% Text title            : Shri Krishnavatsaravali Stotram 05 08
% File name             : kRRiShNavatsarAvalistotram.itx
% Category              : vishhnu, krishna, stotra
% Location              : doc\_vishhnu
% Proofread by          : Rajesh Thyagarajan
% Description/comments  : From stotrArNavaH 05-08
% Latest update         : October 9, 2021
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Krishnavatsaravali Stotram ..}##
\itxtitle{.. shrIkR^iShNavatsarAvalistotram ..}##\endtitles ##
asmadgurUMstadAchAryAnapi sarvagurUnaham |
namAmi shirasA vAchA staumi dhyAyAmi chetasA || 1||
abdavAchipadopetapadyajAlena mAdhavam |
stoShyAmi devakIsUnumasmadanvayadaivatam || 2||
vishvasya prabhavaM vedamaulayo yaM prachakShate |
sa bhAti yaduvaMshasya pariShkAro ramApatiH || 3||
vibhavaM vedajAlAni prAhuryasya tato.avadat |
vedaiH sarvairahaM vedya iti yastaM samAshraye || 4||
dhyAyanti yatpadAmbhojadvayaM shuklahR^ido janAH |
tatprapadyAmahe gamyaM gatiM vayamaki~nchanAH || 5||
dayayA vishvaviShayapramodUtastu yo.abhavat |
sthAsnUnAM pANDusUnUnAM svA ~NghriM gatimupeyuShAm || 6||
prajApatishivendrAshcha yanmAyAmohitAH surAH |
munayo yasya mAhAtmyaM tattvato na vijAnate || 7||
A~NgIrasasya yasya shrIrvishvAhlAdakarI\-shubhA |
nIlatoyadavAkyAdishrutivAkyeShu kIrtitA || 8||
shrImukha mahiShIvargaM bhaktAna bhAgavatAnapi |
munayashchakShate vyomni parasmin yajjuShaH sadA || 9||
yuduktaM j~nAnamAshritya janA gItAgamAdiShu |
tadbhAvabhAvamApannAH sargAdInAmagocharAH || 10||
yuvA kumAro yaH proktaH yuvatishcha kumAriNI |
yasya patnI tayA shraddhAnAmnyA devatvamashnute || 11||
dhAtusAmye sthite smartA yastaM kAShThAdisannibham |
nayAmIti kR^itI kolaH svajanmanyatravIdbhuvam || 12||
vyApanaM bharaNaM svAmyaM svasya yo lokato.avadat |
IshvaraH sarvabhUtAnAM yo hR^iddeshe.avatiShTate || 13||
yasminnandakulaM yAte nArdramArdra~ncha dhenavaH |
bahukShIradudhAshchAsana bahudhAnyaM cha bhUtalama || 14||
pramAthI kaMsadantIndro yaduddhR^itarado.abhavat |
tyaktAsuryena mallAshcha so.api saudhatalasyitaH || 15||
yadvikramasya kakubhau pUtanAriShTakeshinau |
pralambadharaNIsUnU kAliyAdyAshcha sAkShiNaH || 16||
vR^iShapreritavarSheNa gopagopIjanAkulam |
ArtaM gavAM kulaM dR^iTvA yo dadhAra dharAdharam || 17||
yadvAhamuktahetIshabimbodyachchitrabhAnunA |
dagdhA vArANasI kR^ityAsahitA sarShabhIkR^itA || 18||
subhAnunA rathA~Ngena yasya bhAnuritarohitaH |
jayadrathavadhodyuktapArthasya prItaye divA || 19||
bhArApaharaNAdbhumeravitA bhavitAraNaH |
yamunAyAstaTe reme yo gopIsahito mudA || 20||
ajAtAre rAjasUye yo.asau pArthivasaMsadi |
architaH sahadevena sarvasammatipUrvakam || 21||
avyayashchedirAjasya vyayaM chakre vinindataH |
chakreNa bahusho yastu svapAdakamalaM gatam || 22||
yaH sarvajiditi khyAto jitaM bhagavatA jagat |
ityAdivAkyairyo.apyevaM jito bhaktajanaiH priyaiH || 23||
sarvadhArI svarUpeNa sa~NkalpenApi yaH shrutau |
khyAto matsthAni bhUtAnItyAdivAvayeShu cha svataH || 24||
virodhI rudrarakShyatvabhrAntirbANAsuro yataH |
kAndishIke sasainye.asmi.NllUnabAhuvano.abhavat || 25||
prakR^itervikR^itiH sarvA yenAdhyakSheNa jAyate |
yachCharIraM samastaM cha yasyetyAdiryadIritam || 26||
yadbhayAt pavate vAyuH kharavR^iShTirudeti cha |
lohitAshvassurendrashcha mR^ityurdhAvati pa~nchamaH || 27||
lepanaM dAma chAnnAni kubjA mAlyopajIvinI |
viduro.api daduryasmai sa pAyAnnandanandanaH || 28||
yasmAdvijayasArathyaM kR^itaM sakalasAkShikam |
tasmAt kR^iShNasya saulabhyakAShThA loke vidarshitA || 29||
jayatAtpatagAdhIshamadhirUDhaH sureshvaram |
vijitya pArijAtaM yo.anayat satyAmude bhuvam || 30||
rAsalIlAviyogena yAH pIDyante sma gopikAH |
