%@@1
% File name             : nArAyaNIyam.itx
%--------------------------------------------
% Text title            : naaraayaniiyam
% Author                : Narayanabhatta
% Language              : Sanskrit
% Subject               : kavya
% Description/comments  : Source : Shri P.N. Menon and published by the Educational Supplies Depot, Palghat (1988).%
% Transliterated by     : Original availability from http://www.cuni.cz/ffiu/pandanus/search.html
%                         Converted to REE format at
%               http://www.sub.uni-goettingen.de/ebene_1/fiindolo/gretil.htm
% Partial translation is in http://www.advaita-vedanta.org/series/naaraayaNiiyam/naaraayaNiiyam_top.htm
% Proofread by          : M.K. Krishnaswamy surfings@attbi.com and M.G.Vasudevan mgv@lntecc.com
% Latest update         : April 21, 2003
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskrit.gde.to/
% http://www.alkhemy.com/sanskrit/
% http://sanskrit.bhaarat.com/ See the document project.
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
% Please ignore the following commands upto #indian and others with
% \ mark,
% which are needed for devanaagarii output and formatting.
%--------------------------------------------------------
%--------------------------------------------------------

\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=0pt                
\let\usedvng=\normaldvng      
\pagenumbering{itrans} 
\def\twocol{\begin{multicols}{2}}
\def\engtitle#1{\hrule\medskip\centerline{\large #1}}
\def\itxtitle#1{\medskip\centerline{\hugedvng #1}\medskip\hrule}
\def\endtitles{\medskip\twocol\obeyspaceslines}
\newfont{\csroman}{putr8i at 9pt}
\newfont{\csromani}{putri8i at 9pt}

#romanifm=romancsx.ifm
#romanfont=\csroman

%%
\begin{document}
\engtitle{.. Narayaniyam ..}##
\itxtitle{.. nArAyaNiiyam ..}##\endtitles ##
##        1 The Glory Of The Lord ##
sAndrAnandAvabodhAtmakamanupamitaM kAladeshAvadhibhyAM
nirmuktaM nityamuktaM nigamashatasahasreNa nirbhAsyamAnam |
aspaShTaM dR^iShTamAtre punarurupuruShArthAtmakaM brahma tatvam
tattAvadbhAti sAkShAdgurupavanapure hanta bhAgyaM janAnAm || 1\-1||
evaM durlabhyavastunyapi sulabhatayA hastalabdhe yadanyat
tanvA vAchA dhiyA vA bhajati bata janaH kShudrataiva sphuTeyam |
ete tAvadvayaM tu sthirataramanasA vishvapIDApahatyai
nishsheShAtmAnamenaM gurupavanapurAdhIshamevAshrayAmaH || 1\-2||
sattvaM yattatpurAbhyAmaparikalanato nirmalaM tena tAvad\-
bhUtairbhUtenidrayaiste vapuriti bahushaH shrUyate vyAsavAkyam |
tatsvachChatvAdyadachChAditaparasukhachidgarbhanirbhAsarUpaM
tasmin dhanyA ramante shrutimatimadhure sugrahe vigrahe te || 1\-3||
niShkampe nityapUrNe niravadhi paramAnandapIyUSharUpe
nirlInAnekamuktAvalisubhagatame nirmalabrahmasindhau |
kallolollAsatulyaM khalu vimalataraM sattvamAhustadAtmA
kasmAnno niShkalastvaM sakala iti vachastvatkalAsveva bhUman 1\-4
nirvyApAro.api niShkAraNamaja bhajase yatkriyAmIkShaNAkhyAM
tenaivodeti lInA prakR^itirasatikalpA.api kalpAdikAle |
tasyAH saMshuddhamaMshaM kamapi tamatirodhAyakaM sattvarUpaM
sa tvaM dhR^itvA dadhAsi svamahimavibhavAkuNTha vaikuNTa rUpam || 1\-5
tatte pratyagradhArAdharalalitakaLAyAvalIkelikAraM
lAvaNyasyaikasAraM sukR^itijanadR^ishAM pUrNapuNyAvatAram |
lakShmInishsha~NkalIlAnilayanamamR^itasyandasandohamantaH
si~nchatsa~nchintakAnAM vapuranukalaye mArutAgAranAtha || 1\-6||
kaShTA te sR^iShTicheShTA bahutarabhavakhedAvahA jIvabhAjA
mityevaM pUrvamAlochitamajita mayA naivamadyAbhijAne |
no chejjIvAH kathaM vA madhurataramidaM tvadvapushchidrasArdraM
netraiH shrotraishcha pItvA paramarasasudhAMbhodhipUre rameran || 1\-7
namrANAM sannidhatte satatamapi purastairanabhyArthitAnapyarthAna\-
pyarthAn kAmAnajasraM vitarati paramAnandasAndrAM gatiM cha |
itthaM nishsheShalabhyo niravadhikaphalaH pArijAto hare tvaM
kShudraM taM shakravATIdrumamabhilaShati vyarthamarthivrajo.ayam || 1\-8
kAruNyAtkAmamanyaM dadati khalu pare svAtmadastvaM visheShA\-
daishvaryAdIshate.anye jagati parajane svAtmano.apIshvarastvam |
tvayyuchchairAramanti pratipadamadhure chetanAH sphItabhAgyAs\-
tvaM chA.a.atmArAm evetyatulaguNagaNAdhAra shaure namaste || 1\-9||
aishvaryaM sha~NkarAdIshvaraviniyamanaM vishvatejoharANAM
tejassaMhAri vIryaM vimalamapi yasho nispR^ihaishchopagItam |
a~NgAsa~NgA sadA shrIrakhilavidasi na kvApi te sa~NgavArtA
tadvAtAgAravAsin murahara bhagavacChabdamukhyAshrayo.asi 1\-10
\medskip\hrule\medskip
##        2 The Form Of The Lord ##
sUryaspardhikirITamUrdhvatilakaprodbhAsiphAlAntaraM
kAruNyAkulanetramArdrahasitollAsaM sunAsApuTam |
gaNDodyanmakarAbhakuNDalayugaM kaNThojvalatkaustubhaM
tvadrUpaM vanamAlyahArapaTalashrIvatsadIpraM bhaje || 2\-1||
keyUrA~Ngadaka~NkaNottamamahAratnA~NgulIyA~Nkita\-
shrImadbAhuchatuShkasa~NgatagadAsha~NkhAripa~NkeruhAm |
kA~nchitkA~nchinakA~nchilA~nchChitalasatpItAmbarAlambinI\-
mAlambe vimalAmbujadyutipadAM mUrtiM tavArtichChidam || 2\-2||
yattrailokyamahIyaso.api mahitaM sammohanaM mohanAt
kAntaM kAntinidhAnato.api madhuraM mAdhuryadhuryAdapi |
saundaryottarato.api sundarataraM tvadrUpamAshcaryato.a\-
pyAshcaryaM bhuvane na kasya kutukaM puShNAti viShNo vibho || 2\-3||
tattAdR^i~NmadhurAtmakaM tava vapuH samprApya saMpanmayI
sA devI paramotsukA chirataraM nA.aste svabhakteShvapi |
tenAsyA bata kaShTamachyuta vibho tvadrUpamAnoGYaka\-
premasthairyamayAdachApalabalAchchApalyavArtodabhUt || 2\-4||
lakShmIstAvakarAmaNIyakahR^itaiveyaM pareShvasthire\-
tyasminnanyadapi pramANamadhunA vakShyAmi lakShmIpate |
ye tvaddhyAnaguNAnukIrtanarasAsaktA hi bhaktA janA\-
steShveShA vasati sthiraiva dayitaprastAvadattAdarA || 2\-5||
evaMbhUtamanoj~natAnavasudhAniShyandasandohanaM
tvadrUpaM parachidrasAyanamayaM chetoharaM shrR^iNvatAm |
sadyaH prerayate matiM madayate romA~nchayatya~NgakaM
vyAsi~nchatyapi shItabAShpavisarairAnandamUrchChodbhavaiH || 2\-6||
evambhUtatayA hi bhaktyabhihito yogaH sa yogadvayat
karmaj~nAnamayAd{}bhR^ishottamataro yogIshvarairgIyate |
saundaryaikarasAtmake tvayi khalu premaprakarShAtmikA
bhaktirnishramameva vishvapuruShairlabhyA ramAvallabha || 7||
niShkAmaM niyatasvadharmacharaNaM yatkarmayogAbhidhaM
taddUretyaphalaM yadaupaniShadaj~nAnopalabhyaM punaH |
tattvavyaktatayA sudurgamataraM chittasya tasmAdvibho
tvatpremAtmakabhaktireva satataM svadIyasI shreyasI || 2\-8||
atyAyAsakarANi karmapaTalAnyAcharya niryanmalAH
bodhe bhaktipathe.athavApyucitatAmAyAnti kiM tAvatA |
kliShTvA tarkapathe paraM tava vapurbrahmAkhyamanye puna\-
shcittArdratvamR^ite vichintya bahubhiH sidhyanti janmAntaraiH || 2\-9
tvadbhaktistu kathArasAmR^itaj~narInirmajjanena svayaM
siddhyantI vimalapraShodhapadavImakleshatastanvatI |
sadyaH siddhikarI jayatyayi vibho saivAstu me tvatpada\-
premaprauDhirasArdratA drutataraM vAtAlayAdhIshvara || 2\-10||
\medskip\hrule\medskip
##        3 The Qualities Of The Perfect Devotee ##
paThanto nAmAni pramadabharasindhau nipatitAH
smaranto rUpaM te varada kathayanto guNakathAH |
charanto ye bhaktAstvayi khalu ramante paramamU\-
nahaM dhanyAnmanye samadhigatasarvAbhilaShitAn || 3\-1||
gadakliShTaM kaShTaM tava charaNasevArasabhare.a\-
pyanAsaktaM chittaM bhavati bata viShNo kuru dayAm |
bhavatpAdAmbhojasmaraNarasiko nAmanivahA\-
nahaM gAyaMgAyaM kuhachana vivatsyAmi vijane || 3\-2||
kR^ipA te jAtA chetkimiva na hi labhyaM tanubhR^itAM
madIyakleshaughaprashamanadashA nAma kiyatI |
na ke ke loke.asminnanishamayi shokAbhirahitA
bhavadbhaktA muktAH sukhagatimasaktA vidadhate || 3\-3||
muniprauDhA rUDhA jagati khalu gUDhAtmagatayo
bhavatpAdAmbhojasmaraNavirujo nAradamukhAH |
charantIsha svairaM satataparinirbhAtaparachit\-
sadAnandAdvaitaprasaraparimagnAH kimaparam || 3\-4||
bhavadbhaktiH sphItA bhavatu mama saiva prashamaye\-
dasheShakleshaughaM na khalu hR^idi sandehakaNikA |
na ched{}vyAsasyoktistava cha vachanaM naigamavacho
bhavenmithyA rathyApuruShavachanaprAyamakhilam || 3\-5||
bhavadbhaktistAvatpramukhamadhurA tvAdguNarasAt
kimapyArUDhA chedakhilaparitApaprashamanI |
punashchAnte svAnte vimalapari bodhodayamiLan
mahAnandAdvaitaM dishati kimataH prArthyamaparam || 3\-6||
vidhUya kleshAnme kuru charaNayugmaM dhR^itarasaM
bhavatkShetraprAptau karamapi cha te pUjanavidhau |
bhavanmUrtyAloke nayanamatha te pAdatulasI\-
parighrANe ghrANaM shravaNamapi te chArucharite || 3\-7||
prabhUtAdhivyAdhiprasabhacalite mAmakahR^idi
tvadIyaM tadrUpaM paramasukhachidrUpamudiyAt |
uda~nchadromA~ncho galitabahuharShAshrunivaho
yathA vismaryAsaM durupashamapIDAparibhavAn || 3\-8||
marudgehAdhIsha tvayi khalu parA~ncho.api sukhino
bhavatsnehI so.ahaM subahu paritapye cha kimidam |
akIrtiste mA bhUdvarada gadabhAraM prashamayan
bhavatbhaktottaMsaM jhaTiti kuru mAM kaMsadamana || 3\-9||
kimuktairbhUyobhistava hi karuNA yAvadudiyA
dahaM tAvaddeva prahitavividhArtapralapitaH |
puraH klR^ipte pAde varada tava neShyAmi divasAn
yathAshakti vyaktaM natinutiniShevA virachayan || 3\-10||
\medskip\hrule\medskip
##        4 Yoga And Its Attainment ##
kalyatAm mama kuruShva tAvatIM kalyate bhavadupAsanaM yayA|
spaShTamaShTavidhayogacaryayA puShTayA.a.ashu tava tuShTimApnuyAm || 4\-1
brahmacaryadruDhatAdibhiryamairAplavAdiniyamaishca pAvitAH|
kurmahe druDhamamI sukhAsanaM pa~NkajAdyamapi vA bhavatparAH || 4\-2
tAramantaranucintya santataM prANavAyumabhiyamya nirmalAH|
indriyANi viShayAdathApahR^ityA.a.asmahe bhavadupAsanonmukhAH || 4\-3
asphuTe vapuShi te prayatnato dhArayema dhiShaNAM muhurmuhuH|
tenabhaktirasamantarArdratAmudvahema bhavada~N{}ghricintakAH || 4\-4
vispuTAvayavabhedasundaraM tvadvapussucirashIlanAvashAt|
ashramaM manasi cintayAmahe dhyAnayoganiratAstvadAshrayAH || 4\-5||
dhyAyatAM sakaLamUrtimIdrushImunmiShanmadhuratAhR^itAtmanAm|
sAndramodarasarUpamAntaraM brahmarUpamayi te.avabhAsate || 4\-6||
tatsamAsvadanarUpiNIM sthitiM tvatsamaadhimayi vishvanAyaka|
AshritAH punarataH paricyutAvArabhemahi ca dhAraNAdhikam || 4\-7||
itthamabhyasananirbharollasatvatparAtmasukhakalpitotsavAH|
muktabhaktakulamaulitAM gatAH sa~ncarema shukanAradAdivat || 4\-8||
tvatsamAdhivijaye tu yaH punarma~Nkshu moksharasikaH krameNa vA|
yogavashyamanilaM ShaDAshrayairunnayatyaja suShumnayA shanaiH || 4\-9
li~Ngadehamapi saMtyajannatho lIyate tvayi pare nirAgrahaH|
UrdhvalokakutukI tu mUrdhatassArdhameva karaNairnirIyate || 4\-10||
agnivAsaravaLarkshapakshagairuttarAyaNajuShA ca daivataiH|
prApito ravipadaM bhavatparo modavAn dhruvapadAntamIyate || 4\-11||
Asthito.atha maharAlaye yadA sheShavaktradahanoShmaNA.a.ardyate|
Iyate bhavadupAshrayastadA vedhasaH padamataH puraiva vA || 4\-12||
tatra vA tava pade.athavA vasan prAkR^itapraLaya eti muktatAM |
svecChayA khalu purA.api mucyate saMvibhidya jagadaNDamojasA || 4\-13
tasya ca kshitipayomahoniladyomahatprakR^itisaptakAvR^itIH |
tattadAtmakatayA vishan sukhI yAti te padamanAvR^itam vibho || 4\-14
arcirAdigatimIdrushIM vrajan vicyutiM na bhajate jagatpate |
saccidAtmaka bhavadguNodayAnuccarantamanilesha pAhi mAm || 4\-15||

