% Text title            : Shri Dakshina Sheshachalesha Shrinivasa Bhagavat Suprabhatam
% File name             : dakShiNAsheShAchaleshashrInivAsabhagavatsuprabhAtam.itx
% Category              : vishhnu, suprabhAta, venkateshwara
% Location              : doc\_vishhnu
% Author                : saralakavi rAghavAchArya
% Transliterated by     : Aruna Narayanan narayanan.aruna at gmail.com
% Proofread by          : Aruna Narayanan narayanan.aruna at gmail.com
% Description/comments  : for the Deity on the hill of Vaiyavur
% Latest update         : March 20, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Dakshina Sheshachalesha Shrinivasa Bhagavat Suprabhatam ..}##
\itxtitle{.. shrIdakShiNasheShAchaleshashrInivAsabhagavatsuprabhAtam ..}##\endtitles ##
shrImate prasannave~NkaTeshashrInivAsAya namaH |
kausalyAsuprajA rAma pUrvAsandhyA pravartate |
uttiShThanarashArdUla kartavyaM daivamAhnikam || 1||
uttiShThottiShThagovinda uttiShTha garuDadhvaja |
uttiShTha kamalAkAnta trailokyaM ma~NgalaM kuru || 2||
uttiShThAdivarAhatvamuttiShTha kamalAnidhe |
kaTAkShaiH karuNAdigdhaiH svAmin pAlaya viShTapam || 3||
kAruNyapUrNahR^idaye jagatAM trayANAM
     mAtassusundaratano nigamAbhinutye |
patyurharerurasinityavihArashIle
     shrIshrInivAsadayitetavasuprabhAtam || 4||
tava suprabhAtamaravindadR^ikpriye
     bhujagAchaleshabhujamadhyamandire |
surasundarIbhirakhilAbhirAdarAt
     kalitArhaNe.astu kalikalmaShApahe || 5||
divyo bhavatpriyatamaH kila sUrisa~Ngho
     haMho vikasvaradayAdiguNaM bhavantam |
nirveShTumeti laghu dakShiNasheShashailaM
     shrIshrInivAsa bhagavan tava suprabhAtam || 6||
vANIvihAraruchirAsyachatuShTayAtsvAt
     nirgachChato yugapadR^i~NmukhavedarAsheH |
vAkyairvidhitsuraja eti sumaistavArchAM
     shrIshrInivAsa bhagavan tava suprabhAtam || 7||
saptasvarImadhurasAmagirAM sugAnAt
     tvatprINanAya sa shivaH shivayA sametaH |
Aruhya nandinamupaiti tavAntikandrAk
     shrIshrInivAsa bhagavan tava suprabhAtam || 8||
lakShmyA tvayAcha kila lambhitarAjyalakShmI\-
     rdivyAM srajaM tvadurasaH parimaNDanArhAm |
AdAya bhaktibharito maghavaiti shachyA
     shrIshrInivAsa bhagavan tava suprabhAtam || 9||
deva tvadIyakaruNAM bahulAmabhIpsan
     vahyaM nijaM samadhiruhya sahAgrajena |
dhAmopayAti tava ShaDvadano rayeNa
     shrIshrInivAsa bhagavan tava suprabhAtam || 10||
devA ime nijasudhAshanatAprasiddhau
     kUrmatvamanthanasusundaramohinItvaiH |
nAnopakarturiha te namanAya sajjAH
     shrIshrInivAsa bhagavan tava suprabhAtam || 11||
saundaryasAndravapuSho navayauvanADhyA
     vAsovibhUShaNasumaiH paribhUShitA~NgAH |
devastriyastavasamIpamimAH prapannAH
     shrIshrInivAsa bhagavan tava suprabhAtam || 12||
AdityachandrakujachAndri surAryakAvya\-
     mandAshcha rAhuriti keturitipratItau |
ete grahA nava purastava bhAnti bhaktyA
     shrIshrInivAsa bhagavan tava suprabhAtam || 13||
svarlokarakShaka iti prathito maruttvAn
     sAhyAya yaM shrayati saiSha guruH puraste |
santiShThate pipaThiShurdivasasya shuddhiM
     shrIshrInivAsa bhagavan tava suprabhAtam || 14||
svarlokavaiNikavarau cha mithassakhAyau
     sheShAdri metya laghu nAradatumburU dvau |
udgAyatastavayasho madhuraM purastAt
     shrIshrInivAsa bhagavan tava suprabhAtam || 15||
