%@@1
% File name             : sita.itx
%--------------------------------------------
% Text title            : Sita Upanishad
% Author                : Vedic tradition
% Language              : Sanskrit
% Subject               : philosophy/hinduism
% Description/comments  : # 45 / 108; Atharva Veda - Shakta upanishad
% Transliterated by     : Sunder Hattangadi (sunderh@hotmail.com)
% Proofread by          : Sunder Hattangadi (sunderh@hotmail.com)
% Latest update         : Mar. 8, 2000
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskrit.gde.to
% http://www.alkhemy.com/sanskrit/
% ftp://jaguar.cs.utah.edu/sanskrit/sanskrit.html
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
% Please ignore the following commands upto #indian and others with
% \ mark,
% which are needed for devanaagarii output and formatting.
%--------------------------------------------------------
%--------------------------------------------------------
%--------------------------------------------------------


\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=50pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\large #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{.. Sita Upanishad ..}##
\itxtitle{.. siitopanishhat.h ..}##\endtitles##
ichchhaaj~naanakriyaashaktitraya.n yadbhaavasaadhanam.h .
tadbrahmasattaasaamaanya.n siitaatattvamupaasmahe ..
AUM bhadra.n karNebhiH shruNuyaama devaaH . 
bhadraM pashyemaakshabhiryajatraaH .
sthiraira~NgaistushhTuvaa{\m+}sastanuubhiH . 
vyashema devahita.n yadaayuH .
svasti na indro vR^iddhashravaaH . svasti naH puushhaa vishvavedaaH .
svasti nastaarkshyo arishhTanemiH . svasti no bR^ihaspatirdadhaatu .
AUM shaantiH shaantiH shaantiH ..
devaa ha vai prajaapatimabruvankaa siitaa ki.n ruupamiti .
sa hovaacha prajaapatiH saa siiteti . muulaprakR^itiruupatvaatsaa
siitaa prakR^itiH smR^itaa . praNavaprakR^itiruupatvaatsaa siitaa 
prakR^itiruchyate . siitaa iti trivarNaatmaa saakshaanmaayaamayii
bhavet.h . vishhNuH prapa~nchabiija.n cha maayaa iikaara uchyate .
sakaaraH satyamamR^itaM praaptiH somashcha kiirtyate . 
takaarastaaralakshmyaa cha vairaajaH prastaraH smR^itaH .
iikaararuupiNii somaamR^itaavayavadivyaala~Nkaarasra~Nmauktikaa\-
dyaabharaNala~NkR^itaa mahaamaayaa.avyaktaruupiNii vyaktaa bhavati . 
prathamaa shabdabrahmamayii svaadhyaayakaale prasannaa 
udbhaavanakarii saatmikaa dvitiiyaa bhuutale halaagre samutpannaa 
tR^itiiyaa iikaararuupiNii avyaktasvaruupaa bhavatiiti siitaa
ityudaaharanti . shaunakiiye . shriiraamasaannidhyavashaa\-
jjagadaanandakaariNii . utpattisthitisa.nhaarakaariNii sarvadehinaam.h .
siitaa bhagavatii j~neyaa muulaprakR^itisa.nj~nitaa . praNavatvaa\-
tprakR^iriti vadanti brahmavaadina iti . athaato brahmajij~naaseti cha .
saa sarvavedamayii sarvadevamayii sarvalokamayii sarvakiirtimayii
sarvadharmamayii sarvaadhaarakaaryakaaraNamayii mahaalakshmii\-
rdeveshasya bhinnaabhinnaruupaa chetanaachetanaatmikaa 
brahmasthaavaraatmaa tadguNakarmavibhaagabhedaachchhariiruupaa
devarshhimanushhyagandharvaruupaa asuraraakshasabhuutapreta\-
pishaachabhuutaadibhuutashariiruupaa bhuutendriyamanaHpraaNaruupeti
cha vij~naayate .  
