%@@1 % File name : ramatapini.itx %-------------------------------------------- % Text title : Ramatapini Upanishad % Author : Vedic tradition % Language : Sanskrit % Subject : philosophy/hinduism % Description/comments : #55 / 108; Atharva Veda - Vaishnava upanishad % Transliterated by : Sunder Hattangadi (sunderh@hotmail.com) % Proofread by : Sunder Hattangadi (sunderh@hotmail.com) % Latest update : May 17, 2000 % Send corrections to : sanskrit@cheerful.com % % Special Instructions: % i1h.hdr,ijag.inc,itrans.sty,multicol.sty,iarticle.sty % Transliteration scheme: ITRANS 5.2 % Site access : % http://sanskrit.gde.to % http://www.alkhemy.com/sanskrit/ % ftp://jaguar.cs.utah.edu/sanskrit/sanskrit.html %----------------------------------------------------- % The text is to be used for personal studies and research only. % Any use for commercial purpose is prohibited as a 'gentleman's' % agreement. % @@2 % % Please ignore the following commands upto #indian and others with % \ mark, % which are needed for devanaagarii output and formatting. %-------------------------------------------------------- %-------------------------------------------------------- %-------------------------------------------------------- \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=50pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\large #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Ramatapini Upanishad ..}## \itxtitle{.. raamataapinyupanishhat.h ..}##\endtitles## shriiraamataapaniiyaarthaM bhaktadhyeyakalevaram.h . vikalevarakaivalya.n shriiraamabrahma me gatiH .. AUM bhadra.n karNebhiH shruNuyaama devaa bhadraM pashyemaakshabhiryajatraaH . sthiraira~NgaistushhTuvaa{\m+}sastanuubhirvyashema devahita.n yadaayuH .. svasti na indro vR^iddhashravaaH svasti naH puushhaa vishvavedaaH . svasti nastaarkshyo arishhTanemiH svasti no bR^ihaspatirdadhaatu .. AUM shaantiH shaantiH shaantiH .. AUM chinmaye.asminmahaavishhNau jaate dasharathe harau . raghoH kule.akhila.n raati raajate yo mahiisthitaH .. 1.. sa raama iti lokeshhu vidvadbhiH prakaTiikR^itaH . raakshasaa yena maraNa.n yaanti svodrekato.athavaa .. 2.. raamanaama bhuvi khyaatamabhiraameNa vaa punaH . raakshasaanmartyaruupeNa raahurmanasija.n yathaa .. 3.. prabhaahiinaa.nstathaa kR^itvaa raajyaarhaaNaaM mahiibhR^itaam.h . dharmamaarga.n charitreNa j~naanamaarga.n cha naamataH .. 4.. tathaa dhyaanena vairaagyamaishvarya.n svasya puujanaat.h . tathaa raatyasya raamaakhyaa bhuvi syaadatha tattvataH .. 5.. ramante yogino.anante nityaanande chidaatmani . iti raamapadenaasau paraM brahmaabhidhiiyate .. 6.. chinmayasyaadvitiiyasya nishhkalasyaashariiriNaH . upaasakaanaa.n kaaryaarthaM brahmaNo ruupakalpanaa .. 7.. ruupasthaanaa.n devataanaaM pu.nstrya~Ngaastraadikalpanaa . dvittatvaarishhaDashhTaanaa.n dasha dvaadasha shhoDasha .. 8.. ashhTaadashaamii kathitaa hastaaH sha~NkhaadibhiryutaaH . sahasraantaastathaa taasaa.n varNavaahanakalpanaa .. 9.. shaktisenaakalpanaa cha brahmaNyeva.n hi pa~nchadhaa . kalpitasya shariirasya tasya senaadikalpanaa .. 10.. brahmaadiinaa.n vaachako.ayaM mantro.anvarthaadisa.nj~nakaH . japtavyo mantriNaa naiva.n vinaa devaH prasiidati .. 11.. kriyaakarmejyakartR^INaamarthaM mantro vadatyatha . mananaantraaNanaanmantraH sarvavaachyasya vaachakaH .. 