% Text title            : Jitam te Stotram
% File name             : jitamtestotram.itx
% Category              : vishhnu, viShNu, stotra
% Location              : doc\_vishhnu
% Source                : Pancharatra
% Latest update         : July 14, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Jitam Te Stotram ..}##
\itxtitle{.. jitaM te stotram ..}##\endtitles ##
|| shrIH ||
shrImate rAmAnujAya namaH |
shrIpA~ncharAtre shrI jitantestotram |
\section{prathamaM jitantestotram}
jitante puNDarIkAkSha namaste vishvabhAvana |
namaste.astu hR^iShIkesha mahApuruSha pUrvaja || 1||
devAnAM dAnavAnAM cha sAmAnyamadhidaivatam |
sarvadA charaNadvandvaM vrajAmi sharaNaM tava || 2||
ekastvamasi lokasya sraShTAsa.nhArakastathA |
adhyakShashchAnumantA cha guNamAyA samAvR^itaH || 3||
sa.nsAra sAgaraM ghoramanantakleshabhAjanam |
tvAmeva sharaNaM prApya nistaranti manIShiNaH || 4||
na te rUpaM na chAkAro nAyudhAni na chAspadam |
tathA.api puruShAkAro bhaktAnAM tvaM prakAshase || 5||
naiva ki~nchitparokShante pratyakSho.asi na kasyachit |
naiva ki~nchidasiddhante na cha siddho.asi kasyachit || 6||
kAryANAM kAraNaM pUrvaM vachasAM vAchyamuttamam |
yogAnAM paramAM siddhiM paramaM te padaM viduH || 7||
ahaM bhIto.asmi devesha sa.nsAre.asmin bhayAvahe |
pAhi mAM puNDarIkAkSha na jAne sharaNaM param || 8||
kAleShvapi cha sarveShu dikShu sarvAsu chAchyuta |
sharIre cha gatau chApi vartate me mahad\-bhayam || 9||
tvatpAdakamalAdanyanna me janmAntareShvapi |
nimittaM kushalasyAsti yena gachChAmi sadgatim || 10||
vij~nAnaM yadidaM prAptaM yadidaM sthAnamArjitam |
janmAntare.api me deva mAbhUttasya parikShayaH || 11||
durgatAvapi jAtAyAM tvadgato me manorathaH |
yadi nAshaM na vindeta tAvatAsmi kR^itI sadA || 12||
na kAmakaluShaM chittaM mama te pAdayossthitam |
kAmaye vaiShNavatvaM tu sarvajanmasu kevalam || 13||
ityevamanayA stutyA stutvA devaM dine dine |
ki~Nkaro.asmIti chAtmAnaM devAyaivaM nivedayet || 14||
sarveShu deshakAleShu sarvAvasthAsu chAchyuta |
ki~Nkaro.asmi hR^iShIkesha bhUyo bhUyo.asmi ki~NkaraH || 15||
yach chAparAdhaM kR^itavAnaj~nAnAtpuruShottama |
madbhakta iti devesha tatsarvaM kShantumarhasi || 16||
aha~NkArArthakAmeShu prItiradyaiva nashyatu |
tvAM prapannasya me deva vardhatAM shrImati tvayi || 17||
kvAhamatyantadurbuddhiH kva chAtmahitavIkShaNam |
yaddhitaM mama devesha tadAj~nApaya mAdhava || 18||
so.ahaM te devadevesha nArchanAdau stutau na cha |
sAmarthyavAn kR^ipAmAtra manovR^ittiH prasIda me || 19||
upachArApadeshena kR^itAn aharaharmayA |
apachArAnimAn sarvAn kShamasva puruShottama || 20||
\section{dvitIyaM jitantestotram}
jitante puNDarIkAkSha pUrNaShADguNyavigraha |
parAnanda parabrahmannamaste paramAtmane || 1||
namaste pItavasana namaH kaTakadhAriNe |
namo nIlAlakAbaddhaveNIsundaravigraha || 2||
