धर्मपुरी वर्णनम्
मङ्गल श्लोकाः-
यो ब्रह्मादि समस्त देवविनुतो लिङ्गात्मकस्यात्मजः
यं लब्ध्वा हि मुदान्विता सुतनयं गौरी जगन्मातृका ।
यस्येष्टानुगुणं समस्तविपदो दूरीकृता भक्तगाः
वन्दे तं वररामलिङ्गतनयं श्रीविघ्ननाथं सदा ॥ १॥
अयिकरिकर्णिक ! मूषिकवाहन!! पर्वतजासुत ! साम्बप्रिय !
नुतजनपोषक ! षण्मुखसेवित ! शङ्करचुम्बितफालतट!।
वरचतुराननदेवगणार्चित ! दानवभञ्जक ! दासरत!
जय गणनायक ! विघ्नविनाशक ! धर्मपुरीजनपाल विभो! ॥ २॥
ऐशान्यकोणगतमन्दिरगो गणेश !
भक्तैर्भवान् प्रथमतः खलु वन्दनीयः ।
दन्तैकघात विनिपातितदुष्टदैत्य !
श्रीरामलिङ्गसुत ! ते चरणौ नमामि ॥ ३॥
मात्रा स्वरक्षणकृते ह्यवतारित स्त्वं
विघ्नान्धकार विनिवारकभानुतेजः ।
ते दर्शनार्थमगजासुत ! वीक्षतेऽयं
श्रीरामलिङ्गसुत ! ते चरणौ नमामि ॥ ४॥
अयि ! निजमूर्धजपाशजटोद्भवगौतमजासिकतोद्भव! भोः
वररघुवंशकलानिधिकीर्तितराघवसेवितलिङ्गतनो! ।
निजवरभक्तकृताघविनाशक ! दासजनार्थितदानरते!
जय रजनीकरभूषितशेखर! धर्मपुरीविलसन्निलय! ॥ ५॥
या लक्ष्मीनृहरेःपदाब्जलसिता ब्रह्मादिदेवैर्युता
या रामार्चितरामलिङ्गनिलया भक्ताघविध्वंसिनी
यस्याः प्राग्दिशि गौतमी रविकरान् प्रक्षालयन्ती सदा
सेयं धर्मपुरीपुरं विलसति क्षेत्रं सतीर्थं महत् ॥ ६-१॥
गोदावरीगतसुरार्पणकौतुकेन्दुः
पीयूषभाण्डपरिपूर्तसुधाकरो हि ।
वीचीनिबद्धप्रतिबिम्बतनुर्नितान्तं
सूर्योदये लसति गच्छति चन्द्रमा हि ॥ ६-२॥
Dharmapuri is famous for Sri Lakshmi Narasimha Swamy Temple.
It is situated on the southern banks of Godavari which flows
through the town. Only at Dharmapuri the Godavari river
flows from north to south direction, while in normal course
flowing west to east. For this reason,
the river at Dharmapuri is called Dakshina Vahini. The town
is one of the nine Narasimha Kshetrams and Teertharajamu.
Composed by Koride Vishwanatha Sharma, Dharmapuri, Telangana
Proofread by Koride Vishwanatha Sharma.