12.. so.abhayasyaasya devasya vigraho yantrakalpanaa . vinaa yantreNa chetpuujaa devataa na prasiidati .. 13.. iti raamapuurvataapinyupanishhadi prathamopanishhat.h .. 1.. svarbhuurjyotirmayo.anantaruupii svenaiva bhaasate . jiivatvena samo yasya sR^ishhTisthitilayasya cha .. 1.. kaaraNatvena chichchhaktyaa rajaHsattvatamoguNaiH . yathaiva vaTabiijasthaH praakR^itashcha mahaandrumaH .. 2.. tathaiva raamabiijastha.n jagadetachcharaacharam.h . rephaaruuDhaa muurtayaH syuH shaktayastisra eva cheti .. 3.. iti raamataapinyuoanishhadi dvitiiyopanishhat.h .. 2.. siitaaraamau tanmayaavatra puujyau jaataanyaabhyaaM bhuvanaani dvisapta . sthitaani cha prahitaanyeva teshhu tato raamo maanavo maayayaadhaat.h .. 1.. jagatpraaNaayaatmane.asmai namaH syaa\- nnamastvaikyaM pravadetpraagguNeneti .. 2.. iti raamataapinyupanishhadi tR^itiiyopanishhat.h .. 3.. jiivavaachii namo naama chaatmaaraameti giiyate . tadaatmikaa yaa chaturthii tathaa maayeti giiyate .. 1.. mantroya.n vaachako raamo raamo vaachyaH syaadyogaetayoH . phalatashchaiva sarveshhaa.n saadhakaanaa.n na sa.nshayaH .. 2.. yathaa naamii vaachakena naamnaa yo.abhimukho bhavet.h . tathaa biijaatmako mantro mantriNo.abhimukho bhavet.h .. 3.. biijashakti.n nyaseddakshavaamayoH stanayorapi . kiilo madhye vinaa bhaavyaH svavaa~nchhaaviniyogavaan.h .. 4.. sarveshhaameva mantraaNaameshha saadhaaraNaH kramaH . atra raamo.anantaruupastejasaa vahninaa samaH .. 5.. sattvanushhNaguvishvashchedagniishhomaatmaka.n jagat.h . utpannaH siitayaa bhaati chandrashchandrikayaa yathaa .. 6.. prakR^ityaa sahitaH shyaamaH piitavaasaa jaTaadharaH . dvibhujaH kuNDalii ratnamaalii dhiiro dhanurdharaH .. 7.. prasannavadano jetaa ghR^ishhTyashhTakavibhuushhitaH . prakR^ityaa parameshvaryaa jagadyonyaa~Nkitaa~NkabhR^it.h .. 8.. hemaabhayaa dvibhujayaa sarvaala~NkR^itayaa chitaa . shlishhTaH kamaladhaariNyaa pushhTaH kosalajaatmajaH .. 9.. dakshiNe lakshmaNenaatha sadhanushhpaaNinaa punaH . hemaabhenaanujenaiva tathaa koNatrayaM bhavet.h .. 10.. tathaiva tasya mantrasya yasyaaNushcha sva~Nentayaa . eva.n trikoNaruupa.n syaatta.n devaa ye samaayayuH .. 11.. stuti.n chakrushcha jagataH pati.n kalpatarau sthitam.h . kaamaruupaaya raamaaya namo maayaamayaaya cha .. 12.. namo vedaadiruupaaya o~Nkaaraaya namo namaH . ramaadharaaya raamaaya shriiraamaayaatmamuurtaye .. 13.. jaanakiidehabhuushhaaya rakshoghnaaya shubhaa~Ngine . bhadraaya raghuviiraaya dashaasyaantakaruupiNe .. 14.. raamabhadra maheshvaasa raghuviira nR^ipottama . bho dashaasyaantakaasmaaka.n rakshaa.n dehi shriya.n cha te .. 15.. tvamaishvarya.n daapayaatha saMpratyaashvarimaaraNam.h . kurviti stutya devaadyaastena saardha.n sukha.n sthitaaH .. 16.. stuvantyeva.n hi R^ishhayastadaa raavaNa aasuraH . raamapatnii.n vanasthaa.n yaH svanivR^ittyarthamaadade .. 17.. sa raavaNa iti khyaato yadvaa raavaachcha raavaNaH . tadvyaajenekshitu.n siitaa.n raamo lakshmaNa eva cha .. 18.. vicheratustadaa bhuumau devii.n sa.ndR^ishya chaasuram.h . hatvaa kabandha.n shabarii.n gatvaa tasyaaj~nayaa tayaa .. 19.. puujito vaayuputreNa bhaktena cha kapiishvaram.h . aahuuya sha.nsataa.n sarvamaadyanta.n raamalakshmaNau .. 20.. sa tu raame sha~NkitaH sanpratyayaartha.n cha dundubheH . vigraha.n darshayaamaasa yo raamastamachikshipat.h .. 21.. sapta saalaanvibhidyaashu modate raaghavastadaa . tena hR^ishhTaH kapiindro.asau sa raamastasya pattanam.h .. 