% Text title            : Tripura Upanishad
% File name             : tripura-upan.itx
% Category              : upanishhat
% Location              : doc\_upanishhat
% Author                : Vedic Tradition
% Transliterated by     : Kannan Subramanian
% Proofread by          : P.P.Narayanaswami (swami at math.mun.ca)
% Description-comments  : 82/108; Rig-Veda, Shakta Upanishad
% Latest update         : September 28, 1999, July 2, 2011
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Tripura Upanishad ..}##
\itxtitle{.. tripuropaniShat.h ..}##\endtitles ##

tripuropaniShadvedyapAramaishvaryavaibhavam.h |
akhaNDAnandasAmrAjya.n rAmachandrapadaM bhaje ||
AUM vA~Nme manasi pratiShThitA | mano me vAchi pratiShThitam.h |
AvirAvIrma edhi | vedasya ma ANIsthaH | shrutaM me mA prahAsIH |
anenAdhItenAhorAtrAn.h saMdadhAmi | R^itaM vadiShyAmi |
satyaM vadiShyAmi | tanmAmavatu | tadvaktAramavatu | avatu mAm.h |
avatu vaktAram.h | avatu vaktAram.h |
AUM shAntiH shAntiH shAntiH ||

AUM tisraH purAstripathA vishvacharShaNA atrAkathA akSharAH
sanniviShTAH |
adhiShThAyainA ajarA purANI mahattarA mahimA devatAnAm.h || 1||

navayonirnavachakrANi dadhire navaiva yogA nava yoginyashcha |
navAnAM chakrA adhinAthAH syonA nava mudrA nava bhadrA mahInAm.h || 2||

ekA sA AsIt.h prathamA sA navAsIdAsonavi.nshAdAsonatri.nshat.h |
chatvAri.nshAdatha tisraH samidhA ushatIriva mAtaro mA vishantu || 3||

Urdhvajvalajvalana.n jyotiragre tamo vai tirashshchInamajaraM tadrajo.abhUt.h |
AnandanaM modanaM jyotirindo retA u vai maNDalA maNDayanti || 4||

tisrashcha ##[## yAstisro ##]## rekhAH sadanAni
bhUmestriviShTapAstriguNAstriprakArAH |
etatpuraM ##[## etattrayaM ##]## pUrakaM pUrakANAmatra ##[##
pUrakANAM mantrI ##]## prathate madano madanyA || 5||

madantikA mAninI maMgalA cha subhagA cha sA sundarI siddhimattA |
lajjA matistuShTiriShTA cha puShTA lakShmIrumA lalitA lAlapantI || 6||

imAM vij~nAya sudhayA madantI parisR^itA tarpayantaH svapITham.h |
nAkasya pR^iShThe vasanti paraM dhAma traipuraM chAvishanti || 7||

kAmo yoniH  kAmakalA vrajapANirguhA hasA mAtarishvAbhramindraH |
punarguhA sakalA mAyayA cha pUrUchyeShA vishvamAtAdividyA || 8||

ShaShTha.n saptamamatha vahnisArathimasyA mUlatrikramA deshayantaH |
kathyaM kaviM kalpakaM kAmamIsha.n tuShTuvA.nso amR^itatvaM
bhajante || 9||

triviShTapa.n trimukhaM vishvamAturnavarekhAH svaramadhyaM tadIle  |
##[## pura.n hantrImukha.n vishvamAtU rave rekhA svaramadhya.n tadeShA | ##]##
bR^ihattithirdashA pa~nchAdi nityA sA ShoDashI puramadhyaM bibharti || 10||

yadvA maNDalAdvA stanabiMbamekaM mukhaM chAdhastrINi guhA sadanAni |
kAmI kalAM kAmyarUpAM viditvA ##[## chikitvA ##]## naro jAyate
kAmarUpashcha kAmyaH ##[## kAmaH ##]## || 11||

parisR^itam jhaShamAdyaM ##[## jhaShamAjaM ##]## phalaM cha
bhaktAni yonIH supariShkR^itAshcha |
nivedayandevatAyai mahatyai svAtmIkR^ite sukR^ite siddhimeti || 12||

sR^iNyeva sitayA vishvacharShaNiH pAshenaiva pratibadhnAtyabhIkAm.h |
iShubhiH pa~nchabhirdhanuShA cha vidhyatyAdishaktiraruNA vishvajanyA || 13||

bhagaH shaktirbhagavAnkAma Isha ubhA dAtArAviha saubhagAnAm.h |
samapradhAnau samasatvau samojau tayoH shaktirajarA vishvayoniH || 14||

parisrutA haviShA bhAvitena prasa~Nkoche galite vaimanaskaH |
sharvaH sarvasya jagato vidhAtA dhartA hartA vishvarUpatvameti || 15||

iyaM mahopaniShattraipuryA yAmakSharaM paramo gIrbhirITTe |
eShargyajuH parametachcha sAmAyamatharveyamanyA cha vidyA || 16||

AUM hrIm AUM hrImityupaniShat.h ||

AUM vA~Nme manasi pratiShThitA | mano me vAchi pratiShThitam.h |
AvirAvIrma edhi | vedasya ma ANIsthaH | shrutaM me mA prahAsIH |
anenAdhItenAhorAtrAn.h saMdadhAmi | R^itaM vadiShyAmi |
satyaM vadiShyAmi | tanmAmavatu | tadvaktAramavatu | avatu mAm.h |
avatu vaktAram.h | avatu vaktAram.h |
AUM shAntiH shAntiH shAntiH ||
|| iti  tripuropaniShat.h  ||
##

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}