%@@1
% File name             : dvAdasha_stotra.itx
%--------------------------------------------
% Text title            : dvAdasha-stotrANi
% Author                : Srimad Ananda Tiirtha, also known as Sri Madhva
% Language              : Sanskrit
% Subject               : Vishnu
% Description/Comments  : This is the ITRANS-encoding of all twelve stotras
%                         by Ananda Tiirtha, a.k.a. Madhva which are
%                         collectively known as the Dvaadasha Stotra.
%                         This set oft welve is collectively counted as one
%                         of his 37 works, called sarva-mUla-grantha-s.
% Transliterated by     : Shrisha Rao <shrao@dvaita.org>
% Proofread by          : "Meera Tadipatri" <mtadipatri@dvaita.net>
% Latest update         : June 18, 2000 (First encoded 5/22/1996)
% Send corrections to   : sanskrit@cheerful.com,shrao@dvaita.org,or info@dvaita.org
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskritdocuments.org
% http://sanskrit.gde.to/
% http://www.dvaita.net
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
%--------------------------------------------------------
%--------------------------------------------------------

\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=50pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. dvAdasha stotra (Shri Madhva)   ..}##
\itxtitle{.. dvAdasha stotrANi\- shrI madhvakR^ita..}##\endtitles ##
\centerline{\hugedvng .. dvAdasha stotrANi..}
\centerline{atha prathamastotram.h}
vande vandyaM sadAnandaM vAsudevaM niraJNjanam.h |
indirApatimAdyAdi varadesha varapradam.h || 1||
namAmi nikhilAdhIsha kirITAghR^iShTapIThavat.h |
hR^ittamaH shamane.arkAbhaM shrIpateH pAdapaN^kajam.h || 2||
jAmbUnadAmbarAdhAraM nitambaM chintyamIshituH |
svarNamaJNjIrasaMvItaM ArUDhaM jagadambayA || 3||
udaraM chintyaM Ishasya tanutve.api akhilambharaM |
valitrayAN^kitaM nityaM ArUDhaM shriyaikayA || 4||
smaraNIyamuro viShNoH indirAvAsamuttamaiH | ##var ##
indirAvAsamIshituH indirAvAsamuttamam
anantaM antavadiva bhujayorantaraN^gatam.h || 5||
shaN^khachakragadApadmadharAshchintyA harerbhujAH |
pInavR^ittA jagadraxA kevalodyogino.anisham.h || 6||
santataM chintayetkaNThaM bhAsvatkaustubhabhAsakam.h |
vaikuNThasyAkhilA vedA udgIryante.anishaM yataH || 7||
smareta yAminInAtha sahasrAmitakAntimat.h |
bhavatApApanodID.hyaM shrIpateH mukhapaN^kajam.h || 8||
pUrNAnanyasukhodbhAsiM andasmitamadhIshituH |
govindasya sadA chintyaM nityAnandapadapradam.h || 9||
smarAmi bhavasantApa hAnidAmR^itasAgaram.h |
pUrNAnandasya rAmasya sAnurAgAvalokanam.h || 10||
dhyAyedajasramIshasya padmajAdipratIxitam.h |
bhrUbhaN^gaM pArameShTh.hyAdi padadAyi vimuktidam.h || 11||
santataM chintaye.anantaM antakAle ##var ##  antyakAle visheShataH |
naivodApuH gR^iNanto.antaM yadguNAnAM ajAdayaH || 12||
\centerline{iti shrImadAnandatIrthabhagavatpAdAchArya virachitaM}
\centerline{dvAdashastotreShu prathamastotraM sampUrNam.h}
\medskip\hrule\medskip
\centerline{atha dvitIyastotram.h}