sphuradvalayakeyUranUpurA~NgadabhUShaNaiH |
shobhanairbhUShitAkAra kalyANaguNarAshaye || 3||
karuNApUrNahR^idaya sha~NkhachakragadAdhara |
amR^itAnandapUrNAbhyAM lochanAbhyAM vilokaya || 4||
kR^ishaM kR^itaghnaM duShkarmakAriNaM pApabhAjanam |
aparAdhasahasrANAmAkaraM karuNAkara || 5||
kR^ipayA mAM kevalayA gR^ihANa madhurAdhipa |
viShayArNavamagnaM mAmuddhartuM tvamihArhasi || 6||
pitA mAtA suhR^idbandhuH bhrAtA putrastvameva hi |
vidyA dhanaM cha kAmyaM cha nAnyatki~nchittvayA vinA || 7||
yatra kutra kule vAso yeShu keShu bhavo.astu me |
tava dAsyaikabhoge syAtsadA sarvatra me ratiH || 8||
manasA karmaNA vAchA shirasA vA katha~nchana |
tvAM vinA nAnyamuddishya kariShye ki~nchidapyaham || 9||
pAhi pAhi jagannAtha kR^ipayA bhaktavatsala |
anAtho.ahamadhanyo.ahamakR^itArthaH katha~nchana || 10||
nR^isha.nsaH pApakR^itkrUro va~nchako niShThurassadA |
bhavArNavanimagnaM mAmananya karuNodadhe || 11||
karuNApUrNadR^iShTibhyAM dInaM mAmavalokaya |
tvadagre patitaM tyaktuM tAvakaM nArhasi prabho || 12||
mayA kR^itAni pApAni trividhAni punaH punaH |
tvatpAdapa~NkajaM prAptuM nAnyattvatkaruNAM vinA || 13||
sAdhanAni prasiddhAni yAgAdInyabjalochana |
tvadAj~nayA prayuktAni tvAmuddishya kR^itAni vai || 14||
bhaktyaikalabhyaH puruShottamo.asau
jagatprasUtisthitinAshahetuH |
aki~nchano.ananyagatishsharaNya
gR^ihANa mAM kleshinamambujAkSha || 15||
dharmArthakAmamokSheShu nechChA mama kadAchana |
tvatpAdapa~NkajAsvAdajIvitaM dIyatAM mama || 16||
kAmaye tAvakatvena paricharyAnuvartanam |
nityaM ki~NkarabhAvena parigR^ihNIShva mAM vibho || 17||
lokaM vaikuNThanAmAnaM divyaM ShADguNyasa.nyutam |
avaiShNavAnAmaprApyaM guNatrayavivarjitam || 18||
nityasiddhaissamAkIrNaM tvanmayaiH pA~nchakAlikaiH |
sabhAprAsAdasa.nyuktaM vanaishchopavanairyutam || 19||
vApIkUpataTAkaishcha vR^ikShaShaNDaissumaNDitam |
aprAkR^itaM surairvandyamayutArkasamaprabham || 20||
prakR^iShTasattvasampannaM kadA drakShyAmi chakShuShA |
krIDantaM ramayA sArdhaM lIlAbhUmiShu keshavam || 21||
meghashyAmaM vishAlAkShaM kadA drakShyAmi chakShuShA |
unnasaM chAruvadanaM bimboShThaM shobhitAnanam || 22||
vishAlavakShasaM shrIshaM kambugrIvaM jagadgurum |
AjAnubAhuparighamunnatA.nsaM madhudviSham || 23||
vishAlanimnanAbhiM tamApInajaghanaM harim |
karabhoruM shriyaH kAntaM kadA drakShyAmi chakShuShA || 24||
sha~NkhachakragadApadmaira~NkitaM pAdapa~Nkajam |
sharachchandrashatAkrAntanakharAjivirAjitam || 25||
surAsurairvandyamAnaM R^iShibhirvanditaM sadA |
kadA vA deva mUrdhAnaM mAmakaM maNDayiShyati || 26||
kadA gambhIrayA vAchA shriyA yukto jagatpatiH |
chAmaravyagrahastaM mAmevaM kurviti vakShyati || 27||
kadA.ahaM rAjarAjena gaNanAthena choditaH |
chareyaM bhagavatpAdaparicharyAnuvR^ittiShu || 28||
shAntAya cha vishuddhAya tejase paramAtmane |
namo bhagavate viShNo vAsudevAmitadyute || 29||
