% Text title            : Shri Dashavatara Stotram 12 03 03
% File name             : dashAvatArastotram.itx
% Category              : vishhnu, stotra, dashAvatAra, shataka
% Location              : doc\_vishhnu
% Author                : shrIprativAdibhayaNkaraveNkaTeshavirachitaM
% Proofread by          : Rajesh Thyagarajan
% Description/comments  : From stotrArNavaH 03-03
% Latest update         : August 14, 2021
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Dashavatara Stotram ..}##
\itxtitle{.. shrIdashAvatArastotram ..}##\endtitles ##
yo nAma pUrvamavatIrtha rarakSha vishvaM
     phenAvagADhachaladUrmibhare.amburAshau |
kenAhamasmi paravAnaravindanetraM
     mInAkR^itiM madhuniShUdanamantareNa || 1||
lokaM bibharti shakalaM kamaTho bhavan yo
     nAkaM pareNa parame gagane vidIptaH |
sAkaM ramAdimahiShIgatavandhanityaiH
     shokaM sa me haratu saMsR^itijaM mukundaH || 2||
urvItaloddharaNakR^ityapaTiShThabhAvA
     darvIkarAshanarathasya dhanA~njanAbhA |
gurvI tR^itIyajaniradbhutakolarUpA
     kurvIta naH kushalamindusamAnadaMShTrA || 3||
kAyAdhave paramayA kR^ipayA prakopo
     mAyA maye kanakanAmani dAnavendre |
sAyAhnakAla uditaH sarasIruhAkShaH
     pAyAnnR^isiMhatanurachyuta eSha bhaktAn || 4||
garvAkareNa balinApahR^itAM trilokIM
     khArvAkR^itistamapahR^itya tu va~nchayitvA |
svarvAsavairiguruNA prabhave.amarANAM
     durvAramastu bhavikAya dadaddharirvaH || 5||
yo bhArgavaH svapitR^isaMharaNotthakopaH
     shobhAspadadvishatapa~nchashakabAhu pa~Nktim |
svAbhAvikArghyaparashurnR^ipamarjunAkhyam |
     dhIbhAdisadguNanidhirhatavAn sa pAtu || 6||
bhUmAvabhUt suragaNairdinarAjavaMshe
     yo.amAnanantaguNarAshibhirarthyamAnaH |
dhImAn hi gAdhijamakhAvanakR^it samUDha\-
     hemAbhamaithilasutaH sa raghUdvaho.avyAt || 7||
jitvAbhiyAtamapi yo hR^itarAjalokaM
     gatvA muniM bhR^igusutaM nagarImayodhyAm |
bhuktvA videhasutayA vividhAMshcha bhogan
     sattvAshrayo janamanAMsi guNairmamantha || 8||
putrArjavAsahitamadhyamamAtR^ivAkyAt
     vR^itrArimukhyadiviShadgaNasevyamAnaH |
ChatrAvR^itAnananR^ipatvadashAM vidhUya
     pitrATavImabhiyayAvapi yo niyuktaH || 9||
hatvA virAdhamR^iShiparNakuTIH krameNa
     gatvA phalAni vividhAni cha tatra tatra |
bhuktvA ghaTodbhavakR^itAnumatistato yaH
     kR^itvA cha pashchavaTikAmavasanivAsam || 10||
vAlapriyaishcha chamarairhariNaistarakShu\-
     kolaiH prachAravati vAnaravAraNADhye |
sAladrutAlasutamAlataruprakANDa\-
     nIlaprabhAjuShi samAvasadAshrame yaH || 11||
kAmAvaliptahR^idayA kamanIyagAtrA
     rAmA bhaveyamiti nishchitadhIH kaniShThA |
vAmAlikA nishicharAdhipaternavAbda\-
     dhAmAnamApa kila yaM ahamaithilIka (??) || 12||
yenAnujAtha vikR^itA dashakandharasya
     hInA guNena vadanAvayaveShu lUnA |
shyenAmiShatvamagamannihatAH kharAdyAH
     ko nAma tAdR^iganagheShu sukhI kR^itAgAH || 13||
yastATakeya (yo hATakeya) hariNagrahaNe dhR^itAshA\-