svajanodadhisaMvR^iddhi pUrNachandro guNArNavaH |##var ## sujanodadhisaMvR^iddhi
amandAnanda sAndro naH sadAvyAdindirApatiH || 1|| ##var ## prIyAtAmindirApatiH
ramAchakorIvidhave duShTadarpodavahnaye (duShTasarpodavahnaye) |
satpAnthajanagehAya namo nArAyaNAya te || 2||
chidachidbhedaM akhilaM vidhAyAdhAya bhuJNjate |
avyAkR^itaguhasthAya ramApraNayine namaH || 3||
amandaguNasAro.api mandahAsena vIxitaH |
nityamindirayA.anandasAndro yo naumi taM harim.h || 4||
vashI vasho (vashe) na kasyApi yo.ajito vijitAkhilaH |
sarvakartA na kriyate taM namAmi ramApatim.h || 5||
aguNAyaguNodreka svarUpAyAdikAriNe |
vidAritArisaN^ghAya vAsudevAya te namaH || 6||
AdidevAya devAnAM pataye sAditAraye |
anAdyaj~nAnapArAya namaH pArAvarAshraya || 7|| ##var ## namo varavarAya te
ajAya janayitre.asya vijitAkhiladAnava |
ajAdi pUjyapAdAya namaste garuDadhvaja || 8||

indirAmandasAndrAgrya kaTAxaprexitAtmane |
asmadiShTaika kAryAya pUrNAya haraye namaH || 9||
\centerline{iti shrImadAnandatIrthabhagavatpAdAchArya virachitaM}
\centerline{dvAdashastotreShu dvitIyastotraM sampUrNam.h}
\medskip\hrule\medskip
\centerline{atha tR^itIyastotram.h}
kuru bhuN^xva cha karma nijaM niyataM haripAdavinamradhiyA satataM |
harireva paro harireva guruH harireva jagatpitR^imAtR^igatiH || 1||
na tato.astyaparaM jagadID.hyatamaM (jagatID.hyatamaM) paramAtparataH puruShottamataH |
tadalaM bahulokavichintanayA pravaNaM kuru mAnasamIshapade || 2||
yatato.api hareH padasaMsmaraNe sakalaM hyaghamAshu layaM vrajati |
smaratastu vimuktipadaM paramaM sphuTameShyati tatkimapAkriyate || 3||
shR^iNutAmalasatyavachaH paramaM shapatheritaM uchchhritabAhuyugaM |
na hareH paramo na hareH sadR^ishaH paramaH sa tu sarva chidAtmagaNAt.h || 4||
yadi nAma paro na bhaveta (bhavetsa) hariH kathamasya vashe jagadetadabhUt.h |
yadi nAma na tasya vashe sakalaM kathameva tu nityasukhaM na bhavet.h || 5||
na cha karmavimAmala kAlaguNaprabhR^itIshamachittanu taddhi yataH |
chidachittanu sarvamasau tu hariryamayediti vaidikamasti vachaH || 6||
vyavahArabhidA.api gurorjagatAM na tu chittagatA sa hi chodyaparam.h |
bahavaH puruShAH puruShapravaro harirityavadatsvayameva hariH || 7||
chaturAnana pUrvavimuktagaNA harimetya tu pUrvavadeva sadA |
niyatochchavinIchatayaiva nijAM sthitimApuriti sma paraM vachanam.h || 8||
AnandatIrthasannAmnA pUrNapraj~nAbhidhAyujA |
kR^itaM haryaShTakaM bhaktyA paThataH prIyate hariH || 9||
\centerline{iti shrImadAnandatIrthabhagavatpAdAchArya virachitaM}
\centerline{dvAdashastotreShu tR^itIyastotraM sampUrNam.h}
\medskip\hrule\medskip
\centerline{atha chaturthastotram.h}
nijapUrNasukhAmitabodhatanuH parashaktiranantaguNaH paramaH |
ajarAmaraNaH sakalArtiharaH kamalApatirID.hyatamo.avatu naH || 1||
yadasuptigato.api hariH sukhavAn.h sukharUpiNamAhurato nigamAH |
svamatiprabhavaM jagadasya yataH parabodhatanuM cha tataH khapatim.h || 2||  ##var ## sumatiprabhavam
bahuchitrajagat.h bahudhAkaraNAtparashaktiranantaguNaH paramaH |
sukharUpamamuShyapadaM paramaM smaratastu bhaviShyati tatsatatam.h || 3||
