%@@1
% File name             : tejobindu.itx
%--------------------------------------------
% Text title            : Tejobindu Upanishad
% Author                : Vedic tradition
% Language              : Sanskrit
% Subject               : philosophy/hinduism
% Description/comments  : #37/108; Krishna Yajurveda- Yoga upanishad
% Transliterated by     : Sunder Hattangadi (sunderh@hotmail.com)
% Proofread by          : Sunder Hattangadi (sunderh@hotmail.com)
% Latest update         : Feb. 3, 2000
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskrit.gde.to
% http://www.alkhemy.com/sanskrit/
% ftp://jaguar.cs.utah.edu/sanskrit/sanskrit.html
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
% Please ignore the following commands upto #indian and others with
% \ mark,
% which are needed for devanaagarii output and formatting.
%--------------------------------------------------------
%--------------------------------------------------------
%--------------------------------------------------------


\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=50pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\large #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{.. Tejobindu Upanishad ..}##
\itxtitle{.. tejobinduupanishhat.h ..}##\endtitles##
yatra chinmaatrakalanaa yaatyapahnavama~njasaa .
tachchinmaatramakhaNDaikarasaM brahma bhavaamyaham.h ..
AUM saha naavavatu .. saha nau bhunaktu .. saha viirya.n karavaavahai .. 
tejasvinaavadhiitamastu maa vidvishhaavahai ..
AUM shaantiH shaantiH shaantiH ..
AUM tejobinduH para.n dhyaana.n vishvaatmahR^idisa.nsthitam.h .
aaNava.n shaambhava.n shaanta.n sthuula.n suukshmaM para.n cha yat.h .. 1..
duHkhaaDhya.n cha duraaraadhya.n dushhprekshyaM muktamavyayam.h .
durlabha.n tatsvaya.n dhyaanaM muniinaa.n cha maniishhiNaam.h .. 2..
yataahaaro jitakrodho jitasa~Ngo jitendriyaH .
nirdvandvo niraha~Nkaaro niraashiiraparigrahaH .. 3..
agamyaagamakartaa yo gamyaa.agamayamaanasaH .
mukhe triiNi cha vindanti tridhaamaa ha.nsa uchyate .. 4..
para.n guhyatama.n viddhi hyastatandro niraashrayaH .
somaruupakalaa suukshmaa vishhNostatparamaM padam.h .. 5..
trivaktra.n triguNa.n sthaana.n tridhaatu.n ruupavarjitam.h .
nishchala.n nirvikalpa.n cha niraakaara.n niraashrayam.h .. 6..
upaadhirahita.n sthaana.n vaa~Nmano.atiitagocharam.h .
svabhaavaM bhaavasa.ngraahyamasa~NghaataM padaachchyutam.h .. 7..
anaanaanandanaatiita.n dushhprekshyaM muktimavyayam.h .
chintyameva.n vinirmukta.n shaashvata.n dhruvamachyutam.h .. 8..
tadbrahmaNastadadhyaatma.n tadvishhNostatparaayaNam.h .
achintya.n chinmayaatmaana.n yadvyoma parama.n sthitam.h .. 9..
ashuunya.n shuunyabhaava.n tu shuunyaatiita.n hR^idi sthitam.h .
na dhyaana.n cha na cha dhyaataa na dhyeyo dhyeya eva cha .. 10..
sarva.n cha na para.n shuunya.n na para.n naaparaatparam.h .
achintyamaprabuddha.n cha na satya.n na para.n viduH .. 11..
muniinaa.n saMprayukta.n cha na devaa na para.n viduH .
lobhaM mohaM bhaya.n darpa.n kaama.n krodha.n cha kilbishham.h .. 12..
shiitoshhNe kshutpipaase cha sa~Nkalpakavikalpakam.h .
na brahmakuladarpa.n cha na muktigranthisa~nchayam.h .. 13..
na bhaya.n na sukha.n duHkha.n tathaa maanaavamaanayoH .
etadbhaavavinirmukta.n tadgraahyaM brahma tatparam.h .. 14..
yamo hi niyamastyaago mauna.n deshashcha kaalataH .
aasanaM muulabandhashcha dehasaamya.n cha dR^iksthitiH .. 15..
praaNasa.nyamana.n chaiva pratyaahaarashcha dhaaraNaa .
aatmadhyaana.n samaadhishcha proktaanya~Ngaani vai kramaat.h .. 16..
sarvaM brahmeti vai j~naanaadindriyagraamasa.nyamaH .
yamo.a.ayamiti saMprokto.abhyasaniiyo muhurmuhuH .. 17..
sajaatiiyapravaahashcha vijaatiiyatiraskR^itiH .
niyamo hi paraanando niyamaatkriyate budhaiH .. 18..
tyaago hi mahataa puujyaH sadyo mokshapradaayakaH .. 19..
yasmaadvaacho nivartante apraapya manasaa saha .
yanmauna.n yogibhirgamya.n tadbhajetsarvadaa budhaH .. 20..
vaacho yasmaannivartante tadvaktu.n kena shakyate .
prapa~ncho yadi vaktavyaH so.api shabdavivarjitaH .. 21..
iti vaa tadbhavenmauna.n sarva.n sahajasa.nj~nitam.h .
giraaM mauna.n tu baalaanaamayuktaM brahmavaadinaam.h .. 22..
aadaavante cha madhye cha jano yasminna vidyate .
yeneda.n satata.n vyaapta.n sa desho vijanaH smR^itaH .. 23..
kalpanaa sarvabhuutaanaaM brahmaadiinaa.n nimeshhataH .
kaalashabdena nirdishhTa.n hyakhaNDaanandamadvayam.h .. 24..
sukhenaiva bhavedyasminnajasraM brahmachintanam.h .
aasana.n tadvijaaniiyaadanyatsukhavinaashanam.h .. 25..
siddhaye sarvabhuutaadi vishvaadhishhThaanamadvayam.h .
yasminsiddhi.n gataaH siddhaastatsiddhaasanamuchyate .. 26..
yanmuula.n sarvalokaanaa.n yanmuula.n chittabandhanam.h .
muulabandhaH sadaa sevyo yogyo.asau brahmavaadinaam.h .. 27..
a~Ngaanaa.n samataa.n vidyaatsame brahmaNi liiyate .
no chennaiva samaanatvamR^ijutva.n shushhkavR^ikshavat.h .. 28..
dR^ishhTii.n j~naanamayii.n kR^itvaa pashyedbrahmamaya.n jagat.h .
saa dR^ishhTiH paramodaaraa na naasaagraavalokinii .. 29..
drashhTR^idarshanadR^ishyaanaa.n viraamo yatra vaa bhavet.h .
dR^ishhTistatraiva kartavyaa na naasaagraavalokinii .. 30..
chittaadisarvabhaaveshhu brahmatvenaiva bhaavanaat.h .
nirodhaH sarvavR^ittiinaaM praaNaayaamaH sa uchyate .. 31..
nishhedhanaM prapa~nchasya rechakaakhyaH samiiritaH .
brahmaivaasmiiti yaa vR^ittiH puurako vaayuruchyate .. 32..
tatastadvR^ittinaishchalya.n kumbhakaH praaNasa.nyamaH .
aya.n chaapi prabuddhaanaamaj~naanaa.n ghraaNapiiDanam.h .. 33..
vishhayeshhvaatmataa.n dR^ishhTvaa manasashchittara~njakam.h .
pratyaahaaraH sa vij~neyo.abhyasaniiyo muhurmuhuH .. 34..
yatra yatra mano yaati brahmaNastatra darshanaat.h .
manasaa dhaaraNa.n chaiva dhaaraNaa saa paraa mataa .. 35..
brahmaivaasmiiti sadvR^ittyaa niraalambatayaa sthitiH .
dhyaanashabdena vikhyaataH paramaanandadaayakaH .. 36..
nirvikaaratayaa vR^ittyaa brahmaakaaratayaa punaH .
vR^ittivismaraNa.n samyaksamaadhirabhidhiiyate .. 37..
ima.n chaakR^itrimaananda.n taavatsaadhu samabhyaset.h .
lakshyo yaavatkshaNaatpu.nsaH pratyaktva.n sambhavetsvayam.h .. 38..
tataH saadhananirmuktaH siddho bhavati yogiraaT.h .
tatsva.n ruupaM bhavettasya vishhayo manaso giraam.h .. 39..
samaadhau kriyamaaNe tu vighnaanyaaayaanti vai balaat.h .
anusandhaanaraahityamaalasyaM bhogalaalasam.h .. 40..
layastamashcha vikshepastejaH svedashcha shuunyataa .
eva.n hi vighnabaahulya.n tyaajyaM brahmavishaaradaiH .. 41..
bhaavavR^ittyaa hi bhaavatva.n shuunyavR^ittyaa hi shuunyataa .
brahmavR^ittyaa hi puurNatva.n tayaa puurNatvamabhyaset.h .. 42..
ye hi vR^itti.n vihaayainaaM brahmaakhyaaM paavaniiM paraam.h .
vR^ithaiva te tu jiivanti pashubhishcha samaa naraaH .. 43..
ye tu vR^itti.n vijaananti j~naatvaa vai vardhayanti ye .
te vai satpurushhaa dhanyaa vandyaaste bhuvanatraye .. 44..
yeshhaa.n vR^ittiH samaa vR^iddhaa paripakvaa cha saa punaH .
te vai sadbrahmataaM praaptaa netare shabdavaadinaH .. 45..
kushalaa brahmavaartaayaa.n vR^ittihiinaaH suraagiNaH .
te.apyaj~naanatayaa nuunaM punaraayaanti yaanti cha .. 46..
nimishhaardha.n na tishhThanti vR^ittiM brahmamayii.n vinaa .
yathaa tishhThanti brahmaadyaaH sanakaadyaaH shukaadayaH .. 47..
kaaraNa.n yasya vai kaarya.n kaaraNa.n tasya jaayate .
kaaraNa.n tattvato nashyetkaaryaabhaave vichaarataH .. 48..
atha shuddhaM bhavedvastu yadvai vaachaamagocharam.h .
udeti shuddhachittaanaa.n vR^ittij~naana.n tataH param.h .. 49..
bhaavita.n tiivravegena yadvastu nishchayaatmakam.h .
dR^ishya.n hyadR^ishyataa.n niitvaa brahmaakaareNa chintayet.h .. 50..
vidvaannitya.n sukhe tishhTheddhiyaa chidrasapuurNayaa ..