     vistAramaithilasutAparichodito.agAt |
astArirAyatataruprakaraM vanAntaM
     shastAsibANakavachottamachApayuktaH || 14||
     vAtAvadhUtakadalImiva vepamAnAm |
sphItAmurojayugaleddhayadIyapatnIM
     sItAM jahAra dashakandharanAmadheyaH || 15||
yukto.atha gR^idhranR^ipatirguruNA balena
     shakto.api saMyati nishAcharanAthabANaiH |
kR^itto nihatya rathavAjikulaM tadIyaM
     mukto.abhavatparamayA kR^ipayA cha yasya || 16||
sampAtipUrvajavapurvidhinaiva dagdhvA
     shampAviyuktajaladapratimo vane yaH |
kuM pAvanIM charaNasa~ncharaNairvita (nvan)
     pampAtaTe shabarikAshramamAsasAda || 17||
tatrArchito vidhivadeva tayA samIra\-
     putrAnvitaH svapadadastanayasya bhAnoH |
vitrAsitasya suralokapateH sutena
     mitrAyate sma kila yaH sahutAshasAkShiH || 18||
sAladrasaptakamaho vinihatya saumya\-
     shIlaH pradhUtataradundubhiyAtukAyaH |
khelatpramattagajasiMhagatirninAya
     kAlakShayaM prabalavAlinamAhave yaH || 19||
rAjye.abhiShichya suhR^idaM kapibhUmipAlaM
     pUjye.atha varShasamayaM gamayAmbabhUva |
prAjye cha mAlyavati yogigaNairmR^igANAM
     rAjye bhamukhyavati santatakandare yaH || 20||
vidyotamAnamachiraprabhayAbhravR^indaM
     pradyotanAMshupaTalasya tirodhihetuH |
sadyo manovikR^itimAvahati sma dAraiH
     nadyo.api vArinidhimA rahitasya yasya || 21||
kekAravAshcha shikhinAM girinirjharAmbha\-
     ssekAmalAyatashilAtalanR^ittabhAjAm |
mUkAsitetarapatattavivAsanArthAH
     shokAgnidIpanakarAH sma bhavanti yasya || 22||
kAle payodharakadambavati triyAmA\-
     nIle tirohitatuShAraghR^iNiprachAre |
shaile manojanirujA vasato jajR^imbhe
     veleva yasya hR^idaye jaladherhimAMshoH || 23||
tApena maithilasutAvirahodbhavena
     svApeti (.api) yena sahajaH prahito yu (.ami) tena |
kopena vAnarapaternagarIM sagandhAM
     dhUpena sAgarupaTIrabhavena bheje || 24||
dhIrAbhiyAtarajanIcharabhItikAri\-
     vIrAyitasya varachApaguNAraveNa |
vArAkaradhvanijitAvarajasya yasya
     tArApatirbhR^ishamabhUdupajAtakampaH || 25||
AgAdadhIramanasA prahitA dhavena
     vegAdakopajananAdanujasya yasya |
sA gADhavihvaladR^ishA savidhaM madena
     nAgAbhirAmagamanA kapirAjapatnI || 26||
nAnAkR^itIH kapimukhAH svavachoniyAmyAH
     senA asheShagirikAnananityavAsAH |
AnAyayat prashamayannativelakopaM
     dInAvane kapipatirniratasya yasya || 27||
pAshAyudhAhiripukAladhanAdhipAnA\-
     mAshAsu vAnaravarAnahinot kapIndraH |
sAshAbharasya pR^ithivIduhitaryasheSha\-
     deshAvalokanapaTUn pramude cha yasya || 28||
kAntArabhUmiShu vichitya suto.a~njanAyAH
     shAntAkR^itiH saha cha vAlisutena yasya |
kAntAmachintyamahimAmupalabhyaduHkha\-
     dhvAntAbhibhUtahR^idavApa samudratIram || 29||
vArAkarAvR^itamahIdhragatAn yadIya\-
     dArAnavetya hanumAnatha gR^idhravAchA |
vIrAyitena tulayA rahito babhUva
     dhIrAgraNIstadavalokanajAtavA~nChaH || 30||
shaile yada~NgulivibhUShaNabhR^inmahendre
