%@@1 % File name : sarasvati.itx %-------------------------------------------- % Text title : Sarasvatirahasya Upanishad % Author : Vedic tradition % Language : Sanskrit % Subject : philosophy/religion % Description/comments : # 106 / 108; Krishna Yajurveda - Shakta upanishad % Transliterated by : Sunder Hattangadi (sunderh@hotmail.com) % Proofread by : Sunder Hattangadi (sunderh@hotmail.com) % Latest update : April 25, 2000 % Send corrections to : sanskrit@cheerful.com % % Special Instructions: % i1h.hdr,ijag.inc,itrans.sty,multicol.sty,iarticle.sty % Transliteration scheme: ITRANS 5.2 % Site access : % http://sanskrit.gde.to % http://www.alkhemy.com/sanskrit/ % ftp://jaguar.cs.utah.edu/sanskrit/sanskrit.html %----------------------------------------------------- % The text is to be used for personal studies and research only. % Any use for commercial purpose is prohibited as a 'gentleman's' % agreement. % @@2 % % Please ignore the following commands upto #indian and others with % \ mark, % which are needed for devanaagarii output and formatting. %-------------------------------------------------------- %-------------------------------------------------------- %-------------------------------------------------------- \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=50pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\large #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Sarasvatirahasya Upanishad ..}## \itxtitle{.. sarasvatiirahasyopanishhat.h . ..}##\endtitles## pratiyogivinirmuktabrahmavidyaikagocharam.h . akhaNDanirvikalpa.n tadraamachandrapadaM bhaje .. AUM vaa~Nme manasi pratishhThitaa mano me vaachi pratishhThita\- maaviraaviirma edhi .. vedasya ma aaNiisthaH shrutaM me prahaasiiranenaadhiitenaahoraatraansandadhaami R^ita.n vadishhyaami satya.n vadishhyaami tanmaamavatu avatu maamavatu vaktaara\- mavatu vaktaaram.h .. AUM shaantiH shaantiH shaantiH .. hariH AUM .. R^ishhayo ha vai bhagavantamaashvalaayana.n saMpuujya paprachchhuH kenopaayena tajj~naana.n tatpadaarthaavabhaasakam.h . yadupaasanayaa tattva.n jaanaasi bhagavanvada .. 1.. sarasvatii dashashlokyaa saR^ichaa biijamishrayaa . stutvaa japtvaa paraa.n siddhimalabha.n munipu~NgavaaH .. 2.. R^ishhaya uuchuH . katha.n saarasvatapraaptiH kena dhyaanena suvrata . mahaasarasvatii yena tushhTaa bhagavatii vada .. 3.. sa hovaachaashvalaayanaH . asya shriisarasvatiidashashlokiimahaamantrasya . ahamaashvalaayana R^ishhiH . anushhTup chhandaH . shrii vaagiishvarii devataa . yadvaagiti biijam.h . devii.n vaachamiti shaktiH . praNo deviiti kiilakam.h . viniyogastatpriityarthe . shraddhaa medhaa praj~naa dhaaraNaa vaagdevataa mahaasarasvatiityetaira~NganyaasaH .. niihaarahaaraghanasaarasudhaakaraabhaa.n kalyaaNadaa.n kanakachampakadaamabhuushhaam.h . uttu~NgapiinakuchakuMbha\- manoharaa~Ngii.n vaaNii.n namaami manasaa vachasaa vibhuutyai .. 1.. AUM praNodeviityasya mantrasya bharadvaaja R^ishhiH . gaayatrii chhandaH . shriisarasvatii devataa . praNavena biijashaktiH kiilakam.h . ishhTaarthe viniyogaH . mantreNa nyaasaH .. yaa vedaantaarthatattvaikasvaruupaa paramaarthataH . naamaruupaatmanaa vyaktaa saa maaM paatu sarasvatii .. AUM praNo devii sarasvatii vaajebhirvaajiniivatii .. dhiinaamavitryavatu .. 1.. aa no diva iti mantrasya atrirR^ishhiH . trishhTup chhandaH . sarasvatii devataa . hriimiti biijashaktiH kiilakam.h . ishhTaarthe viniyogaH . mantreNa nyaasaH .. yaa saa~Ngopaa~Ngavedeshhu chaturshhvekaiva giiyate . advaitaa brahmaNaH shaktiH saa maaM paatu sarasvatii .. hriiM aa no divo bR^ihataH parvataadaa sarasvatii yajataaga.n tu yaj~nam.h . hava.n devii jujushhaaNaa ghR^itaachii shagmaa.n no vaachamushatii shruNotu .. 