namassarvaguNAtIta ShaDguNAyAdivedhase |
satyaj~nAnAnantaguNa brahmaNe paramAtmane || 30||
chatuHpa~nchanavavyUha dashadvAdashamUrtaye |
namaste vAsudevAya brahmaNe chaturAtmane || 31||
namo.anantAya vishvAya vishvAtItAya chakriNe |
namaste pa~nchakAlaj~na pa~nchakAlaparAyaNa || 32||
pa~nchakAlaikamanasAM tvameva gatiravyayaH |
pare vyomni sthitaM devaM niravadyaM nira~njanam || 33||
aprameyamajaM viShNumabjanAbhaM sureshvaram |
vAgatItaM paraM shAntaM sharaNaM tvAM gato.asmyaham || 34||
varyaM dvandvAtiriktaM tvAM kaustubhodbhAsivakShasam |
vishvarUpaM vishAlAkShaM kadA drakShyAmi chakShuShA || 35||
mokShaM sAlokyasArUpyaM prArthaye na kadAchana |
ichChAmyahaM mahAbAho sAyujyaM tava suvrata || 36||
sakalAvaraNAtIta ki~Nkaro.asmi tavAnagha |
punaH punaH ki~Nkaro.asmi tavAhaM puruShottama || 37||
AsanAdyanuyAgAntamarchanaM yanmayA kR^itam |
bhogahInaM kriyAhInaM mantrahInamabhaktikam || 38||
tatsarvaM kShamyatAM deva dInaM mAmAtmasAtkuru |
iti stotreNa deveshaM stutvA madhunighAtinam || 39||
yAgAvasAnasamaye devadevasya chakriNaH |
nityaM ki~NkarabhAvena svAtmAnaM vinivedayet || 40||
\section{tR^itIyaM jitantestotram}
jitante puNDarIkAkSha namaste vishvabhAvana |
namaste.astu hR^iShIkesha mahApuruSha pUrvaja || 1||
vij~nApanamidaM deva shR^iNu tvaM puruShottama |
naranArAyaNAbhyAM cha shvetadvIpanivAsibhiH || 2||
nAradAdyairmunigaNaiH sanakAdyaishcha yogibhiH |
brahmeshAdyaissuragaNaiH pa~nchakAlaparAyaNaiH || 3||
pUjyase puNDarIkAkSha divyamantrairmaharShibhiH |
pAShaNDadharmasa~NkIrNe bhagavadbhaktivarjite || 4||
kalau jAto.asmi devesha sarvadharmabahiShkR^ite |
kathaM tvAmasamAchAraH pApaprasavabhUraham || 5||
archayAmi dayAsindho pAhi mAM sharaNAgatam |
tApatrayadavAgnau mAM dahyamAnaM sadA vibho || 6||
trAhi mAM puNDarIkAkSha kevalaM kR^ipayA tava |
janmamR^ityujarAvyAdhiduHkhasantaptadehinam || 7||
pAlayAshu dR^ishA deva tava kAruNyagarbhayA |
indriyANi mayA jetumashakyaM puruShottama || 8||
sharIraM mama devesha vyAdhibhiH paripIDitam |
mano me puNDarIkAkSha viShayAn eva dhAvati || 9||
vANI mama hR^iShIkesha mithyApAruShyadUShitA |
evaM sAdhanahIno.ahaM kiM kariShyAmi keshava || 10||
rakSha mAM kR^ipayA kR^iShNa bhavAbdhau patitaM sadA |
aparAdhashataM chaiva sahasramayutaM tathA |
arbudaM chApyasa~NkhyeyaM karuNAbdhe kShamasva me || 11||
yach chAparAdhaM kR^itavAn aj~nAnAtpuruShottama |
madbhakta iti devesha tatsarvaM kShantumarhasi || 12||
aj~natvAdapyashaktatvAdAlasyAdduShTabhAvanAt |
kR^itAparAdhaM kR^ipaNaM kShantumarhasi mAM vibho || 13||
aparAdhasahasrANi kriyante.aharnishaM mayA |
tAni sarvANi me deva kShamasva madhusUdana || 14||
yajjanmanaH prabhR^iti mohavasha~Ngatena
nAnAparAdhashatamAcharitaM mayA te |
antarbahishcha sakalaM tava pashyato me
kShantuM tvamarhasi hare karuNAvashena || 15||