iti prathamo.adhyaayaH .. 1..
atha ha kumaaraH shivaM paprachchhaa.akhaNDaikarasa\-
chinmaatrasvaruupamanubruuhiiti . sa hovaacha paramaH shivaH .
akhaNDaikarasa.n dR^ishyamakhaNDaikarasa.n jagat.h .
akhaNDaikarasaM bhaavamakhaNDaikarasa.n svayam.h .. 1..
akhaNDaikaraso mantra akhaNDaikarasaa kriyaa .
akhaNDaikarasa.n j~naanamakhaNDaikarasa.n jalam.h .. 2..
akhaNDaikarasaa bhuumirakhaNDaikarasa.n viyat.h .
akhaNDaikarasa.n shaastramakhaNDaikarasaa trayii .. 3..
akhaNDaikarasaM brahma chaakhaNDaikarasa.n vratam.h .
akhaNDaikaraso jiiva akhaNDaikaraso hyajaH .. 4..
akhaNDaikaraso brahmaa akhaNDaikaraso hariH .
akhaNDaikaraso rudra akhaNDaikaraso.asmyaham.h .. 5..
akhaNDaikaraso hyaatmaa hyakhaNDaikaraso guruH .
akhaNDaikarasa.n lakshyamakhaNDaikarasaM mahaH .. 6..
akhaNDaikaraso deha akhaNDaikarasaM manaH .
akhaNDaikarasa.n chittamakhaNDaikarasa.n sukham.h .. 7..
akhaNDaikarasaa vidyaa akhaNDaikaraso.avyayaH .
akhaNDaikarasa.n nityamakhaNDaikarasaM param.h .. 8..
akhaNDaikarasa.n ki~nchidakhaNDaikarasaM param.h .
akhaNDaikarasaadanyannaasti naasti shhaDaanana .. 9..
akhaNDaikarasaannaasti akhaNDaikarasaanna hi .
akhaNDaikarasaatki~nchidakhaNDaikarasaadaham.h .. 10..
akhaNDaikarasa.n sthuula.n suukshma.n chaakhaNDaruupakam.h .
akhaNDaikarasa.n vedyamakhaNDaikaraso bhavaan.h .. 11..
akhaNDaikarasa.n guhyamakhaNDaikarasaadikam.h .
akhaNDaikaraso j~naataa hyakhaNDaikarasaa sthitiH .. 12..
akhaNDaikarasaa maataa akhaNDaikararasaH pitaa .
akhaNDaikaraso bhraataa akhaNDaikarasaH patiH .. 13..
akhaNDaikarasa.n suutramakhaNDaikaraso viraaT.h .
akhaNDaikarasa.n gaatramakhaNDaikarasa.n shiraH .. 14.. 
akhaNDaikarasa.n chaantarakhaNDaikarasaM bahiH .
akhaNDaikarasaM puurNamakhaNDaikarasaamR^itam.h .. 15..
akhaiNDaikarasa.n gotramakhaNDaikarasa.n gR^iham.h .
akhaNDaikarasa.n gopyamakhaNDaikarasashashashii .. 16..
akhaNDaikarasaastaaraa akhaNDaikaraso raviH .
akhaNDaikarasa.n kshetramakhaNDaikarasaa kshamaa .. 17..
akhaNDaikarasa shaanta akhaNDaikaraso.aguNaH .
akhaNDaikarasaH saakshii akhaNDaikarasaH suhR^it.h .. 18..
akhaNDaikaraso bandhurakhaNDaikarasaH sakhaa .
akhaNDaikaraso raajaa akhaNDaikarasaM puram.h .. 19..
akhaNDaikarasa.n raajyamakhaNDaikarasaaH prajaaH .
akhaNDaikarasa.n taaramakhaNDaikaraso japaH .. 20..
akhaNDaikarasa.n dhyaanamakhaNDaikarasaM padam.h .
akhaNDaikarasa.n graahyamakhaNDaikarasaM mahat.h .. 21..
akhaNDaikarasa.n jyotirakhaNDaikarasa.n dhanam.h .
akhaNDaikarasaM bhojyamakhaNDaikarasa.n haviH .. 22..
akhaNDaikaraso homa akhaNDaikaraso japaH .
akhaNDaikarasa.n svargamakhaNDaikarasaH svayam.h .. 23..
akhaNDaikarasa.n sarva.n chinmaatramiti bhaavayet.h .
chinmaatrameva chinmaatramakhaNDaikarasaM param.h .. 24..
bhavavarjitachinmaatra.n sarva.n chinmaatrameva hi .
ida.n cha sarva.n chinmaatramaya.n chinmayameva hi .. 25..
aatmabhaava.n cha chinmaatramakhaNDaikarasa.n viduH .
sarvaloka.n cha chinmaatra.n vattaa mattaa cha chinmayam.h .. 26..
aakaasho bhuurjala.n vaayuragnirbrahmaa hariH shivaH .
yatki~nchidyanna ki~nchichcha sarva.n chinmaatrameva hi .. 27..
akhaNDaikarasa.n sarva.n yadyachchinmaatrameva hi .
bhuuta.n bhavya.n bhavishhyachcha sarva.n chinmaatrameva hi .. 28..
dravya.n kaala.n cha chinmaatra.n j~naana.n j~neya.n chideva hi .
j~naataa chinmaatraruupashcha sarva.n chinmayameva hi .. 29..
saMbhaashhaNa.n cha chinmaatra.n yadyachchinmaatrameva hi .
asachcha sachcha chinmaatramaadyanta.n chinmaya.n sadaa .. 30..
aadirantashcha chinmaatra.n gurushishhyaadi chinmayam.h .
dR^igdR^ishya.n yadi chinmaatramasti chechchinmaya.n sadaa .. 31..
sarvaashcharya.n hi chinmaatra.n deha.n chinmaatrameva hi .
li~Nga.n cha kaaraNa.n chaiva chinmaatraanna hi vidyate .. 32..
aha.n tva.n chaiva chinmaatraM muurtaamuurtaadichinmayam.h .
puNyaM paapa.n cha chinmaatra.n jiivashchinmaatravigrahaH .. 33..
chinmaatraannaasti sa~Nkalpashchinmaatraannaasti vedanam.h .
chinmaatraannaasti mantraadi chinmaatraannaasti devataa .. 34..
chinmaatraannaasti dikpaalaashchinmaatraadvyaavahaarikam.h .
chinmaatraatparamaM brahma chinmaatraannaasti ko.api hi .. 35..
chinmaatraannaasti maayaa cha chinmaatraannaasti puujanam.h .
chinmaatraannaasti mantavya.n chinmaatraannaasti satyakam.h .. 36..
chinmaatraannaasti koshaadi chinmaatraannaasti vai vasu .
chinmaatraannaasti mauna.n cha chinmaatraannastyamaunakam.h .. 37..
chinmaatraannaasti vairaagya.n sarva.n chinmaatrameva hi .
yachcha yaavachcha chinmaatra.n yachcha yaavachcha dR^ishyate .. 38..
yachcha yaavachcha duurastha.n sarva.n chinmaatrameva hi .
yachcha yaavachcha bhuutaadi yachcha yaavachcha lakshyate .. 39..
yachcha yaavachcha vedaantaaH sarva.n chinmaatrameva hi .
chinmaatraannaasti gamana.n chinmaatraannaasti mokshakam.h .. 40..
chinmaatraannaasti lakshya.n cha sarva.n chinmaatrameva hi .
akhaNDaikarasaM brahma chinmaatraanna hi vidyate .. 41..
shaastre mayi tvayiishe cha hyakhaNDaikaraso bhavaan.h .
ityekaruupatayaa yo vaa jaanaatyaha.n tviti .. 42..
sakR^ijj~naanena muktiH syaatsamyagj~naane svaya.n guruH .. 43..
iti dvitiiyo.adhyaayaH .. 2..
kumaaraH pitaramaatmaanubhavamanubruuhiiti paprachchha .
sa hovaacha paraH shivaH .
parabrahmasvaruupo.ahaM paramaanandamasmyaham.h .
kevala.n j~naanaruupo.aha.n kevalaM paramo.asmyaham.h .. 1..
kevala.n shaantaruupo.aha.n kevala.n chinmayo.asmyaham.h .
kevala.n nityaruupo.aha.n kevala.n shaashvato.asmyaham.h .. 2..
kevala.n sattvaruupo.ahamaha.n tyaktvaahamasmyaham.h .
sarvahiinasvaruupo.aha.n chidaakaashamayo.asmyaham.h .. 3..
kevala.n turyaruupo.asmi turyaatiito.asmi kevalaH .
sadaa chaitanyaruupo.asmi chidaanandamayo.asmyaham.h .. 4..
kevalaakaararuupo.asmi shuddharuupo.asmyaha.n sadaa .
kevala.n j~naanaruupo.asmi kevala.n priyamasmyaham.h .. 5..
nirvikalpasvaruupo.asmi niriiho.asmi niraamayaH . 
sadaa.asa~Ngasvaruupo.asmi nirvikaaro.ahamavyayaH .. 6..
sadaikarasaruupo.asmi sadaa chinmaatravigrahaH .
aparichchhinnaruupo.asmi hyakhaNDaanandaruupavaan.h .. 7..
satparaanandaruupo.asmi chitparaanandamasmyaham.h .
antaraantararuupo.ahamavaa~NmanasagocharaH .. 8..
aatmaanandasvaruupo.aha.n satyaanando.asmyaha.n sadaa .
aatmaaraamasvaruupo.asmi hyayamaatmaa sadaashivaH .. 9..
aatmaprakaasharuupo.asmi hyaatmajyotiraso.asmyaham.h .
aadimadhyaantahiino.asmi hyaakaashasadR^isho.asmyaham.h .. 10..
nityashuddhachidaanandasattaamaatro.ahamavyayaH .
nityabuddhavishuddhaikasachchidaanandamasmyaham.h .. 1..
nityasheshhasvaruupo.asmi sarvaatiito.asmyaha.n sadaa .
ruupaatiitasvaruupo.asmi paramaakaashavigrahaH .. 12..
bhuumaanandasvaruupo.asmi bhaashhaahiino.asmyaha.n sadaa .
sarvaadhishhThaanaruupo.asmi sarvadaa chidghano.asmyaham.h .. 13..
dehabhaavavihiino.asmi chintaahiino.asmi sarvadaa .
chittavR^ittivihiino.aha.n chidaatmaikaraso.asmyaham.h .. 14..
