%@@1 % File name : saubhagya.itx %-------------------------------------------- % Text title : Saubhagyalaksmi Upanishad % Author : Vedic tradition % Language : Sanskrit % Subject : philosophy/hinduism % Description/comments : # 105 / 108; Rigveda - shakta upanishad % Transliterated by : Sunder Hattangadi (sunderh@hotmail.com) % Proofread by : Sunder Hattangadi (sunderh@hotmail.com) % Latest update : April 24, 2000, June 22, 2011 % Send corrections to : sanskrit@cheerful.com % Special Instructions: % i1h.hdr,ijag.inc,itrans.sty,multicol.sty,iarticle.sty % Transliteration scheme: ITRANS 5.2 % Site access : % http://sanskritdocuments.org % http://sanskrit.gde.to %----------------------------------------------------- % The text is to be used for personal studies and research only. % Any use for commercial purpose is prohibited as a 'gentleman's' % agreement. % @@2 % % Please ignore the following commands upto #indian and others with % \ mark, % which are needed for devanaagarii output and formatting. %-------------------------------------------------------- %-------------------------------------------------------- %-------------------------------------------------------- \documentstyle[11pt,multicol,itrans]{article} %\documentclass[11pt]{article} %\usepackage{multicol} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. SaubhagyalakShmi Upanishad ..}## \itxtitle{.. saubhAgyalakShmyupaniShat ..}##\endtitles## saubhAgyalakShmIkaivalyavidyAvedyasukhAkR^iti . tripAnnArAyaNAnandaramachandrapadaM bhaje .. OM vA~Nme manasi pratiShThitA mano me vAchi pratiShThitamAvirAvIrma edhi .. vedasya ma ANIsthaH shrutaM me mA prahAsIranenAdhItenAhorAtrAnsandadhAmyR^ita.n vadiShyAmi satya.n vadiShyAmi .. tanmAmavatu tadvaktAramavatu avatu mAmavatu vaktAramavatu vaktAram .. OM shAntiH shAntiH shAntiH .. hariH OM .. atha bhagavanta.n devA Uchurhe bhagavannaH kathaya saubhAgyalakShmIvidyAm . tathetyavochadbhagavAnAdinArAyaNaH sarve devA yUya.n sAvadhAnamanaso bhUtvA shR^iNuta turIyarUpA.n turIyAtItA.n sarvotkaTA.n sarvamantrAsanagatAM pIThopapIThadevatAparivR^itA.n chaturbhujA.n shriya.n hiraNyavarNAmiti pa~nchadashargbhirdhyAyet . atha pa~nchadasha R^igAtmakasya shrIsUktasyAnandakardamachiklItendirAsutA R^iShayaH . shrIR^iShyAdyA R^ichaH chaturdashAnamR^ichAmAnandAdyR^iShayaH . hiraNyavarNAdyAdyatrayasyAnuShTup chhandaH . kA.nsosmItyasya bR^ihatI chhandaH . tadanyayordvayostriShTup . punaraShTakasyAnuShTup . sheShasya prastArapa~NktiH . shryagnirdevatA . hiraNyavarNAmiti bIjam . kA.nso.asmIti shaktiH . hiraNmayA chandrA rajatasrajA hiraNyA hiraNyavarNeti praNavAdinamontaishchaturthyantaira~NganyAsaH . atha vaktratrayaira~NganyAsaH . mastakalochanashrutighrANa\- vadanakaNThabAhudvayahR^idayanAbhiguhyapAyUrujAnuja~NgheShu shrIsUktaireva kramasho nyaset . aruNakamalasa.nsthA tadrajaHpu~njavarNA karakamaladhR^iteShTA.abhItiyugmAmbujA cha . maNikaTakavichitrAla~NkR^itAkalpajAlaiH sakalabhuvanamAtA santata.n shrIH shriyai naH .. 