saa devii trividhaa bhavati shaktyaasanaa ichchhaashaktiH 
kriyaashaktiH saakshaachchhaktiriti . ichchhaashaktistrividhaa 
bhavati . shriibhuuminiilaatmikaa bhadraruupiNii prabhaavaruupiNii 
somasuuryaagniruupaa bhavati . somaatmikaa oshhadhiinaaM
prabhavati kalpavR^ikshapushhpaphalalataagulmaatmikaa
aushhadhabheshhajaatmikaa amR^itaruupaa devaanaaM mahastoma\-
phalapradaa amR^itena tR^ipti.n janayantii devaanaamannena
pashuunaa.n tR^iNena tattajjiivaanaa.n suuryaadisakalabhuvana\-
prakaashinii divaa cha raatriH kaalakalaanimeshhamaarabhya
ghaTikaashhTayaamadivasa##(##vaara##)##raatribhedena
pakshamaasartvayanasa.nvatsarabhedena manushhyaaNaa.n 
shataayuHkalpanayaa prakaashamaanaa chirakshipravyapadeshena
nimeshhamaarabhya paraardhaparyanta.n kaalachakra.n 
jagachchakramityaadiprakaareNa chakravatparivartamaanaaH 
sarvasyaitasyaiva kaalasya vibhaagavisheshhaaH prakaasharuupaaH 
kaalaruupaa bhavanti . agniruupaa annapaanaadipraaNinaa.n 
kshuttR^ishhNaatmikaa devaanaaM mukharuupaa vanaushhadhiinaa.n 
shiitoshhNaruupaa kaashhTheshhvantarbahishcha nityaanityaruupaa
bhavati . shriidevii trividha.n ruupa.n kR^itvaa bhagavatsa~Nkalpaanu\-
guNyena lokarakshaNaartha.n ruupa.n dhaarayati . shriiriti lakshmiiriti
lakshyamaaNaa bhavatiiti vij~naayate . bhuudevii sasaagaraaMbhaH\-
saptadviipaa vasundharaa bhuuraadichaturdashabhuvanaanaa\-
maadhaaraadheyaa praNavaatmikaa bhavati . niilaa cha mukha\-
vidyunmaalinii sarvaushhadhiinaa.n sarvapraaNinaaM poshhaNaartha.n
sarvaruupaa bhavati . samastabhuvanasyaadhobhaage jalaakaaraatmikaa
maNDuukamayeti bhuvanaadhaareti vij~naayate ..
kriyaashaktisvaruupa.n harermukhaannaadaH . tannaadaadbinduH .
bindoro~NkaaraH . o~Nkaaraatparato raama vaikhaanasaparvataH .
tatparvate karmaj~naanamayiibhirbahushaakhaa bhavanti . tatra
trayiimaya.n shaastramaadya.n sarvaarthadarshanam.h . 
R^igyajuHsaamaruupatvaattrayiiti parikiirtitaa . kaaryasiddhena chaturdhaa
parikiirtitaa . R^icho yajuu.nshhi saamaani atharvaa~Ngirasastathaa .
chaaturhotrapradhaanatvaalli~Ngaaditritaya.n trayii . atharvaa~Ngirasa.n
ruupa.n saamaR^igyajuraatmakam.h . tathaa dishantyaabhichaara\-
saamaanyena pR^ithakpR^ithak.h . ekavi.nshatishaakhaayaamR^igvedaH 
parikiirtitaH . shata.n cha navashaakhaasu yajushhaameva janmanaam.h . 
saamnaH sahasrashaakhaaH syuH pa~nchashaakhaa atharvaNaH .
vaikhaanasamatastasminnaadau pratyakshadarshanam.h . smaryate 
munibhirnitya.n vaikhaanasamataH param.h . kalpo vyaakaraNa.n shikshaa
nirukta.n jyotishha.n chhanda etaani shhaDa~Ngaani ..  
upaa~Ngamayana.n chaiva miimaa.nsaanyaayavistaraH . 
dharmaj~nasevitaartha.n cha vedavedo.adhika.n tathaa . 
nibandhaaH sarvashaakhaa cha samayaachaarasa~NgatiH .
dharmashaastraM maharshhiNaamantaHkaraNasambhR^itam.h .
itihaasapuraaNaakhyamupaa~Nga.n cha prakiirtitam.h .
vaastuvedo dhanurvedo gaandharvashcha tathaa mune .
aayurvedashcha pa~nchaite upavedaaH prakiirtitaaH .