sarvadR^ishyavihiino.aha.n dR^ig{}ruupo.asmyahameva hi .
sarvadaa puurNaruupo.asmi nityatR^ipto.asmyaha.n sadaa .. 15..
ahaM brahmaiva sarva.n syaadaha.n chaitanyameva hi .
ahamevaahamevaasmi bhuumaakaashasvaruupavaan.h .. 16..
ahameva mahaanaatmaa hyahameva paraatparaH .
ahamanyavadaabhaami hyahameva shariiravat.h .. 17..
aha.n shishhyavadaabhaami hyaya.n lokatrayaashrayaH .
aha.n kaalatrayaatiita aha.n vedairupaasitaH .. 18..
aha.n shaastreNa nirNiita aha.n chitte vyavasthitaH .
mattyakta.n naasti ki~nchidvaa mattyaktaM pR^ithivii cha vaa .. 19..
mayaatirikta.n yadyadvaa tattannaastiiti nishchinu .
ahaM brahmaasmi siddho.asmi nityashuddho.asmyaha.n sadaa .. 20..
nirguNaH kevalaatmaasmi niraakaaro.asmyaha.n sadaa .
kevalaM brahmamaatro.asmi hyajaro.asmyamaro.asmyaham.h .. 21..
svayameva svayaM bhaami svayameva sadaatmakaH .
svayamevaatmani svasthaH svayameva paraa gatiH .. 22..
svayameva svayaM bha~nje svayameva svaya.n rame .
svayameva svaya.n jyotiH svayameva svayaM mahaH .. 23..
svasyaatmani svaya.n ra.nsye svaatmanyeva vilokaye .
svaatmanyeva sukhaasiinaH svaatmamaatraavasheshhakaH .. 24..
svachaitanye svaya.n sthaasye svaatmaraajye sukhe rame .
svaatmasi.nhaasane sthitvaa svaatmano.anyanna chintaye .. 25..
chidruupamaatraM brahmaiva sachchidaanandamadvayam.h .
aanandaghana evaahamahaM brahmaasmi kevalam.h .. 26..
sarvadaa sarvashuunyo.aha.n sarvaatmaanandavaanaham.h .
nityaanandasvaruupo.ahamaatmaakaasho.asmi nityadaa .. 27..
ahameva hR^idaakaashashchidaadityasvaruupavaan.h .
aatmanaatmani tR^ipto.asmi hyaruupo.asmyahamavyayaH .. 28..
ekasa.nkhyaavihiino.asmi nityamuktasvaruupavaan.h .
aakaashaadapi suukshmo.ahamaadyantaabhaavavaanaham.h .. 29..
sarvaprakaasharuupo.ahaM paraavarasukho.asmyaham.h .
sattaamaatrasvaruupo.aha.n shuddhamokshasvaruupavaan.h .. 30..
satyaanandasvaruupo.aha.n j~naanaanandaghano.asmyaham.h .
vij~naanamaatraruupo.aha.n sachchidaanandalakshaNaH .. 31..
brahmamaatramida.n sarvaM brahmaNo.anyanna ki~nchana .
tadevaaha.n sadaanandaM brahmaivaaha.n sanaatanam.h .. 32..
tvamityetattadityetanmatto.anyannaasti ki~nchana .
chichchaitanyasvaruupo.ahamahameva shivaH paraH .. 33..
atibhaavasvaruupo.ahamahameva sukhaatmakaH .
saakshivastuvihiinatvaatsaakshitva.n naasti me sadaa .. 34..
kevalaM brahmamaatratvaadahamaatmaa sanaatanaH .
ahamevaadisheshho.ahamaha.n sheshho.ahameva hi .. 35..
naamaruupavimukto.ahamahamaanandavigrahaH .
indriyaabhaavaruupo.aha.n sarvabhaavasvaruupakaH .. 36..
bandhamuktivihiino.aha.n shaashvataanandavigrahaH .
aadichaitanyamaatro.ahamakhaNDaikaraso.asmyaham.h .. 37..
vaa~Nmano.agocharashchaaha.n sarvatra sukhavaanaham.h .
sarvatra puurNaruupo.ahaM bhuumaanandamayo.asmyaham.h .. 38..
sarvatra tR^iptiruupo.ahaM paraamR^itaraso.asmyaham.h .
ekamevaadvitiiya.n sadbrahmaivaaha.n na sa.nshayaH .. 39..
sarvashuunyasvaruupo.aha.n sakalaagamagocharaH .
mukto.ahaM moksharuupo.aha.n nirvaaNasukharuupavaan.h ..40..
satyavij~naanamaatro.aha.n sanmaatraanandavaanaham.h .
turiiyaatiitaruupo.aha.n nirvikalpasvaruupavaan.h .. 41..
sarvadaa hyajaruupo.aha.n niiraago.asmi nira~njanaH .
aha.n shuddho.asmi buddho.asmi nityo.asmi prabhurasmyaham.h .. 42..
o~Nkaaraarthasvaruupo.asmi nishhkala~Nkamayo.asmyaham.h .
chidaakaarasvaruupo.asmi naahamasmi na so.asmyaham.h .. 43..
na hi ki~nchitsvaruupo.asmi nirvyaapaarasvaruupavaan.h .
nira.nsho.asmi niraabhaaso na mano nendriyo.asmyaham.h .. 44..
na buddhirna vikalpo.aha.n na dehaaditrayo.asmyaham.h .
na jaagratsvapnaruupo.aha.n na sushhuptisvaruupavaan.h .. 45..
na taapatrayaruupo.aha.n neshhaNaatrayavaanaham.h .
shravaNa.n naasti me siddhermanana.n cha chidaatmani .. 46..
sajaatiiya.n na me ki~nchidvijaatiiya.n na me kvachit.h .
svagata.n cha na me ki~nchinna me bhedatraya.n kvachit.h .. 47..
asatya.n hi manoruupamasatyaM buddhiruupakam.h .
aha~Nkaaramasiddhiiti nityo.aha.n shaashvato hyajaH .. 48..
dehatrayamasadviddhi kaalatrayamasatsadaa .
guNatrayamasatviddhi hyaya.n satyaatmakaH shuchiH  .. 49..
shruta.n sarvamasatdviddhi veda.n sarvamasatsadaa .
shaastra.n sarvamasatdviddhi hyaha.n satyachidaatmakaH .. 50..
muurtitrayamasadviddhi sarvabhuutamasatsadaa .
sarvatattvamasadviddhi hyayaM bhuumaa sadaashivaH .. 51..
gurushishhyamasadviddhi gurormantramasattataH .
yaddR^ishya.n tadasadviddhi na maa.n viddhi tathaavidham.h .. 52..
yachchintya.n tadasadviddhi yannyaaya.n tadasatsadaa .
yaddhita.n tadasadviddhi na maa.n viddhi tathaavidham.h .. 53..
sarvaanpraaNaanasadviddhi sarvaanbhogaanasattviti .
dR^ishhTa.n shrutamasadviddhi otaM protamasanmayam.h .. 54..
kaaryaakaaryamasadviddhi nashhTaM praaptamasanmayam.h .
duHkhaaduHkhamasadviddhi sarvaasarvamanmayam.h .. 55..
puurNaapuurNamasadviddhi dharmaadharmamasanmayam.h .
laabhaalaabhaavasadviddhi jayaajayamasanmayam.h .. 56..
shabda.n sarvamasadviddhi sparsha.n sarvamasatsadaa .
ruupa.n sarvamasadviddhi rasa.n sarvamasanmayam.h .. 57..
gandha.n sarvamasadviddhi sarvaaj~naanamasanmayam.h .
asadeva sadaa sarvamasadeva bhavodbhavam.h .. 58..
asadeva guNa.n sarva.n sanmaatramahameva hi .
svaatmamantra.n sadaa pashyetsvaatmamantra.n sadaabhyaset.h .. 59..
ahaM brahmaasmi mantro.aya.n dR^ishyapaapa.n vinaashayet.h .
ahaM brahmaasmi mantro.ayamanyamantra.n vinaashayet.h .. 60..
ahaM brahmaasmi mantro.aya.n dehadoshha.n vinaashayet.h .
ahaM brahmaasmi mantro.aya.n janmapaapa.n vinaashayet.h .. 61..
ahaM brahmaasmi mantro.ayaM mR^ityupaasha.n vinaashayet.h .
ahaM brahmaasmi mantro.aya.n dvaitaduHkha.n vinaashayet.h .. 62..
ahaM brahmaasmi mantro.ayaM bhedabuddhi.n vinaashayet.h .
ahaM brahmaasmi mantro.aya.n chintaaduHkha.n vinaashayet.h .. 63..
ahaM brahmaasmi mantro.ayaM buddhivyaadhi.n vinaashayet.h .
ahaM brahmaasmi mantro.aya.n chittabandha.n vinaashayet.h .. 64..
ahaM brahmaasmi mantro.aya.n sarvavyaadhiinvinaashayet.h .
ahaM brahmaasmi mantro.aya.n sarvashoka.n vinaashayet.h .. 65..
ahaM brahmaasmi mantro.aya.n kaamaadiinnaashayetkshaNaat.h .
ahaM brahmaasmi mantro.aya.n krodhashakti.n vinaashayet.h .. 66..
ahaM brahmaasmi mantro.aya.n chittavR^itti.n vinaashayet.h .
ahaM brahmaasmi mantro.aya.n sa~Nkalpaadiinvinaashayet.h .. 67..
ahaM brahmaasmi mantro.aya.n koTidoshha.n vinaashayet.h .
ahaM brahmaasmi mantro.aya.n sarvatantra.n vinaashayet.h .. 68..
ahaM brahmaasmi mantro.ayamaatmaaj~naana.n vinaashayet.h .
ahaM brahmaasmi mantro.ayamaatmalokajayapradaH .. 69..
ahaM brahmaasmi mantro.ayamapratarkyasukhapradaH .
ahaM brahmaasmi mantro.ayamajaDatvaM prayachchhati .. 70..
ahaM brahmaasmi mantro.ayamanaatmaasuramardanaH .
ahaM brahmaasmi vajro.ayamanaatmaakhyagiriinharet.h .. 71..
ahaM brahmaasmi mantro.ayamanaatmaakhyaasuraanharet.h .
ahaM brahmaasmi mantro.aya.n sarvaa.nstaanmokshayishhyati .. 72..
ahaM brahmaasmi mantro.aya.n j~naanaanandaM prayachchhati .