     shaileyagandhabharite.abhilalASha tiShThan |
shaileshatulyavibhave taraNaM payodheH
     shaileshasannibhatanurmarutaH kumAraH || 31||
sthitvA samIratanayaH pR^ithivIdhare.asmin
     natvA salakShmaNakapipravarAya yasmai (kapIshamahIsutaM yam) |
kR^itvA payodhitaraNe.abhihari pratij~nAM
     hitvA javena tamasau girimutpapAta || 32||
mInAdisattvanibiDodadhijR^imbhamANaM
     mainAkamashramatayA samatItya dUtaH |
vInAmadhIshamapi yasya jaya~njavena
     nAnAmahIdhragaNamAshu tamuttatAra || 33||
santADanena rajanIcharanAthapuryAH
     santApamugramupapAdya suto.a~njanAyAH |
hantAsya veshmani dichitya yadIyapatnIM
     dantAlinirjitavidhuM tadadarshanArtaH || 34||
hR^idye nishAcharakulAdhipaterapAstA\-
     vadye tvashokavipine mahiShI yadIyA |
yadyena bha~NgamupayAsyati tena nunnA\-
     vidyena vAyujanuShA dadR^ishe svabhAgyAt || 35||
bhartArameva satataM hR^idi chintayantI
     hartAramugrakharamukhyanishAcharANAm |
kartAramAryamunimukhyakulAbhivR^iddheH
     smartAramapyanukalaM nijavigrahasya || 36||
praj~nAdhanena hariNA marududbhavena
     vij~nApitA dasharathodayamukhyavR^ittam |
aj~nAnasa~nchayahareNa yadIyapatnI
     vij~nAnivargamahitena paTutvabhAjA || 37||
vAtAtmajasya vachanena sudhAsamena
     jAtA savishvasanahR^it kamalA hi yasya |
sItA pravR^ittimupalabhya cha saprakArAM
     yAtA pramodamatulaM pramadottamAbhUt || 38||
modAvahaM janakabhUmipateH sutAyai
     khedApahaM cha maNishobhi yada~NgulIyam |
prAdAdameyamahimA marudAtmajo.asyai
     pAdAravindayugalaM praNanAma yasyAH || 39||
tenAtishAyimudamAvahatA pumartha\-
     dAnAnurAgiNi yadIyakare sthitena |
lInAkhilAsukhachayA mithileshaputrI
     yenAbhavadguNavatA sahitava hR^iShTA || 40||
kR^itvA balaprakaTanaM yadi mAM nayettaM
     hR^itvA nishAcharapatiM sadR^ishaM tadasya |
uktvA marujjamahinoditi yaM prakR^itya
     natvA padAbjayugalaM shirasA cha yasya || 41||
bhUShA nishAcharamahIshapurasya ramya\-
     veShAbhirasya nibiDA satataM priyAbhiH |
sheShAvanIjaninivAsatarUryadIya\-
     sheShAdashokavanikApa harervibha~Ngam || 42||
trastA vanasthitanishAcharanAthadAsyaH
     shastAtmavikramamamuM kila yasya dUtam |
mastArpitA~njalaya UchuramuShya shIghra\-
     mastAlayA avanijAvanajAgarUkAH || 43||
kopena yAtunR^ipatirhi yadIyadUtaM
     bhUpeDitA~Nghrirahinot svabhaTAnanekAn |
kApeyacha~nchalamihAnayateti ramya\-
     dhUpe janAshrayavare mahite niShaNNaH || 44||
etena ki~NkaravarA nihatA yadIya\-
     dUtena toraNagatena chamUmahIshAH |
vAtena pa~ncha javato.api cha mantriputrAH
     jAtena yAtunR^ipateH sahasAkShanAmnA || 45||
shakrAriNA kamalajAstravareNa baddho
     vikrAntimAnnishichareshagR^ihaM yadIyaH |
AkrAmadetadavalokanavA~nChayA yaM
     vakrAsharArachitalIlamanekakakShyam || 46||
tatrAvanIshvaramasheShanishAcharANAM
     vR^itrArimukhyadiviShadgaNabhItihetum |
atrAsamadbhutashirobhujamAsa dR^iShTvA
     putrAdijuShTamapi vismitahR^idyadIyaH || 47||