\medskip\hrule\medskip
##        5 Cosmic Evoluion ##
vyaktAvyaktamidaM na ki~ncidabhavatprAkprAkR^itaprakshaye
mAyAyAm guNasAmyaruddhavikR^iutau tvayyAgatAyAM layam|
no mR^ityushca tadAmR^itaM ca samabhUnnAhno na rAtreH sthiti\-
statraikastvamashiShyathAH kila parAnandaprakAshAtmanA || 5\-1||
kAlaH karmaguNAshca jIvanivahA vishvaM ca kAryaM vibhoH
cillIlAratimeyuShi tvayi tadA nirlInatAmAyayuH|
teShAM naiva vadantyasatvamayi bho shaktyAtmanA tiShTatAM
no cet kiM gaganaprasUnasadR^iushAM bhUyo bhavetsaMbhavaH || 5\-2||
evaM ca dviparArdhakAlavigatAvIkshAM sisR^ikshAtmikAM
vibhrANe tvayi cukshubhe tribhuvanIbhAvAya mAyA svayam|
mAyAtaH khalu kAlashaktirakhilAdR^iShTaaM svabhAvo.api ca
prAdurbhUya guNAnvikAsya vidadhustasyAsyAssahAyakriyAm || 5\-3||
mAyAsannihito.apraviShTavapuShA sAkshIti gIto bhavAn
bhedaistAM pratibiMbato vivishivAn jIvo.api naivAparaH|
kAlAdipratibodhitA.atha bhavatA saMcoditA ca svayaM
mAyA sa khalu buddhitatvamasR^ijadyo.asau mahAnucyate || 5\-4||
tatrAsau triguNAtmako.api ca mahAn satvapradhAnaH svayaM
jIve.asmin khalu nirvikalpamahamityudbodhaniShpAdakaH|
cakre.asmin savikalpabodhakamahantatvaM mahAn khalvasau
sampuShTaM triguNaistamo.atibahulaM viShNo bhavatpreraNAt || 5\-5||
so.ahaM ca triguNakramAt trividhatAmAsAdya vaikAriko
bhUyastaijasatAmasAviti bhavannAdyena satvaatmanA|
devAnindriyamAnino.akR^ita dishAvAtArkapAshyashvino
vahnIndrAcyutamitrakAn vidhuvidhishrIrudrashArIrakAn || 5\-6||
bhUmanmAnasabhuddhyahaMkR^itimiLaccittAkhyavR^ityanvitaM
taccAntaHkaraNaM vibho tava balAt satvAMsha evAsR^ijat|
jAtastaijasato dashendriyagaNastattAmasAMshAtpuna\-
stanmAtraM nabhaso marutpurapate shabdo.ajani tvadbalAt || 5\-7||
shabdAd{}vyoma tataH sasarjitha vibho sparshaM tato mArutaM
tasmAdrUpamato maho.atha ca rasaM toyaM ca gandhaM mahIm|
evam mAdhava pUrvapUrvakalanAdAdyAdyadharmAnvitaM
bhUtagrAmamimaM tvameva bhagavan prAkAshayastAmasAt || 5\-8||
ete bhUtagaNAstathendriyagaNA devAshca jAtA pR^itha~N\-
no shekurbhuvanANDanirmitividhau devairamIbhistadA|
tvaM nAnAvidhasUktibhirnutaguNastatvAnyamUnyAvishaM\-
shceShTAshaktimudIrya tAni ghaTayan hairaNyamaNDaM vyadhAH || 5\-9||
aNDaM tatkhalu pUrvasR^iShTasalile.atiShThat sahasraM samAH
nirbhindannakR^ithAshcaturdashajagadrUpaM virADAhvayam|
sAhasraiH karapAdamUrdhanivahairnishsheShajIvAtmako
nirbhAto.asi marutpurAdhipa sa mAM trAyasva sarvAmayAt || 5\-10||
\medskip\hrule\medskip
##        6 The Cosmos As The Form Of The Lord ##
evaM caturdashajaganmayatAM gatasya
pAtAlamIsha tava pAdatalaM vadanti|
pAdordhvadeshamapi deva rasAtalaM te
gulphadvayaM khalu mahAtalamadbhutaatman || 6\-1||
ja~Nghe talAtalamatho sutalaM ca jAnU
ki~ncorubhAgayugaLaM vitalAtale dve|
kshoNItalaM jaghanamambarama~Nga nAbhi\-
rvakshashca shakranilayastava cakrapANe || 6\-2||
grIvA mahastava mukhaM ca janastapastu
phAlaM shirastava samastamayasya satyam|
evaM jaganmayatano jagadAshcitaira\-
pyanyairnibaddhavapuShe bhagavannamaste || 6\-3||
tvad{}brahmarandhrapadamIshvara vishvakanda
ChandAMsi keshava ghanAstava keshapAshAH|
ullAsicilliyugaLaM dR^ihiNasya gehaM
pakshmANi rAtridivasau savitA ca netre || 6\-4||
nishsheShavishvaracanA ca kaTAkshamokshaH
karNau disho.ashviyugaLaM tava nAsike dve|
lobhatrape ca bhagavannadharottaroShThau
tArAgaNashca dashanAH shamanashca daMShTrA || 6\-5||
mAyA vilAsahasitaM shvasitaM samIro
jihvA jalaM vacanamIsha shakuntapa~NktiH|
siddhAdayassvaragaNA mukharandhramagni\-
rdevA bhujAH stanayugaM tava dharmadevaH || 6\-6||
pR^iShThaM tvadharma iha deva manassudhAMshu\-
rayaktameva hR^idayAMbujamambujAksha|
kukshissamudranivahA vasanaM tu sandhye
shephaH prajApatirasau vR^iShaNau ca mitraH || 6\-7||
shroNisthalaM mR^igagaNAH padayornakhAste
hastyuShTrasaindhavamukhA gamanaM tu kAlaH|
viprAdivarNabhavanaM vadanAb{}jabAhu\-
cArUruyugmacaraNaM karuNAMbudhe te || 6\-8||
saMsAracakramayi cakradhara kriyAste
vIryaM mahAsuragaNo.asthikulAni shailAH|
nADyassaritsamudayastaravashca roma
jIyAdidaM vapuranirvacanIyamIsha || 6\-9||
IdR^igjaganmayavapustava karmabhAjAM
karmAvasAnasamaye smaraNIyamAhuH|
tasyAntarAtmavapuShe vimalAtmane te
vAtAlayAdhipa namo.astu nirundhi rogAn || 6\-10||
\medskip\hrule\medskip
##        7 Brahma's Origin And Penance ##
evaM deva caturdashAtmakajagadrUpeNa jAtaH puna\-
stasyordhvaM khalu satyalokanilaye jAto.asi dhAtA svayam|
yaM shaMsanti hiraNyagarbhamakhilatrailokyajIvAtmakaM
yo.abhUt sphItarajovikAravikasannAnAsisR^ikshArasaH || 7\-1||
so.ayaM vishvisargadattahR^idayassampashyamAnassvayaM
bodhaM khalvanavAShya vishvaviShayaM cintAkulastasthivAn|
tAvat tvaM jagatAMpate tapatapetyevaM hi vaihAyasIM
vANImenamashishravaH shrutisukhAM kurvaMstapaHpreraNAm || 7\-2||
ko.asau mAmavadatpumAniti jalApUrNe jaganmaNDale
dikshUdvIkshya kimapyanIkshitavatA vAkyArthamutpashyatA|
divyaM varShasahasramAttapasA tena tvamArAdhita\-
stasmai darshitavAnasi svanilayaM vaikuNThamekAdbhutam || 7\-3||
mAyA yatra kadApi no vikurute bhAte jagadbhyo bahi\-
shshokakrodhavimohasAdhvasamukhA bhAvAstu dUraM gatAH|
sAndrAnandajharI ca yatra paramajyotiHprakAshAtmake
tat te dhAma vibhAvitaM vijayate vaikuNTharUpaM vibho || 7\-4||
yasminnAma caturbhujA harimaNishyAmAvadAtatviSho
nAnAbhUShaNaratnadIpitadisho rAjadvimAnAlayAH|
bhaktiprAptatathAvidhonnatapadA dIvyanti divyA janA\-
statte dhAma nirastasarvashamalaM vaikuNTharUpaM jayet || 7\-5||
nAnAdivyavadhUjanairabhivR^itA vidyullatAtulyayA
vishvonmAdanahR^idyagAtralatayA vidyotitAshAntarA|
tvatpAdAMbujasaurabhaikakutukAllakshmIH svayaM lakshyate
yasmin vismayanIyadivyavibhavaM tatte padaM dehi me || 7\-6||
tatraivaM pratidarshite nijapade ratnAsanAdhyAsitaM
bhAsvatkoTilasatkirITakaTakAdyAkalpadIpAkR^iti|
shrIvatsA~NkitamAttakaustubhamaNicChAyAruNaM kAraNaM
vishveShAM tava rUpamaikshata vidhistatte vibho bhAtu me || 7\-7||
kALAMbhodakaLAyakomaLarucIcakreNa cakraM dishA\-
mAvR^iNvAnamudAramandahasitasyandaprasannAnanam|
rAjatkambugadAripa~NkajadharashrImadbhujAmaNDalaM
sraShTustuShTikaraM vapustava vibho madrogamudvAsayet || 7\-8||
dR^iShTvA saMbhR^itasaMbhramaH kamalabhUstvatpAdapAthoruhe
harShAveshavashaMvado nipatitaH prItyA kR^itArthIbhavan|
jAnAsyeva manIShitaM mama vibho GYAnaM tadApAdaya
dvaitAdvaitabhavatsvarUpaparamityAcaShTa taM tvAM bhaje || 7\-9||
AtAmre caraNe vinamramatha taM hastena haste spR^ishan
bodhaste bhavitA na sargavidhibirbandho.api sa~njAyate|
ityAbhAShya giraM pratoShyanitarAM taccittagUDhaH svayaM
sR^iShTau taM samudairayassa bhagavannullAsayollAghatAm || 7\-10||
\medskip\hrule\medskip
##        8 Description Of Pralaya ##
evaM tAvatprAkR^itaprakShayAnte
brAhme kalpe hyAdime labdhajanmA |
brahmA bhUyastvatta evApya vedAn
sR^iShTiM chakre pUrvakalpopamAnAm || 8\-1||
so.ayaM chaturyugasahasramitAnyahAni
tAvanmitAshcha rajanIrbahusho ninAya |
nidrAtyasau tvayi nilIya samaM svasR^iShTair
naimittikapraLayamAhurato.asya rAtrim || 8\-2||
asmAdR^ishAM punaraharmukhakR^ityatulyAM
sR^iShTiM karotyanudinaM sa bhavatprasAdAt |
prAgbrahmakalpajanuShAM cha parAyuShAM tu
suptaprabodhanasamA.asti tadA.api sR^iShTiH || 8\-3||
pa~nchAshadabdamadhunA svavayo.ardharUpam
ekaM parArdhamativR^itya hi vartate.asau |
tatrAntyarAtrijanitAnkathayAmi bhUman
pashchAddinAvataraNe cha bhavadvilAsAn || 8\-4||
dinAvasAne.atha sarojayoniH
suShuptikAmastvayi sannililye |
jaganti cha tvajjaTharaM samIyu\-
stadedamekArNavamAsa vishvam || 8\-5||
tavaiva veShe phaNirAja sheShe
jalaikasheShe bhuvane sma sheShe |
AnandasAndrAnubhavasvarUpaH
svayoganidrAparimudritAtmA || 8\-6||
kAlAkhyashaktiM pralayAvasAne
prabodhayetyAdishatA kilAdau |
tvayA prasuptaM parisuptashakti\-
vrajena tatrAkhilajIvadhAmnA || 8\-7||
chaturyugANAM cha sahasramevaM
tvayi prasupte punaradvitIye |
kAlAkhyashaktiH prathamaprabuddhA
prAbodhayattvAM kila vishvanAtha || 8\-8||
vibudhya cha tvaM jalagarbhashAyin
vilokya lokAnakhilAnpralInAn |
teShveva sUkShmAtmatayA nijAntaH
sthiteShu vishveShu dadAtha dR^iShTim || 8\-9||
tatastvadIyAdayi nAbhirandhrA\-
duda~nchitaM ki~nchana divyapadmam|
nilInanishsheShapadArthamAlA
sa~NkSheparUpaM mukulAyamAnam || 8\-10||
tadetadaMbhoruhakuDmaLaM te
kaLebarAttoyapathe prarUDham |
bahirnirItaM paritaH sphuradbhiH
svadhAmabhirdhvAntamalaM nyakR^intat || 8\-11||
saMphullapatre nitarAM vichitre
tasminbhavadvIryadhR^ite saroje |
sa padmajanmA vidhirAvirAsIt
svayaMprabuddhAkhilavedarAshiH || 8\-12||
asminparAtman nanu padmakalpe
tvamitthamutthApitapadmayoniH |
anantabhUmA mama rogarAshiM
nirundhi vAtAlayavAsa viShNo || 8\-13||
\medskip\hrule\medskip
##        9 Description Of Creation ##
sthitaH sa kamalodbhavastava hi nAbhipa~Nkeruhe
kutaH svididamambudhAvuditamityanAlokaayan |
tadIkShaNakutUhalAtpratidishaM vivR^ittAnana\-
shchaturvadanatAmagAdvikasadaShTadR^iShTyambujAm || 9\-1||
mahArNavavighUrNitaM kamalameva tatkevalaM
vilokya tadupAshrayaM tava tanuM tu nAlokayan |
ka eSha kamalodare mahati nissahAyo hyahaM
kutaH svididamambujaM samajanIti chintAmagAt || 9\-2||
amuShya hi saroruhaH kimapi kAraNaM sambhave\-
ditisma kR^itanishchayaH sa khalu nALarandhrAdhvanA |
svayogabalavidyayA samavarUDhavAnprauDhadhIH
tvadIyamatimohanaM na tu kaLebaraM dR^iShTavAn || 9\-3||
tatassakalanALikAvivaramArgago mArgayan
prayasya shatavatsaraM kimapi naiva saMdR^iShTavAn |
nivR^itya kamalodare sukhaniShaNNa ekAgradhIH
samAdhibalamAdadhe bhavadanugrahaikAgrahI || 9\-4||
shatena parivatsarairdR^iDhasamAdhibandhollasat\-
prabodhavishadIkR^itaH sa khalu padminIsambhavaH |
adR^iShTacharamadbhutaM tava hi rUpamantardR^ishA
vyachaShTa parituShTadhIrbhujagabhogabhAgAshrayam || 9\-5||
kirITamukuTollasatkaTakahArakeyUrayu~n
maNisphuritamekhalaM suparivItapItAMbaram |
kalAyakusumaprabhaM galatalollasatkaustubhaM
vapustadayi bhAvaye kamalajanmane darshitam || 9\-6||
shrutiprakaradarshitaprachuravaibhava shrIpate
hare jaya jaya prabho padamupaiShi diShTyA dR^ishoH |
kuruShva dhiyamAshu me bhuvananirmitau karmaThA
miti druhiNavarNitasvaguNabaMhimA pAhi mAm || 9\-7||
labhasva bhuvanatrayIrachanadakShatAmakShatAM
gR^ihANa madanugrahaM kuru tapashcha bhUyo vidhe |
bhavatvakhilasAdhanI mayi cha bhaktiratyutkaTe\-
tyudIrya giramAdadhA muditachetasaM vedhasam || 9\-8||
shataM kR^itatapAstataH sa khalu divyasaMvatsarA\-
navApya cha tapobalaM matibalaM cha pUrvAdhikam |
udIkShya kila kampitaM payasi pa~NkajaM vAyunA
bhavadbalavijR^imbhitaH pavanapAthasI pItavAn || 9\-9||
tavaiva kR^ipayA punaH sarasijena tenaiva saH
prakalpya bhuvanatrayIM pravavR^ite prajAnirmitau |
tathAvidhakR^ipAbharo gurumarutpurAdhIshvara
tvamAshu paripAhi mAM gurudayokShitairIkShitaiH || 9\-10||
\medskip\hrule\medskip
##        10 The Variety Of Creation ##
vaikuNTha vardhitabalo.atha bhavatprasAdA\-
dambhojayonirasR^ijatkila jIvadehAn |
sthAs{}nUni bhUruhamayAni tathA tirashchAM
jAtiM manuShyanivahAnapi devabhedAn || 10\-1||
mithyAgrahAsmimatirAgavikopabhIti\-
raj~nAnavR^ittimiti pa~nchavidhAM sa sR^iShTvA |
uddAmatAmasapadArthavidhAnadUna
stene tvadIyacharaNasmaraNaM vishuddhyai || 10\-2||
tAvatsasarja manasA sanakaM sanandaM
bhUyaM sanAtanamuniM cha sanatkumAram |
te sR^iShTikarmaNi tu tena niyujyamAnA
stvatpAdabhaktirasikA jagR^ihurna vANIm || 10\-3||
tAvatprakopamuditaM pratirundhato.asya
bhrUmadhyato.ajani mR^iDo bhavadekadeshaH |
nAmAni me kuru padAni cha hA viri~nche
tyAdau ruroda kila tena sa rudranAmA || 10\-4||
ekAdashAhvayatayA cha vibhinnarUpaM
rudraM vidhAya dayitA vanitAshcha dattvA |
tAvantyadatta cha padAni bhavatpraNunnaH
prAha prajAvirachanAya cha sAdaraM tam || 10\-5||
rudrAbhisR^iShTabhayadAkR^itirudrasaMgha\-
saMpUryamANAbhuvanatrayabhItachetAH |
mA mA prajAH sR^ija tapashchara ma~NgalAye
tyAchaShTa taM kamalabhUrbhavadIritAtmA || 10\-6||
tasyAtha sargarasikasya marIchiratri
statrA~NgirAH kratuminiH pulahaH pulastyaH |
a~NgAdajAyata bhR^igushcha vasiShThadakShau
shrInAradashcha bhagavan bhavadaMghridAsaH || 10\-7||
dharmAdikAnabhsR^ijannatha kardamaM cha
vANIM vidhAya vidhira~Ngajasa~Nkulo.abhUt |
tvadbodhitaiH sanakadakShamukhaistanUjai
rudbodhitashcha virarAma tamo vimu~nchan || 10\-8||
vedAnpurANanivahAnapi sarvavidyAH
kurvannijAnanagaNAchchaturAnano.asau |
putreShu teShu vinidhAya sa sargavR^iddhi
maprApnuvaMstava padAmbujamAshrito.abhUt || 10\-9||
jAnannupAyamatha dehamajo vibhajya
strIpuMsabhAvamabhajanmanutadvadhUbhyAm |
tAbhyAM cha mAnuShakulAni vivardhayaMstvaM
govinda mArutapuresha nirundhi rogAn || 10\-10||
\medskip\hrule\medskip
##        11 Entry Of Sanaka And Others Into Vaikuntha ##
krameNa sarge parivardhamAne kadApi divyAH sanakAdayaste |
bhavadvilokAya vikuNThalokaM prapedire mArutamandiresha || 11\-1||
manoj~nanaushreyasakAnanAdyairanekavApamiNimandiraishcha |
anopamaM taM bhavato niketaM munIshvarAH prApuratItakakShyAH || 11\-2
bhavaddidR^ikShUnbhavanaM vivikShUndvAHsthau jayasthAn vijayo.apyarundhAm |
teShAM cha chitte padamApa kopaH sarvaM bhavatpreraNayaiva bhUman || 11\-3
vaikuNThalokAnuchitapracheShtau kaShTau yuvAM daityagatiM bhajetam |
iti prashaptau bhavadAshrayau tau harismR^itirno.astviti nematustAn || 11\-4
tedetadAj~nAya bhavAnavAptaH sahaiva lakShmyA bahiraMbujAksha |
khageshvarAMsArpitachArubAhurAnandayaMstAnabhirAmamUrtyA || 11\-5||
prasAdya gIrbhiH stuvato munIndrAnananyanAthAvatha pArShadau tau
saMrambhayogena bhavaistribhirmAmupetamityAttakR^ipAM nyagAdIH || 11\-6
tvadIyabhR^ityAvatha kAshyapAttau surArivIrAvuditau ditau dvau |
sandhyAsamutpAdanakaShTacheShTau yamau cha lokasya yamAvivAnyau || 1\-7
hiraNyapUrvaH kashipuH kilaikaH puro hiraNyAkSha iti pratItaH |
ubhau bhavannAthamasheShalokaM ruShA nyarundhAM nijavAsanAndhau || 11\-8
tayorhiraNyAkShamahAsurendro raNAya dhAvannanavAptavairI |
bhavatpriyAM kShmAM salile nimajya chachAra garvAdvinadan gadAvAn || 11\-9
tato jaleshAtsadR^ishaM bhavantaM nishamya babhrAma gaveShayaMstvAm |
bhaktaikadR^ishyaH sa kR^ipAnidhe tvaM nirundhi rogAn marudAlayesha || 11\-10
\medskip\hrule\medskip
##        12 The Boar Incarnation ##
svAyambhuvo manuratho janasargashIlo
dR^iShTvA mahImasamaye salile nimagnAm |
sraShTAramApa sharaNaM bhavada~NghrisevA\-
tuShTAshayaM munijanaiH saha satyaloke || 12\-1||
kaShTaM prajAH sR^ijati mayyavanrnimagnA
sthAnaM sarojabhava kalpaya tatprajAnAm |
ityevameSha kathito manunA svayambhU\-
rambhoruhAkSha tava pAdayugaM vyachintIt || 12\-2||
hA hA vibho jalamahaM nyapibaM purastAd
adyApi majjati mahI kimahaM karomi |
itthaM tvada~NghriyugaLaM sharaNaM yato.asya
nAsApuTAtsamabhavaH shishukolarUpI || 12\-3||
a~NguShThamAtravapurutpatitaH purastAt
bhUyo.atha kumbhisadR^ishaH samajR^imbhathAstvam |
abhre tathAvidhamudIkShya bhavantamuchchair
vismeratAM vidhiragAtsaha sUnubhiH svaiH || 12\-4||
ko.asAvachintyamahimA kiTirutthito me
nAsApuTAtkimu bhavedajitasya mAyA |
itthaM vichintayati dhAtarishailamAtraH
sadyo bhavankila jagarjjitha ghoraghoram || 12\-5||
taM te ninAdamupakarNya janastapaHsthAH
satyasthitAshcha munayo nunuvurbhavantam |
tatstotraharShulamanAH pariNadya bhUya\-
stoyAshayaM vipulamUrtiravAtarastvam || 12\-6||
UrdhvaprasAriparidhUmrAvidhUtaromA
protkShiptavAladhiravA~NmukhaghoraghoNaH |
tUrNapradIrNajaladaH parighUrNadakShNA
stotR^InmunIn shishirayannavateritha tvam || 12\-7||
antarjalaM tadanu sa~NkulanakrachakraM
bhrAmyattimi~NgilakulaM kaluShormimAlam |
Avishya bhIShaNaraveNa rasAtalasthA\-
nAkampayanvasumatImagaveShayastvam || 12\-8||
dR^iShTvA.atha daityahatakena rasAtalAnte
saMveshitAM jhaTiti kUTakiTirvibho tvam |
ApAtukAnavigaNayya surArikheTAn
daMShTrA~NkureNa vasudhAmadadhAH salIlam || 12\-9||
abhyuddharannatha dharAM dashanAgralagna\-
mustA~NkurA~Nkita ivAdhikapIvarAtmA |
uddhAtaghorasalilAjjaladheruda~nchan
ktIDAvarAhavapurIshvara pAhi rogAt || 12\-10||
\medskip\hrule\medskip
##        13 The Slaying Of Hiranyaksha ##
hiraNyAkShaM tAvadvarada bhavadanveShaNaparaM
charantaM sAMvarte payasi nijaja~NghAparimite |
bhavadbhakto gatvA kapaTapaTudhIrnAradamuniH
shanairUche nandan danujamapi nindaMstava balam || 13\-1||
sa mAyAvI viShNurharati bhavadIyaM vasumatIM
prabho kaShTaM kaShTaM kimidamiti tenAbhigaditaH |
nadan kvAsau kvAsAviti sa muninA darshitapatho
bhavantaM saMprApaddharaNidharamudyantamudakAt || 13\-2||
aho AraNyo.ayaM mR^iga iti hasantaM bahutarai\-
rduruktairvidhyantaM ditisutamavaj~nAya bhagavan |
mahIM dR^iShTvA daMShTrAshirasi chakitAM svena mahasA
payodhAvAdhAya prasabhamudayu~NthA mR^idhavidhau || 13\-3||
gadApANau daitye tvamapi hi gR^ihItonnatagado
niyuddhena krIDanghaTaghaTaravod{}ghuShTaviyatA |
raNAlokaitsukyAnmilati surasaMghe drutamamuM
nirundhyAH sandhyAtaH prathamamiti dhAtrA jagadiShe || 13\-4||
gadonmarde tasmiMstava khalu gadAyAM ditibhuvo
gadAghAtAdbhUmau jhaTiti patitAyAmahaha ##!## bhoH ##!## |
mR^idusmerAsyastvaM danujakulanirmUlanachaNaM
mahAchakraM smR^itvA karabhuvi dadhAno ruruchiShe || 13\-5||
tataH shUlaM kAlapratimaruShi daitye visR^ijati
tvayi Chindatyenat karakalitachakrapraharaNAt |
samAruShTo muShTyA sa khalu vitudaMstvAM samatanot
gaLanmAye mAyAstvayi kila jaganmohanakarIH || 13\-6||
bhavachchakrajyotiShkaNalavanipAtena vidhute
tato mAyAchakre vitataghanaroShAndhamanasam |
gariShThAbhirmuShTiprahR^itibhirabhighnantamasuraM
svapAdA~NguShThena shravaNapadamUle niravadhIH || 13\-7||
mahAkAyaHsso.ayaM tava karasarojapramathito
gaLadrakto vaktrAdapatadR^iShibhiH shlAghitahatiH |
tadA tvAmuddAmapramadabharavidyotihR^idayA
munIndrAssAndrAbhiH stutibhiranuvannadhvaratanum || 13\-8||
tvachi chChando romasvapi kushagaNashchakShuShi ghR^itaM
chaturhotAro.aMghrau srugapi vadane chodara iDA |
grahA jihvAyAM te parapuruSha karNe cha chamasA
vibho somo vIryaM varada gaLadeshe.apyupasadaH || 13\-9||
munIndrairityAdistavanamukharairmoditamanA
mahIyasyA mUrtyA vimalatarakIrtyA cha vilasan |
svadhiShNyaM saMprAptaH sukharasavihArI madhuripo
nirundhyA rogaM me sakalamapi vAtAlayapate || 13\-10||
\medskip\hrule\medskip
##        14 The Kapila Incarnation ##
samanusmR^itatAvakA~NghriyugmaH sa manuH pa~NkajasambhavA~NgajanmA |
nijamantaramantarAyahInaM charitaM te kathayansukhaM ninAya || 14\-1
samaye khalu tatra kardamAkhyo druhiNachChAyabhavastadIyavAchA |
dhR^itasargaraso nisargaramyaM bhagavaMstvAmayutaM samAH siSheve || 14\-2
garuDopari kALameghakamraM vilasatkelisarojapANipadmam |
hasitollasitAnanaM vibho tvaM vapurAviShkuruShe sma kardamAya || 14\-3
stuvate pulakAvR^itAya tasmai manuputrIM dayitAM navApi putrIH |
kapilaM cha sutaM svameva pashchAt svagatiM chApyanugR^ihya nirgato.abhUH || 14\-4
sa manushshatarUpayA mahiShyA guNavatyA sutayA cha devahUtyA |
bhavadIritanAradopadiShTassamagAtkardamamAgatipratIkSham || 14\-5||
manunopahR^itAM cha devahUtiM taruNIratnamavApya kardamo.asau |
bhavadarchananirvR^ito.api tasyAM dR^iDhashushrUShaNayA dadhau prasAdam || 14\-6
sapunastvadupAsanaprabhAvAddayitAkAmakR^ite kR^ite vimAne |
vanitAkulasa~Nkulo navAtmA vyaharaddevapatheShu devahUtyA || 14\-7||
shatavarShamatha vyatItya so.ayaM nava kanyAH samavApya dhanyarUpAH |
vanayAnasamudyato.api kAntAhitakR^ittvajjananotsuko nyavAtsIt || 14\-8
nijabhartR^igirA bhavanniShevA niratAyAmatha deva devahUtyAm |
kapilastvamajAyathA janAnAM prathayiShyanparamAtmatattvavidyAm || 14\-9
vanameyuShi kardame prasanne matasarvasvamupAdisha~njananyai |
kapilAtmaka vAyumadireshatvaritaM tvaM paripAhi mAM gadaughAt || 14\-10
\medskip\hrule\medskip
##        15 The Teachings Of Kapila ##
matiriha guNasaktA bandhakR^itteShvasaktA
tvamR^itakR^iduparundhe bhaktiyogastu saktim |
mahadanugamalabhyA bhaktirevAtra sAdhyA
kapilatanuriti tvaM devahUtyai nyagAdIH || 15\-1||
prakR^itimahadaha~NkArAshcha mAtrAshcha bhUtA\-
nyapihR^idapi dashAkShI pUruShaH pa~nchaviMshaH |
iti viditavibhAgo muchyate.asau prakR^ityA
kapilatanuriti tvaM devahUtyai nyagAdIH || 15\-2||
prakR^itigataguNaughairnAjyate pUruSho.ayaM
yadi tu sajati tasyAM tadguNAstaM bhajeran |
madanubhajanatattvAlochanaiH sApyapeyAt
kapilatanuriti tvaM devahUtyai nyagAdIH || 15\-3||
vimalamatirupAttairAsanAdyairmada~NgaM
garuDasamadhirUDhaM divyabhUShAyudhA~Nkam |
ruchitulitatamAlaM shIlayetAnuvelaM
kapilatanuriti tvaM devahUtyai nyagAdIH || 15\-4||
mama guNaguNalIlAkarNanaiH kIrtinAdyaiH
mayi surasaridoghaprakhyachittAnuvR^ittiH |
bhavati paramabhaktiH sA hi mR^ityorvijetrI
kapilatanuriti tvaM devahUtyai nyagAdIH || 15\-5||
aha ha bahulahiMsAsa~nchitArthaiH kuTumbaM
pratidinamanupuShNan strIjito bAlalALI |
vishati hi gR^ihasakto yAtanAM mayyabhaktaH
kapilatanuriti tvaM devahUtyai nyagAdIH || 15\-6||
yuvatijaTharakhinno jAtabodho.apyakANDe
prasavagalitabodhaH pIDayollaM~Nghya bAlyam |
punarapi bata muhyatyeva tAruNyakAle
kapilatanuriti tvaM devahUtyai nyagAdIH || 15\-7||
pitR^isuragaNayAjI dhArmiko yo gR^ihasthaH
sa cha nipatati kAle dakShiNAdhvopagAmI |
mayi nihitamakAmaM karma tUdakpathArthe
kapilatanuriti tvaM devahUtyai nyagAdIH || 15\-8||
iti suviditavedyAM deva he devahUtiM
kR^itanutimanugR^ihya tvaM gato yogisa~NghaiH |
vimalamatirathA.asau bhaktiyogena muktA
tvamapi janahitIrthaM vartase prAgudIchyAm || 15\-9||
parama kimu bahUktyA tvatpadAmbhojabhaktiM
sakalabhayavinetrIM sarvakAmopanetrIm |
vadasi khalu dR^iDhaM tvaM tvadvidhUyAmayAnme
gurupavanapuresha tvayyupAdhatsva bhaktim || 15\-10||
\medskip\hrule\medskip
##        16 Nara Narayana And Dakshayaga ##
daksho viri~nchatanayo.atha manostanUjAM
labdhvA prasUtimiha ShoDasha chApa kanyAH |
dharme trayodasha dadau pitR^iShu svadhAM cha
svAhAM havirbhuji satIM girishe tvadaMshe || 16\-1||
mUrtirhi dharmagR^ihiNI suShuve bhavantaM
nArAyaNaM narasakhaM mahitAnubhAvam |
yajjanmani pramuditAH kR^itaturyaghoShAH
puShpotkarAnpravavR^iShurnunuvuH suraughAH || 16\-2||
daityaM sahasrakavachaM kavachaiH parItaM
sAhasravatsaratapassamarAbhilavyaiH |
paryAyanIrmitatapassamarau bhavantau
shiShTaikaka~NkaTamamuM nyahatAM salalim || 16\-3||
anvAcharannupadishannapi mokShadharmaM
tvaM bhrAtR^imAn badarikAshramamadhyavAtsIH |
shakro.atha te shamatapobalanissahAtmA
divyA~NganAparivR^itaM prajighAya mAram || 16\-4||
kAmo vasantamalayAnilabandhushAlI
kAntAkaTAkShavishikhairvikasadvilAsaiH |
vidhyanmuhurmuhurakampamudIkShya cha tvAM
bhItastvAyAtha jagade mR^iduhAsabhAjA || 16\-5||
bhItyAlama~NgajavasantasurA~NganA vo
manmAnasantviha juShudhvamiti bruvANaH |
tvaM vismayena paritaH stuvatAmathaiShAM
prAdarshayaH svaparichArakakAtarAkShIH || 16\-6||
sammohanAya militA madanAdayaste
tvaddAsikAparimaLaiH kila mohamApuH |
dattAM tvayA cha jagR^ihustrapayaiva sarva\-
svarvAsigarvashamanIM punarurvashIM tAm || 16\-7||
dR^iShTvorvashIM tvaM kathAM cha nishamya shakraH
paryAkulo.ajani bhavanmahimAvamarshAt |
evaM prashAntaramaNIyataro.avatAras
tvatto.adhiko varada kR^iShNatanustvameva || 16\-8||
dakShastu dhAturatilALanayA rajondho
nAtyAdR^itastvayi cha kaShTamashAntirAsIt |
yena vyarundha sa bhavattanumeva sharvaM
yaj~no cha vairapishune svasutAM vyamAnIt || 16\-9||
kR^iddheshamarditamakhaH sa tu kR^ittashIrSho
devaprasAditaharAdatha labdhajIvaH |
tvatpUritakratuvaraH punarApa shAntiM
sa tvaM prashAntikara pAhi marutpuresha || 16\-10||
\medskip\hrule\medskip
##        17 The Story Of Dhruva ##
uttAnapAdanR^ipatermanunandanasya
jAyA babhUva suruchirnitarAmabhIShTA |
anyA sunItiriti bharturanAdR^itA sA
tvAmeva nityamagatiH sharaNaM gatA.abhUt || 17\-1||
a~Nke pituH suruchiputrakamuttamaM taM
dR^iShTvA dhruvaH kila sunItisuto.adhirokShyan |
AchikShipe kila shishuH sutarAM suruchyA
dussantyajA khalu bhavadvimukhairasUyA || 17\-2||
tvanmohite pitari pashyati dAravashye
dUraM duruktinihataH sa gato nijAmbAm |
sA.api svakarmagatisantaraNAya puMsAM
tvatpAdameva sharaNaM shishave shashaMsa || 17\-3||
AkarNya so.api bhavadarchanishchitAtmA
mAnI niretya nagarAtkila pa~nchavarShaH |
sandR^iShTanAradaniveditamantramArgas
tvAmArarAdha tapasA madhukAnanAnte || 17\-4||
tAte viShaNNahR^idaye nagarIM gatena
shrInAradena parisAntvitachittavR^ittau |
bAlastvadarpitamanAH kramavardhitena
ninye kaThoratapasA kila pa~ncha mAsAn || 17\-5||
tAvattapobalaniruchChvasite digante
devArthitastvamudayatkaruNArdrachetAH |
tvadrUpachidrasanilInamateH purastA\-
dAvirbabhUvitha vibho garuDAdhirUDhaH || 17\-6||
tvaddarshanapramadabhAratara~NgitaM taM
dR^igbhyAM nimagnamiva rUparasAyane te |
tuShTUShamANamavagamya kapoladeshe
saMspR^iShTavAnasi dareNa tathA.a.adareNa || 17\-7||
tAvadvibodhavimalaM praNuvantamena\-
mAbhAShathAstvamavagamya tadIyabhAvam |
rAjyaM chiraM samanubhUya bhajasva bhUyaH
sarvottaraM dhruva padaM vinivR^ittihInam || 17\-8||
ityUchiShi tvayi gate nR^ipanandano.asau\-
AnanditAkhilajano nagarImupetaH |
reme chiraM bhavadanugrahapUrNakAmas
tAte gate cha vanamAdR^itarAjyabhAraH || 17\-9||
yakSheNa deva nihate punaruttame.asmin
yakShaiH sa yuddhanirato virato manUktyA |
shAntyA prasannahR^idayAddhanadAdupetAt
tvadbhaktimeva sudR^iDhAmavR^iNonmahAtmA || 17\-10||
ante bhavatpuruShanItavimAnayAto
mAtrA samaM dhruvapade mudito.ayamAste |
evaM svabhR^ityajanapAlanaloladhIstvaM
vAtAlayAdhipa nirundhi mamAmayaughAn || 17\-11||
\medskip\hrule\medskip
##        18 The Story Of Prithu ##
jAtasya dhruvakula eva tu~NgakIrte\-
ra~Ngasya vyajani sutaH sa venanAmA |
taddoShavyathitamatiH sa rAjavarya\-
stvatpAde vihitamanA vanaM gato.abhUt || 18\-1||
pApo.api kShititalapAlanAya venaH
paurAdyairupanihitaH kaThoravIryaH |
sarvebhyo nijabalameva saMprashaMsan
bhUchakre tava yajanAnyayaM nyarautsIt || 18\-2||
samprApte hitakathanAya tApasaudhe
matto.anyo bhavanapatirna kashchaneti |
tvannindAvachanaparo munIshvaraistaiH
shApAgnau shalabhadashAmanAyi venaH || 18\-3||
tannAshAtkhalajanabhIrukairmunIndrai\-
stanmAtrA chiraparirakShite tada~Nge |
tyaktAghe parimathitAdathorudaNDAt
dordaNDe parimathite tvamAvirAsIH || 18\-4||
vikhyAtaH pR^ithuriti tApasopadiShTaiH
sUtAdyaiH pariNutabhAvibhUrivIryaH |
venArtyA kabalitasampadaM dharitrIM\-
AkrAntAM nijadhanuShA samAmakArShIH || 18\-5||
bhUyastAM nijakulamukhyavatsayuktair
devAdyaiH samuchitachArubhAjaneShu |
annAdInyabhilaShitAni yAni tAni
svachChandaM surabhitanUmadUduhastvam || 18\-6||
AtmAnaM yahati makhaistvayi tridhAma\-
nnArabdhe shatatamavAjimedhayAge |
spardhAluH shatamakha etya nIchaveSho
hR^itvA.ashvaM tava tanayAt parAjito.abhUt || 18\-7||
devendraM muhuriti vAjinaM harantaM
vahnau taM munavaramaNDale juhUShau |
rundhAne kamalabhave kratoH samAptau
sAkShAttvaM madhuripumaikShathAH svayaM svam || 18\-8||
taddattaM varamupalabhya bhaktimekAM
ga~NgAnte vihitapadaH kadApi deva |
satrasthaM muninivahaM hitAni shaMsa\-
nnaikShiShThAH sanakamukhAn munIn purastAt || 18\-9||
vij~nAnaM sanakamukhoditaM dadhAnaH
svAtmAnaM svayamagamo vanAntasevI |
tattAdR^ikpR^ithuvapurIsha satvaraM me
rogaughaM prashamaya vAtagehavAsin || 18\-10||
\medskip\hrule\medskip
##        19 The Story Of Pracetas ##
pR^ithostu naptA pR^ithudharmakarmaThaH prAchInabarhiryuvatau shatadR^Itau |
prachetaso nAma suchetasaH sutAnajIjanattvatkaruNA~NkurAniva || 19\-1
pituH sisR^ikShAniratasya shAsanAdbhavattapasyAbhiratA dashApi te |
payonidhiM pashchimametya tattaTe sarovaraM sandadR^ishurmanoharam || 19\-2
tadA bhavattIrthamidaM samAgato bhavo bhavatsevakadarshanAdR^itaH |
prakAshamAsAdya puraH prachetasAmupAdishadbhaktatamastavastavam || 19\-3
stavaM japantastamamI jalAntare bhavantamAseviShatAyutaM samAH |
bhavatsukhAsvAdarasAdamIShviyAnbabhUva kalo dhruvavanna shIghratA || 19\-4
tapobhireShAmatimAtravardhibhiH sa yaj~nahiMsAnirato.api pAvitaH |
pitA.api teShAM gR^ihayAtanAradapradarshitAtmA bhavadAtmatAM yayau || 19\-5
kR^ipAbalenaiva puraH prachetasAM prakAshamAgAH patagendravAhanaH |
virAji chakrAdivarAyudhAMshubhiH bhujAbhiraShTAbhiruda~nchitadyutiH || 19\-6
prachetasAM tAvadayAchatAmapiH tvameva kAruNyabharAdvArAnadAH |
bhavadvichintA.api shivAyadehinAM bhavatvasau rudranutishcha kAmadA || 19\-7
avApya kAntAM tanayAM mahIruhAM tayA ramadhvaM dashalakshavatsarIm |
suto.astu dakSho nanu tatkShaNAchcha mAM prayAsyatheti nyagado mudaiva tAn || 19\-8
tatashcha te bhUtalarodhinastarUnkR^idhA dahanto druhiNena vAritAH |
drumaishcha dattAM tanayAmavApya tAM tvaduktakAlaM sukhino.abhiremire || 19\-9
avApya dakShaM cha sutaM kR^itAdhvarAH prachetaso nAradalabdhayAdhiyA |
avApurAnandapadaM tathAvidhastvamIsha vAtAlayanAtha pAhimAm || 19\-10
\medskip\hrule\medskip
##        20 The Story Of Rishabhayogisvara ##
priyavratasya priyaputrabhUtAdAgnIdhrarAjAdudito hi nAbhiH |
tvAM dR^iShTavAniShTadamiShTamadhye tavaiva tuShTyai kR^itayaj~nakarmA || 20\-1
abhiShTutastatra munIshvaraistvaM rAj~nA svatulyaM sutamarthyamAnaH |
svayaM janiShye.ahamiti bruvANastirodadhA barhiShi vishvamUrte || 20\-2
nAbhipriyAyAmatha merudevyAM tvamaMshato.abhUrR^iShabhAbhidhAnaH |
alokasAmAnyaguNaprabhAvaprabhAvitAsheShajanapramodaH || 20\-3||
tvayi trilokIbhR^iti rAjybhAraM nidhAya nAbhiH saha merudevyA |
tapovanaM prApya bhavanniShevI gataH kilAnandapadaM padaM te || 20\-4
indrastvadutkarShakR^itAdamarShAdvavarSha nAsminnajanAbhavarShe |
yadA tadA tvaM nijayogashaktyA svavarShamenad{}vyadadhAH suvarSham || 20\-5
jitendradattAM kamanIM jayantImathodvahannAtmaratAshayo.api |
ajIjanattatra shataM tanUjAnyeShAM kShitIsho bharato.agrajanmA || 20\-6
navAbhavanyogivarA navAnye tvapAlayanbhAratavarShakhaNDAn |
saikA tvashItistava sheShaputrAstapobalAdbhUsurabhUyamIyuH || 20\-7
uktvA sutebhyo.atha munIndramadhye viraktibhaktyanvitamuktimArgam |
svayaM gataH pAramahaMsyavR^ittimadhA jaDonmattapishAchacharyAm || 20\-8
parAtmabhUto.api paropadeshaM kurvanbhavansarvanirasyamAnaH |
vikArahIno vichachAra kR^itsnAM mahImahInAtmarasAbhilInaH || 20\-9||
shayuvrataM gomR^igakAkacharyAM chiraM charannApya paraM svarUpam |
davAhR^itA~NgaH kuTakAchale tvaM tApAnmamApAkuru vAtanAtha || 20\-10
\medskip\hrule\medskip
##        21 Mode Of Worship In Jambudvipa Etc ##
madhyodbhavao bhuva iLAvR^itanAmni varShe
gaurIpradhAnavanitAjanamAtrabhAji |
sharveNa mantranutibhiH sumupAsyamAnaM
sa~NkarShaNAtmakamadhIshvara saMshraye tvAm || 21\-1||
bhadrAshvanAmaka iLAvR^itapUrvavarShe
bhadrashravobhirR^iShibhiH pariNUyamAnam |
kalpAntagUDhanigamoddharaNapravINaM
dhyAyAmi deva hayashIrShatanuM bhavantam || 21\-2||
dhyAyAmi dakShiNagate harivarShavarShe
prAhlAdamukhyapuruShaiH pariShevyamANam |
uttu~NgashAntadhavalAkR^itimekashuddha\-
j~nAnapradaM narahariM bhagavan bhavantam || 21\-3||
varShe pratIchi lalitAtmani ketumAle
lIlAvisheShalalitasmitashobhanA~Ngam |
lakShmyA prajApatisutaishcha niShevyamANaM
tasyAH priyAya dhR^itakAmatanuM bhaje tvAm || 21\-4||
ramyehyudIchi khalu ramyakanAmni varShe
tadvarShanAthamanuvaryasaparyamANam |
bhaktaikavatsalamamatsarahR^itsu bhAntaM
matsyAkR^itiM bhuvananAtha bhaje bhavantam || 21\-5||
varShaM hiraNmayasamAhvayamauttarAha\-
mAsInamadridhR^itikarmaThakAmaThA~Ngam |
saMsevate pitR^igaNapravaro.aryamAyaM
taM tvAM bhajAmi bhagavan parachinmayAtman || 21\-6||
kiM chottareShu kuruShu priyayA dharaNyA
saMsevito mahitamantranutiprabhedaiH |
daMShTrAgraghR^iShTaghanapR^iShThagariShThavarShmA
tvaM pAhi vij~nanutayaj~navarAhamUrte || 21\-7||
yAmyAM dishaM bhajati kiMpuruShAkhyavarShe
saMsevito hanumatA dR^iDhabhaktibhAjA |
sItAbhirAmaparamAdbhutarUpashAlI
rAmAtmakaH parilasanparipAhi viShNo || 21\-8||
shrInAradena saha bhAratakhaNDamukhyais
tvaM sAMkhyayoganutibhiH samupAsyamAnaH |
AkalpakAlamiha sAdhujanAbhirakshI
nArAyaNo narasakhaH paripAhi bhUman || 21\-9||
plAkShe.arkarUpamayi shAlmala indurUpaM
dvIye bhajanti kushanAmani vahnirUpam |
krau~nche.amburUpamatha vAyumayaM cha shAke
tvAM brahmarUpamayi puShkaranAmni lokAH || 21\-10||
sarvairdhruvIdibhiruDuprakarairgrahaishcha
puchChAdikeShvavayaveShvabhikalpyamAnaiH |
tvaM shiMshumAravapuShA mahatAmupAsyaH
sandhyAsu rundhi narakaM mama sindhushAyain || 21\-11||
pAtALamUlabhuvi sheShatanuM bhavantaM
lokaikakuNDalavirAjisahasrashIrSham |
nIlAmbaraM dhR^itahalaM bhujagA~NganAbhir\-
juShTaM bhaje hara gadAngurugehanAtha || 21\-12||
\medskip\hrule\medskip
##        22 The Story Of Ajamila ##
ajAmiLo nAma mahIsuraH purA charanvibho dharma pathAn gR^ihAshramI |
gurorgirA kAnanametya dR^iShTavAnsughR^iShTashIlAM kulaTAM madAkulAm || 22\-1
svataH prashAnto.api tadAhR^itAshayaH svadharmamutsR^ijya tayA samAraman |
adharmakArI dashamI bhavanpunardadhau bhavannAmayute sute ratim || 22\-2
sa mR^ityukAle yamarAjaki~NkarAn bhaya~NkarAMstrInabhilakShayanbhiyA |
purA manAk{}tvatsmR^itivAsanAbalAjjuhAva nArAyaNanAmakaM sutam || 22\-3
durAshayasyApi tadAtvanirgatatvadIyanAmAkSharamAtravaibhavAt |
puro.abhipeturbhavadIyapArShadAshchaturbhujAH pItapaTA manoramAH || 22\-4
amuM cha saMpAshya vikarShato bhatAn vimu~nchatetyArurudhurbalAdamI |
nivAritAste cha bhavajjanaistadA tadIyapApaM nikhilaM nyavedayan || 22\-5
bhavantu pApAni kathaM tu niShkR^ite kR^ite.api bho daNDanamasti paNditAH |
na niShkR^itiH kiIM viditA bhavAdR^ishAmiti prabho tvatpuruShA babhAShire || 22\-6
shrutismR^itibhyAM vihitA vratAdayaH punanti pApaM na lunanti vAsanAm |
anantasevA tu nikR^intati dvayImiti prabho tvatpuruShA babhAShire || 22\-7
anena bho janmasahasrakoTibhiH kR^iteShu pApeShvapi niShkR^itiH kR^itA |
tadagrahInnAma bhayAkulo hareriti prabho tvatpuruShA babhAShire || 22\-8
nR^iNAmabuddhyApi mukundakIrtanaM dahatyaghaughAnmahimAsya tAdR^ishaH |
yathAgniredhAMsi yathauShadhaM gadAniti prabho tvatpuruShA babhAShire || 22\-9
itIritairyAmyabhaTairapAsR^ite bhavadbhaTAnAM cha gaNe tirohite |
bhavatsmR^itiM ka~nchana kAlamAcharanbhavatpadaM prApi bhavadbhaTairasau || 22\-10
svaki~NgarAvedanasha~Nkito yamastvada~NghribhakteShu na gamyatAmiti |
svakIyabhR^ityAnashishikShaduchchakaiH sa deva vAtAlaya pAhi mAm || 22\-11
\medskip\hrule\medskip
##        23 The Stories Of Daksha, Chitraketu, Etc ##
prAchetastu bhagavannaparo.api dakShas\-
tvatsevanaM vyadhita sargavivR^iddhikAmaH |
AvirbabhUvitha tadA lasadaShTabAhus\-
tasmai varaM daditha tAM cha vadhUmasiknIm || 23\-1||
tasyAtmajAstvayutamIsha punaH sahasraM
shrInAradasya vachasA tava mArgamApuH |
naikatravAsamR^iShaye sa mumocha shApaM
bhaktottamastvR^iShiranugnahameva mene || 23\-2||
ShaShTyA tato duhitR^ibhiH sR^ijataH kulaughAn
dauhitrasUnuratha tasya sa vishvarUpaH |
tvatstotravarmitamajApayadindramAjau
deva tvadIyamahimA khalu sarvajaitraH || 23\-3||
prAk{}shUrasenaviShaye kila chitraketuH
putrAgrahI nR^ipatira~NgirasaH prabhAvAt |
labdhvaikaputramatha tatra hate sapatnI\-
saMghairamuhyadavashastava mAyayAsau || 23\-4||
taM nAradastu samama~NgirasA dayAluH
samprApya tAvadupadarshya sutasya jIvam |
kasyAsmi putra iti tasya girA vimohaM
tyak{}tvA tvadarchanavidhau nR^ipatiM nyayu~Nkta || 23\-5||
stotraM cha man{}tramapi nAradato.atha labdhvA
toShAya sheShavapuSho nanu te tapasyan |
vidyAdharAdhipatitAM sa hi saptarAtre
labdhvApyakuNTHamatiranvabhajadbhavantam || 23\-6||
tasmai mR^iNALadhavaLena sahasrashIrShNA
rUpeNa baddhanutisiddhagaNAvR^itena |
prAdurbhavannachirato nutibhiH prasanno
dattvAtmatatvamanugR^ihya tirodadhAtha || 23\-7||
tvadbhaktamauliratha so.api cha lakShalakShaM
varShANi harShulamanA bhuvaneShu kAmam |
saMgApayanguNagaNaM tava sundarIbhiH
sa~NgAtirekarahito lalitaM chachAra || 23\-8||
atyantasa~NgavilayAya bhavatpraNunno
nUnaM sa rUpyagirimApya mahatsamAje |
nishsha~Nkama~NkakR^itavallabhama~NgajArim
taM sha~NkaraM parihasannumayAbhishepe || 23\-9||
nissambhramastvayamayAchitashApamokSho
vR^itrAsuratvamupagamya surendrayodhI |
bhaktyAtmatattvakathanaissamare vichitraM
shatrorapi bhramamapAsya gataH padaM te || 23\-10||
tvatsevanena ditirindravadhodyatA.api
tAnpratyutendrasuhR^ido maruto.abhilebhe |
duShTAshaye.api shubhadaiva bhavanniShevA
tattAdR^ishastvamava mAM pavanAlayesha || 23\-11||
\medskip\hrule\medskip
##        24 The Story Of Prahlada ##
hiraNyAkShe potrIpravaravapuShA deva bhavatA
hate shokakrodhaglapitaghR^itiretasya sahajaH |
hiraNyaprArambhaH kashipuramararAtisadasi
pratij~nAmAtene tava kila vadhArthaM muraripo || 24\-1||
vidhAtAraM ghoraM sa khalu tapasitvA nachirataH
puraH sAkShAtkurvansuranaramR^igAdyairanidhanam |
varaM labdhvA dR^ipto jagadiha bhavannAyakamidaM
parikShundannindrAdaharata divaM tvAmagaNayan || 24\-2||
nihantuM tvAM bhUyastava padamavAptasya cha ripor\-
bahirdR^iShTerantardadhitha hR^idaye sUkShmavapuShA |
nadannuchchaistatrApyakhilabhuvanAnte cha mR^igayan
bhiyA yAtaM matvA sa khalu jitakAshI nivavR^ite || 24\-3||
tato.asya prahlAdaH samajani suto garbhavasatau
munervINApANeradhigatabhabadbhaktimahimA |
sa vai jAtyA daityaH shishurapi sametya tvayi ratiM
gatastvadbhaktAnAM varada paramodAharaNatAm || 24\-4||
surArINAM hAsyaM tava charaNadAsyaM nijasute
sa dR^iShTvA duShTAtmA gurubhirashishikShachchiramamum |
guruproktaM chAsAvidamidamabhadrAya dR^iDhami\-
tyapAkurvan sarvaM tava charaNabhak{}tyaiva vavR^idhe || 24\-5||
adhIteShu shreShThaM kimiti paripR^iShTe.atha tanaye
bhavadbhaktiM varyAmabhigadati paryAkuladhR^itiH |
gurubhyo roShitvA sahajamatirasyotyabhividan
vadhipAyAnasmin vyatatnuta bhavatpAdasharaNe || 24\-6||
sa shUlairAviddhaH subahu mathito diggajagaNair\-
mahAsarpairdaShTo.apyanashanagarAhAravidhutaH |
girIndrAvakShipto.apyahaha paramAtmannayi vibho
tvayi nyastAtmatvAt kimapi na nipIDAmabhajata || 24\-7||
tataH sha~NkAviShTaH sa punaratiduShTo.asya janako
gurUktyA tadgeha kila varuNapAshaistamaruNat |
guroshchAsAnnidhye sa punaranugAndaityatanayAn
bhavadbhaktestattvaM paramapi vij~nAnamashiShat || 24\-8||
pitA ShR^iNvanbAlaprakaramakhilaM tvatstutiparaM
ruShAndhaH prAhainaM kulahataka kaste balamiti |
balaM me vaikuNThastava cha jagatAM chApi sa balaM
sa eva trailokyaM sakalamiti dhIro.ayamagadIt || 24\-9||
are kvAsau kvAsau sakalajagadAtmA haririti
prabhinte sma stambhaM chalitakaravALo ditisutaH |
ataH pashchAdviShNo na hi vaditumIsho.asmi sahasA
kR^ipAtman vishvAtman pavanapuravAsin mR^iDaya mAm || 24\-10||
\medskip\hrule\medskip
##        25 The Incarnation As Narasimha ##
stambhe ghaTTayato hiraNyakashipoH karNau samAchUrNaya\-
nnAdhUrNajjagadaNdakuNDakuharo ghorastavAbhUdravaH |
shrutvA yaM kila daityarAjahR^idaye pUrvaM kadApyashrutaM
kampaH kashchana sampapAtchalito.apyambhojabhUrviShTarAt || 25\-1||
daitye dikShu visR^iShTachakShuShi mahAsaMrAmbhiNI stambhataH
sambhUtaM na mR^igAtmakaM na manujAkAraM vapuste vibho |
kiM kiM bhIShaNametadadbhutamiti vyud{}bhrAntachitte.asure
visphUrjaddhavalograromavikasadvarShmA samAjR^imbhathAH || 25\-2||
taptasvarNasavarNaghUrNadatirUkShAkShaM saTAkesara\-
protkampapranikumbitAmbaramaho jIyAttavedaM vapuH |
vyAttavyAptamahAdarIsakhamukhaM kha~NgogravadganmahA\-
jihvAnirgamadR^ishyamAnasumahAdaMShTrAyugoDDAmaram || 25\-3||
utsarpadvalibha~NgabhIShuNahanuM hrasvasthavIyastara\-
grIvaM pIvaradoshshatodgatanakhakR^IrAMshudUrodbaNam |
vyomollaMghighanAghanopamaghanapradhvAnanirdhAvita\-
spardhAluprakaraM namAmi bhavatastannArasiMhaM vapuH || 25\-4||
nUnaM viShNurayaM nihanmyamumiti bhrAmyadgadAbhIShaNaM
daityendraM samupAdravantamadhR^ithA dorbhyAM pR^ithubhyAmamum |
vIro nirgaLito.atha khaDgaphalakau gR^ihNanvichitrashramAn
vyAvR^iNvanpunarApapAta bhuvanagrAsodyataM tvAmaho || 25\-5||
bhrAmyantaM ditihAdhamaM punarapi prodgR^ihya dorbhyAM javAd
dvAre.athoruyuge nipAtya nakharAnvyutnkhAya vakShobhuvi |
nirbhindannadhigarbhanirbharagaLadraktAmbu baddhotsavaM
pAyaM pAyamudairayo bahujagatsaMhArisiMhAravAn || 25\-6||
tyaktvA taM hatamAshu raktalaharIsiktonnamadvarShmaNi
pratyutpatya samastadaityapaTalIM chAkhAdyamAne tvayi |
bhrAmyadbhUmi vikampitAmbudhikulaM vyAlolashailotkaraM
protsarpatkhacharaM charAcharamaho duHsthAmavasthAM dadhau || 25\-7
tAvanmAMsavapAkarALavapuShaM ghorAntramAlAdharaM
tvAM madhyesabhamiddharoShamuShitaM durvAragurvAravam |
abhyetuM na shashaka ko.api bhuvane dUre sthitA bhIravaH
sarve sharvaviri~nchavAsavamukhAH pratyekamastoShata || 25\-8||
bhUyo.apyakShataroShadhAmni bhavati brahmAj~nayA bAlake
prahlAde padayornamatyapabhaye kAruNyabhArAkulaH |
shAntastvaM karamasya mUrdhni samadhAH stotrairathodnAyata\-
stasyAkAmadhiyo.api tenitha varaM lokAya chAnugraham || 25\-9||
evaM nATitaraudracheShTita vibho shrItApanIyAbhidha\-
shrutyantasphuTagItasarvamahimannatyantashuddhAkR^ite |
tattAdR^i~N{}nikhilottaraM punaraho kastvAM paro laMghayet
prahlAdapriya he marutpurapate sarvAmayAtpAhi mAm || 25\-10||
\medskip\hrule\medskip
##        26 The Liberation Of Gajendra 26 ##
indradyumnaH pANDyakhaNDAdhirAjastvadbhaktAtmA chandanAdrau kadAchit |
tvatsevAyAM magnadhIrAluloke naivAgastyaM prAptamAtithyakAmam || 26\-1
kumbhodbhUtissaMbhR^itakrodhabhAraH stabdhAtmA tvaM hastibhUyaM bhajeti |
shap{}tvAthainaM pratyagAtso.api lebhe hastIndratvaM tvatsmR^itivyaktidhanyam || 26\-2
dugdhAmbhodhermadhyabhAji trikUTe kroDa~nChaile yUthapo.ayaM vashAbhiH |
sarvAnjantUnatyavartiShTa shaktyA tvadbhaktAnAM kutra notkarShalAbhaH || 26\-3
svena sthemnA divyadehatvashaktyA so.ayaM khedAnaprajAnan kadAchit |
shailaprAnte gharmatAntaH sarasyAM yUthaiH sArdhaM tvatpraNunno.abhireme || 26\-4
hUhUstAvaddevalasyApi shApat grAhIbhUtastajjale vartamAnaH |
jagrAhainaM hastinaM pAdadeshe shAntyarthaM hi shrAntido.asi svakAnAm || 26\-5
tvatsevAyA vaibhavAddurnirodhaM yudhyantaM taM vatsarANAM sahasram |
prApte kAle tvatpadaikAgryasiddhyai nakrAkrAntaM hastivIraM vyadhAstvam || 26\-6
ArtivyaktaprAktanaj~nAnabhaktiH shuNDotkShiptaiH puNDarIkaissamarchan |
pUrvAbhyastaM nirvisheShAtmaniShThaM stotrashreShThaM so.andagAdItparAtman || 26\-7
shrutvA stotraM nirguNasthaM samastaM brahmeshAdyairnAhamityaprayAte |
sarvAtmA tvaM bhUrikAruNyavegAt tArkShyArUDhaH prekShito.abhUH purastAt || 26\-8
hastIndraM taM hastapadmena dhR^itvA chakreNa tvaM nakravaryaM vyadArIH |
gandharve.asminmuktashApe sa hastI tvatsArUpyaM prApya dedIpyate sma || 26\-9
etad{}vR^ittaM tvAM cha mAM cha prage yo gAyetso.ayaM bhUyase shreyase syAt |
ityuktvainaM tena sArdhaM gatastvaM dhiShNyaM viShNo pAhi vAtAlayesha || 26\-10
\medskip\hrule\medskip
##        27 The Churning Of The Milk Ocean ##
durvAsAssuravanitAptadivyamAlyaM shakrAya svayamupadAya tatra bhUyaH |
nAgendrapratimR^idite shashAya shakraM kA kShAntistvaditaradevatAMshajAnAm || 27\-1
shApena prathitajare.atha nirjarendre deveShvapyasurajiteShu niShprabheShu |
sharvAdyAH kamalajametya sarvadevA nirvANaprabhava samaM bhavantamApuH || 27\-2
brahmAdyaiH stutamahimA chiraM tadAnIM prAduShShanvarada puraH pareNa dhAmnA |
he devA ditijakulairvidhAya sandhiM pIyUShaM parimathateti paryashAstvam || 27\-3
sandhAnaM kR^itavati dAnavaiH suraudhe manthAnaM nayati madena mandarAdrim |
bhraShTe.asminbadaramivodvahankhagendre sadyastvaM vinihitavAn payaHpayodhau || 27\-4
AdhAya drutamatha vAsukiM varatrAM pAthodhau vinihitasarvabIjajAle |
prArabdhe mathanavidhau surAsuraistairvyAjAttvaM bhujagamukhe.akaroH surArIn || 27\-5
kShubdhAdrau kShubhitajalodare tadAnIM dugdhAbdhau gurutarabhArato nimagne |
deveShu vyathitatameShu tatpriyaiShI prANaiShIH kamaThatanuM kaThorapR^iShThAm || 27\-6
vajrAtisthiratarakarpareNa viShNo vistArAtparigatalakShayojanena |
ambhodheH kuharagatena varShmaNA tvaM nirmagnaM kShitidharanAthamunninetha || 27\-7
unmagne jhaTiti tadA dharAdharendre nirmethurdR^iDhamiha sammadena sarve |
Avishya dvitayagaNe.api sarparAje vaivashyaM parishamayannavIvR^idhastAn || 27\-8
uddAmabhramaNajavonnamadgirIndranyastaikasthiratarahastapa~NkajaM tvAm |
abhrAnte vidhigirishAdayaH pramodAdudbhrAntA nunuvurupAttapuShpavarShAH || 27\-9
daityaudhe bhujagamukhAnilena tapte tenaiva tridashakule.api ki~nchidArte |
kAruNyAttava kila deva vArivAhAH prAvarShannamaragaNAnna daityasaMghAn || 27\-10
ud{}bhrAmyadbahutiminakracakravALe tatrAbdhau ciramathite.api nirvikAre |
ekastvaM karayugakR^iShTasarparAjaH saMrAjan pavanapuresha pAhi rogAt || 27\-11
\medskip\hrule\medskip
##        28 The Churning Of The Ocean (contd) ##
garaLaM taraLAnalaM purastAjjaladherudvijagALa kALakUTam |
amarastutivAdamodanighno girishastannipapau bhavatpriyArtham || 28\-1
vimathatsu surAsureShu jAtA surabhistAmR^iShiShu nyadhAstridhAman |
hayaratnamabhUdathebharatnaM dyUtarushchApsarasaH sureShu tAni || 28\-2
jagadIsha bhavatparA tadAnIM kamanIyA kamalA babhUva devI |
amalAmavalokya yAM vilokaH sakalo.api spR^ihayAmbabhUva lokaH || 28\-3
tvayi dattahR^idde tadaiva devyai tridashendro maNipIThikAM vyatArIt |
sakalopahR^itAbhiShechanIyairR^iShayastAM shrutigIrbhirabhyaShi~nchan || 28\-4
abhiShekajalAnupAtimugdhatvadapA~NgairavabhUShitA~NgavallIm |
maNikuNDalapItachelahArapramukhaistAmamarAdayo.andabhUShan || 28\-5
varaNasrajamAttabhR^i~NganAdAM dadhatI sA kuchakumbhamandayAnA |
padashi~njitama~njunUpurA tvAM kalitavrILavilAsamAsasAda || 28\-6||
girisha druhiNAdisarvadevAn guNabhAjo.apyavimuktadoShaleshAn |
avamR^ishya sadaiva sarvaramye nihitA tvayyanayApi divyamAlA || 28\-7
urasA tarasA mamAnithainAM bhuvanAnAM jananImananyabhAvAm |
tvadurovilasattadIkShaNashrI parivR^iShTyA paripuShTamAsa vishvam || 28\-8
atimohanavibhramA tadAnIM madayantI khalu vAruNI nirAgAt |
tamasaH padavImadAstvamenAmatisammAnanayA mahAsurebhyaH || 28\-9||
taruNAmbudasundarastadA tvaM nanu dhanvantarirutthito.amburAsheH |
amR^itaM kalashe vahankarAbhyAmakhilArtiM hara mArutAlayesha || 28\-10
\medskip\hrule\medskip
##        29 The Mohini Incarnation, Etc ##
udgachChatastava karAdamR^itaM haratsu
daityeShu tAnasharaNAnanunIya devAn |
sadhastirodadhitha deva bhavatprabhAvAd
udyatsayUthyakalahA ditijA babhUvuH || 29\-1||
shyAmAM ruchApi vayasApi tanuM tadAnIM
prApto.asi tu~NgakuchamaNDalaMbha~NgurAM tvam |
pIyuShakumbhakalahaM parimuchya sarve
tR^iShNAkulAH pratiyayustvadurojakumbhe || 29\-2||
kA tvaM mR^igAkShi vibhajasva sudhAmimAmi\-
tyArUDharAgavivashAnabhiyAchato.amUn |
vishvasyate mayi kathaM kulaTAsmi daityA
ityAlapannapi suvishvasitAnatAnIH || 29\-3||
modAtsudhAkalashameShu dadatsu sA tvaM
dushcheShTitaM mama sahadhvamiti bruvANA |
pa~NktiprabhedaviniveshitadevadaityA
lIlAvilAsagatibhiH samadAH sudhAM tAm || 29\-4||
asmAsviyaM praNayinItyusureShu teShu
joShaM sthiteShvatha samApya sudhAM sureShu |
tvaM bhaktalokavashago nijarUpametya
svarbhAnumardhaparipItasudhaM vyalAvIH || 29\-5||
tvattaH sudhAharaNayogyaphalaM pareShu
dattvA gate tvayi suraiH khalu te vyagR^ihNan |
ghore.atha mUrChati raNe balidaityamAyA\-
vyAmohite suragaNe tvamihAvirAsIH || 29\-6||
tvaM kAlanemimatha mAlisukhA~njaghantha
shakro jaghAna balijambhavalAn sapAkAn |
shuShkArdraduShkaravadhe namuchau cha lUne
phenena nAradagirA nyaruNo raNaM tvam || 29\-7||
yoShAvapurdanujamohanamAhitaM te
shrutvaM vilokanakutUhalavAnmaheshaH |
bhUtaissamaM girijayA cha gataH padaM te
stutvAbravIdabhimataM tvamatho tirodhAH || 29\-8||
ArAmasImani cha kandukaghAtalIlA\-
lolAyamAnanayanAM kamanIM manoj~nAm |
tvAmeSha vIkShya vigaLadvasanAM manobhU\-
vegAdana~Ngaripura~Nga samAlili~Nga || 29\-9||
bhUyo.api vidrutavatImupadhAvya devo
vIryapramokShavikasatparamArthabodhaH |
tvanmAnitastava mahatvamuvAcha devyai
tattAdR^ishastvamava vAtaniketanAtha || 29\-10||
\medskip\hrule\medskip
##        30 The Vamana Incarnation ##
shakreNa saMyati hato.api balirmahAtmA
shukreNa jIvitatanuH kratuvardhitoShmA |
vikrAntimAn bhayanilInasurAM trilokIM
chakre vashe sa tava chakramukhAdabhItaH || 30\-1||
putrArtidarshanavashAdaditirviShaNNA
taM kAshyapaM nijapatiM sharaNaM prapannA |
tvatpUjanaM taduditaM hi payovratAkhyaM
sA dvAdashAhamacharattvayi bhaktipUrNA || 30\-2||
tasyAvadhau tvayi nilInamateramuShyAH
shyAmashchaturbhujavapuH svayamAvirAsIH |
namrAM cha tAmiha bhavattanayo bhaveyaM
gopyaM madIkShaNamiti pralapannayAsIH || 30\-3||
tvaM kAshyape tapasi sannidadhattadAnIM
prApto.asi garbhamaditeH praNuto vidhAtrA |
prAsUta cha prakaTavaiShNavadivyarUpaM
sA dvAdashIshravaNapuNyadine bhavantam || 30\-4||
puNyAshramaM tamabhivarShati puShpavarShai\-
rharShAkule surakule kR^itatUryaghoShe |
badhvA~njaliM jaya jayeti tanuH pitR^ibhyAM
tvaM tatkShaNe paTutamaM vaTurUpamAdhAH || 30\-5||
tAvatprajApatimukhairupanIya mau~njI\-
daNDAjinAkShavalayAdibhirarchyamAnaH |
dedIpyamAnavapurIsha kR^itAgnikArya
stvaM prAsthithA baligR^ihaM prakR^itAshvamedham || 30\-6||
gAtreNa bhAvimahimochitagauravaM prAg
vyAvR^iNvateva dharaNIM chalayannayAsIH |
ChatraM paroShmatiraNArthamivAdadhAno
daNDaM cha dAnavajaneShvivaM sannidhAtum || 30\-7||
tAM narmadittarataTe hayamedhashAlA\-
mAseduShi tvayi ruchA tava ruddhanetraiH |
bhAsvAnkimeSha dahano nu sanatkumAro
yogI nu ko.ayamiti shukramukhaiH shasha~Nke || 30\-8||
AnItamAshu bhR^igubhirmahasAbhibhUtai
stvAM ramyarUpamasuraH puLakAvR^itA~NgaH |
bhaktyA sametya sukR^itI pariShichya pAdau
tattoyamanvadhR^ita mUrdhati tIrthatIrtham || 30\-9||
prahlAdavaMshajatayA kratubhirdvijeShu
vishvAsato nu tadidaM ditijo.api lebhe |
yatte padAmbu girishasya shirobhilAlyaM
sa tvaM vibho gurupurAlaya pAlayethAH || 30\-10||
\medskip\hrule\medskip
##        31 The Humbling Of Bali##
prItyA daityastava tanumahaHprekShaNItsarvathA.api
tvAmArAdhyannajita rachayanna~njaliM sa~njagAda |
mattaH kiM te samabhilaShitaM viprasUno vada tvaM
vittaM bhaktaM bhavanamavanIM vApi sarvaM pradAsye || 31\-1||
tAmakShINAM baligiramupAkarNya kAruNyapUrNo.a\-
pyasyotsekaM shamayitumanA daityavaMshaM prashaMsan |
bhUmiM pAdatrayaparimitAM prArthayAmAsitha tvaM
sarvaM dehIti tu nigadite kasya hAsyaM na vA syAt || 31\-2||
vishveshaM mAM tripadamiha kiM yAchase bAlishastvaM
sarvAM bhUmiM vR^iNu kimamunetyAlapattvAM sa dR^ipyan |
yasmAddarpAttripadaparipUrtyakShamaH kShepavAdAn
bandhaM chAsAvagamadatadarho.api gADhopashAntyai || 31\-3||
pAdatrayyA yadi na mudito viShTapairnApi tuShye\-
dityukte.asminvarada bhavate dAtukAme.atha toyam |
daityAchAryastava khalu parIkShArthinaH preraNAttaM
mA mA deyaM harirayamiti vyaktamevAbabhAShe || 31\-4||
yAchatyevaM yadi sa bhagavAnpUrNakAmo.asmi so.ahaM
dAsyAmyeva sthiramiti vadan kAvyashapto.api daityaH |
vindhyAvalyA nijadayitayA dattapAdyAya tubhyaM
chitraM chitraM sakalamapi sa prArpayattoyapUrvam || 31\-5||
nissandehaM ditikulapatau tvayyasheShArpaNaM tad
vyAtanvAne mumuchurR^iShayaH sAmarAH puShpavarSham |
divyaM rUpaM tava cha tadidaM pashyatAM vishvabhAjA\-
muchchairuchchairavR^idhadavadhIkR^itya vishvANDabhANDam || 31\-6||
tvatpAdAgraM nijapadagataM puNDarIkodbhavo.asau
kuNDItoyairasichadapunAdyajjalaM vishvalokAn |
harShotkarShAt subahu khecharairutsave.asmin
bherIM nighnan\-bhuvanamacharajjAmbavAn bhaktishAlI || 31\-7||
tAvaddaityAstvanumatimR^ite bharturArabdhayuddhA
devopetairbhavadanucharaiH sa~NgatA bha~NgamApan |
kAlAtmAyaM vasati purato yadvashAtprAgjitAH smaH
kiM vo yuddhairiti baligirA te.atha pAtAlamApuH || 31\-8||
pAshairbaddhaM patagapatinA daityamuchchairavAdI\-
stArttIyIkaM disha mama padaM kiM na vishveshvaro.asi |
pAdaM mUrdhni praNaya bhagavannityakampaM vadantaM
prahlAdastaM svayamupagato mAnayannastavIttvAm || 31\-9||
darpochChittyai vihitamakhilaM daitya siddho.asi puNyai\-
rlokaste.astu tridivavijayI vAsavatvaM cha pashchAt |
matsAyujyaM bhaja cha punarityanvagR^ihNA baliM taM
vipraissantAnitamakhavaraH pAhi vAtAlayesha || 31\-10||