22.. jagaamaagarjadanujo vaalino vegato gR^ihaat.h . tadaa vaalii nirjagaama ta.n vaalinamathaahave .. 23.. nihatya raaghavo raajye sugriiva.n sthaapayattataH . hariinaahuuya sugriivastvaaha chaashaavido.adhunaa .. 24.. aadaaya maithiliimadya dadataashvaashu gachchhata . tatastataara hanumaanabdhi.n la~Nkaa.n samaayayau .. 25.. siitaa.n dR^ishhTvaa.asuraanhatvaa pura.n dagdhvaa tathaa svayam.h . aagatya raameNa saha nyavedayata tattvataH .. 26.. tadaa raamaH krodharuupii taanaahuuyaatha vaanaraan.h . taiH saardhamaadaayaastraaNi purii.n la~Nkaa.n samaayayau .. 27.. taa.n dR^ishhTvaa udadhiishena saardha.n yuddhamakaarayat.h . ghaTashrotrasahasraakshajidbhyaa.n yukta.n tamaahave.. 28.. hatvaa bibhiishhaNa.n tatra sthaapyaatha janakaatmajaam.h . aadaayaa~Nkasthitaa.n kR^itvaa svapura.n tairjagaama saH .. 29.. tataH si.nhaasanasthaH san dvibhujo raghunandanaH . dhanurdharaH prasannaatmaa sarvaabharaNabhuushhitaH .. 30.. mudraa.n j~naanamayii.n yaamye vaame tejaprakaashiniim.h . dhR^itvaa vyaakhyaananiratashchinmayaH parameshvaraH .. 31.. udagdakshiNayoH svasya shatrughnabharatau tataH . hanuumanta.n cha shrotaaramagrataH syaattrikoNagam.h .. 32.. bharataadhastu sugriiva.n shatrughnaadho bibhiishhaNam.h . pashchime lakshmaNa.n tasya dhR^itachchhratra.n sachaamaram.h .. 33.. tadadhastau taalavR^intakarau tryasraM punarbhavet.h . eva.n shhaTkoNamaadau svadiirghaa~Ngaireshha sa.nyutaH .. 34.. dvitiiya.n vaasudevaadyairaagneyaadishhu sa.nyutaH . tR^itiiya.n vaayusuunu.n cha sugriivaM bharata.n tathaa .. 35.. bibhiishhaNa.n lakshmaNa.n cha a~Ngada.n chaarimardanam.h . jaambavanta.n cha tairyuktastato dhR^ishhTirjayantakaH .. 36.. vijayashcha suraashhTrashcha raashhTravardhana eva cha . ashoko dharmapaalashcha sumantrashchaibhiraavR^itaH .. 37.. tataH sahasradR^igvahnirdharmaj~no varuNo.anilaH . indviishadhaatranantaashcha dashabhishchaibhiraavR^itaH .. 38.. bahistadaayudhaiH puujyo niilaadibhirala~NkR^itaH . vasishhThavaamadevaadimunibhiH samupaasitaH .. 39.. evamuddeshataH prokta.n nirdeshastasya chaadhunaa . trirekhaapuTamaalikhya madhye taaradvaya.n likhet.h .. 40.. tanmadhye biijamaalikhya tadadhaH saadhyamaalikhet.h . dvitiiyaanta.n cha tasyordhva.n shhashhThyanta.n saadhaka.n tathaa .. 41.. kuru dvaya.n cha tatpaarshve likhedbiijaantare ramaam.h . tatsarvaM praNavaabhyaa.n cha veshhTayechchhuddhabuddhimaan.h .. 42.. diirghabhaaji shhaDasre tu likhedbiija.n hR^idaadibhiH . koNapaarshve ramaamaaye tadagre.ana~Ngamaalikhet.h .. 43.. krodha.n koNaagraantareshhu likhya mantryabhito giram.h . vR^ittatraya.n saashhTapatra.n saroje vilikhetsvaraan.h .. 44.. kesare chaashhTapatre cha vargaashhTakamathaalikhet.h . teshhu maalaamanorvarNaanvilikheduurmisa.nkhyayaa .. 45.. ante pa~nchaaksharaaNyevaM punarashhTadala.n likhet.h . teshhu naaraayaNaashhTaarNaa.n{}likhya tatkesare ramaam.h .. 46.. tadbahirdvaadashadala.n vilikheddvaadashaaksharam.h . athoM namo bhagavate vaasudevaaya ityayam.h .. 47.. aadikshaantaankesareshhu vR^ittaakaareNa sa.mlikhet.h . tadbahiH shhoDashadala.n likhya tatkesare hR^iyam.h .. 48.. varmaastranatisa.nyukta.n daleshhu dvaadashaaksharam.h . tatsandhishhvirajaadiinaaM mantraanmantrii samaalikhet.h .. 49.. hraM sraM bhraM vraM luu.c.n shraM jraM cha likhetsamyaktato bahiH . dvaatri.nshaaraM mahaapadma.n naadabindusamaayutam.h .. 