%@@1
% File name             : sarasrah.itx
%--------------------------------------------
% Text title            : Sarasvati Rahasya Upanishad
% Author                : Vedic Tradition
% Language              : Sanskrit
% Subject               : philosophy/religion/hinduism
% Description/comments  : #106/108;Krishna-YajurVeda--Shakta
% Transliterated by     : S.
% Proofread by          : S.
% Latest update         : Dec. 3, 1999
% Send corrections to   : sanskrit@cheerful.com
%
% Special Instructions  :
% i1h.hdr,ijag.inc,itrans.sty,multicol.sty,iarticle.sty
%
% Transliteration scheme: ITRANS 5.2
% Site access           : http://sanskrit.gde.to
%			           http://www.alkhemy.com/sanskrit/
%			           ftp://jaguar.cs.utah.edu/sanskrit/sanskrit.html
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
% Please ignore the following commands upto #indian and others with
% \ mark,
% which are needed for devanaagarii output and formatting.
%--------------------------------------------------------
%--------------------------------------------------------
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\large #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%  Use the obeyspaceslines line to get proper upanishhad format.
%\def\endtitles{\medskip}
%%
\begin{document}
\engtitle{.. Saraswati Rahasya Upanishad ..}##
\itxtitle{.. sarasvatiirahasyopanishhat.h  ..}##\endtitles##
pratiyogivinirmuktabrahmavidyaikagocharam.h .
akhaNDanirvikalpa.n tadraamachandrapadaM bhaje ..
AUM vaa~Nme manasi pratishhThitaa
mano me vaachi pratishhThitam.h ..
aaviraaviirma edhi vedasya ma aaNiisthaH
shR^itaM me maa prahaasiiH anenaadhiitenaahoraatraansandadhaami
R^ita.n vadishhyaami satya.n vadishhyaami ..
tanmaamavatu tadvaktaaramavatu
avatu maamavatu vaktaaramavatu vaktaaram.h ..
AUM shaantiH   shaantiH   shaantiH ..
hariH AUM ..
R^ishhayo ha vai bhagavantamaashvalaayanaM saMpuujya paprachchhuH
kenopaayena tajj~naana.n tatpadaarthaavabhaasakam.h . yadupaasanayaa
tattva.n jaanaasi bhagavanvada .. 1..
sarasvatiidashashlokyaa saR^ichaa biijamishrayaa .
stutvaa japtvaa paraa.n siddhimalabhaM munipu~NgavaaH .. 2..
R^ishhayaH uuchuH .
katha.n saarasvatapraaptiH kena dhyaanena suvrata .
mahaasarasvatii yena tushhTaa bhagavatii vada .. 3..
sa hovaachaashvalaayanaH .
asya shriisarasvatiidashashlokiimahaamantrasya .
ahamaashvalaayana R^ishhiH . anushhTup.h chhandaH .
shriivaagiishvarii devataa . yadvaagiti biijam.h . devii.n vaachamiti
shaktiH .
AUM praNo deviiti kiilakam.h . viniyogastatpriityarthe . shraddhaa
medhaa
praj~naa dhaaraNaa vaagdevataa mahaasarasvatiityetaira~NganyaasaH ..
niihaarahaaraghanasaarasudhaakaraabhaa.n
      kalyaaNadaa.n kanakachampakadaamabhuushhaam.h .
uttu~Ngapiinakuchakumbhamanoharaa~Ngii.n
      vaaNii.n namaami manasaa vachasaa vibhuutyai .. 1..
AUM praNo deviityasya mantrasya bharadvaaja R^ishhiH .
gaayatrii chhandaH . shriisarasvatii devataa . praNavena
biijashaktiH kiilakam.h . ishhTaarthe viniyogaH . mantreNa nyaasaH ..
yaa vedaantaarthatattvaikasvaruupaa paramaarthataH .
naamaruupaatmanaa vyaktaa saa maaM paatu sarasvati .. 1..