garvAkaraM vidhivarorjitamiddhadIptiM
     sharvAchaloddharaNasambhavagryakIrtim |
sarvAmaradviShamanekanarendrayaj~na\-
     nirvApaNaikanirataM paradArasaktam || 48||
svarvArisundarikarairabhivIjyamAnaM
     parvAkharAMshughR^iNijitvarachAmarAlyA |
nirvAhakaM nikhilanairR^ItasantatInAM
     durvAra (sampa)dudadhiM surahaM samegham || 49||
yasyAbhiyAtupati dUtavaro niShaNNaH
     svasyAgamasya paribodhya nidAnamatra |
asyAnukUlamabhidhAya cha duShTavR^itteH
     tasyA (sharasya)viShayo.apyapagoraNasya || 50||
asyAnujaH parayo nu vibhIShaNo.api
     yasyAnuchAriNamimaM na vadhArhamAha |
tasyAbhavaddhitamado vachanaM (tadAnIM)
     (rItirhi) dUta iti shAstragirAmavadhyaH || 51||
dUtasya yasya vasanAvR^itavAlavahni\-
     rnItasya karShaNamitastata AsharaistaiH |
khyAtasya rAkSharApurImapi nirdadAha
     shItatvamApa mithileshasutAprasAdAt || 52||
bhUyo.api maithilasutAM vinamanmahIdhra\-
     kAyo jalAkaramameyakamuttatAra |
prAyopavesha (gata) vAnaratuShTikArI
     vAyorayaM priyasuto.anucharo yadIyaH || 53||
adhyAsitaM dR^iDhabalaiH kapibhirmaranda\-
     vR^id.hdhyAspadaM yadanuchAryanumatyupetaiH |
yAvatsvatR^ipti makarandavanaM prabhagnaM
     vadhyA bhavanti hi yatastvitare praviShTAH || 54||
putro.anujena marutaH sahitasya yasya
     shatrorashokagahane saha rAkShasIbhiH |
tatro (pavAsaniratA) mavadat svadR^iShTAM
     mitrostrachAravidhure madhuradrumADhaye || 55||
shrutvA vacho hanumato.anavadhipramodaH
     kR^itvAtamAtmatanusa~Ngatidhanyamenam |
gatvAtha sAgarataTaM saha vAnarendraiH
     uktvAprameya iti taM vyathito bhR^ishaM yaH || 56||
yadbhAminIparisamarpaNayuktijAlaM
     sadbhAvavAn prativadan sa vibhIShaNo.arthyam |
udbhAnubhUSharuchiraM rajanIchareshaM
     tadbhAvuketaravachovimanA babhUva || 57||
dArAn vihAya dhanamitrasutAMshcha la~NkAM
     dhIrAgraNIra (ghavimocha) namAshritAnAm |
kArAgR^ihAt sanigalAdiva mukta eSha
     vArAkarottarataTe sharaNaM gato.asmi || 58||
a~NgIkR^itiM prati kapIn sa visha~NkamAnAM\-
     stu~NgIbhavadyadaru (NAmbuja) pAdabhaktIn |
bhR^i~NgItanuM yamiti yatpadapadmayugma\-
     sa~NgI nivedayata mAmupayAtamUche (?) || 59||
nAnAvidhAH kathayataH kapirAjamukhyAn
     senApatIn nishicharA (bhayavarja) noktIH |
yenAbhayaM vidadhatA viditasvashaktIna
     dInAvanaikaniratena tadA hyadAyi || 60||
vArAkaraM sharaNamAshritavAn pramatte
     ghorAn sharAnapi dhanuH pragR^i ( parigR^ihya pANau) |
dhArAdharapratima eSha vavarSha tasmin
     nIrAjito maNigaNairamunA pradiShTaiH || 61||
chApe.arpitasya kila yasya vidheH sharasya
     kopena kampitatanurjaDarAshireShaH |
tApena cha svataTavAsavataH sharavyaM
     pApeShvapashchimatarAnasurAnakArShIt || 62||
setuM kapIshvarahR^itairgiribhiH samudre
     hetuM vi (dehatanayA) vadanotsavasya |
pAtuM janAnaghavato.api cha yo babandha
     yAtuM nishAcharamahIshvararAjadhAnIm || 63||
lIlAparairnishicharAdhiparAjadhAnI\-