1.. tatpIThakarNikAyA.n sasAdhya.n shrIbIjam . vasvAdityakalApadmeShu shrIsUktagatArdhArdharchA tadbahiryaH shuchiriti mAtR^ikayA cha shriya.n yantrA~Ngadashaka.n cha vilikhya shriyamAvAhayet . a~NgaiH prathamA vR^ittiH . padmAdibhirdvitIyA . sokeshaistR^itIyA . tadAyudhaisturIyA vR^ittirbhavati . shrIsUktairAvAhanAdi . ShoDashasahasrajapaH . saubhAgyaramaikAkSharyA bhR^igunichR^idgAyatrI . shriya R^iShyAdayaH . shamiti bIjashaktiH . shrImityAdi ShaDa~Ngam . bhUyAdbhUyo dvipadmAbhayavaradakarA taptakArtasvarAbhA shubhrAbhrAbhebhayugma\- dvayakaradhR^itakumbhAdbhirAsichyamAnA . raktaughAbaddhamauli\- rvimalataradukUlArtavAlepanADhyA padmAkShI padmanAbhorasi kR^itavasatiH padmagA shrIH shriyai naH .. 1.. tatpITham . aShTapatra.n vR^ittatraya.n dvAdasharAshikhaNDa.n chaturasra.n ramApIThaM bhavati . karNikAyA.n sasAdhya.n shrIbIjam . vibhUtirunnatiH kAntiH sR^iShTiH kIrtiH sannatirvyuShTiH satkR^iShTirR^iddhiriti praNavAdinamo taishchaturthyantairnavashakti.n yajet . a~Nge prathamA vR^itiH . vAsudevAbhirdvitIyA . bAlAkyAdibhistR^itIyA . indrAdibhishchaturthI bhavati . dvAdashalakShajapaH . shrIlakShmIrvaradA viShNupatnI vasupradA hiraNyarUpA svarNamAlinI rajatasrajA svarNaprabhA svarNaprAkArA padmavAsinI padmahastA padmapriyA muktAla~NkArA chandrasUryA bilvapriyA IshvarI bhuktirmuktirvibhUtirR^iddhiH samR^iddhiH kR^iShTiH puShTirdhanadA dhaneshvarI shraddhA bhoginI bhogadA sAvitrI dhAtrI vidhAtrItyAdipraNavAdinamontAshchaturthyantA mantrAH . ekAkSharavada~NgAdipITham . lakShajapaH . dashA.nsha.n tarpaNam . dashA.nsha.n havanam . dvijatR^iptiH . niShkAmAnAmeva shrIvidyAsiddhiH . na kadApi sakAmAnAmiti .. 1.. atha haina.n devA UchusturIyayA mAyayA nirdiShTa.n tattvaM brUhIti . tatheti sa hovAcha . yogena yogo j~nAtavyo yogo yogAtpravardhate . yo.apramattastu yogena sa yogI ramate chiram .. 1.. samApayya nidrA.n sijIrNe.alpabhojI shramatyAjyabAdhe vivikte pradeshe . sadA shItanistR^iShNa eSha prayatno.atha vA prANarodho nijAbhyAsamArgAt .. 2.. vaktreNApUrya vAyu.n hutavalanilaye.apAnamAkR^iShya dhR^itvA svA~NguShThAdya~NgulIbhirvarakaratalayoH ShaDbhireva.n nirudhya . shrotre netre cha nAsApuTayugalamato.anena mArgeNa samyak\- pashyanti pratyayAshaM praNavabahuvidhadhyAnasa.nlInachittAH .. 3.. shravaNamukhanayananAsAnirodhanenaiva kartavyam . shuddhasuShumnAsaraNau sphuTamamala.n shrUyate nAdaH .. 4.. vichitraghoShasa.nyuktAnAhate shrUyate dhvaniH . divyadehashcha tejasvI divyagandho.apyarogavAn .. 5.. saMpUrNahR^idayaH shUnye tvArambhe yogavAnbhavet . dvitIyA vighaTIkR^itya vAyurbhavati madhyagaH .. 6.. dR^iDhAsano bhavedyogI padmAdyAsanasa.nsthitaH . viShNugranthestato bhedAtparamAnandasambhavaH .. 7.. atishUnyo vimardashcha bherIshabdastato bhavet . tR^itIyA.n yatnato bhittvA ninAdo mardaladhvaniH .. 8.. mahAshUnya.n tato yAti sarvasiddhisamAshrayam . chittAnanda.n tato bhittvA sarvapIThagatAnilaH .. 9.. niShpattau vaiShNavaH shabdaH kvaNatIti kvaNo bhavet . ekIbhUta.n tadA chitta.n sanakAdimunIDitam .. 10.. ante.ananta.n samAropya khaNDe.akhaNDa.n samarpayan . bhUmAnaM prakR^iti.n dhyAtvA kR^itakR^ityo.amR^ito bhavet .. 11.. yogena yoga.n sa.nrodhya bhAvaM bhAvena chA~njasA . nirvikalpaM para.n tattva.n sadA bhUtvA paraM bhavet .. 