tAsAmAvirabhUdyo.asau sAkShAnmanmathamanmathaH || 31||
sumukhI sumanA vApi virahe yasya gopikA |
na kApi durmukhI kintu durmanA cha lasattanoH || 32||
yAdavendrasya sevAyAM hevilambijanadrutam |
bhajasva taM bhavAmbhodhiM tarituM duritAlayam || 33||
vilambitulasImAlyaM viShNuM nandajamAshraye |
vigrahe svasya raktAnAM viShayAsaktivArakam || 34||
avikAri samastasya vastu prakR^ititAM bhajat |
api yachchidachiddvArA tadachyutamupAsmahe || 35||
shArvarItIH samastAshcha brAhmarItIshcha he jana |
vichArya heyA vishvasya patiM prApnuhi yAdavam || 36||
nR^idehaM pratilabhyApi plavaM kR^iShNena vAyunA |
IritaM yo bhavAbdhiM sa na taredAtmahA bhavet || 37||
yasya keliH pralambaghnalIlayA sa~NgatAkhilA |
lokopakAriNI jAtA shubhakR^it bhavatAt sa naH || 38||
madhurAM gamito yo.asAvareNa sashobhakR^it |
gopInAM virahArtAnAM nagarastrIrasAvahaH || 39||
nIlaH suvakro dhiShaNAM yadguDAlakasa~nchayaH |
pashyatAM hariNIM hartuM jAlati snigdhashItaguH || 40||
dvitrAstrichaturA vApi kaTAkShA yasya pa~nchaShAH |
vishvAvasujanasyAlaM dAtuM dhanadatulyatAm || 41||
parAbhavati yasyA~Nghryorbhaktisthasya tu keshavaH |
sulabhastasya nAbhakte bhaktikrIto hi sa smR^itaH || 42||
plava~NgadUtyakaraNAnna saulabhyamalAbhi yat |
pUrvajanmani tatso.ayaM vR^ito.abhUt pANDujanmanAm || 43||
varaM sa kIlakashikhipa~njarAntarvyavasthitiH |
na shaurichintAvimukhajanasaMvAsavaishasa || 44||
keshavo yasya hR^idyAste saumyarUpo bhavatyayam |
antaH kShitirasaM brUte chArutvAt sAlabhUruhaH || 45||
gopikA chintayantI yadvigrahaM nijamandire |
sAdhAraNaM nijAsUnAM na labhe kintu yatpadam || 46||
yenAvivAdo yasyAsIttiShThatA hR^idayAmbuje |
sa kR^itArthastu nojIvet krUrAtmA yadvirodhikR^it || 47||
gopAlashishubhistulyaiHsaha vR^indAvane charam |
vastu vatsAvanaM naumi paridhAvi sudIptimat || 48||
pramAdI chandrasa~NkAshamukhabimbAvalokane |
kR^iShNasya mA bhUH kai~Nkarye janaitatpadagochare || 49||
narAnadamupakramya yadAnandaguNaM shrutiH |
parichChettumanA vAcho.apyabhUmiM manaso.avadan || 50||
kR^iShNa pAhi gabhIrAkSha sannyastabharaNaM tvayi |
mAM tvamevArjunavyAjAdAttha sarvAdipadyataH || 51||
pR^itanAM dhArtarAShTrANAM pArthasyandanachakrataH |
nalATavImivAkliShTaM dvipo mattaH pipeSha yaH || 52||
pUjanaM kusumaM yogyaM shrImataH keshavasya hi |
na bhikShoH pi~NgalajaTAdhAriNastu kadAchana || 53||
yasya chetasi govindaH kR^itaM tasya kalau na chet |
satkAlayuktitaH shraiShThyaM naiva tasya yugaM kaliH || 14||
siddhArthinAM nijAbhIShTaprAptiH kR^iShNasya sevanAt |
syAt prasiddho hi sarveShAM sarvakAmaprado hariH || 55||
raudraM vA sevanaM brAhmamanyadaivatagocharam |
varjayanti prabuddhAstu yasmAt parimitaM phalam || 56||
vAsudevaparityAgI yo.anyasevAparo naraH |
tR^iShitaH svarNadItIre kUpaM khanati durmatiH || 57||
yathA kR^iShNaprabhAveNa mukta AnakadundubhiH |
shR^i~NkhalAyAstathA janyAstasyA muchyeta tatparaH || 58||
yena nIlAvivAhAya pu~NgavAH sapta durdamAH |
ekadA rudhirodgArivadanA vinipAtitAH || 59||
yenoDhA rukmiNI svAnuraktA kShiptvA svayaMvare |
AgatAnnR^ipatIMstasyAH paribhUya sahodbhavam || 60||
sakrodhanayanaH kAlayavane purataH sthite |
muchukundo nR^ipo yena visheSheNa kaTAkShitaH || 61||
sampUrya vIthyAmAyAntaM gavAM pashchAt saveNakam |
gopajairbAlagopAlaM namAmyakShayasampadam || 62||
vAdibhIkaraputreNa ve~NkaTeshena dhImatA |
kR^itA stutiH kavIndreNa kR^iShNena viShayiNyasau || 63||
vatsarAvalI matsarAtigaiH\-
      ##missing in manuscript## jvalA |
dR^ishyatAmiyaM vashyamAnasai\-
      rbhadradA bhavedvidrutA matiH || 64||

iti shrIkR^iShNavatsarAvalistotraM sampUrNam |
##
Proofread by Rajesh Thyagarajan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}