smaraNe hi pareshiturasya vibhormalinAni manAMsi kutaH karaNam.h |
vimalaM hi padaM paramaM svarataM taruNArkasavarNamajasya hareH || 4||
vimalaiH shrutishANanishAtatamaiH sumano.asibhirAshu nihatya dR^iDham.h |
balinaM nijavairiNamAtmatamobhidamIshamanantamupAsva harim.h || 5||
na hi vishvasR^ijo vibhushambhupurandara sUryamukhAnaparAnaparAn.h |
sR^ijatID.hyatamo.avati hanti nijaM padamApayati praNatAM svadhiyA || 6||
paramo.api rameshiturasya samo na hi kashchidabhUnna bhaviShyati cha |
kvachidadyatano.api na pUrNasadAgaNiteD.hyaguNAnubhavaikatanoH || 7||
iti devavarasya hareH stavanaM kR^itavAn.h muniruttamamAdarataH |
sukhatIrthapadAbhihitaH paThatastadidaM bhavati dhruvamuchchasukham.h || 8||
\centerline{iti shrImadAnandatIrthabhagavatpAdAchArya virachitaM}
\centerline{dvAdashastotreShu chaturthastotraM sampUrNam.h}
\medskip\hrule\medskip
\centerline{atha paJNchamastotram.h}
vAsudevAparimeyasudhAman.h shuddhasadodita sundarIkAnta |
dharAdharadhAraNa vedhuradhartaH saudhR^itidIdhitivedhR^ividhAtaH || 1||
adhikabandhaM randhaya bodhA chchhindhipidhAnaM bandhuramaddhA |
keshava keshava shAsaka vande pAshadharArchita shUraparesha (shUravaresha) || 2||
nArAyaNAmalatAraNa (kAraNa) vande kAraNakAraNa pUrNa vareNya |
mAdhava mAdhava sAdhaka vande bAdhaka bodhaka shuddha samAdhe || 3||
govinda govinda purandara vande skanda sanandana vandita pAda |
viShNu sR^ijiShNu grasiShNu vivande kR^iShNa saduShNa vadhiShNa sudhR^iShNo || 4||
## var ## viShNo sR^ijiShNo grasiShNo vivande kR^iShNa saduShNavadhiShNo sudhR^iShNo
madhusUdana dAnavasAdana vande daivatamodana (daivatamodita) vedita pAda |
trivikrama niShkrama vikrama vande sukrama saN^kramahuN^kR^itavaktra || 5|| ## var ## saN^krama sukrama huN^kR^itavaktra
vAmana vAmana bhAmana vande sAmana sImana sAmana sAno |
shrIdhara shrIdhara shaMdhara vande bhUdhara vArdhara kandharadhArin.h || 6||
hR^iShIkesha sukesha paresha vivande sharaNesha kalesha balesha sukhesha |
padmanAbha shubhodbhava vande sambhR^italokabharAbhara bhUre |
dAmodara dUratarAntara vande dAritapAraka pAra (dAritapAragapAra) parasmAt.h || 7||
AnandasutIrtha munIndrakR^itA harigItiriyaM paramAdarataH |
paralokavilokana sUryanibhA haribhakti vivardhana shauNDatamA || 8||
\centerline{iti shrImadAnandatIrthabhagavatpAdAchArya virachitaM}
\centerline{dvAdashastotreShu paJNchamastotraM sampUrNam.h}
\medskip\hrule\medskip
\centerline{atha ShaShThastotram.h}
matsyakarUpa layodavihArin.h vedavinetra chaturmukhavandya |
kUrmasvarUpaka mandaradhArin.h lokavidhAraka devavareNya || 1||
sUkararUpaka dAnavashatro bhUmividhAraka yaj~nAvarAN^ga |
deva nR^isiMha hiraNyakashatro sarva bhayAntaka daivatabandho || 2||
vAmana vAmana mANavaveSha daityavarAntaka kAraNarUpa |
rAma bhR^igUdvaha sUrjitadIpte xatrakulAntaka shambhuvareNya || 3||
rAghava rAghava rAxasa shatro mArutivallabha jAnakikAnta |
devakinandana nandakumAra vR^indAvanAJNchana gokulachandra || 4||
kandaphalAshana sundararUpa nanditagokulavanditapAda |
indrasutAvaka nandakahasta chandanacharchita sundarinAtha || 5||
