%@@1
% File name             : shatyayani.itx
%--------------------------------------------
% Text title            : Shatyayani Upanishad
% Author                : Vedic tradition
% Language              : Sanskrit
% Subject               : philosophy/religion
% Description/comments  : #99 / 108; Shukla Yajurveda - Sanyasa upanishad
% Transliterated by     : Sunder Hattangadi (sunderh@hotmail.com)
% Proofread by          : Sunder Hattangadi (sunderh@hotmail.com)
% Latest update         : April, 18, 2000
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskrit.gde.to
% http://www.alkhemy.com/sanskrit/
% ftp://jaguar.cs.utah.edu/sanskrit/sanskrit.html
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
% Please ignore the following commands upto #indian and others with
% \ mark,
% which are needed for devanaagarii output and formatting.
%--------------------------------------------------------
%--------------------------------------------------------
%--------------------------------------------------------


\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=50pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\large #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{.. Shatyayani Upanishad  ..}##
\itxtitle{.. shaaTyaayaniiyopanishhat.h ..}##\endtitles##
shaaTyaayaniibrahmavidyaakhaNDaakaarasukhaakR^iti .
yativR^indahR^idaagaara.n raamachandrapadaM bhaje ..
AUM puurNamadaH puurNamidaM puurNaatpuurNamudachyate .
puurNasya puurNamaadaaya puurNamevaavashishhyate ..
AUM shaantiH shaantiH shaantiH ..
hariH AUM .. 
mana eva manushhyaaNaa.n kaaraNaM bandhamokshayoH .
bandhaaya vishhayaasaktaM muktyai nirvishhaya.n smR^itam.h .. 1..
samaasakta.n sadaa chitta.n jantorvishhayagochare .
yadyevaM brahmaNi syaattatko na muchyeta bandhanaat.h .. 2..
vittameva hi sa.nsaarastatprayatnena shodhayet.h .
yachchittastanmayo bhavati guhyametatsanaatanam.h .. 3..
naavedavinmanute taM bR^ihantaM
    naabrahmavitparamaM praiti dhaama .
vishhNukraanta.n vaasudeva.n vijaana\-
    nvipro vipratva.n gachchhate tattvadarshii .. 4..
athaaha yatparamaM brahma sanaatanaM 
    ye shrotriyaa akaamahataa adhiiyuH .
shaanto daanta uparatistitikshuhu\-
    ryo.anuuchaano hyabhijaj~nau samaanaH .. 5..
tyakteshhaNo hyanR^iNasta.n viditvaa
    maunii vasedaashrame yatra kutra .
athaashrama.n charama.n saMpravishya
    yathopapattiM pa~nchamaatraa.n dadhaanaH .. 6..
tridaNDamupaviita.n cha vaasaH kaupiinaveshhTanam.h .
shikyaM pavitramityetadvibhR^iyaadyaavadaayushham.h .. 7..
pa~nchaitaastu yatermaatraastaa maatraa brahmaNe shrutaaH .
na tyajedyaavadutkraantirante.api nikhanetsaha .. 8..
vishhNuli~Nga.n dvidhaa prokta.n vyaktamavyaktameva cha .
tayorekamapi tyaktvaa patatyeva na sa.nshayaH .. 9..
tridaNDa.n vaishhNava.n li~Nga.n vipraaNaaM muktisaadhanam.h .
nirvaaNa.n sarvadharmaaNaamiti vedaanushaasanam.h .. 10..
atha khalu saumya kuTiichako bahuudako ha.nsaH paramaha.nsa
ityete parivraajakaashchaturvidhaa bhavanti . sarva ete vishhNuli~NginaH
shikhinopaviitinaH shuddhachittaa aatmaanamaatmanaa brahma
bhaavayantaH shuddhachidruupopaasanarataa japayamavanto 
niyamavantaH sushiilinaH puNyashlokaa bhavanti . tadetadR^ichaabhyuktam.h .
kuTiichako bahuudakashchaapi ha.nsaH   
     paramaha.nsa iva vR^ittyaa cha bhinnaaH . 
sarva ete vishhNuli~Nga.n dadhaanaa 
     vR^ittyaa vyaktaM bahirantashcha nityam.h . 
pa~nchayaj~naa vedashiraHpravishhTaaH
    kriyaavanto.amii sa~Ngataa brahmavidyaam.h . 