saptakoTimahaamantra.n janmakoTishatapradam.h .. 73..
sarvamantraansamutsR^ijya etaM mantra.n samabhyaset.h .
sadyo mokshamavaapnoti naatra sandehamaNvapi .. 74..
iti tR^itiiyodhyaayaH .. 3..
kumaaraH parameshvaraM paprachchha jiivanmuktavidehamuktayoH
sthitimanubruuhiiti . sa hovaacha paraH shivaH .
chidaatmaahaM paraatmaaha.n nirguNo.ahaM paraatparaH .
aatmamaatreNa yastishhThetsa jiivanmukta uchyate .. 1..
dehatrayaatirikto.aha.n shuddhachaitanyamasmyaham.h .
brahmaahamiti yasyaantaH sa jiivanamukta uchyate .. 2..
aanandaghanaruupo.asmi paraanandaghano.asmyaham.h .
yasya dehaadika.n naasti yasya brahmeti nishchayaH .
paramaanandapuurNo yaH sa jiivanmukta uchyate .. 3..
yasya ki~nchidaha.n naasti chinmaatreNaavatishhThate .
chaitanyamaatro yasyaantashchinmaatraikasvaruupavaan.h .. 4..
sarvatra puurNaruupaatmaa sarvatraatmaavasheshhakaH .
aanandaratiravyaktaH paripuurNashchidaatmakaH .. 5..
shuddhachaitanyaruupaatmaa sarvasa~NgavivarjitaH .
nityaanandaH prasannaatmaa hyanyachintaavivarjitaH .. 6
ki~nchidastitvahiino yaH sa jiivanmukta uchyate .
na me chitta.n na me buddhirnaaha~Nkaaro na chendriyam.h .. 7..
na me dehaH kadaachidvaa na me praaNaadayaH kvachit.h .
na me maayaa na me kaamo na me krodhaH paro.asmyaham.h .. 8..
na me ki~nchidida.n vaapi na me ki~nchitkvachijjagat.h .
na me doshho na me li~Nga.n na me chakshurna me manaH .. 9..
na me shrotra.n na me naasaa na me jihvaa na me karaH .
na me jaagranna me svapna.n na me kaaraNamaNvapi .. 10..
na me turiiyamiti yaH sa jiivanmukta uchyate .
ida.n sarva.n na me ki~nchidaya.n sarva.n na me kvachit.h .. 11..
na me kaalo na me desho na me vastu na me matiH .
na me snaana.n na me sandhyaa na me daiva.n na me sthalam.h .. 12..
na me tiirtha.n na me sevaa na me j~naana.n na me padam.h .
na me bandho na me janma na me vaakya.n na me raviH .. 13..
na me puNya.n na me paapa.n na me kaarya.n na me shubham.h .
ne me jiiva iti svaatmaa na me ki~nchijjagatrayam.h .. 14..
na me moksho na me dvaita.n na me vedo na me vidhiH .
na me.antika.n na me duura.n na me bodho na me rahaH .. 15..
na me gururna me shishhyo na me hiino na chaadhikaH .
na me brahma na me vishhNurna me rudro na chandramaaH .. 16..
na me pR^ithvii na me toya.n na me vaayurna me viyat.h .
na me vahnirna me gotra.n na me lakshya.n na me bhavaH .. 17..
na me dhyaataa na me dhyeya.n na me dhyaana.n na me manuH .
na me shiita.n na me choshhNa.n na me tR^ishhNaa na me kshudhaa .. 18..
na me mitra.n na me shatrurna me moho na me jayaH .
na me puurva.n na me pashchaanna me chordhva.n na me dishaH .. 19..
na me vaktavyamalpa.n vaa na me shrotavyamaNvapi .
na me gantavyamiishhadvaa na me dhyaatavyamaNvapi .. 20..
na me bhoktavyamiishhadvaa na me smartavyamaNvapi .
na me bhogo na me raago na me yaago na me layaH .. 21..
na me maurkhya.n na me shaanta.n na me bandho na me priyam.h .
na me modaH pramodo vaa na me sthuula.n na me kR^isham.h .. 22..
na me diirgha.n na me hrasva.n na me vR^iddhirna me kshayaH .
adhyaaropo.apavaado vaa na me chaika.n na me bahu .. 23..
na me aandhya.n na me maandya.n na me paTvidamaNvapi .
na me maa.nsa.n na me rakta.n na me medo na me hyasR^ik.h .. 24..
na me majjaa na me.asthirvaa na me tvagdhaatu saptakam.h .
na me shukla.n na me rakta.n na me niila.n name pR^ithak.h .. 25..
na me taapo na me laabho mukhya.n gauNa.n na me kvachit.h .
na me bhraantirna me sthairya.n na me guhya.n na me kulam.h .. 26..
na me tyaajya.n na me graahya.n na me haasya.n na me nayaH .
na me vR^itta.n na me glaanirna me shoshhya.n na me sukham.h .. 27..
na me j~naataa na me j~naana.n na me j~neya.n na me svayam.h .
na me tubhya.n name mahya.n na me tva.n cha na me tvaham.h .. 28..
na me jaraa na me baalya.n na me yauvanamaNvapi .
ahaM brahmaasmyaha.n brahmaasmyahaM brahmeti nishchayaH .. 29..
chidaha.n chidaha.n cheti sa jiivanmukta uchyate .
brahmaivaaha.n chidevaahaM paro vaaha.n na sa.nshayaH .. 30.. 
svayameva svaya.n ha.nsaH svayameva svaya.n sthitaH .
svayameva svayaM pashyetsvaatmaraajye sukha.n vaset.h .. 31..
svaatmaananda.n svayaM bhokshyetsa jiivanmukta uchyate .
svayamevaikaviiro.agre svayameva prabhuH smR^itaH .. 32..
brahmabhuutaH prashaantaatmaa brahmaanandamayaH sukhii .
svachchharuupo mahaamaunii vaidehii mukta eva saH .. 33..
sarvaatmaa samaruupaatmaa shuddhaatmaa tvahamutthitaH .
ekavarjita ekaatmaa sarvaatmaa svaatmamaatrakaH .. 34..
ajaatmaa chaamR^itaatmaaha.n svayamaatmaahamavyayaH .
lakshyaatmaa lalitaatmaaha.n tuushhNiimaatmasvabhaavavaan.h .. 35..
aanandaatmaa priyo hyaatmaa mokshaatmaa bandhavarjitaH .
brahmaivaaha.n chidevaahameva.n vaapi na chintyate .. 36..
chinmaatreNaiva yastishhThedvaidehii mukta eva saH ..37..
nishchaya.n cha parityajya ahaM brahmeti nishchayam.h .
aanandabharitasvaanto vaidehii mukta eva saH .. 38..
sarvamastiiti naastiiti nishchaya.n tyajya tishhThati .
ahaM brahmaasmi naasmiiti sachchidaanandamaatrakaH .. 39..
ki~nchitkvachitkadaachichcha aatmaana.n na spR^ishatyasau .
tuushhNiimeva sthitastuushhNii.n tuushhNii.n satya.n na ki~nchana .. 40.. 
paramaatmaa guNaatiitaH sarvaatmaa bhuutabhaavanaH .
kaalabheda.n vastubheda.n deshabheda.n svabhedakam.h .. 41..
ki~nchidbheda.n na tasyaasti ki~nchidvaapi na vidyate .
aha.n tva.n tadida.n so.aya.n kaalaatmaa kaalahiinakaH .. 42..
shuunyaatmaa suukshmaruupaatmaa vishvaatmaa vishvahiinakaH .
devaatmaadevahiinaatmaa meyaatmaa meyavarjitaH .. 43..
sarvatra jaDahiinaatmaa sarveshhaamantaraatmakaH .
sarvasa~Nkalpahiinaatmaa chinmaatro.asmiiti sarvadaa .. 44..
kevalaH paramaatmaaha.n kevalo j~naanavigrahaH .
sattaamaatrasvaruupaatmaa naanyatki~nchijjagadbhayam.h .. 45..
jiiveshvareti vaakkveti vedashaastraadyaha.n tviti .
ida.n chaitanyameveti aha.n chaitanyamityapi .. 46..
iti nishchayashuunyo yo vaidehii mukta eva saH .
chaitanyamaatrasa.nsiddhaH svaatmaaraamaH sukhaasanaH .. 47..
aparichchhinnaruupaatmaa aNusthuulaadivarjitaH .
turyaturyaa paraanando vaidehii mukta eva saH .. 48..
naamaruupavihiinaatmaa parasa.nvitsukhaatmakaH .
turiiyaatiitaruupaatmaa shubhaashubhavivarjitaH .. 49..
yogaatmaa yogayuktaatmaa bandhamokshavivarjitaH .
guNaaguNavihiinaatmaa deshakaalaadivarjitaH .. 50.. 
saakshyasaakshitvahiinaatmaa ki~nchitki~nchinna ki~nchana .
yasya prapa~nchamaana.n na brahmaakaaramapiiha na .. 51..
svasvaruupe svaya.njyotiH svasvaruupe svaya.nratiH . 
vaachaamagocharaanando vaa~NmanogocharaH svayam.h .. 52..
atiitaatiitabhaavo yo vaidehii mukta eva saH .
chittavR^itteratiito yashchittavR^ittyavabhaasakaH .. 53..
sarvavR^ittivihiinaatmaa vaidehii mukta eva saH .
tasminkaale videhiiti dehasmaraNavarjitaH .. 54..
iishhanmaatra.n smR^ita.n chedyastadaa sarvasamanvitaH .
parairadR^ishhTabaahyaatmaa paramaanandachiddhanaH .. 55..
parairadR^ishhTabaahyaatmaa sarvavedaantagocharaH .
brahmaamR^itarasaasvaado brahmaamR^itarasaayanaH .. 56..
brahmaamR^itarasaasakto brahmaamR^itarasaH svayam.h .
brahmaamR^itarase magno brahmaanandashivaarchanaH .. 57..
brahmaamR^itarase tR^ipto brahmaanandaanubhaavakaH .
brahmaanandashivaanando brahmaanandarasaprabhaH .. 58..
brahmaanandapara.n jyotirbrahmaanandanirantaraH .
brahmaanandarasaannaado brahmaanandakuTumbakaH .. 59..
brahmaanandarasaaruuDho brahmaanandaikachiddhanaH .
brahmaanandarasodbaaho brahmaanandarasambharaH .. 60..
brahmaanandajanairyukto brahmaanandaatmani sthitaH .