indIvarodara daLanayana mandaradhArin.h govinda vande |
chandrashatAnana kundasuhAsa nanditadaivatAnandasupUrNa || 6||
devakinandana sundararUpa rukmiNivallabha pANDavabandho |
daityavimohaka nityasukhAde devavibodhaka buddhasvarUpa || 7||
duShTakulAntaka kalkisvarUpa dharmavivardhana mUlayugAde |
nArAyaNAmalakAraNamUrte pUrNaguNArNava nityasubodha || 8||
AnandatIrthakR^itA harigAthA pApaharA shubhanityasukhArthA || 9||
\centerline{iti shrImadAnandatIrthabhagavatpAdAchArya virachitaM}
\centerline{dvAdashastotreShu ShaShThastotraM sampUrNam.h}
\medskip\hrule\medskip
\centerline{atha saptamastotram.h}
vishvasthitipraLayasargamahAvibhUti vR^ittiprakAshaniyamAvR^iti bandhamoxAH |
yasyA apAN^galavamAtrata UrjitA sA shrIH yatkaTAxabalavatyajitaM namAmi || 1||
brahmeshashakraravidharmashashAN^kapUrva gIrvANasantatiriyaM yadapAN^galesham.h |
Ashritya vishvavijayaM visR^ijatyachintyA shrIH yatkaTAxabalavatyajitaM namAmi || 2||
dharmArthakAmasumatiprachayAdyasheShasanmaN^galaM vidadhate yadapAN^galesham.h |
Ashritya tatpraNatasatpraNatA apID.hyA shrIH yatkaTAxabalavati ajitaM namAmi || 3||
ShaDvarganigrahanirastasamastadoShA dhyAyanti viShNumR^iShayo yadapAN^galesham.h |
Ashritya yAnapi sametya na yAti duHkhaM shrIH yatkaTAxabalavati ajitaM namAmi || 4||
sheShAhivairishivashakramanupradhAna chitrorukarmarachanaM yadapAN^galesham.h |
Ashritya vishvamakhilaM vidadhAti dhAtA shrIH yatkaTAxabalavati ajitaM namAmi || 5||
shakrogradIdhitihimAkarasUryasUnu pUrvaM nihatya nikhilaM yadapAN^galesham.h |
Ashritya nR^ityati shivaH prakaTorushaktiH shrIH yatkaTAxa balavati ajitaM namAmi || 6||
tatpAdapaN^kajamahAsanatAmavApa sharvAdivandyacharaNo yadapAN^galesham.h |
Ashritya nAgapatiH anyasurairdurApAM shrIH yatkaTAxabalavati ajitaM namAmi || 7||
nAgArirugrabalapauruSha Apa viShNuvAhatvamuttamajavo yadapAN^galesham.h | ## var ##
viShNorvAha
Ashritya shakramukhadevagaNaiH achintyaM shrIH yatkaTAxa balavati ajitaM namAmi || 8||
AnandatIrthamunisanmukhapa.nkajotthaM sAxAdramAharimanaH priyaM uttamArtham.h |
bhaktyA paThati ajitamAtmani sannidhAya yaH stotrametabhiyAti tayorabhIShTam.h || 9||
\centerline{iti shrImadAnandatIrthabhagavatpAdAchArya virachitaM}
\centerline{dvAdashastotreShu saptamastotraM sampUrNam.h}
\medskip\hrule\medskip
\centerline{atha aShTamastotram.h}
vanditAsheShavandyoruvR^indArakaM chandanAcharchitodArapInAMsakam.h |
indirAchaJNchalApAN^ganIrAjitaM mandaroddhArivR^ittodbhujAbhoginam.h |
prINayAmo vAsudevaM devatAmaNDalAkhaNDamaNDanaM prINayAmo vAsudevam.h || 1||
sR^iShTisaMhAralIlAvilAsAtataM puShTaShADguNyasadvigrahollAsinam.h |
duShTaniHsheShasaMhArakarmodyataM hR^iShTapuShTAtishiShTa (anushiShTa) prajAsaMshrayam.h |
prINayAmo vAsudevaM devatAmaNDalAkhaNDamaNDanaM prINayAmo vAsudevam.h || 2||
unnataprArthitAsheShasaMsAdhakaM sannatAlaukikAnandadashrIpadam.h |
bhinnakarmAshayaprANisamprerakaM tanna kiM neti vidvatsu mImAMsitam.h |
prINayAmo vAsudevaM devatAmaNDalAkhaNDamaNDanaM prINayAmo vAsudevam.h || 3||