AUM praNo devii sarasvatii vaajebhirvaajeniivatii .
dhiinaamavitryavatu .. 1..
aa no diva iti mantrasya atrirR^ishhiH . trishhTup.h chhandaH .
sarasvatii devataa . hriimiti biijashaktiH kiilakam.h . ishhTaarthe
viniyogaH .
mantreNa nyaasaH ..
yaa saa~Ngopaa~Nga vedeshhu chaturshvekaiva giiyate .
advaitaa brahmaNaH shaktiH saa maaM paatu sarasvatii ..
hriiM aa no divo bR^ihataH parvataadaa
     sarasvatii yajataaga.n tu yaj~nam.h .
hava.n devii jujushhaaNaa ghR^itaacii
     shagmaa.n no vaachamushhatii shruNotu .. 2..
paavakaa na iti mantrasya . madhuchchhanda R^ishhiH .
gaayatrii chhandaH . sarasvatii devataa .
shriimiti biijashaktiH kiilakam.h . ishhTaarthe viniyogaH .
mantreNa nyaasaH ..
yaa varNapadavaakyaarthasvaruupeNaiva vartate .
anaadinidhanaanantaa saa maaM paatu sarasvatii ..
shriiM paavakaa naH sarasvatii vaajebhirvaajiniivatii .
yaj~na.n vashhTu dhiyaa vasuH .. 3..
chodayatriiti mantrasya madhuchchhanda R^ishhiH .
gaayatrii chhandaH . sarasvatii devataa .
bluumiti biijashaktiH kiilakam.h . mantreNa nyaasaH ..
adhyaatmamadhidaiva.n cha devaanaa.n samyagiishvarii .
pratyagaaste vadantii yaa saa maaM paatu sarasvatii ..
bluu.n chodayitrii suunR^itaanaa.n chetantii sumatiinaam.h .
yaj~na.n dadhe sarasvatii .. 4..
maho arNa iti mantrasya . madhuchchhanda R^ishhiH .
gaayatrii chhandaH . sarasvatii devataa . sauriti biijashaktiH
kiilakam.h . mantreNa nyaasaH .
antaryaamyaatmanaa vishva.n trailokya.n yaa niyachchhati .
rudraadityaadiruupasthaa yasyaamaaveshyataaM punaH .
dhyaayanti sarvaruupaikaa saa maaM paatu sarasvatii .
sauH maho arNaH sarasvatii prachetayati ketunaa .
dhiyo vishvaa viraajati .. 5..
chatvaari vaagiti mantrasya uchathyaputro diirghatamaa R^ishhiH .
trishhTup.h chhandaH . sarasvatii devataa . aimiti biijashaktiH
kiilakam.h . mantreNa nyaasaH .
yaa pratyagdR^ishhTibhirjiivairvyajyamaanaanubhuuyate .
vyaapini j~naptiruupaikaa saa maaM paatu sarasvatii ..
ai.n chatvaari vaak.h parimitaa padaani
     taani vidurbraahmaNaa ye maniishhiNaH .
guhaa triiNi nihitaa ne~Ngayanti
      turiiya.n vaacho manushhyaa vadanti .. 6..
yadraagvadantiiti mantrasya bhaargava R^ishhiH .
trishhTup.h chhandaH . sarasvatii devataa .
kliimiti biijashaktiH kiilakam.h . mantreNa nyaasaH .
naamajaatyaadimirbhedairashhTadhaa yaa vikalpitaa .
nirvikalpaatmanaa vyaktaa saa maaM paatu sarasvatii ..
kliiM yadvaagvadantyavichetanaani
      raashhTrii devaanaa.n nishhasaada mandraa .
chatasra uurja.n duduhe payaa.nsi
      kva svidasyaaH parama.n jagaama .. 7..
devii.n vaachamiti mantrasya bhaargava R^ishhiH .
trishhTup.h chhandaH . sarasvatii devataa .
sauriti biijashaktiH kiilakam.h . mantreNa nyaasaH .
vyaktaavyaktagiraH sarve vedaadyaa vyaaharanti yaam.h .