\medskip\hrule\medskip
##        32 Matsya Avatar##
purA hayagrIvamahAsureNa ShaShThAntarAntodyadakANDakalpe |
nidronmukhabrahmamukhAt dR^iteShu vedeShvadhitsaH kila matsyarUpam || 32\-1
satyavratasya dramiDAdhibharturnadIjale tarpayatastadAnIm |
karA~njalau sa~njvalitAkR^itistvamadR^ishyathAH kashchana bAlamInaH || 32\-2
kShiptaM jale tvAM chakitaM vilokya ninye.anbupAtreNa muniH svageham |
svalpairahobhiH kalashIM cha kUpaM vApIM sarashchAnashiShe vibho tvam || 32\-3
yogaprabhAvAdbhavadAj~nayaiva nItastatastvaM muninA payodhim |
pR^iShTo.amunA kalpadidR^ikShumenaM saptAhamAsveti vadannayAsIH || 32\-4
prApte tvadukte.ahani vAridhArApariplute bhUmitale munIndraH |
saptarShibhiH sArdhamapAravAriNyudghUrNamAnaH sharaNaM yayau tvAm || 32\-5
dharAM tvadAdeshakarImavAptAM naurUpiNImAruruhustadA te |
tatkampakampreShu cha teShu bhUyastvamambudherAvirabhUrmahIyAn || 32\-6
jhaShAkR^itiM yojanalakShadIrghAM dadhAnamuchchaistaratejasaM tvAm |
nirIkShya tuShTA munayastvaduktyA tvattu~NgaShR^i~Nge taraNiM babandhuH || 32\-7
AkR^iShTanauko munimaNDalAya pradarshayanvishvajagadvibhAgAn |
saMstUyamAno nR^ivareNa tena GYAnaM paraM chopadishannachArIH || 32\-8
kalpAvadhau sapta munInpurovatprastApya satyavratabhUmipaM tam |
vaivasvatAkhyaM manumAdadhAnaH krodhAddhayagrIvamabhidruto.abhUH || 32\-9
svatu~NgaShR^i~NgakShatavakShasaM taM nipAtya daityaM nigamAngR^ihItvA |
viri~nchaye prItahR^ide dadAnaH prabha~njanAgArapate prapAyAH || 32\-10

\medskip\hrule\medskip
##        33 The Story Of Ambarisha##
vaivasvatAkhyamanuputranabhAgajAta\-
nAbhAganAmakanarendrasuto.ambarIShuH |
saptArNavAvR^itamahIdayito.api reme
tvatsa~NgiShu tvayi cha magnamanAssadaiva || 33\-1||
tvatprItayesakalameva vitanvato.asya
bhaktyaiva deva nachirAdabhR^ithAH prasAdam |
yenAsya yAchanamR^ite.apyabhirakShaNArthaM
chakraM bhavAnpravitatAra sahasradhAram || 33\-2||
sa dvAdashIvratamatho bhavadarchanArthaM
varShaM dadhau madhuvane yamunopakaNThe |
patnyA samaM sumanasA mahatIM vitanvan
pUjAM dvijeShu visR^ijanpashuShaShTikoTim || 33\-3||
tatrAtha pAraNadine bhavadarchanAnte
durvAsasA.asya muninA bhavanaM prapede |
bhoktuM vR^itashcha sa nR^ipeNa parArtishIlo
mandaM jagAma yamunAM niyamAnvidhAsyan || 33\-4||
rAj~nAtha pAraNamuh~NrtasamAptikhedA\-
dvAraiva pAraNamakAri bhavatpareNa |
prApto munistadatha divyadR^ishA vijAnan
kShipyan kR^idhoddhR^itajaTo vitatAna kR^ityAm || 33\-5||
kR^ityAM cha tAmasidharAM bhuvanaM dahantI\-
magre.abhivIkShya nR^ipatirna padAchchakampe |
tvadbhaktabAdhamabhivIkShya sudarshanaM te
kR^ityAnalaM shalabhayanmunimanvadhAvIt || 33\-6||
dhAvannasheShabhuvaneShu bhiyA sa pashyan
vishvatra chakramapi te gatavAnviri~ncham |
kaH kAlachakramatila~NghayatItyapAstaH
sharvaM yayau sa cha bhavantamavandataiva || 33\-7||
bhUyo bhavannilayametya muniM namantaM
proche bhavAnahamR^iShe nanu bhaktadAsaH |
j~nAnaM tapashcha vinayAnvitameva mAnyaM
yAhyambarIShapadameva bhajeti bhUman || 33\-8||
tAvatsametya muninA sa gR^ihItapAdo
rAjA.apasR^itya bhavadastramasAvanauShIt |
chakre gate muniradAdakhilAshiSho.asmai
tvadbhaktimAgasi kR^ite.api kR^ipAM cha shaMsan || 33\-9||
rAjA pratIkShya munimekasamAmanAshvAn
sambhojya sAdhu tamR^iShiM visR^ijanprasannam |
bhuktvA svayaM tvayi tato.api dR^iDhaM rato.abhUt
sAyujyamApa cha sa mAM pavanesha pAyAH || 33\-10||

\medskip\hrule\medskip
##        34 Sri Rama Avatar##
gIrvANairarthyamAno dashamukhanidhanaM kosale.aShvR^ishyaShR^i~Nge
putrIyAmiShTimiShTvA daduShi dasharathakShmAbhR^ite pAyasAgryam |
tadbhuktyA tatpurandhrIShvapi tisR^iShu samaM jAtagarbhAsu jAto
rAmastvaM lakShmaNena svayamatha bharatenApi shatrughnanAmnA || 34\-1
kodaNDI kaushikasya kratuvaramavituM lakShmaNenAnuyAto
yAto.abhUstAtavAchA munikathitamanudvandvashAntAdhvakhedaH |
nR^INAM trANAya bANairmunivachanabalAttATakAM pATayitvA
labdhvAsmAdastrajAlaM munivanamagamo deva siddhAshramAkhyam || 34\-2
mArIchaM drAvayitvA makhashirasi sharairanyarakShAMsi nighnan
kalyAM kurvannahalyAM pathi padarajasA prApya vaidehageham |
bhindAnashchAndrachUDaM dhanuravanisutAmindirAmeva labdhvA
rAjyaM prAtiShThathAstvaM tribhirapi cha samaM bhrAtR^ivIraiH sadAraiH || 34\-3
ArundhAne ruShAndhe bhR^igukulatilake saMkramayya svatejo
yAte yAto.asyayodhyAM sukhamiha nivasankAntayA kAntamUrte |
shatrughnenaikadAtho gatavati bharate mAtulasyAdhivAsaM
tAtArabdho.abhiShekastava kila vihataH kekayAdhIshaputryA || 34\-4||
tAtoktyA yAtukAmo vanamanujavadhUsaMyutashchApadhAraH
paurAnArUdhya mArge guhanilayagatastvaM jaTAchIradhArI |
nAvA santIrya ga~NgAmadhipadavi punastaM bharadvAjamArA\-
nnatvA tadvAkyahetoratisukhamavasashchitrakUTe girIndre || 34\-5||
shrutvA putrArtikhinnaM khalu bharatamukhAt svargayAtaM svatAtaM
tapto dattvAmbu tasmai nidadhitha bharate pAdukAM medinIM cha |
atriM natvAtha gatvA vanamativipulAM daNDakAM chaNDakAyaM
hatvA daityaM virAdhaM sugatimakalayashchAru bhoH shArabha~NgIm || 34\-6
natvA.agastyaM samastAsharanikarasapatrAkR^itiM tApasebhyaH
pratyashrauShIH priyaiShI tadanu cha muninA vaiShNave divyachApe |
brahmAstre chApi datte pathi pitR^isuhR^idaM dIkShya jaTAyuM
modAdgodAtaTAnte pariramasi purA pa~nchavaTyAM vadhUTyA || 34\-7||
prAptAyAH shUrpaNakhyA madanachaladhR^iterarthanairnissahAtmA
tAM saumitrau visR^ijya prabalatamaruShA tena nirlunanAsAm |
dR^iShTvainAM ruShTachittaM kharamabhipatitaM duShaNaM cha trimUrdhaM
vyAhiMsIrAsharAnapyayutasamadhikAMstatkShaNAdakShatoShmA || 34\-8||
sodaryAproktavArtAvivashadashamukhAdiShTamArIchamAyA\-
sAra~NgaM sArasAkShyA spR^ihitamanugataH prAvadhIrbANaghAtam |
tanmAyAkrandaniryApitabhavadanujAM rAvaNastAmahArShIt
tenArto.api tvamantaH kimapi mudamadhAstadvadhopAyAyalAbhAt || 34\-9
bhUyastanvIM vichinvannahR^ita dashamukhastvadvadhUM madvadhene\-
tyuktvA yAte jaTAyau divamatha suhR^idaH prAtanoH pretakAryam |
gR^ihNAnaM taM kabandhaM jaghanitha shabarIM prekShya pampAtaTe tvaM
samprApto vAtasUnuM bhR^ishamuditamanAH pAhi vAtAlayesha || 34\-10||

\medskip\hrule\medskip
##        35 Sri Rama Avatar (contd)##
nItassugrIvamaitrIM tadanu dundubheH kAyamuchchaiH
kShiptvA~NguShThena bhUyo lulavitha yugapatpatriNA sapta sAlAn |
hatvA sugrIvaghAtodyatamatulabalaM vAlinaM vyAjavR^ittyA
varShAvelAmanaiShIrvirahataraLitastvaM mata~NgAshramAnte || 35\-1||
sugrIveNAnujoktyA sabhayamabhiyatA vyUhitAM vAhinIM tA\-
mR^ikShANAM vIkShya dikShu drutamatha dayitAmArgaNAyAvanamrAm |
sandeshaM chAngulIyaM pavanasutakare prAdisho modashAlI
mArge mArge mamArge kapibhirapi tadI tvatpriyA saprayAsaiH || 35\-2
tvadvArtAkarNanodyadgarudurujavasampAtisampAtivAkya\-
prottIrNArNodhirantarnagari janakajAM vIkShya dattvA.a~NgulIyam |
prakShudyodyAnamakShakShapaNachaNaraNaH soDhabandho dashAsyaM
dR^iShTvA pluShTvA cha la~NkAM jhaTiti sa hanumAnmauliratnaM dadau te || 35\-3
tvaM sugrIvA~NgadAdiprabalakapichamUchakravikrAntabhUmI\-
chakro.abhikramya pArejaladhi nishicharendrAnujAshrIyamANaH |
tatproktAM shatruvArtAM rahasi nishamayanprArthanApArthyaroSha\-
prAstAgneyAstratejastrasadudadhigirA labdhavAnmadhyamArgam || 35\-4
kIshairAshAntaropAhR^itagirinikaraiH setumAdhApya yAto
yAtUnyAmardya daMShTrAnakhashikharishilAsAlashastraiH svasainyaiH |
vyAkurvansAnujastvaM samarabhuvi paraM vikramaM shakrajetrA
vegAnnAgAstrabaddhaH patagapatigarunmArutairmochito.abhUH || 35\-5||
saumitristvatra shaktiprahR^itigaLadasurvAtajAnItashaila\-
ghrANAtpraNAnupeto vyakR^iNuta kusR^itishlAghinaM meghanAdam |
mAyAkShobheShu vaibhIShaNavachanahR^itastambhanaH kumbhakarNaM
samprAptaM kampitorvItalamakhilachamUbhakShiNaM vyakShiNostvam || 34\-6
gR^ihNan jambhArisampreShitarathakavachau rAvaNenAbhiyudhyan
brahmAstreNAsya bhindan gaLatatimabalAmagnishuddhAM pragR^ihNan |
deva shreNIvarojjIvitasamaramR^itairakShatairR^ikShasa~Nghair\-
la~NkAbhartrA cha sAkaM nijanagaramagAH sapriyaH puShpakeNa || 35\-7
prIto divyAbhiShekairayutasamadhikAnvatsarAnparyaraMsI\-
rmaithilyAM pApavAchA shiva shiva kila tAM garbhiNImabhyahAsIH |
shatrughnenArdayitvA lavaNanishicharaM prArdayaH shUdrapAshaM
tAvadvAlmIkigehe kR^itavasatirupAsUta sItA sutau te || 35\-8||
vAlmIkestvatsutodgApitamadhurakR^iterAj~nayA yaj~navATe
sItAM tvayyAptukAme kShitimavishadasau tvaM cha kAlArthito.abhUH |
hetoH saumitrighAtI svayamatha sarayUmagnanishsheShabhR^ityaiH
sAkaM nAkaM prayAto nijapadamagamo deva vaikuNThamAdyam || 35\-9||
so.ayaM martyAvatArastava khalu niyataM martyashikShArthamevaM
vishleShArtirnirAgastyajanamapi bhavetkAmadharmAtisaktyA |
no chetsvAtmAnubhUteH kvanu tava manaso vikriyA chakrapANe
sa tvaM sattvaikamUrte pavanapurapate vyAdhunu vyAdhitApAn || 35\-10

\medskip\hrule\medskip
##        36 Parasurama Avatar##
atreH putratayA purA tvamanasUyAyAM hi dattAbhidho
jAtaH shiShyAniShandhatandritamanAH svasthashcharankAntayA |
dR^iShTo bhaktatamena hehayamahIpAlena tasmai varA\-
naShTaishvaryamukhAnpradAya daditha svenaiva chAnte vadham || 36\-1
satyaM kartumathArjunasya cha varaM tachChaktimAtrAnataM
brahmadveShi tadAkhilaM nR^ipakulaM hantuM cha bhUmerbharam |
sa~njAto jamadagnito bhR^igukule tvaM reNukAyAM hare
rAmo nAma tadAtmajeShvavarajaH pitroradhAH sammadam || 36\-2||
labdhAmnAyagaNashchaturdashavayAH gandharvarAje manA\-
gAsaktAM kila mAtaraM prati pituH krodhAkulasyAj~nayA |
tAtAj~nAtigasodaraiH samamimAM ChitvAtha shAntAtpitu\-
steShAM jIvanayogamApitha varaM mAtA cha te.adAdvaran || 36\-3||
pitrA mAtR^imude stavAhR^itaviyaddhenornijAdAshramAt
prasthAyAtha bhR^igorgirA himagirAvArAdhya gaurIpatim |
labdhvA tatparashuM taduktadanujachChedI mahAstrAdikaM
prApto mitramathAkR^itavR^iaNamuniM prApyAgamaH svAshramam || 36\-4
AkheTepagato.arjunaH suragavIsamprAptasampadgaNai\-
stvatpitrA paripUjitaH puragato durmantrivAchA punaH |
gAM kretuM sachivaM nyayu~Nkta kudhiyA tenApi rundhanmuni\-
prANakShepasaroShagohatachamUchakreNa vatso hR^itaH || 36\-5||
shukrojjIvitatAtavAkyachalitakrodho.atha sakhyA samaM
bibhruddhyAtamahodaropanihitaM chApaM kuThAraM sharan |
ArUDhaH sahavAhayantR^ikarathaM mAhiShmatImAvishan
vAgbhirvatsamadAshuShi kShitipatau samprAstuthAH sa~Ngaram || 36\-6
putrANAmayutenasaptadashabhishchAkShauhiNIbhirmahA\-
senAnIbhiranekamitranivahirvyAjR^imbhitIyodhanaH |
sadyastvatkakuThArabANavidalannishsheShasainyotkaro
bhItipradrutanaShTashiShTanayastvAmApataddhehayaH || 36\-7||
lIlAvAritanarmadAjalavalalla~NkeshagarvApaha\-
shrImadbAhusahasramuktabahushastrAstraM nirundhannamum |
chakre tvayyatha vaiShNave.api vikale budhvA hariM tvAM mudA
dhyAyantaM ChitasrvadoShamavadhIH so.agAtparaM te padam || 36\-8||
bhUyo.amarShitahehayAtmajagaNaistAte hate reNukA\-
mAghnAnAM hR^idayaM nirIkShya bahusho ghorAM pratij~nAM vahan |
dhyAnAnItarathAyudhastvamakR^ithA vipradruhaH kShatriyAn
dik{}chakreShu kuThArayanvishikhayan niHkShAtriyAM medinIm || 36\-9
tAtojjIvanakR^in{}nR^ipAlakakulaM triHsaptakR^itvo jayan
santarpyAtha samantapa~nchakamahAraktahR^idaudhe pitR^In |
yaj~ne kShmAmapi kAshyapAdiShu dishan sAlvena yudhyan punaH
kR^iShNo.amuM nihaniShyatIti shamito yuddhAt kumArairbhavAn || 36\-10
nyasyAstrANi mahendrabhUbhR^iti tapastanvanpunarmajjitAM
gokarNAvadhi sAgareNa dharaNIM dR^iShTvArthitastApasaiH |
dhyAteShvAsaghR^itAnalAstrachakitaM sindhuM sR^ivakShepaNA\-
dutsAryoddhR^itakeraLo bhR^igupate vAtesha saMrakSha mAm || 36\-11||

\medskip\hrule\medskip
##        37 The Prelude To The Incarnation As Krishna##
sAndrAnanandatano hare nanu purA daivAsure sa~Ngare
tvatkR^ittA api karmasheShavashato ye te na yAtA gatim |
teShAM bhUtalajanmanAM ditibhuvAM bhAreNa durArditA
bhUmiH prApa viri~nchamAshritapadaM devaiH puraivAgataiH || 37\-1||
hA hA durjanabhUribhAramathitAM pAthonidhau pAtukAm\-
etAM pAlaya hanta me vivashatAM saMpR^ichCha devAnimAn |
ityAdiprachurapralApavivashAmAlokya dhAtA mahIM
devAnAM vadanAni vIkShya parito dadhyau bhavantaM hare || 37\-2||
Uche chAmbujabhUramUnayi surAH satyaM dharitryA vacho
nanvasyA bhavatAM cha rakShaNavidhau dakSho hi lakShmIpatiH |
sarve sharvapurassarA vayamito gatvA payovAridhiM
natvA taM stumahe javAditi yuyaH sAkaM tavA,aketanam || 37\-3||
te mugdhAnilashAlidugdhajaladhestIraM gatAH sa~NgatA
yAvattvatpadachintanaikamanasastAvatsa pAthojabhUH |
tvadvAchaM hR^idaye nishamya sakalAnAnandayannachivA\-
nAkhyAtaH paramAtmanA svayamahaM vAkyaM tadAkarNyatAm || 37\-4||
jAne dInadashAmahaM diviShadAM bhUmeshcha bhImairnR^ipai\-
statkShepAya bhavAmi yAdavakule so.ahaM samagrAtmanA |
devA vR^iShNikule bhavantu kalayA devA~NganAshchAvanau
matsevArthamiti tvadIyavachanaM pAthojabhUrUchivAn || 37\-5||
shrutvA karNarasAyanaM tava vachaH sarveShu nirvApita\-
svAnteShvIsha gateShui tAvakakR^ipApIyUShatR^iptAtmasu |
vikhyAte mathurApure kila bhavatsAnnidhyapuNyottare
dhanyAM devakanandinImudavahadrAjA sa shUrAtmajaH || 37\-6||
udvAhAvasitau tadIyasahajaH kaMso.atha sammAnaya\-
nnetau sUtatayA gataH pathi rathe vyomotthayA tvadgirA |
asyAstvAmatiduShTamaShTamasuto hanteti hanteritaH
sattrAsAtsa tu hantumantikagatAM tanvIM kR^ipANImadhAt || 37\-7||
gR^ihNAnashchikureShu tAM khalamatiH shaureshchiraM sAntvanai\-
rno mu~nchanpunarAtmajArpaNagirA prIto.atha yAto gR^ihAn |
AdyaM tvatsahajaM tathArpitamapi snehena nAhannasau
duShTAnAmapi deva puShTakaruNA dR^iShTA hi dhIrekadA || 37\-8||
tAvattvanmanasaiva nAradamuniH proche sa bhojeshvaraM
yUyaM nanvasurAH surAshcha yadavo jAnAsi kiM na prabho |
mAyAvI sa harirbhavadvadhakR^ite bhAvI suraprArthanA\-
dityAkarNya yadUnadUdhunadasau shaureshcha sUnUnahan || 37\-9||
prApte saptamagarbhatAmahipatau tvatpreraNAnmAyayA
nIte mAdhava rohiNIM tvamapi bhoH sachchitsukhaikAtmakaH |
devakyA jaTharaM viveshitha vibho saMstUyamAnassuraiH
sa tvaM kR^iShNa vidhUya rogapaTalIM bhaktiM parAM dehi me || 37\-10