aatmaruupamida.m sarvamaatmano.anyanna ka~nchana .. 61..
sarvamaatmaahamaatmaasmi paramaatmaa paraatmakaH .
nityaananda svaruupaatmaa vaidehii mukta eva saH .. 62..
puurNaruupo mahaanaatmaa priitaatmaa shaashvataatmakaH .
sarvaantaryaamiruupaatmaa nirmalaatmaa niraatmakaH .. 63..
nirvikaarasvaruupaatmaa shuddhaatmaa shaantaruupakaH .
shaantaashaantasvaruupaatmaa naikaatmatvavivarjitaH .. 64..
jiivaatmaparamaatmeti chintaasarvasvavarjitaH .
muktaamuktasvaruupaatmaa muktaamuktavivarjitaH .. 65..
bandhamokshasvaruupaatmaa bandhamokshavivarjitaH .
dvaitaadvaitasvaruupaatmaa dvaitaadvaitavivarjitaH .. 66..
sarvaasarvasvaruupaatmaa sarvaasarvavivarjitaH .
modapramodaruupaatmaa modaadivinivarjitaH .. 67..
sarvasa~Nkalpahiinaatmaa vaidehii mukta eva saH .
nishhkalaatmaa nirmalaatmaa buddhaatmaapurushhaatmakaH .. 68..
aanandaadivihiinaatmaa amR^itaatmaamR^itaatmakaH .
kaalatrayasvaruupaatmaa kaalatrayavivarjitaH .. 69..
akhilaatmaa hyameyaatmaa maanaatmaa maanavarjitaH .
nityapratyaksharuupaatmaa nityapratyakshanirNayaH .. 70..
anyahiinasvabhaavaatmaa anyahiinasvayaMprabhaH .
vidyaavidyaadimeyaatmaa vidyaavidyaadivarjitaH .. 71..
nityaanityavihiinaatmaa ihaamutravivarjitaH .
shamaadishhaTkashuunyaatmaa mumukshutvaadivarjitaH .. 72..
sthuuladehavihiinaatmaa suukshmadehavivarjitaH .
kaaraNaadivihiinaatmaa turiiyaadivivarjitaH .. 73..
annakoshavihiinaatmaa praaNakoshavivarjitaH .
manaHkoshavihiinaatmaa vij~naanaadivivarjitaH .. 74..
aanandakoshahiinaatmaa pa~nchakoshavivarjitaH .
nirvikalpasvaruupaatmaa savikalpavivarjitaH .. 75..
dR^ishyaanuviddhahiinaatmaa shabdaviddhavivarjitaH .
sadaa samaadhishuunyaatmaa aadimadhyaantavarjitaH .. 76..
praj~naanavaakyahiinaatmaa ahaMbrahmaasmivarjitaH .
tattvamasyaadihiinaatmaa ayamaatmetyabhaavakaH .. 77..
o~Nkaaravaachyahiinaatmaa sarvavaachyavivarjitaH .
avasthaatrayahiinaatmaa aksharaatmaa chidaatmakaH .. 78..
aatmaj~neyaadihiinaatmaa yatki~nchididamaatmakaH .
bhaanaabhaanavihiinaatmaa vaidehii mukta eva saH .. 79..
aatmaanameva viikshasva aatmaanaM bodhaya svakam.h .
svamaatmaana.n svayaM bhu~Nkshva svastho bhava shhaDaanana .. 80..
svamaatmani svaya.n tR^iptaH svamaatmaana.n svaya.n chara .
aatmaanameva modasva vaidehii muktiko bhavetyupanishhat.h ..
iti chaturtho.adhyaayaH .. 4..
nidaagho naama vai muniH paprachchha R^ibhuM
bhagavantamaatmaanaatmavivekamanubruuhiiti .
sa hovaacha R^ibhuH .
sarvavaacho.avadhirbrahma sarvachintaavadhirguruH .
sarvakaaraNakaaryaatmaa kaaryakaaraNavarjitaH .. 1..
sarvasa~NkalparahitaH sarvanaadamayaH shivaH .
sarvavarjitachinmaatraH sarvaanandamayaH paraH .. 2..
sarvatejaHprakaashaatmaa naadaanandamayaatmakaH .
sarvaanubhavanirmuktaH sarvadhyaanavivarjitaH .. 3..
sarvanaadakalaatiita eshha aatmaahamavyayaH .
aatmaanaatmavivekaadibhedaabhedavivarjitaH .. 4..
shaantaashaantaadihiinaatmaa naadaantarjyotiruupakaH .
mahaavaakyaarthato duuro brahmaasmiityatiduurataH .. 5..
tachchhabdavarjyastva.nshabdahiino vaakyaarthavarjitaH .
ksharaaksharavihiino yo naadaantarjyotireva saH .. 6..
akhaNDaikaraso vaahamaanando.asmiiti varjitaH .
sarvaatiitasvabhaavaatmaa naadaantarjyotireva saH .. 7..
aatmeti shabdahiino ya aatmashabdaarthavarjitaH .
sachchidaanandahiino ya eshhaivaatmaa sanaatanaH .. 8..
sa nirdeshhTumashakyo yo vedavaakyairagamyataH .
yasya ki~nchidbahirnaasti ki~nchidantaH kiyanna cha .. 9..
yasya li~NgaM prapa~ncha.n vaa brahmaivaatmaa na sa.nshayaH .
naasti yasya shariira.n vaa jiivo vaa bhuutabhautikaH .. 10..
naamaruupaadika.n naasti bhojya.n vaa bhogabhuk.hcha vaa .
sadvaa.asadvaa sthitirvaapi yasya naasti ksharaaksharam.h .. 11..
guNa.n vaa viguNa.n vaapi sama aatmaa na sa.nshayaH .
yasya vaachya.n vaachaka.n vaa shravaNaM manana.n cha vaa .. 12..
gurushishhyaadibheda.n vaa devalokaaH suraasuraaH .
yatra dharmamadharma.n vaa shuddha.n vaashuddhamaNvapi .. 13..
yatra kaalamakaala.n vaa nishchayaH sa.nshayo na hi .
yatra mantramamantra.n vaa vidyaavidye na vidyate .. 14..
drashhTR^idarshanadR^ishya.n vaa iishhanmaatra.n kalaatmakam.h .
anaatmeti prasa~Ngo vaa hyanaatmeti mano.api vaa .. 15..
anaatmeti jagadvaapi naasti naasti nishchinu .
sarvasa~Nkalpashuunyatvaatsarvakaaryavivarjanaat.h .. 16..
kevalaM brahmamaatratvaannaastyanaatmeti nishchinu .
dehatrayavihiinatvaatkaalatrayavivarjanaat.h .. 17..
jiivatrayaguNaabhaavaattaapatrayavivarjanaat.h .
lokatrayavihiinatvaatsarvamaatmeti shaasanaat.h .. 18..
chittaabhaachchintaniiya.n dehaabhaavaajjaraa na cha .
paadaabhaavaadgatirnaasti hastaabhaavaatkriyaa na cha .. 19..
mR^ityurnaasti janaabhaavaadbuddhyabhaavaatsukhaadikam.h .
dharmo naasti shuchirnaasti satya.n naasti bhaya.n na cha .. 20..
aksharochchaaraNa.n naasti gurushishhyaadi naastyapi .
ekaabhaave dvitiiya.n na na dvitiiye na chaikataa .. 21..
satyatvamasti chetki~nchidasatya.n na cha saMbhavet.h .
asatyatva.n yadi bhavetsatyatva.n na ghaTishhyati .. 22..
shubha.n yadyashubha.n viddhi ashubhaachchhubhamishhyate .
bhaya.n yadyabhava.n viddhi abhayaadbhayamaapatet.h .. 23..
bandhatvamapi chenmoksho bandhaabhaave kva mokshataa .
maraNa.n yadi chejjanma janmaabhaave mR^itirna cha .. 24..
tvamityapi bhavechchaaha.n tva.n no chedahameva na .
ida.n yadi tadevaasti tadabhaadida.n na cha .. 25..
astiiti chennaasti tadaa naasti chedasti ki~nchana .
kaarya.n chetkaaraNa.n ki~nchitkaaryaabhaave na kaaraNam.h .. 26..
dvaita.n yadi tadaa.advaita.n dvaitaabhaave dvaya.n na cha .
dR^ishya.n yadi dR^igapyasti dR^ishyaabhaave dR^igena na .. 27..
antaryadi bahiH satyamantaa bhaave bahirna cha .
puurNatvamasti chetki~nchidapuurNatvaM prasajyate .. 28..
tasmaadetatkvachinnaasti tva.n chaaha.n vaa ime idam.h .
naasti dR^ishhTaantika.n satye naasti daarshhTaantika.n hyaje .. 29..
paraMbrahmaahamasmiiti smaraNasya mano na hi .
brahmamaatra.n jagadidaM brahmamaatra.n tvamapyaham.h .. 30..
chinmaatra.n kevala.m chaaha.n naastyanaatmyeti nishchinu .
idaM prapa~ncha.n naastyeva notpanna.n no sthita.n kvachit.h .. 31..
chittaM prapa~nchamityaahurnaasti naastyeva sarvadaa .
na prapa~ncha.n na chittaadi naaha~Nkaaro na jiivakaH .. 32..
maayaakaaryaadika.n naasti maayaa naasti bhaya.n nahi .
kartaa naasti kriyaa naasti shravaNaM manana.n nahi .. 33..
samaadhidvitaya.n naasti maatR^imaanaadi naasti hi .
aj~naana.n chaapi naastyeva hyaviveka.n kadaachana .. 34..
anubandhachatushhka.n na sambandhatrayameva na .
na ga~Ngaa na gayaa seturna bhuuta.n naanyadasti hi .. 35..
na bhuumirna jala.n naagnirna na vaayurna cha kha.n kvachit.h .
na devaa na cha dikpaalaa na vedaa na guruH kvachit.h .. 36..
na duura.n naastika.n naala.n na madhya.n na kvachitsthitam.h .
naadvaita.n dvaitasatya.n vaa hyasatya.n vaa ida.n na cha .. 37..
bandhamokshaadika.n naasti sadvaa.asadvaa sukhaadi vaa .
jaatirnaasti gatirnaasti varNo naasti na laukikam.h .. 38..
sarvaM brahmeti naastyeva brahma ityapi naasti hi .
chidityeveti naastyeva chidahaMbhaashhaNa.n na hi .. 39..