UrostavodayavatI viditorvashIyaM
     nATyena tAvakamanaH paritoShaNAya |
harmyaM vishatyahaha tesahitApsarobhiH
     shrIshrInivAsa bhagavan tava suprabhAtam || 16||
mandAkinIsalilamadhyavigAha pUtAH
     saptarShayassukR^itinaH parigR^ihya padmAn |
divyAM stavArchanavidhau tvarayopayAtAH
     shrIshrInivAsa bhagavan tava suprabhAtam || 17||
nAryo narAshcha sujalAplavanena shuddhA\-
     dhautAmbarAssutilakAbharaNA vinItAH |
dhAmopayanti tavapAdaniShevaNAya
     shrIshrInivAsa bhagavan tava suprabhAtam || 18||
vArAhatIrthakalitAplavanA mahAnto
     vaikhAnasAH suhR^idayA lasadUrdhvapuNDrAH |
nityArchanAya tava mandiramAshuyanti
     shrIshrInivAsa bhagavan tava suprabhAtam || 19||
shrIvaiShNavAssumanasassudhR^itordhvapuNDrAH
     sAndhyaM samApya vidhimAsthitavedanAdAH |
sa~NghIbhavanti bhavada~NghriniShevaNAya
     shrIshrInivAsa bhagavan tava suprabhAtam || 20||
tvatkai~NkarIpravaNavAktanumAnaso.ayaM
     sItAdirAma iti shobhananAmadheyaH |
prAsAdameti shubhavastukaraissaha svaiH
     shrIshrInivAsa bhagavan tava suprabhAtam || 21||
vArAhapuShkaraNikAjalapUrNakumbhAn
     mUrdhnAvahanta upayAnti sabAdyaghoShAH |
deva tvadIya parichAra kR^itipravINAH
     shrIshrInivAsa bhagavan tava suprabhAtam || 22||
tvadvishvarUpavidhaye cha puraH sthitA te
     vatsena sAkamiha kAmadughAsamA gauH |
heShAravaM madhuramAtanute tura~NgaH
     shrIshrInivAsa bhagavan tava suprabhAtam || 23||
krIDAshukAH kanakapa~njaragarbhabhAjaH
     tvadbhuktasheShapaya AdyupayogahR^iShTAH |
nAmAni te shrutisukhAni paThanti ramyaM
     shrIshrInivAsa bhagavan tava suprabhAtam || 24||
prAchyAmudeti savitA vikasantipadmA
     bhR^i~NgAvalirdhvanati hai madhupAnamattA |
vAtassushItasurabhiH parivAti mandaM
     shrIshrInivAsa bhagavan tava suprabhAtam || 25||
kAle prabudhya vihagAstaruvAsino.amI
     AhAryasa~NgrahakR^ite bahirutpatantaH |
hai kIshukIshiti manoharamAsvananti
     shrIshrInivAsa bhagavan tava suprabhAtam || 26||
AshliShya kAntamabhihR^iShyati chakravAkI
     ghUkA vishanti tarasA tarukoTarANi |
andhaM tamo giriguhAmadhigamya lInaM
     shrIshrInivAsa bhagavan tava suprabhAtam || 27||
gopyashcha bhANDadadhimanthanasaktahastAH
     kR^iShNAvatAracharitAni supAvanAni |
gAyanti hanta madhurairnijakaNThanAdaiH
     shrIshrInivAsa bhagavan tava suprabhAtam || 28||
sarvesha sarvaguNasAgara sarvabandho
     sarvAgamAbhinuta sarvatano.antarAtman |
yogAdhirUDhasanakAdivibhAvyamAna
     shrIshrInivAsa bhagavan tava suprabhAtam || 29||
haimInakachChapavarAhanR^isiMhakharva\-
     rUpa pravR^iddha bhR^igunandana rAma rAma |
shrIkR^iShNa karkamadhiroDhumanaH paresha
     shrIshrInivAsa bhagavan tava suprabhAtam || 30||
shrIshrInivAsabhagavatstutisuprabhAta\-
     padyAni ye bhuvi paThantyuShasIha martyAH |
teShAM prasannavadano bhagavAnprakAmaM
     datte manorathaphalAnyakhilAni sashrIH || 31||
saralamimamudAraM rAghavAryeNa gItaM
     bhujagashikharivAsI suprabhAtastavaM svam |
shrutipathamupanIya smeravaktraH praharShAt
     pulakitanikhilA~Ngo rAjate shrInivAsaH || 32||

iti saralakavirAghavAchAryagItaM
dakShiNasheShAchaleshashrInivAsabhagavatsuprabhAtaM sampUrNam |
shubhamastu | shrIH |
##
Proofread by Aruna Narayanan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}