\medskip\hrule\medskip
##        38 The Birth Of Sri Krishna##
AnandarUpa bhagavannayi te.avatAre
prApte pradIptabhavada~Nga nirIyamANaiH |
kAntivrajairiva ghanAghanamaNDalairdyA\-
mAvR^iNvatI viruruche kila varShavelA || 38\-1||
AshAsu shItalatarAsu payodatoyai\-
rAshAsitAptivivasheShu cha sajjaneShu |
naishAkarodayavidhau nishi madhyamAyAM
kleshApahastrijagatAM tvamihA.avirAsIH || 38\-2||
bAlyasR^ishApi vapuShA dadhuShA vibhUtI\-
rudyatkirITakaTakA~NgadahArabhAsA |
sha~NkhArivArijagadAparibhAsitena
meghAsitena parilesitha sUtigehe || 38\-3||
vakShaHsthalIsukhanilAnavilAsilakShmI\-
mandAkShalakShitakaTAkShavimokShabhedaiH |
tanmandirasya khalakaMsakR^itAmalakShmI\-
munmArjayanniva virejitha vAsudeva || 38\-4||
shauristu dhIramunimaNDalachetaso.api
dUrasthitaM vapurudIkShya nijekShaNAbhyAm |
AnandabaShpapuLakodgamagadgadArdra\-
stuShTAva dR^iShTimakarandarasaM bhavantam || 38\-5||
deva prasIda parapUruSha tApavallI\-
nirlUnadAtra samanetra kalAvilAsin |
khedAnapAkuru kR^ipAgurubhiH kaTAkShair\-
ityAdi tena muditena chiraM nuto.abhUH || 38\-6||
mAtrA cha netrasalilAstR^itagAtravallyA
stotrairabhiShTutaguNaH karuNAlayastvam |
prAchInajanmayugaLaM pratibodhya tAbhyAM
mAturgirA dadhitha mAnuShabAlaveSham || 38\-7||
tvatpreristatadanu nandatanUjayA te
vyatyAsamArachayituM sa hi shUrasUnuH |
tvAM hastayoradhR^ita chittAvidhAryamAryai\-
rambhoruhasthakaLahaMsakishoraramyam || 38\-8||
jAtA tadA pushupasadmani yoganidrA
nidrAvimudritamathAkR^ita pauralokam |
tvatpreraNAtkimiha chitramachetanairyad
dvAraiH svayaM vyaghaTi sa~NgaTitaissugADham || 38\-9||
sheSheNa bhUriphaNavAritavAriNA.atha
svairaM pradarshitapatho maNidIpitena |
tvAM dhArayan sa khalu dhanyatamaH pratasthe
so.ayaM tvamIsha mama nAshaya rogavegAn || 38\-10||

\medskip\hrule\medskip
##        39 Bringing Yogamaya From Gokulam Etc##
bhavantamayamudvahan yadukulodvaho nissaran
dadarsha gaganochchalajjalabharAM kalindAtmajAm |
ahi salilasa~nchayaH sa punaraindrajAlodito
jalaugha iva tatkShaNAtprapadameyatAmAyayau || 39\-1||
prasuptapashupAlikAM nibhR^itamArudadbAlikA\-
mapAvR^itakavATikAM pashupavATikAmAvishan |
bhavantamayamarpayan prasavatalpake tatpadA\-
dvahan kapaTakanyakAM svapuramAgato vegataH || 39\-2||
tatastvadanujAravakShapitanidravegadrava\-
dbhaTotkaraniveditaprasavavArtayaivArtimAn |
vimuktachikurotkarastvaritamApatan bhojarA\-
DatuShTa iva dR^iShTavAn bhaginikAkare kanyakAm || 39\-3||
dhruvaM kapaTashAlino madhuharasya mAyA bhave\-
dasAviti kishorikAM bhaginikAkarAli~NgitAm |
dvipo naLinikAntarAdiva mR^iNALikAmAkShipa\-
nnayaM tvadanujAmajAmupalapaTTake piShTavAn || 39\-4||
tato bhavadupAsako jhaTiti mR^ityupAshAdiva
pramuchya tarasaiva sA samadhirUDharUpAntarA |
adhastalamajagmuShI vikasadaShTabAhusphuran\-
mahAyudhamaho gatA kila vihAyasA didyute || 39\-5||
nR^ishaMsatara kaMsa te kimu mayA viniShpiShTayA
babhUva bhavadantakaH kvachana chintyatAM te hitam |
iti tvadanujA vibho khalamudIrya taM jagmuShI
marudgaNapaNAyitA bhuvi cha mandirANyeyuShI || 39\-6||
prage punaragAtmajAvachanamIritA bhUbhujA
pralambabakapUtanApramukhadAnavA mAninaH |
bhavannidhanakAmyayA jagati babhramurnirbhayAH
kumArakavimArakAH kimiva duShkaraM niShkR^ipaiH || 39\-7||
tataH pashupamandire tvayi mukunda nandapriyA\-
prasUtishayaneshaye rudati ki~nchida~nchatpade |
vibudhya vanitAjanaistanayasaMbhave ghoShite
mudA kimu vadAmyaho sakalamAkulaM gokulam || 39\-8||
aho khalu yashodayA navakaLAyachetoharaM
bhavantamalamantike prathamamapibantyA dR^ishA |
punaH stanabharaM nijaM sapadi pAyayantyA mudA
manoharatanuspR^ishA jagati puNyavanto jitAH || 39\-9||
bhavatkushalakAmyayA sa khalu nandagopastadA
pramodabharasa~Nkule dvijakulAya kiM nAdadAt |
tathaiva pashupAlakAH kimu na ma~NgalaM tenire
jagatritayama~Ngala tvamiha pAhi mAmAmayAt || 39\-10||

\medskip\hrule\medskip
##        40 The Salvation Of Putana##
tadanu nandamamandashubhAspadaM nR^ipapurIM karadAnakR^ite gatam |
samavalokya jagAdbhavatpitA viditakaMsasahAyajanodyamaH || 40\-1||
ayi sakhe tava bAlakajanma mAM sukhayate.adya nijAtmajajanmavat |
iti bhavatpitR^itAM vrajanAyake samadhiropya shashaMsa tamAdarAt || 40\-2
iha cha santyanimittashatAni te kaTakasImne tato laghu gamyatAm |
iti cha tadvachasA vrajanAyako bhavadapAyabhiyA drutamAyayau || 40\-3
avasare khalu tatra cha kAchana vrajapade madhurAkR^itira~NganA |
taraLaShaTpadalAlitakuntalA kapaTapotaka te nikaTaM gatA || 40\-4||
sapadi sA hR^itabAlakachetanA nishicharAnvayajA kila pUtanA |
vrajavadhUShviha keyamiti kShaNaM vimR^ishatIShu bhavantamupAdade || 40\-5
lalitabhAvavilAsahR^itAtmabhiryuvatibhiH pratiroddhumapAritA |
stanamasau bhavanAntaniSheduShI pradaduShI bhavate kapaTAtmane || 40\-6
samadhiruhya tada~Nkamasha~Nkitastvamatha bAlakalopanaroShitaH |
mahadivAmraphalaM kuchamaNDalaM pratichuchUShitha durviShadUShitam || 40\-7
asubhireva samaM dhayati tvayi stanamasau stanitopamanisvanA |
nirapatadbhayadAyi nijaM vapuH pratigatA pravisArya bhujAvubhau || 40\-8
bhayadaghoShaNabhIShaNavigrahashravaNadarshanamohitavallave |
vrajapade taduraHsthalakhelanaM nanu bhavantamagR^ihNata gopikAH || 40\-9
bhuvanama~NkalanAmabhireva te yuvatibhirbahudhA kR^itarakShaNaH |
tvamayi vAtaniketananAtha mAmagadayan kuru tAvakasevakam || 40\-10||
\medskip\hrule\medskip
##        41 The Cremation Of Putana##
vrajeshvaraH shaurivacho nishamya samAvrajannadhvani bhItachetAH |
niShpiShTanishsheShataruM nirIkShya ka~nchitpadArthaM sharaNaM gatastvAm || 41\-1
nishamya gopIvachanAdudantaM sarve.api gopA bhayavismayAndhAH |
tvatpAtitaM ghorapishAchadehaM dehurvidUre.atha kuThArakR^ittam || 41\-2
tvatpItapUtastanatachCharIrAtsamuchchalannuchchataro hi dhUmaH |
sha~NkAmadhAdAgaravaH kimeShu kiM chAndano gaulgulavo.athaveti || 41\-3
mada~Ngasa~Ngasya phalaM na dUrae kShaNena tAvadbhavatAmapi syAt |
ityullapanvallavatallajebhyastvaM pUtanAmAtanuthAssugandhim || 41\-4
chitraM pishAchyA na hataH kumArashchitraM puraivAkathi shauriNedam |
iti prashaMsankila gopaloko bhavanmukhAlokarase nyamA~NkShIt || 41\-5
dine dine.atha prativR^iddhalakShmIrakShINama~Ngalyashato vrajo.ayam |
bhavannivAsAdayi vAsudeva pramodasAndraH parito vireje || 41\-6||
gR^iheShu te komalarUpahAsamithaH kathAsa~NkulitAH kamanyaH |
vR^itteShu kR^ityeShu bhavannirIkShAsamAgatAH pratyahamatyanandan || 41\-7
aho kumAro mayi dattadR^iShTiH smitaH kR^itaM mAM prati vatsakena |
ehyehi mAmityupasArya pANiM tvayIsha kiM kiM na kR^itaM vadhUbhiH || 41\-8
bhavadvapuHsparshanakautukena karAtkaraM gopavadhUjanena |
nItastvamAtAmrasarojamAlAvyAlambilolambatulAmalAsIH || 41\-9||
nipAyayantI stanama~NkagaM tvAM vilokayantI vadanaM hasantI |
dashAM yashodA katamAnnna bheje sa tAdR^ishaH pAhi hare gadAnmAm || 41\-10

\medskip\hrule\medskip
##        42 The Slaying Of Shakatasura##
kadApi janmarkShadine tava prabho nimantritaj~nAtivadhUmahIsurA |
mahAnasastvAM savidhe nidhAya sA mahAnasAdau vavR^ite vrajeshvarI || 42\-1
tato bhavattrANaniyuktabAlakaprabhItisa~Nkrandanasa~NkulAravaiH |
vimishramashrAvi bhavatsamIpataH parisphuTaddAruchaTachchaTAravaH || 42\-2
tatastadAkarNanasaMbhramashramaprakampivakShojabharA vrajA~NganAH |
bhavantamantardadR^ishuH samantato viniShpataddAruNadArumadhyagam || 42\-3
shishoraho kiM kimabhUditi drutaM pradhAvya nandaH pashupAshcha bhUsurAH |
bhavantamAlokya yashodayA dhR^itaM samAshvasannashrujalArdralochanAH || 42\-4
kasko nu kautaskuta eSha vismayo visha~NkaTaM yachChakaTaM vipATitam |
na kAraNaM ki~nchidiheti te sthitAH svanAsikAdattakarAstvadIkShakAH || 42\-5
kumArakasyAsya payodharArthinaH prarodane lolapadAmbujAhatam |
mayA mayA dR^iShTamano viparyagAditIsha te pAlakabAlakA jaguH || 42\-6
bhiyA tadA ki~nchidajAnatAmidaM kumArakANAmatidurghaTaM vachaH |
bhavatprabhAvAvidurairitIritaM manAgivAsha~Nkyata dR^iShTapUtanaiH || 42\-7
pravALatAmraM kimidaM padaM kShataM sarojaramyau nu karau virojitau |
iti prasarpatkaruNAtara~NgitAstvada~NgamApaspR^ishura~NganAjanAH || 42\-8
aye sutaM dehi jagatpateH kR^ipAtara~NgapAtAtparipAtamadya me |
iti sma sa~NgR^ihya pitA tvada~NgukaM muhurmuhuH shliShyati jItakaNTakaH || 42\-9
anonilInaH kila hantumAgataH surArirevaM bhavatA vihiMsitaH |
rajo.api nodR^iShTamamuShya tatkathaM sa shuddhasattve tvayi lInavAndhR^ivam || 42\-10
prapUjitaistatra tato dvijAtibhirvisheShato lambhitama~NgalAshiShaH |
vrajaM nijairbAlyarasairvimohayanmarutpurAdhIsha rujAM jahIhi me || 42\-11

\medskip\hrule\medskip
##        43 The Slaying Of Trinavarta##
tvamekadA gurumarutpuranAtha voDhuM
gADhAdhirUDhagarimANamapArayantI |
mAtA nodhAya shayane kimidaM bateti
dhyAyantyacheShTata gR^iheShu niviShTasha~NkA || 43\-1||
tAvadvidUramupakarNitaghoraghoSha\-
vyAjR^imbhipAMsupaTalIparipUritAshaH |
vAtyAvapuH sa kila daityavarastR^iNAva\-
rtAkhyo jahAra janamAnasahAriNaM tvAm || 43\-2||
uddAmapAMsutimirAhatadR^iShTipAte
draShTuM kimapyakushale pashupAlaloke |
hA bAlaksya kimiti tvadupAntamAptA
mAtA bhavantamavilokya bhR^ishaM ruroda || 43\-3||
tAvatsa dAnavavaro.api cha dInamUrti\-
rbhAvatkabhAraparidhAraNalUnavegaH |
sa~NkochamApa tadanu kShatapAMsughoShe
ghoShe vyatAyata bhavajjananIninAdaH || 43\-4||
rodopakarNanavashAdupagamya gehaM
krandatsu nandamukhagopakuleShu dInaH |
tvAM dAnavastvakhilamuktikaraM mumukShu\-
stvayyapramu~nchati papAta viyatpradeshAt || 43\-5||
rodAkulAstadanu gopagaNA bahiShTha\-
pAShANapR^iShThabhuvi dehamatisthaviShTham |
praikShanta hanta nipantamamuShya vakSha\-
syakShINameva cha bhavantamalaM hasantam || 43\-6||
grAvaprapAtaparipiShTagariShThadeha\-
bhraShTAsuduShTadanujopari dhR^iShTahAsam |
AghnAnamambujakareNa bhavantametya
gopA dadhurgirivarAdiva nIlaratnam || 43\-7||
ekaikamAshu parigR^ihya nikAmananda\-
nnandAdigopaparirabdhavichumbatA~Ngam |
AdAtukAmaparisha~NkitagopanArI\-
hastAmbujaprapatitaM praNumo bhavantam || 43\-8||
bhUyo.api kinnu kR^iNumaH praNatArtihArI
govinda eva paripAlayatAtsutaM naH |
ityAdi mAtarapitR^ipramukhaistadAnIM
samprArthitastvadavanAya vibho tvameva || 43\-9||
vAtAtmakaM danujamevamayi pradhUnvan
vAtodbhavAnmama gadAnkimu no dhunoShi |
kiM vA karomi puranapyanilAlayesha
nishsheSharogashamanaM muhurarthaye tvAm || 43\-10||

\medskip\hrule\medskip
##        44 The Naming Ceremony Etc##
gUDhaM vasudevagirA kartuM te niShkriyasya saMskArAn |
hR^idgatahorAtat{}vo gargamunistvadgR^ihM vibho gatavAn || 44\-1||
nando.atha nanditAtmA vR^indiShTaM mAnayannamuM yaminAm |
mandasmitArdramUche tvatsaMskArAn vidhAtumutsukadhIH || 44\-2||
yaduvaMshAchAryatvAt sunibhR^itamidamArya kAryamiti kathayan |
gargo nirgatapuLakashchakre tava sAgrajasya nAmAni || 44\-3||
kathamasya nAma kurve sahasranAmno hyanantanAmno vA |
iti nUnaM gargamunishchakre tava nAma nAma rahasi vibho || 44\-4||
kR^iShidhAtuNakArAbhyAM sattAnandAtmatAM kilAbhilapat |
jagadaghakarShitvaM vA kathayadR^iShiH kR^iShNanAma te vyatanot || 44\-5
anyAMshcha nAmabhedAn vyAkurvannagraje cha rAmAdIn |
atimAnuShAnubhAvaM nyagadattvAmaprakAshayanpitre || 44\-6||
snihyati yatsava putre muhyati sa na mAyikaiH punashshokaiH |
dR^ihyati yassa tu nashyedityavadatte mahattvamR^iShivaryaH || 44\-7
jeShyati bahutaradaityAn neShyati nijabandhulokamamalapadam |
shroShyati suvimalakIrtIrasyeti bhavadvibhUtimR^iShirUche || 44\-8||
amunaiva sarvadurgaM taritAstha kR^itAsthamatra tiShThadhvam |
harirevetyanabhilapannityAdi tvAmavarNayat sa muniH || 44\-9||
garge.atha nirgate.asmin nanditanandAdinandyamAnastvam |
madgadamudgatakaruNo nirgamaya shrImarutpurAdhIsha || 44\-10||

\medskip\hrule\medskip
##        45 Krishna's Childhood Pranks##
ayi sabala murAre pANijAnuprachAraiH
kimapi bhavanabhAgAn bhUShayantau bhavantau |
chalitacharaNaka~njau ma~njuma~njIrashi~njA\-
shravaNakutukabhAjau cheratushchAru vegAt || 45\-1||
mR^idu mR^idu vihasantAvunmiShaddantavantau
vadanapatitakeshau dR^ishyapAdAb{}jadeshau |
bhujagalitakarAntavyAlagatka~NkaNA~Nkau
matimaharatamuchchaiH pashyatAM vishvanR^INAm || 45\-2||
anusarati janaughe kautukavyAkulAkShe
kimapi kR^itaninAdaM vyAhasantau dravantau |
balitavadanapadmaM pR^iShThato dattadR^iShTI
kimiva na vidadhAthe kautukaM vAsudeva || 45\-3||
dR^itagatiShu patantAvutthitau liptapa~Nkau
divi munibhirapa~NkaiH sasmitaM vandyamAnau |
drutamatha jananIbhyAM sAnukampaM gR^ihItau
muhurapi parirabdhau drAgyuvAM chumbitau cha || 45\-4||
s{}nutakuchabharama~Nke dhArayantI bhavantaM
taraLamati yashodA stanyadA dhanyadhanyA |
kapaTapashupa madhye mugdhahAsA~NkuraM te
dashanamukuLahR^idyaM vIkShyaM vak{}traM jaharSha || 45\-5||
tadanu charaNachArI dArakaiH sAkamArA\-
nnilayatatiShu khelan bAlachApalyashAlI |
bhavanashukabiDAlAn vatsakAMshchAnudhAvan
kathamapi kR^itahAsairgopakairvArito.abhUH || 45\-6||
haladharasahitastvaM yatra yatropayAto
vivashapatitanetrAstatra tatraiva gopyaH |
vigaLitagR^ihakR^ityA vismR^itApatyabhR^ityA
murahara muhuratyantAkulA nityamAsan || 45\-7||
pratinavanavanItaM gopikAdattamichChan
kalapadamupagAyan komalaM kvApi nR^ityan |
sadayayuvatilokairarpitaM sarpirashnan
kvachana navavipakvaM dugdhamatyApibastvam || 45\-8||
mama khalu baligehe yAchanaM jAtamAstA\-
miha punarabalAnAmagrato naiva kurve |
iti vihitamatiH kiM deva santyajya yAch~nAM
dadhighR^itamaharastvaM chAruNA choraNena || 45\-9||
tava dadhighR^itamoShe ghoShayoShAjanAnA\-
mabhajata hR^idi roSho nAvakAshaM na shokaH |
hR^idayamapi muShitvA harShasindhau nyadhAstvaM
sa mama shamaya rogAnvAtagehAdhinAtha || 45\-10||


\medskip\hrule\medskip
##        46 Revelation Of The Cosmic Form##
ayi deva purA kila tvayi svayamuttAnashaye stanandhaye |
parijR^imbhaNato vyapAvR^ite vadane vishvamachaShTa vallavI || 46\-1
punarapyatha bAlakaiH samaM tvayi lIlAnirate jagatpate |
phalasa~nchayava~nchanakR^idhA tava mR^idbhojanamUchurarbhakAH || 46\-2
ayi te praLayAvadhau vibho kShititoyAdisamastabhakShiNaH |
mR^idupAshanato rujA bhavediti bhItA jananI chukopa sA || 46\-3||
ayi durvinayAtmaka tvayA kimu mR^itsA bata vatsa bhakShitA |
iti mAtR^igiraM chiraM vibho vitathAM tvaM pratijaj~niShe hasan || 46\-4
ayi te sakalairvinishchite vimatishchedvadanaM vidAryatAm |
iti mAtR^ivibhartsito mukhaM vikasatpadmanibhaM vyadArayaH || 46\-5
api mR^illavadarshanotsukAM jananIM tAM bahu tarpayanniva |
pR^ithivIM nikhilAM na kevalaM bhuvanAnyapyakhilAnyadIdR^ishaH || 46\-6
kuhachidvanamambudhiH kvachit kvachidabhraM kuhachidrasAtalam |
manujA danujAH kvachitsurA dadR^ishe kiM na tadA tvadAnane || 46\-7
kalashAmbudhishAyinaM punaH paravaikuNThapadAdhivAsinam |
svapurashcha nijArbhakAtmakaM katidhA tvAM na dadarsha sA mukhe || 46\-8
vikasadbhuvane mukhodare nanu bhUyo.api tathAvidhAnanaH |
anayA sphuTamIkShito bhavAnanavasthAM jagatAM batAtanot || 46\-9||
dhR^itatattvadhiyaM tadA kShaNaM jananIM tAM praNayena mohayan |
stanamamba dishetyupAsajan bhagavannadbhutabAla pAhi mAm || 46\-10||

\medskip\hrule\medskip
##        47 Tying Krishna To The Mortar##
ekadA dadhivimAthakAriNIM mAtaraM samupasedivAn bhavAn |
stanyalolupatayA nivArayanna~Nkametya papivAnpayodharau || 47\-1||
ardhapItakuchakuDmaLe tvayi snigdhahAsamadhurAnanAmbuje |
dugdhamIsha dahane parisnutaM dhartumAshu jananI jagAma te || 47\-2
sAmipItarasabha~Ngasa~NgatakrodhabhAraparibhUtachetasA |
manthadaNDamupagR^ihya pATitaM hanta deva dadhibhAjanaM tvayA || 47\-3
uchchala dhvanitamuchchakaistadA sannishamya jananI samAdR^itA |
tvadyashovisaravaddadarsha sA sadya eva dadhi vistR^itaM kShitau || 46\-4
vedamArgaparimArgitaM ruShA tvAmavIkShya parimArgayantyasau |
sandadarsha sukR^itinyulUkhale dIyamAnanavanItamotave || 46\-5||
tvAM pragR^ihya bata bhItibhAvanAbhAsurAnanasarojamAshu sA |
roSharUShitamukhI sakhIpuro bandhanAya rashanAmupAdade || 47\-6||
bandhumichChati yameva sajjanastaM bhavantamayi bandhumichChati |
sA niyujya rashanAguNAnbahUn dvaya~NgulonamakhilaM kilaikShata || 47\-7
vismitotsmitasakhIjanekShitAM svinnasannavapuShaM nirIkShya tAm |
nityamuktavapurapyaho hare bandhameva kR^ipayAnvamanyathAH || 47\-8
sthIyatAM chiramulUkhale khaletyAgatA bhavanameva sA yadA |
prAgulUkhalabilAntare tadA sarpirarpitamadannavAsthitAH || 47\-9||
yadyapAshasugamo bhavAnvibho saMyataH kimu sapAshayAnayA |
evamAdi divijairabhiShTuto vAtanAtha paripAhi mAM gadAt || 47\-10||

\medskip\hrule\medskip
##        48 The Redemption Of Nalakubara And Manigriva##
mudA suraudhaistvamudArasammadairudIrya dAmodara ityabhiShTutaH |
mR^idUdaraH svairamulUkhale lagannadUrato dvau kakubhAvudaikShathAH || 48\-1
kuberasUnurnaLakUbarAbhidhaH paro maNigrIva iti prathAM gataH |
maheshasevAdhigatashriyonmadau chiraM kila tvadvimukhAvakhelatAm || 48\-2
surApagAyAM kila tau madotkaTau surApagAyadbahuyauvatAvR^itau |
vivAsasau keLiparau sa nArado bhavatpadaikapravaNo niraikShata || 48\-3
bhiyA priyAlokamupAttavAsasaM puro nirIkShyApi madAndhachetasau |
imau bhavadbhaktyupashAntisiddhaye munirjagau shAntimR^ite kutassukham || 48\-4
yuvAmavAptau kakubhAtmatAM chiraM hariM nirIkShyAtha padaM svamApnutam |
itIritau tau bhavadIkShaNaspR^ihAM gatau vrajAnte kakubhau babhUvatuH || 48\-5
atandramindradR^iyugaM tathAvidhaM sameyuShA mantharagAminA tvayA |
tirAyitolUkhalarodhanirdhutau chirAya jIrNau paripAtitau tarU || 48\-6
abhAji shAkhidvitayaM yadA tvayA tadaiva tadgarbhatalAnnireyuShA |
mahAtviShA yakShayugena tatkShaNAdabhAji govinda bhavAnapi stavaiH || 48\-7
ihAnyabhakto.api sameShyati kramAdbhavantametau khalu rudrasevakau |
muniprasAdAdbhavada~N{}ghrimAgatau gatau vR^iNAnau khalu bhaktimuttamAm || 48\-8
tatastarUddAraNadAruNAravaprakampisampAtini gopamaNDale |
vilajjitatvajjananImukhekShiNA vyamokShi nandane bhavAnvimokShadaH || 48\-9
mahIruhormadhyagato batArbhako hareH prabhAvAdaparikShato.adhunA |
iti bravANairgamito gR^ihaM bhavAnmarutpurAdhIshvara pAhi mAM gadAt || 48\-10

\medskip\hrule\medskip
##        49 Journey To Vrindavana##
bhavatprabhAvAvidurA hi gopAstaruprapAtAdikamatra goShThe |
ahetumutpAtagaNaM visha~Nkya prayAtumanyatra mano vitenuH || 49\-1||
tatropanandAbhidhagopavaryo jagau bhavatpreraNayaiva nUnam |
itiH pratIchyAM vipinaM manoj~naM bR^indAvanaM nAma virAjatIti || 49\-2
bR^ihadvanaM tatkhalu nandamukhyA vidhAya gauShThInamatha kShaNena |
tvadanvitatvajjananIniviShTagariShThayAnAnugatA vicheluH || 49\-3||
anomanoj~nadhvanidhenupALIkhurapraNAdAntarato vadhUbhiH |
bhavadvinodAlapitIkSharANi prapIya nAj~nAyata mArgadairghyam || 49\-4
nirIkShya bR^indAvanamIsha nandatprasUnakundapramukhadrumaugham |
amodathAshshAdvalasAndralakShmyA harinmaNIkuTTimapuShTashobham || 49\-5
navAkanirvyuDhanivAsabhedeShvasheShagopeShu sukhAsiteShu |
vanashriyaM gopakishorapAlIvimishritaH paryagalokathAstvam || 49\-6
arALamArgAgatanirmalApAM marALakujAkR^itanarmalApAm |
nirantarasmerasarojavaktrAM kaLindakanyAM samalokayastvam || 49\-7||
mayUrakekAshatalobhanIyaM myUkhamIlashabaLaM maNInAm |
viri~nchalokaspR^ishamuchchashR^i~NgairgiriM cha govardhanamaikShathAstvam || 49\-8
samaM tato gopakumArakaistvaM samantato yatra vanAntamAgAH |
tatastatastAM kR^iTilAmapashyaH kaLindajAM rAgavatImivaikAm || 49\-9
tathAvidhe.asminvipine pashavye samutsuko vatsagaNaprachAre |
charansarAmo.atha kumArakaistvaM samIragehAdhipa pAhi rogAt || 49\-10

\medskip\hrule\medskip
##        50 Slaying Of Vaatsasura And Bakaasura##
taralamadhukR^idvR^inde bR^indAvane.atha manohare
pashupashishubhissAkaM vatsAnupAlanalolupaH |
haladharasakho deva shrIman vicheritha dhArayan
gavalamuraLIvetraM netrAbhirAmatanudyutiH || 50\-1||
vihitajagatIrakShaM lakShmIkarAmbujalALitaM
dadati charaNadvandvaM bR^indAvane tvayi pAvane |
kimiva na babhau sampatsampUritaM taruvallarI\-
saliladharaNIgotrakShetrAdikaM kamalApate || 49\-2||
vilasadulape kAntArAnte samIraNashItaLe
vipulayamunAtIre govardhanAchalamUrdhasu |
laLitamuraLInAdassa~nchArayankhalu vAtsakaM
kvachana divase daityaM vatsAkR^itiM tvamudaikShathAH || 50\-3||
rabhasavilasatpuchChaM vichChAyato.asya vilokayan
kimapi valitaskandhaM randhrapratIkShamudIkShitam |
tamatha charaNe bibhradvibhrAmayanmuhuruchchakaiH
kuhachana mahAvR^ikShe chikShepitha kShatajIvitam || 50\-4||
nipatati mahAdaitye jAtyA durAtmani tatkShaNaM
nipatanajavakShuNNakShoNIruhakShatakAnane |
divi paramiLad{}vR^indA bR^indArakAH kusumotkaraiH
shirasi bhavato harShAdvarShanti nAma tadA hare || 50\-5||
surabhilatamA mUrdhanyUrdhvaM kutaH kusumAvalI
nipatati tavetyukto bAlaiH sahelamudairayaH |
jhaTiti danujakShepeNordhvaM gatastarumaNDalAt
kusumanikarasso.ayaM nUnaM sameti shanairiti || 50\-6||
kvachana divase bhUyo bhUyastareparuShAtape
tapanatanayApAthaH pAtuM gatA bhavadAdayaH |
chalitagarutaM prekShAmAsurbakaM khalu vismR^itaM
kShitidharagaruchChede kailAsashailamivAparam || 50\-7||
pibati salilaM gopavrAte bhavanatamabhidrutaH
sa kila nigilannagniprakhyaM punardrutamudvaman |
dalayitumagAttroTyAH koTyA tadA yu bhavAnvibho
khalajanabhidAchu~nchushcha~nchU pragR^ihya dadAra tam || 50\-8||
sapadi sahajAM sandraShTuM vA mR^itAM khalu pUtanA\-
manujamaghamapyagre gatvA pratIkShitumeva vA |
shamananilayaM yAte tasminbake sumanogaNe
kirati sumanobR^indaM bR^indAvanAdgR^ihamaiyathAH || 50\-9||
laLitamuraLInAdaM dUrAnnishamya vadhUjanai\-
stvaritamupagamyArAdArUDhamodamudIkShitaH |
janitajananInandAnandassamIraNamandira\-
prathitavasate shaure dUrIkuruShva mamAmayAn || 50\-10||
\medskip\hrule\medskip
##        51 The Slaying Of Aghaasura ##
kadAchana vrajashishubhiH samaM bhavAn vanAshane vihitamatiH pragetarAm |
samAvR^ito bahutaravatsamaNDalaiH satemanairniragamadIsha jemanaiH || 51\-1
viniryatastava charaNAmbujadvayAduda~nchitaM tribhuvanapAvanaM rajaH |
maharShayaH pulakadharaiH kalebarairudUhire dhR^itabhavadIkShaNotsavAH || 51\-2
prachArayatyaviralashAdvale tale pashUnvibho bhavati samaM kumArakaiH |
aghAsuro nyaruNadaghAya vartanIM bhayAnakaH sapadi shayAnakAkR^itiH || 51\-3
mahAchalapratimatanorguhAnibhaprasAritaprathitamukhasya kAnane |
mukhodaraM viharaNakautukAdgatAH kumArakAH kimapi vidUrage tvayi || 51\-4
pramAdataH pravishati pannagodaraM kvathattanau pashupakule savAtsake |
vidannidaM tvamapi viveshitha prabho suhR^ijjanaM visharaNamAshu rakShitum || 51\-5
gaLodare vipulitavarShmaNA tvayA mahorage luThati niruddhamArute |
drutaM bhavAnvidalitakaNThamaNDalo vimochayanpashupashUn viniryayau || 51\-6
kShaNaM divi tvadupagamArthamAsthitaM mahAsuraprabhavamaho maho mahat |
vinirgate tvayi tu nilInama~njasA nabhaHsthale nanR^ituratho jagussurAH || 51\-7
savismayaiH kamalabhavAdibhiH surairanudR^itastadanu gataH kumArakaiH |
dine punastaruNadashAmupeyuShi svakairbhavAnatanuta bhojanotsavam || 51\-8
viShANikAmapi muraLIM nitambake niveshayankabaLadharaH karAmbuje |
prahAsayankalavachanaiH kumArakAn bubhojitha tridashagaNairmudA nutaH || 51\-9
sukhAshanaM tviha tava gopamaNDale makhAshanAtpriyamiva devamaNDale |
iti stutastridashavarairjagatpate marutpurInilaya gadAtprapAhi mAm || 51\-10

\medskip\hrule\medskip
##        52 The Stealing Of The Calves By Brahma ##
anyAvatAranikareShvanirIkShitaM te
bhUmAtirekamabhivIkShya tadAghamokShe |
brahmA parIkShitumanAH sa parokShabhAvaM
ninye.atha vatsakagaNAnpravitatya mAyAm || 52\-1||
vatsAnavIkShya vivashe pashupotkare tA\-
nAnetukAma iva dhAtR^imatAnuvartI |
tvaM sAmibhuktakabaLo gatavAMstadAnIM
bhuktAMstirodhita sarojabhavaH kumArAn || 52\-2||
vatsAyitastadanu gopagaNAyitastvaM
shikyAdibhANDamuraLIgavalAdirUpaH |
prAgvadvihR^itya vipineShu chirAya sAyaM
tvaM mAyayAtha bahudhA vrajamAyayAtha || 52\-3||
tvAmeva shikyAgavalAdimayaM dadhAno
bhUyastvameva pashuvatsakabAlarUpaH |
gorUpiNIbhirapi gopavadhUmayIbhi\-
rAsAdito.asi jananIbhiratipraharShAt || 52\-4||
jIvaM hi ki~nchidabhimAnavashAtsvakIyaM
matvA tanUja iti rAgabharaM vahantyaH |
AtmAnameva tu bhavantamavApya sUnuM
prItiM yayurna kiyatIM vanitAshcha gAvaH || 52\-5||
evaM pratikShaNavijR^imbhitaharShabhAra\-
nishsheShagopagaNalAlitabhUrimUrtim |
tvAmagrajo.api bubudhe kila vatsarAnte
brahmAtmanorapi mahAnyuvayorvisheShaH || 52\-6||
varShAvadhau navapurAtanavatsapAlAn
dR^iShTvA vivekamasR^iNe druhiNe vimUDhe |
prAdIdR^ishaH pratinavAnmakuTAngadAdi\-
bhUShAMshchaturbhujayujaH sajalAmbudAbhAn || 52\-7||
pratyekameva kamalAparilAlitA~NgAn
bhogIndrabhogashayanAnnayanAbhirAmAn |
lIlAnimIlitadR^ishaH sanakAdiyogi\-
vyAsevitAnkamalabhUrbhavato dadarsha || 52\-8||
nArAyaNAkR^itimasaMkhyatamAnnirIkShya
sarvatra sevakamapi svamavekShya dhAtA |
mAyAnimagnahR^idayo vimumoha yAva\-
deko babhUvitha tadA kabaLArdhapANiH || 52\-9||
nashyanmade tadanu vishvapatiM muhustvAM
natvA cha nUtavati dhAtari dhAma yAte |
potaiH samaM pramuditaiH pravishanniketaM
vAtAlayAdhipa vibho paripAhi rogAt || 52\-10||

