% Text title            : sAvitryupaniShat
% File name             : savitri\_u.itx
% Category              : upanishhat
% Location              : doc\_upanishhat
% Transliterated by     : Anshuman Pandey pandey at umich.edu
% Proofread by          : Anshuman Pandey , Vijay Pai
% Latest update         : December 31, 1996, July 20, 2015
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. sAvitryupaniShad  ..}##
\itxtitle{.. sAvitryupaniShat ..}##\endtitles ##

sAvitryupaniShadvedyachitsAvitrapadojjvalam |
pratiyogivinirmuktaM rAmachandrapada.n bhaje || 

sAvitryAtmA pAshupataM paraM brahmAvadhUtakam |
tripurAtapanaM devItripurA kaThabhAvanA ||

OM ApyAyantu mamA~NgAni vAkprANashchakShuH shrotramatho
balamindriyANi cha |  sarvANi sarva.n brahmopaniShada.n mAha.n brahma
nirAkuryA.n mA mA brahma nirAkarodanirAkaraNamastvanirAkaraNa.n
me.astu |  tadAtmani nirate ya upaniShatsu dharmAste mayi santu te mayi
santu ||

          OM shAntiH shAntiH shAntiH ||

          hariH OM ||

kaH savitA kA sAvitrI agnireva savitA pR^ithivI sAvitrI sa
yatrAgnistatpR^ithivI yatra vai pR^ithivI tatrAgniste dve yonI
tadeka.n mithunam || 1||

kaH savitA kA savitrI varuNa eva savitApaH sAvitrI sa yatra
varuNastadApo yatra vA ApastadvaruNaste dve yonistadeka.n
mithunam || 2||

kaH savitA kA sAvitrI vAyureva savitAkAshaH sAvitrI sa yatra
vAyustadAkAsho yatra vA AkAshastadvAyuste dve yonistadeka.n
mithunam || 3||

kaH savitA kA sAvitrI yaj~na eva savitA ChandAMsi sAvitrI sa
yatra yaj~nastatra ChandAMsi yatra vA ChandAMsi sa yaj~naste dve
yonistadeka.n mithunam || 4||

kaH savitA kA sAvitrI stanayitrureva savitA vidyutsAvitrI sa
yatra stanayitrustadvidyut yatra vA vidyuttatra stanayitruste dve
yonistadeka.n mithunam || 5||

kaH savitA kA sAvitrI Aditya eva savitA dyauH sAvitrI sa
yatrAdityastaddyauryatra vA dyaustadAdityaste dve yonistadeka.n
mithunam || 6||

kaH savitA kA sAvitrI chandra eva savitA nakShatrANi sAvitrI
sa yatra chandrastannaxatrANi yatra vA naxatrANe sa chandramAste
dve yonistadeka.n mithunam || 7||

kaH savitA kA sAvitrI mana eva savitA vAk sAvitrI sa yatra vA
manastadvAk yatra vA vAk tanmanaste dve yonistadeka.n
mithunam || 8||

kaH savitA kA sAvitrI puruSha eva savitA strI sAvitrI sa yatra
puruShastatstrI yatra vA strI sa puruShaste dve yonistadeka.n
mithunam || 9||

sAvitryAH pAdatrayam
tasyA eva ##(##eSha##) ## prathamaH pAdo bhUstatsaviturvareNyamityagnirvai
vareNyamApo vareNya.n chandramA vareNyam || 10||
tasyA eva ##(##eSha##) ## dvitIyaH
pAdo bhargamayo.api bhuvo bhargo devasya dhImahItyagnirvai bharga
Adityo vai bhargashchandramA vai bhargaH || 11||
tasyA eSha tR^itIyaH pAdaH svardhiyo yo naH prachodayAditi
strI chaiva puruShashcha prajanayataH || 12||

sAvitrIvedanaphalaM punarmR^ityu~njayaH
yo vA etAM sAvitrImevaM veda sa punarmR^ityu.n jayati || 13||

balAtibalayorvirAT puruSha R^iShiH |  gAyatrI ChandaH |
gAyatrI devatA |  akArokAramakArA bIjAdyAH |
kShudhA.a.adinirasane viniyogaH |  klAmityAdiShaDa~Ngam ##(##ShaDa~NganyAsaH##)## |
dhyAnam |
amR^itakaratalAgrau ##(##talArdrau##)## sarvasa.njIvanADhyA\-
vaghaharaNasudakShau vedasAre mayUkhe |
praNavamayavikArau bhAskarAkAradehau
satatamanUbhave.aha.n tau balAtibalAntau || ##var## balAtI

OM hrI.n bale mahAdevi hrI.n mahAbale klI.n
chaturvidhapuruShArthasiddhiprade tatsaviturvaradAtmike
hrI.n vareNya.n bhargo devasya varadAtmike atibale sarvadayAmUrte
bale sarvakShuchChramopanAshini dhImahi dhiyo yo narjAte prachuryA
##(var ## bale sarvakShudbhramopanAshini dhImahi dhiyo yo narjAte prachuryaH##)##
yA prachodayAdAtmike praNavashiraskAtmike hu.n phaT svAhA || 14||

vidyAphalam
evaM vidvAn kR^itakR^ityo bhavati sAvitryA eva salokatA.n
jayatItyupaniShat || 15||

OM ApyAyantu mamA~NgAni vAkprANashchakShuH shrotramatho
balamindriyANi cha |  sarvANi sarva.n brahmopaniShada.n mAha.n brahma
nirAkuryA.n mA mA brahma nirAkarodanirAkaraNamastvanirAkaraNa.n
me.astu |  tadAtmani nirate ya upaniShatsu dharmAste mayi santu te mayi
santu ||

          OM shAntiH shAntiH shAntiH ||

          hariH OM tatsat ||

          iti sAvitryupaniShatsamAptA ||

##

Encoded and proofread by Anshuman Pandey pandey at umich.edu
Proofread by DPD

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}