ahaM brahmaasmi naastyeva nityashuddho.asmi na kvachit.h .
vaachaa yaduchyate ki~nchinmanasaa manute kvachit.h .. 40..
buddhyaa nishchinute naasti chittena j~naayate nahi .
yogii yogaadika.n naasti sadaa sarva.n sadaa na cha .. 41..
ahoraatraadika.n naasti snaanadhyaanaadika.n nahi .
bhraantirabhraantirnaastyeva naastyanaatmeti nishchinu .. 42..
vedashaastraM puraaNa.n cha kaarya.n kaaraNamiishvaraH .
loko bhuuta.n janastvaikya.n sarva.n mithyaa na sa.nshayaH .. 43..
bandho mokshaH sukha.n duHkha.n dhyaana.n chitta.n suraasuraaH .
gauNaM mukhyaM para.n chaanyatsarvaM mithyaa na sa.nshayaH .. 44..
vaachaa vadati yatki~nchitsa~NkalpaiH kalpyate cha yat.h .
manasaa chintyate yadyatsarvaM mithyaa na sa.nshayaH .. 45..
buddhyaa nishchiiyate ki~nchichchitte nishchiiyate kvachit.h .
shaastraiH prapa~nchyate yadyannetreNaiva niriikshyate .. 46..
shrotraabhyaa.n shruuyate yadyadanyatsadbhaavameva cha .
netra.n shrotra.n gaatrameva mithyeti cha sunishchitam.h .. 47..
idamityeva nirdishhTamayamityeva kalpyate .
tvamaha.n tadida.n so.ahamanyatsadbhaavameva cha .. 48..
yadyatsaMbhaavyate loke sarvasa~NkalpasaMbhramaH .
sarvaadhyaasa.n sarvagopya.n sarvabhogaprabhedakam.h .. 49..
sarvadoshhaprabhedaachcha naastyanaatmeti nishchinu .
madiiya.n cha tvadiiya.n cha mameti cha taveti cha .. 50..
mahya.n tubhyaM mayetyaadi tatsarva.n vitathaM bhavet.h .
rakshako vishhNurityaadi brahmaa sR^ishhTestu kaaraNam.h .. 51..
sa.nhaare rudra ityeva.n sarva.n mithyeti nishchinu .
snaana.n japastapo homaH svaadhyaayo devapuujanam.h .. 52..
mantra.n tantra.n cha satsa~Ngo guNadoshhavijR^imbhaNam.h .
antaHkaraNasadbhaava avidyaashcha saMbhavaH .. 53..
anekakoTibrahmaaNDa.n sarva.n mithyeti nishchinu .
sarvadeshikavaakyoktiryena kenaapi nishchitam.h .. 54..
dR^ishyate jagati yadyadyadyajjagati viikshyate .
vartate jagati yadyatsarvaM mithyeti nishchinu .. 55..
yena kenaakshareNokta.n yena kena vinishchitam.h .
yena kenaapi gadita.n yena kenaapi moditam.h .. 56..
yena kenaapi yaddatta.n yena kenaapi yatkR^itam.h .
yatra yatra shubha.n karma yatra yatra cha dushhkR^itam.h .. 57..
yadyatkaroshhi satyena sarvaM mithyeti nishchinu .
tvameva paramaatmaasi tvameva paramo guruH .. 58..
tvamevaakaasharuupo.asi saakshihiino.asi sarvadaa .
tvameva sarvabhaavo.asi tvaM brahmaasi na sa.nshayaH .. 59..
kaalahiino.asi kaalo.asi sadaa brahmaasi chidghanaH .
sarvataH svasvaruupo.asi chaitanyaghanavaanasi .. 60..
satyo.asi siddho.asi sanaatano.asi 
         mukto.asi moksho.asi mudaamR^ito.asi .
devo.asi shaanto.asi niraamayo.asi 
         brahmaasi puurNo.asi paraatparo.asi .. 61..
samo.asi sachchaapi sanaatano.asi 
         satyaadivaakyaiH pratibodhito.asi .
sarvaa~Ngahiino.asi sadaa sthito.asi
         brahmendrarudraadivibhaavito.asi .. 62..
sarvaprapa~nchabhramavarjito.asi
         sarveshhu bhuuteshhu cha bhaasito.asi .
sarvatra sa~Nkalpavivarjito.asi
         sarvaagamaantaarthavibhaavito.asi .. 63..
sarvatra santoshhasukhaasano.asi
         sarvatra gatyaadivivarjito.asi .
sarvatra lakshyaadivivarjito.asi
         dhyaato.asi vishhNvaadisurairajasram.h .. 64..
chidaakaarasvaruupo.asi chinmaatro.asi nira~NkushaH .
aatmanyeva sthito.asi tva.n sarvashuunyo.asi nirguNaH .. 65..
aanando.asi paro.asi tvameka evaadvitiiyakaH .
chidghanaanandaruupo.asi paripuurNasvaruupakaH .. 66..
sadasi tvamasi j~no.asi so.asi jaanaasi viikshasi .
sachchidaanandaruupo.asi vaasudevo.asi vai prabhuH .. 67..
amR^ito.asi vibhushchaasi cha~nchalo hyachalo hyasi .
sarvo.asi sarvahiino.asi shaantaashaantavivarjitaH .. 68..
sattaamaatraprakaasho.asi sattaasaamaanyako hyasi .
nityasiddhisvaruupo.asi sarvasiddhivivarjitaH .. 69..
iishhanmaatravishuunyo.asi aNumaatravivarjitaH .
astitvavarjito.asi tva.n naastitvaadivivarjitaH .. 70..
lakshyalakshaNahiino.asi nirvikaaro niraamayaH .
sarvanaadaantaro.asi tva.n kalaakaashhThaavivarjitaH .. 71..
brahmavishhNviishahiino.asi svasvaruupaM prapashyasi .
svasvaruupaavasheshho.asi svaanandaabdhau nimajjasi .. 72..
svaatmaraajye svamevaasi svayaMbhaavavivarjitaH .
shishhTapuurNasvaruupo.asi svasmaatki~nchinna pashyasi .. 73..
svasvaruupaanna chalasi svasvaruupeNa jR^imbhasi .
svasvaruupaadananyo.asi hyahamevaasi nishchinu .. 74..
idaM prapa~ncha.n yatki~nchidyadyajjagati vidyate .
dR^ishyaruupa.n cha dR^igruupa.n sarva.n shashavishhaaNavat.h .. 75..
bhuumiraapo.analo vaayuH khaM mano buddhireva cha .
aha~Nkaarashcha tejashcha lokaM bhuvanamaNDalam.h .. 76..
naasho janma cha satya.n cha puNyapaapajayaadikam.h .
raagaH kaamaH krodhalobhau dhyaana.n dhyeya.n guNaM param.h .. 77..
gurushishhyopadeshaadiraadiranta.n shama.n shubham.h .
bhuutaM bhavya.n vartamaana.n lakshya.n lakshaNamadvayam.h .. 78..
shamo vichaaraH santoshho bhoktR^ibhojyaadiruupakam.h .
yamaadyashhTaa~Ngayoga.n cha gamanaagamanaatmakam.h .. 79..
aadimadhyaantara~Nga.n cha graahya.n tyaajya.n hariH shivaH .
indriyaaNi manashchaiva avasthaatritaya.n tathaa .. 80..
chaturvi.nshatitattva.n cha saadhanaanaa.n chatushhTayam.h .
sajaatiiya.n vijaatiiya.n lokaa bhuuraadayaH kramaat.h .. 81..
sarvavarNaashramaachaaraM mantratantraadisa.ngraham.h .
vidyaavidyaadiruupa.n cha sarvaveda.n jaDaajaDam.h .. 82..
bandhamokshavibhaaga.n cha j~naanavij~naanaruupakam.h .
bodhaabodhasvaruupa.n vaa dvaitaadvaitaadibhaashhaNam.h .. 83..
sarvavedaantasiddhaanta.n sarvashaastraarthanirNayam.h .
anekajiivasadbhaavamekajiivaadinirNayam.h .. 84..
yadyaddhyaayati chittena yadyatsa~Nkalpate kvachit.h .
buddhyaa nishchiiyate yadyadguruNaa sa.nshR^iNoti yat.h .. 85..
yadyadvaachaa vyaakaroti yadyadaachaaryabhaashhaNam.h .
yadyatsvarendriyairbhaavya.n yadyanmiimaa.nsate pR^ithak.h .. 86..
yadyannyaayena nirNiitaM mahadbhirvedapaaragaiH .
shivaH ksharati lokaanvai vishhNuH paati jagattrayam.h .. 87..
brahmaa sR^ijati lokaanvai evamaadikriyaadikam.h .
yadyadasti puraaNeshhu yadyadvedeshhu nirNayam.h .. 88..
sarvopanishhadaaM bhaava.n sarva.n shashavishhaaNavat.h .
deho.ahamiti sa~Nkalpa.n tadantaHkaraNa.n smR^itam.h .. 89..
deho.ahamiti sa~Nkalpo mahatsa.nsaara uchyate .
deho.ahamiti sa~Nkalpastadbandhamiti chochyate .. 90..
deho.ahamiti sa~NkalpastadduHkhamiti chochyate .
deho.ahamiti yadbhaana.n tadeva naraka.n smR^itam.h .. 91..
deho.ahamiti sa~Nkalpo jagatsarvamitiiryate .
deho.ahamiti sa~Nkalpo hR^idayagranthiriiritiH .. 92..
deho.ahamiti yajj~naana.n tadevaaj~naanamuchyate .
deho.ahamiti yajj~naana.n tadasadbhaavameva cha .. 93..
deho.ahamiti yaa buddhiH saa chaavidyeti bhaNyate .
deho.ahamiti yajj~naana.n tadeva dvaitamuchyate .. 94..
deho.ahamiti sa~NkalpaH satyajiivaH sa eva hi .
deho.ahamiti yajj~naanaM parichchhinnamitiiritam.h .. 95..
deho.ahamiti sa~Nkalpo mahaapaapamiti sphuTam.h .
deho.ahamiti yaa buddhistR^ishhNaa doshhaamayaH kila .. 96..
yatki~nchidapi sa~Nkalpastaapatrayamitiiritam.h .
kaama.n krodha.n bandhana.n sarvaduHkha.n
       vishva.n doshha.n kaalanaanaasvaruupam.h .
yatki~ncheda.n sarvasa~Nkalpajaala.n
       tatki~nchedaM maanasa.n soma viddhi .. 97..
mana eva jagatsarvaM mana eva mahaaripuH .
mana eva hi sa.nsaaro mana eva jagattrayam.h .. 98..
mana eva mahadduHkhaM mana eva jaraadikam.h .
mana eva hi kaalashcha mana eva mala.n tathaa .. 99..
mana eva hi sa~Nkalpo mana eva hi jiivakaH .
mana eva hi chitta.n cha mano.aha~Nkaara eva cha .. 100..
mana eva mahadbandhaM mano.antaHkaraNa.n cha tat.h .
mana eva hi bhuumishcha mana eva hi toyakam.h .. 101..
mana eva hi tejashcha mana eva marunmahaan.h .
mana eva hi chaakaashaM mana eva hi shabdakam.h .. 102..
sparsha.n ruupa.n rasa.n gandha.n koshaaH pa~ncha manobhavaaH .
jaagratsvapnasushhuptyaadi manomayaritiiritam.h .. 103..
dikpaalaa vasavo rudraa aadityaashcha manomayaaH .
dR^ishya.n jaDa.n dvandvajaatamaj~naanaM maanasa.n smR^itam.h .. 104..
sa~Nkalpameva yatki~nchittattannaastiiti nishchinu .
naasti naasti jagatsarva.n gurushishhyaadika.n nahiityupanishhat.h .. 105..
iti pa~nchamo.adhyaayaH .. 5..