\medskip\hrule\medskip
##        53 The Slaying Of Dhenukasura ##
atItya bAlyaM jagatAM pate tvam upetya paugaNDavayo manoj~nam |
upekShya vatsAvanamutsavena prAvartathA gogaNapAlanAyAm || 53\-1||
upakramasyAnuguNaiva seyaM marutpurAdhIsha tava pravR^ittiH |
gotrAparitrANakR^ite.avatINastadeva devA.a.arabhathAstadA yat || 53\-2
kadApi rAmeNa samaM vanAnte vanashriyaM vIkShya charansukhena |
shrIdAmanAmnaH svasakhasya vAchA modAdagA dhenukakAnanaM tvam || 53\-3
uttAlatAlInivahe tvaduktyA balena dhUte.atha balena dorbhyAm |
mR^iduH kharashchAbhyapatatpurastAt phalotkaro dhenukadAnavo.api || 53\-4
samudyato dhainukapAlane.ahaM vadhaM kathaM dhainukamadya kurve |
itIva matvA dhruvamagrajena suraughayoddhAramajIghatastvam || 53\-5
tadIyabhR^ityAnapi jambukatvenopAgatAnagrajasaMyutastvam |
jambUphalAnIva tadA nirAsthastAleShu khelanbhagavan nirAsthaH || 53\-6
vinighnati tvayyatha jambukaughaM sanAmakatvAdvaruNastadAnIm |
bhayAkulo jambukanAmadheyaM shrutiprasiddhaM vyadhiteti manye || 53\-7
tavAvatArasya phalaM murAre sa~njAtamadyeti surairnutastvam |
satyaM phalaM jAtamiheti hAsI bAlaiH samaM tAlaphalAnyabhu~NkthAH || 53\-8
madhudravasrunti bR^ihanti tAni phalAni medobharabhR^inti bhuktvA |
tR^iptaishcha dR^iptairbhavanaM phalaughaM vahadbhirAgAH khalu bAlakaistvam || 53\-9
hato hato dhenuka ityupetya phalAnyadadbhirmadhurANi lokaiH |
jayeti jIveti nuto vibho tvaM marutpurAdhIshvara pAhi rogAt || 53\-10

\medskip\hrule\medskip
##        54 The Reason For Kaliya Coming To The Yamuna ##
tvatsevotkaH saubhArirnAma pUrvaM kAlindyantardvAdashAbdaM tapasyan |
mInavrAte snehavAnbhogalole tArkShyaM sAkShAdaikShatAgre kadAchit || 54\-1
tvadvAhaM taM sakShudhaM tR^ikShasUnuM mInaM ka~nchijjakShataM lakShayan saH |
taptashchitte shaptavAnatra chettvaM jantUn bhoktA jIvitaM chApi moktA || 54\-2
tasminkAle kAiyaH kShveLadarpAtsarpArAteH kalpitaM bhAgamashnan |
tena krodhAttvatpadAmbhojabhAjA pakShakShiptastaddurApaM payo.agAt || 54\-3
ghore tasminsUrajAnIravAse tIre vR^ikShA vikShatAH kShveLavegAt |
pakShivrAtAH peturabhre patantaH kAruNyArdraM tvanmanastena jAtam || 54\-4
kAle tasminnekadA sIrapANiM muk{}tvA yAte yAmunaM kAnanAntam |
tvayyuddAmagrIShmabhIShmoShmataptA gogopAlA vyApiban kShveLatoyam || 54\-5
nashyajjIvAn vichyutAn kShmAtale tAn vishvAn pashyannachyuta tvaM dayArdraH |
prApyopAntaM jIvayAmAsitha drAk pIyUShAmbhovarShibhiH shrIkaTAkShaiH || 54\-6
kiM kiM jAto harShavarShAtirekaH sarvA~NgeShvityutthitA gopasa~NghAH |
dR^iShTvA.agre tvAM tvatkR^itaM tadvidantastvAmAli~Ngan dR^iShTanAnAprabhAvAH || 54\-7
gAvashchaivaM labdhajIvAH kShaNena sphItAnandAstvAM cha dR^iShTvA purastAt |
drAgAvavruH sarvato harShabAShpaM vyAmu~nchantyo mandamudyanninAdAH || 54\-8
romA~ncho.ayaM sarvato naH sharIre bhUyasyantaH kAchidAnandamUrChA |
Ashcharyo.ayaM kShveLavego mukundetyukto gopairnandito vandito.abhUH || 54\-9
evaM bhaktAnmuktajIvAnapi tvaM mugdhApA~NkairastarogAMstanoShi |
tAdR^igbhUtasphItakAruNyabhUmA rogAtpAyA vAyugehAdhinAtha || 54\-10

\medskip\hrule\medskip
##        55 Krishna's Dance On Kaliya ##
atha vAriNi ghorataraM phaNinaM prativArayituM kR^itadhIrbhagavan |
drutamAritha tIraganIpataruM viShamArutashoShitaparNachayam || 55\-1
adhiruhya padAmburuheNa cha taM navapallavatulyamoj~naruchA |
hR^idavAriNi dUrataraM nyapataH parighUrNitaghoratara~NgagaNe || 55\-2
bhuvanatrayabhArabhR^ito bhavato gurubhAravikrampivijR^imbhijalA |
parimajjayati sma dhanuHshatakaM taTinI jhaTiti sphuTaghoShavatI || 55\-3
atha dikShu vidikShu parikShubhitabhramitodaravArininAdabharaiH |
udakAdudagAduragAdhipatistvadupAntamashAntaruShAndhamanAH || 55\-4||
phaNashR^i~NgasahasravinissR^imarajvaladagnikaNograviShAmbudharam |
purataH phaNinaM samalokayathA bahushR^i~NgiNama~njanashailamiva || 55\-5
jvaladakShiparikSharadugraviShashvasaniShmabharaH sa mahAbhujagaH |
paridashya bhavantamanantabalaM samaveShTayadasphuTacheShTamaho || 55\-6
avilokya bhavantamathAkulite taTagAmini bAlakadhenugaNe |
vrajagehatale.apyanimittashataM samudIkShya gatA yamunAM pashupAH || 55\-7
akhileShu vibho bhavadIyadashAmavalokya jihAsuShu jIvabharam |
phaNibandhanamAshu vimuchya javAdudagamyata hAsajuShA bhavatA || 55\-8
adhiruhya tataH phaNirAjaphaNAnnanR^ite bhavatA mR^idupAdaruchA |
kalashi~nchitanUpurama~nchumilatkaraka~NkaNasaMkulasaMkvaNitam || 55\-9
jahR^iShuH pashupAstutuShurmunayo vavR^iShuH kusumAni surendragaNAH |
tvayi nR^ityati mArutagehapate paripAhi sa mAM tvamadAntagadAt || 55\-10

\medskip\hrule\medskip
##        56 The Lord Blesses Kaliya ##
ruchirakampitakuNDalamaNDalaH suchiramIsha nanartitha pannage |
amaratADitadundubhisundaraM viyati gAyati daivatayauvate || 56\-1||
namati yadyadamuShya shiro hare parivihAya tadunnatamunnatam |
parimathanpadapa~NkaruhA chiraM vyaharathAH karatALamanoharam || 56\-2
tvadavabhagnavibhugnaphaNAgaNe galitashoNitashoNitapAthasi |
phaNipatAvavasIdati sannatAstadabalAstava mAdhava pAdayoH || 56\-3||
ayi puraiva chirAya parishrutatvadanubhAvavilInahR^ido hi tAH |
munibhirapyanavAShyapathaiH stavairnunuvurIsha bhavantamayantritam || 56\-4
phaNivadhUjanabhaktivilokanapravikasatkaruNAkulachetasA |
phaNipatirbhavatAchyuta jIvitastvaji samarpitamUrtiravAnamat || 56\-5
ramaNakaM vraje vAridhimadhyagaM phaNiripurna karoti virodhitAm |
iti bhavadvachanAnyatimAnayan phaNipatirniragAduragaiH samam || 56\-6
phaNivadhUjanadattamaNivrajajvalitahAradukUlavibhUShitaH |
taTagataiH pramadAshruvimishritaiH samagathAH svajanairdivasAvadhau || 56\-7
nishi punastamasA vrajamandiraM vrajitumakShama eva janotkare |
svapati tatra bhavachcharaNAshraye davakR^ishAnurarundha samantataH || 56\-8
prabudhitAnatha pAlaya pAlayetyudayadArtaravAn pashupAlakAn |
avitumAshu papAtha mahAnalaM kimiha chitramayaM khalu te mukham || 56\-9
shikhina varNata eva hi pItatA parilasatyudhanA kriyayA.apyasau |
iti nutaH pashupairmuditairvibho hara hare duritaiH saha me gadAn || 56\-10

\medskip\hrule\medskip
##        57 The Slaying Of Pralambasura ##
rAmasakhaH kvApi dine kAmada bhagavan gato bhavAnvipinam |
sUnubhirapi gopAnAM dhenubhirabhisaMvR^ito lasadveShaH || 57\-1||
sandarshayanbalAya svairaM bR^indAvanashriyaM vimalAm |
kANDIraiH saha bAlairbhANDIrakamAgamo vaTaM krIDan || 57\-2||
tAvattAvakanidhanaspR^ihayAlurgopamUrtiradayAluH |
daityaH pralambanAmA pralambabAhuM bhavantamApede || 57\-3||
jAnannapyavijAnanniva tena samaM nibaddhasauhArdaH |
vaTanikaTe paTupashupavyAbaddhaM dvandvayuddhamArabdhAH || 57\-4||
gopAnvibhajya tanvansa~NghaM balabhadrakaM bhavatkamapi |
tvadbalabhIruM daityaM tvadbalagatamanvamanyathA bhagavan || 57\-5||
kalpitavijetR^ivahane samare parayUthagaM svadayitataram |
shrIdAmAnamadhatthAH parAjito bhaktadAsatAM prathayan || 57\-6||
evaM bahuShu vibhUman bAleShu vahatsu vAhyamAneShu |
rAmavijitaH pralambo jahAra taM dUrato bhavadbhItyA || 57\-7||
tvaddUraM gamayantaM taM dR^iShTvA halini vihitagarimabhare |
daityaH svarUpamAgAdyadrUpAtsa hi balo.api chakito.abhUt || 57\-8||
uchchatayA daityatanostvanmukhamAlokya dUrato rAmaH |
vigatabhayo dR^iDhamuShTyA bhR^ishaduShTaM sapadi piShTavAnenam || 57\-9
hatvA dAnavavIraM prAptaM balamAlili~Ngitha premNA |
tAvanmiLatoryuvayoH shirasi kR^itA puShpavR^iShTiramaragaNaiH || 57\-10
Alambo bhuvanAnAM prAlambaM nidhanamevamArachayan |
kAlaM vihAya sadyo lolambaruche hare hareH kleshAn || 57\-11||

\medskip\hrule\medskip
##        58 Rescue From Forest Fire ##
tvayi viharaNalole bAlajAlaiH pralamba\-
pramathanasaviLambe dhenavaH svairachArAH |
tR^iNakutukaniviShTA dUradUraM charantyaH
kimapi vipinamaiShIkAkhyamIShAMbabhUvuH || 58\-1||
anadhigatanidAghakrauryabR^indAvanAntAt
bahiridamupayAtAH kAnanaM dhenavastAH |
tava virahaviShaNNA UShmalagrIShmatApa\-
prasaravisaradambhasyAkulAH stambhamApuH || 58\-2||
tadanu saha sahAyairdUramanviShya shaure
gaLitasaraNimu~njAraNyasa~njAtakhedam |
pashukulamabhivIkShya kShipramAnetumArAt
tvayi gatavati hI hI sarvato.agnirjajR^imbhe || 58\-3||
sakalahariti dIpte ghorabhA~NkArabhIme
shikhini vihatamArgA ardhadagdhA ivArtAH |
ahaha bhuvanabandho pAhi pAhIti sarve
sharaNamupagatAstvAM tApahartAramekam || 58\-4||
alamalamatibhItya sarvato mIlayadhvaM
bhR^ishamiti tava vAchA mIlitAkSheShu teShu |
kvanu davadahano.asau kutra mu~njATavI sA
sapadi vavR^itire te hanta bhaNDIradeshe || 58\-5||
jaya jaya tava mAyA keyamIsheti teShAM
nutibhiruditahAso badvanAnAvilAsaH |
punarapi vipinAnte prAcharaH pATalAdi\-
prasavanikaramAtragrAhyagharmAnubhAve || 58\-6||
tvayi vimukhavimochchaistApabhAraM vahantaM
tava bhajanavadantaH pa~NkamuchChoShayantam |
tava bhujavaduda~nchat bhUritejaHpravAhaM
tapasamayamanaiShIryAmuneShu sthaleShu || 58\-7||
tadanu jaladajAlaistvadvapustulyabhAbhi\-
rvikasadamalavidyUtpItavAsovilAsaiH |
sakalabhuvanabhAjAM harShadAM varShavelAM
kShitidharakuhareShu svairavAsI vyanaiShIH || 58\-8||
kuharatalaniviShTaM tvAM gariShThaM girIndraH
shikhikulanavakekAkAkubhiH stotrakArI |
sphuTakuTajakadambastomapuShpA~njaliM cha
pravidadhadanubheje deva govardhano.asau || 58\-9||
atha sharadamupetAM tAM bhavadbhaktacheto\-
vimalasalilapUrAM mAnayankAnaneShu |
tR^iNAmamalavanAnte chAru sa~nchArayan gAH
pavanapurapate tvaM dehi me dehasaukhyam || 58\-10||

\medskip\hrule\medskip
##        59 Krishna Playing The Flute ##
tvadvapurnavakalAyakomaLaM premadohanamasheShamohanam |
brahmA tattvaparachinmudAtmakaM vIkShya sammumuhuranvahaM striyaH || 59\-1
manmathonmathitamAnasAH kramAttvadvilokanaratAstatastataH |
gopikAstava na sehire hare kAnanopagatimapyaharmukhe | | 59\-2
nirgate bhavati dattadR^iShTayastvadgatena manasA mR^igekShaNAH |
veNunAdamupakarNya dUratastvadvilAsakathayAbhiremire || 59\-3||
kAnanAntamitavAnbhavAnapi snigdhapAdapatale manorame |
vyatyayAkalitapAdamAsthitaH pratyapUrayata veNunALikAm || 59\-4||
mArabANadhutakhecharIkulaM nirvikArapashupakShimaNDalam |
drAvaNaM cha dR^iShadAmapi prabho tAvakaM vyajani veNukUjitam || 59\-5
veNurandhrataralA~NgulIdalaM tALasa~nchalitapAdapallavam |
tatsthitaM tava parokShamapyaho saMvichintya mumuhurvrajA~NganAH || 59\-6
nirvisha~Nkabhavada~NgadarshinIH khecharIH khagamR^igAnpashUnapi |
tvatpadapraNayi kAnanaM cha tAH dhanyadhanyamiti nanvamAnayan || 59\-7
ApiSheyamadharAmR^itaM kadA veNubhuktarasasheShamekadA |
dUrato bata kR^itaM durAshayetyAkulA muhurimAH samAmuhan || 59\-8||
pratyahaM cha punaritthama~NganAshchittayonijanitAdanugrahAt |
baddharAgavivashAstvayi prabho nityamApuriha kR^ityamUDhatAm || 59\-9
rAgastAvajjAyate hi svabhAvAnmokShopAye yatnataH syAnna vA syAt |
tAsAM tvekaM taddvayaM labdhamAsIdbhAgyaM bhAgyaM pAhi mAM mArutesha || 59\-10

\medskip\hrule\medskip
##        60 Stealing The Clothes Of The Gopikas ##
madanAturachetaso.anvahaM bhavada~NghridvayadAsyakAmyayA |
yamunAtaTasImni saikatIM taraLAkShyo girijAM samArchichan || 60\-1||
tava nAmakathAratAH samaM sudR^ishaH prAtarupAgatAH nadIm |
upahArashatairapUjayan dayito nandasuto bhavediti || 60\-2||
iti mAsamupAhitavratAstaraLAkShIrabhivIkShya tA bhavAn |
karuNAmR^idulo nadItaTaM samayAsIttadanugrahechChayA || 60\-3||
niyamAvasitau nijAmbaraM taTasImanyavamuchya tAstadA |
yamunAjalakhelanAkulAH puratastvAmavalokya lajjitAH || 60\-4||
trapayA namitAnanAsvatho vanitAsvambarajAlamantike |
nihitaM parigR^ihya bhUruho viTapaM tvaM tarasAdhirUDhavAn || 60\-5
iha tAvadupetya nIyatAM vasanaM vaH sudR^isho yathAyatham |
iti narmamR^idusmite tvayi vruvati vyAmumuhe vadhUjanaiH || 60\-6||
ayi jIva chiraM kishora nastava dAsIravashIkaroShi kim |
pradishAmbaramambujekShaNetyuditastvaM smitameva dattavAn || 60\-7||
adhiruhya taTaM kR^itA~njalIH parishuddhAH svagatIrnirIkShya tAH |
vasanAnyakhilAnyanugrahaM punarevaM giramapyadA mudA || 60\-8||
viditaM nanu vo manIShitaM vaditArastviha yogyamuttaram |
yamunApuline sachandrikAH kShaNadA ityabalAstvamUchivAn || 60\-9||
upakarNya bhavanmukhachyutaM madhuniShyandi vacho mR^igIdR^ishaH |
praNayAdayi vIkShya vIkShya te vadanAb{}jaM shanakairgR^ihaM gatAH || 60\-10
iti nanvanugR^ihya ballavIrvipinAnteShu pureva sa~ncharan |
karuNAshishiro hare hara tvarayA me sakalAmayAvalim || 60\-11||
\medskip\hrule\medskip
##        61 Blessing The Wives Of The Performers Of Vedic Sacrifices ##
tatashcha vR^indAvanato.atidUrato vanaM gatastvaM khalu gopagokulaiH |
hR^idantare bhaktataradvijA~NganAkadambakAnugrahaNAgrahaM vahan || 61\-1
tato nirIkShyAsharaNe vanAntare kishoralokaM kShudhitaM tR^iShAkulam |
adUrato yaj~naparAn dvijAnprati vyasarjayo dIdiviyAchanAya tAn || 61\-2
gateShvatho teShvabhidhAya te.abhidhAM kumArakeShvodanayAchiShu prabho |
shrutisthirA apyabhinindyurashrutiM na ki~nchidUchushcha mahIsurottamAH || 61\-3
anAdarAt khinnadhiyo hi bAlakAH samAyayuryuktamidaM hi yajvasu |
chirAdabhaktAH khalu te mahIsurAH kathaM hi bhaktaM tvayi taiH samarpyate || 61\-4
nivedayadhvaM gR^ihiNIjanAya mAM disheyurannaM karuNAkulA imAH |
iti smitArdraM bhavateritA gatAste dArakA dArajanaM yayAchire || 61\-5
gR^ihItanAmni tvayi sambhramAkulAshchaturvidhaM bhojyarasaM pragR^ihya tAH |
chiraM dhR^itatvatpravilokanAgrahAH svakairniruddhA api tUrNamAyayuH || 61\-6
vilolapi~nChaM chikure kapolayoH samullasatkuNDalamArdramIkShite |
nidhAya bAhuM suhR^idaMsasImani sthitaM bhavantaM samalokayanta tAH || 61\-7
tadA cha kAchittvadupAgamodyatA gR^ihItahastA dayitena yajvanA |
tadaiva sa~nchintya bhavantama~njasA vivesha kaivalyamaho kR^itinyasau || 61\-8
AdAya bhojyAnyanugR^ihya tAH punastvada~Ngasa~NgaspR^ihayojjhatIrgR^iham |
vilokya yaj~nAya visarjayannimAshchakartha bhartR^Inapi tAsvagarhaNAn || 61\-9
nirUpya doShaM nijama~NganAjane vilokya bhaktiM cha punarvichAribhiH |
prabuddhatattvaistvamabhiShTuto dvijairmarutpurAdhIsha nirundhi me gadAn || 61\-10

\medskip\hrule\medskip
##        62 The Blocking Of The Sacrifice To Indra ##
kadAchidgopAlAn vihitamakhasambhAravibhavAn
nirIkShya tvaM shaure maghavamadamudhvaMsitumanAH |
vijAnannapyetAn vinayamR^idu nandAdipashupA\-
napR^ichChaH ko vAyaM janaka bhavatAmudyama iti || 62\-1||
babhAShe nandastvAM suta nanu vidheyo maghavato
makho varShe varShe sukhayati sa varSheNa pR^ithivIm |
nR^iNAM varShAyattaM nikhilamupajIvyaM mahitale
visheShAdasmAkaM tR^iNasalilajIvA hi pashavaH || 62\-2||
iti shrutvA vAchaM piturayi bhavAnAha sarasaM
dhigetanno satyaM maghavajanitA vR^iShTiriti yat |
adR^iShTaM jIvAnAM sR^ijati khalu vR^iShTiM samuchitAM
mahAraNye vR^ikShAH kimiva balimindrAya dadate || 62\-3||
idaM tAvatsatyaM yadiha pashavo naH kuladhanaM
tadAjIvyAyAsau balirachalabhartre samuchitaH |
surebhyo.apyutkR^iShTA nanu dharaNidevAH kShititale
tataste.apyArAdhyA iti jagaditha tvaM nijajanAm || 62\-4||
bhavadvAchaM shrutvA bahumatiyutAste.api pashupA
dvijendrAnarchanto balimadaduruchchaiH kShitibhR^ite |
vyadhuH prAdakShiNyaM subhR^ishamanamannAdarayutA\-
stvamAdaH shailAtmA balimakhilamAbhIrapurataH || 62\-5||
avochashchaivaM tAnkimiha vitathaM me nigaditaM
girIndro nanveShu svabalimupabhU~N{}kte svavapuShA |
ayaM gotro gotradviShi cha kupite rakShitumalaM
samastAnityuktA jahR^iShurakhilA gokulajuShaH || 62\-6||
pariprItAH yAtAH khalu bhavadupetA vrajajuSho
vrajaM yAvattAvannijamakhavibha~NgaM nishamayan |
bhavantaM jAnannapyadhikarajasAkrAntahR^idayo
na sehe devendrastvaduparachitAtmonnatirapi || 62\-7||
manuShyatvaM yAto madhubhidapi deveShvavinayaM
vidhatte chennaShTastridashasadasAM ko.api mahimA |
tatashcha dhvaMsiShye pashupahatakasya shriyamiti
pravR^ittastvAM jetuM sa kila maghavA durmadanidhiH || 62\-8||
tvadAvAsaM hantuM pralayajaladAnambarabhuvi
prahiNvan bibhrANaH kulishamayamabhrebhagamanaH |
pratasthe.anyairantardahanamarudAdyairvihasito
bhavanmAyA naiva tribhuvanapate mohayati kam || 62\-9||
surendraH kruddhashchet dvijakaruNayA shailakR^ipayA\-
pyanAta~Nko.asmAkaM niyata iti vishvAsya pashupAn |
aho kiM nAyAto giribhiditi sa~nchintya nivasan
marudgehAdhIsha praNuda muravairin mama gadAn || 62\-10||
\medskip\hrule\medskip
##        63 Holding Up The Govardhana Mountain ##
dadR^ishire kila tatkShaNamakShatastanitajR^imbhitakampitadiktaTAH |
suShamayA bhavada~NgatulAM gatA vrajapadopari vAridharAstvayA || 63\-1
vipulakarakamishraistoyadhArAnipAtai\-
rdishi dishi pashupAnAM maNDale daNDyamAne |
kupitaharikR^itAnnaH pAhi pAhIti teShAM
vachanamajita shruNvanmA bibhItetyabhANIH || 63\-2||
kula iha khalu gotro daivataM gotrashatro\-
rvihatimiha sa rundhyAtko nuH vaH saMshaayo.asmin |
iti sahasitavAdI deva govardhanAdriM
tvaritamudamumUlo mUlato bAla dorbhyAm || 63\-3||
tadanu girivarasya proddhR^itasyAsya tAvat
sikatilamR^idudeshe dUrato vAritApe |
parikaraparimishrAndhenugopAnadhastA\-
dupanidadhadadhatthA hastapadmena shailam || 63\-4||
bhavati vidhR^itashaile bAlikAbhirvayasyai\-
rapi vihitavilAsaM keLilApAdilole |
savidhamilitadhenUrekahastena kaNdU\-
yati sati pashupAlAstoShamaiShanta sarve || 63\-5||
atimahAn girireSha tu vAmake karasaroruhi taM dharate chiram |
kimidamadbhutamadribalanviti tvadavalokibhirAkathi gopakaiH || 63\-6
ahaha dhArShTyamamuShya vaTorgiriM vyathitabAhurasAvavaropayet |
iti haristvayi baddhavigarhaNo divasasaptakamugramavarShayat || 63\-7
achalati tvayi deva padAtpadaM galitasarvajale cha ghanotkare |
apahR^ite marutA marutAM patistvadabhisha~NkitadhIH samupAdravat || 63\-8
shamamupeyuShi varShabhare tadA pashupadhenukule cha vinirgate |
bhuvi vibho samupAhitabhUdharaH pramuditaiH pashupaiH parirebhiShe || 63\-9
dharaNimeva purA dhR^itavAnasi kShitidharoddharaNe tava kaH shramaH |
iti nutastridashaiH kamalApate gurupurAlaya pAlaya mAM gadAt || 63\-10

\medskip\hrule\medskip
##        64 Crowning As Govinda ##
Alokya shailoddharaNAdirUpaM prabhAvamuchchaistava gopalokAH |
vishveshvaraM tvAmabhimatya vishve nandaH bhavajjAtakamanvapR^ichChan || 64\-1
gargodito nirgadito nijAya vargAya tAtena tava prabhAvaH |
pUrvAdhikstvayyanurAga eShAmaidhiShTa tAvadbahumAnabhAraH || 64\-2||
tato.avamAnoditatattvabodhaH surAdhirAjaH saha divyagavyA |
upetya tuShTAva sa naShTagarvaH spR^iShTvA padAb{}jaM maNimaulinA te || 64\-3
snehastunaistvAM surabhiH payobhirgovindanAmA~NkitamabhyaShi~nchat |
airAvatopAhR^itadivyaga~NgApAthobhirindro.api cha jAtaharShaH || 64\-4
jagattrayeshe tvayi gokulesha tathA.abhiShikte sati gopavATaH |
noke.api vaikuNThapade.apyalabhyAM shriyaM prapede bhavataH prabhAvAt || 64\-5
kadAchidantaryamunaM prabhAte snAyan pitA vAruNapUruSheNa |
nItastamAnetumagAH purIM tvaM tAM vAruNIM kAraNamartyarUpaH || 64\-6
sasambhramaM tena jalAdhipena prapUjitastvaM pratigR^ihya tAtam |
upAgatastatkShaNamAtmagehaM pitA.avadattachcharitaM nijebhyaH || 64\-7
hariM vinishchitya bhavantametAn bhavatpadAlokanabaddhatR^iShNAn |
nirIkShya viShNo paramaM padaM taddurApamanyaistvamadIdR^ishastAn || 64\-8
sphuratparAnandarasapravAhaprapUrNakaivalyamahApayodhau |
chiraM nimagnAH khalu gopasa~NghAstvayaiva bhUman punaruddhR^itAste || 64\-9
karabadaravadevaM deva kutrAvatAre
nijapadamanavApyaM darshitaM bhaktibhAjAm |
tadiha pashuparUpI tvaM hi sAkShAtparAtmA
pavanapuranivAsin pAhi mAmAmayebhyaH || 64\-10||

\medskip\hrule\medskip
##        65 The Gopikas' Coming To Krishna ##
gopIjanAya kathitaM niyamAvasAne
mArotsavaM tvamatha sAdhayituM pravR^ittaH |
sAndreNa chAndramahasA shishirIkR^itAshe
prApUrayo muralikAM yamunAvanAnte || 65\-1||
sammUrChanAbhiruditasvaramaNDalAbhiH
sammUrChayantamakhilaM bhuvanAntarAlam |
tvadveNunAdamupakarNya vibho taruNya\-
stattAdR^ishaM kamapi chittavimohamApuH || 65\-2||
tA gehakR^ityaniratAstanayaprasaktAH
kAntopasevanaparAshcha saroruhAkShyaH |
sarvaM visR^ijya muralIravamohitAste
kAntAradeshamayi kAntatano sametAH || 65\-3||
kAshchinnijA~NgaparibhUShaNamAdadhAnA
veNupraNAdamupakarNya kR^itArdhabhUShAH |
tvAmAgatA nanu tathaiva vibhUShitAbhya\-
stA eva saMruruchire tava lochanAya || 65\-4||
hAraM nitambabhUvi kAchana dhArayantI
kA~nchIM cha kaNThabhuvi deva samAgatA tvAm |
hAritvamAtmajaghanasya mukunda tubhyaM
vyaktaM babhASha iva mugdhasukhI visheShAt || 65\-5||
kAchitkuche punarasajjitaka~nchulIkA
vyAmohataH paravadhUbhiralakShyamANA |
tvAmAyayau nirupamapraNayAtibhAra\-
rAjyAbhiShekavidhaye kalashIdhareva || 65\-6||
kAshchit gR^ihAt kila niretumapArayantya\-
stvAmeva deva hR^idaye sudR^iDhaM vibhAvya |
dehaM vidhUya parachitsukharUpamekaM
tvAmAvishanparamimA nanu dhanyadhanyAH || 65\-7||
jArAtmanA na paramAtmatayA smarantyo
nAryo gatAH paramahaMsagatiM kShaNena |
tattvAM prakAshaparamAtmatanuM katha~nchi\-
chchitte vahannamR^itamashramamash{}nuvIya || 65\-8||
abhyAgatAbhirabhito vrajasundarIbhi\-
rmugdhasmitArdravadanaH karuNAvalokI |
nissImakAntijaladhistvamavekShyamANo
vishvaikahR^idya hara me paramesha rogAn || 65\-9||

\medskip\hrule\medskip
##        66 Delighting The Gopikas ##
upayAtAnAM sudR^ishAM kusumAyudhabANapAtavivashAnAm |
abhivA~nChitaM vidhAtuM kR^itamatirapi tA jagAtha vAmamiva || 66\-1
gaganagataM muninivahaM shrAvayituM jagitha kulavadhUdharmam |
dharmyaM khalu te vachanaM karma tu no nirmalasya vishvAsyam || 66\-2
AkarNya te pratIpAM vANImeNIdR^ishaH paraM dInAH |
mA mA karuNAsindho parityajetyatichiraM vilepustAH || 66\-3||
tAsAM ruditairlapitaiH karuNAkulamAnaso murAre tvam |
tAbhiH samaM pravR^itto yamunApuLineShu kAmamabhirantum || 66\-4||
chandrakarasyandalasatsundarayamunAtaTAntavIthIShu |
gopIjanottarIyairApAditasaMstaro nyaShIdastvam || 66\-5||
sumadhuranarmAlapanaiH karasaMgrahaNaishcha chumbanollAsaiH |
gADhAli~Nganasa~Ngaistvama~NganAlokamAkulIchakR^iShe || 66\-6||
vAsoharaNadine yadvAsoharaNaM pratishrutaM tAsAm |
tadapi vibho rasavivashasvAntAnAM kAntasubhruvAmadadhAH || 66\-7||
kandaLitadharmaleshaM kundamR^idusmeravak{}trapAthojam |
nandasuta tvAM trijagatsundaramupagUhya nanditA bAlAH || 66\-8||
viraheShva~NgAramayaH shR^i~NgAramayashcha sa~Ngame.api tvam |
nitarAma~NgAramayastatra punaH sa~Ngame.api chitramidam || 66\-9||
rAdhAtu~NgapayodharasAdhuparirambhalolupAtmAnam |
ArAdhaye bhavantaM pavanapurAdhIsha shamaya sakalagadAn || 66\-10||

\medskip\hrule\medskip
##        67 Disappearance Of The Lord Etc ##
sphuratparAnandarasAtmakena tvayA samAsAditabhogalIlAH |
asImamAnandabharaM prapannA mahAntamApurmadamambujAkShyaH || 67\-1||
nilIyate.asau mayi mayyamAyaM ramApatirvishvamanobhirAmaH |
itisma sarvAH kalitAbhimAnA nirIkShya govinda tirohito.abhUH || 67\-2
rAdhAbhidhAM tAvadajAtagarvAmatipriyAM gopavadhUM murAre |
bhavAnupAdAya gato vidUraM tayA saha svairavihArakArI || 67\-3||
tirohite.atha tvayi jAtatApAH samaM sametAH kamalAyatAkShyaH |
vane vane tvAM parimArgayantyo viShAdamApurbhagavannapAram || 67\-4
hA chUta hA champaka karNikAra hA mallike mAlati bAlavallyaH |
kiM vIkShito no hR^idayaikachora ityAdi tAstvatpravaNA vilepuH || 67\-5
nirIkShito.ayaM sakhi pa~NkajAkShaH puro mametyAkulamAlapantI |
tvAM bhAvanAchakShuShi vIkShya kAchittApaM sakhInAM dviguNIchakAra || 67\-6
tvadAtmikAstA yamunAtaTAnte tavAnuchakruH kila cheShTitAni |
vichitya bhUyo.api tathaiva mAnAt tvayA viyuktAM dadR^ishushcha rAdhAm || 67\-7
tataH samaM tA vipine samantAttamovatArAvadhi mArgayantyaH |
punarvimishrA yamunAtaTAnte bhR^ishaM vilepushcha jagurguNAMste || 67\-8
tathAvyathAsaMkulamAnasAnAM vrajA~NganAnAM karuNaikasindho |
jagattrayImohanamohanAtmA tvaM prAdurAsIrayi mandahAsI || 67\-9||
sandigdhasandarshanamAtmakAntaM tvAM vIkShya tanvyassahasA tadAnIm |
kiM kiM na chakruH pramadAtibhArAt sa tvaM gadAtpAlaya mArutesha || 67\-10

\medskip\hrule\medskip
##        68 The Gopikas In The Lord's Company ##
tava vilokanAdgopikAjanAH pramadasaMkulAH pa~NkajekShaNa |
amR^itadhArayaa saMplutA iva stimitatAM dadhustvatpurogatAH || 68\-1
tadanu kAchana tvatkarAmbujaM sapadi gR^ihNatI nirvisha~Nkitam |
ghanapayodhare saMvidhAya sA puLakasaMvR^itA tasthuShI chiram || 68\-2
tava vibho purA komaLaM bhujaM nijagaLAntare paryaveShTayat |
gaLasamudgataM prANamArutaM pratinirundhatIvAtiharShulA || 68\-3||
apagatatrapA kApi kAminI tava mukhAmbujAtpUgacharvitam |
pratigR^ihayya tadvak{}trapa~Nkaje nidadhatI gatA pUrNakAmatAm || 68\-4
vikaruNo vane saMvihAya mAmapagato.asi kA tvAmi spR^ishet |
iti saroShayA tavadekayA sajalalochanaM vIkShito bhavAn || 68\-5||
iti mudAkulairvallavIjanaiH samamupAgato yAmune taTe |
mR^idukuchAmbaraiH kalpitAsane ghusR^iNabhAsure paryashobhathAH || 68\-6
katividhA kR^ipA ke.api sarvato dhR^itadayodayAH kechidAshrite |
katichidIdR^ishA mAdR^isheShvpItyabhihito bhavAnvallavIjanaiH || 68\-7
ayi kumArikA naiva sha~NkyatAM kaThinatA mayi premakAtare |
mayi yu chetaso vo.anuvR^ittaye kR^itamidaM mayetyUchivAnbhavAn || 68\-8
ayi nishamyatAM jIvavallabhAH priyatamo jano nedR^isho mama |
tadiha ramyatAM ramyayAminIShvanuparodhamityAlapo vibho || 68\-9||
iti girAdhikaM modamedurairvrajavadhUjanaiH sAkamAraman |
kalitakautuko rAsakhelane gurupurIpate pAhi mAM gadAt || 68\-10||