     sAlAvalokanakutUhalibhiH kapIndraiH |
kolAhalaM cha vidadhadbhiramAkarot su\-
     velAdhirohaNamudArayashodhano yaH || 64||
tu~NgaM nishAcharavaro.apyadhiruhya saudha\-
     shR^i~NgaM vyalokayadasau kapivaryasenAH |
ra~NgaM shriyaH palabhujAM kapirAT kirITa\-
     bha~NgaM chakAra kila tasya yada~NghribhaktyA || 65||
senA sarA (kShasamahIbhR^i) diyaM kapInAM
     yenAttachApasharapANitalena guptA |
nAnAnishAcharavR^itAM nagarIM dashAsya\-
     senAM samAvR^iNuta devagaNairadhR^iShyA || 66||
ruddhe nishAcharapure kvachana pradeshe
     dagdhe yadIyapR^itanAbhirathAnyato.api |
mugdhe palAshanajane kvachidapyabhIkShNaM
     kruddhe cha pa~Nktivadane parapIDanena || 67||
yuddhAya rAtricharabAnaradhUrvahAH saM.\-
     naddhA babhUvuratha shastramahIdhrahastAH |
jagdhAshcha kechidapare tviha bANavahni\-
     dagdhAH parasparamatIva jayodyatAste || 68||
santrAsayan harikulaM bhujagAstrajAlaiH
     sutrAmajidyadanuja yamapi prapIDya |
pitrA prahR^iShTamanasA bahumAnapUrvaM
     kutrArirityabhihite nihataM shAshaMsa || 69||
pAtena vegata uda~nchitachaNDapakSha\-
     pAtena pakShikulabhUmibhR^itA vyabhedi |
mA te bhayaM tviti tadA vadatA sa vairi\-
     ghAtena yattanugato bhujagAstrabandhaH || 70||
tAmrAnanena marutaH kapinA sutena
     sAmrAdipAdapakareNa vidhAya janyam |
dhUmrAkSha Ashara upetya yada~NghridAsya\-
     sAmrAjyatuShTahR^idayena vinAshamApat || 71||
pitrA samena balataH kanako~Ngadena
     vitrAsitArinivahena sahA~Ngadena |
tatrAsa yuddhamavalokayatAM subhImaM
     tatrApa nAshamarijayyapi vajradaMShTraH || 72||
nIlena sainyapatirAsharabhUbhR^itaH sa\-
     sAlena tAlamukhadArubhR^itA kR^itAjiH |
kAleyara~njitatanuryadanIkajAla\-
     pAlena kAlasadanaM nihataH prapede || 73||
senAbhirAyudhavatIbhiratIva rakto
     yenApi yoddhumupayAti dashAnanaH sma |
dAnAbhivarShigajavAharathaiH sameto
     nAnAvidhairnagarato girimUrdhni bhAtaH || 74||
kR^itvA raNaM hanumatA samatItya ki~nchit
     gatvA kapIshvaramukhairapi yatkaniShTham |
hatvAyudhena tamasau na shashAka hartuM
     hR^itvA gato.anilasutaH praharaddashAsyam || 75||
yenAnilAtmajagatena rathI chirAya
     nAnAyudhairvihitasaMyadasau chachAla |
lInAtmashaktiratha bANahato bhR^ishArto
     dInAyate.api (sma) karato.api vistR^iShTachApaH || 76||
tvaM gachCha saMyati madIyasharairvibhinna\-
     stva~Nga pravishya vigatashrama eSha (va) la~NkAm |
tva~NgadrathAdisahitaH punarohi janya\-
     ra~NgasthalImiti yato.abhihito dashAsyaH || 77||
rakSho.adhipo.anujamatho nijamAttanidraM
     sa~NkShobhachitta udabodhayadutthito.asau |
vikShobhayannurubalena kapIshasenAM
     shikShodyataH kalashakarNa upAdravadyam || 78||
gotrapramANatanureSha kapIndravAhi\-
     gAtraH prahR^iShTahR^idayaH pravivesha la~NkAm |
netrapriyaH palabhujAM tadudIritAtma\-
     stotrastataH kapivaraH kramashaH prabuddhaH || 79||
tenAnujAsamadasho rachitaH surAdi\-