R^ibhuH .. sarva.n sachchinmaya.n viddhi sarva.n sachchinmaya.n tatam.h .
sachchidaanandamadvaita.n sachchidaanandamadvayam.h .. 1..
sachchidaanandamaatra.n hi sachchidaanandamanyakam.h .
sachchidaanandaruupo.aha.n sachchidaanandameva kham.h .. 2..
sachchidaanandameva tva.n sachchidaanandako.asmyaham.h .
manobuddhiraha~Nkaarachittasa~Nghaatakaa amii .. 3..
na tva.n naaha.n na chaanyadvaa sarvaM brahmaiva kevalam.h .
na vaakya.n na pada.n veda.n naakshara.n na jaDa.n kvachit.h .. 4..
na madhya.n naadi naanta.n vaa na satya.n na nibandhajam.h .
na duHkha.n na sukhaM bhaava.n na maayaa prakR^itistathaa .. 5..
na deha.n na mukha.n ghraaNa.n na jihvaa na cha taalunii .
na dantoshhThau lalaaTa.n cha nishvaasochchhvaasa eva cha .. 6..
na svedamasthi maa.nsa.n cha na rakta.n na cha muutrakam.h .
na duura.n naantika.n naa~Nga.n nodara.n na kiriiTakam.h .. 7..
na hastapaadachalana.n na shaastra.n na cha shaasanam.h .
na vettaa vedana.n vedya.n na jaagratsvapnasuptayaH .. 8..
turyaatiita.n na me ki~nchitsarva.n sachchinmaya.n tatam.h .
naadhyaatmika.n naadhibhuuta.n naadhidaiva.n na maayikam.h .. 9..
na vishvataijasaH praaj~no viraaTsuutraatmakeshvaraH .
na gamaagamacheshhTaa cha na nashhTa.n na prayojanam.h .. 10..
tyaajya.n graahya.n na duushhya.n vaa hyamedhyaamedhyaka.n tathaa .
na piina.n na kR^isha.n kleda.n na kaala.n deshabhaashhaNam.h .. 11..
na sarva.n na bhaya.n dvaita.n na vR^ikshatR^iNaparvataaH .
na dhyaana.n yogasa.nsiddhirna brahmavaishyakshatrakam.h .. 12..
na pakshii na mR^igo naa~Ngii na lobho moha eva cha .
na mado na cha maatsarya.n kaamakrodhaadayastathaa .. 13..
na striishuudrabiDaalaadi bhakshyabhojyaadika.n cha yat.h .
na prauDhahiino naastikya.n na vaartaavasaro.ati hi .. 14..
na laukiko na loko vaa na vyaapaaro na muuDhataa .
na bhoktaa bhojanaM bhojya.n na paatraM paanapeyakam.h .. 15..
na shatrumitraputraadirna maataa na pitaa svasaa .
na janma na mR^itirvR^iddhirna deho.ahamiti bhramaH .. 16..
na shuunya.n naapi chaashuunya.n naantaHkaraNasa.nsR^itiH .
na raatrirna divaa nakta.n na brahmaa na hariH shivaH .. 17..
na vaarapakshamaasaadi vatsara.n na cha cha~nchalam.h .
na brahmaloko vaikuNTho na kailaaso na chaanyakaH .. 18..
na svargo na cha devendro naagniloko na chaagnikaH .
na yamo yamaloko vaa na lokaa lokapaalakaaH .. 19..
na bhuurbhuvaHsvastrailokya.n na paataala.n na bhuutalam.h .
naavidyaa na cha vidyaa cha na maayaa prakR^itirjaDaa .. 20..
na sthira.n kshaNika.n naasha.n na gatirna cha dhaavanam.h .
na dhyaatavya.n na me dhyaana.n na mantro na japaH kvachit.h .. 21..
na padaarthaa na puujaarha.n naabhishheko na chaarchanam.h .
na pushhpa.n na phalaM patra.n gandhapushhpaadidhuupakam.h .. 22..
na stotra.n na namaskaaro na pradakshiNamaNvapi .
na praarthanaa pR^ithagbhaavo na havirnaagnivandanam.h .. 23..
na homo na cha karmaaNi na durvaakya.n subhaashhaNam.h .
na gaayatrii na vaa sandhirna manasya.n na duHsthitiH .. 24..
na duraashaa na dushhTaatmaa na chaaNDaalo na paulkasaH .
na duHsaha.n duraalaapa.n na kiraato na kaitavam.h .. 25..
na pakshapaata.n na paksha.n vaa na vibhuushhaNataskarau .
na cha dambho daambhiko vaa na hiino naadhiko naraH .. 26..
naika.n dvaya.n traya.n turya.n na mahatva.n na chaalpataa .
na puurNa.n na parichchhinna.n na kaashii na vrata.n tapaH .. 27..
na gotra.n na kula.n suutra.n na vibhutva.n na shuunyataa .
na strii na yoshhinno vR^iddhaa na kanyaa na vitantutaa .. 28..
na suutaka.n na jaata.n vaa naantarmukhasuvibhramaH .
na mahaavaakyamaikya.n vaa naaNimaadivibhuutayaH .. 29..
sarvachaitanyamaatratvaatsarvadoshhaH sadaa na hi .
sarva.n sanmaatraruupatvaatsachchidaanandamaatrakam.h .. 30..
brahmaiva sarva.n naanyo.asti tadaha.n tadaha.n tathaa .
tadevaaha.n tadevaahaM brahmaivaaha.n sanaatanam.h .. 31..
brahmaivaaha.n na sa.nsaarii brahmaivaaha.n na me manaH .
brahmaivaaha.n na me buddhirbrahmaivaaha.n na chendriyaH .. 32..
brahmaivaaha.n na deho.ahaM brahmaivaaha.n na gocharaH .
brahmaivaaha.n na jiivo.ahaM brahmaivaaha.n na bhedabhuuH .. 33..
brahmaivaaha.n jaDo naahamahaM brahma na me mR^itiH .
brahmaivaaha.n na cha praaNo brahmaivaahaM paraatparaH .. 34..
idaM brahma paraM brahma satyaM brahma prabhurhi saH .
kaalo brahma kalaa brahma sukhaM brahma svayaMprabham.h .. 35..
ekaM brahma dvayaM brahma moho brahma shamaadikam.h .
doshho brahma guNo brahma damaH shaanta.n vibhuH prabhuH .. 36..
loko brahma gururbrahma shishhyo brahma sadaashivaH .
puurvaM brahma paraM brahma shuddhaM brahma shubhaashubham.h .. 37..
jiiva eva sadaa brahma sachchidaanandamasmyaham.h .
sarvaM brahmamayaM prokta.n sarva.n brahmamaya.n jagat.h .. 38..
svayaM brahma na sandehaH svasmaadanyanna ki~nchana .
sarvamaatmaiva shuddhaatmaa sarva.n chinmaatramadvayam.h .. 39..
nityanirmalaruupaatmaa hyaatmano.anyanna ki~nchana .
aNumaatralasadruupamaNumaatramida.n jagat.h .. 40..
aNumaaatra.n shariira.n vaa hyaNumaatramasatyakam.h .
aNumaatramachintya.n vaa chintya.n vaa hyaNumaatrakam.h .. 41..
brahmaiva sarva.n chinmaatraM brahmamaatra.n jagattrayam.h .
aanandaM paramaanandamanyatki~nchinna ki~nchana .. 42..
chaitanyamaatramo~NkaaraM brahmaiva sakala.n svayam.h .
ahameva jagatsarvamahameva paraM padam.h .. 43..
ahameva guNaatiita ahameva paraatparaH .
ahameva paraM brahma ahameva gurorguruH .. 44..
ahamevaakhilaadhaara ahameva sukhaatsukham.h .
aatmano.anyajjagannaasti aatmano.anyatsukha.n na cha .. 45..
aatmano.anyaa gatirnaasti sarvamaatmamaya.n jagat.h .
aatmano.anyannahi kvaapi aatmano.anyattR^iNa.n nahi .. 46..
aatmano.anyattushha.n naasti sarvamaatmamaya.n jagat .
brahmamaatramida.n sarvaM brahmamaatramasanna hi .. 47..
brahmamaatra.n shruta.n sarva.n svayaM brahmaiva kevalam.h .
brahmamaatra.n vR^ita.n sarvaM brahmamaatra.n rasa.n sukham.h .. 48..
brahmamaatra.n chidaakaasha.n sachchidaanandamavyayam.h .
brahmaNo.anyatarannaasti brahmaNo.anyajjaganna cha .. 49..
brahmaNo.anyadaha naasti brahmaNo.anyatphala.n nahi .
brahmaNo.anyattR^iNa.n naasti brahmaNo.anyatpada.n nahi .. 50..
brahmaNo.anyadgururnaasti brahmaNo.anyamasadvapuH .
brahmaNo.anyanna chaahantaa tvattedante nahi kvachit.h .. 51..
svayaM brahmaatmaka.n viddhi svasmaadanyanna ki~nchana .
yatki~nchiddR^ishyate loke yatki~nchidbhaashhyate janaiH .. 52..
