%@@1 % File name : tarasara.itx %-------------------------------------------- % Text title : Tarasara Upanishad % Author : Vedic tradition % Language : Sanskrit % Subject : philosophy/hiduism % Description/comments : #91 / 108; Shukla Yajurveda - vaishnava upanishad % Transliterated by : Sunder Hattangadi (sunderh@hotmail.com) % Proofread by : Sunder Hattangadi (sunderh@hotmail.com) % Latest update : Apri 12, 2000 [Rama Navami], October 29, 2011 % Send corrections to : sanskrit@cheerful.com % % Special Instructions: % i1h.hdr,ijag.inc,itrans.sty,multicol.sty,iarticle.sty % Transliteration scheme: ITRANS 5.2 % Site access : % http://sanskritdocuments.org/ % http://sanskrit.gde.to %----------------------------------------------------- % The text is to be used for personal studies and research only. % Any use for commercial purpose is prohibited as a 'gentleman's' % agreement. % @@2 % % Please ignore the following commands upto #indian and others with % \ mark, % which are needed for devanaagarii output and formatting. %-------------------------------------------------------- \documentstyle[11pt,multicol,itrans]{article} %\documentclass[11pt]{article} %\usepackage{multicol} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Tarasara Upanishad ..}## \itxtitle{.. tArasAropaniShat ..}##\endtitles ## yannArAyaNatArArthasatyaj~nAnasukhAkR^iti . tripAnnArAyaNAkara.n tadbrahmaivAsmi kevalam.h .. AUM pUrNamadaH pUrNamidaM pUrNAtpUrNamudachyate . pUrNasya pUrNamAdAya pUrNamevAvashiShyate .. AUM shAntiH shAntiH shAntiH .. hariH AUM .. bR^ihaspatiruvAcha yAj~navalkya.n yadanu kurukShetra.n devAnA.n devayajana.n sarveShAM bhUtAnAM brahmasadana.n tasmAdyatra kvachana gacghChettadeva manyeteti . ida.n vai kurukShetra.n devAnA.n devayajana.n sarveShAM bhUtAnAM brahmasadanam.h . atra hi jantoH prANeShUtkramamANeShu rudrastArakaM brahma vyAchaShTe yenAsAvamR^itIbhUtvA mokShI bhavati . tasmAdavimuktameva niSheveta . avimukta.n na vimu~nchet.h . evamevaiSha bhagavanniti vai yAj~navalkyaH .. 1.. atha hainaM bhAradvAjaH paprachCha yAj~navalkya.n ki.n tArakam.h . ki.n tArayatIti . sa hovAcha yAj~navalkyaH . AUM namo nArAyaNAyeti tAraka.n chidAtmakamityupAsitavyam.h . omityekAkSharamAtmasvarUpam.h . nama iti dvyakSharaM prakR^itisvarUpam.h . nArAyaNAyeti pa~nchAkSharaM paraMbrahmasvarUpam.h . iti ya eva.n veda . so.amR^ito bhavati . omiti brahmA bhavati . nakAro viShNurbhavati . makAro rudro bhavati . nakAra Ishvaro bhavati . rakAro.aNDa.n virAD bhavati . yakAraH puruSho bhavati . NakAro bhagavAnbhavati . yakAraH paramAtmA bhavati . etadvai nArAyaNasyAShTAkShara.n veda paramapuruSho bhavati . ayamR^igvedaH prathamaH pAdaH .. 1.. AUMityetadakSharaM paraM brahma . tadevopAsitavyam.h . etadeva sUkShmAShTAkSharaM bhavati . tadetadaShTAtmako.aShTadhA bhavati . akAraH prathamAkSharo bhavati . ukAro dvitIyAkSharo bhavati . makArastR^itIyAkSharo bhavati . bindusturIyAkSharo bhavati . nAdaH pa~nchamAkSharo bhavati . kalA ShaShThAkSharo bhavati . kalAtItA saptamAkSharo bhavati . tatparashchAShTamAkSharo bhavati . tArakattvAttArako bhavati . tadeva tArakaM brahma tva.n viddhi . tadevopAsitavyam.h .. atraite shlokA bhavanti .. akArAdabhavadbrahmA jAmbavAnitisa.nj~nakaH . ukArAkSharasaMbhUta upendro harinAyakaH .. 