     pAnAtimatta urarIkR^itashUla eShaH |
nAnAstravijjanavareNa vikhaNDitA~Ngo
     yenAmarapriyakarIM mR^itimAshu nItaH || 80||
jammArijittadanu kopavatA svapitrA
     sambhAvito.api yamamohayadabjajAstram |
stambhAvahaM yadanujapramukhAn prasahya (yujya)
     DambhA~nchitaH svapitR^imAnasamodakArI || 81||
vAtAtmajAhR^itamahauShadhiparvatena
     vItAtmachetanayadIyakaniShThamukhyAH |
yAtAshcha yo.api gatapIDanatAmasR^ikpa\-
     jetA vidhirhi nikhilairduratikramaH syAt || 82||
indrAtmajasya tanayena yada~NghribhAjA
     tandrAlubhAvarahitena kilA~Ngadena |
chandrAnanena vilayaM narakAntako.agAt
     sandrAvitAkhilakapiH samitau balena || 83||
vAtAtmajena samare trishirA hato.abhU\-
     nnetA nishAcharakulasya surAntako.api |
sthAtAgrato yadanujena surendrasainye
     jetAtikAya iti rAkShasarAjasUnuH || 84||
sUrAtmajena kapibhUmibhR^itA cha kumbho
     vIrAgraNIrvirachitAjiravApa nAsham |
ghorAtmakarmakR^itabhItikaribala (rbalaika\-)
     (vA) rAkareNa marududbhavato nikumbhaH || 85||
jambhArisainyaparimardanakR^it svapitrA
     sambhAvito yadanujena sametya yuddham |
DambhAkaro maghavajit kila kUTayodhI
     stambhA~nchito vinihato.atibalena yatnAt || 86||
sannAhavAn dashamukhaH svayameva yoddhuM
     nunnAtmajAdimR^itisambhavashokabhAraH |
khinnAnApi svakajanAnatha sAntvayitvA
     bhinnAn kapIniti karomi vadan pratasthe || 87||
AsIdatoH samaramR^iddhakapIndrarakSho\-
     nAsIramujjvaladhanurdharayoddhayoshcha |
AsIddhi yasya rajanIcharabhUpateH kva
     yAsIti tiShTha vadatormitha ehi shIghram || 88||
dantAvalAdichatura~Ngasametajanye
     yantAjahAra diviShannR^ipateH shatA~Ngam |
taM tApasairapi surairabhipUjyamAno
     hantAruroha rajanIcharabhUpateryaH || 89||
lokeshadaivatashareNa nishAcharendro
     nAkeshasArathivachaHprahitena yena |
kAkena chAgasi samo gagane sureshA\-
     nIke prahR^iShyati hato hR^idaye mamAra || 90||
yo.apetakopa iha pUrvajanAshato vi\-
     lApena tadguNavatA sa vibhIShaNo.api |
tApena shalyasahitastu yadIyadAra\-
     pApena yukta iti taddahanaM na chakre || 91||
yachChAlanena dahanaM punarasya chakre
     svachChAdhvaroktavidhinA sahasAmabhiH saH |
puchChAbhighAtavihatiM kapayo.aShi jagmu\-
     rvichChAyatAM nishicharasashcha tadAvashiShTAH || 92||
netA samastajagatAM rajanIcharesha\-
     jetAdhila~NkamabhiShichya kaniShThamasya |
sItAmavApa vidhirudramukhaishcha yo.asau
     pUtAM shuchau svajanakena cha nandyamAnaH || 93||
yAnena vistR^itatareNa tu puShpakeNa
     senena vAnarajanena sadArakeNa |
mAnena merutulitena vibhIShaNena
     yo.anena yAtumahitena saha pratasthe || 94||
vItAsukhaM nijasamAgamato vimAne
     sItAmiti hyakathayat parituShTahR^idyaH |
yAtA purIM prati nishAcharasantatInAM
     netAtra jAnaki mayA nihatastavArthe || 95||
anbhonidhau janakanandini pashya setuM
     kumbhopamorukuchashAlini komalA~Ngi |
rambhoru vAnarasamAhR^itashailavR^ikSha\-