vipramukhyaiH sadA vedavAdonmukhaiH supratApaiH xitIsheshvaraishchArchchitam.h |
apratarkyorusaMvidguNaM nirmalaM saprakAshAjarAnandarUpaM param.h |
prINayAmo vAsudevaM devatAmaNDalAkhaNDamaNDanaM prINayAmo vAsudevam.h || 4||
atyayo yasya (yena) kenApi na kvApi hi pratyayo yadguNeShUttamAnAM paraH |
satyasaN^kalpa eko vareNyo vashI matyanUnaiH sadA vedavAdoditaH |
prINayAmo vAsudevaM devatAmaNDalAkhaNDamaNDanaM prINayAmo vAsudevam.h || 5||
pashyatAM duHkhasantAnanirmUlanaM dR^ishyatAM dR^ishyatAmityajeshArchitam.h |
nashyatAM dUragaM sarvadApyA.atmagaM vashyatAM svechchhayA sajjaneShvAgatam.h |
prINayAmo vAsudevaM devatAmaNDalAkhaNDamaNDanaM prINayAmo vAsudevam.h || 6||
agrajaM yaH sasarjAjamagryAkR^itiM vigraho yasya sarve guNA eva hi |
ugra Adyo.api yasyAtmajAgryAtmajaH sadgR^ihItaH sadA yaH paraM daivatam.h |
prINayAmo vAsudevaM devatAmaNDalAkhaNDamaNDanaM prINayAmo vAsudevam.h || 7||
achyuto yo guNairnityamevAkhilaiH prachyuto.asheShadoShaiH sadA pUrtitaH |
uchyate sarvavedoruvAdairajaH svarchito brahmarudrendrapUrvaiH sadA |
prINayAmo vAsudevaM devatAmaNDalAkhaNDamaNDanaM prINayAmo vAsudevam.h || 8||
dhAryate yena vishvaM sadAjAdikaM vAryate.asheShaduHkhaM nijadhyAyinAm.h |
pAryate sarvamanyairnayatpAryate kAryate chAkhilaM sarvabhUtaiH sadA |
prINayAmo vAsudevaM devatAmaNDalAkhaNDamaNDanaM prINayAmo vAsudevam.h || 9||
sarvapApAniyatsaMsmR^iteH saN^xayaM sarvadA yAnti bhaktyA vishuddhAtmanAm.h |
sharvagurvAdigIrvANa saMsthAnadaH kurvate karma yatprItaye sajjanAH |
prINayAmo vAsudevaM devatAmaNDalAkhaNDamaNDanaM prINayAmo vAsudevam.h || 10||
axayaM karma yasmin.h pare svarpitaM praxayaM yAnti duHkhAni yannAmataH |
axaro yo.ajaraH sarvadaivAmR^itaH kuxigaM yasya vishvaM sadA.ajAdikam.h |
prINayAmo vAsudevaM devatAmaNDalAkhaNDamaNDanaM prINayAmo vAsudevam.h || 11||
nanditIrthorusannAmino nandinaH sandadhAnAH sadAnandadeve matim.h |
mandahAsAruNA pAN^gadattonnatiM vanditAsheShadevAdivR^indaM sadA |
prINayAmo vAsudevaM devatAmaNDalAkhaNDamaNDanaM prINayAmo vAsudevam.h || 12||
\centerline{iti shrImadAnandatIrthabhagavatpAdAchArya virachitaM}
\centerline{dvAdashastotreShu aShTamastotraM sampUrNam.h}
\medskip\hrule\medskip
\centerline{atha navamastotram.h}
atimatatamogirisamitivibhedana pitAmahabhUtida guNagaNanilaya |
shubhatama kathAshaya paramasadodita jagadekakAraNa rAmaramAramaNa || 1||
vidhibhavamukhasurasatatasuvanditaramAmanovallabha bhava mama sharaNam.h |
shubhatama kathAshaya paramasadodita jagadekakAraNa rAmaramAramaNa || 2||
agaNitaguNagaNamayasharIra he vigataguNetara bhava mama sharaNam.h |
shubhatama kathAshaya paramasadodita jagadekakAraNa rAmaramAramaNa || 3||
aparimitasukhanidhivimalasudeha he vigata sukhetara bhava mama sharaNam.h |
shubhatama kathAshaya paramasadodita jagadekakAraNa rAmaramAramaNa || 4||
prachalitalayajalaviharaNa shAshvatasukhamayamIna he bhava mama sharaNam.h |
shubhatama kathAshaya paramasadodita jagadekakAraNa rAmaramAramaNa || 5||
suraditijasubalaviluLitamandaradhara para kUrma he bhava mama sharaNam.h |
shubhatama kathAshaya paramasadodita jagadekakAraNa rAmaramAramaNa || 6||