tyaktvaa vR^iksha.n vR^ikshamuula.n shritaasaH 
    sa.nnyastapushhpaa rasamevaashnuvaanaaH .
vishhNukriiDaa vishhNuratayo vimuktaa
    vishhNvaatmakaa vishhNumevaapiyanti .. 11..
trisandhya.n shaktitaH snaana.n tarpaNaM maarjana.n tathaa .
upasthaanaM pa~nchayaj~naankuryaadaamaraNaantikam.h .. 12..
dashabhiH praNavaiH saptavyaahR^itibhishchatushhpadaa .
gaayatriijapayaj~nashcha trisandhya.n shirasaa saha .. 13..
yogayaj~naH sadaikaagrabhaktyaa sevaa harerguroH .
ahi.nsaa tu tapoyaj~no vaa~NmanaHkaayakarmabhiH .. 14..
naanopanishhadabhyaasaH svaadhyaayo yaj~na iiritaH .
AUMityaatmaanamavyagro brahmaNyagnaa juhoti yat.h .. 15..
j~naanayaj~naH sa vij~neyaH sarvayaj~nottamottamaH .
j~naanadaNDaa j~naanashikhaa j~naanayaj~nopaviitinaH .. 16..
shikhaa j~naanamayii yasya upaviita.n cha tanmayam.h .
braahmaNya.n sakala.n tasya iti vedaanushaasanam.h .. 17..
atha khalu saumyeta parivraajakaa yathaa praadurbhavanti
tathaa bhavanti . kaamakrodhalobhamohadambhadarpaasuuyaa\-
mamatvaaha~Nkaaraadii.nstitiirya maanaavamaanau nindaastutii 
cha varjayitvaa vR^iksha iva tishhThaaset.h . chhidyamaano na
bruuyaat.h . tadaiva.n vidvaa.nsa ihaivaamR^itaa bhavanti .
tadetadR^ichaabhyuktam.h .
bandhuputramanumodayitvaa\-
     navekshyamaaNo dvandvasahaH prashaantaH .
praachiimudiichi.n vaa nirvartaya.nshchareta
     paatrii daNDii yugamaatraavalokii .
shikhii muNDii chopaviitii kuTumbii
     yaatraamaatraM pratigR^ihNanmanushhyaat.h .. 18.. 
ayaachita.n yaachita.n vota bhaikshaM 
     mR^iddaarvalaabuuphalaparNapaatram.h . 
kshiiNa.n kshauma.n tR^iNa.n kanthaajine cha parNa\-
     maachchhaadana.n syaadahata.n vaa vimuktaH .. 19..
R^itusandhau muNDayenmuNDamaatraM
     naadho naaksha.n jaatu shikhaa.n na vaapayet.h .
chaturo maasaandhruvashiilataH syaa\-
     tsa yaavatsupto.antaraatmaa purushho vishvaruupaH .
anyaanathaashhTau punarutthite.asmi\-
     nsvakarmalipsurviharedvaa vasedvaa .. 20..
devaagnyagaare tarumuule guhaayaaM
     vasedasa~Ngo.alakshitashiilavR^ittaH .
anindhano jyotirivopashaanto   
     na chodvijedudvijedyatra kutra .. 21..
aatmaana.n chedvijaaniiyaadayamasmiiti puurushhaH .
kimichchhankasya kaamaaya shariiramanusa.njvaret.h .. 22..
tameva dhiiro vij~naaya praj~naa.n kurviita braahmaNaH .
naanudhyaayaadbahuu~nchhabdaanvaacho viglaapana.n hi tat.h .. 23..
baalyenaiva hi tishhThaasennirvidya brahmavedanam.h .
brahmavidyaa cha baalya.n cha nirvidya muniraatmavaan.h .. 24..
yadaa sarve pramuchyante kaamaa ye.asya hR^idi shritaaH .
atha martyo.amR^ito bhavatyatra brahma samashnute .. 25..
atha khalu saumyedaM parivraajya.n naishhThikamaatmadharma.n 
yo vijahaati sa viirahaa bhavati . sa brahmahaa bhavati . sa bhruuNahaa
bhavati . sa mahaapaatakii bhavati . ya imaa.n vaishhNavii.n nishhThaaM 
parityajyati . sa steno bhavati . sa gurutalpago bhavati . sa mitradhrugbhavati .