50.. vilikhenmantraraajaarNaa.nsteshhu patreshhu yatnataH . dhyaayedashhTavasuunekaadasharudraa.nshcha tatra vai .. 51.. dvaadashenaa.nshcha dhaataara.n vashhaTkaara.n cha tadbahiH . bhuugR^iha.n vajrashuulaaDhya.n rekhaatrayasamanvitam.h .. 52.. dvaaropata.n cha raashyaadibhuushhitaM phaNisa.nyutam.h . ananto vaasukishchaiva takshaH karkoTapadmakaH .. 53.. mahaapadmashcha sha~Nkhashcha guliko.ashhTau prakiirtitaaH . evaM maNDalamaalikhya tasya dikshu vidikshu cha .. 54.. naarasi.nha.n cha vaaraaha.n likhenmantradvaya.n tathaa . kuuTo rephaanugrahendunaadashaktyaadibhiryutaH .. 55.. yo nR^isi.nhaH samaakhyaato grahamaaraNakarmaNi . antyaa~Nghriishaviyadbindunaadairbiija.n cha saukaram.h .. 56.. hu.nkaara.n chaatra raamasya maalamantro.adhuneritaH . taaro natishcha nidraayaaH smR^itirbhedashcha kaamikaa .. 57.. rudreNa sa.nyutaa vahnimedhaamaravibhuushhitaa . diirghaa kruurayutaa hlaadinyatho diirghasamaayutaa .. 58.. kshudhaa krodhinyamoghaa cha vishvamapyatha medhayaa . yuktaa diirghajvaalinii cha susuukshmaa mR^ityuruupiNii .. 59.. sapratishhThaa hlaadinii tvakkshvelapriitishcha saamaraa . jyotistiikshNaagnisa.nyuktaa shvetaanusvaarasa.nyutaa .. 60.. kaamikaapa~nchamuulaantastaantaanto thaanta ityatha . sa saananto diirghayuto vaayuH suukshmayuto vishhaH .. 61.. kaamikaa kaamakaa rudrayuktaatho.atha sthiraatapaa . taapanii diirghayuktaa bhuuranalo.anantago.anilaH .. 62.. naaraayaNaatmakaH kaalaH praaNaabho vidyayaa yutaH . piitaaraatistathaa laanto yonyaa yuktastato natiH .. 63.. saptachatvaari.nshadvarNaguNaantaHspR^i~NmanuH svayam.h . raajyaabhishhiktasya tasya raamasyoktakramaallikhet.h .. 64.. ida.n sarvaatmaka.n yantraM praaguktamR^ishhisevitam.h . sevakaanaaM mokshakaramaayuraarogyavardhanam.h .. 65.. aputraaNaaM putrada.n cha bahunaa kimanena vai . praapnuvanti kshaNaatsamyagatra dharmaadikaanapi .. 66.. ida.n rahasyaM paramamiishvareNaapi durgamam.h . ida.n yantra.n samaakhyaata.n na deya.n praakR^ite jane .. 67.. iti.. iti turiiyopanishhat.h .. AUM bhuutaadika.n shodhayeddvaarapuujaaM kR^itvaa padmaadyaasanasthaH prasannaH . archaavidhaavasya piiThaadharordhva\- paarshvaarchanaM madhyapadmaarchana.n cha .. 1.. kR^itvaa mR^idushlakshNasutuulikaayaaM ratnaasane deshikamarchayitvaa . shakti.n chaadhaaraakhyakaa.n kuurmanaagau pR^ithivyabja svaasanaadhaH prakalpya .. 2.. vighnesha.n durgaa.n kshetrapaala.n cha vaaNiiM biijaadikaa.nshchaagnideshaadikaa.nshcha . piiThasyaa~Nghrishhveva dharmaadikaa.nshcha natvaa puurvaadyaasu diikshvarchayechcha .. 3.. madhye kramaadarkavidhvagnitejaa.n\- syuparyuparyaadimairarchitaani . rajaH satva.n tama etaan vR^itta\- trayaM biijaaDhya.n kramaadbhaavayechcha .. 4.. aashaavyaashaasvapyathaatmaanamanta\- raatmaana.n vaa paramaatmaanamantaH . j~naanaatmaana.n chaarchayettasya dikshu maayaavidye ye kalaapaaratattve .. 5.. saMpuujayedvimalaadiishcha shaktii\- rabhyarchayeddevamavaahayechcha . a~Ngavyuuhaanilajaadyaishcha puujya ghR^ishhTyaadikairlokapaalaistadastraiH .. 6.. vasishhThaadyairmunibhirniilamukhyai\- raaraadhayedraaghava.n chandanaadyaiH . mukhyopahaarairvividhaishcha puujyai\- stasmai japaadii.nshcha samyakprakalpya .. 7.. evaMbhuuta.n jagadaadhaarabhuutaM raama.n vande sachchidaanandaruupam.h . gadaarisha~NkhaabjadharaM bhavaariM sa yo dhyaayenmokshamaapnoti sarvaH .. 