachChAstrANyAgamAni cha | nR^isiMhamantrAdanyachcha vaidikaM tu na vidyate || 220|| yadihAsti tadanyatra yannehAsti na tatkvachit | kathitaM te nR^isiMhasya charitaM pApanAshanam || 221|| sarvamantramayaM tApatrayopashamanaM param | sarvArthasAdhanaM divyaM kiM bhUyaH shrotumichChasi || 222|| iti shrInR^isiMhapurANe nR^isiMhaprAdurbhAve sarvArtha sAdhanaM divyaM shrImaddivyalakShmInR^isiMhasahasranAmastotraM sampUrNam || ## Corrected and proofread by Sunder Hattangadi \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}