2.. paavakaa na iti mantrasya . madhuchchhanda R^ishhiH . gaayatrii chhandaH . sarasvatii devataa . shriimiti biijashaktiH kiilakam.h . ishhTaarthe viniyogaH . mantreNa nyaasaH .. yaa varNapadavaakyaartha\- svaruupeNaiva vartate . anaadinidhanaanantaa saa maaM paatu sarasvatii .. shriiM paavakaa naH sarasvatii vaajebhirvaajiniivatii . yaj~na.n vashhTu dhiyaa vasuH .. 3.. chodayitriiti mantrasya madhuchchhanda R^ishhiH . gaayatrii chhandaH . sarasvatii devataa . bluumiti biijashaktiH kiilakam.h . mantreNa nyaasaH .. adhyaatmamadhidaiva.n cha devaanaa.n samyagiishvarii . pratyagaaste vadantii yaa saa maaM paatu sarasvatii .. bluuM chodayitrii suunR^itaanaa.n chetantii sumatiinaam.h . yaj~na.n dadhe sarasvatii .. 4.. maho arNa iti mantrasya . madhuchchhanda R^ishhiH . gaayatrii chhandaH . sarasvatii devataa . sauriti biijashaktiH kiilakam.h . mantreNa nyaasaH . antaryaamyaatmanaa vishva.n trailokya.n yaa niyachchhati . rudraadityaaruupasthaa yasyaamaaveshya taaM punaH . dhyaayanti sarvaruupaikaa saa maaM paatu sarasvatii . sauH maho arNaH sarasvatii prachetayati ketunaa . dhiyo vishvaa viraajati .. 5.. chatvaari vaagiti mantrasya uchathyaputra R^ishhiH . trishhTup chhandaH . sarasvatii devataa . aimiti biijashaktiH kiilakam.h . mantreNa nyaasaH . yaa pratyagdR^ishhTibhirjiivairvyajyamaanaanubhuuyate . vyaapinii J`naptiruupaikaa saa maaM paatu sarasvatii .. aiM chatvaari vaak parimitaa padaani taani vidurbraahmaNaa ye maniishhiNaH . guhaa triiNi nihitaa ne~Ngayanti turiiya.n vaacho manushhyaa vadanti .. 6.. yadraagvadantiiti mantrasya bhaargava R^ishhiH . trishhTup chhandaH . sarasvatii devataa . kliimiti biijashaktiH kiilakam.h . mantreNa nyaasaH . naamajaatyaadibhirbhedairashhTadhaa yaa vikalpitaa . nirvikalpaatmanaa vyaktaa saa maaM paatu sarasvatii .. kliiM yadvaagvadantyavichetanaani raashhTrii devaanaa.n nishhasaada mandraa . chatasra uurja.n duduhe payaa.nsi kva svidasyaaH parama.n jagaama .. 7.. devii.n vaachamiti mantrasya bhaargava R^ishhiH . trishhTup chhandaH . sarasvatii devataa . sauriti biijashaktiH kiilakam.h . mantreNa nyaasaH . vyaktaavyaktagiraH sarve vedaadyaa vyaaharanti yaam.h . sarvakaamadudhaa dhenuH saa maaM paatu sarasvatii .. sauH devii.n vaachamajanayanta devaastaa vishvaruupaaH pashavo vadanti . saa no mandreshhamuurja.n duhaanaa dhenurvaagasmaanupasushhTutaitu .. 8.. uta tva iti mantrasya bR^ihaspatirR^ishhiH . trishhTup chhandaH . sarasvatii devataa . samiti biijashaktiH kiilakam.h . mantreNa nyaasaH . yaa.n viditvaakhila.n bandha.n nirmathyaakhilavartmanaa . yogii yaati para.n sthaana.n saa maaM paatu sarasvatii .. saM uta tvaH pashyanna dadarsha vaachamuta tvaH shruNvanna shruNotyenaam.h . uto tvasmai tanva.n 1 visasre jaayeva patya ushatii suvaasaaH .. 9.. ambitama iti mantrasya gR^itsamada R^ishhiH . anushhTup chhandaH . sarasvatii devataa . aimiti biijashaktiH kiilakam.h . mantreNa nyaasaH . naamaruupaatmaka.n sarva.n yasyaamaaveshya taaM punaH . dhyaayanti brahmaruupaikaa saa maaM paatu sarasvatii .. aiM ambitame nadiitame devitame sarasvatii . aprashastaa iva smasi prashastimamba naskR^idhi .. 10.. chaturmukhamukhaambhojavanaha.nsavadhuurmama . maanase ramataa.n nitya.n sarvashuklaa sarasvatii .. 1.. namaste shaarade devi kaashmiirapuravaasini . tvaamahaM praarthaye nitya.n vidyaadaana.n cha dehi me .. 2.. akshasuutraa~Nkushadharaa paashapustakadhaariNii . muktaahaarasamaayuktaa vaachi tishhThatu me sadaa .. 3.. kambukaNThii sutaamroshhThii sarvaabharaNabhuushhitaa . mahaasarasvatii devii jihvaagre sa.nnivishyataam.h .. 4.. yaa shraddhaa dhaaraNaa medhaa vaagdevii vidhivallabhaa . bhaktajihvaagrasadanaa shamaadiguNadaayinii .. 