\medskip\hrule\medskip
##        69 Raasakreeda ##
keshapAshadhR^itapi~nChikAvitati sa~nchalanmakarakuNDalaM
hArajAlavanamAlikAlalitama~NgarAgaghanasaurabham |
pItacheladhR^itakA~nchikA~nchitamuda~nchadaMshumaNinUpuraM
rAsakeliparibhUShitaM tava hi rUpamIsha kalayAmahe || 69\-1||
tAvadeva kR^itamaNDane kalitaka~nchulIkakuchamaNDale
gaNDalolamaNikuNDale yuvatimaNDale.atha parimaNDale |
antarA sakalasundarIyugalamindirAramaNa sa~ncharan
ma~njuLAM tadanu rAsakelimayi ka~njanAbha samupAdadhAH || 69\-2||
vAsudeva tava bhAsamAnamiha rAsakeLirasasaurabhaM
dUrato.api khalu nAradAgaditamAkalayya kutukAkulAH |
veShabhUShaNavilAsapeshalavilAsinIshatasamAvR^itA
nAkato yugapadAgatA viyati vegato.atha suramaNDalI || 69\-3||
veNunAdakR^itatAnadAnakalagAnarAgagatiyojanA\-
lobhanIyamR^idupAdapAtakR^itatAlamelanamanoharam |
pANisaMkvaNitaka~NkaNaM cha muhuraM salambitakarAmbujaM
shroNibimbachaladambaraM bhajata rAsakeLirasaDambaram || 69\-4||
shraddhayA virachitAnugAnakR^itatAratAramadhurasvare
nartane.atha lalitA~NgahAraluLitA~NgahAramaNibhUShaNe |
sammadena kR^itapuShpavarShamalamunmiShaddiviShadAM kulaM
chinmaye tvayi nilIyamAnamiva saMmumoha savadhUkulam || 69\-5||
svinnasannatanuvallarI tadanu kApi nAma pashupA~NganA
kAntamaMsamavalambate sma tava tAntibhAramukulekShaNA |
kAchidAchalitakuntaLA navapaTIrasAranavasaurabhaM
va~nchanena tava sa~nchuchumba bhujama~nchitorupuLakA~Nkuram || 69\-6
kApi gaNDabhuvi sannidhAya nijagaNDamAkulitakuNDalaM
puNyapUranidhiranvavApa tava pUgacharvitarasAmR^itam |
indirAvihR^itimandiraM bhuvanasundaraM hi naTanAntare
tvAmavApya dadhura~NganAH kimu na sammadonmadadashAntaram || 69\-7||
gAnamIsha virataM krameNa kila vAdyameLanamupArataM
brahmasammadarasAkulAH sadasi kevalaM nanR^itura~NganAH |
nAvidannapi cha nIvikAM kimapi kuntalImapi cha ka~nchulIM
jyotiShAmapi kadambakaM divi vilambitaM kimaparaM bruve || 69\-8||
modasImni bhuvanaM vilApya vihR^itiM samApya cha tato vibho
kelisammR^iditanirmalA~NganavagharmaleshasubhagAtmanAm |
manmathAsahanachetasAM pashupayoShitAM sukR^itachodita\-
stAvadAkalitamUrtirAdadhitha mAravIraparamotsavAn || 69\-9||
keLibhedaparilolitAbhiratilAlitAbhirabalALibhiH
svairamIsha nanu sUrajApayasi chAru nAma vihR^itiM vyadhAH |
kAnane.api cha visArishItalakishoramArutamanohare
sUnasaurabhamaye vilesitha vilAsinIshatavimohanam || 69\-10||
kAminIriti hi yAminIShu khalu kAmanIyakanidhe bhavAn
pUrNasammadarasArNavaM kamapi yogigamyamanubhAvayan |
brahmasha~NkaramukhAnapIha pashupA~NganAsu bahumAnayan
bhaktalokagamanIyarUpa kamanIya kR^iShNa paripAhi mAm || 69\-11||
\medskip\hrule\medskip
##        70 The Salvation Of Sudarsana ##
iti tvayi rasAkulaM ramitavallabhe vallavAH
kadApi punarambikAkamiturambikAkAnane |
sametya bhavatA samaM nishi niShevya divyotsavaM
sukhaM suShuvuragrasId{}vrajapamugranAgastadA || 70\-1||
samunmukhamathonmukairabhihate.api tasminbalA\-
damu~nchati bhavatpade nyapati pAhi pAhIti taiH |
tadA khalu padA bhavAnsamupagamya pasparsha taM
babhau sa cha nijAM tanuM samupasAdya vaidyAdharIm || 70\-2||
sudarshanadhara prabho nanu sudarshanAkhyo.asmyahaM
munInkvachidapAhasaM ta iha mAM vyadhurvAhasam |
bhavatpadasamarpaNAdamalatAM gato.asmItyasau
stuvannijapadaM yayau vrajapadaM cha gopA mudA || 70\-3||
kadApi khalu sIriNA viharati tvayi strIjanai\-
rjahArdhanadAnugaH sa kila sha~NkhachUDo.abalAH |
atidrutamanudrutastamatha muktanArIjanaM
rurojitha shiromaNiM halabhR^ite cha tasyAdadAH || 70\-4||
dineShu cha suhR^ijjanaiH saha vaneShu lIlAparaM
manobhavamanoharaM rasitaveNunAdAmR^itam |
bhavantamamarIdR^ishAmamR^itapAraNAdAyinaM
vichintya kimu nAlapan virahatApitA gopikAH || 70\-5||
bhojarAjabhR^itakastvatha kashchitkaShTaduShTapathadR^iShTirariShTaH |
niShThurAkR^itirapaShThuninAdastiShThate sma bhavate vR^iSharUpI || 70\-6
shAkvaro.atha jagatIdhR^itihArI mUrtimeSha bR^ihatIM pradadhAnaH |
pa~NktimAshu parighUrNya pashUnAM ChandasAM nidhimavApa bhavantam || 70\-7
tu~NgashR^i~NgamukhamAshvabhiyantaM sasaMgR^ihayya rabhasAdabhiyaM tam |
bhadrarUpamapi daityamabhadraM mardayannamadayaH suralokam || 70\-8
chitramadya bhagavan vR^iShaghAtAtsusthirAjani vR^iShasthitirurvyAm |
vardhate cha vR^iShachetasi bhUyAnmoda ityabhinuto.asi surastvam || 70\-9
aukShakANi paridhAvata dUraM vIkShyatAmayamihokShavibhedI |
itthamAttahasitaiH saha gopairgehagastvamava vAtapuresha || 70\-10||
\medskip\hrule\medskip
##        71 The Slaying Of Kesi And Vyomasura ##
yatneShu sarveShvapi nAvakeshI keshI sa bhojeshituriShTabandhuH |
tvaM sindhujAvApya itIva matvA saMprAptavAnsindhujavAjirUpaH || 71\-1
gandharvatAmeSha gato.api rUkShairnAdaiH samudvejitasarvalokaH |
bhavadvilokAvadhi gopavATIM pramardya pApaH punarA patattvAm || 71\-2
tArkShyArpitA~Nghrestava tArkShya eSha chikShepa vakShobhuvi nAma pAdam |
bhR^igoH padAghAtakathaaM nishamya svenApi shakyaM taditIva mohAt || 71\-3
prava~nchayannasya khurA~nchalaM drAgamuM cha vikShepitha dUradUram |
saMmUrChito.api hatimUrChitena krodhoShmaNA khAditumAdrutastvAm || 71\-4
tvaM vAhadaNDe kR^itadhIshcha bAhAdaNDaM nyadhAstasya mukhe tadAnIm |
tad{}vR^iddhiruddhashvasano gatAsuH saptIbhavannapyayamaikyamAgAt || 71\-5
AlambhamAtreNa pashoH surANAM prasAdake nUtna ivAshvamedhe |
kR^ite tvayA harShavashAtsurendrAstvAM tuShTuvuH keshavanAmadheyam || 71\-6
kaMsAya te shaurisutatvamuktvA taM tadvadhotkaM pratirudhya vAchA |
prAptena keshikShapaNAvasAne shrInAradena tvamabhiShTuto.abhUH || 71\-7
kadApi gopaiH saha kAnanAnte nilAyanakrIDanalolupaM tvAm |
mayAtmajaH prApa durantamAyo vyomAbhidho vyomacharoparodhI || 71\-8
sa chorapAlAyitavallaveShu chorAyito gopashishUnpashUMshcha |
guhAsu kR^itvA pidadhe shilAbhistvayA cha buddhvA parimardito.abhUt || 71\-9
evaMvidhaishchAdbhutakelibhedairAnandamUrChAmatulAM vrajasya |
pade pade nUtanayannasImaaM parAtmarUpin pavaneshapAyAH || 71\-10||
\medskip\hrule\medskip
##        72 Akrura's Journey To Gokula ##
kaMso.atha nAradagirA vrajavAsinaM tvAmAkarNya dIrNahR^idayaH sa hi gAndineyam |
AhUya kArmukamakhachChalato bhavantamAnetumenamahinodahinAthashAyin || 72\-1
akrUra eSha bhavada~NghriparashchirAya
tvaddarshanAkShamamanAH kShitipAlabhItyA |
tasyAj~nayaiva punarIkShitumudyatastvAm\-
AnandabhAramatibhUritaraM babhAra || 72\-2||
so.ayaM rathena sukR^itI bhavato nivAsaM
gachChanmanorathagaNAMstvayi dhAryamANAn |
AsvAdayanmuhurapAyabhayena daivaM
saMprArthayanpathi na ki~nchidapi vyajAnAt || 72\-3||
drakShyAmi devashatagItagatiM pumAMsaM
sprakShyAmi kiMsvidapinAma pariShvajeyam |
kiM vakShyate sa khalu mAM kvanu vIkShitaH syA\-
ditthaM ninAya sa bhavanmayameva mArgam || 72\-4||
bhUyaH kramAdabhivishanbhavada~NghripUtaM
bR^indAvanaM haraviri~nchasurAbhivandyam |
Anandamagna iva lagna iva pramohe
kiM kiM dashAntaramavApa na pa~NkajAkSha || 72\-5||
pashyannavandata bhavadvihR^itisthalAni
pAMsuShvaveShTata bhavachcharaNA~NkiteShu |
kiM brUmahe bahujanA hi tadApi jAtA
evaM tu bhaktitaralA viraLAH parAtman || 72\-6||
sAyaM sa gopabhavanAni bhavachcharitra\-
gItAmR^itaprasR^itakarNarasAyanAni |
pashyanpramodasarideva kilohyamAno
gachChanbhavadbhavana sannidhimanvayAsIt || 72\-7||
tAvaddadarsha pashudohavilokalolaM
bhaktottamAgatimiva pratipAlayantam |
bhUman bhavantamayamagrajavantamanta\-
rbrahmAnubhUtirasasindhumivodvamantam || 72\-8||
sAyantanAplavavisheShaviviktagAtrau dvau pItanIlaruchirAmbaralobhanIyau |
nAtiprapa~nchadhR^itabhUShaNachAruveShau mandasmitArdravadanau sa yuvAM dadarsha || 72\-9
dUrAdrathAtsamavaruhya namantamenamutthApya bhaktakulamaulimathopagUhan |
harShAnmitAkSharagirA kushalAnuyogI pANiM pragrhya sabalo.atha gR^ihaM ninetha || 72\-10
nandena sAkamamitAdaramarchayitvA taM yAdavaM taduditAM nishamayya vArtAm |
gopeShu bhUpatinideshakathAM nivedya nAnAkathAbhiriha tena nishAmanaiShIH || 72\-11
chandrAgR^ihe kimuta chandrabhagAgR^ihe nu
rAdhAgR^ihe nu bhavane kimu maitravinde |
dhUrtto vilambata iti pramadAbhiruchchai\-
rAsha~Nkito nishi marutpuranAtha pAyAH || 72\-12||
\medskip\hrule\medskip
##        73 The Lord Leaving For Mathura ##
nishamayya tavAtha yAnavArtAM bhR^ishamArtAH pashupAlabAlikAstAH |
kimidaM kimidaM kathannvitImAH samavetAH paridevitAnyakurvan || 73\-1
karuNAnidhireShu nandasUnuH kathamasmAnvisR^ijedananyanAthAH |
bata naH kimu daivamevamAsIditi tAstvadgatamAnasA vilepuH || 73\-2||
charamaprahare pratiShThamAnaH saha pitrA nijamitramaNDalaishcha |
paritApabharaM nitambinInAM shamayiShyan vyamuchassakhAyamekam || 73\-3
achirAdupayAmi sannidhiM vo bhavitA sAdhu mayaiva sa~NgamashrIH |
amR^itAmbunidhau nimajjayiShye drutamityAshvasitA vadhUrakArShIH || 73\-4
saviShAdabharaM sayA~nchamuchchairatidUraM vanitAbhirIkShyamANaH |
mR^idu taddishi pAtayannapA~NgAn sabalo.akrUrarathena nirgato.abhUH || 73\-5
anasA bahulena vallavAnAM manasA chanugato.atha vallabhAnAm |
vanamArtabhR^igaM viShaNNavR^ikShaM samatIto yamunAtaTImayAsIH || 73\-6
niyamAya nimajya vAriNi tvamabhivIkShyAtha rathe.api gAndineyaH |
vivasho.ajani kinnvidaM vibhoste nanu chitraM tvavalokanaM samantAt || 73\-7
punareSha nimajya puNyashAlI puruShaM tvAM paramaM bhuja~Ngabhoge |
arikambugadAmbujaiH sphurantaM surasiddhaughaparItamAluloke || 73\-8
sa tadA paramAtmasaukhyasindhau vinimagnaH praNuvanprakArabhedaiH |
avilokya punashcha harShasindhoranuvR^ityA pulakAvR^ito yayau tvAm || 73\-9
kimu shItalimA mahAnjale yatpuLako.asAviti choditena tena |
atiharShaniruttareNa sArdhaM rathavAsI pavanesha pAhi mAM tvam || 73\-10
\medskip\hrule\medskip
##        74 The Entry Of The Lord Into Mathura ##
samprApto mathurAM dinArdhavigame tatrAntarasminvasa\-
nnArAme vihitAshanaH sakhijanairyAtaH purImIkShitum |
prApo rAjapathaM chirashrutidhR^itavyAlokakautUhala\-
strIpuMsodyadagaNyapuNyanigaLairAkR^iShyamANo nu kim || 74\-1||
tvatpAdaddutivatsarAgasubhagAstvanmUrtivadyoShitaH
samprAptA vilasatpayodhararucho lolA bhavad{}dR^iShTivat |
hAriNyastvadurassthalIvadayi te mandasmitaprauDhiva\-
nnairmalyollasitAH kachaugharuchivadrAjatkalApAshritAH || 74\-2||
tAsAmAkalayannapA~NgavalanairmodaM praharShAdbhuta\-
vyAloleShu janeShu tatra rajakaM ka~nchitpaTIM prArthayan |
kaste dAsyati rAjakIyavasanaM yAhIti tenoditaH
sadyastasya kareNa shIrShamahR^ithAH so.apyApa puNyAM gatim || 74\-3
bhUyo vAyakamekamAyatamatiM toSheNa veShochitaM
dAshvAMsaM svapadaM ninetha sukR^itaM ko veda jIvAtmanAm |
mAlAbhiH stabakaiH stavairapi punarmAlAkR^itA mAnito
bhaktiM tena vR^itAM dideshitha parAM lakShmIM cha lakShmIpate || 74\-4
kub{}jAmab{}javilochanAM pathi punardR^iShTvA~NgarAge tayA
datte sAdhu kilA~NgarAgamadadAstasyA mahAntaM hR^idi |
chittasthAmR^ijutAmatha prathayituM gAtre.api tasyAH sphuTaM
gR^ihNanma~nju kareNa tAmudanayastAvajjagatsundarIm || 74\-5||
tAvannishchitavaibhavAstava vibho nAtyantapApA janA
yatki~nchiddadate sma shaktyanuguNaM tAmbUlamAlyAdikam |
gR^ihNAnaH kusumAdi ki~nchana tadA mArge nibaddhA~njali\-
rnAtiShThaM bata yato.adya vipulAmArtiM vrajAmi prabho || 74\-6||
eShyAmiti vimuktayApi bhagavannAlepadAtryA tayA
dUrAtkAtarayA nirIkShitagatistvaM prAvisho gopuram |
AghoShAnumitatvadAgamamahAharShollaladdevakI\-
vakShojapragalatpayorasamiShAttvatkIrtirantargatA || 74\-7||
AviShTo nagarIM mahotsavavatIM kodaNDashAlAM vrajan
mAdhuryeNa nu tejasA nu puruShairdUreNa dattAntaraH |
sragbhirbhUShitamarchitaM varadhanurmAmeti vAdAtpuraH
prAgR^ihNAH samaropayaH kila samAkrA~NkShIrabhA~NkShIrapi || 74\-8||
shvaH kaMsakShapaNotsavasya purataH prArambhatUryopama\-
shchApadhvaMsamahAdhvanistava vibho devAnaromA~nchayat |
kaMsasyApi cha vepathustaduditaH kodaNDakhaNDadvayI\-
chaNDAbhyAhatarakShipUruSharavairutkUlito.abhUttvayA || 74\-9||
shiShTairduShTajanaishcha dR^iShTamahimA prItyA cha bhItyA tataH
saMpashyanpurasampadaM pravivaransAyaM gato vATikAm |
shrIdAmnA saha rAdhikAvirahajaM khedaM vadanprasvapa\-
nnAnandannavatArakAryaghaTanAdvAtesha saMrakSha mAm || 74\-10||
\medskip\hrule\medskip
##        75 The Slaying Of Kamsa ##
prAtaH santrastabhojakShitipativachasA prastute mallatUrye
sa~Nghe rAj~nAM cha ma~nchAnabhiyayuShi gate nandagope.api harmyam |
kaMse saudhAdhirUDhe tvamapi sahabalaH sAnugashchAruveSho
ra~NgadvAraM gato.abhUH kupitakuvalayApIDanAgAvalIDham || 75\-1||
pApiShThApehi mArgAd{}drutamiti vachasA niShThurakruddhabuddhe\-
ragbaShThasya praNodAdadhikajavajuShA hastinA gR^ihyamANaH |
kelImukto.atha gopIkuchakalashachiraspardhinaM kumbhamasya
vyAhatyAlIyathAstvaM charaNabhuvi punarnirgato valguhAsI || 75\-2||
hastaprApyo.apyagamyo jhaTiti munijanasyeva dhAvangajendraM
krIDannApatya bhUmau punarabhipatatastasya dantaM sajIvam |
mUlAdunmUlya tanmUlagamahitamahAmauktikAnyAtmamitre
prAdAstvaM hAramebhirlalitavirachitaM rAdhikAyai disheti || 75\-3||
gR^ihNAnaM dantamaMse yutamatha halinA ra~Ngama~NgAvishantaM
tvAM ma~NgalyA~Ngabha~NgIrabhasahR^itamanolochanA vIkShya lokAH |
haMho dhanyo nu nando nahi nahi pashupAlA~NganA no yashodA
no no dhanyekShaNAH smastrijagati vayameveti sarve shashaMsuH || 75\-4
pUrNaM brahmaiva sAkShAnniravadhiparamAnandasAndraprakAshaM
gopeShu tvaM vyalAsIrna khalu bahujanaistAvadAvedito.abhUH |
dR^iShTvAtha tvAM tadedaMprathamamupagate puNyakAle janaughAH
pUrNAnandA vipApAH sarasamabhijagustvatkR^itAni smR^itAni || 75\-5||
chANUro mallavIrastadanu nR^ipagirA muShTiko muShTishAlI
tvAM rAmaM chAbhipede jhaTajhaTiti mitho muShTipAtAtirUkSham |
utpAtApAtanAkarShaNavividharaNAnyAsatAM tatra chitraM
mR^ityoH prAgeva mallaprabhuragamadayaM bhUrisho bandhamokShAn || 75\-6
hA dhikkaShTaM kumArau sulalitavapuShau mallavIrau kaThorau
na drakShyAmo vrajAmastvaritamiti jane bhAShamANe tadAnIm |
chANUraM taM karAd{}bhrAmaNavigaladasuM pothayAmAsithorvyAM
piShTo.abhUnmuShTiko.api drutamatha halinA naShTashiShTairdadhAve || 75\-7
kaMsassaMvAryaM tUryaM khalamatiravidankAryamAryAn pitR^IMstA\-
nAhantuM vyAptamUrtestava cha samashiShaddUramutsAraNAya |
ruShTo duShToktibhistvaM garuDa iva giriM ma~ncama~ncannuda~ncat
kha~NgavyAvadgadussaMgrahamapi cha haThAtprAgrahIraugrasenim || 75\-8
sadyo niShpiShTasandhiM bhuvi narapatimApAtya tasyopariShTAt
tvayyApAtye tadaiva tvadupari patitA nAkinAM puShpavR^iShTiH |
kiM kiM brUmastadAnIM satatamapi bhiyA tvadgatAtmA sa bheje
sAyujyaM tvadvadhotthA parama paramiyaM vAsanA kAlanemeH || 75\-9||
tad{}bhrAtR^InaShTa piShTvA drutamatha pitarau sannamannugrasenaM
kR^itvA rAjAnamuchchairyadukulamakhilaM modayankAmadAnaiH |
bhaktAnAmuttamam~nchoddhavamamaragurorAptanItiM sakhAyaM
labdhvA tuShTo nagaryAM pavanapurapate rundhi me sarvarogAn || 75\-10
\medskip\hrule\medskip
##        76 Uddhava Sent As A Messenger To The Gopikas ##
gatvA sAndIpanimatha chatuShShaShTimAtrairahobhiH
sarvaj~nastvaM saha musalinA sarvavidyAM gR^ihItvA |
putraM naShTaM yamanilayanAdAhR^itaM dakShiNArthaM
dattvA tasmai nijapuramagA nAdayanpA~nchajanyam || 76\-1||
smR^itvA smR^itvA pashupasudR^ishaH premabhArapraNunnAH
kAruNyena tvamapi vivashaH prahiNoruddhavaM tam |
ki~nchAmuShmai paramasuhR^ide bhaktavaryAya tAsAM
bhaktyudrekaM sakalabhuvane durlabhaM darshayiShyan || 76\-2||
tvanmAhAtmyaprathimapishunaM gokulaM prApya sAyaM
tvadvArtAbhirbahu sa ramayAmAsa nandaM yashodAm |
prAtardR^iShTvA maNimayarathaM sha~NkitAH pa~NkajAkShyaH
shrutvau prAptaM bhavadanucharaM tyaktakAryAH samIyuH || 76\-3||
dR^iShTvA chainaM tvadupamalasadveShabhUShAbhirAmaM
smR^itvA smR^itvA tava vilasitAnyuchchakaistAni tAni |
ruddhAlApAH kathamapi punargadgadAM vAchamUchuH
saujanyAdInnijaparabhidAmapyalaM vismarantyaH || 76\-4||
shrIman kiM tvaM pitR^ijanakR^ite preShito nirdayena
kvAsau kAnto nagarasudR^ishAM hA hare nAtha pAyAH |
AshleShANAmamR^itavapuSho hanta te chumbanAnA\-
munmAdAnAM kuhakavachasAM vismaretkAnta kA vA || 76\-5||
rAsakrIDAlulitalalitaM vishlathatkeshapAshaM
mandodbhinnashramajalakaNaM lobhanIyaM tvada~Ngam |
kAruNyAbdhe sakR^idapi samAli~NgituM darshayeti
premonmAdAdbhuvanamadana tvatpriyAstvAM vilepuH || 76\-6||
evamprAyairvivashavachanairAkulA gopikAstAs\-
tvatsandeshaiH prakR^itimanayatso.atha vij~nAnagarbhaiH |
bhUyastAbhirmuditamatibhistvanmayIbhirvadhUbhis\-
tattadvArtAsarasamanayatkAnichidvAsarANi || 76\-7||
tvatprodgANaiH sahitamanishaM sarvato gehakR^ityaM
tvadvArtaiva prasarati mithaH saiva chotsvApalApAH |
cheShTAH prAyastvadanukR^itayastvanmayaM sarvamevaM
dR^iShTvA tatra vyamuhadadhikaM vismayAduddhavo.ayam || 76\-8||
rAdhAyA me priyatamamidaM matpriyaivaM bravIti
tvaM kiM maunaM kalayasi sakhe mAninI matpriyeva |
ityAdyeva pravadati sakhi tvatpriyo nirjane mA\-
mitthaMvAdairaramayadayaM tvatpriyAmutpalAkShIm || 76\-9||
eShyAmi drAganupagamanaM kevalaM kAryabhArAd
vishleShe.api smaraNadR^iDhatAsambhavAnmAstu khedaH |
brahmAnande milati nachirAtsa~Ngamo vA viyogas\-
tulyo vaH syAditi tava girA so.akaronnirvyathAstAH || 76\-10||
evaM bhaktiH sakalabhuvane neshitA na shrutA vA
kiM shAstraughaiH kimiha tapasA gopikAbhyo namo.astu |
ityAnandAkulamupagataM gokulAduddhavaM taM
dR^iShTvA hR^iShTo gurupurapate pAhi mAmAmayaughAt || 76\-11||
\medskip\hrule\medskip
##        77 The Fight Against Jarasandha And Others ##
sairandhryAstadanu chiraM smarAturAyA
yAto.abhUH salalitamuddhavena sArdham |
AvAsaM tvadupagamotsavaM sadaiva
dhyAyantyAH pratidinavAsasajjikAyAH || 77\-1||
upagate tvayi pUrNamanorathAM
pramadasambhramakamprapayodharAm |
vividhamAnanamAdadhatIM mudA
rahasi tAM ramaya~nchakR^iShe sukham || 77\-2||
pR^iShTA varaM punarasAvavR^iNodvarAkI
bhUyastvayA suratameva nishAntareShu |
sAyujyamastviti vadet budha eva kAmaM
sAmIpyamastvanishamityapi nAbravItkim || 77\-3||
tato bhavAndeva nishAsu kAsuchin\-
mR^igIdR^ishaM tAM nibhR^itaM vinodayan |
adAdupashloka iti shrutaM sutaM
sa nAradAtsAttvatatantravidbabhau || 77\-4||
akrUramandiramito.atha baloddhavAbhyA\-
mabhyarchito bahu nuto muditena tena |
enaM visR^ijya vipinAgatapANDaveya\-
vR^ittaM viveditha tathA dhR^itarAShTracheShTAm || 77\-5||
vighAtAjjAmAtuH paramasuhR^ido bhojanR^ipate\-
rjarAsandhe rundhatyanavadhiruShAndhe.atha mathurAm |
rathAdyairdyolabdhaiH katipayabalastvaM balayuta\-
strayoviMshatyakShauhiNi tadupanItaM samahR^ithAH || 77\-6||
baddhaM balAdatha balena balottaraM tvaM
bhUyo balodyamarasena mumochithainam |
nishsheShadigjayasamAhR^itavishvasainyAt
ko.anyastato hi balapauruShavAMstadAnIm || 77\-7||
bhagnassa lagnahR^idayo.api nR^ipaiH praNunno
yuddhaM tvayA vyadhita ShoDashakR^itva evam |
akShauhiNIH shiva shivAsya jaghantha viShNo
sambhUya saikanavatitrishataM tadAnIm || 77\-8||
aShTAdashe.asya samare samupeyuShi tvaM
dR^iShTvA puro.atha yavanaM yavanatrikoTyA |
tvaShTrA vidhApya puramAshu payodhimadhye
tatrAtha yogabalataH svajanAnanaiShIH || 77\-9||
padbhyAM tvaM padmamAlI chakitiva purAnnirgato dhAvamAno
mlechCheshenAnuyAto vadhasukR^itavihInena shaile nyalaiShIH |
suptenA~NghryAhatena drutamatha muchukundena bhasmIkR^ite.asmin
bhUpAyAsmai guhAnte sulalitavapuShA tasthiShe bhaktibhAje || 77\-10
ekShvAko.ahaM virakto.asmyakhilanR^ipasukhe tvatprasAdaikakA~NkShI
hA deveti stuvantaM varavitatiShu taM nispR^ihaM vIkShya hR^iShyan |
muktestulyAM cha bhaktiM dhutasakalamalaM mokShamapyAshu dattvA
kAryaM hiMsAvishuddhyai tapa iti cha tadA prAstha lokapratItyai || 77\-11
tadanu mathurAM gatvA hatvA chamUM yavanAhR^itAM
magadhapatinA mArge sainyaiH pureva nivAritaH |
charamavijayaM darpAyAsmai pradAya palAyito
jaladhinagarIM yAto vAtAlayeshvara pAhi mAm || 77\-12||
\medskip\hrule\medskip
##        78 Rukmini Swayamvaram##
tridashavardhakivardhitakaushalaM tridashadattasamastavibhUtimat |
jaladhimadhyagataM tvamabhUShayo navapuraM vapura~nchitarochiShA || 78\-1
daduShi revatabhUbhR^iti revatIM halabhR^ite tanayAM vidhishAsanAt |
mahitamutsavaghoShamapUpuShaH samuditairmuditaiH saha yAdavaiH || 78\-2
atha vidarbhasutAM khalu rukmiNIM praNayinIM tvayi deva sahodaraH |
svayamaditsata chedimahIbhuje svatamasA tamasAdhumupAshrayan || 78\-3
chiradhR^itapraNayA tvayi bAlikA sapadi kA~NkShitabha~NgasamAkulA |
tava nivedayituM dvijamAdishatsvakadanaM kadana~Ngavinirmitam || 78\-4
dvijasuto.api cha tUrNamupAyayau tava puraM hi durAshadurAsadam |
mudamavApa cha sAdarapUjitaH sa bhavatA bhavatApahR^itA svayam || 78\-5
sa cha bhavantamavochata kuNDine nR^ipasutA khalu rAjati rukmiNI |
tvayi samutsukayA nijadhIratArahitayA hi tayA prahito.asmyaham || 78\-6
tava hR^itAsmi puraiva guNairahaM harati mAM kila chedinR^ipo.adhunA |
ayi kR^ipAlaya pAlaya mAmiti prajagade jagadekapate tayA || 78\-7||
asharaNAM yadi mAM tvamupekShase sapadi jIvitameva jahAmyaham |
iti girA sutanoratanodbhR^ishaM suhR^idayaM hR^idayaM tava kAtaram || 78\-8
akathayastvamathainamaye sakhe tadadhikA mama manmathavedanA |
nR^ipasamakShamupetya harAmyahaM tadayi tAM dayitAmasitekShaNAm || 78\-9
pramuditena cha tena samaM tadA rathagato laghu kuNDinameyivAn |
gurumarutpuranAyaka me bhavAnvitanutAM tanutAmakhilApadAm || 78\-10
\medskip\hrule\medskip
##        79 Rukmini Kalyanami ##
balasametabalAnugato bhavAn puramagAhata bhIShmakamAnitaH |
dvijasutaM tvadupAgamavAdinaM dhR^itarasA tarasA praNanAma sA || 79\-1
bhuvanakAntamavekShya bhavadvapurnR^ipasutasya nishamya cha cheShTitam |
vipulakhedajuShAM puravAsinAM saruditairuditairagamannishA || 79\-2
tadanu vanditumindumukhI shivAM vihitama~NgalabhUShaNabhAsurA |
niragamadbhavadarpitajIvitA svapurataH purataH subhaTAvR^itA || 79\-3
kulavadhUbhirupetya kumArikA girisutAM paripUjya cha sAdaram |
muhurayAchata tatpadapa~Nkaje nipatitA patitAM tava kevalam || 79\-4
samavaloka kutuhalasa~Nkule nR^ipakule nibhR^itaM tvayi cha sthite |
nR^ipasutA niragAt grijAlayAt suruchiraM ruchira~njitadi~NmukhA || 79\-5
bhuvanamohanarUparuchA tadA vivashitAkhilarAjakadambayA |
tvamapi deva kaTAkShavimokShaNaiH pramadayA madayA~nchakR^iShe manAk || 79\-6
kva tu gamiShyasi chandramukhIti tAM sarasametya kareNa haran kShaNAt |
samadhiropya rathaM tvamapAhR^ithA bhuvi tato vitato ninado dviShAm || 79\-7
kvanu gataH pashupAla iti krudhA kR^itaraNA yadubhishcha jitA nR^ipAH |
na tu bhavAnudachAlyata tairaho pishunakaiH shunakairiva kesarI || 79\-8
tadanu rukmiNamAgatamAhave vadhamupekShya nibadhya virUpayan |
hR^itamadaM parimuchya baloktibhiH puramayA ramayA saha kAntayA || 79\-9
navasamAgamalajjitamAnasAM praNayakautukajR^imbhitamanmathAm |
aramayaH khalu nAtha yathAsukhaM rahasi tAM hasitAMshulasanmukhIm || 79\-10
vividhanarmabhirevamaharnishaM pramadamAkalayanpunarekadA |
R^ijumateH kila vakrAgirA bhavAn varatanoratanodatilolatAm || 79\-11
tadadhikairatha lAlanakaushalaiH praNayinImadhikaM ramayannimAm |
ayi mukunda bhavachcharitAni naH pragadatAM gadatAntimapAkuru || 79\-12
\medskip\hrule\medskip
##        80 The Story Of The Syamantaka Jewel ##
satrAjitastvamatha lubdhavadarkalabdhaM
divyaM syamantakamaNiM bhagavannayAchIH |
tatkAraNaM bahuvidhaM mama bhAti nUnaM
tasyAtmajAM tvayi ratAM Chalato vivoDhum || 80\-1||
adattaM taM tubhyaM maNivaramanenAlpamanasA
prasenastad()bhrAtA galabhuvi vahanprApa mR^igayAm |
ahannenaM siMho maNimahasi mAMsabhramavashAt
kapIndrastaM hatvA maNimapi cha bAlAya dadivAn || 80\-2||
shashaMsuH satrAjidgiramanu janAstvAM maNiharaM
janAnAM pIyUShaM bhavati guNinAM doShakaNikA |
tataH sarvaj~no.api svajanasahito mArgaNaparaH
prasenaM taM dR^iShTvA harimapi gato.abhUH kapiguhAm || 80\-3||
bhavantamavitarkayannativayAH svayaM jAmbavAn
mukundasharaNaM hi mAM ka iha roddhumityAlapan |
vibho raghupate hare jaya jayetyalaM muShTibhi\-
shchiraM tava samarchanaM vyadhita bhaktachUDAmaNiH || 80\-4||
buddhvAtha tena dattAM navaramaNIM varamaNIM cha parigR^ihNan |
anugR^ihNannamumAgAH sapadi cha satrAjite maNiM prAdAH || 80\-5||
tadanu sa khalu vrIDAlolo vilolavilochanAM
duhitaramaho dhImAnbhAmAM giraiva parArpitAm |
adita maNinA tubhyaM labhyaM sametya bhavAnapi
pramuditamanAstasyaivAdAnmaNIM gahanAshayaH || 80\-6||
vrIlAkulAM ramayati tvayi satyabhAmAM
kaunteyadAhakathayAtha kurUnprayAte |
hI gAndineyakR^itavarmagirA nipAtya
satrAjitaM shatadhanurmaNimAjahAra || 80\-7||
shokAtkurUnupagatAmavalokya kAntAM
hatvA drutaM shatadhunaM samaharShayastAm |
ratne sasha~Nka iva maithilagehametya
rAmo gadAM samashishikShata dhArtarAShTram || 80\-8||
akrUra eSha bhagavan bhavadichChayaiva
satrAjitaH kucharitasya yuyoja hiMsAm |
akrUrato maNimanAhR^itavAnpunastvaM
tasyaiva bhUtimupadhAtumiti bruvanti || 80\-9||
bhaktastvayi sthirataraH sa hi gAndineya\-
stasyaiva kApathamatiH kathamIsha jAtA |
vij~nAnavAnprashamavAnahamityudIrNaM
garvaM dhruvaM shamayituM bhavatA kR^itaiva || 80\-10||
yAtaM bhayena kR^itavarmayutaM punasta\-
mAhUya tadvinihitaM cha maNiM prakAshya |
tatraiva suvratadhare vinidhAya tuShyan
bhAmAkuchAntarashayaH pavanesha pAyAH || 80\-11||
\medskip\hrule\medskip
##        81 The Slaying Of Narakasura##
snigdhAM mugdhAM satatamapi tAM lAlayan satyabhAmAM
yAto bhUyaH saha khalu tayA yAj~nasenIvivAham |
pArthaprItyai punarapi manAgAsthito hastipuryAM
shakraprasthaM puramapi vibho saMvidhAyAgato.abhUH || 81\-1||
bhadrAM bhadrAM bhavadavarajAM kauraveNArthyamAnAM
tvadvAchA tAmahR^ita kuhanAmaskarI shakrasUnuH |
tatra kruddhaM balamanunayan pratyagAstena sArdhaM
shakraprasthaM priyasakhamude satyabhAmAsahAyaH || 81\-2||
tatra krIDannapi cha yamunAkUladR^iShTAM gR^ihItvA
tAM kAlindIM nagaramagamaH khANDavaprINitAgniH |
bhrAtR^itrastAM praNayavivashAM deva paitR^iShvaseyIM
rAj~nAM madhye sapadi jahR^iiShe mitravindAmavantIm || 81\-3||
satyAM gatvA punarudavaho nagnajinnandanAM tAM
badhvA saptApi cha vR^iShavarAnsaptamUrtirnimeShAt |
bhadrAM nAma pradaduratha te deva santarddanAdyA\-
statsodaryAM varada bhavataH sApi paitR^iShvaseyI || 81\-4||
pArthAdyairapyakR^italavanaM toyamAtrAbhilakShyaM
lakShaM ChitvA shapharamavR^ithA lakShaNAM madrakanyAm |
aShTAvevaM tava samabhavan vallabhAstatra madhye
shushrotha tvaM surapatigirA bhaumadushcheShTitAni || 81\-5||
smR^itAyAtaM pakShipravaramadhirUDhastvamagamo
vahanna~Nke bhAmAmupavanamivArAtibhavanam |
vibhindan durgANi truTitapR^itanAshonitarasaiH
puraM tAvat prAgjyotiShamakuruthAshshoNitapuram || 81\-6||
murastvAM pa~nchAsyo jaladhivanamadhyAdudapatat
sa chakre chakreNa pradalitashirA ma~NkShu bhavatA |
chatudantairdantAvalapatibhirindhAnasamaraM
rathA~NkenachChitvA narakamakarostIrNarakam || 81\-7||
stuto bhUmyA rAjyaM sapadi bhagadatte.asya tanaye
gaja~nchaikaM dattvA prajighAyitha nAgAnnijapurIm |
khalenAbaddhAnAM svagatamanasAM ShoDasha punaH
sahasrANi strINAmapi cha dhanarAshiM cha vipulam || 81\-8||
bhaumApAhR^itakuNDalaM tadaditerdAtuM prayAto divaM
shakrAdyairmahitaH samaM dayitayA dyustrIShu dattahriyA |
hR^itvA kalpataruM ruShAbhipatitaM jitvendramabhyAgama\-
stattu shrImadadoSha IdR^isha iti vyAkhyAtumevAkR^ithAH || 81\-9||
kalpadruM satyabhAmAbhavanabhuvi sR^ijandvyaShTasAhasrayoShAH
svIkR^itya pratyagAraM vihitabahuvapurlAlayankelibhedaiH |
AshcharyAnnAradAlokitavividhagatistatra tatrApi gehe
bhUyaH sarvAsu kurvan dasha dasha tanayAn pAhi vAtAlayesha || 81\-10
\medskip\hrule\medskip
##        82 The Fight With Baana Etc ##
pradyumno raukmiNeyaH sa khalu tava kalA shambareNAhR^itastaM
hatvA ratyA sahApto nijapuramaharadrukmikanyAM cha dhanyAm |
tatputro.athAniruddho guNanidhiravahadrochanAM rukmipautrIM
tatrodvAhe gatastvaM nyavadhi musalinA rukmyapi dyUtavairAt || 82\-1
bANasya sA balisutasya sahasrabAhormAheshvarasya mahitA duhitA kiloShA |
tvatpautramenamaniruddhamadR^iShTapUrvaM svapne.anubhUya bhagavan virahAturA.abhUt || 82\-2
yoginyatIva kushalA khalu chitralekhA
tasyAH sakhI vilikhatI taruNAnasheShAn |
tatrAniruddhamuShayA viditaM nishAyA\-
mAneShTa yogabalato bhavato niketAt || 82\-3||
kanyApure dayitayA sukhamAramantaM chainaM katha~nchana babandhuShi sharvabandhau |
shrInAradoktatadudantadurantaroShaistvaM tasya shoNitapuraM yadubhirnyarundhAH || 82\-4
purIpAlaH shailapriyaduhitR^inAtho.asya bhagavAn
samaM bhUtavrAtairyadubalamasha~NkaM nirurudhe |
mahAprANo bANo jaTiti yuyudhAnena yuyudhe
guhaH pradyumnena tvamapi purahantrA jaghaTiShe || 82\-5||
niruddhAsheShAstre mumuhuShi tavAstreNa girishe
drutA bhUtA bhItAH pramathakulavIrAH pramathitAH |
parAskandatskandaH kusumasharabANaishcha sachivaH
sa kumbhANDo bhANDaM navamiva balenAshu bibhide || 82\-6||
chApAnAM pa~nchashatyA prasabhamupagate ChinnachApe.atha bANe
vyarthe yAte sameto jvarapatirashanairajvari tvajjvareNa |
j~nAnI stutvAtha dattvA tava charitajuShAM vijvaraM sajvaro.agAt
prAyo.antarj~nAnavanto.api cha bahutamasA raudracheShTA hi raudrAH || 82\-7
bANaM nAnAyudhograM punarabhipatitaM durpadoShAdvitanvan
nirlUnAsheShadoShaM sapadi bubudhuShA sha~NkareNopagItaH |
tadvAchA shiShTabAhudvitayamubhayato nirbhayaM tatpriyaM taM
muktvA taddattamAno nijapuramagamaH sAniruddhaH sahoShaH || 82\-8||
muhustAvachChakraM varuNamajayo nandaharaNe
yamaM bAlAnItau davadahanapAne.anilasakham |
vidhiM vatsasteye girishamiha bANasya samare
vibho vishvotkarShI tadayamavatAro jayati te || 82\-9||
dvijaruShA kR^ikalAsavapurdharaM nR^iganR^ipaM tridivAlayamApayan |
nijajane dvijabhaktimanuttamAmupadishan pavaneshvara pAhi mAm || 82\-10
\medskip\hrule\medskip
##        83 The Slaying Of Paundraka ##
rAme.athagokulagate pramadAprasakte hUtAnupetayamunAdamane madAndhe |
svairaM samAramati sevakavAdamUDho dUtaM nyayu~Nkta tava pauNDrakavAsudevaH || 83\-1
nArAyaNo.ahamavatIrNa ihAsmi bhUmau
dhatse kila tvamapi mAmakalakShaNAni |
utsR^ijya tAni sharaNaM vraja mAmiti tvAM
dUto jagAda sakalairhasitaH sabhAyAm || 83\-2||
dUte.atha yAtavati yAdavasainikastvaM
yAto dadarshitha vapuH kila pauNDrakIyam |
tApena vakShasi kR^itA~NkamanalpamUlya\-
shrIkaustubhaM makarakuNDalapItachelam || 83\-3||
kAlAyasaM nijasudarshanamasyato.asya
kAlAnalotkarakireNa sudarshanena |
shIrShaM chakartitha mamarditha chAsya senAM
tanmitrakAshipashiro.api chakartha kAshyAm || 83\-4||
jADyena bAlakagirA.api kilAhameva
shrIvAsudeva iti rUDhamatishchiraM saH |
sAyujyameva bhavadaikyadhiyA gato.abhUt
ko nAma kasya sukR^itaM kathamityaveyAt || 83\-5||
kAshIshvarasya tanayo.atha sudakShiNAkhyaH sharvaM prapUjya bhavate vihitAbhichAraH |
kR^ityAnalaM kamapi bANaraNAtibhItairbhUtaiH katha~nchana vR^itaiH samamabhyamu~nchat || 83\-6
tAlapramANacharaNAmakhilaM dahantIM
kR^ityAM vilokya chakitaiH kathito.api pauraiH |
dyUtotsave kamapi no chalito vibho tvaM
pArshvasthamAshu visasarjitha kAlachakram || 83\-7||
abhyApatatyamitadhAmni bhavanmahAstre hA heti vidrutavatI khalu ghorakR^ityA |
roShAtsudakShiNamadakShiNacheShTitaM taM puploSha chakramapi kAshipurAmadhAkShIt || 83\-8
sa khalu vivido rakShoghAte kR^itopakR^itiH purA
tava tu kalayA mR^ityuM prAptuM tadA khalatAM gataH |
narakasachivo deshakleshaM sR^ijan nagarAntike
jhaTiti halinA yudhyannaddhA papAta talAhataH || 83\-9||
sAmbaM kauravyaputrIharaNaniyamitaM sAntvanArthI kurUNAM
yAtastadvAkyaroShoddhR^itakarinagaro mochayAmAsa rAmaH |
te ghAtyAH pANDaveyairiti yadupR^itanAM nAmuchastvaM tadAnIM
taM tvAM durbodhalIlaM pavanapurapate tApashAntyai niSheve || 83\-10