8.. vishvavyaapii raaghavo yastadaanii\- mantardadhe sh~Nkhachakre gadaabje . dhR^itvaa ramaasahitaH saanujashcha sapattanaH saanugaH sarvalokii .. 9.. tadbhaktaa ye labdhakaamaa.nshcha bhuktvaa tathaa padaM parama.n yaanti te cha . imaa R^ichaH sarvakaamaarthadaashcha ye te paThantyamalaa yaanti moksham.h .. 10.. iti pa~nchamo.apanishhat.h .. chinmaye.asmi.nstrayodasha . svabhuurjyotistisraH . siitaaraamaavekaa . jiivavaachii shhaTshhashhTiH . bhuutaadikamekaadasha . pa~nchakhaNDeshhu trinavatiH . iti shriiraamapuurvataapinyupanishhatsamaaptaa .. raamottarataapinyupanishhat.h AUM bR^ihaspatiruvaacha yaaj~navalkyam.h . yadanu kurukshetra.n devaanaa.n devayajana.n sarveshhaaM bhuutaanaaM brahmasadanamavimukta.n vai kurukshetra.n devaanaa.n devayajana.n sarveshhaaM bhuutaanaa.n brahmasadanam.h . tasmaadyatra kvachana gachchhati tadeva manyetetiida.n vai kurukshetra.n devaanaa.n devayajana.n sarveshhaaM bhuutaanaaM brahmasadanam.h . atra hi jantoH praaNeshhuutkramamaaNeshhu rudrastaarakaM brahma vyaachashhTe yenaasaavamR^itiibhuutvaa mokshiibhavati . tasmaadavimuktameva nishheveta . avimukta.n na vimu~nchet.h . evamevaitadyaaj~navalkya .. 1.. atha hainaM bhaaradvaajaH paprachchha yaaj~navalkya.n ki.n taaraka.n ki.n taarayatiiti . sa hovaacha yaaj~navalkyastaaraka.n diirghaanalaM bindupuurvaka.n diirghaanalaM punarmaayaa.n namashchandraaya namo bhadraaya nama ityetadbrahmaatmikaaH sachchidaanandaakhyaa ityupaasitavyam.h . akaaraH prathamaaksharo bhavati . ukaarodvitiiyaaksharo bhavati . makaarastR^itiiyaaksharo bhavati . ardhamaatrashchaturthaaksharo bhavati . binduH pa~nchamaaksharo bhavati . naadaH shhashhThaaksharo bhavati . taarakatvaattaarako bhavati . tadeva taarakaM brahma tva.n viddhi . tadevopaasitavyamiti j~neyam.h . garbhajanmajaraamaraNasa.nsaaramahadbhayaatsa.ntaarayatiiti . tasmaaduchyate shhaDakshara.n taarakamiti . . ya etattaarakaM brahma braahmaNo nityamadhiite . sa paapmaana.n tarati . sa mR^ityu.n tarati . sa brahmahatyaa.n tarati . sa bhruuNahatyaa.n tarati. sa sa.nsaara.n tarati . sa sarva.n tarati . so.avimuktamaashrito bhavati . sa mahaanbhavati . so.amR^itatva.n cha gachchhati .. 2.. atraite shlokaa bhavanti . akaaraksharasaMbhuutaH saumitrirvishvabhaavanaH . ukaaraaksharasaMbhuutaH shatrughnastaijasaatmakaH .. 1.. praaj~naatmakastu bharato makaaraaksharasaMbhavaH . ardhamaatraatmako raamo brahmaanandaikavigrahaH .. 2.. shriiraamasaa.nnidhyavashaajjagadaadhaarakaariNii . utpattisthitisa.nhaarakaariNii sarvadehinaam.h .. 3.. saa siitaa bhavati j~neyaa muulaprakR^itisa.nj~nitaa . praNavatvaatprakR^itiriti vadanti brahmavaadinaH .. 4.. iti.. omityetadaksharamida.n sarva.n tasyopavyaakhyaanaM bhuutaM bhavyaM bhavishhyaditi sarvamo~Nkaara eva . yachchaanyattrikaalaatiita.n tadapyo~Nkaara eva . sarva.n hyetadbrahma . ayamaatmaa brahma so.ayamaatmaa chatushhpaajjaagaritasthaano bahiHpraj~naH saptaa~Nga ekonavi.nshatimukhaH sthuulabhugvaishvaanaraH prathamaH paadaH .. svapnasthaano.antaHpraj~naH saptaa~Nga ekonavi.nshatimukhaH praviviktabhuk taijaso dvitiiyaH paadaH . yatra supto na ka.nchana kaama.n kaamayate na ka.nchana svapnaM pashyati tatsushhuptam.h . sushhuptasthaana ekiibhuutaH praj~naanaghanaevaanandamayo hyaanandabhuk chetomukhaH praaj~nastR^itiiyaH paadaH . eshha sarveshvara eshha sarvaj~na eshho.antaryaamyeshha yoniH sarvasya prabhavaapyayau hi bhuutaanaam.h . naantaHpraj~na.n na bahiHpraj~na.n