1.. makArAkSharasaMbhUtaH shivastu hanumAnsmR^itaH . bindurIshvarasa.nj~nastu shatrughnashchakrarAT svayam.h .. 2.. nAdo mahAprabhurj~neyo bharataH sha~NkhanAmakaH . kalAyAH puruShaH sAkShAllakShmaNo dharaNIdharaH .. 3.. kalAtItA bhagavatI svaya.n sIteti sa.nj~nitA . tatparaH paramAtmA cha shrIrAmaH puruShottamaH .. 4.. omityetadakSharamida.n sarvam.h . tasyopavyAkhyAnaM bhUtaM bhavyaM bhaviShyadyachchAnyattattvamantravarNadevatAChando R^ikkalAshaktisR^iShTyAtmakamiti . ya eva.n veda . yajurvedo dvitIyaH pAdaH .. 2.. atha hainaM bhAradvAjo yAj~navalkyamuvAchAtha kairmantraiH paramAtmA prIto bhavati svAtmAna.n darshayati tanno brUhi bhagava iti . sa hovAcha yAj~navalkyaH . AUM yo ha vai shrIparamAtmA nArAyaNaH sa bhagavAnakAravAchyo jAmbavAnbhUrbhuvaH suvastasmai vai namonamaH .. 1.. AUM yo ha vai shrIparamAtmA nArAyaNaH sa bhagavAnukAravAchya upendrasvarUpo harinAyako bhUrbhuvaH suvastasmai vai namonamaH .. 2.. AUM yo ha vai shrIparamAtmA nArAyaNaH sa bhagavAnmakAravAchyaH shivasvarUpo hanUmAnbhUrbhuvaH suvastasmai vai namonamaH .. 3.. AUM yo ha vai shrIparamAtmA nArAyaNaH sa bhagavAnbindusvarUpaH shatrughno bhUrbhuvaH suvastasmai vai namonamaH .. 4.. AUM yo ha vai shrIparamAtmA nArAyaNaH sa bhagavAnnAdasvarUpo bharato bhUrbhuvaH suvastasmai vai namonamaH .. 5.. AUM yo ha vai shrIparamAtmA nArAyaNaH sa bhagavAnkalAsvarUpo lakShmaNo bhUrbhuvaH suvastasmai vai namonamaH .. 6.. AUM yo ha vai shrIparamAtmA nArAyaNaH sa bhagavAnkalAtItA bhagavatI sItA chitsvarUpA bhUrbhuvaH suvastasmai vai namonamaH .. 7.. yathA prathamamantroktAvAdyantau tathA sarvamantreShu draShTavyam.h . ukAravAchya upendrasvarUpo harinAyakaH 2 makAravAchyaH shivasvarUpo hanumAn.h 3 bindusvarUpaH shatrughnaH 4 nAdasvarUpo bharataH 5 kalAsvarUpo lakShmaNaH 6 kalAtItA bhagavatI sItA chitsvarUpA 7 AUM yo ha vai shrIparamAtmA nArAyaNaH sa bhagavA.nstatparaH paramapuruShaH purANapuruShottamo nityashuddhabuddhamuktasatya\- paramAnantAdvayaparipUrNaH paramAtmA brahmaivAha.n rAmo.asmi bhUrbhuvaH suvastasmai namonamaH .. 8.. etadaShTavidhamantra.n yo.adhIte so.agnipUto bhavati . sa vAyupUto bhavati . sa AdityapUto bhavati . sa sthANupUto bhavati . sa sarvairdevairj~nAto bhavati . tenetihAsapurANAna.n rudrANA.n shatasahasrANi japtAni phalAni bhavanti . shrImannArAyaNAShTAkSharAnusmaraNena gAyatryAH shatasahasra.n japtaM bhavati . praNavAnAmayuta.n japtaM bhavati . dashapUrvAndashottarAnpunAti . nArAyaNapadamavApnoti ya eva.n veda . tadviShNoH paramaM pada.n sadA pashyanti sUrayaH . divIva chakShurAtatam.h . tadviprAso vipanyavo jAgR^ivA.nsaH samindhate . viShNoryatparamaM padam.h .. ityupaniShat.h .. sAmavedastR^itIyaH pAdaH .. 3.. AUM pUrNamadaH pUrNamidaM pUrNAtpUrNamudachyate . pUrNasya pUrNamAdAya pUrNamevAvashiShyate .. AUM shAntiH shAntiH shAntiH .. iti tArasAropaniShatsamAptA .. ## Encoded by Sunder Hattangadi sunderh@hotmail.com \medskip\hrule\obeylines \medskip {\rm Please send corrections to sanskrit@cheerful.com} {\rm Last updated \today} {\rm http://sanskritdocuments.org} \end{document}