yatki~nchidbhujyate kvaapi tatsarvamasadeva hi .
kartR^ibheda.n kriyaabheda.n guNabheda.n rasaadikam.h ..53..
li~Ngabhedamida.n sarvamasadeva sadaa sukham.h .
kaalabheda.n deshabheda.n vastubheda.n jayaajayam.h .. 54..
yadyadbheda.n cha tatsarvamasadeva hi kevalam.h .
asadantaHkaraNakamasadevendriyaadikam.h .. 55..
asatpraaNaadika.n sarva.n sa~Nghaatamasadaatmakam.h .
asatyaM pa~nchakoshaakhyamasatyaM pa~ncha devataaH .. 56..
asatya.n shhaDvikaaraadi asatyamarivargakam.h .
asatya.n shhaD{}R^itushchaiva asatya.n shhaD{}rasastathaa .. 57..
sachchidaanandamaatro.ahamanutpannamida.n jagat.h .
aatmaivaaha.n para.n satya.n naanyaaH sa.nsaaradR^ishhTayaH .. 58..
satyamaanandaruupo.aha.n chidghanaanandavigrahaH .
ahameva paraananda ahameva paraatparaH .. 59..
j~naanaakaaramida.n sarva.n j~naanaanando.ahamadvayaH .
sarvaprakaasharuupo.aha.n sarvaabhaavasvaruupakam.h .. 60..
ahameva sadaa bhaamiityeva.n ruupa.n kuto.apyasat.h .
tvamityevaM paraM brahma chinmayaanandaruupavaan.h .. 61..
chidaakaara.n chidaakaasha.n chideva parama.n sukham.h .
aatmaivaahamasannaaha.n kuuTastho.aha.n guruH paraH .. 62..
sachchidaanandamaatro.ahamanutpannamida.n jagat.h .
kaalo naasti jagannaasti maayaaprakR^itireva na .. 63..
ahameva hariH saakshaadahameva sadaashivaH .
shuddhachaitanyabhaavo.aha.n shuddhasattvaanubhaavanaH .. 64..
advayaanandamaatro.aha.n chidghanaikaraso.asmyaham.h .
sarvaM brahmaiva satata.n sarvaM brahmaiva kevalam.h .. 65..
sarvaM brahmaiva satata.n sarvaM brahmaiva chetanam.h .
sarvaantaryaamiruupo.aha.n sarvasaakshitvalakshaNaH .. 66..
paramaatmaa para.n jyotiH para.n dhaama paraa gatiH .
sarvavedaantasaaro.aha.n sarvashaastrasunishchitaH .. 67..
yogaanandasvaruupo.ahaM mukhyaanandamahodayaH .
sarvaj~naanaprakaasho.asmi mukhyavij~naanavigrahaH .. 68..
turyaaturyaprakaasho.asmi turyaaturyaadivarjitaH .
chidakshro.an satyo.aha.n vaasudavo.ajararo.amaraH .. 69..
ahaM brahma chidaakaasha.n nityaM brahma nira~njanam.h .
shuddhaM buddha.n sadaamuktamanaamakamaruupakam.h .. 70..
sachchidaanandaruupo.ahamanuntpannamida.n jagat.h .
satyaasatya.n jagannaasti sa~Nkalpakalanaadikam.h .. 71..
nityaanandamayaM brahma kevala.n sarvadaa svayam.h .
anantamavyaya.n shaantamekaruupamanaamayam.h .. 72..
matto.anyadasti chenmithyaa yathaa marumariichikaa .
vandhyaakumaaravachane bhiitishchedasti ki~nchana .. 73..
shashashR^i~NgeNa naagendro mR^itashchejjagadasti tat.h .
mR^igatR^ishhNaajalaM piitvaa tR^iptashchedastvida.n jagat.h .. 74..
narashR^i~NgeNa nashhTashchetkashcidastvidameva hi .
gandharvanagare satye jagadbhavati sarvadaa .. 75..
gagane niilimaasatye jagatsatyaM bhavishhyati .
shuktikaarajata.n satyaM bhuushhaNa.n chejjagadbhavet.h .. 76..
rajjusarpeNa dashhTashchennaro bhavatu sa.nsR^itiH .
jaataruupeNa baaNena jvaalaagnau naashite jagat.h .. 77..
vindhyaaTavyaaM paayasaannamasti chejjagadudbhavaH .
rambhaastambhena kaashhThena paakasiddhau jagadbhavet.h .. 78..
sadyaH kumaarikaruupaiH paake siddhe jagadbhavet.h .
chitrasthadiipaistamaso naashashchedastvida.n jagat.h .. 79..
maasaatpuurvaM mR^ito martyo hyaagatashchejjagadbhavet.h  .
takra.n kshiirasvaruupa.n chetkvachinnitya.n jagadbhavet.h .. 80..
gostanaadudbhava.n kshiiraM punaraaropaNe jagat.h .
bhuurajo.abdhau samutpanne jagadbhavatu sarvadaa .. 81..
kuurmaromNaa gaje baddhe jagadastu madotkaTe .
naalasthatantunaa merushchaalitashchejjagadbhavet.h .. 82..
tara~Ngamaalayaa sindhurbaddhashchedastvida.n jagat.h .
agneradhashchejjvalana.n jagadbhavatu sarvadaa .. 83..
jvaalaavahniH shiitalashchedastiruupamida.n jagat.h .
jvaalaagnimaNDale padmavR^iddhishchejjagadastvidam.h .. 84..
mahachchhailendraniila.n vaa sambhavachchedida.n jagat.h .
meruraagatya padmaakshe sthitashchedastvida.n jagat.h .. 85..
nigirechchedbhR^i~Ngasuunurmeru.n chalavadastvidam.h .
mashakena hate si.nhe jagatsatya.n tadaastu te .. 86..
aNukoTaravistiirNe trailokya.n chejjagadbhavet.h .
tR^iNaanalashcha nityashchetkshaNika.n tajjagadbhavet.h .. 87..
svapnadR^ishhTa.n cha yadvastu jaagare chejjagadbhavaH .
nadiivego nishchalashchetkenaapiidaM bhavejjagat.h .. 88..
kshudhitasyaagnirbhojyashchennimishha.n kalpitaM bhavet.h .
jaatyandhai ratnavishhayaH suj~naatashchejjagatsadaa .. 89..
napu.nsakakumaarasya striisukha.n chedbhavajjagat.h .
nirmitaH shashashR^i~NgeNa rathashchejjagadasti tat.h .. 90..
sadyojaataa tu yaa kanyaa bhogayogyaa bhavejjagat.h .
vandhyaa garbhaaptatatsaukhya.n j~naataa chedastvida.n jagat.h .. 91..
kaako vaa ha.nsavadgachchhejjagadbhavatu nishchalam.h .
mahaakharo vaa si.nhena yudhyate chejjagatsthitiH .. 92..
mahaakharo gajagati.n gatashchejjagadastu tat.h .
sampuurNachandrasuuryashchejjagadbhaatu svaya.n jaDam.h .. 93..
chandrasuuryaadikau tyaktvaa raahushcheddR^ishyate jagat.h .
bhR^ishhTabiijasamutpannavR^iddhishchejjagadastu sat.h .. 94..
daridro dhanikaanaa.n cha sukhaM bhu~Nkte tadaa jagat.h .
shunaa viiryeNa si.nhastu jito yadi jagattadaa .. 95..
j~naanino hR^idayaM muuDhairj~naata.n chetkalpana.n tadaa .
shvaanena saagare piite niHsheshheNa mano bhavet.h .. 96..
shuddhaakaasho manushhyeshhu patitashchettadaa jagat.h .
bhuumau vaa patita.n vyoma vyomapushhpa.n sugandhakam.h .. 97..
shuddhaakaashe vane jaate chalite tu tadaa jagat.h . 
kevale darpaNe naasti pratibimba.n tadaa jagat.h .. 98..
ajakukshau jagannaasti hyaatmakukshau jagannahi .
sarvathaa bhedakalana.n dvaitaadvaita.n na vidyate .. 99..
maayaakaaryamidaM bhedamasti chedbrahmabhaavanam.h .
deho.ahamiti duHkha.n chedbrahmaahamiti nishchayaH .. 100..
hR^idayagranthirastitve chhidyate brahmachakrakam.h .
sa.nshaye samanupraapte brahmanishchayamaashrayet.h .. 101..
anaatmaruupachorashchedaatmaratnasya rakshaNam.h .
nityaanandamayaM brahma kevala.n sarvadaa svayam.h .. 102..
evamaadisudR^ishhTaantaiH saadhitaM brahmamaatrakam.h .
brahmaiva sarvabhavanaM bhuvana.n naama santyaja .. 103..
ahaM brahmeti nishchitya ahaMbhaavaM parityaja .
sarvameva laya.n yaati suptahastasthapushhpavat.h .. 104..
na deho na cha karmaaNi sarvaM brahmaiva kevalam.h .
na bhuuta.n na cha kaarya.n cha na chaavasthaachatushhTayam.h .. 105..
lakshaNaatrayavij~naana.n sarvaM brahmaiva kevalam.h .
sarvavyaapaaramutsR^ijya hyahaM brahmeti bhaavaya .. 106..
ahaM brahma na sandeho hyahaM brahma chidaatmakam.h .
sachchidaanandamaatro.ahamiti nishchitya tattyaja .. 107..
shaa~NkariiyaM mahaashaastra.n na deya.n yasya kasyachit.h .
naastikaaya kR^itaghnaaya durvR^ittaaya duraatmane .. 108..
gurubhaktivishuddhaantaHkaraNaaya mahaatmane .
samyak{}pariikshya daatavyaM maasa.n shhaaNmaasavatsaram.h .. 109..
sarvopanishhadabhyaasa.n duuratastyajya saadaram.h .
tejobinduupanishhadamabhyasetsarvadaa mudaa .. 110..
sakR^idabhyaasamaatreNa brahmaiva bhavati svayam.h .
brahmaiva bhavati svayamityupanishhat.h ..
AUM saha naavavatu .. saha nau bhunaktu .. 
saha viirya.n karavaavahai ..
tejasvinaavadhiitamastu maa vidvishhaavahai ..
iti tejobinduupanishhatsamaaptaa ..
##\medskip\hrule\obeylines
Encoded by Sunder Hattangadi (sunderh@hotmail.com)
{\rm Please send corrections to sanskrit@cheerful.com}
{\rm Last updated \today}
\end{document}