nobhayataHpraj~na.n na praj~na.n naapraj~na.n na praj~naanaghanamadR^ishya\- mavyavahaaryamagraahyamalakshaNamachintyamavyapadeshya\- mekaatmapratyayasaaraM prapa~nchopashama.n shaanta.n shivamadvaita.n chaturthaM manyante . sa aatmaa sa vij~neyaH sadojjvalo.avidyaatatkaaryahiinaH svaatmabandhaharaH sarvadaa dvaitarahita aanandaruupaH sarvaadhishhThaanasanmaatro nirastaavidyaatamomoho.ahameveti saMbhaavyaahamo.nta\- tsadyatparaMbrahma raamachandrashchidaatmakaH . so.ahamontadraamabhadrapara.njyotiiraso.ahamomityaa\- tmaanamaadaaya manasaa brahmaNaikiikuryaat.h .. sadaa raamo.ahamasmiiti tattvataH pravadanti ye . na te sa.nsaariNo nuuna.n raama eva na sa.nshayaH .. ityupanishhat.h .. ya eva.n veda sa mukto bhavatiiti yaaj~navalkyaH .. atha hainamatriH paprachchha yaaj~navalkya.n ya eshho.ananto.avyaktaparipuurNaanandaikachidaatmaa ta.n kathamaha.n vijaaniiyaamiti . sa hovaacha yaaj~navalkyaH . so.avimukta upaasyo.ayam.h . eshho.ananto.avyakta aatmaa so.avimukte pratishhThita iti . so.avimuktaH kasminpratishhThita iti . varaNaayaa.n naasyaa.n cha madhye pratishhThita iti .. kaa vai varaNaa kaa cha naasiiti . janmaantarakR^itaansarvaa\- ndoshhanvaarayatiiti tena varaNaa bhavatiiti . sarvaanindriyakR^itaanpaapaannaashayatiiti tena naasii bhavatiiti . katamachchaasya sthaanaM bhavatiiti . bhruvorghraaNasya cha yaH sandhiH sa eshha dyaurlokasya parasya cha sandhirbhavatiiti . etadvai sandhi.n sandhyaaM brahmavida upaasata iti .. so.avimukta upaasya iti . so.avimukta.n j~naanamaachashhTe yo vaa etadeva.n veda .. atha taM pratyuvaacha . shriiraamasya manu.n kaashyaa.n jajaapa vR^ishhabhadhvajaH . manvantarasahasraistu japahomaarchanaadibhiH ..1.. tataH prasanno bhagavaa~nchhriiraamaH praaha sha.nkaram.h . vR^iNiishva yadabhiishhTa.n taddaasyaami parameshvara .. 2.. iti .. atha sachchidaanandaatmaana.n shriiraamamiishvaraH paprachchha . maNikarNyaaM mama kshetre ga~Ngaayaa.n vaa taTe punaH . mriyeta dehii tajjantormuktirnaa.ato varaantaram.h .. 3.. iti .. atha sa hovaacha shriiraamaH .. kshetre.asmi.nstava devesha yatra kutraapi vaa mR^itaaH . kR^imikiiTaadayo.apyaashu muktaaH santu na chaanyathaa .. 4.. avimukte tava kshetre sarveshhaaM muktisiddhaye . aha.n sa.nnihitastatra paashhaaNapratimaadishhu .. 5.. kshetre.asminyo.archayedbhaktyaa mantreNaanena maa.n shiva . brahmahatyaadipaapebhyo mokshayishhyaami maa shuchaH .. 6.. tvatto vaa brahmaNo vaapi ye labhante shhaDaksharam.h . jiivanto mantrasiddhaaH syurmuktaa maaM praapnuvanti te .. 7.. mumuurshhordakshiNe karNe yasya kasyaapi vaa svayam.h . upadekshyasi manmantra.n sa mukto bhavitaa shiva .. 8.. iti shriiraamachandreNoktam.h .. atha hainaM bhaaradvaajo yaaj~navalkyamuvaachaatha kairmantraiH stutaH shriiraamachandraH priito bhavati . svaatmaana.n darshayati taanno bruuhi bhagavanniti . sa hovaacha yaaj~navalkyaH .. puurva.n satyaloke shriiraamachandreNaiva.n shikshito brahmaa punaretayaa gaathayaa namaskaroti .. vishvaruupadhara.n vishhNu.n naaraayaNamanaamayam.h . puurNaanandaikavij~naanaM paraM brahmasvaruupiNam.h .. manasaa sa.nsmaranbrahma tushhTaava parameshvaram.h . AUM yo ha vai shriiraamachandraH sa bhagavaanadvaitaparamaananda aatmaa yatparaM brahma bhuurbhuvaH suvastasmai vai namo namaH .. 1.. yathaa prathamamantroktaavaadyantau tathaa sarvamantreshhu j~naatavyau .. yashchaakhaNDaikarasaatmaa .. 