sarvakaamadughaa dhenuH saa maaM paatu sarasvatii ..
sauH devii.n vaachamajanayanta
        devaastaa vishvaruupaaH pashavo vadanti .
saa no mandreshhamuurja.n duhaanaa
        dhenurvaagasmaanupasushhTutaitu ..8..
uta tva iti mantrasya bR^ihaspatirR^ishiH .
trishhTup.hchhandaH . sarasvatii devataa .
samiti biijashaktiH kiilakam.h . mantreNa nyaasaH .
yaa.n viditvaakhilaM bandha.n nirmathyaakhilavartmanaa .
yogii yaati para.n sthaana.n saa maaM paatu sarasvatii ..
saM uta tvaH pashyanna dadarsha vaachamuta tvaH
shR^iNvanna shR^iNotyenaam.h . uto tvasmai tanva.n 1 visasre
jaayeva patya ushatii suvaasaaH .. 9..
ambitama iti mantrasya gR^itsamada R^ishhiH .
anushhTup.h chhandaH . sarasvatii devataa .
aimiti biijashaktiH kiilakam.h . mantreNa nyaasaH .
naamaruupaatmaka.n sarva.n yasyaamaaveshya taM punaH .
dhyaayanti brahmaruupaikaa saa maaM paatu sarasvatii ..
aiM ambitame nadiitame devitame sarasvatii .
aprashastaa iva smasi prashastimamba naskR^idhi .. 10..
chaturmukhamukhaambhojavanaha.nsavadhuurmama .
maanase ramataa.n nitya.n sarvashuklaa sarasvatii .. 1..
namaste shaarade devi kaashmiirapuravaasinii .
tvaamahaM praarthaye nitya.n vidyaadaana.n cha dehi me .. 2..
akshasuutraa~Nkushadharaa paashapustakadhaariNii .
muktaahaarasamaayuktaa vaachi tishhThatu me sadaa .. 3..
kambukaNThii sutaamroshhThii sarvaabharaNabhuushhitaa .
mahaasarasvatii devii jihvaagre sa.nnivishyataam.h .. 4..
yaa shraddhaa dhaaraNaa medhaa vaagdevii vidhivallabhaa .
bhaktajihvaagrasadnaa shamaadiguNadaayinii .. 5..
namaami yaaminiinaathalekhaala~NkR^itakuntalaam.h .
bhavaaniiM bhavasantaapanirvaapaNasudhaanadiim.h .. 6.
yaH kavitva.n niraata~Nka.n bhaktimuktii cha vaa~nchhati .
so.abhyairchyainaa.n dashashlokyaa nitya.n stauti sarasvatiim.h .. 7..
tasyaiva.n stuvato nitya.n samabhyarchya sarasvatiim.h .
bhaktishraddhaabhiyuktasya shhaNmaasaatpratyayo bhavet.h .. 8..
tataH pravartate vaaNii svechchhayaa lalitaaksharaa .
gadyapadyaatmakaiH shabdairaprameyairvivakshitaiH .. 9..
ashruto budhyate granthaH praayaH saarasvataH kaviH .
ityeva.n nishchaya.n vipraaH saa hovaacha sarasvatii .. 10..
aatmavidyaa mayaa labdhaa brahmaNaiva sanaatanii .
brahmatvaM me sadaa nitya.n sachchidaanandaruupataH .. 11..
prakR^ititva.n tataH sR^ishhTa.n sattvaadiguNasaamyataH .
satyamaabhaati chichchhaayaa darpaNe pratibimbavat.h .. 12..
tena chitpratibimbena trividhaa bhaati saa punaH .
prakR^ityavachchhinnatayaa purushhatvaM punashcha te .. 13..
shuddhasattvapradhaanaayaa.n maayaayaaM bimbito hyajaH .
sattvapradhaanaa prakR^itirmaayeti pratipaadyate .. 14..
saa maayaa svavashopaadhiH sarvaj~nasyeshvarasya hi .