sa kR^itaghno bhavati . sa sarvasmaallokaatprachyuto bhavati . 
tadetadR^ichaabhyuktam.h .
stenaH suraapo gurutalpagaamii
     mitradhrugete nishhkR^iteryaanti shuddhim.h .
vyaktamavyakta.n vaa vidhR^ita.n vishhNuli~NgaM
     tyajanna shuddhyedakhilairaatmabhaasaa .. 26..
tyaktvaa vishhNorli~Ngamantarbahirvaa
     yaH svaashrama.n sevate.anaashrama.n vaa .
pratyapattiM bhajate vaatimuuDho
     naishhaa.n gatiH kalpakoTyaapi dR^ishhTaa .. 27..
tyaktvaa sarvaashramaandhiiro vasenmokshaashrame chiram.h .
mokshaashramaatparibhrashhTo na gatistasya vidyate .. 28..
paarivraajya.n gR^ihiitvaa tu yaH svadharme na tishhThati .
tamaaruuDhachyuta.n vidyaaditi vedaanushaasanam.h .. 29..
atha khalu saumyema.n sanaatanamaatmadharma.n vaishhNavii.n
nishhThaa.n labdhvaa yastaamaduushhayanvartate sa vashii bhavati .
sa puNyashloko bhavati . sa lokaj~no bhavati . sa vedaantaj~no bhavati . 
sa brahmaj~no bhavati . sa sarvaj~no bhavati . sa svaraaD bhavati . 
sa paraM brahma bhagavantamaapnoti . sa pitR^Insambandhino
baandhavaansuhR^ido mitraaNi cha bhavaaduttarayati . tadetadR^ichaabhyuktam.h .
shata.n kulaanaaM prathamaM babhuuva
     tathaa paraaNaa.n trishata.n samagram.h .
ete bhavanti sukR^itasya loke
     yeshha.n kule sa.nnyasatiiha vidvaan.h .. 30..
tri.nshatparaastri.nshadaparaa.nstri.nshachcha parataH paraan.h .
uttarayati dharmishhThaH parivraaDiti vai shrutiH .. 31..
sa.nyastamiti yo bruuyaatkaNThasthapraaNavaanapi .
taaritaaH pitarastena iti vedaanushaasanam.h .. 32..
atha khalu saumyema.n sanaatanamaatmadharma.n vaishhNavii.n
nishhThaa.n naasamaapya prabruuyaat.h . naanuuchaanaaya
naanaatmavide naaviitaraagaaya naavishuddhaaya naanupasannaaya 
naaprayatamaanasaayeti ha smaahuH . tadetadR^ichaabhyuktam.h .
vidyaa ha vai braahmaNamaajagaama
      gopaaya maa.n shevadhishhTe.ahamasmi .
asuuyakaayaanR^ijave shaThaaya
      maa maa bruuyaa viiryavatii tathaa syaam.h .. 33..
yameva vidyaashrutamapramattaM
      medhaavinaM brahmacharyopapannam.h .
asmaa imaamupasannaaya samyak.h
      pariikshya dadyaadvaishhNaviimaatmanishhThaam.h .. 34..
adhyaapitaa ye guru.n naadriyante
      vipraa vaachaa manasaa karmaNaa vaa .
yathaiva tena na gururbhojaniiya\-
      stathaiva chaana.n na bhunakti shruta.n tat.h .. 35..
gurureva paro dharmo gurureva paraa gatiH .
ekaaksharapradaataara.n yo guru.n naabhinandati .
tasya shruta.n tathaa j~naana.n sravatyaamaghaTaambuvat.h .. 36..
yasya deve paraa bhaktiryathaa deve tathaa gurau .
sa brahmavitparaM preyaaditi vedaanushaasanam.h .. 37..
ityupanishhat.h ..
AUM puurNamadaH puurNamidaM puurNaatpuurNamudachyate .
puurNasya puurNamaadaaya puurNamevaavashishhyate ..
AUM shaantiH shaantiH shaantiH .. hariH AUM tatsat.h ..
iti shaaTyaayaniiyopanishhatsamaaptaa ..
## 

     
\medskip\hrule\obeylines
Encoded by Sunder Hattangadi (sunderh@hotmail.com)
{\rm Please send corrections to sanskrit@cheerful.com}
{\rm Last updated \today}
\end{document}