%@@1
% File name             : yajnavalkya.itx
%--------------------------------------------
% Text title            : Yajnavalkya Upanishad
% Author                : Vedic tradition
% Language              : Sanskrit
% Subject               : philosophy/religion
% Description/comments  : # 97 / 108; Shukla Yajurveds - Sanyasa upanishad
% Transliterated by     : Sunder Hattangadi (sunderh@hotmail.com)
% Proofread by          : Sunder Hattangadi (sunderh@hotmail.com)
% Latest update         : April,  16, 2000
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskrit.gde.to
% http://www.alkhemy.com/sanskrit/
% ftp://jaguar.cs.utah.edu/sanskrit/sanskrit.html
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
% Please ignore the following commands upto #indian and others with
% \ mark,
% which are needed for devanaagarii output and formatting.
%--------------------------------------------------------
%--------------------------------------------------------
%--------------------------------------------------------


\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=50pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\large #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{.. Yajnavalkya Upanishad ..}##
\itxtitle{.. yaaj~navalkyopanishhat.h  ..}##\endtitles##
sa.nnyaasaj~naanasaMpannaa yaanti yadvaishhNavaM padam.h .
tadvai padaM brahmatattva.n raamachandrapadaM bhaje ..
AUM puurNamadaH puurNamidaM puurNaatpuurNamudachyate .
puurNasya puurNamaadaaya puurNamevaavashishhyate ..
AUM shaantiH shaantiH shaantiH ..
hariH AUM .. atha janako ha vaideho yaaj~navalkyamupasametyovaacha 
bhagavansa.nnyaasamanubruuhiiti katha.n sa.nnyaasalakshaNam.h . sa
hovaacha yaaj~navalkyo brahmacharya.n samaapya gR^ihii bhavet.h . 
gR^ihaadvanii bhuutvaa pravrajet.h . yadi vetarathaa brahmacharyaadeva
pravrajedgR^ihaadvaa vanaadvaa . atha punarvratii vaavratii vaa snaatako
vaa.asnaatako vaa utsannaagniranagnoko.avaa yadahareva virajettadahareva
pravrajet.h . tadeke praajaapatyaameveshhTi.n kurvanti . atha vaa na 
kuryaadaagneyyaameva kuryaat.h . agnirhi praaNaH . praaNamevaitayaa karoti . 
traidhaataviiyaameva kuryaat.h . etayaiva trayo dhaatavo yaduta sattva.n 
rajastama iti aya.n te yonirR^itvijo yato jaato arochathaaH . ta.n jaanannagna
aarohaathaano vardhayaa rayimityanena mantreNaagnimaajighret.h . eshha vaa
agneryoniryaH praaNa.n gachchha svaa.n yoni.n gachchha svaahetyevamevaita\-
daagraamaadagnimaahR^itya puurvavadagnimaajighret.h yadagni.n na vindedapsu
juhuyaadaapo vai sarvaa devataaH sarvaabhyo devataabhyo juhomi svaaheti
saajya.n haviranaamayam.h . mokshamantrastrayyeva.n veda tadbrahma 
tadupaasitavyam.h . shikhaa.n yaj~nopaviita.n chhittvaa sa.nnyastaM mayeti 
trivaaramuchcharet.h . evamevaitadbhagavanniti vai yaaj~navalkyaH .. 1.. 
atha hainamatriH paprachchha yaaj~navalkya.n yaj~nopaviitii 
kathaM braahmaNa iti . sa hovaacha yaaj~navalkya idaM 
praNavamevaasya tadyaj~nopaviita.n ya aatmaa . praashyaachamyaaya.n
vidhiratha vaa parivraaDvivarNavaasaa muNDo.aparigrahaH shuchiradrohii
bhaikshamaaNo brahma bhuuyaaya bhavati . eshha panthaaH 
parivraajakaanaa.n viiraadhvani vaa.anaashake vaapaaM praveshe 
vaagnipraveshe vaa mahaaprasthaane vaa . eshha panthaa brahmaNaa 
haanuvittasteneti sa sa.nnyaasii brahmaviditi . evamevaishha bhagavanniti
vai yaaj~navalkya . tatra paramaha.nsaa naama sa.nvartakaaruNi\-
shvetaketuduurvaasaR^ibhunidaaghadattaatreyashukavaamadeva\-
haariitakaprabhR^itayo.avyaktali~Ngaa.avyaktaachaaraa anunmattaa
unmattavadaacharantaH parastriipuraparaa~NmukhaastridaNDa.n 
kamaNDaluM bhuktapaatra.n jalapavitra.n shikhaa.n yaj~nopaviitaM
bahirantashchetyetatsarva.n bhuuH svaahetyapsu parityajyaatmaana\-
manvichchhet.h . yathaa jaataruupadharaa nirdvandvaa nishhparigrahaa\-
stattvabrahmamaarge samyaksaMpannaaH shuddhamaanasaaH 
praaNasandhaaraNaartha.n yathoktakaale vimukto bhaikshamaachara\-
nnudarapaatreNa laabhaalaabhau samau bhuutvaa karapaatreNa vaa
kamaNDaluudakapo bhaikshamaacharannudaramaatrasa.ngrahaH
paatraantarashuunyo jalasthalakamaNDalurabaadhakarahaHsthala\-
niketano laabhaalaabhau samau bhuutvaa shuunyaagaaradevagR^iha\-
tR^iNakuuTavalmiikavR^ikshamuulakulaalashaalaagnihotrashaalaanadii\-
pulunagirikuharakoTarakandaranirjharasthaNDileshhvaniketanivaasya\-
prayatnaHshubhaashubhakarmanirmuulanaparaH sa.nnyaasena 
dehatyaaga.n karoti sa paramaha.nso naameti . aashaambaro na
namaskaaro na daaraputraabhilaashhii lakshyaalakshyanirvartakaH 
parivraaT parameshvaro bhavati . atraite shlokaa bhavanti . 