vashyamaayatvamekatva.n sarvaj~natva.n cha tasya tu .. 15..
saattvikatvaatsamashhTitvaatsaakshitvaajjagataamapi .
jagatkartumakartu.n vaa chaanyathaa kartumiishate .. 16..
yaH sa iishvara ityuktaH sarvaj~natvaadibhirguNaiH .
shaktidvaya.n hi maayayaa vikshepaavR^ittiruupakam.h .. 17..
vikshepashaktirli~NgaadibrahmaaNDaanta.n jagatsR^ijet.h .
antardR^igdR^ishyayorbhedaM bahishcha brahmasargayoH .. 18..
aavR^iNotyaparaa shaktiH saa sa.nsaarasya kaaraNam.h .
saakshiNaH purato bhaata.n li~Ngadehena sa.nyutam.h .. 19..
chitichchhaayaa samaaveshaajjiivaH syaadvyaavahaarikaH .
asya jiivatvamaaropaatsaakshiNyapyavabhaasate .. 20..
aavR^itau tu vinashhTaayaaM bhede bhaate.apayaati tat.h .
tathaa sargabrahmaNoshcha bhedamaavR^itya tishhThati .. 21..
yaa shaktistvadvashaadbrahma vikR^itatvena bhaasate .
atraapyaavR^itinaashena vibhaati brahmasargayoH .. 22..
bhedastayorvikaaraH syaatsarge na brahmaNi kvachit.h .
asti bhaati priya.n ruupa.n naama chetya.nshapa~nchakam.h .. 23..
aadyatraya.n brahmaruupa.n jagadruupa.n tato dvayam.h .
apekshya naamaruupe dve sachchidaanandatatparaH .. 24..
samaadhi.n sarvadaa kuryaadhR^idaye vaatha vaa bahiH .
savikalpo nirvikalpaH samaadhirdvividho hR^idi .. 25..
dR^ishyashabdaanubhedena sa vikalpaH punardvidhaa .
kaamaadyaashchittagaa dR^ishyaastatsaakshitvena chetanam.h .. 26..
dhyaayeddR^ishyaanuviddho.aya.n samaadhiH savikalpakaH .
asa~NgaH sachchidaanandaH svaprabho dvaitavarjitaH .. 27..
asmiitishabdaviddho.aya.n samaadhiH savikalpakaH .
svaanubhuutirasaaveshaaddR^ishyashabdaadyapekshituH .. 28..
nirvikalpaH samaadhiH syaannivaatasthitadiipavat.h .
hR^idiiva baahyadeshe.api yasminkasmi.nshcha vastuni .. 29..
samaadhiraadyasanmaatraannaamaruupapR^ithakkR^itiH .
stabdhiibhaavo rasaasvaadaattR^itiiyaH puurvavanmataH .. 30..
etaiH samaadhibhiH shhaDbhirnayetkaala.n nirantaram.h .
dehaabhimaane galite vij~naate paramaatmani .
yatra yatra mano yaati tatra tatra paraamR^itam.h .. 31..
bhidyate hR^idayagranthishchhidyante sarvasa.nshayaH .
kshiiyante chaasya karmaaNi tasmindR^ishhTe paraavare .. 32..
mayi jiivatvamiishatva.n kalpita.n vastuto nahi .
iti yastu vijaanaati sa mukto naatra sa.nshayaH .. 33..
AUM vaa~Nme manasi pratishhThitaa .
mano me vaachi pratishhThitam.h .
aaviraaviirma edhi . vedasya ma aaNiisthaH .
shR^itaM me maa prahaasiiH .
anenaadhiitenaahoraatraansandadhaami .
R^ita.n vadishhyaami . satya.n vadishhyaami .
tanmaamavatu . tadvaktaaramavatu .
avatu maamavatu vaktaaramavatu vaktaaram.h ..
.. iti sarasvatiirahasyopanishhatsamaaptaa ..
##\medskip\hrule\obeylines
{\rm Please send corrections to sanskrit@cheerful.com}
{\rm Last updated \today}
\end{document}