\medskip\hrule\medskip
##        84 Pilgrimage To Samantapanchaka ##
kvachidatha tapanoparAgakAle puri nidadhatkR^itavarmakAmasUnU |
yadukulamahiLAvR^itaH sutIrthaM samupagato.asi samantapa~nchakAkhyam || 84\-1
bahutarajanatAhitAya tatra tvamapi punanvinimajjya tIrthatoyaM |
dvijagaNaparimuktavittarAshiH samamiLathAH kurupANDavAdimitraiH || 84\-2
tava khalu dayitAjanaiH sametA drupadasutA tvayi gADhabhaktibhArA |
taduditabhavadAhR^itiprakArairatimumude samamanyabhAminIbhiH || 84\-3
tadanu cha bhagavan nirIkShya gopAnatikutukAdupagamya mAnayitvA |
chirataravirahAturA~NgarekhAH pashupavadhUH sarasaM tvamanvayAsIH || 84\-4
sapadi cha bhavadIkShaNotsavena pramuShitamAnahR^idAM nitambinInAm |
atirasaparimuktaka~nchulIke parichayahR^idyatare kuche nyalaiShIH || 84\-5
ripujanakalahaiH punaH punarme samupagatairiyatI vilamban.aAbhUt |
iti kR^itaparirambhaNe tvayi drAgativivashA khalu rAdhikA nililye || 84\-6
apagatavirahavyathAstadA tA rahasi vidhAya dadAtha tattvabodham |
paramasukhachidAtmako.ahamAtmetyudayatu vaH sphuTameva chetasIti || 84\-7
sukharasaparimishrito viyogaH kimapi purAbhavaduddhavopadeshaiH |
samabhavadamutaH paraM tu tAsAM paramasukhaikyamayI bhavadvichintA || 84\-8
munivaranivahaistavAtha pitrA duritashamAya shubhAni pR^ichChyamAnaiH |
tvayi sati kimidaM shubhAntarairityuruhasitairapi yAjitastadAsau || 84\-9
sumahati yajane vitAyamAne pramuditamitrajane sahaiva gopAH |
yadujanamahitAstrimAsamAtraM bhavadanuSha~NgarasaM pureva bhejuH || 84\-10
vyapagamasamaye sametya rAdhAM dR^iDhamupagUhya nirIkShya vItakhedAm |
pramuditahR^idayaH puraM prayAtaH pavanapureshvara pAhi mAM gadebhyaH || 84\-11
\medskip\hrule\medskip
##        85 The Slaying Of Jarasandha ##
tato magadhabhUmR^itA chiranirodhasaMkleshitaM
shatAShTakayutAyutadvitayamIsha bhUmIbhR^itAm |
anAthasharaNAya te kamapi pUruShaM prAhiNo\-
dayAchata sa mAgadhakShapaNameva kiM bhUyasA || 85\-1||
yiyAsurabhimAgadhaM tadanu nAradodIritA\-
dyudhiShThiramakhodyamAdubhayakAryaparyAkulaH |
viruddhajayino.adhvarAdubhayasiddhirityuddhave
shashaMsuShi nijaiH samaM puramiyetha yaudhiShThirIm || 85\-2||
asheShadayitAyute tvayi samAgate dharmajo
vijitya sahajairmahIM bhavadapA~NgasaMvardhitaiH |
shriyaM nirupamAM vahannahaha bhaktadAsAyitaM
bhavantamayi mAgadhe prahitavAnsabhImArjunam || 85\-3||
girivrajapuraM gatAstadanu deva yUyaM trayo
yayAcha samarotsavaM dvijamiSheNa taM mAgadham |
apUrNasukR^itaM tvamuM pavanajena saMgrAmayan
nirIkShya saha jiShNunA tvamapi rAjayudhvA sthitaH || 85\-4||
ashAntasamaroddhataM viTapapATanAsaMj~nayA
nipAtya jarasassutaM pavanajena niShpATitam |
vimuchya nR^ipatInmudA samanugR^ihya bhaktiM parAM
dideshitha gataspR^ihAnapi cha dharmaguptyai bhuvaH || 85\-5||
prachakruShi yudhiShThire tadanu rAjasUyAdhvaraM
prasannabhR^itakIbhavatsakalarAjakavyAkulam |
tvamapyayi jagatpate dvijapadAvanejAdikaM
chakartha kimu kathyate nR^ipavarasya bhAgyonnatiH || 85\-6||
tatassavanakarmaNi pravaramagryapUjAvidhiM
vichArya sahadevavAganugatassa dharmAtmajaH |
vyadhatta bhavate mudA sadasi vishvabhUtAtmane
tadA sasuramAnuShaM bhuvanameva tR^iptiH dadhau || 85\-7||
tatassapadi chedipo muninR^ipeShu tiShThatsvaho
sabhAjayati ko jaDaH pashupadurdurUTaM vaTum |
iti tvayi sa durvachovitatimudvamannAsanA\-
dudApatadudAyudhaH samapatannamuM pANDavAH || 85\-8||
nivArya nijapakShagAnabhimukhasya vidveShiNa\-
stvameva jahR^iShe shiro danujadAriNA svAriNA |
janustritayalabdhayA satatachintayA shuddhadhI\-
stvayA sa paramekatAmadhR^ita yoginAM durlabhAm || 85\-9||
tatassumahito tvayA kratuvare nirUDhe jano
yayau jayati dharmajo jayati kR^iShNa ityAlapan |
khalaH sa tu suyodhano dhutamanAssapatnashriyA
mayArpitasabhAmukhe sthalajalabhramAdabhramIt || 85\-10||
tadA hasitamutthitaM drupadandanAbhImayo\-
rapA~NgakalayA vibho kimapi tAvadujjR^imbhayan |
dharAbharanirAkR^itau sapadi nAma bIjaM vapan
janArdana marutpurInilaya pAhi mAmAmayAt || 85\-11||
\medskip\hrule\medskip
##        86 Slaying Of Salva ##
sAlvo bhaiShmIvivAhe yadubalavijitashchandrachUDAdvimAnaM
vindansaubhaM sa mAyI tvayi vasati kurUMstvatpurImabhyabhA~NkShIt |
pradyumnastaM nirundhannakhilayadubhaTairnyagrahIdugravIryaM
tasyAmAtyaM dyumantaM vyajani cha samarassaptaviMshatyahAntaH || 86\-1
tAvattvaM rAmashAlI tvaritamupagataH khaNDitaprAyasainyaM
saubheshaM taM nyarundhAH sa cha kila gadayA shAr~NgamabhraMshayatte |
mAyAtAtaM vyahiMsIdapi tava puratastattvayApi kShaNArdhaM
nAj~nAyItyAhureke tadidamavamataM vyAsa eva nyaShedhIt || 86\-2||
kShiptvA saubhaM gadAchUrNitamudakanidhau ma~NkShu sAlve.api chakre\-
NotkR^itte dantavaktraH prasabhamabhipatannabhyamu~nchadgadAM te |
kaumodakyA hato.asAvapi sukR^itanidhishchaidyavatprApadaikyaM
sarveShAmeSha pUrvaM tvayi dhR^itamanasAM mokShaNArtho.avatAraH || 86\-3
tvayyAyAte.atha jAte kila kurusadasi dyUtake saMyatAyAH
krandantyA yAj~nasenyAH sakaruNamakR^ithAshchelamAlAmanantAm |
annAntaprAptasharvAMshajamunichakitadraupadI chintito.atha
prAptash shAkAnnamashnan munigaNamakR^ithAstR^iptimantaM vanAnte || 86\-4
yuddhodyoge.atha mantre milati sati vR^itaH phalgunena tvamekaH
kauravye dattasainyaH karipuramagamo dUtyakR^itpANDavArtham |
bhIShmadroNAdimAnye tava khalu vachane dhikkR^ite kauraveNa
vyAvR^iNvanvishvarUpaM munisadasi purIM kShobhayitvAgato.abhUH || 86\-5
jiShNostvaM kR^iShNa sUtaH khalu samaramukhe bandhughAte dayAluM
khinnaM taM vIkShya vIraM kimidamayi sakhe nitya eko.ayamAtmA |
ko vadhyaH ko.atra hantA tadiha vadhabhiyaM projjhya mayyarpitAtmA
dharmyaM yuddhaM chareti prakR^itimanayathA darshayanvishvarUpam || 86\-6
bhaktottaMse.atha bhIShme tava dharaNibharakShepakR^ityaikasakte
nityaM nityaM vibhindatyayutasamadhikaM prAptasAde cha pArthe |
nishshastratvapratij~nAM vijahadarivaraM dhArayankrodhashAlI\-
vAdhAvanprA~njaliM taM natashirasamatho vIkShya modAdapAgAH || 86\-7
yuddhe droNasya hastisthiraraNabhagadatteritaM vaiShNavAstraM
vakShasyAdhatta chakrasthagitaravimahAH prArdayansindhurAjam |
nAgAstre karNamukte kShitimavanamayankevalaM kR^ittamauliM
tatre tatrApi pArthaM kimiva na hi bhavAn pANDavAnAmakArShIt || 86\-8
yuddhAdau tIrthagAmI sa khalu haladharo naimishakShetramR^ichCha\-
nnapratyutthAyisUtakShayakR^idatha sutaM tatpade kalpayitvA |
yaj~naghnaM balvalaM parvaNi paridalayan snAtatIrtho raNAnte
samprApto bhImaduryodhanaraNamashamaM vIkShya yAtaH purInte || 86\-9
saMsuptadraupadeyakShapaNahatadhiyaM drauNimetya tvaduktyA
tanmuktaM brAhmamastraM samahR^ita vijayo mauliratnaM cha jahre |
uchChittyai pANDavAnAM punarapi cha vishatyuttarAgarbhamastre
rakShanna~NguShThamAtraH kila jaTharamagAshchakrapANirvibho tvam || 86\-10
dharmaughaM dharmasUnorabhidadhadakhilaM ChandamR^ityuH sa bhIShma\-
stvAM pashyanbhaktibhUmnaiva hi sapadi yayau niShkalabrahmabhUyam |
saMyAjyAthAshvamedhaistribhiratimahitairdharmajaM pUrNakAmaM
samprApto dvArakAM tvaM pavanapurapate pAhi mAM sarvarogAt || 86\-11