yo bhavetpuurvasa.nnyaasii tulyo vai dharmato yadi .
tasmai praNaamaH kartavyo netaraaya kadaachana .. 1..
pramaadino bahishchittaaH pishunaaH kalahotsukaaH .
sa.nnyaasino.api dR^ishyante devasa.nduushhitaashayaaH .. 2..
naamaadibhyaH pare bhuumni svaaraajye chetsthito.advathe .
praNametka.n tadaatmaj~no na kaarya.n karmaNaa tadaa .. 3..
iishvaro jiivakalayaa pravishhTo bhagavaaniti .
praNameddaNDavadbhuumaavaashvachaNDaalagokharam.h .. 4..
maa.nsapaa~nchaalikaayaastu yantraloke.a~Ngapa~njare .
snaayvasthigranthishaalinyaH striyaH kimiva shobhanam.h .. 5..
tva~Nmaa.nsaraktabaashhpaambu pR^ithakkR^itvaa vilochane .
samaalokaya ramya.n chetkiM mudhaa parimuhyasi .. 6..
merushR^i~NgataTollaasi ga~Ngaajalasyopamaa .
dR^ishhTaa yasminmune muktaahaarasyollasashaalitaa .. 7..
shmanaaneshhu diganteshhu sa eva lalanaastanaH .
shvabhiraasvaadyate kaale laghupiNDa ivaandhasaH .. 8..
keshakajjaladhaariNyo duHsparshaa lochanapriyaaH .
dushhkR^itaagnishikhaa naaryo dahanti tR^iNavannaram.h .. 9..
jvalanaa atiduure.api sarasaa api niirasaaH .
striyo hi narakaagniinaamindhana.n chaaru daaruNam.h .. 10..
kaamanaamnaa kiraatena vikiirNaa mugdhachetasaH .
naaryo naraviha~Ngaanaama~NgabandhanavaaguraaH .. 11..
janmapalvalamatsyaanaa.n chittakardamachaariNaam.h .
pu.nsaa.n durvaasanaarajjurnaariibaDishapiNDikaa .. 12..
sarveshhaa.n doshharatnaanaa.n susamudgikayaanayaa .
duHkhashR^i~Nkhalayaa nityamalamastu mama striyaa .. 13..
yasya strii tasya bhogechchhaa nistriikasya kva bhogabhuuH .
striya.n tyaktvaa jagattyakta.n jagattyaktvaa sukhii bhavet.h .. 14..
alabhyamaanastanayaH pitarau kleshayechchiram.h .
labdho hi garbhapaatena prasavena cha baadhate .. 15..
jaatasya graharogaadi kumaarasya cha dhuurtataa .
upaniite.apyavidyatvamanudvaahashcha paNDite .. 16..
yuunashcha paradaaraadi daaridrya.n cha kuTumbinaH .
putraduHkhasya naastyanto dhanii chenmriyate tadaa .. 17..
na paaNipaadachapalo na netrachapalo yatiH .
na cha vaakchapalashchaiva brahmabhuuto jitendriyaH .. 18..
ripau baddhe svadehe cha samaikaatmyaM prapashyataH .
vivekinaH kutaH kopaH svadehaavayaveshhviva .. 19..
apakaariNi kopashchetkope kopaH katha.n na te .
dharmaarthakaamamokshaaNaaM prasahya paripanthini .. 20..
namo.astu mama kopaaya svaashrayajvaaline bhR^isham.h .
kopasya mama vairaagyadaayine doshhabodhine .. 21..
yatra suptaa janaa nityaM prabuddhastatra sa.nyamii .
prabuddhaa yatra te vidvaansushhupti.n yaati yogiraaT.h .. 22..
chidihaastiiti chinmaatramida.n chinmayameva cha .
chittva.n chidahamete cha lokaashchiditi bhaavaya .. 23..
yatiinaa.n tadupaadeyaM paaraha.nsyaM paraM padam.h .
naataH paratara.n ki~nchidvidyate munipu~NgavaH .. 24..
ityupanishhat.h ..
AUM puurNamadaH puurNamidaM puurNaatpuurNamudachyate .
puurNasya puurNamaadaaya puurNamevaavashishhyate ..
AUM shaantiH shaantiH shaantiH .. hariH AUM tatsat.h ..
iti yaaj~navalkyopanishhatsamaaptaa ..
## \medskip\hrule\obeylines
Encoded by Sunder Hattangadi (sunderh@hotmail.com)
{\rm Please send corrections to sanskrit@cheerful.com}
{\rm Last updated \today}
\end{document}