karmaNA manasA vAchA yA cheShTA mama nityashaH |
keshavArAdhane sA syAjjanmajanmAntareShvapi || 16||
\section{chaturthaM jitantestotram}
jitante puNDarIkAkSha namaste vishvabhAvana |
namaste vAsudevAya shAntAnantachidAtmane || 1||
adhyakShAya svatantrAya nirapekShAya shAsate |
achyutAyAvikArAya tejasAM nidhaye namaH || 2||
pradhAnapuruSheshAya namaste puruShottama |
kleshakarmAdyasa.nspR^iShTa pUrNaShADguNyamUrtaye || 3||
tribhirj~nAnabalaishvaryavIryashaktyantarAtmane |
triyugAya namaste.astu namaste chaturAtmane || 4||
chatuHpa~nchanavavyUha dashadvAdashamUrtaye |
anekamUrtaye tubhyamamUrtAyaikamUrtaye || 5||
nArAyaNa namaste.astu puNDarIkAyatekShaNa |
subhrUlalATa sunasa susmitAdharapallava || 6||
pInavR^ittAyatabhuja shrIvatsakR^italakShaNa |
tanumadhya vishAlAkSha padmanAbha namo.astu te || 7||
vilAsavikramAkrAntatrailokyacharaNAmbuja |
namaste pItavasana sphuranmakarakuNDala || 8||
sphuratkirITakeyUra hArakaustubhabhUShaNa |
pa~nchAyudha namaste.astu namaste pA~nchakAlika || 9||
pa~nchakAlaparaikAntiyogakShemamahAprabho |
nityaj~nAnabalaishvaryabhogopakaraNAchyuta || 10||
namaste brahmarudrAdilokayAtrAparichChada |
janmaprabhR^iti dAso.asmi shiShyo.asmi tanayo.asmi te || 11||
tvaM cha svAmI gururmAtA pitA cha mama mAdhava |
api tvAM bhagavan brahmA sharvashshakro maharShayaH |
draShTuM yaShTumapi stotuM na hi smartumapIshate || 12||
tApatrayamahAgrAhabhIShaNe bhavasAgare |
majjatAM nAtha naureShA praNatistvatpadArpitA || 13||
anAthAya jagannAtha sharaNya sharaNArthine |
prasIda sIdate mahyaM namaste bhaktavatsala || 14||
mantrahInaM kriyAhInaM bhaktihInaM yadarchanam |
tatkShantavyaM prapannAnAmaparAdhasaho hyasi || 15||
aj~nAnAdyadi vA j~nAnAdashubhaM yatkR^itaM mayA |
kShantavyaM tadasheSheNa dAsyena cha gR^ihANa mAm || 16||
sarveShu deshakAleShu sarvAvasthAsu chAchyuta |
ki~Nkaro.asmi hR^iShIkesha bhUyo bhUyo.asmi ki~NkaraH || 17||
\section{pa~nchamaM jitantestotram}
jitante puNDarIkAkSha namaste vishvabhAvana |
namaste.astu hR^iShIkesha mahApuruSha pUrvaja || 1||
namaste vAsudevAya shAntAnantachidAtmane |
ajitAya namastubhyaM ShADguNyanidhaye namaH || 2||
mahAvibhUtisa.nsthAya namaste puruShottama |
sahasrashirase tubhyaM sahasracharaNAya te || 3||
sahasrabAhave tubhyaM sahasranayanAya te |
amUrtAya namastubhyamekamUrtAya te namaH || 4||
anekamUrtaye tubhyamakSharAya cha te namaH |
vyApine vedavedyAya namaste paramAtmane || 5||
chinmAtrarUpiNe tubhyaM namastrayyantamUrtaye |
aNiShThAya sthaviShThAya mahiShThAya cha te namaH || 6||
nediShThAya yaviShThAya sarvAntaryAmiNe namaH |
varShiShThAya japiShThAya kaniShThAya cha te namaH || 7||
pa~nchAtmane namastubhyaM sarvAntaryAmiNe namaH |
kalpanA.apoDharUpAya sR^iShTisthityantahetave || 8||
namaste guNarUpAya guNarUpAtivartine |
vyastAya cha samastAya samastavyastarUpiNe || 9||
