% Text title : shrIkRiShNacharitam from Gargasamhita % File name : kRiShNacharitamgargasamhitA.itx % Category : vishhnu, krishna, stotra, vishnu % Location : doc\_vishhnu % Transliterated by : Vishwas Bhide vrbhide at rediffmail.com % Proofread by : Vishwas Bhide, PSA Easwaran % Description-comments : gargasamhitA % Acknowledge-Permission: Vishwas Bhide http://satsangdhara.net/ % Latest update : February 3, 2016 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. shrIkRiShNacharitam ..}## \itxtitle{.. shrIkR^iShNacharitam ..}##\endtitles ## ketumAlavAsina UchuH \- AsIttu sheShashayano jagadArttihArI sAkShAtpradhAnapuruSheshvara AdidevaH | yaH prArthitaH suravarairbhuvanAvanAya tasmai namo bhagavate puruShottamAya || 1|| jAto gataH pitR^igR^ihAtpitarau vimokShya nandAlayaM shishutanuH sa tu nandapatnyA | saMlAlitaH saghR^iNayA bahuma~NgalashrIH prANaprahAramakarotkila pUtanAyAH || 2|| bAlo babha~nja shakaTaM shayanaM prakurvan daityaM nipAtya mahadadbhutakaM cha pR^iShThe | mAtre pradarshya nijarUpamala~NkR^ito.abhUd\- gargeNa sa~NkathitasundarabhAgyalakShmIH || 3|| saMlAlito vrajajanairnavanItachauraH shyAmo manoharavapurmR^idulaH sa bAlaH | bhitvA jaghAsa dadhipAtramatIva dadhno vR^ikShau babha~nja jananIlaghudAmabaddhaH || 4|| vR^indAvane sa vicharan saha vatsagopai\- rvatsAsuraM cha vinipAtya kapitthavR^ikShaiH | sadyo vigR^ihya kharatuNDapuTe cha dorbhyAM daityaM dadAra sa bakaM tR^iNavattaTinyAm || 5|| sandhArayaMshcha shishubhirbahuvatsasa~NghAn veNuM kvaNanmadanamohanaveShabhR^idyaH | gopAnaghAsuramukhe prahitA~njugopa gogopavatsapavapuH sa chakAra sadyaH || 6|| kShetraj~na AtmapuruSho bhagavAnanantaH pUrNaH pradhAnapuruSheshvara AdidevaH | dhR^itvA vapuH sa viharanvrajabAlakeShu sammohayanvidhimajo vichachAra kR^iShNaH || 7|| chikShepa dhenukamasau balinaM balena tAle pragR^ihya sahasA phaNikAliyAkhyam | babhrAma vahnimapibaddanujaM pralambaM sadyo jaghAna sa balI dR^iDhamuShTinA cha || 8|| sa~nchArayanvrajavadhUrmadhuraM kvaNan yo veNuM vane vrajavadhUnijagItakIrtiH | divyAmbarANi sa jahAra varA~NganAnAM viprA~NganAbhirabhitaH kR^itabhaktabhojaH || 9|| deve cha varShati pashUnkR^ipayA rirakShu\- rgovardhanaM prakR^itabAla ivochChilIndhram | bibhradgiriM sa gajarADiva ka~njameka\- haste shachIpativachobhirataH stuto.abhUt || 10|| nandaM jugopa varuNAtsvajanAya lokaM divyaM paraM cha tamaso divi darshayitvA | shrIrAsamaNDalagato vrajasundarINAM reme pulindataTinIpuline.a~NganAbhiH || 11|| mAnaM haranmadanayauvanamAninInA\- mantardadhe vrajavadhUnijagItakIrtiH | sragvI manoharavapurvirahAturANAM sAkShAddharirmadanamohana AvirAsIt || 12|| vR^indAvane shabararAjavarA~NganAbhi\- rviShNurvibhUtibhiriva dyubhirAdidevaH | reme stutaH