5.. namaami yaaminiinaathalekhaala~NkR^itakuntalaam.h . bhavaaniiM bhavasantaapanirvaapaNasudhaanadiim.h .. 6.. yaH kavitva.n niraata~NkaM bhuktimuktii cha vaa~nchhati . so.abhairchyainaa.n dashashlokyaa nitya.n stauti sarasvatiim.h .. 7.. tasyaiva.n stuvato nitya.n samabhyarchya sarasvatiim.h . bhaktishraddhaabhiyuktasya shhaNmaasaatpratyayo bhavet.h .. 8.. tataH pravartate vaaNii svechchhayaa lalitaaksharaa . gadyapadyaatmakaiH shabdairaprameyairvivakshitaiH .. 9.. ashruto budhyate granthaH praayaH saarasvataH kaviH . ityeva.n nishchaya.n vipraaH saa hovaacha sarasvatii .. 10.. aatmavidyaa mayaa labdhvaa brahmaNaiva sanaatanii . brahmatvaM me sadaa nitya.n sachchidaanandaruupataH .. 11.. prakR^ititva.n tataH sR^ishhTa.n sattvaadiguNasaamyataH . satyamaabhaati chichchhaayaa darpaNe pratibimbavat.h .. 12.. tena chitpratibimbena trividhaa bhaati saa punaH . prakR^ityavachchhinnatayaa purushhatvaM punashcha te .. 13.. shuddhasattvapradhaanaayaaM maayaayaaM bimbito hyajaH . sattvapradhaanaa prakR^itirmaayeti pratipaadyate .. 14.. saa maayaa svavashopaadhiH sarvaj~nasyeshvarasya hi . vashyamaayatvamekatva.n sarvaj~natva.n cha tasya tu .. 15.. saatvikatvaatsamashhTitvaatsaakshitvaajjagataamapi . jagatkartumakartu.n vaa chaanyathaa kartumiishate .. 16.. yaH sa iishvara ityuktaH sarvaj~natvaadibhirguNaiH . shaktidvaya.n hi maayaayaa vikshepaavR^itiruupakam.h .. 17.. vikshepashaktirli~NgaadibrahmaaNDaanta.n jagatsR^ijet.h . antardR^igdR^ishyayorbhedaM bahishcha brahmasargayoH .. 18.. aavR^iNotyaparaa shaktiH saa sa.nsaarasya kaaraNam.h . saakshiNaH purato bhaata.n li~Ngadehena sa.nyutam.h .. 19.. chitichchhaayaasamaaveshaajjiivaH syaadvyaavahaarikaH . asya jiivatvamaaropaatsaakshiNyapyavabhaasate .. 20.. aavR^itau tu vinashhTaayaaM bhede bhaate.apayaati tat.h . tathaa sargabrahmaNoshcha bhedamaavR^itya tishhThati .. 21.. yaa shaktistvadvashaadbrahma vikR^itatvena bhaasate . atraapyaavR^itinaashena vibhaati brahmasargayoH .. 22.. bhedastayorvikaaraH syaatsarge na brahmaNi kvachit.h . asti bhaati priya.n ruupa.n naama chetya.nshapa~nchakam.h .. 23.. aadyatrayaM brahmaruupa.n jagadruupa.n tato dvayam.h . apekshya naamaruupadve sachchidaanandatatparaH .. 24.. samaadhi.n sarvadaa kuryaadhR^idaye vaatha vaa bahiH . savikalpo nirvikalpaH samaadhirdvividho hR^idi .. 25.. dR^ishyashabdaanubhedena sa vikalpaH punardvidhaa . kaamaadyaashchittagaa dR^ishyaastatsaakshitvena chetanam.h .. 26.. dhyaayaddR^ishyaanuviddho.aya.n samaadhiH savikalpakaH . svaanubhuutirasaaveshaaddR^ishyashabdaadyapekshituH .. 28.. nirvikalpaH samaadhiH syaannivaantasthitadiipavat.h . hR^idiiva baahyadeshe.api yasminkasmi.nshcha vastuni .. 29.. samaadhiraadyasanmaatraannaamaruupapR^ithakkR^itiH . stabdhiibhaavo rasaasvaadaattR^itiiyaH puurvavanmataH .. 30.. etaiH samaadhibhiH shhaDbhirnayetkaala.n nirantaram.h . dehaabhimaane galite vij~naate paramaatmani . yatra yatra mano yaati tatra tatra paraamR^itam.h .. 31.. bhidyate hR^idayagranthishchhidyante sarvasa.nshayaaH . kshiiyante chaasya karmaaNi tasmindR^ishhTe paraavare .. 32.. mayi jiivatvamiishatva.n kalpita.n vastuto nahi . iti yastu vijaanaati sa mukto naatra sa.nshayaH .. 33.. ityupanishhat.h .. AUM vaa~Nme manasi pratishhThitaa mano me vaachi pratishhThita\- maaviraaviirma edhi .. vedasya ma aaNiisthaH shrutaM me maa prahaasiiranenaadhiitenaahoraatraansandadhaami R^ita.n vadishhyaami satya.n vadishhyaami tanmaamavatu tadvaktaaramavatvavatu maamavatu vaktaaramavatu vaktaaram.h .. AUM shaantiH shaantiH shaantiH .. iti sarasvatiirahasyopanishhatsamaaptaa .. ##\medskip\hrule\obeylines Encoded by Sunder Hattangadi (sunderh@hotmail.com) {\rm Please send corrections to sanskrit@cheerful.com} {\rm Last updated \today} \end{document}