sagirivaradharAtaLavaha susUkaraparamavibodha he bhava mama sharaNam.h |
shubhatama kathAshaya paramasadodita jagadekakAraNa rAmaramAramaNa || 7||
atibaladitisuta hR^idaya vibhedana jayanR^ihare.amala bhava mama sharaNam.h |
shubhatama kathAshaya paramasadodita jagadekakAraNa rAmaramAramaNa || 8||
balimukhaditisutavijayavinAshana jagadavanAjita bhava mama sharaNam.h |
shubhatama kathAshaya paramasadodita jagadekakAraNa rAmaramAramaNa || 9||
avijitakunR^ipatisamitivikhaNDana ramAvara vIrapa bhava mama sharaNam.h |
shubhatama kathAshaya paramasadodita jagadekakAraNa rAmaramAramaNa || 10||
kharataranishicharadahana parAmR^ita raghuvara mAnada bhava mama sharaNam.h |
shubhatama kathAshaya paramasadodita jagadekakAraNa rAmaramAramaNa || 11||
sulalitatanuvara varada mahAbala yaduvara pArthapa bhava mama sharaNam.h |
shubhatama kathAshaya paramasadodita jagadekakAraNa rAmaramAramaNa || 12||
ditisutavimohana vimalavibodhana paraguNabuddha he bhava mama sharaNam.h |
shubhatama kathAshaya paramasadodita jagadekakAraNa rAmaramAramaNa || 13||
kalimalahutavaha subhaga mahotsava sharaNada kalkIsha bhava mama sharaNam.h |
shubhatama kathAshaya paramasadodita jagadekakAraNa rAmaramAramaNa || 14||
akhilajanivilaya parasukhakAraNa parapuruShottama bhava mama sharaNam.h |
shubhatama kathAshaya paramasadodita jagadekakAraNa rAmaramAramaNa || 15||
iti tava nutivarasatataraterbhava susharaNamurusukhatIrthamuneH bhagavan.h |
shubhatama kathAshaya paramasadodita jagadekakAraNa rAmaramAramaNa || 16||
\centerline{iti shrImadAnandatIrthabhagavatpAdAchArya virachitaM}
\centerline{dvAdashastotreShu navamastotraM sampUrNam.h}
\medskip\hrule\medskip
\centerline{atha dashamastotram.h}
ava naH shrIpatirapratiradhikeshAdibhavAde |
karuNApUrNavarapradacharitaM j~nApaya me te || 1||
suravandyAdhipa sadvarabharitAsheShaguNAlam.h |
karuNApUrNavarapradacharitaM j~nApaya me te || 2||
sakaladhvAntavinAshana (vinAshaka) paramAnandasudhAho |
karuNApUrNavarapradacharitaM j~nApaya me te || 3||
trijagatpota sadArchitacharaNAshApatidhAto |
karuNApUrNavarapradacharitaM j~nApaya me te || 4||
triguNAtItavidhAraka parito dehi subhaktim.h |
karuNApUrNavarapradacharitaM j~nApaya me te || 5||
sharaNaM kAraNabhAvana bhava me tAta sadA.alam.h |
karuNApUrNavarapradacharitaM j~nApaya me te || 6||
maraNaprANada pAlaka jagadIshAva subhaktim.h |
karuNApUrNavarapradacharitaM j~nApaya me te || 7||
taruNAdityasavarNakacharaNAbjAmala kIrte |
karuNApUrNavarapradacharitaM j~nApaya me te || 8||
salilaprotthasarAgakamaNivarNochchanakhAde |
karuNApUrNavarapradacharitaM j~nApaya me te || 9||
kaja (khaja) tUNInibhapAvanavarajaN^ghAmitashakte |
karuNApUrNavarapradacharitaM j~nApaya me te || 10||
ibahastaprabhashobhanaparamorustharamALe |
karuNApUrNavarapradacharitaM j~nApaya me te || 11||
asanotphullasupuShpakasamavarNAvaraNAnte |
karuNApUrNavarapradacharitaM j~nApaya me te || 12||
shatamododbhavasundarivarapadmotthitanAbhe |
karuNApUrNavarapradacharitaM j~nApaya me te || 13||