AdimadhyAntashUnyAya tattvasthAya namo namaH |
praNavapratipAdyAya namaH praNavarUpiNe || 10||
lokayAtrAprasid.hdhyarthaM sR^iShTabrahmAdirUpiNe |
namastubhyaM nR^isi.nhAdimUrtibhedAya viShNave || 11||
vipAkaiH karmabhiH kShobhairaspR^iShTavapuShe namaH |
namo brahmaNyadevAya tejasAM nidhaye namaH || 12||
nityasAdhAraNAnekalokarakShAparichChide |
sachchidAnandarUpAya vareNyAya namo namaH || 13||
yajamAnAya yaj~nAya yaShTavyAya namo namaH |
ijyAphalAtmane tubhyaM nama ijyAdishIline || 14||
namaH paramaha.nsAya namassattvaguNAya cha |
sthitAya paramavyomni bhUyo bhUyo namo namaH || 15||
sa.nsAre viShayAvartasa~Nkule cha mahAbhaye |
apAradustare.agAdhe patitaM karmabhissvakaiH || 16||
anAthamagatiM bhIruM dayayA parayA hare |
mAmuttara dayAsindho sindhurasmAtsudustarAt || 17||
mantrahInaM kriyAhInaM bhaktihInaM yadarchanaM
tatsarvaM kShamyatAM deva dInaM mAmAtmasAtkuru || 18||
ahaM hitaM na jAnAmi tvAM vrajAmyeva kevalam |
budhvaivaM naya govinda muktyupAyena vartmanA || 19||
tvameva vetsi shreyo me nedametaditIti cha |
buddhiyogaM cha me dehi yena tvAmupayAmyaham || 20||
\section{ShaShThamaM jitantestotram}
jitante puNDarIkAkSha namaste vishvabhAvana |
namaste.astu hR^iShIkesha mahApuruSha pUrvaja || 1||
shrImaddvAravatInAtha vardhatAM vijayI bhavAn |
divyaM tvadIyamaishvaryaM nirmaryAdavijR^imbhitam || 2||
devIbhUShAyudhairnityairmuktairmokShaikalakShaNaiH |
sattvottaraistvadIyaishcha sa~NgasthAbhirasastava || 3||
prAkAragopuravaraprAsAdamaNimaNDapAH |
shAlimudgatilAdInAM shAlAshailakulojjvalA || 4||
ratnakA~nchanakausheyakShaumakramukashAlikAH |
shayyAgR^ihANi parya~NkavaryAssthUlAsanAni cha || 5||
kanatkanakabhR^i~NgArapatadgrahakalAchikAH |
ChatrachAmaramukhyAshcha santu nityAH parichChadAH || 6||
astu nistulamavyagraM nityamabhyarchanaM tava |
pakShe pakShe vijR^imbhantAM mAsi mAsi mahotsavAH || 7||
maNikA~nchanachitrANi bhUShaNAnyambarANi cha |
kAshmIrasArakastUri karpUrAdyanulepanam || 8||
komalAni cha dAmAni kausumaissaurabhodgamaiH |
dhUpAH karpUradIpAshcha santu nityAH parichChadAH || 9||
nR^ittagItayutaM vAdyaM nityamatra vivardhatAm |
shrotreShu nassudhAdhArAH kalpantAM kAhalasvanAH || 10||
kandamUlaphalodagraM kAle kAle chaturvidham |
sUpApUpaghR^itakShIrasharkarAsahitaM haviH || 11||
ghanasArashirodagraM kramukAShTadalAnvitam |
vimalAni cha tAmbUladalAni svIkuru prabho || 12||
prItibhItiyuto bhUyAnnityaM parijanastava |
bhaktimantopabhu~njantu paurajAnapadaissaha || 13||
dharaNIdhanaratnAni vitarantu chiraM tava |
kai~NkaryamakhilaM sarve kurvantu kShoNipAlakAH || 14||
premadigdhadR^ishaM smeraM prekShamANAstvadAnanam |
mahAntassantataM santo ma~NgalAni prayu~njatAm |
pApamevamavannityaM pAlayan kushalI bhavAn || 15||

iti shrI jitantestotraM sampUrNam |
##

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}