श्रीनीलाद्रिनाथविष्णुस्तुतिः
रक्ताम्भोरुहदर्पभञ्जनमहासौन्दर्यनेत्रद्वयं
मुक्ताहारविलम्बिहेममकुटं रत्नोज्ज्वलत्कुण्डलम् ।
वर्षाम्भोदसमाननीलवपुषं अवेयहारान्वितं
शश्वञ्चक्रधरं प्रसन्नवदनं नीलाद्रिनाथं भजे ॥ १॥
नीलाद्रौ शङ्खखमध्ये शतदलकमले रत्नसिंहासनस्थं
सर्वालङ्कारयुक्तं नवधनरुचिरं संयुतं जाग्रतेन चाग्रजेन ।
भद्रा यद्वामभागे रथचरणयुतं ब्रह्मरुद्रेन्द्रवन्धं
वेदानां सारमीशं स्वजनपरिवृत्तं ब्रह्मदारं स्मरामि ॥ २॥
उद्यन्नीरदनीलसुन्दरतर्नु पूर्णेन्दुबिम्बाननं
राजीवोत्पलपत्रनेत्रयुगलं कारुण्यवारान्निधिम् ।
भक्तानां सकलार्तिनाशनकरं चिन्तार्तचिन्तामणि
वन्दे श्रीपुरुषोत्तम प्रतिनिधिं नीलाद्रिचूडामणिम् ॥ ३॥
फुलेन्दीवरलोचनं नवधनश्यामाभिरामाकृति
विश्वेशं कमलाविलोलविलसत्पादारविन्दद्वयम् ।
दैत्यारिं कमलेन्दुमण्डितमुखं शचक्राब्जहस्तद्वयं
वन्दे श्रीपुरुषोत्तम प्रतिनिधिं लक्ष्मीविलासालयम् ॥ ४॥
स्वपन रङ्गे जायद्यदुसरसि तिष्ठन् वृषगिरौ
प्रयागे सम्मज्जन्नथ बदरभूमीषु च जपन् ।
जगन्नाथे भुञ्जन् शतपदमयोध्यामधिवसन्
सदा द्वारावत्यां विहरति सलीलं यदुपतिः ॥ ५॥
कुन्दाभं द्विभुज त्रिभङ्गिललितं शान्तं जटाकुश्चित
स्तब्धोत्रमनिन्दितांसयुगलं पीताम्पर सुन्दरम् ।
ताश्वे च कटीतटे कुतकरद्वन्द्वं त्रिनेत्रस्थितं
सिंहाद्रौ शीघ्रपातक्षितिपिहितपदः पातु मां नारसिंहः ॥ ६॥
इति श्रीनीलाद्रिनाथ विष्णुस्तुतिः सम्पूर्णा ।
Proofread by Rajesh Thyagarajan