12.. ahaMbhAvaM parityajya jagadbhAvamanIdR^isham . nirvikalpe sthito vidvAnbhUyo nApyanushochati .. 13.. salile saindhAva.n yadvatsAmyaM bhavati yogataH . tathAtmamanasaurekya.n samAdhirabhidhIyate .. 14.. yadA sa.nkShIyate prANo mAnasa.n cha pralIyate . tadA samarasatva.n yatsamAdhirabhidhIyate .. 15.. yatsamatva.n tayoratra jIvAtmaparamAtmanoH . samastanaShTasa~NkalpaH samAdhirabhidhIyate .. 16.. prabhAshUnyaM manaHshUnyaM buddhishUnya.n nirAmayam . sarvashUnya.n nirAbhAsa.n samAdhirabhidhIyate .. 17.. svayamuchchalite dehe dehI nityasamAdhinA . nishchala.n ta.n vijAnIyAtsamAdhirabhidhIyate .. 18.. yatrayatra mano yAti tatratatra paraM padam . tatratatra paraM brahma sarvatra samavasthitam .. 19.. iti.. .. 2.. atha haina.n devA UchurnavachakravivekamanubrUhIti . tatheti sa hovAcha AdhAre brahmachakra.n trirAvR^ittaM bhagamaNDalAkAram . tatra mUlakande shaktiH pAvakAkAra.n dhyAyet . tatraiva kAmarUpapITha.n sarvakAmapradaM bhavati . ityAdhArachakram . dvitIya.n svAdhiShThAnachakra.n ShaDdalam . tanmadhye pashchimAbhimukha.n li~NgaM pravAlA~NkurasadR^isha.n dhyAyet . tatraivoDyANapITha.n jagadAkarShaNasiddhidaM bhavati . tR^itIya.n nAbhichakraM pa~nchAvarta.n sarpakuTilAkAram . tanmadhye kuNDalinIM bAlArkakoTiprabhA.n tanumadhyA.n dhyAyet . sAmarthyashaktiH sarvasiddhipradA bhavati . maNipUrachakra.n hR^idayachakram . aShTadalamadhomukham . tanmadhye jyotirmayali~NgAkAra.n dhyAyet . saiva ha.nsakalA sarvapriyA sarvalokavashyakarI bhavati . kaNThachakra.n chatura~Ngulam . tatra vAme iDA chandranADI dakShiNe pi~NgalA sUryanADI tanmadhye suShumnA.n shvetavarNA.n dhyAyet . ya eva.n vedAnAhatA siddhidA bhavati . tAluchakram . tatrAmR^itadhArApravAhaH . ghaNTikAli~NgamUlachakrarandhre rAjadantAvalambinIvivara.n dashadvAdashAram . tatra shUnya.n dhyAyet . chittalayo bhavati . saptamaM bhrUchakrama~NguShThamAtram . tatra j~nAnanetra.n dIpashikhAkAra.n dhyAyet . tadeva kapAlakandavAksiddhidaM bhavati . Aj~nAchakramaShTamam . brahmarandhra.n nirvANachakram . tatra sUchikAgR^ihetara.n dhUmrashikhAkAra.n dhyAyet . tatra jAlandharapIThaM mokShapradaM bhavatIti parabrahmachakram . navamamAkAshachakram . tatra ShoDashadalapadmamUrdhvamukha.n tanmadhyakarNikAtrikUTAkAram . tanmadhye UrdhvashaktiH . tAM pashyandhyAyet . tatraiva pUrNagiripITha.n sarvechchhAsiddhisAdhanaM bhavati . saubhAgyalakShmyupaniShada.n nityamadhIte yo.agnipUto bhavati . sa vAyupUto bhavati . sa sakaladhanadhAnyasatputrakalatrahayabhUgajapashumahiShIdAsIdAsa\- yogaj~nAnavAnbhavati . na sa punarAvartate na sa punarAvartata ityupaniShat . OM vA~Nme manasi pratiShThitA mano me vAchi pratiShThitam.h AvirAvIrma edhi .. vedasya ma ANIsthaH shrutaM me mA prahAsIranenAdhItenAhorAtrAnsandadhAmyR^ita.n vadiShyAmi satya.n vadiShyAmi .. tanmAmavatu tadvaktAramavatu avatu mAmavatu vaktAramavatu vaktAram .. OM shAntiH shAntiH shAntiH .. iti shrIsaubhAgyalakShmyupaniShatsamAptA .. ## Encoded by Sunder Hattangadi (sunderh@hotmail.com) \medskip\hrule\obeylines \medskip {\rm Please send corrections to sanskrit@cheerful.com} {\rm Last updated \today} {\rm http://sanskritdocuments.org} \end{document}