jagadAgUhakapallavasamakuxe sharaNAde |
karuNApUrNavarapradacharitaM j~nApaya me te || 14||
jagadambAmalasundarigR^ihavaxovara yogin.h |
karuNApUrNavarapradacharitaM j~nApaya me te || 15||
ditijAntaprada chakradharagadAyugvarabAho |
karuNApUrNavarapradacharitaM j~nApaya me te || 16||
paramaj~nAnamahAnidhivadana shrIramaNendo |
karuNApUrNavarapradacharitaM j~nApaya me te || 17||
nikhilAghaughavinAshana (vinAshaka) parasaukhyapradadR^iShTe |
karuNApUrNavarapradacharitaM j~nApaya me te || 18||
paramAnandasutIrthasumunirAjo harigAthAm.h |
kR^itavAnnityasupUrNakaparamAnandapadaiShin.h || 19||
\centerline{iti shrImadAnandatIrthabhagavatpAdAchArya virachitaM}
\centerline{dvAdashastotreShu dashamastotraM sampUrNam.h}
\medskip\hrule\medskip
\centerline{atha ekAdashastotram.h}
udIrNamajaraM divyaM amR^itasyandyadhIshituH |
Anandasya padaM vande brahmendrAdi abhivanditam.h || 1||
sarvavedapadodgItaM indirAvAsamuttamam.h (indirAdhAramuttamam.h) |
Anandasya padaM vande brahmendrAdi abhivanditam.h || 2||
sarvadevAdidevasya vidAritamahattamaH |
Anandasya padaM vande brahmendrAdi abhivanditam.h || 3||
udAramAdarAnnityaM anindyaM sundarIpateH |
Anandasya padaM vande brahmendrAdi abhivanditam.h || 4||
indIvarodaranibhaM supUrNaM vAdimohanam.h (vAdimohadam.h) |
Anandasya padaM vande brahmendrAdi abhivanditam.h || 5||
dAtR^isarvAmaraishvaryavimuktyAderaho param.h (varam.h) |
Anandasya padaM vande brahmendrAdi abhivanditam.h || 6||
dUrAddurataraM yattu tadevAntikamantikAt.h |
Anandasya padaM vande brahmendrAdi abhivanditam.h || 7||
pUrNasarvaguNaikArNamanAdyantaM sureshituH |
Anandasya padaM vande brahmendrAdi abhivanditam.h || 8||
AnandatIrthamuninA harerAnandarUpiNaH |
kR^itaM stotramidaM puNyaM paThannAnandamApnuyAt.h || 9||
\centerline{iti shrImadAnandatIrthabhagavatpAdAchArya virachitaM}
\centerline{dvAdashastotreShu ekAdashastotraM sampUrNam.h}
\medskip\hrule\medskip
\centerline{atha dvAdashastotram.h}
Anandamukunda aravindanayana |
AnandatIrtha parAnandavarada || 1||
sundarImandiragovinda vande |
AnandatIrtha parAnandavarada || 2||
chandrakamandiranandaka vande |
AnandatIrtha parAnandavarada || 3||
chandrasurendrasuvandita vande |
AnandatIrtha parAnandavarada || 4||
mandArasUnasucharchita vande |
AnandatIrtha parAnandavarada || 5||
vR^indAravR^indasuvandita vande (vR^indArakavR^indasuvandita vande) |
AnandatIrtha parAnandavarada || 6||
indirA.anandaka sundara vande |
AnandatIrtha parAnandavarada || 7||
mandirasyandanasyandaka vande |
AnandatIrtha parAnandavarada || 8||
AnandachandrikAsyandaka vande |
AnandatIrtha parAnandavarada || 9||
\centerline{iti shrImadAnandatIrthabhagavatpAdAchArya virachitaM}
\centerline{dvAdashastotreShu dvAdashaM stotraM sampUrNam.h}
\centerline{.. bhAratIramaNamukhyaprANAntargata shrIkR^iShNArpaNamastu..}
## \medskip\hrule\medskip
Encoded by Shrisha Rao (shrao@dvaita.org)
Proofread by Meera Tadipatri(mtadipatri@dvaita.net)
\medskip\hrule\obeylines
\medskip
{\rm Please send corrections to sanskrit@cheerful.com}
{\rm Last updated \today}
\end{document}