\medskip\hrule\medskip
##        87 The Kuchela Episode ##
kuchelanAmA bhavataH satIrthyatAM gataH sa sAndIpanimandire dvijaH |
tvadekarAgeNa dhanAdiniHspR^iho dinAni ninye prashamI gR^ihAshramI || 87\-1
samAnashIlA.api tadIyavallabhA tathaiva no chittajayaM sameyuShI |
kadAchidUche bata vR^ittilabdhaye ramApatiH kiM na sakhA niShevyate || 87\-2
itIrito.ayaM priyayA kShudhArtayA jugupsamAno.api dhane madAvahe |
tadA tvadAlokanakautukAdyayau vahanpaTAnte pR^ithukAnupAyanam || 87\-3
gato.ayamAshcharyamayIM bhavatpUrIM gR^iheShu shaibyAbhavanaM sameyivAn |
pravishya vaikuNThamivApa nirvR^itiM tavAtisambhAvanayA tu kiM punaH || 87\-4
prapUjitaM taM priyayA cha vIjitaM kare gR^ihItvA.akathayaH purA kR^itam |
yadindhanArthaM gurudArachoditairapartuvarShaM tadamarShi kAnane || 87\-5
trapAjuSho.asmAtpR^ithukaM balAdatha pragR^ihya muShTau sakR^idAshite tvayA |
kR^itaM kR^itaM nanviyateti sambhramAdramA kilopetya karaM rurodha te || 87\-6
bhakteShu bhaktena sa mAnitastvayA purIM vasannekanishAM mahAsukham |
batAparedyurdraviNaM vinA yayau vichitrarUpastava khalvanugrahaH || 87\-7
yadi hyayachiShyamadAsyadachyuto vadAmi bhAryAM kimiti vrajannasau |
tvaduktilIlAsmitamagnadhIH punaH kramAdapashyanmaNidIpramAlayam || 87\-8
kiM mArgavibhraMsha iti bhramankShaNaM gR^ihaM praviShTaH sa dadarsha vallabhAm |
sakhIparItAM maNihemabhUShitAM bubodha cha tvatkaruNAM mahAdbhutAm || 87\-9
sa ratnashAlAsu vasannapi svayaM samunnamadbhaktibharo.amR^itaM yayau |
tvamevamApUritabhaktavA~nChito marutpurAdhIsha harasva me gadAn || 87\-10
\medskip\hrule\medskip
##        88 The Episode Of Santana Gopalam ##
prAgevAchAryaputrAhR^itinishamanayA svIyaShaTsUnuvIkShAM
kAMkShantyA mAturuktyA sutalabhuvi baliM prApya tenArchitastvam |
dhAtushshApAddhiraNyAnvitakashipubhavAnshaurijAn kaMsabhagnA\-
nAnIyainAn pradarshya svapadamanayathAH pUrvaputrAnmarIcheH || 88\-1
shrutadeva iti shrutaM dvijendraM bahulAshvaM nR^ipatiM cha bhaktipUrNam |
yugapattvamanugrahItukAmo mithilAM prApitha tApasaiH sametaH || 88\-2
gachChandvimUrtirubhayoryugapanniketam
ekena bhUrivibhavairvihitopachAraH |
anyena taddinabhR^itaishcha phalaudanAdyai\-
stulyaM praseditha dadAtha cha muktimAbhyAm || 88\-3||
bhUyo.atha dvAravatyAM dvijatanayamR^itiM tatpralApAnapi tvaM
ko vA daivaM nirundhyAditi kila kathayanvishvavoDhA.apyasoDhAH |
jiShNorgarvaM vinetuM tvayi manujadhiyA kuNThitAM chAsya buddhiM
tattvArUDhAM vidhAtuM paramatamapadaprekShaNeneti manye || 88\-4||
naShTA aShTAsya putrAH punarapi tava tUpekShayA kaShTavAdaH
spaShTo jAto janAnAmatha tadavasare dvArakAmApa pArthaH |
maitryA tatroShito.asau navamasutamR^itau vipravaryaprarodaM
shrutvA chakre pratij~nAmanupahR^itasutassannivekShye kR^ishAnum || 88\-5
mAnI sa tvAmapR^iShTvA dvijanilayagato bANajAlairmahAstrai
rundhAnaH sUtigehaM punarapi sahasA dR^iShTanaShTe kumAre |
yAmyAmaindrIM tathAyAssuravaranagarIrvidyayA.asAdya sadyo
moghodyogaH patiShyanhutabhuji bhavatA sasmitaM vArito.abhUt || 88\-6
sArdhaM tena pratIchIM dishamatijavinA syandanenAbhiyAto
lokAlokaM vyatItastimirabharamatho chakradhAmnA nirundhan |
chakrAMshukliShTadR^iShTiM sthitamatha vijayaM pashya pashyeti vArAM
pAre tvaM prAdadashaH kimapi hi tamasAM dUradUraM padaM te || 88\-7
tatrAsInaM bhuja~NgAdhipashayanatale divyabhUShAyudhAdyai\-
rAvItaM pItachelaM pratinavajaladashyAmaLaM shrImada~Ngam |
mUrtInAmIshitAraM paramiha tisR^iNAmekamarthaM shrutInAM
tvAmeva tvaM parAtman priyasakhasahito nemitha kShemarUpam || 88\-8
yuvAM mAmevadvAvadhikavivR^itAntarhitatayA
vibhinnau sundraShTuM svayamahamahArShaM dvijasutAn |
nayetaM drAgenAniti khalu vitIrNAnpunaramUn
dvijAyAdAyAdAH praNutamahimA pANDujanuShA || 88\-9||
evaM nAnAvihArairjagadabhiramayanvR^iShNivaMshaM prapuShNa\-
nnIjAno yaj~nabhedairatulavihR^itibhiH prINayanneNanetrAH |
bhUbhArakShepadambhAt padakamalajuShAM mokShaNAyAvatIrNaH
pUrNaM brahmaiva sAkShAdyaduShu manujatArUShitastvaM vyalAsIH || 88\-10
prAyeNa dvAravatyAmavR^itadayi tadI nAradastvadrasArdra\-
stasmAllebhe kadAchitkhalu sukR^itanidhistvatpitA tattvabodham |
bhaktAnAmagrayAyI sa cha khalu matimAnuddhavastvatta eva
prApto vij~nAnasAraM sa kila janahitAyAdhunA.aste vadaryAm || 88\-11
so.ayaM kR^iShNAvatAro jayati tava vibho yatra sauhArdabhIti\-
snehadveShAnurAgaprabhR^itibhiratulairashramairyogabhedaiH |
ArtiM tIrvA samastAmamR^itapadamagussarvataH sarvalokAH
sa tvaM vishvArtishAntyai pavanapurapate bhaktipUrtyai cha bhUyAH || 88\-12
\medskip\hrule\medskip
##        89 The Slaying Of Vrikasura ##
ramAjAne jAne yadiha tava bhakteShu vibhavo
na sampadyaH sadyastadiha madakR^ittvAdashaminAm |
prashAntiM kR^itvaiva pradishasi tataH kAmamakhilaM
prashAnteShu kShipraM na khalu bhavadIye chyutikathA || 89\-1||
sadyaHprasAdaruShitAnvidhisha~NkarAdIn
kachidvibho nijaguNAnuguNaM bhajantaH |
bhraShTA bhavanti bata kaShTamadIrghadR^iShTyA
spaShTaM vR^ikAsara udAharaNaM kilAsmin || 89\-2||
shakunijaH sa hi nAradamekadA tvaritatoShamapR^ichChadadhIshvaram |
sa cha didesha girIshamupAsituM na tu bhavantamabandhumasAdhuShu || 89\-3
tapastaptv ghoraM sa khalu kupitaH saptamadine
shirashChittvA sadyaH puraharamupasthApya purataH |
atikShudraM raudraM shirasi karadAnena nidhanaM
jagannAthAdvavre bhavati vimukhAnAM kva shubhadhIH || 89\-4||
moktAraM bandhamukto hariNapatiriva prAdravatso.atha rudraM
daityAdbhItyA sma devo dishi dishi valate pR^iShThato dattadR^iShTiH |
tUShNIke sarvaloke tava padamadhirokShyantamudvIkShya sharvaM
dUrAdevAgratastvaM paTuvaTuvapuShA tasthiShe dAnavAya || 89\-5||
bhadraM te shAkuneya bhramasi kimadhunA tvaM pishAchasya vAchA
sandehashchenmaduktau tava kimu na karoShya~NgulIma~Nga maulau |
itthaM tvadvAkyamUDhaH shirasi kR^itakaraH so.apatachChinnapAtaM
bhraMsho hyevaM paropAsiturapi cha gatiH shUlino.api tvameva || 89\-6
bhR^iguM kila sarasvatInikaTavAsinastApasA\-
strimurtiShu samAdishannadhikasattvatAM veditum |
ayaM punaranAdarAduditaruddharoShe vidhau
hare.api cha jihiMsiShau girijayA dhR^ite tvAmagAt || 89\-7||
suptaM ramA~Nkabhuvi pa~NkajalochanaM tvAM
vipre vinighnati padena mudotthitastvam |
sarvaM kShamasva munivarya bhavetsadA me
tvatpAdachihnamiha bhUShaNamityavAdIH || 89\-8||
nishchitya te cha sudR^iDhaM tvayi baddhabhAvAH
sArasvatA munivarA dadhire vimokSham |
tvAmevamachyuta punashchyutidoShahInaM
sattvochchayaikatanumeva vayaM bhajAmaH || 89\-9||
jagatsR^iShTyAdau tvAM nigamanivahairvandibhiriva
stutaM viShNo sachchitparamarasanirdvaitavapuSham |
parAtmAnaM bhUman pashupavinatAbhAgyanivahaM
parItapashrAntyai pavanapuravAsin paribhaje || 89\-10||
\medskip\hrule\medskip
##        90 The Aim Of All Scriptures ##
vR^ikabhR^igusunimohinyambarIShAdivR^itte\-
Shvayi tava hi mahattvaM sarvasharvAdijaitram |
sthitamiha paramAtman niShkalArvAgabhinnaM
kimapi yadavabhAtaM taddhi rUpaM tavaiva || 90\-1||
mUrtitrayeshvarasadAshivapa~nchakaM yat prAhuH parAtmavapureva sadAshivo.asmin |
tatreshvarastu sa vikuNThapadastvameva tritvaM punarbhajasi satyapade tribhAge || 90\-2
tatrApi sAttvikatanuM tava viShNumAhu\-
rdhAtA tu sattvaviraLo rajasaiva pUrNaH |
satvotkaTatvamapi chAsti tamovikAra\-
cheShTAdikaM cha tava sha~NkaranAmni mUrtau || 90\-3||
taM cha trimUrtyatigataM purapUruShaM tvAM
sharvAtmanApi khalu sarvamayatvahetoH |
shaMsantyupAsanaavidhau tadapi svatastu
tvadrUpamityatidR^iDhaM bahu naH pramANam || 90\-4||
shrIsha~Nkaro.api bhagavAnsakaleShu tAvat
tvAmeva mAnayati yo na hi pakShapAtI |
tvanniShThameva sa hi nAmasahasrakAdi
vyAkhyadbhavatstutiparashcha gatiM gato.ante || 90\-5||
mUrtitrayAtigamuvAcha cha mantrashAstra\-
syAdau kalAyasuShamaM sakaleshvaraM tvAm |
dhyAnaM cha niShkaLamasau praNave khalUktvA
tvAmeva tatra sakalaM nijagAda nAnyam || 90\-6||
samastasAre cha purANasaMgrahe visaMshayaM tvanmahimaiva varNyate |
trimUrtiyuksatyapadatribhAgataH paraM padaM te kathitaM na shUlinaH || 90\-7
yadbrAhmakalpa iha bhAgavatadvitIya\-
skandhoditaM vapuranAvR^itamIsha dhAtre |
tasyaiva nAma harisharvamukhaM jagAda
shrImAdhavaH shivaparo.api purANasAre || 90\-8||
ye svaprakR^ityanuguNA girishaM bhajante
teShAM phalaM hi dR^iDhayaiva tadIyabhaktyA |
vyAso hi tena kR^itavAnadhikArihetoH
skAndAdikeShu tava hAnivacho.arthavAdaiH || 90\-9||
bhUtArthakIrtiranuvAdaviruddhavAdau
tredhArthavAdagatayaH khalu rochanArthAH |
skAndAdikeShu bahavo.atra viruddhavAdA\-
stvattAmasatvaparibhUtyupashikShaNAdyAH || 90\-10||
yatki~nchidapyaviduShApi vibho mayoktaM
tanmantrashAstravachanAdyabhidR^iShTameva |
vyAsoktisAramayabhAgavatopagIta
kleshAnvidhUya kuru bhaktibharaM parAtman || 90\-11||
\medskip\hrule\medskip
##        91 The Path Of Devotion##
shrIkR^iShNa tvatpadopAsanamabhayatamaM baddhamithyArthadR^iShTe\-
rmartyasyArtasya manye vyapasarati bhayaM yena sarvAtmanaiva |
yattAvattvatpraNItAniha bhajanavidhInAsthito mohamArge
dhAvannapyAvR^itAkShaH skhalati na kuhachiddevadevAkhilAtman || 91\-1
bhUman kAyena vAchA muhurapi manasA tvadbalapreritAtmA
yadyatkurve samastaM tadiha paratare tvayyasAvarpayAmi |
jAtyApIha shvapAkastvayi nihitamanaH karmavAgindriyArtha\-
prANo vishvaM punIte na tu vimukhamanAstvatpadAdvipravaryaH || 91\-2
bhItirnAma dvitIyAdbhavati nanu manaHkalpitaM cha dvitIyaM
tenaikyAbhyAsashIlo hR^idayamiha yathAshakti buddhyA nirundhyAm |
mAyAviddhe tu tasminpunarapi na tathA bhAti mAyAdhinAthaM
taM tvAM bhaktyA mahatyA satatamanubhajannIsha bhItiM vijahyAm || 91\-3
bhakterutpattivR^iddhI tava charaNajuShaM sa~Ngamenaiva puMsA\-
mAsAdye puNyabhAjAM shriya iva jagati shrImatAM sa~Ngamena |
tatsa~Ngo deva bhUyAnmama khalu satataM tanmukhAdunmiShadbhi\-
stvanmAhAtmyaprakArairbhavati cha sudR^iDhA bhaktiruddhUtapApA || 91\-4
shreyomArgeShu bhaktAvadhikabahumatirjanmakarmANi bhUyo
gAyankShemANi nAmAnyapi tadubhayataH pradrutaM pradrutAtmA |
udyaddhAsaH kadachitkuhAchidapi rudankvApi garjanpragAya\-
nnunmAdIva pranR^ityannayi kuru karuNAM lokabAhyashchareyam || 91\-5
bhUtAnyetAni bhUtAtmakamapi sakalaM pakShimatsyAnmR^igAdIn
martyAnmitrANi shatrUnapi yamitamatistvanmayAnyAnamAni |
tvatsevAyAM hi sidhyenmama tava kR^ipayA bhaktidArDhyaM virAga\-
stvattattvasyAvabodho.api cha bhuvanapate yatnabhedaM vinaiva || 91\-6
no muhyankShuttR^iDAdyairbhavasaraNibhavaistvannilInAshayatvA\-
chchintAsAtatyashAlI nimiShalavamapi tvatpadAdaprakampaH |
iShTAniShTeShu tuShTivyasanavirahito mAyikatvAvabodhA\-
jjyotsnAbhistvannakhendoradhikashishiritenAtmanA sa~nchareyam || 91\-7
bhUteShveShu tvadaikyasmR^itisamadhigatau nAdhikAro.adhunA chet
tvatprema tvatkamaitrI jaDamatiShu kR^ipA dviTsu bhUyAdupekShA |
archAyAM vA samarchAkutukamurutarashraddhayA vardhatAM me
tvatsaMsevI tathApi drutamupalabhate bhaktalokottamatvam || 91\-8||
AvR^itya tvatsvarUpaM kShitijalamarudAdyAtmanA vikShipantI
jIvAnbhUyiShThakarmAvalivivashagatIn duHkhajAle kShipantI |
tvanmAyA mAbhibhUnmAmayi bhuvanapate kalpate tatprashAntyai
tvatpAde bhaktirevetyavadadayi vibho siddhayogI prabuddhaH || 91\-9
duHkhAnyAlokya jantuShvalamuditaviveko.ahamAchAryavaryA\-
llabdhvA tvadrUpatattvaM guNacharitakathAdyudbhavatbhaktibhUmA |
mAyAmenAM taritvA paramasukhamaye tvatpade moditAhe
tasyAyaM pUrvara~NgaH pavanapurapate nAshayAsheSharogAn || 91\-10||
\medskip\hrule\medskip
##        92 Bhakti Combined With Karma##
vaidaissarvANi karmANyaphalaparatayA varNitAnIti budhvA
tAni tvayyarpitAnyeva hi samanucharan yAni naiShkarmyamIsha |
mA bhUdvedairniShiddhe kuhachidapi manaHkarmavAchAH pravR^itti\-
rdurvarjja~nchedavAptaM tadapi khalu bhavatyarpaye chitprakAshe || 92\-1
yastvanyaH karmayogastava bhajanamayastatra chAbhIShTamUrtiM
hR^idyAM sattvaikarUpAM dR^iShadi hR^idi mR^idi kvApi vA bhAvayitvA |
puShpairgandhairnivedyairapi cha virachitaiH shaktito bhaktipUtai\-
rnityaM varyAM saparyAM vidadhadayi vibho tvatprasAdaM bhajeyam || 92\-2
strIshUdrAstvatkathAdishravaNavirahitA AsatAM te dayArhA\-
stvatpAdAsannayAtAndvijakulajanuSho hanta shochAmyashAntAn |
vR^ittyarthaM te yajanto bahukathitamapi tvAmanAkarNayanto
dR^iptA vidyAbhijAtyaiH kimu na vidadhate tAdR^ishaH mA kR^ithA mAm || 92\-3
papo.ayaM kR^iShNa rAmetyabhilapati nijaM gUhituM dushchAritraM
nirlajjasyAsya vAchA bahutarakathanIyAni me vighnitAni |
bhrAtA me vandhyashIlo bhajati kila sadA viShNumitthaM budhAMste
nindantyuchchairhasanti tvayi nihitaratIMstAdR^ishaM mA kR^ithA mAm || 92\-4
shvetachChAyaM kR^ite tvAM munivaravapuShaM prINayante tapobhi\-
stretAyAM sruksruvAdya~NkitamaruNatanuM yaj~narUpaM yajante |
sevante tantramArgairvilasadarigadaM dvApare shyAmalA~NgaM
nIlaM sa~NkIrtanAdyairiha kalisamaye mAnuShAstvAM bhajante || 92\-5
so.ayaM kAleyakAlo jayati muraripo yatra sa~NkIrtanAdyai\-
rniryatnaireva mArgairakhilada nachirAttvatprasAdaM bhajante |
jAtAstretAkR^itAdAvapi hi kila kalau sambhavaM kAmayante
daivAttatraiva jAtAnviShayaviSharasairmA vibho va~nchayAsmAn || 92\-6
bhaktAstAvatkalau syurdramiLabhuvi tato bhUrishastatra chochchaiH
kAverIM tAmraparNImanukila dhR^itamAlA~ncha puNyAM pratIchIm |
hA mAmapyetadantarbhavamapi cha vibho ki~nchida~nchidrasaM tva\-
yyAshApAshairnibadhya bhramaya na bhagavan pUraya tvanniShevAm || 92\-7
dR^iShTvA dharmadruhaM taM kalimapakaruNaM prA~NmahIkShitparIkShi\-
ddhantuM vyAkR^iShTakhaDgo.api na vinihatavAn sAravedI guNAMshAt |
tvatsevAdyAshu sidhyedasadiha na tathA tvatpare chaiSha bhIru\-
ryattu prAgeva rogAdibhirapaharate tatra hA shikShayainam || 92\-8||
ga~NgA gItA cha gAyatryapi cha tuLasikA gopikAchandanaM tat
sALagrAmAbhipUjA parapuruSha tathaikAdashI nAmavarNAH |
etAnyaShTApyayatnAnyayi kalisamaye tvatprasAdapravR^iddhyA
kShipraM muktipradAnItyabhidadhurR^iShayasteShu mAM sajjayethAH || 92\-9
devarShINAM pitR^INAmapi na punarR^iNI ki~Ngaro vA sa bhUman
yo.asau sarvAtmanA tvAM sharaNamupagataH sarvakR^ityAni hitvA |
tasyotpannaM vikarmApyakhilamapanudasyeva chittasthitastvaM
tanme paapotthatApAnpavanapurapate rundi bhaktiM praNIyAH || 92\-10
\medskip\hrule\medskip
##        93 The Lessons From 25 Gurus##
bandhusnehaM vijahyAM tava hi karuNayA tvayyupAveshitAtmA
sarvaM tvaktvA chareyaM sakalamapi jagadvIkShya mAyAvilAsam |
nAnAtvAd{}bhrAntijanyAtsati khalu guNadoShAvabodhe vidhirvA
vyAsedho vA kathaM tau tvayi nihitamatervItavaiShamyabuddheH || 93\-1
kShuttR^iShNAlopamAtre satatakR^itadhiyo jantavassantyanantA\-
stebhyo vij~nAnavattvAtpuruSha iha varastajjanirdurlabhaiva |
tatrApyAtmAtmanaH syAtsuhR^idapi cha ripuryastvayi nyastachetA\-
stApochChitterupAyaM smarati sa hi suhR^itsvAtmavairI tato.anyaH || 93\-2
tvatkAruNye pravR^itte ka iva na hi gururlokavR^itte.api bhUman
sarvAkrAntApi bhUmirna hi chalati tataH satkShamAM shikShayeyam |
gR^ihNIyAmIsha tattadviShayaparichate.apyaprasaktiM samIrA\-
dvyAptatva~nchAtmano me gaganaguruvashAdbhAtu nirlepatA cha || 93\-3
svachChaH syAM pAvano.ahaM madhura udakavadvahnivanmA sma gR^ihNAM
sarvAnnIno.api doShaM taruShu tamiva mAM sarvabhUteShvaveyAm |
puShTirnaShTiH kalAnAMM shashina iva tanornAtmano.astIti vidyAM
toyAdivyastamArtANDavadapi cha tanuShvekatAM tvatprasAdAt || 93\-4||
snehAdvyAdhAstaputrapraNayamR^itakapotAyito mA sma bhUvaM
prApta prAshnansaheya kShudhamapi shayuvatsindhuvatsyAmagAdhaH |
mA paptaM yoShidAdau shikhini shalabhavadbhR^i~NgavatsArabhAgI
bhUyAsaM kintu tadvaddhanachayanavashAnmAhamIsha praNesham || 93\-5
mA badhyAsaM taruNyA gaja iva vashayA nArjayeyaM dhanaughaM
hartAnyastaM hi mAdhvIhara iva mR^igavanmA guhaM grAmyagItaiH |
nAtyAsajjeya bhojye jhaSha iva biLishe pi~NgalAvannirAshaH
supyAM bhartavyayogAtkurara iva vibho sAmiSho.anyairna hanyai || 93\-6
varteya tyaktamAnaH sukhamatishishuvannissahAyashchareyaM
kanyAyA ekasheSho valaya iva vibho varjitAnyonyaghoShaH |
tvachchitto nAvabudhyai paramiShukR^idiva kShmAbhR^idAyAnaghoShaM
geheShvanyapraNIteShvahiriva nivasAnyundurormandireShu || 93\-7||
tvayyeva tvatkR^itaM tvaM kShapayasi jagadityUrNanAbhAtpratIyAM
tvachchintA tvatsvarUpaM kuruta iti dR^iDhaM shikSheye peshakArAt |
viDbhasmAtmA cha dehi bhavati guruvaro yo vivekaM viraktiM
dhatte sa~nchintyamAno mama tu bahurujApIDito.ayaM visheShAt || 93\-8
hI hI me dehamohaM tyaja pavanapurAdhIsha yatpremaheto\-
rgehe chitte kaLatrAdiShu cha vivashitAstvatpadaM vismaranti |
so.ayaM vahneH shuno vA paramiha parataH sAmprata~nchAkShikarNa\-
tvagjihvAdyA vikarShantyavashamata itaH ko.api na tvatpadAbje || 93\-9
durvAro dehamoho yadi punaradhunA tarhi nishsheSharogAn
hR^itvA bhaktiM draDhiShThAM kuru tava padapa~Nkeruhe pa~NkajAkSha |
nUnaH nAnAbhavAnte samadhigatamimaM muktidaM vipradehaM
kShudre hA hanta mA mA kShipa viShayarase pAhi mAM mArutesha || 93\-10
\medskip\hrule\medskip
##        94 The Means Of Enlightenment##
shuddhA niShkAmadharmaiH pravaragurugirA tatsvarUpaM paraM te
shuddhaM dehendriyAdivyapagatamakhilavyAptamAvedayante|
nAnAtvasthaulyakArshyAdi tu guNajavapussa~Ngato.adhyAsitaM te
vahnerdAruprabhedeShviva mahadaNutAdIptatAshAntatAdi || 94\-1||
AchAryAkhyAdharasthAraNisamanumiLachChiShyarUpottarAra\-
NyAvedhodbhAsitena sphuTataraparibodhAgninA dahyamAne |
karmAlIvAsanAtatkR^itatanubhuvanabhrAntikAntArapUre
dAhyAbhAvena vidyAshikhini cha virate tvanmayI khalvavasthA || 94\-2
evaM tvatprAptito.anyo nahi khalu nikhilakleshahAnerupAyo
naikAntAtyantikAste kR^iShivadagadaShADguNyaShaDkarmayogAH |
durvaikalyairakalyA api nigamapathAstatphalAnyapyavAptA
mattAstvAM vismarantaH prasajati patane yAntyanantAnviShAdAn || 94\-3
tvallokAdanyalokaH kvanu bhayarahito yatparArdhadvayAnte
tvadbhItassatyaloke.api na sukhavasatiH padmabhUH padmanAbha |
evambhAve tvadharmArjitabahutamasAM kA kathA nArakANAM
tanme tvaM Chindhi bandhaM varada kR^ipaNabandho kR^ipApUrasindho || 94\-4
yAthArthyAttvanmayasyaiva hi mama na vibho vastuto bandhamokShau
mAyAvidyAtanubhyAM tava tu virachitau svapnabodhopamau tau |
baddhe jIvadvimuktiM gatavati cha bhidA tAvatI tAvadeko
bhu~Nkte dehadrumastho viShayaphalarasAnnAparo nirvyathAtmA || 94\-5
jIvanmuktatvamevaMvidhamiti vachasA kiM phalaM dUradUre
tannAmAshuddhabuddherna cha laghu manasaH shodhanaM bhaktito.anyat |
tanme viShNo kR^iShIShThAstvayi kR^itasakalaprArpaNaM bhaktibhAraM
yena syAM ma~NkShu ki~nchidguruvachanamiLattvatprabodhastvadAtmA || 94\-6
shabdabrahmaNyapIha prayatitamanasastvAM na jAnanti kechit
kaShTaM vandhyashras sakalamalaaharA divyalIlAvatArAH
sachchitsAndraM cha rUpaM tava na nigaditaM tAM na vAchaM bhriyAsam || 94\-7
yo yAvAnyAdR^isho vA tvamiti kimapi naivAvagachChAmi bhUma\-
nneva~nchAnanyabhAvastvadanubhajanamevAdriye chaidyavairin |
tvalli~NgAnAM tvada~N{}ghripriyajanasadasAM darshanasparshanAdi\-
rbhUyAnme tvatprapUjAnatinutiguNakarmAnukIrtyAdaro.api || 94\-8||
yadyallabhyeta tattattava samupahR^itaM deva dAso.asmi te.ahaM
tvadgehonmArjanAdyaM bhavatu mama muhuH karma nirmAyameva |
sUryAgnibrAhmaNAtmAdiShu lasitachaturbAhumArAdhaye tvAM
tvatpremArdratvarUpo mama satatamabhiShyandatAM bhaktiyogaH || 94\-9
aikyaM te dAnohomavrataniyamatapassA~NkhyayogairdurApaM
tvatsa~Ngenaiva gopyaH kila sukR^ititamAH prApurAnandasAndram |
bhakteShvanyeShu bhUyassvapi bahumanuShe bhaktimeva tvamAsAM
tanme tvadbhaktimeva dR^iDhaya hara gadAnkR^iShNa vAtAlayesha || 94\-10
\medskip\hrule\medskip
##        95 The Means Of Liberation##
Adau hairaNyagarbhIM tanumavikalajIvAtmikAmAsthitastvaM
jIvatvaM prApya mAyAguNagaNakhachito vartase vishvayone |
tatrodvR^iddhena sattvena tu gaNayugaLaM bhaktibhAvaM gatena\-
ChitvA sattvaM cha hitvA punaranupahito vartitAhe tvameva || 95\-1||
sattvonmeShAtkadAchitkhalu viShayarase doShabodhe.api bhUman
bhUyo.apyeShu pravR^ittiH satamasi rajasi proddhate durnivArA |
chittaM tAvadguNAshcha grathitamiha mithastAni sarvANi roddhuM
turye tvayyekabhaktiH sharaNamiti bhavAnhaMsarUpI nyagAdIt || 95\-2
santi shreyAMsi bhUyAMsyapi ruchibhidayA karmiNAM nirmitAni
kShudrAnandAshcha sAntA bahuvidhagatayaH kR^iShNa tebhyo bhaveyuH |
tva~nchAchakhyAtha sakhye nanu mahitatamAM shreyasAM bhaktimekAM
tvadbhaktyAnandatulyaH khalu viShayajuShAM sammadaH kena vA syAt || 95\-3
tvadbhaktyA tuShTabuddheH sukhamiha charato vichyutAshasya chAshAH
sarvAssyuH saukhyamayyaH salilakuharagasyeva toyaikamayyaH |
so.ayaM khalvindralokaM kamalajabhavanaM yogasiddhIshcha hR^idyA
nAkA~NkShatyetadAstAM svayamanupatite mokShasaukhye.apyanIhaH || 95\-4
tvadbhakto bAdhyamAno.api cha viShayarasairindriyAshAntiheto\-
rbhaktyaivAkramyamANaiH punarapi khalu tairdurbalairnAbhijayyaH |
saptArchirdIpitArchirdahati kila yathA bhUridAruprapa~nchaM
tvadbhaktyoghe tathaiva pradahati duritaM durmadaH kvendriyANAm || 95\-5
chittArdrIbhAvavamuchchairvapuShi cha pulakaM harShabAShpa~ncha hitvA
chittaM shuddhyetkathaM vA kimu bahutapasA vidyayA vItabhakteH |
tvadgAthAsvAdasiddhA~njanasatatamarImR^ijyamAno.ayamAtmA
chakShurvattattvasUkShmaM bhajati na tu tathAbhyastayA tarkakoTyA || 95\-6
dhyAnaM te shIlayeyaM samatanusukhabaddhAsano nAsikAgra\-
nyastAkShaH pUrakAdyairjitapavanapathashchittapadmantvavA~ncham |
UrdhvAgraM bhAvayitvA ravividhushikhinassaMvichintyopariShTAt
tatrasthaM bhAvaye tvAM sajalajaladharashyAmalaM komaLA~Ngam || 95\-7
AnIlashlakShNakeshaM jvalitamakarasatkuNDalaM mandahAsa\-
syandArdraM kaustubhashrIparigatavanamAloruhArAbhirAmam |
shrIvatsA~NkaM subAhuM mR^idulasadudaraM kA~nchanachChAyachelaM
chArusnigdhorumambhoruhalalitapadaM bhAvayeyaM bhavantam || 95\-8||
sarvA~NgeShva~Ngara~NgatkutukamatimuhurdhArayannIsha chittaM
tatrApyekatra yu~nje vadanasarasije sundare mandahAse |
tatrAlInantu chetaH paramasukhachidadvaitarUpe vitanva\-
nnanyanno chintayeyaM muhuriti samupArUDhayogo bhaveyam || 95\-9||
itthaM tvaddhyAnayoge sati punaraNimAdyaShTasaMsiddhayastA
dUrashrutyAdayo.api hyahamahamikayA sampateyurmurAre |
tvatsamprAptau vilambAvahamakhilamidaM nAdriye kAmaye.ahaM
tvAmevAnandapUrNaM pavanapurapate pAhi mAM sarvatApAt || 95\-10||
\medskip\hrule\medskip
##        96 The Glories Of The Lord##
tvaM hi brahmaiva sAkShAt paramurumahimannakSharANAmakAra\-
stAro mantreShu rAj~nAM manurasi muniShu tvaM bhR^igurnArado.api |
prahlAdo dAnavAnAM pashuShu cha surabhiH pakShiNAM vainateyo
nAgAnAmasyanantaH surasaridapi cha srotasAM vishvamUrte || 96\-1||
brahmaNyAnAM balistvaM kratuShu cha japayaj~no.aso vIreShu pArtho
bhaktAnAmuddhavastvaM balamasi balinAM dhAma tejasvinAM tvam |
nAstyantastvadvibhUtervikasadatishayaM vastu sarvaM tvameva
tvaM jIvastvaM pradhAnaM yadiha bhavadR^ite tanna ki~nchitprapa~nche || 96\-2
dharmaM varNAshramANAM shrutipathavihitaM tvatparatvena bhaktyA
kurvanto.antarvirAge vikasati shanakaissantyajanto labhante |
sattAsphUrtipriyatvAtmakamakhilapadArtheShu bhinneShvabhinnaM
nirmUlaM vishvamUlaM paramamahamiti tvadvibodhaM vishuddham || 96\-3
j~nAnaM karmApi bhaktistritayamiha bhavatprApakaM tatra tAva\-
nnirviNNAnAmasheShe viShaya iha bhavet j~nAnayoge.adhikAraH |
saktAnAM karmayogastvayi hi vinihito ye tu nAtyantasaktA
nApyatyantaM viraktAstvayi cha dhR^itarasA bhaktiyogo hyamIShAm || 96\-4
j~nAnaM tvadbhaktatAM vA laghu sukR^itavashAnmartyaloke labhante
tasmAttatraiva janma spR^ihayati bhagavan nAkago nArako vA |
AviShTaM mAM tu daivAdbhavajalanidhipotAyite martyadehe
tvaM kR^itvA karNadhAraM gurumanuguNavAtAyitastArayethAH || 96\-5||
avyaktaM mArgayantaH shrutibhirapi nayaiH kevalaj~nAnalubdhAH
klishyante.atIva siddhiM bahutarajanuShAmanta evApnuvanti |
dUrasthaH karmayogo.api cha paramaphale nanvayaM bhaktiyoga\-
stvAmUlAdeva hR^idyastvaritamayi bhavatprApako vardhatAM me || 96\-6
j~nAnAyaivAtiyatnaM munirapavadate brahmatattvaM tu shruNvan
gADhaM tvatpAdabhaktiM sharaNamayati yastasya muktiH karAgre |
tvaddhyAne.apIha tulyA punarasukaratA chittachA~nchalyaheto\-
rabhyAsAdAshu shakyaM vashayituM tvatkR^ipAchArutAbhyAm || 96\-7||
nirviNNaH karmamArge khalu viShamatame tvatkathAdau cha gADhaM
jAtashraddho.api kAmAnayi bhuvanapate naiva shaknomi hAtum |
tadbhUyo nishchayena tvayi nihitamanA doShabuddhyA bhajaMstAn
puShNIyAM bhaktimeva tvayi hR^idayagate ma~NkShu na~NkShyanti sa~NgAH || 96\-8
kashchitkleshArjitArthakShayavimalamatirnudyamAno janaudhaiH
prAgevaM prAhi vipro na khalu mama janaH kAlakarmagrahA vA |
cheto me duHkhahetustadiha guNagaNaM bhAvayatsarvakArI\-
tyuktvA shAnto gatastvAM mama cha kuru vibho tAdR^ishIM chittashAntim || 96\-9
aiLaH prAgurvashIM pratyativivashamanAH sevamAnashchiraM tAM
gADhaM nirvidya bhUyo yuvatisukhamidaM kShudrameveti gAyan |
tvadbhaktiM prApya pUrNaH sukhataramacharattadvaduddhUta sa~NgaM
bhaktottaMsaM kriyA mAM pavanapurapate hanta me rundhirogAn || 96\-10
\medskip\hrule\medskip
##        97 Prayer For Supreme Devotion##
traiguNyAdbhinnarUpaM bhavati hi bhuvane hInamadhyottamaM yat\-
j~nAnaM shraddhA cha kartA vasatirapi sukhaM karma chAhArabhedAH |
tvatkShetratvanniShevAdi tu yadiha punastvatparaM tattu sarvaM
prAhurnairguNyaniShThaM tadanubhajanato ma~NkShu siddho bhaveyam || 97\-1
tvayyeva nyastachittaH sukhamayi vicharansarvacheShTAstvadarthaM
tvadbhaktaissevyamAnAnapi charitacharAnAshrayan puMNyadeshAn |
dasyau vipre mR^igAdiShvapi cha samamatirmuchyamAnAvamAna\-
spardhAsUyAdidoShaH satatamakhilabhUteShu saMpUjaye tvAm || 97\-2||
tvadbhAvo yAvadeShu sphurati na vishadaM tAvadevaM hyupAstiM
kurvannaikAtmyabodhe jhaTiti vikasati tvanmayo.ahaM chareyam |
tvaddharmasyAsya tAvatkimapi na bhagavan prastutasya praNAsha\-
stasmAtsarvAtmanaiva pradisha mama vibho bhaktimArgaM manojham || 97\-3
ta~nchainaM bhaktiyogaM draDhayitumayi me sAdhyamArogyamAyu\-
rdiShTyA tatrApi sevyaM tava charaNamaho bheShajAyeva dugdham |
mArkaNDeyo hi pUrvaM gaNakanigaditadvAdashAbdAyuruchchaiH
sevitvA vatsaraM tvAM tava bhaTanivahairdrAvayAmAsa mR^ityum || 97\-4
\medskip\hrule\medskip
##        The Episode Of Markandeya##
mArkaNDeyashchirAyussa khalu punarapi tvatparaH puShpabhadrA\-
tIre ninye tapasyannatulasukharatiH ShaT tu manvantarANi |
devendrassaptamastaM surayuvatimarunmanmathairmohayiShyan
yogoShmapluShyamANairna tu punarashakattvajjanaM nirjayet kaH || 97\-5
prItyA nArAyaNAkhyastvamatha narasakhaH prAptavAnasya pArshvaM
tuShTyA toShTUyamAnaH sa tu vividhavarairlobhito nAnumene |
draShTuM mAyAM tvadIyAM kila punaravR^iNodbhaktitR^iptAntarAtmA
mAyAduHkhAnabhij~nastadapi mR^igayate nUnamAshcharyahetoH || 97\-6||
yAte tvayyAshu vAtAkulajaladagaLattoyapUrNAtighUrNa\-
tsaptArNorAshi magne jagati sa tu jale sambhramanvarShakoTIH |
dInaH praikShiShTa dUre vaTadalashayanaM ka~nchidAshcharyabAlaM
tvAmeva shyAmaLA~NgaM vadanasarasijanyastapAdA~NgulIkam || 97\-7||
dR^iShTvA tvAM hR^iShTaromA tvaritamabhigataH spraShTukAmo munIndraH
shvAsenAntarniviShTaH punariha sakalaM dR^iShTavAn viShTapaugham |
bhUyo.api shvAsavAtairbahiranupatito vIkShitastvatkaTAkShai\-
rmodAdAshleShTukAmastvayi pihitatanau svAshrame prAgvadAsIt || 97\-8
gauryA sArdhaM tadagre purabhidatha gatastvatpriyaprekShaNArthI
siddhAnevAsya dattvA svayamayamajarAmR^ityutAdIn gato.abhUt |
evaM tvatsevayaiva smararipurapi sa prIyate yena tasmA\-
nmUrtitrayyAtmakastvaM nanu sakalaniyanteti suvyaktamAsIt || 97\-9||
tryaMshe.asminsatyaloke vidhiharipurabhinmandirANyUrdhvamUrdhvaM
tebhyo.apyUrdhvaM tu mAyAvikR^itivirahito bhAti vaikuNThalokaH |
tatra tvaM kAraNAmbhasyapi pashupakule shuddhasattvaikarUpI
sachchidbrahmAdvayAtmA pavanapurapate pAhi mAM sarvarogAt || 97\-10
\medskip\hrule\medskip
##        98 Meditation On Nirguna Brahman##
yasminnetadvibhAtaM yata idamabhavadyena chedaM ya eta\-
dyo.asmAduttIrNarUpaH khalu sakalamidaM bhAsitaM yasya bhAsA |
yo vAchAM dUradUre punarapi manasAM yasya devA munIndrA
no vidyustattvarUpaM kimu punarapare kR^iShNa tasmai namaste || 98\-1
janmAtho karma nAma sphuTamiha guNadoShAdikaM vA na yasmin
lokAnAmUteya yaH svayamanubhajate tAni mAyAnusArI |
bibrachChaktIrarUpo.api cha bahutararUpo.avabhAtyaddhutAtmA
tasmai kaivalyadhAmne pararasaparipUrNAya viShNo namaste || 98\-2||
no tirya~nchanna martyaM na cha suramasuraM na striyaM no pumAMsaM
na dravyaM karma jAtiM guNamapi sadasadvApi te rUpamAhuH |
shiShTaM yatsyAnniShedhe sati nigamashatairlakShaNAvR^ittitastat
kR^ichChreNAvedyamAnaM paramasukhamayaM bhAti tasmai namaste || 98\-3
mAyAyAM bimbitastvaM sR^ijasi mahadaha~NkAratanmAtrabhedai\-
rbhUtagrAmendriyAdyairapi sakalajagatsvapnasa~Nkalpakalpam |
bhUyaH saMhR^itya sarvaM kamaTha iva padAnyAtmanA kAlashaktyA
gambhIre jAyamAne tamasi vitimiro bhAsi tasmai namaste || 98\-4||
shabdabrahmeti karmetyaNuriti bhagavan kAla ityAlapanti
tvAmekaM vishvahetuM sakalamayatayA sarvathA kalpyamAnam |
vedAntairyattu gItaM puruShaparachidAtmAbhidhaM tattu tattvaM
prekShAmAtreNa mUlaprakR^itivikR^itikR^it kR^iShNa tasmai namaste || 98\-5
sattvenAsattayA vA na cha khalu sadasattvena nirvAchyarUpA
dhatte yAsAvavidyA guNaphaNimativadvishvadR^ishyAvabhAsam |
vidyAtvaM saiva yAtA shrutivachanalavairyatkR^ipAsyandalAbhe
saMsArAraNyasadyastruTanaparashutAmeti tasmai namaste || 98\-6||
bhUShAsu svarNavadvA jagati ghaTasharAvAdike mR^ittikAvat
tattve sa~nchintyamAne sphurati tadadhunApyadvitIyaM vapuste |
svapnadraShTuH prabodhe timiralayavidhau jIrNarajjoshcha yadvad
vidyAlAbhe tathaiva sphuTamapi vikaset kR^iShNa tasmai namaste || 98\-7
yadbhItyodeti sUryo dahati cha dahano vAti vAyustathAnye
yadbhItAH padmajAdyAH punaruchitabalInAharante.anukAlam |
yenaivAropitAH prA~N{}nijapadamapi te chyAvitArashcha pashchAt
tasmai vishvaM niyantre vayamapi bhavate kR^iShNa kurmaH praNAmam || 98\-8
trailokyaM bhAvayantaM triguNamayamidaM tryakSharasyaikavAchyaM
trIshAnAmaikyarUpaM tribhirapi nigamairgIyamAnasvarUpam |
tisro.avasthA vidantaM triyugajanijuShaM trikramakrAntavishvaM
traikAlye bhedahInaM tribhirahamanishaM yogabhedairbhaje tvAm || 98\-9
satyaM shuddhaM vibuddhaM jayati tava vapurnityamuktaM nirIhaM
nirdvandvaM nirvikAraM nikhilaguNagaNavya~njanAdhArabhUtam |
nirmUlaM nirmalaM tanniravadhimahimollAsi nirlInamanta\-
rnissa~NgAnAM munInAM nirupamaparamAnandasAndraprakAsham || 98\-10||
durvAraM dvAdashAraM trishataparimilatShaShTiparvAbhivItaM
saMbhrAmyatkrUravegaM kShaNamanu jagadAChidya sandhAvamAnam |
chakraM te kAlarUpaM vyathayatu na tu mAM tvatpadaikAvalambaM
viShNo kAruNyasindho pavanapurapate pAhi sarvAmayaughAt || 98\-11||
\medskip\hrule\medskip
##        99 Praise Of The Glory Of The Lord##
viShNorvIryANi ko vA kathayatu dharaNeH kashcha reNUnmimIte
yasyaivA~N{}ghritrayeNa trijagadabhimitaM modate pUrNasampat |
yo.asau vishvAni dhatte priyamiha paramaM dhAma tasyAbhiyAyAM
tadbhaktA yatra mAdyantyamR^itarasamarandasya yatra pravAhaH || 99\-1
AdyAyAsheShakartre pratinimiShanavInAya bhartre vibhUte\-
rbhaktAtmA viShNave yaH pradishati havirAdIni yaj~nArchanAdau |
kR^iShNAdyaM janma vA mahadiha mahato varNayetso.ayameva
prItaH pUrNo yashobhistvaritamabhisaretprApyamante padaM te || 99\-2
he stotAraH kavIndrAstamiha khalu yathA chetayadhve tathaiva
vyaktaM vedasya sAraM praNuvata jananopAttalIlAkathAbhiH |
jAnantashchAsya nAmAnyakhilasukhakarANIti sa~NkIrtayadhvaM
he viShNo kIrtanAdyaistava khalu mahatastattvabodhaM bhajeyam || 99\-3
viShNoH karmANi sampashyata manasi sadA yaiH sa dharmAnabadhnA/\-
dyAnIndrasyaiSha bhR^ityaH priyasakha iva cha vyAtanotkShemakArI |
vIkShante yogasiddhAH parapadamanishaM yasya samyakprakAshaM
viprendrA jAgarUkAH kR^itabahunutayo yachcha nirbhAsayante || 99\-4
no jAto jAyamAno.api cha samadhigatastvanmahimno.avasAnaM
deva shreyAMsi vidvAnpratimuhurapi te nAma shaMsAmi viShNo |
taM tvAM saMstaumi nAnAvidhanutivachanairasya lokatrayasyA\-
pyUrdhvaM vibhrAjamAne virachitavasatiM tatra vaikuNThaloke || 99\-5
ApaH sR^iShTyAdijanyAH prathamamayi vibho garbhadeshe dadhustvAM
yatra tvayyeva jIvA jalashayana hare sa~NgatA aikyamApan |
tasyAjasya prabho te vinihitamabhavatpadmamekaM hi nAbhau
dikpatraM yatkilAhuH kanakadharaNibhR^it karNikaM lokarUpam || 99\-6
he lokA viShNuretadbhavanamajanayattanna jAnItha yUyaM
yuShmAkaM hyantarasthaM kimapi tadaparaM vidyate viShNurUpam |
nIhAraprakhyamAyAparivR^itamanaso mohitA nAmarUpaiH
prANaprItyaikatR^iptAshcharatha makhaparA hanta nechChA mukunde || 99\-7
mUrdhnAmakShaNAM padAnAM vahasi khalu sahasrANi sampUrya vishvaM
tatprotkramyApi tiShThanparimitavivare bhAsi chittAntare.api |
bhUtaM bhavyaM cha sarvaM parapuruSha bhavAn ki~ncha dehendriyAdi\-
ShvAviShTopyudgatatvAdamR^itasukharasaM chAnubhu~NkShe tvameva || 99\-8
yattu trailokyarUpaM dadhadapi cha tatonirgatAnantashuddha\-
j~nAnAtmA vartase tvaM tava khalu mahimA so.api tAvAnkimanyat |
stokaste bhAga evAkhilabhuvanatayA dR^ishyate tryaMshakalpaM
bhUyiShThaM sAndramodAtmakamupari tato bhAti tasmai namaste || 99\-9
avyaktaM te svarUpaM duradhigamatamaM tattu shuddhaikasattvaM
vyakta~nchApyetadeva sphuTamamR^itarasAmbhodhikallolatulyam |
sarvotkR^iShTAmabhIShTAM tadiha guNarasenaiva chittaM harantIM
mUrtiM te saMshraye.ahaM pavanapurapate pAhi mAM kR^iShNa rogAt || 99\-10
\medskip\hrule\medskip
##        100 Description Of The Vision Of The Lord##
agre pashyAmi tejo nibiDatarakalAyAvalIlobhanIyaM
pIyUShAplAvito.ahaM tadanu tadudare divyakaishoraveSham |
tAruNyArambharamyaM paramasukharasAsvAdaromA~nchitA~Ngai\-
rAvItaM nAradAdyaivilasadupaniShatsundarImaNDalaishcha || 100\-1||
nIlAbhaM ku~nchitAgraM ghanamamalataraM saMyataM chArubha~NgyA
ratnottaMsAbhirAmaM valayitamudayachchandrakaiH pi~nChajAlaiH |
mandArasra~N{}nivItaM tava pR^ithukabarIbhAramAlokaye.ahaM
snigdhashchetordhvapuNDrAmapi cha sulalitAM phAlabAlenduvIthIm || 100\-2
hR^idyaM pUrNAnukampArNavamR^idulaharIcha~nchalabhrUvilAsai\-
rAnIlasnigdhapakShmAvaliparilasitaM netrayugmaM vibho te |
sAndrachChAyaM vishAlAruNakamaladalAkAramAmugdhatAraM
kAruNyAlokalIlAshishiritabhuvanaM kShipyatAM mayyanAthe || 100\-3||
uttu~NgollAsinAsaM harimaNimukuraprollasadgaNDapAlI\-
vyAlolatkarNapAshA~nchitamakaramaNIkuNDaladvandvadIpram |
unmIladdantapa~NktisphuradaruNatarachChAyabimbAdharAntaH\-
prItiprasyandimandasmitashishirataraM vaktramudbhAsatAM me || 100\-4
bAhudvandvena ratnojvalavalayabhR^itA shoNapANipravALe\-
nopAttAM veNunALIM prasR^itanakhamayUkhA~NgulIsa~NgashArAm |
kR^itvA vaktrAravindre sumadhuravikasadrAgamudbhAvyamAnaiH
shabdabrahmAmR^itaistvaM shishiritabhuvanaissi~ncha me karNavIthIm || 100\-5
utsarpatkaustubhashrItatibhiraruNitaM komaLaM kaNThadeshaM
vakShaH shrIvatsaramyaM taraLatarasamuddIprahArapratAnam |
nAnAvarNaprasUnAvalikisalayinIM vanyamAlAM vilola\-
llolambAM lambamAnAmurasi tava tathA bhAvaye ratnamAlAm || 100\-6||
a~Nge pa~nchA~NgarAgairatishayavikasatsaurabhAkR^iShTalokaM
lInAnekatrilokIvitatimapi kR^ishAM bibhrataM madhyavallIm |
shakrAshmanyastataptojvalakanakanibhaM pItachelaM dadhAnaM
dhyAyAmo dIptarashmisphuTamaNirashanAki~NgiNImaNDitaM tvAm || 100\-7
UrU chArU tavorU ghanamasR^iNaruchau chittachorau ramAyA
vishvakShobhaM visha~Nkya dhruvamanishamubhau pItachelAvR^itA~Ngau |
AnamrANAM purastAnnyasanadhR^itasamastArthapALIsamudga\-
chChAyAM jAnudvayaM cha kramapR^ithulamanoj~ne cha ja~Nghe niSheve || 100\-8
ma~njIraM ma~njunAdairiva padabhajanaM shreya ityAlapantaM
pAdAgraM bhrAntimajjatpraNatajanamanomandaroddhArakUrmam |
uttu~NgAtAmrarAjannakharahimakarajyotsnayA chA.ashritAnAM
santApadhvAntahattrIM tatimanukalaye ma~NgalAma~NgulInAm || 100\-9||
yogIndrANAM tvada~NgeShvadhikasumadhuraM muktibhAjAM nivAso
bhaktAnAM kAmavarShadyutarukisalayaM nAtha te pAdamUlam |
nityaM chittasthitaM me pavanapurapate kR^iShNa kAruNyasindho
hR^itvA niHsheShatApAnpradishatu paramAnandasandohalakShmIm || 100\-10
aj~nAtvA te mahattvaM yadiha nigaditaM vishvanAtha kShamethAH
stotraM chaitatsahasrottaramadhikataraM tvatprasAdAya bhUyAt |
dvedhA nArAyaNIyaM shrutiShu cha januShA stutyatAvarNanena
sphItaM lIlAvatArairidamiha kurutAmAyurArogyasaukhyam || 100\-11||
##\medskip\hrule\medskip
Reference system:
Original availability from 
http://www.cuni.cz/ffiu/pandanus/search.html
Converted to REE format at
http://www.sub.uni-goettingen.de/ebene\_{}1/fiindolo/gretil.htm
Converted to Itrans for Devanagari display
Proofread by M.K. Krishnaswamy surfings@attbi.com
and M.G.Vasudevan mgv@lntecc.com
\end{multicols}\medskip\hrule\obeylines
\medskip
{\rm Please send corrections to sanskrit@cheerful.com}
{\rm Last updated \today}
\end{document}