2.. yachcha brahmaanandaamR^itam.h .. 3.. yattaarakaM brahma .. 4.. yo brahmaa vishhNurmaheshvaro yaH sarvadevaatmaa .. 5.. ye sarve vedaaH saa~NgaaH sashaakhaaH setihaasapuraaNaaH .. 6.. yo jiivaantaraatmaa .. 7.. yaH sarvabhuutaantaraatmaa .. 8.. ye devaasuramanushhyaadibhaavaaH .. 9.. ye matsyakuurmaadyavataaraaH .. 10.. yo.antaHkaraNachatushhTayaatmaa .. 11.. yashcha praaNaH .. 12.. yashcha yamaH .. 13.. yashchaantakaH .. 14.. yashcha mR^ityuH .. 15.. yachchaamR^itam.h .. 16.. yaani cha pa~nchamahaabhuutaani .. 17.. yaH sthaavaraja~Ngamaatmaa .. 18.. ye pa~nchaagnayaH .. 19.. yaaH sapta mahaavyaahR^itayaH .. 20.. yaa vidyaa .. 21.. yaa sarasvatii .. 22.. yaa lakshmiiH .. 23.. yaa gaurii .. 24.. yaa jaanakii .. 25.. yachcha trailokyam.h .. 26.. yaH suuryaH .. 27.. yaH somaH .. 28.. yaani cha nakshatraaNi .. 29.. ye cha nava grahaaH .. 30.. ye chaashhTau lokapaalaaH .. 31.. ye chaashhTau vasavaH .. 32.. ye chaikaadasha rudraaH .. 33.. ye cha dvadishaadityaaH .. 34.. yachcha bhuutaM bhavyaM bhavishhyat.h .. 35.. yadbrahmaaNDasya bahirvyaaptam.h .. 36.. yo hiraNyagarbhaH .. 37.. yaa prakR^itiH .. 38.. yashcho~NkaaraH .. 39.. yaashchatasro.ardhamaatraaH .. 40.. yaH paramapurushhaH .. 41.. yashcha maheshvaraH .. 42.. yashcha mahaadevaH .. 43.. ya AUM namo bhagavate vaasudevaaya .. 44.. yo mahaavishhNuH .. 45.. yaH paramaatmaa .. 46.. yo vij~naanaatmaa .. 47.. AUM yo ha vai shriiraamachandraH sa bhagavaanadvaitaparamaananda aatmaa . yaH sachchidaanandaadvaitaikachidaatmaa bhuurbhuvaH suvastasmai vai namo namaH .. iti taanbrahmaabraviit.h . saptachatvaari.nshanmantrairnitya.n deva.n stuvadhvam.h . tato devaH priito bhavati . svaatmaana.n darshayati . tasmaadya etairmantrairnitya.n deva.n stauti sa devaM pashyati . so.amR^itatva.n gachchhatiiti mahopanishhat.h .. 5.. atha hainaM bhaaradvaajo yaaj~navalkyamupasametyovaacha shriiraamamantraraajasya maahaatmyamanubruuhiiti . sa hovaacha yaaj~navalkyaH . svaprakaashaH para.njyotiH svaanubhuutyaikachinmayaH . tadeva raamachandrasya manoraadyaksharaH smR^itaH .. 1.. akhaNDaikarasaanandastaarakabrahmavaachakaH . raamaayeti suvij~neyaH satyaanandachidaatmakaH .. 2.. namaHpada.n suvij~neyaM puurNaanandaikakaaraNam.h . sadaa namanti hR^idaye sarve devaa mumukshavaH .. 3.. iti .. ya evaM mantraraaja.n shriiraamachandrashhaDakshara.n nityamadhiite . so.agnipuuto bhavati . sa vaayupuuto bhavati . sa aadityapuuto bhavati . sa somapuuto bhavati . sa brahmapuuto bhavati . sa vishhNupuuto bhavati . sa rudrapuuto bhavati . sarvairdevairj~naato bhavati . sarvakratubhirishhTavaanbhavati . tenetihaasapuraaNaanaa.n rudraaNaa.n shatasahasraaNi japtaani phalaani bhavanti . shriiraamachandramanusmaraNena gaayatryaH shatasahasraaNi japtaani phalaani bhavanti . praNavaanaamayutakoTijapaa bhavanti . dasha puurvaandashottaraanpunaati . sa pa~Nktipaavano bhavati . sa mahaanbhavati . so.amR^itatva.n cha gachchhati .. atraite shlokaa bhavanti . gaaNapatyeshhu shaiveshhu shaaktasaureshhvabhiishhTadaH . vaishhNaveshhvapi sarveshhu raamamantraH phalaadhikaH .. 4.. gaaNapatyaadi mantreshhu koTikoTiguNaadhikaH . mantrasteshhvapyanaayaasaphalado.aya.n shhaDaksharaH .. 5.. shhaDaksharo.ayaM mantraH syaatsarvaaghaughanivaaraNaH . mantraraaja iti proktaH sarveshhaamuttamottamaH .. 6.. kR^ita.n dine yadduritaM pakshamaasartuvarshhajam.h . sarva.n dahati niHsheshha.n tuularaashimivaanalaH .. 