suravaraiH sa cha rAsara~Nge keyUrakuNDalakirITaviTa~NkaveShaH || 13|| nandaM vimokShya phaNine pradadau cha mokShaM divyaM maNiM sa cha jahAra ha sha~NkhachUDAt | gopastuto vR^iShabharUpadharaM hyariShTaM bhUmau nipAtya nijaghAna kareNa shR^i~Nge || 14|| kaMsaH paraM bhayamavApa cha tena keshI sampreShitaH saghanameghavapuH prachaNDaH | utsR^ijya taM cha tarasA punarApatantaM shrIbAhunA mukhagatena jaghAna kR^iShNaH || 15|| yo nAradena bahuvarNitabhAgyalakShmI\- rvyomAsuro vyasurakAri pareNa yena | akrUravarNitamahodaya Adidevo gopIjanAtivirahAturachittachauraH || 16|| shvAphalkaye hitakarAya nijaM svarUpa\- mantardadhe jalachaye sa cha darshayitvA | sa prApa tatra mathuropavanaM paresho gopAlakaishcha sabalo mathurAM dadarsha || 17|| svairaM charanmadhupure rajakaM nikR^itya kR^iShNaH pradAya cha varAnatha vAyakAya | mAlAkR^itaM samanukampya chakAra kubjA\- mR^ijvIM dhanushcha sahasA namayanbabha~nja || 18|| dvAri dvipa~ncha vinihatya narendramallau hatvA pragR^ihya vinipAtya sa ra~NgabhUmau | kaMsaM haristu pitarAvatha mochayitvA bandhAnnR^ipaM puri chakAra mahograsenam || 19|| nandaM prasAdya bahudAnakaro yadUMstA\- nAhUya tarpya sudhanaishcha nivedayitvA | vidyAmadhItya sa dadau pramR^itaM hyapatyaM kR^itvA vadhaM danujapa~nchajanasya kR^iShNaH || 20|| gopIjanAnsamanugR^ihya sa choddhavenA\- krUreNa hAstinapure tvatha pANDuputrAn | kR^iShNo vijitya balinaM cha jarAsutaM cha bhasmIchakAra muchakundadR^ishA.a.atmakAlam || 21|| nirmAya chAdbhutapuraM sthitaye.atra kR^iShNo ninye cha kuNDinapurAtkila bhIShmakanyAm | putreNa shambaramariM nijaghAna chAdAd\- rAj~ne maNIM yudhi vijitya sa R^ikSharAjam || 22|| bhAmApatiH sa cha shiraH shatadhanvanastu hR^itvA hyuvAha savitushcha sutAM pareshaH | AvantyarAjatanujAM sa jahAra kR^iShNaH satyAM svayaMvaragR^ihe vR^iShabhAndamitvA || 23|| kaikeyarAjatanujAM sa jahAra bhadrAM shrIlakShmaNAmakhilabhadrapateH sutAM cha | bhaumaM vijitya sabalaM yudhi shastrasa~Nghai\- rninye cha ShoDashasahasravarA~NganAshcha || 24|| bhAmechChayA surataruM cha sabhAM sudharmAM shakraM vijitya sa jahAra kalatramitraH | yo rukmiNaM cha nijaghAna balena goShThyAM bANasya bAhunichayaM shatadhAchChinatsaH || 25|| tenograsenakratave.atha jagadvijetuM sampreShito nijasutaH kila shambarAriH | yo.atrAgato bhuvi vijitya nR^ipAnsamastAn shrIketumAlapataye cha namo.astu tasmai || 26|| iti gargasaMhitAyAM vishvajitkhaNDe ekatriMshAdhyAyAntargataM ketumAlavAsibhiH pradyumnasya purataH gItaM shrIkR^iShNacharitaM sampUrNam | ## Garga Samhita, Hayamedhakhanda, Adhaya 55 verses 8-33 Encoded by Vishwas Bhide vrbhide at rediffmail.com http://satsangdhara.net/ Proofread by PSA Easwaran \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}