     stambhochchayena rachitaM bhavatImavAptum || 96||
mAmApa jAnaki tadAtra vibhIShaNo.ayaM
     sAmAni rAkShasavaraM kathayaMstvadarthe |
kAmAturaM tadanu tena vinindyamAno
     dhImAn visR^ijya sahajaM sahitashchaturbhiH || 97||
atrAbhajaM sharaNamambunidhiM tataH sa
     vitrAsitastadanu pa~NkajasambhavAstrAt |
mitrAyamANa upahAryavadannalaM sva\-
     pitrA samo.ayamiti setukR^itau samarthaH || 98||
yAnaM prayAti ladhu jAnaki pashya shaila\-
     menaM cha yatra sahajena hR^itAtmadAraH |
jAnan sadR^ikShamapi mAmabhavat sakhA me
     dInaM kapIsha itasampadapAstashatruH || 99||
godAvarIM janakanandini pashya pashya\-
     tkhedApahAM tvamanu pa~nchavaTIM prasannAm |
vedA~NgavinmunijanairvihitAbhiShekAM
     modAvahAM mama tavApi vihArakAle || 100||
atrAnujena rachitAM mama parNashAlAM
     vR^itrArichApadamunerapi sanmunInAm |
tatrApi tatra vividhAshramabhUmibhAgAM\-
     shchitrAn vilokaya talodari chitrakUTam || 101||
uktvA videhatanayAmiti yastu pUrNe
     natvAdhipa~nchami muniM cha chaturdashAbde |
gatvA samAgamamatho bharatena pauraiH
     kR^itvA samantribhirasau nagarIpravesham || 102||
tatrAbhiShekamabhajat sahamaithilIkaH
     sutrAmanIlamukharatnavichitrapIThe |
ChatrAdibhR^idbhiranujairapi sevyamAno
     mitrAnvavAyatilako virarAja dIptyA || 103||
hitvA vimAnamapi voDhumathaikapi~NgaM
     kR^itvA kapIshapR^itanAgamanAbhyanuj~nAm |
dattvA vibhIShaNakR^ite nu dhanaM kulasya
     matvA nijAvataraNaM saphalaM tutoSha || 104||
kumbhodbhavAdikathitAtmaripuprashasta\-
     DambhochchayodbhavavarAptiharirjayADhyaH |
ambhodharAravavichitrakathAshcha shR^iNvan
     jambhopamardanajayapramukhAH prahR^iShTaH || 105||
yo rAjamaulivinataH kurute sma rAjyaM
     chorAdibAdharahitaM bahudheShTayaj~naH |
chArA bhidR^iShTajanavR^ittamudArashIlaH
     shrIrAma eSha satataM hR^idi sannidhattAm || 106||
yo revatImukhavikAsakarasvakIya\-
     bereNa nIlavasanastulito.adriNAsau |
gaureNa shobhitashayo nihatapralambaH
     sIreNa hantu duritaM nikhilaM balo vaH || 107||
yo devakIjaTharato vasudevasUnu\-
     rbhUdevatAgurubharaM parihartukAmaH |
vedeShu gItavibhavo.avatatAra sampra\-
     pede vrajaM tadanu nandagR^ihe.api vR^iddhaH || 108||
nAnAvidhAnavanipIDanakArakogra\-
     senAtmasambhavamukhAn vinihatya bhUmim |
dInAmanugrahabhareNa chakAra hR^iShTAM
     yo nAyako vrajakulasya sa pAtu kR^iShNaH || 189||
vAhAdhirUDha urarIkR^itakhaDgapANi \-
     rmohAvilAn kalivijR^imbhitakalmaShADhyAn |
yo hA haniShyati hi viShNuyashastanUjo
     nIhArabhAnuvadano.avatu naH sa kalkI || 110||
shrIvAdibhItikaranAmaguroH kudR^iShTi\-
     nIvArajAlashamanasya tanUbhavena |
sevAkR^itAsya rachiteyamaho stutirbhU |
     devAbhinandanakareNa vR^iShAchaleshA || 111||

iti shrIprativAdibhaya~Nkarave~NkaTeshavirachitaM
        dashAravatArastotraM sampUrNam |
##
Proofread by Rajesh Thyagarajan 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}