daNDo niitishcha vaartaa cha vidyaa vaayujayaH paraH .
ekavi.nshatibhedo.aya.n svaprakaashaH prakiirtitaH .
vaikhaanasaR^ishheH puurva.n vishhNorvaaNii samudbhavet.h .
trayiiruupeNa sa~Nkalpya vaikhaanasaR^ishheH puraa .
udito yaadR^ishaH puurva.n taadR^isha.n shR^iNu me.akhilam.h .
shashvadbrahmamaya.n ruupa.n kriyaashaktirudaahR^itaa .
saakshaachchhaktirbhagavataH smaraNamaatraruupaavirbhaava\-
praadurbhaavaatmikaa nigrahaanugraharuupaa bhagavatsahachaariNii 
anapaayinii anavaratasahaashrayiNii uditaanuditaakaaraa 
nimeshhonmeshhasR^ishhTisthitisa.nhaaratirodhaanaanugrahaadi\-
sarvashaktisaamarthyaatsaakshaachchhaktiriti giiyate .
ichchhaashaktistrividhaa pralayaavasthaayaa.n vishramaNaarthaM
bhagavato dakshiNavakshaHsthale shriivatsaakR^itirbhuutvaa
vishraamyatiiti saa yogashaktiH . bhogashaktirbhogaruupaa 
kalpavR^ikshakaamadhenuchintaamaNisha~Nkhapadma\-
nidhyaadinavanidhisamaashritaa bhagavadupaasakaanaa.n 
kaamanayaa akaamanayaa vaa bhaktiyuktaa nara.n 
nityanaimittikakarmabhiragnihotraadibhirvaa yamaniyamaasana\-
praaNaayaamapratyaahaaradhyaanadhaaraNaasamaadhibhi\-
rvaalamaNanvapi gopurapraakaaraadibhirvimaanaadibhiH saha 
bhagavadvigrahaarchaapuujopakaraNairarchanaiH snaanaadhiparvaa
pitR^ipuujaadibhirannapaanaadibhirvaa bhagavatpriityarthamuktvaa
sarva.n kriyate . athaato viirashaktishchaturbhujaa.abhayavarada\-
padmadharaa kiriiTaabharaNayutaa sarvadevaiH parivR^itaa
kalpatarumuule chaturbhirgajai ratnaghaTairamR^itajalai\-
rabhishhichyamaanaa sarvadaivatairbrahmaadibhirvandyamaanaa 
aNimaadyashhTaishvaryayutaa saMmukhe kaamadhenunaa 
stuuyamaanaa vedashaastraadibhiH stuuyamaanaa jayaadyapsara\-
sstriibhiH paricharyamaaNaa aadityasomaabhyaa.n diipaabhyaaM
prakaashyamaanaa tumburunaaradaadibhirgaayamaanaa
raakaasiniivaaliibhyaa.n chhatreNa hlaadiniimaayaabhyaa.n chaamareNa 
svaahaasvadhaabhyaa.n vyajanena bhR^igupuNaadibhirabhyarchyamaanaa
devii divyasi.nhaasane padmaasanaruuDhaa sakalakaaraNakaaryakarii
lakshmiirdevasya pR^ithagbhavanakalpanaa . ala.nchakaara sthiraa
prasannalochanaa sarvadevataiH puujyamaanaa viiralakshmiiriti
vij~naayata ityupanishhat.h ..
AUM bhadra.n karNebhiH shR^iNuyaama devaaH .
bhadraM pashyemaakshabhiryajatraaH .
sthiraira~NgaistushhTuvaa{\m+}sastanuubhiH .
vyashema devahita.n yadaayuH .
svasti na indro vR^iddhashravaaH . svasti naH puushhaa vishvavedaaH .
svasti nastaarkshyo arishhTanemiH . svasti no bR^ihaspatirdadhaatu ..
AUM shaantiH shaantiH shaantiH ..
iti siitopanishhatsamaaptaa ..
##     \medskip\hrule\obeylines
Encoded by Sunder Hattangadi (sunderh@hotmail.com)
{\rm Please send corrections to sanskrit@cheerful.com}
{\rm Last updated \today}
\end{document}