7.. brahmahatyaasahasraaNi j~naanaaj~naanakR^itaani cha . svarNasteyasuraapaanagurutalpaayutaani cha .. 8.. koTikoTisahasraaNi upapaatakajaanyapi . sarvaaNyapi praNashyanti raamamantraanukiirtanaat.h .. 9.. bhuutapretapishaachaadyaaH kuushhmaaNDabrahmaraakshasaaH . duuraadeva pradhaavanti raamamantraprabhaavataH .. 10.. aihalaukikamaishvarya.n svargaadyaM paaralaukikam.h . kaivalyaM bhagavattva.n cha mantro.aya.n saadhayishhyati .. 11.. graamyaaraNyapashughnatva.n sa.nchita.n duruta.n cha yat.h . madyapaanena yatpaapa.n tadapyaashu vinaashayet.h .. 12.. abhakshyabhakhakshaNotpannaM mithyaaj~naanasamudbhavam.h . sarva.n viliiyate raamamantrasyaasyaiva kiirtanaat.h .. 13.. shrotriyasvarNaharaNaadyachcha paapamupasthitam.h . ratnaadeshchaapahaareNa tadapyaashu vinaashayet.h .. 14.. braahmaNa.n kshatriya.n vaishya.n shuudra.n hatvaa cha kilbishham.h . sa.nchinoti naro mohaadyadyattadapi naashayet.h .. 15.. gatvaapi maataraM mohaadagamyaashchaiva yoshhitaH . upaasyaanena mantreNa raamastadapi naashayet.h .. 16.. mahaapaatakapaapishhThasa~Ngatyaa sa.nchita.n cha yat.h . naashayettatkathaalaapashayanaasanabhojanaiH .. 17.. pitR^imaatR^ivadhotpannaM buddhipuurvamagha.n cha yat.h . tadanushhThaanamaatreNasarvametadviliiyate .. 18.. yatprayaagaaditiirthoktapraayashchittashatairapi . naivaapanodyate paapa.n tadapyaashu vinaashayet.h .. 19.. puNyakshetreshhu sarveshhu kurukshetraadishhu svayam.h . buddhipuurvamagha.n kR^itvaa tadapyaashuvinaashayet.h .. 20.. kR^ichchhraistaptaparaakaadyairnaanaachaandraayaNairapi . paapa.n cha naapanodya.n yattadapyaashu vinaashayet.h .. 21.. aatmatulyasuvarNaadidaanairbahuvidhairapi . ki.nchidapyaparikshiiNa.n tadapyaashu vinaashayet.h .. 22.. avasthaatritayeshhvevabuddhipuurvamagha.n cha yat.h . tanmantrasmaraNenaiva niHsheshhaM praviliiyate .. 23.. avasthaatritayeshhvevaM muulabandhamantra.n cha yat.h . tattanmantropadeshena sarvametatpraNashyati .. 24.. aabrahmabiijadoshhaashcha niyamaatikramodbhvaaH . striiNaa.n cha purushhaaNaa.n cha mantreNaanena naashitaaH .. 25.. yeshhu yeshhvapi desheshhu raamabhadra upaasyate . durbhikshaadibhaya.n teshhu na bhavettu kadaachana .. 26.. shaantaH prasannavadano hyakrodho bhaktavatsalaH . anena sadR^isho mantro jagatsvapi na vidyate .. 27.. samyagaaraadhito raamaH prasiidatyeva satvaram.h . dadaatyaayushhyamaishvaryamante vishhNupada.n cha yat.h .. 28.. tadetadR^ichaabhyuktam.h . R^icho akshare parame vyomanyasmindevaa adhi vishve nishheduH . yastanna veda kimR^ichaa karishhyati ya ittadvidusta ime samaasate . tadvishhNoH paramaM pada.n sadaa pashyanti suurayaH . diviiva chakshuraatatam.h . tadvipraaso vipanyavo jaagR^ivaa.nsaH samindhate . vishhNoryatparamaM padam.h . AUM satyamityupanishhat.h .. 6.. AUM bhadra.n karNebhiH shruNuyaama devaa bhadraM pashyemaakshabhiryajatraaH . sthiraira~NgaistushhTuvaa{\m+}sastanuubhirvyashema devahita.n yadaayuH .. svasti na indro vR^iddhashravaaH svasti naH puushhaa vishvavedaaH . svasti nastaarkshyo arishhTanemiH svasti no bR^ihaspatirdadhaatu .. AUM shaantiH shaantiH shaantiH .. iti raamottarataapinyupanishhatsamaaptaa .. iti raamataapinyupanishhatsamaaptaa.. ## \medskip\hrule\obeylines Encoded by Sunder Hattangadi (sunderh@hotmail.com) {\rm Please send corrections to sanskrit@cheerful.com} {\rm Last updated \today} \end{document}